ஆட்டோமொபைல் செய்திகள்

ராயல் என்பீல்டு நிறுவனம் சமீபத்தில் தான் தனது மோட்டார்சைக்கிள் மாடல்களின் விலையை உயர்த்தியது. இந்த நிலையில், ஹிமாலயன் மோட்டார்சைக்கிளின் அனைத்து வேரியண்ட்களின் விலையும் உயர்த்தப்பட்டு இருக்கிறது. அதன்படி ராயல் என்பீல்டு ஹிமாலயன் மாடலின் அனைத்து வேரியண்ட்களும் ரூ. 4 ஆயிரத்து 222 உயர்த்தப்பட்டது.

ராயல் என்பீல்டு ஹிமாலயன் கிராவல் கிரே, மிரேஜ் சில்வர் ரூ. 2 லட்சத்து 19 ஆயிரத்து 109

ராயல் என்பீல்டு ஹிமாலயன் ராக் ரெட், லேக் புளூ ரூ. 2 லட்சத்து 22 ஆயிரத்து 928

ராயல் என்பீல்டு ஹிமாலயன் பைன் கிரீன், கிராணைட் பிளாக் ரூ. 2 லட்சத்து 22 ஆயிரத்து 526

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

விலை உயர்வின் படி ஹிமாலயன் டாப் எண்ட் விலை மற்றும் ஸ்கிராம் 411 டாப் எண்ட் விலையில் ரூ. 14 ஆயிரம் வித்தியாசமாக இருக்கிறது. ராயல் என்பீல்டு ஹிமாலயன் மாடலில் 411சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இது லோ-எண்ட் டார்க், ஆஃப் ரோடு சார்ந்த அம்சங்களை கொண்டிருக்கிறது. 

மேலும் இந்த மாடல் தினசரி பயன்பாடுகளுக்கு ஏற்ற வகையில் உள்ளது. மேலும் சமீபத்திய மாடலில் ட்ரிப்பர் நேவிகேஷன் செட்டப் மற்றும் ஸ்விட்ச் செய்யக் கூடிய ஏ.பி.எஸ். போன்ற அம்சங்கள் வழங்கப்பட்டுள்ளன.

ஜப்பான் நாட்டை சேர்ந்த லெக்சஸ் நிறுவனம் தனது முதல் எலெக்ட்ரிக் கார் மாடலை அறிமுகம் செய்து இருக்கிறது. புதிய லெக்சஸ் RZ 450e எலெக்ட்ரிக் கார் இந்த ஆண்டு இறுதியில் சர்வதேச சந்தையில் விற்பனைக்கு வர இருக்கிறது. புதிய RZ மாடல் டொயோட்டா bZ4X எஸ்.யு.வி. மாடலை போன்றே TNGA பிளாட்பார்மில் உருவாக்கப்பட்டு இருக்கிறது. 

லெக்சஸ் RZ 450e காரின் ஒட்டுமொத்த தோற்றம் அந்த நிறுவனத்தின் ஆல் எலெக்ட்ரிக் எதிர்காலத்தை பிரதிபலிக்கும் லெக்சஸ் டிசைன் கொண்டிருக்கிறது. கடந்த ஆண்டு லெக்சஸ் இந்த மாடல் விவரங்களை முண்ணோட்டமாக வெளியிட்டு இருந்தது. இந்த காரின் முன்புறம் லெக்சஸ் நிறுவனத்தின் டிரேட்மாக் ஸ்பிண்டில் கிரில் உள்ளது. இது எலெக்ட்ரிக் காரின் சக்திவாய்ந்த அம்சங்கள் மற்றும் சீறிப்பாயும் அக்செல்லரேஷனை குறிக்கும் வகையில் காட்சியளிக்கிறது.

தனது முதல் எலெக்ட்ரிக் கார் மாடலில் லெக்சஸ் நிறுவனம் 71.4 கிலோவாட் ஹவர் லித்தியம் அயன் பேட்டரியை வழங்கி இருக்கிறது. இதே பேட்டரி தான் டொயோட்டா bZ4X மாடலிலும் வழங்கப்பட்டு இருக்கிறது. இந்த கார் முழு சார்ஜ் செய்தால் அதிகபட்சம் 362 கிலோமீட்டர் வரையிலான ரேன்ஜ் வழங்கும். காம்பேக்ட் எலெக்ட்ரிக் மோட்டார்களுடன் இந்த காரில் புதிதாக டைரக்ட் 4 வீல் டிரைவ் பவர்-டிரைன் வழங்கப்பட்டு இருக்கிறது. 

