பைக்

பஜாஜ் ஆட்டோ நிறுவனம் இதுவரை தான் உருவாக்கியதிலேயே அதிக சக்திவாய்ந்த பல்சர் மோட்டார்சைக்கிள் மாடலை விரைவில் அறிமுகம் செய்ய இருக்கிறது. புதிய பல்சர் மோட்டார்சைக்கிள் மாடலுக்கான டீசரை பஜாஜ் நிறுவனம் தனது அதிகாரப்பூர்வ சமூக வலைதள பக்கங்களில் வெளியிட்டு உள்ளது.

அந்த வகையில் பஜாஜ் நிறுவனத்தின் மிகவும் சக்திவாய்ந்த பல்சர் மோட்டார்சைக்கிள் மே 3 ஆம் தேதி அறிமுகம் செய்யப்பட இருக்கிறது. புதிய பல்சர் மோட்டார்சைக்கிளின் திறன் எப்படி இருக்கும் என்பது டீசரில் தெரியவந்துள்ளது. இந்த பைக் பல்சர் ns200 சீரிசை தழுவி உருவாக்கப்பட்டு இருக்கும் என்று கூறப்படுகிறது.

புதிய பல்சர் பைக்கில் கே.டி.எம். 390 டியூக் அல்லது டாமினர் 400 மாடல்களில் உள்ள என்ஜினின் ரிடியூன் செய்யப்பட்ட வெர்ஷன் வழங்கப்படும் என கூறப்படுகிறது. என்ஜின் எதுவாயினும், அதன் திறன் 40 ஹெச்.பி. பவர், 37 நியூட்டன் மீட்டர் டார்க் வெளிப்படுத்தும் திறன் கொண்டிருக்கும் என்று எதிர்பார்க்கலாம். இத்துடன் 6 ஸ்பீடு கியர்பாக்ஸ் வழங்கப்படலாம்.

இதுதவிர புதிய பல்சர் பைக்கில் முன்புறம் யு.எஸ்.டி. ஃபோர்க், பின்புறம் பிரீலோடு அட்ஜஸ்ட் வசதி கொண்ட மோனோஷாக் யூனிட் வழங்கப்படலாம். பிரேக்கிங்கிற்கு முன்புறம் 320 மில்லிமீட்டர், பின்புறம் 220 மில்லிமீட்டர் டிஸ்க் பிரேக்குகள் வழங்கப்படலாம். இந்த மாடலில் 17 இன்ச் அலாய் வீல்கள் வழங்கப்படும் என்று தெரிகிறது. 

We are getting closer to the D-day. The new nemesis of the night is upon us.

The biggest, fastest and the most powerful Pulsar ever.

Register now. Registration link in the bio.#pulsar #biggestpulsar pic.twitter.com/JYMDDjfJw7

— Bajaj Auto Ltd (@_bajaj_auto_ltd) April 23, 2024

அப்ரிலியா நிறுவனத்தின் RSV4 ஃபேக்டரி மாடல் இந்திய சந்தையில் விற்பனைக்கு கிடைக்கிறது. புதிய அப்ரிலியா ஸ்போர்ட்ஸ் பைக்கின் விலை ரூ. 31 லட்சத்து 26 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. முன்னதாக அப்ரிலியா RSV4 மாடல் இந்திய சந்தையில் விற்பனை செய்யப்பட்டு வந்தது குறிப்பிடத்தக்கது.

பிளாக்ஷிப் மாடல் என்பதால் RSV4 ஃபேக்டரி மாடலில் ரேசிங் ஸ்டைல் ஏரோடைனமிக்ஸ், சக்திவாய்ந்த என்ஜின் வழங்கப்பட்டு இருக்கிறது. இந்திய சந்தையில் அப்ரிலியா RSV4 ஃபேக்டரி மாடல் டுகாட்டி நிறுவனத்தின் பனிகேல் V4 S மாடலுக்கு போட்டியாக அமைகிறது. டுகாட்டி பனிகேல் V4 S மாடலின் விலை ரூ. 2.2 லட்சம் அதிகம் ஆகும்.

