கார்

பிரெஞ்சு கார் தயாரிப்பாளரான சிட்ரோயன், இந்திய சந்தைக்காக தனது போர்ட்ஃபோலியோவை பன்முகப்படுத்த முயற்சிக்கிறது, மேலும் சமீபத்தில் இந்தியாவில் C3 ஸ்போர்ட் மாடலை அறிமுகப்படுத்தியது. என்ட்ரி லெவல் ஹேட்ச்பேக் வழக்கமான C3 மாடல்களில் இருந்து வேறுபடுத்திக் காட்டும் பல ஒப்பனை மாற்றங்கள் மற்றும் ஆக்ரோஷமான வடிவமைப்பு மொழியைப் பெறுகிறது. இப்போது, சிட்ரோயன் C3 ஸ்போர்ட் மாடல் டீலர்ஷிப்களுக்கு வரத் தொடங்கியுள்ளது.

எஞ்சின் மற்றும் பவர்டிரெய்ன்:

சிட்ரோயன் C3 ஸ்போர்ட் மாடல் 1.2 லிட்டர் டர்போ ப்யூர்டெக் எஞ்சின் மூலம் இயக்கப்படுகிறது. இது முறையே 110 hp பவர் மற்றும் 205 Nm டார்க் வெளிப்படுத்தும் திறன் கொண்டுள்ளது. இந்த எஞ்சின் 6-ஸ்பீடு மேனுவல் மற்றும் 6-ஸ்பீடு டார்க் கன்வெர்ட்டர் ஆட்டோமேட்டிக் கியர்பாக்ஸுடன் இணைக்கப்பட்டுள்ளது.

சிட்ரோயன் C3 ஸ்போர்ட் மாடல்: வெளிப்புறம்

சிட்ரோயன் C3 ஸ்போர்ட் மாடல் நிலையான C3 மாடலை அடிப்படையாகக் கொண்டது. எனவே இது அதே மாடலை போன்ற தோற்றம் கொண்டுள்ளது. இருப்பினும், ஸ்போர்ட் மாடல் ஹேட்ச்பேக் வெளிப்புறத்தில் ஆக்ரோஷமான ஸ்டைலிங்கைப் பெறுகிறது. முன்புற பம்பர், ஹூட், கதவுகள் மற்றும் டெயில்கேட்டில் ஸ்போர்ட்டி கிராபிக்ஸ், பானட்டில் C3 பேட்ஜ் இடம்பெற்றுள்ளது. மேலும், பிரெஞ்சு கார் தயாரிப்பாளர் கார்னெட் ரெட் நிறத்தை புதிதாக சேர்த்துள்ளது.

சிட்ரோயன் C3 ஸ்போர்ட் மாடல்: உட்புறம்

C3 ஸ்போர்ட் மாடல் 'SPORT' டெக்கல்கள், சுற்றுப்புற விளக்குகள் மற்றும் ஸ்போர்ட்டி பெடல்களைக் கொண்டுள்ளது. உள்புறம், கேபினில் இருக்கை கவர்கள், சீட் பெல்ட் மெத்தைகள் மற்றும் கார்பெட் பாய்கள் உள்ளன - இவை அனைத்தும் C3 இன் ஸ்போர்ட் அடையாளத்தை சேர்க்கும் வகையில் வடிவமைக்கப்பட்டுள்ளன.

சிட்ரோயன் C3 ஸ்போர்ட் மாடல்: விலை

சிட்ரோயன் C3 லிமிடெட் ஸ்போர்ட் எடிஷன், நிலையான மாடல்களை விட ரூ.21,000 அதிகமாக விலையில் வருகிறது. டேஷ்கேம் மற்றும் வயர்லெஸ் சார்ஜர் கொண்ட ஆப்ஷனல் டெக் கிட் ரூ.15,000 விலையில் கிடைக்கிறது. இதன் ஆரம்ப விலை ரூ.6.23 லட்சம் (எக்ஸ்-ஷோரூம்) ஆகும்.

மஹிந்திரா XUV 3XO REVX இந்தியாவில் ரூ.8.94 லட்சம் (எக்ஸ்-ஷோரூம்) ஆரம்ப விலையில் அறிமுகம் செய்யப்பட்டது. புதிய சி-பிரிவு SUV இப்போது சில வடிவமைப்பு மாற்றங்களையும் அம்சங்களில் அப்டேட்களையும் பெற்றுள்ளது. மஹிந்திரா XUV 3XO REVX- REVX M, REVX M(O), மற்றும் REVX A என மூன்று வேரியண்ட்களைக் கொண்டுள்ளது.

எஞ்சின் மற்றும் பவர்டிரெய்ன்:

மஹிந்திரா XUV 3XO REVX மாடல் பெட்ரோல் எஞ்சின் ஆப்ஷன்களுடன் கிடைக்கின்றன. இதில் 110 hp பவரையும் 200 Nm டார்க்கையும் வழங்கும் 1.2L mStallion TCMPFi எஞ்சின் மற்றும் 131 hp மற்றும் 230 Nm ஐ வெளியேற்றும் 1.2L mStallion TGDi எஞ்சின் ஆகியவை அடங்கும்.

வெளிப்புற அப்டேட்கள்:

மஹிந்திரா XUV 3XO REVX வெளிப்புறத்தில் நிறைய மாற்றங்களைப் பெறுகிறது. இது டூயல் டோன் வண்ணங்களை தரநிலையாகப் பெறுகிறது. இது REVX பேட்ஜிங், டூயல் டோன் ரூஃப், பாடி நிறத்தால் ஆன / கன்மெட்டல் கிரில் மற்றும் R16 கருப்பு நிற வீல் கவர்கள் வழங்கப்பட்டு இருக்கிறது.

புதிய XUV 3XO REVX மாடல்கள் கிரே, டேங்கோ ரெட், நெபுலா புளூ, எவரெஸ்ட் ஒயிட் மற்றும் ஸ்டெல்த் பிளாக் ஆகிய ஐந்து கண்கவர் வண்ணங்களில் கிடைக்கின்றன.