இதில் ஒரு மோட்டார் காரின் முன்புறத்திற்கு 203 ஹெச்.பி. திறன், பின்புறத்திற்கு 108 ஹெச்.பி. திறன் வெளிப்படுத்துகிறது. இவை இணைந்து 312 ஹெச்.பி. பவர், 435 நியூட்டன் மீட்டர் டார்க் இழுவிசையை வெளிப்படுத்துகின்றன. இந்த கார் மணிக்கு 0 முதல் 100 கிலோமீட்டர் வேகத்தை 5.6 நொடிகளில் எட்டிவிடும். மேலும் இது மணிக்கு அதிகபட்சம் 159 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு இருக்கிறது.

நிசான் இந்தியா நிறுவனம் தனது டேட்சன் பிராண்டை இந்திய சந்தையில் இருந்து விலக்கிக் கொள்வதாக அறிவித்து இருக்கிறது. இதுகுறித்து அந்நிறுவனம் வெளியிட்டு இருக்கும் தகவல்களில் டேட்சன் ரெடி-கோ மாடலின் உற்பத்தி சென்னையில் நிறுத்தப்படுவதாக தெரிவிக்கப்பட்டு உள்ளது. 

முன்னதாக ரஷ்யா மற்றும் இந்தோனேசியா போன்ற நாடுகளில் டேட்சன் பிராண்டு ஏற்கனவே விலக்கிக் கொள்ளப்பட்ட நிலையில், தற்போது இரு நாடுகள் வரிசையில் இந்தியாவும் இணைக்கப்பட்டு இருக்கிறது. சர்வதேச சந்தையில் டேட்சன் பிராண்டு ரி எண்ட்ரி கொடுத்து ஒன்பது ஆண்டுகள் ஆன நிலையில், மீண்டும் விடைபெறுவதாக அந்நிறுவனம் அறிவித்து இருக்கிறது.

இந்திய சந்தையில் பல வாடிக்கையாளர்கள் டேட்சன் பிராண்டின் கோ ஹேச்பேக், கோ பிளஸ் எம்.பி.வி. மற்றும் ரெடி கோ போன்ற மாடல்களை வாங்கி பயன்படுத்தி வருகின்றனர். அந்த வகையில், ஏற்கனவே டேட்சன் வாகனங்களை பயன்படுத்துவோருக்கும், எதிர்கால வாடிக்கையாளர்களுக்கும் சர்வீஸ், உதிரி பாகங்கள் மற்றும் வாரண்டி சப்போர்ட் உள்ளிட்டவை தொடர்ந்து வழங்கப்படும் என டேட்சன் பிராண்டு அறிவித்து இருக்கிறது. 

"நிசான் நிறுவனத்தின் சர்வதேச தோற்றத்தை அடியோடு மாற்றும் இலக்கை அடையும் வகையில், நிசான் நிறுவனம் வாடிக்கையாளர்கள், டீலர்கள் மற்றும் வியாபாரத்திற்கு அதிக பலன்களை ஈட்டித் தரும் வாகனங்கள் மற்றும் பிரிவுகளில் அதிக கவனம் செலுத்த துவங்கி இருக்கிறது. சென்னை ஆலையில் நடைபெற்று வந்த டேட்சன் ரெடி-கோ மாடலின் உற்பத்தி நிறுத்தப்படுகிறது. எனினும், விற்பனை தொடர்ந்து நடைபெறும்."

"வாடிக்கையாளர்களை திருப்திப்படுத்துவதே எங்களின் மிக முக்கிய குறிக்கோள் என்பதை எதிர்கால டேட்சன் வாடிக்கையாளர்களிடமும் தெரிவித்து கொள்கிறோம். இது எங்களின் தற்போதைய வாடிக்கையாளர்களுக்கும் பொருந்தும். சந்தையில் இருந்து மெல்ல விடைபெற்றாலும், வாடிக்கையாளர்களுக்கு உயர் ரக சர்வீஸ், உதிரிபாகங்களை தொய்வின்றி வழங்குவது மற்றும் வாரண்டி சேவையை எங்களின் தேசிய அளவிலான டீலர்ஷிப் நெட்வொர்க் மூலம் நிச்சயம் வழங்குவோம்." என நிசான் இந்தியா வெளியிட்டு இருக்கும் அறிக்கையில் குறிப்பிடப்பட்டு இருக்கிறது.