புதிய RSV4 ஃபேக்டரி மாடலில் 1099 சிசி, V4 என்ஜின் வழங்கப்பட்டு இருக்கிறது. இந்த என்ஜின் 214 ஹெச்.பி. பவர், 125 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த பைக்கில் டூயல் பீம் அலுமினியம் ஃபிரேம் மற்றும் அசத்தலான ஸ்விங் ஆர்ம் வழங்கப்பட்டு இருக்கிறது.

இத்துடன் 43 மில்லிமீட்டரில் முழுமையாக அட்ஜஸ்ட் செய்யக்கூடிய ஒலின்ஸ் யு.எஸ்.டி. ஃபோர்க், பின்புறம் எலெக்ட்ரிக் முறையில் இயக்கப்படும் மோனோஷாக் வழங்கப்பட்டு இருக்கிறது. இந்த மோட்டார்சைக்கிளில் 17.9 லிட்டர்கள் ஃபியூவல் டேன்க் வழங்கப்பட்டுள்ளது. 

டிரையம்ப் இந்தியா நிறுவனம் 2024 டைகர் 900 மாடலை இந்திய சந்தையில் அறிமுகம் செய்துள்ளது. புதிய மேம்பட்ட மோட்டார்சைக்கிள் GT மற்றும் ரேலி ப்ரோ என இரண்டு வேரியண்ட்களில் கிடைக்கிறது.

டைகர் 900 GT மாடலின் விலை ரூ. 13 லட்சத்து 95 ஆயிரம் என்றும் ரேலி ப்ரோ மாடலின் விலை ரூ. 15 லட்சத்து 95 ஆயிரம் என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

டிசைனை பொருத்தவரை 2024 டிரையம்ப் டைகர் 900 ரேலி ப்ரோ மற்றும் டைகர் 900 GT மாடல்களில் உயர்த்தப்பட்ட ஸ்டான்ஸ் (பைக் ஓட்டும் போது கால் வைக்கும் இடம்) வழங்கப்பட்டு இருக்கிறது.

இரு மாடல்களும் ஆஃப் ரோடு ரைடிங், நீண்ட தூர பயணத்திற்கு ஏற்ற வகையில் உருவாக்கப்பட்டுள்ளது. எனினும், ரேலி ப்ரோ மாடலில் ஆஃப் ரோடிங் சற்று சிறப்பான அனுபவத்தை கொடுக்கும் என்று தெரிகிறது.

புதிய டைகர் 900 ரேலி ப்ரோ மாடல்- கார்பன் பிளாக், ஆஷ் கிரே மற்றும் மேட் காக்கி என மூன்று நிறங்களிலும் GT மாடல்- கிராஃபைட், ஸ்னோடோனியா வைட் மற்றும் கார்னிவல் ரெட் என மூன்று நிறங்களிலும் கிடைக்கின்றன.

2024 டிரையம்ப் டைகர் 900 மாடலில் இன்லைன், மூன்று சிலிண்டர்கள் கொண்ட லிக்விட் கூல்டு, 888சிசி என்ஜின் வழங்கப்பட்டு இருக்கிறது. இந்த என்ஜின் 106.5 ஹெச்.பி. பவர், 90 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ், ஸ்லிப் மற்றும் அசிஸ்ட் கிளட்ச் வழங்கப்பட்டு இருக்கிறது. 

இந்திய சந்தையில் புதிய EMP திட்டம் காரணமாக மற்ற எலெக்ட்ரிக் வாகன உற்பத்தியாளர்கள் தங்களது வாகனங்கள் விலையை உயர்த்தியுள்ள நிலையில், ஓலா எலெக்ட்ரிக் நிறுவனம் தனது வாகனங்களின் விலையை குறைப்பதாக அறிவித்து இருக்கிறது.