உட்புறம் மற்றும் அம்சங்கள்:

மஹிந்திரா XUV 3Xo REVX காரின் உட்புறத்தில் 10.24-இன்ச் டச்ஸ்கிரீன் இன்ஃபோடெயின்மென்ட் சிஸ்டம், ஸ்டீயரிங்கில் ஆடியோ கண்ட்ரோல், ஓட்டுநர் இருக்கை உயரத்தை சரிசெய்யும் அம்சம் மற்றும் பலவற்றைப் பெறுகிறது. மேலும், டூயல் டோன் பிளாக் லெதரெட் இருக்கைகளை கொண்டிருக்கிறது.

இது ஒரு அசத்தலான கேபின் அனுபவத்திற்காக 4-ஸ்பீக்கர் ஆடியோ அமைப்பைப் பெறுகிறது. ஆறு ஏர்பேக்குகள், ஹில் ஹோல்ட் கன்ட்ரோலுடன் கூடிய ESC (HHC) மற்றும் அனைத்து 4 டிஸ்க் பிரேக்குகளும் உட்பட 35 நிலையான அம்சங்களுடன் பாதுகாப்புக்கு முன்னுரிமை அளிக்கப்படுகிறது.

மேலும், REVX A ஆனது Adrenox Connect-ஐ ஒருங்கிணைக்கிறது. இதில் பில்ட்-இன் அலெக்சா, ஆன்லைன் நேவிகேஷன் மற்றும் வயர்லெஸ் ஆண்ட்ராய்டு ஆட்டோ, ஆப்பிள் கார்பிளே ஆகியவை இடம்பெற்றுள்ளன.

மஹிந்திரா XUV 3XO REVX விலை

மஹிந்திரா XUV 3XO REVX M காரின் விலை ரூ.8.94 லட்சம் (எக்ஸ்-ஷோரூம்), REVX M (O) விலை ரூ.9.44 லட்சம் (எக்ஸ்-ஷோரூம்), XUV 3XO REVX A விலை ரூ.11.79 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

மஹிந்திரா நிறுவனம் தனது BE 6 மற்றும் XEV 9e மாடல்களில் 79 kWh பேட்டரி பேக்கை அறிமுகம் செய்தது. இரு எலெக்ட்ரிக் வாகனங்களின் Pack 2 டிரிமில் இந்த பேட்டரி பேக் வழங்கப்படுகிறது. மஹிந்திரா நிறுவனத்தின் இந்த நடவடிக்கை, இரண்டு எஸ்யூவி-களும் அறிமுகம் செய்யப்பட்ட பிறகு நிறுவனம் கவனித்த நுகர்வோர் தேவை முறையில் வேரூன்றியதாகத் தெரிகிறது.

சமீபத்தில் மஹந்திரா வெளியிட்ட தகவல்களில் இந்த கார்களுக்கான மொத்த முன்பதிவுகளில் 75 சதவீதத்திற்கும் அதிகமானவை விலை உயர்ந்த Pack 3 வேரியண்ட்களுக்கானவை என்று நிறுவனம் அறிவித்தது.

79 kWh பேட்டரி பேக் கொண்ட மஹிந்திரா BE 6 Pack 2 மாடலின் விலை ரூ.23.50 லட்சம் (எக்ஸ்-ஷோரூம்) ஆகும். இதன் மூலம் இந்த விருப்பத்திற்கான விலை ரூ.26.50 லட்சத்தில் (எக்ஸ்-ஷோரூம்) இருந்து குறைகிறது. இதேபோல், XEV 9e-க்கு, 79 kWh பேட்டரி பேக் ஆப்ஷன் தற்போது ரூ. 24.50 லட்சத்தில் (எக்ஸ்-ஷோரூம்) தொடங்குகிறது. 79 kWh பேட்டரி பேக் கொண்ட இந்த வேரியண்ட் 500 கிலோமீட்டர் வரையிலான ரேஞ்ச் வழங்குவதை உறுதி செய்கிறது. அதே நேரத்தில் 59 kWh வெர்ஷன் 400 கிலோமீட்டர் ரேஞ்ச் வழங்குகிறது.

Pack 2-வில் உள்ள இரண்டு மாடல்களும் டால்பி அட்மாஸ் கொண்ட ஹர்மன் கார்டன் 16-ஸ்பீக்கர் ஆடியோ சிஸ்டம், ஃபுல் கிளாஸ் ரூஃப் மற்றும் லெவல் 2 ADAS திறன் போன்ற அம்சங்களுடன் வருகின்றன. இந்த எலெக்ட்ரிக் எஸ்யூவிக்கள் அவற்றின் மையத்தில் செயல்திறன் மற்றும் வசதி இரண்டையும் கொண்டு வடிவமைக்கப்பட்டுள்ளன.

புதிய 79 kWh வேரியண்டில் 210 kW சக்தியும், 59 kWh பதிப்பில் 170 kW சக்தியும், பூஸ்ட் மோட் உட்பட பல டிரைவிங் மோட்களுடன் வருகின்றன. இவை ஒரு அற்புதமான ஓட்டுநர் அனுபவத்தை வழங்குகின்றன. மேலும், BE 6 மற்றும் XEV 9e Pack 2 மாடல்கள் அதிவேக சார்ஜிங் தொழில்நுட்பத்துடன் பொருத்தப்பட்டுள்ளன. வேகமான DC சார்ஜர்களைப் பயன்படுத்தும் போது வெறும் 20 நிமிடங்களில் 20 முதல் 80 சதவீதம் பேட்டரி ரீசார்ஜ் செய்ய உதவுகிறது.

டாடா மோட்டார்ஸ் நிறுவனம் தனத கர்வ் (Curvv) கூப்-எஸ்யூவி மாடலின் விலையை உடனடியாக அமல்படுத்தும் வகையில் திருத்தியுள்ளது. இந்த மாற்றங்கள் மூலம், கர்வ் மாடலின் விலை இப்போது மாறுபாட்டைப் பொறுத்து ரூ.13,000 வரை அதிகரித்துள்ளது. இதனுடன், மற்ற மாடல்களின் விலைகளிலும் டாடா மோட்டார்ஸ் மாற்றங்களைச் செய்துள்ளது. குறிப்பாக, டியாகோ, டியாகோ NRG மற்றும் டிகோர் மாடல்களின் விலை உயர்ந்துள்ளது.