 

பி.எம்.டபிள்யூ. நிறுவனம் முற்றிலும் புதிய ஏழாம் தலைமுறை 7 சீரிஸ் மாடலை அறிமுகம் செய்து இருக்கிறது. இது பி.எம்.டபிள்யூ. நிறுவனத்தின் ஃபிளாக்‌ஷிப் லக்சரி சலூன் மாடல் ஆகும். 2023 பி.எம்.டபிள்யூ. 7 சீரிஸ் மாடல் முற்றிலும் புது டிசைன் கொண்டிருக்கிறது. இத்துடன் ஆல்-எலெக்ட்ரிக் i7 செடான் மாடலும் இந்த சீரிசில் அறிமுகம் செய்யப்பட்டு உள்ளது. 

45 வருட பி.எம்.டபிள்யூ. வரலாற்றில் டாப் எண்ட் பிரிவில் எலெக்ட்ரிக் மாடல் நிலை நிறுத்தப்படுவது இதுவே முதல் முறை ஆகும். புதிய i7 மாடல் 7 சீரிஸ் ஐ.சி.இ. என்ஜின் வேரியண்ட்களுடன் விற்பனை செய்யப்பட இருக்கிறது. இந்த மாடல் பி.எம்.டபிள்யூ. iX மற்றும் i4 மாடல்களின் மேல் நிலைநிறுத்தப்படுகிறது. இந்த பிரிவில் புதிய பி.எம்.டபிள்யூ. i7 மாடல் மெர்சிடிஸ் பென்ஸ் EQS காருக்கு போட்டியாக அமைகிறது.

2023 பி.எம்.டபிள்யூ. 7 சீரிஸ் கேபினில் பி.எம்.டபிள்யூ. நிறுவனத்தின் லைவ் காக்பிட் பிளஸ், முற்றிலும் புதிய ஐடிரைவ் 8 யு.ஐ. வழங்கப்பட்டு உள்ளது. இதன் 12.3 இன்ச் டிஜிட்டல் இன்ஸ்ட்ரூமெண்ட் பேனல் மற்றும் 14.9 இன்ச் இன்ஃபோடெயின்மெண்ட் ஸ்கிரீன் வளைந்த டிஸ்ப்ளே கொண்டிருக்கிறது. இந்த மாடலின் பின்புற இருக்கைகள் அதிக சவுகரியத்தை வழங்கும் படி மிக நேர்த்தியாக உருவாக்கப்பட்டு இருக்கிறது.

இத்துடன் 31.3 இன்ச் 8K தியேட்டர் ஸ்கிரீன் டிஸ்ப்ளேவினை காரினுள் பொருத்திக் கொள்ளும் வசதி இந்த மாடலில் வழங்கப்படுகிறது. இதன் மூலம் வாடிக்கையாளர்கள் கார் தியேட்டர் அனுபவத்தை பெற முடியும். இதன் டோர் பேனல்களில் இரண்டு 5.5 இன்ச் அளவிலான டேபில்கள் உள்ளன. 

முற்றிலும் புதிய பி.எம்.டபிள்யூ. 7 சீரிஸ் மாடல் பெட்ரோல், டீசல், பிளக்-இன் ஹைப்ரிட் மற்றும் எலெக்ட்ரிக் ஆப்ஷன்களில் கிடைக்கிறது. இதன் பேஸ் மாடலான 740i 3 லிட்டர் இன்லைன் 6 சிலிண்டர் என்ஜின் மற்றும் 48 வோல்ட் மைல்டு ஹைப்ரிட் சிஸ்டம் கொண்டிருக்கிறது. இந்த யூனிட் 375 ஹெச்.பி. பவர், 519 நியூட்டன் மீட்டர் டார்க் இழுவிசையை வெளிப்படுத்துகிறது.

டாப் எண்ட் மாடலான 760i எக்ஸ்-டிரைவ், 4.4 லிட்டர் டுவின்-டர்போ சார்ஜ் செய்யப்பட்ட வி8 என்ஜின் கொண்டிருக்கிறது. இந்த என்ஜின் 536 ஹெச்.பி. பவர், 750 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் மணிக்கு 0 முதல் 100 கிலோமீட்டர் வேகத்தை 4.2 நொடிகளில் எட்டிவிடும். இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.