விலை குறைப்பு காரணமாக ஓலா நிறுவனத்தின் S1 X 2 கிலோவாட் ஹவர் வேரியண்ட் விலை ரூ. 79 ஆயிரத்து 999-இல் இருந்து ரூ. 69 ஆயிரத்து 999 என குறைந்து இருக்கிறது. S1 X 3 கிலோவாட் ஹவர் வேரியண்ட் விலை ரூ. 89 ஆயிரத்து 999-இல் இருந்து ரூ. 84 ஆயிரத்து 999 என குறைந்துள்ளது.

இந்த சீரிசில் டாப் எண்ட் S1 X 4 கிலோவாட் ஹவர் மாடலின் விலை ரூ. 1 லட்சத்து 10 ஆயிரத்தில் இருந்து ரூ. 99 ஆயிரத்து 999 என குறைந்தது. ஓலா S1 X சீரிஸ் மாடல்களின் வினியோகம் அடுத்த வாரம் முதல் துவங்கும் என்று தகவல்கள் வெளியாகி உள்ளன.

ஓலா S1 X சீரிஸ் விலை குறைந்துள்ள நிலையில், S1 X பிளஸ், S1 ஏர் மற்றும் S1 ப்ரோ மாடல்களின் விலையில் எந்த மாற்றமும் மேற்கொள்ளப்படவில்லை. ஓலா S1 X பிளஸ் மாடலின் விலை ரூ. 89 ஆயிரத்து 999 என்றும் S1 ஏர் மாடலின் விலை ரூ. 1 லட்சத்து 05 ஆயிரம், S1 ப்ரோ மாடலின் விலை ரூ. 1 லட்சத்து 30 ஆயிரம் ஆகும்.

இந்திய சந்தையில் ஓலா எலெக்ட்ரிக் நிறுவனத்தின் அனைத்து எலெக்ட்ரிக் ஸ்கூட்டர்களுக்கும் எட்டு ஆண்டுகள் வாரண்டி வழங்கப்படுகிறது. இங்கு குறிப்பிடப்பட்டு இருக்கும் விலைகள் அனைத்தும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

பஜாஜ் ஆட்டோ நிறுவனம் தனது பல்சர் N250 மோட்டார்சைக்கிளை அப்டேட் செய்துள்ளது. புதிய 2024 பல்சர் N250 மாடலின் விலை ரூ. 1 லட்சத்து 51 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய மாடலில் அதன் முந்தைய வெர்ஷனை விட மேம்பட்ட பாகங்கள் மற்றும் கூடுதல் அம்சங்கள் வழங்கப்பட்டு இருக்கிறது.

அதன்படி 2024 பஜாஜ் பல்சர் N250 மாடலின் முன்புறம் 37mm அப்சைடு டவுன் ஃபோர்க்குகள் வழங்கப்பட்டுள்ளன. இத்துடன் டிராக்ஷன் கண்ட்ரோல் சிஸ்டம், முழுமையான டிஜிட்டல் இன்ஸ்ட்ரூமென்ட் கன்சோல், ப்ளூடூத் கனெக்டிவிட்டி, மூன்று ஏ.பி.எஸ். மோட்கள் வழங்கப்பட்டுள்ளன. இதன் பின்புறம் 140 செக்ஷன் அகலமான டயர் வழங்கப்பட்டு இருக்கிறது.

இந்த மோட்டார்சைக்கிளின் மற்ற பாகங்களில் எந்த மாற்றமும் மேற்கொள்ளப்படவில்லை. இந்த மோட்டார்சைக்கிள் ரெட், வைட் மற்றும் பிளாக் என மூன்றுவித நிறங்களில் கிடைக்கிறது. இதன் ரெட் மற்றும் வைட் நிற வேரியண்டில் கோல்டு நிற ஃபோர்க்குகளும், பிளாக நிற வேரியண்டில் பிளாக் நிற ஃபோர்க்குகளும் வழங்கப்படுகின்றன.