திருத்தப்பட்ட விலைகளின் படி டாடா கர்வ் பேஸ் மாடல் ஆரம்ப விலை ரூ. 10 லட்சமாகவே உள்ளது. அக்கம்ப்ளிஷ்டு எஸ் ஜிடிஐ டர்போ பெட்ரோல் MT டார்க் எடிஷன், அக்கம்ப்ளிஷ்டு எஸ் ஜிடிஐ டர்போ பெட்ரோல் DCA டார்க் எடிஷன், அக்கம்ப்ளிஷ்டு ஏ+ ஜிடிஐ டர்போ பெட்ரோல் MT டார்க் எடிஷன், அக்கம்ப்ளிஷ்டு+ ஏ ஜிடிஐ டர்போ பெட்ரோல் DCA டார்க் எடிஷன், ஸ்மார்ட் டீசல் MT, அக்கம்ப்ளிஷ்டுஎஸ் டீசல் MT டார்க் எடிஷன், அக்கம்ப்ளிஷ்ட எஸ் டீசல் DCA டார்க் எடிஷன், அக்கம்ப்ளிஷ்டு+ ஏ டீசல் MT டார்க் எடிஷன் மற்றும் அக்கம்ப்ளிஷ்டு+ ஏ டீசல் DCA டார்க் எடிஷன் உள்ளிட்ட பல வேரியண்ட்களின் விலைகள் அப்படியே உள்ளன.

டாடா கர்வ் மாடலின் கிரியேட்டிவ் எஸ் ஜிடிஐ டர்போ-பெட்ரோல் எம்டி, அக்கம்ப்ளிஷ்டு+ ஏ ஜிடிஐ டர்போ-பெட்ரோல் டிசிஏ, கிரியேட்டிவ்+ எஸ் ஜிடிஐ டர்போ-பெட்ரோல் எம்டி, கிரியேட்டிவ்+ எஸ் ஜிடிஐ டர்போ-பெட்ரோல் டிசிஏ, அக்கம்ப்ளிஷ்டு எஸ் ஜிடிஐ டர்போ-பெட்ரோல் எம்டி, அக்கம்ப்ளிஷ்டு+ ஏ ஜிடிஐ டர்போ-பெட்ரோல் எம்டி மற்றும் அக்கம்ப்ளிஷ்டு+ ஏ ஜிடிஐ டர்போ-பெட்ரோல் டிசிஏ மாடல்களுக்கு ரூ.3,000 விலை உயர்வு பொருந்தும். மீதமுள்ள அனைத்து வேரியண்ட்களும் ரூ.13,000 நிலையான விலை மாற்றத்தை பெற்றுள்ளன.

டாடா கர்வ்வ் மூன்று வெவ்வேறு எஞ்சின் விருப்பங்களுடன் கிடைக்கிறது. இரண்டு பெட்ரோல் வகைகள் மற்றும் ஒரு டீசல் யூனிட். 1.2 லிட்டர் ரெவோட்ரான் பெட்ரோல் எஞ்சின் 118 ஹெச்பி பவர் மற்றும் 170 என்எம் டார்க்கை உற்பத்தி செய்கிறது. கர்வ்வின் 1.2 லிட்டர் ஹைபரியன் பெட்ரோல் எஞ்சின் 123 ஹெச்பி பவர் மற்றும் 225 என்எம் டார்க்கை வழங்குகிறது. 1.5 லிட்டர் டீசல் எஞ்சின் 116 ஹெச்பி பவர் மற்றும் 260 என்எம் டார்க் வெளிப்படுத்துகிறது.

ஒவ்வொரு எஞ்சின் தேர்வும் 6-ஸ்பீடு மேனுவல் டிரான்ஸ்மிஷன் அல்லது 7-ஸ்பீடு டிசிஏ உடன் வருகிறது. இந்த விவரக்குறிப்புகளுடன், டாடா கர்வ் மாடல் ஹூண்டாய் கிரெட்டா, மாருதி சுசுகி கிராண்ட் விட்டாரா மற்றும் பிற மாடல்களுடன் போட்டியிடுகிறது.

வோக்ஸ்வாகன் நிறுவனம் பிராண்டின் தேசிய எக்சேஞ்ச் திருவிழா- "வோக்ஸ்வாகன் ஆட்டோஃபெஸ்ட்" மீண்டும் தொடங்குவதாக அறிவித்துள்ளது. இந்த வருடாந்திர நிகழ்வு, நாடு முழுவதும் உள்ள வாடிக்கையாளர்களுக்கு தங்கள் வாகனத்தை மேம்படுத்தவும், வோக்ஸ்வாகனின் பிரீமியம் பொறியியலை அனுபவிக்கவும் ஒரு வாய்ப்பை வழங்கும் நோக்கில் நடத்தப்படுகிறது.

நாடு முழுவதும் உள்ள வோக்ஸ்வாகன் டீலர்ஷிப்களில் ஒரு குறிப்பிட்ட காலத்திற்கு மட்டும் நடக்கும் வோக்ஸ்வாகன் ஆட்டோஃபெஸ்ட், பிரத்யேக எக்சேஞ்ச் மற்றும் கவர்ச்சிகரமான தள்ளுபடிகள், வெகுமதிகள் மற்றும் விரிவான சேவை தொகுப்புகளை ஒன்றாகக் கொண்டுவருகிறது. இது வோக்ஸ்வாகனை காரை வீட்டிற்கு கொண்டுவர சிறந்த நேரமாக அமைகிறது.