பி.எம்.டபிள்யூ. i7 எக்ஸ்-டிரைவ் 60 மாடலில் 101.7 கிலோவாட் ஹவர் பேட்டரி வழங்கப்பட்டு இருக்கிறது. இது 536 ஹெச்.பி. பவர், 744 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் மணிக்கு 0 முதல் 100 கிலோமீட்டர் வேகத்தை 4.5 நொடிகளில் எட்டிவிடும். இதில் உள்ள பேட்டரியை முழுமையாக சார்ஜ் செய்தால் 483 கிலோமீட்டர் வரை பயணிக்க முடியும். 

கியா நிறுவனத்தின் அதிகம் எதிர்பார்க்கப்படும் கியா EV6 எலெக்ட்ரிக் கிராஸ்-ஓவர் மாடல் இந்திய வெளியீடு அதிகாரப்பூர்வமாக உறுதி செய்யப்பட்டு இருக்கிறது. அதன்படி கியா EV6 மாடலுக்கான இந்திய முன்பதிவு மே மாதம் 26 ஆம் தேதி துவங்கும் என தகவல் வெளியாகி உள்ளது. இதைத் தொடர்ந்து கியா EV6 வெளியீடு நடைபெறும். 

இந்திய சந்தையில் கியா EV6 மாடல் சி.பி.யு. (முழுமையாக உருவாக்கப்பட்ட மாடல்) வடிவில் இந்தியா கொண்டுவரப்பட இருக்கிறது. அந்த வகையில் இந்த மாடலின் விலை ரூ. 50 லட்சத்திற்கும் அதிகமாகவே நிர்ணயம் செய்யப்படும் என தெரிகிறது. மேலும் இந்த எலெக்ட்ரிக் கார் குறைந்த எண்ணிக்கையிலேயே இந்தியா கொண்டுவரப்படும் என கூறப்படுகிறது. 

அம்சங்களை பொருத்தவரை கியா EV6 மாடல் GT-லைன் வேரியண்ட்டை தழுவி உருவாக்கப்பட்டு இருக்கிறது. இத்துடன் டூயல் e-AWD சிஸ்டம், 77.4 கிலோவாட் ஹவர் பேட்டரி வழங்கப்படும் என தெரிகிறது. இது காரின் திறனை 320 ஹெச்.பி., 605 நியூட்டன் மீட்டர் டார்க் இழுவிசையை வெளிப்படுத்த செய்கிறது. இந்த கார் முழு சார்ஜ் செய்தால் அதிகபட்சமாக 425 கிலோமீட்டர்கள் வரை செல்லும். 

இதே கார் 55.8 கிலோவாட் ஹவர் பேட்டரி கொண்ட வேரியண்டிலும் கிடைக்கிறது. இது ரியர் வீல் டிரைவ் மற்றும் ஆல் வீல் டிரைவ் என இரண்டு விதமான ஆப்ஷன்களில் கிடைக்கிறது. இதன் டூயல் மோட்டார் செட்டப் 235 ஹெச்.பி. திறன் வெளிப்படுத்துகிறது.

ராயல் என்பீல்டு நிறுவனம் தனது Meteor மோட்டார்சைக்கிளை மூன்று புதிய நிறங்களில் அறிமுகம் செய்து இருக்கிறது. அதன்படி ராயல் என்பீல்டு Meteor 350 பேஸ் மாடலான ஃபயர்பால் வேரியண்ட் புளூ, மேட் கிரீன் நிறத்திலும், டாப் எண்ட் மாடலான சூப்பர்நோவா வேரியண்ட் ரெட் நிறத்திலும் கிடைக்கிறது. 

ஏற்கனவே கிடைக்கும் மற்ற நிற வேரியண்ட்களுடன் சேர்த்து தற்போது அறிமுகமாகி இருக்கும் புது நிறங்களும் விற்பனை செய்யப்பட இருக்கின்றன. புதிய நிறங்கள் மட்டுமின்றி, ராயல் என்பீல்டு நிறுவனம் தனது Meteor 350 மாடலின் விலையையும் உயர்த்தி இருக்கிறது. 