புதிய 2024 பஜாஜ் பல்சர் N250 மோட்டார்சைக்கிளில் 249சிசி, சிங்கில் சிலிண்டர், ஆயில் கூல்டு என்ஜின் வழங்கப்பட்டு இருக்கிறது. இந்த என்ஜின் 24.1 ஹெச்.பி. பவர், 21.5 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு கியர்பாக்ஸ் மற்றும் அசிஸ்ட், ஸ்லிப்பர் கிளட்ச் வழங்கப்படுகிறது.

அல்ட்ராவொய்லெட் நிறுவனம் தனது பிளாக்ஷிப் எலெக்ட்ரிக் மோட்டார்சைக்கிள் F77 மோட்டார்சைக்கிள் மாடலுக்கு புதிதாக பேட்டரி வாரண்டிகளை அறிவித்து இருக்கிறது. புதிய வாரண்டி திட்டத்தின் கீழ் அல்ட்ராவொய்லெட் F77 வாங்குவோர் அதன் பேட்டரியின் வாரண்டியை நீட்டிக்க ஏராளமான ஆப்ஷன்கள் வழங்கப்படுகிறது.

இதற்காக அல்ட்ராவொய்லெட் நிறுவனம் UV கேர், UV கேர் பிளஸ் மற்றும் UV கேர் மேக்ஸ் என மூன்று வாரண்டி திட்டங்களை அறிவித்து இருக்கிறது. இவற்றில் முதல் இரண்டு வாரண்டி திட்டங்களுக்கு முறையே 60 ஆயிரம் மற்றும் 1 லட்சம் கிலோமீட்டர்கள் வரையிலான வாரண்டி வழங்கப்படுகிறது.

முன்னதாக இவற்றில் 30 ஆயிரம் மற்றும் 50 ஆயிரம் கிலோமீட்டர்கள் வரையிலான வாரண்டியே வழங்கப்பட்டது. புதிய UV கேர் மேக்ஸ் திட்டத்தின் கீழ் பேட்டரிக்கான வாரண்டி 8 லட்சம் கிலோமீட்டர்கள் அல்லது எட்டு ஆண்டுகள் என நிர்ணயிக்கப்பட்டு உள்ளது. இது அந்நிறுவனம் ஏற்கனவே வழங்கி வந்ததை விட எட்டு மடங்கு அதிகம் ஆகும்.

ஏற்கனவே F77 மாடலை பயன்படுத்துவோரும் இந்த திட்டங்களை வாங்க முடியுமா என்பது பற்றி எந்த தகவலும் இல்லை. மேலும், புதிய வாரண்டி திட்டங்களின் விலையும் இதுவரை அறிவிக்கப்படவில்லை.

ஏத்தர் எனர்ஜி நிறுவனம் ரிஸ்டா எலெக்ட்ரிக் ஸ்கூட்டர் மாடலை ஏத்தர் கம்யூனிட்டி டே 2024 நிகழ்ச்சியில் சமீபத்தில் அறிமுகம் செய்தது. இந்த ஸ்கூட்டர் இரண்டு மாடல்கள் மற்றும் ஏழு வெவ்வேறு நிறங்களில் விற்பனைக்கு கிடைக்கிறது. புதிய ஏத்தர் ரிஸ்டா மாடலின் விலை ரூ. 1 லட்சத்து 10 ஆயிரம் என துவங்கி அதிகபட்சம் ரூ. 1 லட்சத்து 45 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

புதிய ஏத்தர் ரிஸ்டா S மாடல் மூன்று மோனோடோன் நிறங்களிலும், ரிஸ்டா Z ஏழு நிறங்கள்- மூன்று மோனோடோன், நான்கு டூயல் டோன் ஆப்ஷன்களில் கிடைக்கிறது. மோனோடோனில் பாங்காங் புளூ, சியாசென் வைட் மற்றும் டெக்கான் கிரே ஆப்ஷன்களும், டூயல் டோனில் பாங்காங் புளூ-வைட், கார்டமம் கிரீன்-வைட், அல்போன்சே எல்லோ-வைட், டெக்கான் கிரே-வைட் போன்ற ஆப்ஷன்கள் உள்ளன.