வோக்ஸ்வாகன் இந்தியாவின் பிராண்ட் இயக்குனர் நிதின் கோஹ்லி கூறுகையில், "வோக்ஸ்வாகன் ஆட்டோஃபெஸ்ட் என்பது வெறும் விற்பனை நிகழ்வு மட்டுமல்ல, இது அதைவிட பெரியது. இந்திய வாடிக்கையாளர்களுக்கு கூடுதல் மதிப்புடன் பிரீமியம் மொபிலிட்டி தீர்வுகளை வழங்குவதற்கான எங்கள் உறுதியை வெளிப்படுத்தும் கொண்டாட்டம் ஆகும்."

"அது நேர்த்தியான விர்டுஸ், அற்புதமான டைகுன் அல்லது டிகுவான் ஆர் லைன் என எதுவாக இருந்தாலும், ஆட்டோஃபெஸ்ட் வாடிக்கையாளர்கள் தங்கள் ஓட்டுநர் அனுபவத்தை ஒப்பிடமுடியாத நன்மைகளுடன் மேம்படுத்த சரியான நுழைவாயிலை வழங்குகிறது" என்றார்.

வோக்ஸ்வாகனின் ஆட்டோஃபெஸ்ட் எக்ஸ்சேஞ்ச் திருவிழாவின் கீழ், வாடிக்கையாளர்கள் மற்றும் ஏற்கனவே உள்ள பயனர்கள் கவர்ச்சிகரமான எக்சேஞ்ச் மற்றும் லாயல்டி பலன்கள், சிறப்பு நிதி சலுகைகள், இலவச வாகன மதிப்பீடு மற்றும் டெஸ்ட் டிரைவ், சிறப்பு சேவை மற்றும் பராமரிப்பு சலுகைகளைப் பெறலாம்.

வோக்ஸ்வாகன் சமீபத்தில் இந்தியாவில் கோல்ஃப் GTI-யை அறிமுகப்படுத்தியது. இது 2.0 லிட்டர் 4-சிலிண்டர் டர்போ-பெட்ரோல் எஞ்சின் மூலம் இயக்கப்படுகிறது. இது 265 hp பவரையும் 370 Nm டார்க்கையும் உற்பத்தி செய்கிறது. இது 7-ஸ்பீடு டூயல்-கிளட்ச் ஆட்டோமேட்டிக் டிரான்ஸ்மிஷனுடன் இணைக்கப்பட்டுள்ளது. இது ரூ.53 லட்சம் (எக்ஸ்-ஷோரூம்) ஆரம்ப விலையில் கிடைக்கிறது.

இந்தியாவில் தனது வாகன வரிசையை விரிவுபடுத்த ரெனால்ட் தயாராகி வருகிறது. டஸ்டர் மற்றும் பிக்ஸ்டரின் புதுப்பிக்கப்பட்ட மாடல்களை அறிமுகப்படுத்த திட்டமிட்டுள்ளது. சமீபத்திய தகவல்களின்படி, ரெனால்ட் நிறுவனம் முதலில் பெட்ரோல் மூலம் இயங்கும் வேரியண்ட்களையும், அதைத் தொடர்ந்து இரண்டு எஸ்யூவிக்களின் ஹைப்ரிட் மாடல்களையும் அறிமுகப்படுத்தும் என்று எதிர்பார்க்கப்படுகிறது.

இவை தவிர, ரெனால்ட் விரைவில் டிரைபர் ஃபேஸ்லிஃப் மாடலையும் வெளியிட திட்டமிட்டுள்ளது. சமீபத்தில், ரெனால்ட் டிரைபர் ஃபேஸ்லிஃப்ட் மாடலின் டெஸ்டிங் கார் சென்னையில் காணப்பட்டது. சோதனை வாகனம் முழுமையாக உருமறைப்பு செய்யப்பட்டிருந்தாலும், அது புதிதாக வடிவமைக்கப்பட்ட முன்பக்கத்துடன் வெளியாகும் என்று தெரிகிறது.

ஏற்கனவே வெளியான டெஸ்டிங் புகைப்படங்களில் இந்த கார், சதுர வடிவ பின்புற விளக்குகளை கொண்டிருக்கும் என்று தெரிவித்தது. இருப்பினும், இந்த முறை, சோதனை வாகனம் டிரைபரின் வரவிருக்கும் மாடலின் முன்பக்கத்தை வெளிப்படுத்தியுள்ளது. டிரைபர் ஃபேஸ்லிஃப்ட் மாடல் புதிதாக வடிவமைக்கப்பட்ட முன்பக்க தோற்றம் பெறும் என்று தற்போதைய புகைப்படங்கள் தெரிவிக்கின்றன.

இந்த புதிய காரில் LED DRLகளுடன் ஒருங்கிணைக்கப்பட்ட திருத்தப்பட்ட ஹெட்லேம்ப்கள் வழங்கப்படுகிறது. ஸ்பை படங்களின் படி புதிய டிரைபர் ஃபேஸ்லிஃப்ட் மாடல் வட்ட வடிவம் கொண்ட ஃபாக் லேம்ப்கள் மற்றும் கிடைமட்டமாக வைக்கப்பட்டுள்ள ஏர் டேம்களைப் பெறும் என்பதையும் குறிக்கிறது.

உட்புறத்தில், பெரிய இன்ஃபோடெயின்மென்ட் திரை மற்றும் புதிதாக வடிவமைக்கப்பட்ட டேஷ்போர்டு போன்ற சில புதுப்பிக்கப்பட்ட தொழில்நுட்பங்களை ரெனால்ட் கொண்டு வரும் என்று எதிர்பார்க்கப்படுகிறது.

டிரைபர் ஃபேஸ்லிஃப்ட் குறித்து ரெனால்ட் இன்னும் எந்த விவரங்களையும் குறிப்பிடவில்லை. இருப்பினும், தற்போதைய மாடல்களில் வழங்கப்படுவது போல் பவர்டிரெய்னை இது தக்க வைத்துக் கொள்ளும் என்று எதிர்பார்க்கப்படுகிறது. இது 5-ஸ்பீடு மேனுவல் மற்றும் AMT கியர்பாக்ஸ் விருப்பங்களுடன் இணைக்கப்பட்ட 1.0-லிட்டர் நேச்சுரலி ஆஸ்பிரேட்டட் 3-சிலிண்டர் பெட்ரோல் எஞ்சினைப் பெற வாய்ப்புள்ளது.