விலை உயர்வின் படி ராயல் என்பீல்டு Meteor 350 மோட்டார்சைக்கிள் மாடலின் மூன்று வேரியண்ட்களின் விலையும் தற்போது ரூ. 4 ஆயிரத்து 224 உயர்த்தப்பட்டு உள்ளது. ராயல் என்பீல்டு Meteor 350 ஃபயர்பால் ரூ. 2 லட்சத்து 05 ஆயிரத்து  844 என்றும், Meteor 350 ஸ்டெல்லார் வேரியண்ட் விலை ரூ. 2 லட்சத்து 11 ஆயிரத்து 924 என்றும் டாப் எண்ட் வேரியண்டான Meteor 350 சூப்பர்நோவா விலை ரூ. 2 லட்சத்து 22 ஆயிரத்து 061 என்றும் மாறி இருக்கிறது. அனைத்து விலைகளும் எக்ஸ்-ஷோரூம் (சென்னை) அடிப்படையில் குறிப்பிடப்பட்டு இருக்கின்றன. 

ராயல் என்பீல்டு Meteor 350 மாடலில் முன்பை போன்றே 349சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 20.2 பி.ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் ட்ரிப்பர் நேவிகேஷன் சிஸ்டம், செமி டிஜிட்டல் கன்சோல், எல்.இ.டி. டி.ஆர்.எல். மற்றும் யு.எஸ்.பி. சார்ஜர் போன்ற அம்சங்களும் இந்த மாடலில் வழங்கப்பட்டுள்ளன.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் 2022 கோல்டு விங் டூர் மோட்டார்சைக்கிள் மாடலை இந்திய சந்தையில் அறிமுகம் செய்து இருக்கிறது. புதிய 2022 ஹோண்டா கோல்டு விங் டூர் மாடல் விலை ரூ. 39 லட்சத்து 20 ஆயிரம், எக்ஸ்-ஷோரூம் ஆகும். இந்த மோட்டார்சைக்கிளுக்கான முன்பதிவு நடைபெற்று வரும் நிலையில், வினியோகம் அடுத்த சில வாரங்களில் துவங்க இருக்கிறது. 

2022 ஹோண்டா கோல்டு விங் மாடலில் ஃபுல் எல்.இ.டி. லைட்டிங், டூயல் எல்.இ.டி. ஃபாக் லேம்ப்கள், இருபுறமும் பாலிஷ்டு ஆப்டிக்கல் லென்ஸ்கள் உள்ளன. மேலும் லோ காண்டிராஸ்ட் நிறங்கள் மற்றும் டார்க் டோன்கள் இந்த பைக்கிற்கு பிரீமியம் தோற்றத்தை வழங்குகின்றன. பிரீமியம் டச் இதன் இன்ஸ்ட்ரூமெண்ட் கிளஸ்டரிலும் பிரதிபலிக்கிறது.

புதிய டூரர் மாடலில் 7 இன்ச் ஃபுல் கலர் TFT டிஸ்ப்ளே, ஆப்பிள் கார்பிளே, ஆண்ட்ராய்டு ஆட்டோ மற்றும் ப்ளூடூத் கனெக்டிவிட்டி உள்ளிட்டவை வழங்கப்பட்டு இருக்கின்றன. இந்த ஸ்கிரீனின் பிரைட்னஸ் தானாக அட்ஜஸ்ட் செய்து கொள்ளும் வசதி கொண்டிருக்கிறது. இதற்கென எட்டு லெவல் பிரைட்னஸ் செட்டிங் உள்ளது.

இத்துடன் ஸ்மார்ட் கீ, குரூயிஸ் கண்ட்ரோல், 21 லிட்டர் ஃபியூவல் டேன்க் போன்றவை வழங்கப்பட்டுள்ளன. புதிய கோல்டு விங் டூர் மாடலில் 1,833சிசி, லிக்விட் கூல்டு, 4 ஸ்டிரோக், 24 வால்வு SOHC ஃபிளாட்-6 என்ஜின் வழங்கப்பட்டு இருக்கிறது. இந்த என்ஜின் 126 ஹெச்.பி. திறன், 170 நியூட்டன் மீட்டர் டார்க் இழுவிசையை வெளிப்படுத்துகிறது.

இந்த என்ஜினுடன் டூயல் கிளட்ச் டிரான்ஸ்மிஷன், டூர், ஸ்போர்ட், இகோன், ரெயின் என நான்கு வித ரைடிங் மோட்கள் உள்ளன. இத்துடன் இன்டகிரேடெட் ஸ்டார்ட்டர் ஜெனரேட்டர் மற்றும் ஹில் ஸ்டார்ட் அசிஸ்ட் போன்ற அம்சங்களும் வழங்கப்பட்டுள்ளன.