ஏத்தர் ரிஸ்டா மாடலில் PMSM எலெக்ட்ரிக் மோட்டார் வழங்கப்பட்டு இருக்கிறது. இந்த மோட்டார் 5.76 ஹெச்.பி. பவர், 22 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த ஸ்கூட்டரின் அனைத்து வேரியண்ட்களும் மணிக்கு 80 கிலோமீட்டர் வேகத்தில் செல்லும். மேலும் மணிக்கு 40 கிலோமீட்டர் வேகத்தை 4.7 நொடிகளில் எட்டிவிடும்.

புதிய ரிஸ்டா S மற்றும் ரிஸ்டா Z வேரிண்ட்களில் முறையே 2.9 கிலோவாட் ஹவர் மற்றும் 3.7 கிலோவாட் ஹவர் பேட்டரி பேக் ஆப்ஷன்கள் வழங்கப்படுகின்றன. இவை முறையே 123 மற்றும் 160 கிலோமீட்டர்கள் வரையிலான ரேன்ஜ் வழங்கும் என சான்று பெற்றுள்ளன.

இதன் 2.9 கிலோவாட் ஹவர் மாடலில் 350 வாட் சார்ஜர் வழங்கப்படுகிறது. இது பேட்டரியை 6 மணி 40 நிமிடங்களில் 80 சதவீதம் வரை சார்ஜ் செய்திடும். முழுமையாக சார்ஜ் செய்ய 8 மணி 30 நிமிடங்களை எடுத்துக் கொள்ளும்.

3.7 கிலோவாட் ஹவர் வேரியண்ட் உடன் 700 வாட் ஏத்தர் டுயோ சார்ஜர் வழங்கப்படுகிறது. இது 4 மணி 30 நிமிடங்களில் 80 சதவீதம் வரையிலும், 6 மணி 10 நிமிடங்களில் முழுமையாகவும் சார்ஜ் செய்துவிடும். புதிய ரிஸ்டா மாடலில் அண்டர்போன் சேசிஸ், நீளமான சப் ஃபிரேம், முன்புறம் டெலிஸ்கோபிக் ஃபோர்க்குகள், பின்புறம் மோனோஷாக் யூனிட் வழங்கப்படுகிறது. 

ஜப்பானை சேர்ந்த இருசக்கர வாகனங்கள் உற்பத்தியாளரான கவாசகி தனது வெர்சிஸ் 650 ஸ்போர்ட்ஸ் டூரர் மோட்டார்சைக்கிளின் 2024 வெர்ஷனை இந்திய சந்தையில் அறிமுகம் செய்தது. புதிய 2024 வெர்சிஸ் 650 மாடலின் விலை ரூ. 7 லட்சத்து 70 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த பைக்கின் முந்தைய வெர்ஷன் விலையும் இது தான்.

2024 மாடலில் நிறங்கள் மற்றும் கிராஃபிக்ஸ் மாற்றப்பட்டு, பைக் சற்றே புதுப்பிக்கப்பட்ட தோற்றம் பெற்றிருக்கிறது. 2024 கவாசகி வெர்சிஸ் 650 மாடல் மெட்டாலிக் மேட் டார்க் கிரே / எபோனி மற்றும் மெட்டாலிக் ஃபிளாட் ஸ்பார்க் பிளாக் / கேண்டி லைம் கிரீன் என இரண்டு நிறங்களில் கிடைக்கிறது. இந்த பைக்கின் மற்ற அம்சங்களில் எந்த மாற்றமும் மேற்கொள்ளப்படவில்லை.

அந்த வகையில், வெர்சிஸ் 650 மாடலில் ஒரே டிசைன், எல்.இ.டி. லைட்டிங், ப்ளூடூத் இன்ஸ்ட்ரூமென்டேஷன், 2 லெவல் டிராக்ஷன் கண்ட்ரோல், டூயல் சேனல் ஏ.பி.எஸ்., லாங்-டிராவல் சஸ்பென்ஷன், 17 இன்ச் வீல்கள், அப்ரைட் சீட்டிங் போன்ற வசதிகள் அப்படியே வழங்கப்பட்டு உள்ளன.