நிசான் மோட்டார் இந்தியா நிறுவனம் தனது மேக்னைட் எஸ்யூவி மாடலுக்கு ரூ.86,000 வரையிலான சலுகைகளை வழங்குகிறது. இந்த காம்பாக்ட் எஸ்யூவி இந்தியாவில் 2 லட்சம் யூனிட்கள் விற்பனை என்ற மைல்கல்லை எட்டியுள்ளது. இதை கொண்டாடும் வகையில் நிசான் இந்த சலுகையை வழங்குகிறது.

வாடிக்கையாளர்கள் சலுகைகளைப் பெறுவதற்கு அருகிலுள்ள டீலர்ஷிப்க்கு சென்று மேலும் விவரங்களைப் பெறலாம். மேக்னைட் இந்தியாவில் நிறுவனத்தால் விற்கப்படும் வரையறுக்கப்பட்ட மாடல்களின் ஒரு பகுதியாகும். காம்பாக்ட் எஸ்யூவியைத் தவிர, இந்த நிறுவனம் நாட்டில் எக்ஸ்-டிரெயில் மாடலையும் விற்பனை செய்து வருகிறது.

நிசான் மேக்னைட் தற்போது ரூ.6.14 லட்சம் (எக்ஸ்-ஷோரூம்) தொடக்க விலையில் வருகிறது. மேலும் ரூ.10.54 லட்சம் (எக்ஸ்-ஷோரூம்) வரை விலை நிர்ணயம் செய்யப்பட்டுள்ளது. இந்த எஸ்யூவியில் ரெட்ரோஃபிட்-சிஎன்ஜி வெர்ஷனும் கிடைக்கிறது. இந்த காரின் சிஎன்ஜி வெர்ஷன் ரூ.6.89 லட்சம் (எக்ஸ்-ஷோரூம்) தொடக்க விலையில் வருகிறது.

புதிய நிசான் மேக்னைட் 1.0 லிட்டர் நேச்சுரலி ஆஸ்பிரேட்டட் பெட்ரோல் எஞ்சின் மற்றும் மேனுவல் டிரான்ஸ்மிஷனுடன் CNG கிட் வழங்குகிறது. தற்போது, டர்போ மாடல்கள் CNG ஆப்ஷனில் கிடைக்கவில்லை. CNG கிட் நகர்ப்புற சூழ்நிலைகளில் ஒரு கிலோவிற்கு 24 கிமீ மைலேஜ் மற்றும் நெடுஞ்சாலைகளில் ஒரு கிலோவிற்கு 30 கிமீ மைலேஜ் வழங்கும் என்று கூறப்படுகிறது.

இந்த CNG கிட் அரசாங்கத்தால் அதிகாரப்பூர்வமாக சான்றளிக்கப்பட்டது. நிசான் CNG-க்கு 3 ஆண்டுகள் அல்லது 1 லட்சம் கிலோமீட்டர் உத்தரவாதத்தை நிசான் வழங்கும். நிசான் மேக்னைட் CNG-க்கான அதிகாரப்பூர்வ மைலேஜ் விவரங்கள் வரும் வாரங்களில் வெளியிடப்படும்.

கியா இந்தியா நிறுவனம் மே 2025 இல் இந்திய சந்தையில் கேரன்ஸ் கிளாவிஸ் மாடலை அறிமுகப்படுத்தியது. இந்த மாடலைப் தொடர்வதற்காக, நிறுவனம் அதே பெயரைக் கொண்ட மின்சார பவர்டிரெய்ன் மாடலை அறிமுகப்படுத்த உள்ளது. அதாவது, கேரன்ஸ் கிளாவிஸ் EV. இந்த EV சில காலமாக நாட்டில் சோதனைகளுக்கு உட்பட்டு வருகிறது. மேலும் பல சந்தர்ப்பங்களில் காணப்பட்டது. இருப்பினும், பெரும்பாலான நேரங்களில், இது உருமறைப்பில் மூடப்பட்டிருந்தது, வடிவமைப்பின் விவரங்களை மறைத்தது. ஆனால் இது அதன் ICE சகாவுடன் பெரும்பாலான ஒற்றுமைகளைப் பகிர்ந்து கொள்ளும் என்று எதிர்பார்க்கப்படுகிறது.

பவர்டிரெய்னைப் பொறுத்தவரை, கியா கேரன்ஸ் கிளாவிஸ் EV அதன் அடிப்படைகளை க்ரெட்டா எலக்ட்ரிக் மாடலில் இருந்து பெறும் என்று எதிர்பார்க்கப்படுகிறது. அப்படி நீடித்தால், ஏழு இருக்கைகள் கொண்ட மின்சார வாகனம் 42 kWh பேட்டரி பேக்கைக் கொண்டிருக்கும், மேலும் பெரிய 51.4 kWh பேக்கின் ஆப்ஷனும் வழங்கப்படும். இவை முறையே 390 கிமீ மற்றும் 473 கிலோமீட்டர்கள் ரேஞ்ச் வழங்குகின்றன. இந்த மாடல்கள் 133 hp மற்றும் 168 hp என மதிப்பிடப்பட்ட பவர் வெளிப்படுத்தும் எலக்ட்ரிக் மோட்டாருடன் பொருத்தப்பட்டுள்ளன.

கியா கேரன்ஸ் கிளாவிஸ் EV-யின் பெரிய அளவு காரணமாக, மேற்கூறிய பேட்டரி பேக்குகளால் வழங்கப்படும் இறுதி சான்றளிக்கப்பட்ட வரம்பு மாறக்கூடும். ஆனால் இது AC மற்றும் DC ஃபாஸ்ட் சார்ஜிங் விருப்பங்களைப் பெறும் என்று எதிர்பார்க்கப்படுகிறது. 11 kW AC ஃபாஸ்ட் சார்ஜரைப் பயன்படுத்தி, 42 kWh வேரியண்டை 10 சதவீதத்திலிருந்து 100 சதவீதமாக சார்ஜ் செய்ய 4 மணிநேரம் ஆகும்.