மெர்சிடிஸ் நிறுவனம் எலெக்ட்ரிக் வாகனங்கள் பிரிவில் புதிய ஃபிளாக்‌ஷிப் எஸ்.யு.வி. மாடலை அறிமுகம் செய்து இருக்கிறது. இந்த மாடல் மெர்சிடிஸ் EQS என அழைக்கப்படுகிறது. புதிய மெர்சிடிஸ் EQS மாடல் அந்நிறுவனத்தின் EVA2 EV பிளாட்பார்மில் உருவாக்கப்பட்டு இருக்கிறது. இந்த மாடல் பல்வேறு பவர்-டிரைன் ஆப்ஷன்களில் விற்பனைக்கு வர இருக்கிறது.

இவை 355 பி.ஹெச்.பி.-யில் துவங்கி அதிகபட்சமாக 536 பி.ஹெ்ச.பி. வரையிலான செயல்திறன் வெளிப்படுத்தும். மற்ற மெர்சிடிஸ் ஃபிளாக்‌ஷிப் மாடல்களை போன்றே, புதிய EQS எஸ்.யு.வி. மாடலிலும் கில்ஸ், MBUX ஹைப்பர் ஸ்கிரீன், டிஜிட்டல் ஹெட்லைட்கள், ஆக்மெண்டெட் ரியாலிட்டி, ஹெட்ஸ்-அப் டிஸ்ப்ளே மற்றும் பல்வேறு அம்சங்கள் வழங்கப்பட்டு உள்ளன.

அளவில் புதிய மெர்சிடிஸ் EQS 5125mm நீளமாகவும், 1959mm அகலமாகவும், ஒட்டுமொத்தமாக 1718mm உயரமாகவும் இருக்கிறது. இதன் வீல்பேஸ் 3210mm அளவில் இருக்கிறது. இந்த காரில் மூன்றாம் கட்ட இருக்கைகளை விரும்புவோர் தேர்வு செய்யும் வகையில் ஆப்ஷனாக வழங்கப்படுகிறது. 

மெர்சிடிஸ் EQS மாடல் 2 மற்றும் ஆல்-வீல் டிரைவ் வசதிகளில் வழங்கப்படுகிறது. மேலும் இந்த எலெக்ட்ரிக் கார் 355 பி.ஹெச்.பி.-யில் துவங்கி அதிகபட்சம் 536 பி.ஹெச்.பி. வரையில் பல்வேறு டியூனிங்கில் செயல்திறன் வழங்கும் ஆப்ஷ்களில் கிடைக்கிறது. இதில் உள்ள 107.8 கிலோவாட் ஹவர் பேட்டரி முழு சார்ஜ் செய்தால் 660 கிலோமீட்டர் வரை செல்லும் என கூறப்படுகிறது.

ஜீப் இந்தியா நிறுவனம் புத்தம் புது ஜீப் காம்பஸ் நைட் ஈகிள் எடிஷன் காரை இந்தியாவில் அறிமுகம் செய்துள்ளது. புதிய ஜீப் காம்பஸ் ஸ்பெஷல் எடிஷன் மாடல் விலை ரூ. 21 லட்சத்து 95 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. முன்னதாக ஜீப் காம்பஸ் 2020 பிரீ-பேஸ்லிப்ட் மாடலின் நைட் ஈகிள் எடிஷன் மாடலை ஜீப் இந்தியா நிறுவனம் வெளியிட்டு இருந்தது.

புதிய ஜீப் காம்பஸ் நைட் ஈகிள் எடிஷனில் கிளாஸ் பிளாக் கிரில், மற்றும் கிரில் ரிங்குகள், 18 இன்ச் பிளாக் அலாய் வீல்கள், பிளாக் ரூஃப் ரெயில்கள், கிளாஸ் பிளாக் விங் மிரர்கள், ஃபாக் லேம்ப் பெசல் உள்ளிட்டவை வழங்கப்பட்டு இருக்கிறது. 

காரின் உள்புறம் பியானோ பிளாக் டிரீட்மெண்ட் செய்யப்பட்டு பிளாக் வினைல் சீட்கள், டங்ஸ்டன் ஸ்டிட்ச், பிளாக் வினைல் இன்சர்ட்கள் வழங்கப்பட்டுள்ளன. இத்துடன் வயர்லெஸ் ஆப்பிள் கார்பிளே, ஆண்ட்ராய்டு ஆட்டோ மற்றும் பல்வேறு இதர அம்சங்கள் வழங்கப்பட்டு உள்ளது.