பவர்டிரெயினை பொருத்தவரை இந்த மாடலில் 649சிசி, லிக்விட் கூல்டு பேரலல் டுவின் என்ஜின் வழங்கப்பட்டு இருக்கிறது. இந்த என்ஜின் 65 ஹெச்.பி. பவர், 61 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்படுகிறது.

ஓலா எலெக்ட்ரிக் நிறுவனத்தின் நிறுவனரும், தலைமை செயல் அதிகாரியுமான பாவிஷ் அகர்வால் முற்றிலும் புதிய எலெக்ட்ரிக் ஸ்கூட்டரின் டீசரை வெளியிட்டுள்ளார். ஓலா சோலோ என்று அழைக்கப்படும் புதிய எலெக்ட்ரிக் ஸ்கூட்டர் உலகின் முதல் தானியங்கி எலெக்ட்ரிக் ஸ்கூட்டர் என்று அறிவிக்கப்பட்டு இருக்கிறது.

முன்னதாக புதிய எலெக்ட்ரிக் ஸ்கூட்டரின் விவரங்கள் எதையும் அறிவிக்காமல், அது தொடர்பான வீடியோவை பாவிஷ் அகர்வால் தனது அதிகாரப்பூர்வ எக்ஸ் அக்கவுண்டில் நேற்று (ஏப்ரல் 1) முட்டாள்கள் தினத்தன்று வெளியிட்டு இருந்தார். பலரும் இப்படி ஒரு வாகனம் சாத்தியமில்லை என்றும், இது மக்களை முட்டாளாக்கும் நோக்கில் வெளியிடப்பட்டு இருக்கிறது என்றும் கமெண்ட் செய்தனர்.

இந்த நிலையில், நேற்றைய வீடியோ யாரையும் முட்டாளாக்குவதற்காக வெளியிடப்படவில்லை என்று பாவிஷ் அகர்வால் தெரிவித்துள்ளார். இது தொடர்பான எக்ஸ் பதிவில் அவர், "இது முட்டாள்கள் தினத்துக்கான ஜோக் இல்லை! நேற்று நாங்கள் ஓலா சோலோ-வை அறிவித்தோம். அது வைரலானது, பலரும் அது உண்மைதானா அல்லது முட்டாள்கள் தின நகைச்சுவையா என்று விவாதித்தனர்."

"அந்த வீடியோ மக்களை சிரிக்க வைப்பதற்காகவே உருவாக்கப்பட்டு என்றாலும், அதற்கு பின்னணியில் உள்ள தொழில்நுட்பம் தொடர்பான பணிகளை நாங்கள் மேற்கொண்டு வருகிறோம். மேலும், அதற்கான ப்ரோடோடைப்களும் உள்ளன. இது எங்களின் பொறியியல் குழுக்களால் என்ன செய்ய முடியும் என்பதை வெளிப்படுத்தும் வகையில் உள்ளது."

"எதிர்கால மொபிலிட்டி மற்றும் எங்களது பொறியியல் குழுக்கள் தானியங்கி, தானாக பேலன்ஸ் செய்து கொள்ளும் இருசக்கர வாகனங்களை உருவாக்கி வருகின்றன. இவற்றை எங்களது எதிர்கால வாகனங்களில் நீங்கள் பார்க்க முடியும்," என்று குறிப்பிட்டுள்ளார்.

டிரையம்ப் நிறுவனம் தனது டிரைடன்ட் டிரிபில் டிரிபியூட் மோட்டார்சைக்கிளை அறிமுகம் செய்தது. இது டிரைடன்ட் 660 மாடலின் ஸ்பெஷல் எடிஷன் மாடல் ஆகும். புதிய ஸ்பெஷல் எடிஷன் மாடலில் பிரத்யேக பெயின்ட் மற்றும் விசேஷ அக்சஸரீக்கள் வழங்கப்படுகின்றன. 1970-க்களில் அதிக வெற்றிகளை பெற்ற ஸ்லிப்பரி சாம் ரேஸ் பைக்கை நினைவு கூறும் வகையில், டிரைடன்ட் 660 ஸ்பெஷல் எடிஷன் மாடல் உருவாக்கப்பட்டு இருக்கிறது.