அதே நேரத்தில் 51.4 kWh வேரியண்டிற்கு 4 மணிநேரம் 50 நிமிடங்கள் ஆகும். 50 kW DC ஃபாஸ்ட் சார்ஜருடன், இரண்டு வேரியண்டுகளையும் 58 நிமிடங்களில் 10 சதவீதத்திலிருந்து 80 சதவீதம் வரை சார்ஜ் செய்யலாம்.

கியா கேரன்ஸ் கிளாவிஸ் EV-க்கான பாதுகாப்பு தொகுப்பில் ஆறு ஏர்பேக்குகள், எலெக்ட்ரிக் ஸ்டேபிலைசேஷன் கண்ட்ரோல் (ESC), ஹில்-ஸ்டார்ட் அசிஸ்ட் கண்ட்ரோல் (HAC), வெஹிகில் ஸ்டேபிலிட்டி மேனேஜ்மன்ட் (VSM), டவுன்ஹில் பிரேக் கண்ட்ரோல் (DBC), பிரேக் அசிஸ்ட் சிஸ்டம் (BAS) மற்றும் ஆல்-வீல் டிஸ்க் பிரேக்குகள் ஆகியவை அடங்கும். கூடுதலாக, கிளாவிஸ் EV தோராயமாக 20 ஆட்டோனோமஸ் அம்சங்கள் அடங்கிய ADAS லெவல் 2 கொண்டிருக்கும்.

எம்ஜி மோட்டார் இந்தியா நிறுவனம், தங்கள் வரிசையில் உள்ள பெரும்பாலான மாடல்களுக்கு 1.5 சதவீதம் வரை விலை உயர்வை அறிவித்துள்ளது. வாகன விலைகளில் ஏற்படும் மாற்றங்கள் வருகிற 1-ந்தேதி முதல் அமலுக்கு வரும். விலை மாற்றங்களின் அளவு மாடல் மற்றும் வேரியண்ட்-க்கு ஏற்ப வேறுபடும். அதிகரித்து வரும் உள்ளீட்டு செலவுகள் மற்றும் பொருளாதார சரிசெய்தல் காரணமாக வாகனங்களின் விலைகளில் திருத்தம் செய்யப்பட்டுள்ளதாக எம்ஜி நிறுவனம் தெரிவித்துள்ளது.

இந்தியாவில் எம்ஜி பேட்ஜ் கொண்ட தற்போதைய கார்களின் வரிசை கொமெட் EV உடன் தொடங்குகிறது. இந்த மாடல் ரூ.4.99 லட்சம் (எக்ஸ்-ஷோரூம்) ஆரம்ப விலையில் வருகிறது. அதைத் தொடர்ந்து ரூ.10 லட்சம் (எக்ஸ்-ஷோரூம்) விலையில் வரும் விண்ட்சர் EV உள்ளது. இதைத் தொடர்ந்து, ஐசி எஞ்சின் கார்களின் வரிசையில், ஆஸ்டர மாடல் ரூ.11.30 லட்சம் (எக்ஸ்-ஷோரூம்) விலையில் தொடங்குகிறது.

அடுத்தது ஹெக்டார் ரூ.17.5 லட்சம் (எக்ஸ்-ஷோரூம்) விலையில் கிடைக்கிறது. எம்ஜி குளோஸ்டர் ரூ. 41.07 லட்சம் (எக்ஸ்-ஷோரூம்) விலையில் விலை உயர்ந்த மாடல்களில் முதலிடத்தைப் பிடித்துள்ளது.

இந்த நிறுவனத்தின் எலெக்ட்ரிக் கார்கள் நுகர்வோருக்கு பேட்டரி-ஆஸ்-எ-சர்வீஸ் (BaaS) வழங்குகின்றன. இந்த மாடல், காரின் விலையிலிருந்து பேட்டரி விலையைப் பிரிப்பதன் மூலம் நுகர்வோருக்கு வாகனத்தின் ஆரம்ப செலவைக் குறைப்பதை நோக்கமாகக் கொண்டுள்ளது.

எம்ஜி மோட்டார் நிறுவனம் புதிய தயாரிப்புகளுடன் ஆடம்பர சந்தையில் நுழையத் தயாராகி வருகிறது. உயர் ரக வாகனப் பிரிவில் நுழைவதற்கான அறிகுறியாக, எம்9 லிமோசினை அறிமுகப்படுத்தும் திட்டங்களை நிறுவனம் வெளியிட்டுள்ளது.

இந்த ஆண்டின் பிற்பகுதியில், எம்ஜி நிறுவனம் அதன் எலெக்ட்ரிக் வாகன வரிசையில் செயல்திறன் சார்ந்த புதுமைகளை மேம்படுத்துவதை நோக்கமாகக் கொண்ட சைபர்-ஸ்டர் என்ற எலெக்ட்ரிக் ஸ்போர்ட்ஸ் காரையும் அறிமுகப்படுத்தும்.

இந்த இரண்டு பிரீமியம் வாகனங்களும் புதிதாக நிறுவப்பட்ட டீலர்ஷிப் நெட்வொர்க், எம்ஜி செலக்ட் (MG Select) மூலம் விற்கப்படும். இது மிகவும் பிரத்யேக வாடிக்கையாளர் அனுபவத்தை வழங்க வடிவமைக்கப்பட்டுள்ளது.

இதுதவிர எம்ஜி நிறுவனம் மஜெஸ்டர் (Majestor) மாடலின் டீசரை வெளியிட்டுள்ளது. இது குளோஸ்டர் மாடலில் இருந்து பெறப்பட்ட ஒரு சொகுசு எஸ்யூவியாக இருக்கலாம். இந்த மாடல் இந்திய சந்தையில் எம்ஜி நிறுவனம் அதன் பிரீமியம் சலுகைகளை விரிவுபடுத்துவதற்கான லட்சியத்தைக் குறிக்கிறது.