மேலும் 10.1 இன்ச் இன்ஃபோடெயின்மெண்ட் சிஸ்டம், 7 இன்ச் இன்ஸ்ட்ரூமெண்ட் கிளஸ்டர், டூயல் ஜோன் ஆட்டோமேடிக் கிளைமேட் கண்ட்ரோல், ஹில் ஸ்டார்ட் அசிஸ்ட், ஆல் ஸ்பீடு டிராக்‌ஷன் கண்ட்ரோல் சிஸ்டம், எலெக்டிரானிக் ஸ்டேபிலிட்டி கண்ட்ரோல், எலெக்டிரானிக் பார்கிங் பிரேக் உள்ளிட்ட அம்சங்களும் உள்ளது.  

ஜீப் காம்பஸ் நைட் ஈகிள் எடிஷன் பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது. இதன்  2 லிட்டர், 4 சிலிண்டர் மல்டிஜெட் பெட்ரோல் யூனிட் மற்றும் 1.4 லிட்டர் மல்டி-லேயர் டர்போ பெட்ரோல் என்ஜின் வழங்கப்பட்டு இருக்கிறது. இரு என்ஜின்களுடன் முறையே 6 ஸ்பீடு மேனுவல் டிரான்ஸ்மிஷன் மற்றும் 7 ஸ்பீடு ஆட்டோமேடிக் டிரான்ஸ்மிஷன் யூனிட் வழங்கப்பட்டு இருக்கிறது. 

ஹோண்டா கார்ஸ் இந்தியா நிறுவனம் தனது சிட்டி eHEV ஹைப்ரிட் மாடல் உற்பத்தியை துவங்கி இருக்கிறது. புதிய ஹோண்டா சிட்டி eHEV ஹைப்ரிட் மாடல் உற்பத்தி ராஜஸ்தானில் உள்ள தபுகாரா உற்பத்தி ஆலையில் நடைபெற்று வருகிறது. ஹோண்டா சிட்டி eHEV ஹைப்ரிட் மாடல் கடந்த வாரம் இந்திய சந்தையில் அறிமுகம் செய்யப்பட்டது. 

புதிய ஹோண்டா சிட்டி eHEV மாடலுக்கான முன்பதிவு துவங்கி நடைபெற்று வருகிறது. முன்பதிவு ஹோண்டா அதிகாரப்பூர்வ விற்பனை மையங்கள் மற்றும் அதிகாரப்பூர்வ வலைதளத்தில் நடைபெறுகிறது. முன்பதிவு கட்டணம் விற்பனை மையத்தில் ரூ. 21 ஆயிரம் என்றும் ஆன்லைனில் ரூ. 5 ஆயிரம் என்றும் நிர்ணயம் செய்யப்பட்டு உள்ளது. 

ஹோண்டா சிட்டி eHEV மாடலில் 1.5 லிட்டர், அட்கின்சன் சைக்கிள் iVTEC பெட்ரோல் என்ஜின் மற்றும் லித்தியம் அயன் பேட்டரி வழங்கப்பட்டு இருக்கிறது. இவை இணைந்து 124 பி.ஹெச்.பி. திறன், 253 நியூட்டன் மீட்டர் டார்க் இழுவிசையை வெளிப்படுத்துகின்றன. புதிய ஹோண்டா சிட்டி eHEV ஹைப்ரிட் மாடல் லிட்டருக்கு 26.5 கிலோமீட்டர் மைலேஜ் வழங்குகிறது.

ஹோண்டா eHEV எலெக்ட்ரிக் மோட்டார்கள் லித்தியம் அயன் பேட்டரியை ஒவ்வொரு முறை பிரேக் போடும் போதும் சார்ஜ் செய்கின்றன. பேடில் ஷிஃப்டர்கள் உதவியுடன் பிரேக் எனர்ஜி மீட்பு சிஸ்டத்தை மாற்றி அமைத்துக் கொள்ள முடியும். லித்தியம் அயன் பேட்டரி மீது ஹோண்டா நிறுவனம் எட்டு ஆண்டுகளுக்கு வாரண்டி வழங்குகிறது.