டிரைடன்ட் டிரிபில் டிரிபியூட் மாடல் டிஸ்டின்டிவ் வைட் மற்றும் மெட்டாலிக் புளூ, ஆங்காங்கே ரெட் ஸ்டிரீக் ஃபினிஷ் கொண்டிருக்கிறது. இத்துடன் 67 எண்ணின் கிராஃபிக் இடம்பெற்று இருக்கிறது. மேலும் இந்த நிறத்திற்கு ஒற்றுப்போகும் நிறத்தில் ஃபிளை ஸ்கிரீன் மற்றும் பெல்லிபேன் வழங்கப்பட்டு இருக்கிறது. இவை இந்த மாடலை ஸ்டான்டர்டு எடிஷனில் இருந்து வித்தியாசமானதாக மாற்றுகிறது.

மெக்கானிக்கல் வகையில், டிரையம்ப் டிரைடன்ட் 660 மாடலில் எவ்வித மாற்றமும் மேற்கொள்ளப்படவில்லை. அந்த வகையில், இந்த பைக்கிலும் 660சிசி, இன்லைன் மூன்று சிலிண்டர்கள் கொண்ட என்ஜின் வழங்கப்பட்டு இருக்கிறது. இந்த என்ஜின் 81 ஹெச்.பி. பவர், 64 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு கியர்பாக்ஸ் வழங்கப்படுகிறது.

இந்த பைக்கின் டியுபுலர் ஃபிரேமுடன் ஷோவா யு.எஸ்.டி. ஃபோர்க் மற்றும் பிரீலோடு அட்ஜஸ்ட் செய்யக்கூடிய மோனோஷாக் யூனிட் வழங்கப்படுகிறது. பிரேக்கிங்கிற்கு முன்புறம் இரட்டை 310mm டிஸ்க்குகள், பின்புறம் 255mm டிஸ்க் வழங்கப்பட்டு இருக்கிறது.

டிரைடன்ட் மாடலில் இரண்டு ரைடிங் மோட்கள், அட்ஜஸ்ட் செய்யக்கூடிய டிராக்ஷன் கண்ட்ரோல், நேவிகேஷன் வசதி, ஆல்-எல்.இ.டி. லைட்டிங் மற்றும் ஆட்டோ கேன்சலிங் இன்டிகேட்டர்கள் வழங்கப்பட்டுள்ளன.

இந்திய சந்தையில் புதிய டிரையம்ப் டிரைடன்ட் 660 மாடலின் விலை ரூ. 8 லட்சத்து 12 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

ஹோண்டா நிறுவனத்தின் அதிகம் எதிர்பார்க்கப்பட்ட CB125R மோட்டார்சைக்கிள் சர்வதேச சந்தையில் அறிமுகம் செய்யப்பட்டது. முந்தைய வெர்ஷனுடன் ஒப்பிடும் போது இந்த மாடலில் பல்வேறு புதிய அம்சங்கள் மற்றும் கணிசமான அப்டேட்கள் செய்யப்பட்டு உள்ளன.

அதன்படி முற்றிலும் புதிய CB125R மாடலில் 5 இன்ச் அளவில் கலர் TFT ன்ஸ்ட்ரூமென்ட் கிளஸ்டர் வழங்கப்படுகிது. இந்த யூனிட் CB1000R மாடலை தழுவி உருவாக்கப்பட்டு இருக்கிறது. இதனை முற்றிலும் புதிய ஸ்விட்ச் கியர் மூலம் கட்டுப்படுத்த முடியும்.