லம்போர்கினி நிறுவனம் தனது மிகவும் சக்திவாய்ந்த காருக்கான உற்பத்தி பணிகளை அமைதியாக மேற்கொண்டு வருவதாக தெரிகிறது. சமீபத்தில் லீக் ஆன வர்த்தக ஆவணம் ஒரு புதிய வரையறுக்கப்பட்ட ஹைப்பர் காரின் பெயரை வெளிப்படுத்தியிருக்கலாம். இந்த மாடல் ஃபெனோமினோ (Fenomeno) என்று அழைக்கப்படுகிறது. இது ரெவெல்டோவை அடிப்படையாகக் கொண்ட ஒரு மாடலாக இருக்கும்.

ரெவெல்டோ நிறுவனத்தின் முதன்மை மாடல் ஆகும். இது 3.8 kWh பேட்டரி பயன்படுத்தி இயங்கும் மூன்று எலெக்ட்ரிக் மோட்டார்களைக் கொண்ட 6.5 லிட்டர் V12 ஹைப்ரிட் பவர்டிரெயினுடன் வருகிறது. இந்த அமைப்பு மொத்தம் 1014 hp பவர் வெளிப்படுத்துகிறது. இத்துடன் 8-ஸ்பீடு டூயல் கிளட்ச் டிரான்ஸ்மிஷன் வழங்கப்படுகிறது.

ஃபெனோமினோ புதிய ரெவல்டோ அடிப்படையிலான மாடலாக இருப்பதற்கான கோட்பாடு சந்தேகங்களால் சூழப்பட்டுள்ளது. ஏனெனில் காரின் இலகுவான மற்றும் வேகமான பதிப்புகள் முற்றிலும் புதிய பெயருக்குப் பதிலாக S, SV அல்லது SVJ போன்ற வேரியண்ட்களை பெற வாய்ப்புள்ளது.

தற்போது வரை, லம்போர்கினி நிறுவனம் ஃபெனோமினோ தொடர்பான எந்த தகவலையும் வெளியிடவில்லை. இருப்பினும், லம்போர்கினி வாடிக்கையாளர்களுக்கு சமீபத்தில் ஒரு புதிய மாடலின் முன்னோட்டம் வழங்கப்பட்டதாக தகவல்கள் தெரிவிக்கின்றன. இது நிறுவனத்தின் பிரபல மாடல்களில் ஒன்றால் ஈர்க்கப்பட்ட வடிவமைப்பைக் கொண்டிருந்ததாகக் கூறப்படுகிறது.

இந்த புதிய கார் ஆகஸ்ட் மாதம் மான்டேரி கார் வாரத்தில் உள்ள பெப்பிள் பீச் கான்கோர்ஸ் டி'எலிகன்ஸில் அறிமுகமாகும். இது சமீபத்திய காலங்களில் மிகவும் பிரத்யேக கார்கள் சிலவற்றின் அறிமுகத்திற்கான இடமாக மாறியுள்ளது. கடந்த காலத்தில், இது லான்சாடர் கான்செப்ட் மற்றும் டெமராரியோ போன்ற மாடல்களின் பிரத்யேக பிரீமியர்களை நடத்தியது.

2025 டொயோட்டா லேண்ட் குரூசர் பிராடோ சர்வதேச சந்தையில் வெளியிடப்பட்டது. புது மாடல் தற்போது டொயோட்டா எஸ்யூவியின் ஒட்டுமொத்த செயல்திறனை மேம்படுத்தும் என்று கூறப்படும் மைல்டு ஹைப்ரிட் பவர்டிரெய்னைப் பெறுகிறது. புதிய எஸ்யூவி மாடலை இந்தியாவில் அறிமுகம் செய்வது குறித்து நிறுவனம் இதுவரை எந்த தகவலும் வழங்கவில்லை என்றாலும், இந்த ஆண்டின் தொடக்கத்தில் இந்திய சாலைகளில் இந்த மாடலின் டெஸ்டிங் நடைபெற்றது.

எஞ்சின் மற்றும் பவர்டிரெய்ன்:

2025 டொயோட்டா லேண்ட் குரூசர் பிராடோ மாடல் 2.8 லிட்டர் 4-சிலிண்டர் டர்போ-டீசல் எஞ்சின் மூலம் இயக்கப்படுகிறது. இத்துடன் 8-ஸ்பீடு ஆட்டோமேட்டிக் கியர்பாக்ஸ் வழங்கப்படுகிறது. மேலும் 48V மைல்டு ஹைப்ரிட் சிஸ்டம் பொருத்தப்பட்டுள்ளது. இந்த பவர்டிரெய்ன் 204 ஹெச்பி பவர், 500 நியூட்டன் மீட்டர் டார்க் இழுவிசையை வெளிப்படுத்துகிறது.

வெளிப்புற தோற்றம்:

புதிய மேம்பட்ட லேண்ட் குரூசர் பிராடோ அதன் முந்தைய மாடலில் இருந்து பெரும்பாலான வெளிப்புற கூறுகளைத் தக்க வைத்துக் கொண்டுள்ளது. இது "டொயோட்டா" பாரம்பரிய முன்பக்க கிரில், சதுரங்க வடிவம் கொண்ட மிரர்கள் மற்றும் ஃபெண்டர் பொருத்தப்பட்டுள்ளது. இத்துடன் செவ்வக வடிவம் கொண்ட ஹெட்லைட்கள் மற்றும் முன்புறம் டூயல் டோன் ஃபாக்-லேம்ப்களை கொண்டுள்ளது. மேலும், பம்பரில் ஃபாக் லேம்ப்களை கொண்டுள்ளது.

2025 லேண்ட் குரூசஸர் பிராடோ, டிரெயில் டஸ்ட் / கிரேஸ்கேப், ஹெரிடேஜ் ப்ளூ / கிரேஸ்கேப், பிளாக், விண்ட் சில் பியர்ல், விண்கல் ஷவர், ஐஸ் கேப், அண்டர்-கிரவுண்ட் மற்றும் ஹெரிடேஜ் புளூ உள்பட எட்டு வண்ண தீம்களில் கிடைக்கிறது.