மேம்பட்ட ஹோண்டா CB125R மோட்டார்சைக்கிள் மேட் சைனோஸ் கிரே மெட்டாலிக், பியல் கூல் வைட், பியல் கூல் வைட், ரீஃப் சீ புளூ மெட்டாலிக் மற்றும் பியல் ஸ்பிலெண்டர் ரெட் என்று நான்குவித நிறங்களில் கிடைக்கிறது.

புதிய மோட்டார்சைக்கிளின் மெக்கானிக்கல் அம்சங்களில் எந்த மாற்றமும் செய்யப்படவில்லை. அந்த வகையில், 2024 ஹோண்டா CB125R மாடலில் 125சிசி, சிங்கில் சிலிண்டர், லிக்விட் கூல்டு என்ஜின் வழங்கப்படுகிறது. இந்த யூனிட் 15 ஹெச்.பி. பவர் வெளிப்படுத்தும் திறன் தொண்டிருக்கிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.

இத்துடன் ஷோவா எஸ்.எஃப்.எஃப். முன்புற ஃபோர்க்குகள், நான்கு பிஸ்டன்கள் கொண்ட கேலிப்பர்கள், 296mm முன்புற டிஸ்க் பிரேக், IMU மூலம் கட்டுப்படுத்தப்படும் லீன் சென்சிடிவ் ஏ.பி.எஸ். வழங்கப்பட்டு இருக்கிறது. 2024 ஹோண்டா CB125R மாடலின் விலை தற்போது விற்பனை செய்யப்படும் மாடலை விட அதிகமாகவே நிர்ணயம் செய்யப்படலாம். இந்த மாடல் இந்திய சந்தையில் அறிமுகம் செய்யப்படுவதும் சாத்தியமற்ற ஒன்றாக தெரிகிறது.

ஹீரோ மோட்டோகார்ப் நிறுவனம் தனது விடா V1 ப்ரோ வாங்குவோருக்கு புதிய சலுகையை அறிவித்து இருக்கிறது. ஹீரோவின் எலெக்ட்ரிக் வாகன பிரிவு விடா பிராண்டு விடா அட்வான்டேஜ் பேக்கேஜ் அறிவித்து இருக்கிறது. இதில் பயனர்களுக்கு ரூ. 27 ஆயிரம் மதிப்பிலான பலன்களை வழங்குகிறது.

ஏற்கனவே விடா V1 ப்ரோ பயன்படுத்துவோர் புதிய அட்வான்டேஜ் பேக்கேஜை எவ்வித கட்டணமும் இன்றி ஏப்ரல் 30 ஆம் தேதிக்குள் பெற முடியும். இதில் இரண்டு பேட்டரிகளுக்கும் ஐந்து ஆண்டுகள் அல்லது 60 ஆயிரம் கிலோமீட்டர்கள் வாரண்டி வழங்கப்படும்.

இத்துடன் 2 ஆயிரத்திற்கும் அதிக சார்ஜிங் பாயிண்ட்களை இலவசமாக பயன்படுத்தும் வசதி, விடா வொர்க்ஷாப்களில் இலவச சர்வீஸ், 24x7 ரோடு சைடு அசிஸ்டன்ஸ், மை விடா செயலியில் உள்ள அனைத்து கனெக்டிவிட்டி மற்றும் பாதுகாப்பு அம்சங்களையும் பயன்படுத்தும் வசதி வழங்கப்படுகிறது.

இந்திய சந்தையில் புதிய விடா V1 ப்ரோ எலெக்ட்ரிக் ஸ்கூட்டரின் விலை ரூ. 1 லட்சத்து 26 ஆயிரத்து 200, எக்ஸ்-ஷோரூம் என நிர்ணயம் செய்யப்பட்டு உள்ளது. இந்த எலெக்ட்ரிக் ஸ்கூட்டர் முழு சார்ஜ் செய்தால் அதிகபட்சம் 165 கிலோமீட்டர்கள் வரையிலான ரேன்ஜ் வழங்கும் என சான்று பெற்று இருக்கிறது. இந்த ஸ்கூட்டர் மணிக்கு 80 கிலோமீட்டர் வேகத்தில் செல்லும் திறன் கொண்டுள்ளது.