உட்புறம் மற்றும் அம்சங்கள்:

2025 டொயோட்டா லேண்ட் க்ரூஸர் பிராடோ உள்புறத்தில் 12.3-இன்ச் டச்-ஸ்கிரீன் இன்ஃபோடெயின்மென்ட் யூனிட், ஹீட்டெட் மற்றும் வென்டிலேடெட் முன்புற இருக்கைகள், ஒரு HUD மற்றும் தேவையைப் பொறுத்து அதிக இடத்தை உருவாக்க அனுமதிக்கும். 60/40 ஸ்பிலிட் பின்புற இருக்கை ஆகியவை உள்ளன. இது கன்சோல் கூல் பாக்ஸ், Qi வயர்லெஸ் சார்ஜர், USB சார்ஜிங் போர்ட்கள் மற்றும் பலவற்றை பெறுகிறது.

வெளியீட்டு விவரம்:

புதிய பிராடோ மாடல் இந்திய சந்தையில் அறிமுகம் செய்வது குறித்த எந்த விவரங்களுக்கும் நிறுவனம் இன்னும் தெரிவிக்கவில்லை. இருப்பினும், முந்தைய தகவல்களின் படி இந்த ஆண்டின் இரண்டாம் பாதியில் இந்தியாவில் அறிமுகமாகும் என்று எதிர்பார்க்கலாம்.

கியா நிறுவனம் சமீபத்தில் கேரன்ஸ் கிளாவிஸ் மாடலை இந்தியாவில் அறிமுகப்படுத்தியது. இப்போது அதன் எலெக்ட்ரிக் மாடலை அறிமுகப்படுத்த கியா நிறுவனம் தயாராகி வருகிறது. இது குறித்துது வெளியாகி உள்ள தகவலின்படி, கியா கேரன்ஸ் கிளாவிஸ் EV அடுத்த மாதம் 15-ந்தேதி இந்தியாவில் அறிமுகம் செய்யப்படும் என்று கூறப்படுகிறது.

எனினும், கியா நிறுவனம் இதுவரை அதிகாரப்பூர்வ அறிவிப்பு வெளியிடவில்லை. கியா நிறுவத்தின் புதிய கேரன்ஸ் கிளாவிஸ் எலெக்ட்ரிக் எம்பிவி மாடலில் இருந்து எதிர்பார்க்கக்கூடிய அம்சங்களை பார்ப்போம்.

கியா கேரன்ஸ் கிளாவிஸ் EV: பவர்டிரெய்ன்

கியா கேரன்ஸ் கிளாவிஸ் மாடல் ஹூண்டாய் கிரெட்டா EV-இல் இருந்து பேட்டரியை பெற வாய்ப்புள்ளது. அதாவது, 42 kWh பேட்டரி மற்றும் 51.4 kWh பேட்டரி பேக், விருப்பங்களாகக் கிடைக்கின்றன. இந்த பேட்டரி பேக் விருப்பங்கள் முறையே 390 கிமீ மற்றும் 473 கிமீ வரம்பை வழங்கும் என்று எதிர்பார்க்கப்படுகிறது.

கியா கேரன்ஸ் கிளாவிஸ் EV: எதிர்பார்க்கப்படும் வெளிப்புறம்

கியா கேரன்ஸ் கிளாவிஸ் EV அதன் ஐசி எஞ்சின் மாடலில் உள்ள பெரும்பாலான வெளிப்புற கூறுகள் மற்றும் வடிவமைப்பை தக்கவைத்துக்கொள்ள வாய்ப்புள்ளது. இது முக்கோண ஃபிரேமிற்குள் இணைக்கப்பட்ட 3-பாட் LED ஹெட்லேம்ப்கள், ஆங்குலர் LED DRLகள், முன்புறத்தில் ஒரு க்ளோஸ்டு-ஆஃப் கிரில் மற்றும் பலவற்றைப் பெறும் என்று எதிர்பார்க்கப்படுகிறது. மேலும், கியா கேரன்ஸ் கிளாவிஸ் EV-யில் புதிதாக வடிவமைக்கப்பட்ட ஏரோ-ஸ்பெசிஃபிக் அலாய் வீல்கள் வழங்கப்படும் என்று எதிர்பார்க்கப்படுகிறது.

கியா கேரன்ஸ் கிளாவிஸ் EV: இன்டீரியர்

வெளிப்புறத்தைப் போலவே, கியா கேரன்ஸ் கிளாவிஸ் EV-யும் அதன் ஐசி எஞ்சின் மாடலில் உள்ள இன்டீரியர் அம்சங்களைத் தக்க வைத்துக் கொள்ளும் என்று எதிர்பார்க்கப்படுகிறது. புதிய எலெக்ட்ரிக் எம்பிவி மாடலில் 22.62-இன்ச் டூயல் ஸ்கிரீன் செட்டப் பெறும் என்று எதிர்பார்க்கப்படுகிறது. இதில் 10.25-இன்ச் டிஜிட்டல் இன்ஸ்ட்ரூமென்ட் பேனல் மற்றும் 10.25-இன்ச் டச்ஸ்கிரீன் இன்ஃபோடெயின்மென்ட் டிஸ்ப்ளே, வென்டிலேட் செய்யப்பட்ட முன் இருக்கைகள், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்-பிளே, 8-ஸ்பீக்கர் போஸ் சவுண்ட் சிஸ்டம் வழங்கப்படலாம்.

கியா கேரன்ஸ் கிளாவிஸ் EV: எதிர்பார்க்கப்படும் விலை

கியா கேரன்ஸ் கிளாவிஸ் EV காரின் விலை சுமார் ரூ.16 லட்சம் முதல் ரூ.20 லட்சம் (எக்ஸ்-ஷோரூம்) வரை இருக்கும் என எதிர்பார்க்கப்படுகிறது. அறிமுகம் செய்யப்பட்டதும், கியா கேரன்ஸ் கிளாவிஸ் EV, டாடா ஹேரியர் EV மற்றும் ஹூண்டாய் கிரெட்டா EV போன்ற மாடல்களுக்கு போட்டியாக இருக்கும்.