கவாசகி இந்தியா நிறுவனம் இந்திய சந்தையில் விற்பனை செய்து வரும் வெர்சிஸ் 650 மாடலுக்கு அதிரடி தள்ளுபடியை அறிவித்து இருக்கிறது. அந்த வகையில் இந்தியாவில் கவாசகி நிறுவனத்தின் மிடில் வெயிட் அட்வென்ச்சர் டூரர் பைக்-ஐ வாங்குவோருக்கு ரூ. 70 ஆயிரம் வரையிலான தள்ளுபடி வுவச்சர் வழங்கப்படுகிறது.

தற்போது இந்திய சந்தையில் புதிய கவாசகி வெர்சிஸ் 650 மாடலின் விலை ரூ. 7 லட்சத்து 15 ஆயிரம் என நிர்ணயம் செய்யப்பட்டுள்ளது. கவாசகி வழங்கும் தள்ளுபடி வவுச்சர் சலுகையை சேர்க்கும் போது கவாசகி வெர்சிஸ் 650 மாடல் விலை ரூ. 6 லட்சத்து 45 ஆயிரம் என மாறி விடுகிறது. இந்த சலுகை ஏப்ரல் 30 ஆம் தேதி வரை அறிவிக்கப்படும் என அறிவிக்கப்பட்டு இருக்கிறது. 

கவாசகி நிறுவனம் விற்பனை செய்து வரும் வெர்சிஸ் 650 மாடலுக்கு மாற்றாக விரைவில் 2022 கவாசகி வெர்சிஸ் 650 மாடலை அறிமுகம் செய்ய திட்டமிட்டு இருக்கிறது. இந்த மாடல் கடந்த ஆண்டு நவம்பர் மாதம் நடைபெற்ற EICMA மோட்டார்சைக்கிள் விழாவில் காட்சிப்படுத்தப்பட்டு இருந்தது குறிப்பிடத்தக்கது.

2022 வெர்சிஸ் 650 மாடலில் ரிவைஸ்டு ஹெட்லைட் டிசைன், எல்.இ.டி. லைட்டிங், ப்ளூடூத் வசதி கொண்ட TFT கலர் டிஸ்ப்ளே வழங்கப்படுகிறது. மெக்கானிக்கல் அம்சங்களை பொருத்தவரை புதிய கவாசகி வெர்சிஸ் 650 மாடலில் 650சிசி, பேரலல் டுவின், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 64.8 பி.ஹெச்.பி. பவர், 60.7 நியூட்டன் மீட்டர் டார்க் இழுவிசையை வெளிப்படுத்துகிறது.

புதிய கவாசகி வெர்சிஸ் 650 மோட்டார்சைக்கிளில் 17 இன்ச் அலாய் வீல்கள், இன்வெர்ட் செய்யப்பட்ட முன்புற ஃபோர்க்குகள், பின்புறம் மோனோஷாக் சஸ்பென்ஷன், டூயல் டிஸ்க் பிரேக் உள்ளிட்ட அம்சங்கள் வழங்கப்பட்டுள்ளன. 

புதிய 2022 கவாசகி வெர்சிஸ் 650 மாடலின் இந்திய வெளியீடு பற்றி இதுவரை எந்த தகவலும் இல்லை. எனினும், இந்த ஆண்டின் இரண்டாவது அரையாண்டு வாக்கில் புதிய கவாசகி வெரிசிஸ் 650 அறிமுகம் செய்யப்படும் என எதிர்பார்க்கப்படுகிறது.

ஜாகுவார் லேண்ட் ரோவர் நிறுவனம் புதிய டிஸ்கவரி மெட்ரோபொலிடன் எடிஷன் காரை இந்திய சந்தையில் அறிமுகம் செய்து இருக்கிறது. புதிய ஸ்பெஷல் எடிஷன் லேண்ட் ரோவர் டிஸ்கவரி மாடல் விலை ரூ. 1 கோடியே 26 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. அறிமுகம் செய்ததோடு, லேண்ட் ரோவர் டிஸ்கவரி மெட்ரோபொலிடன் மாடலுக்கான முன்பதிவும் துவங்கி நடைபெற்று வருகிறது. 

புதிய லேண்ட் ரோவர் டிஸ்கவரி மெட்ரோபொலிடன் எடிஷன் வெளிப்புறம் மற்றும் உள்புறங்களில் ஏராளமான மாற்றங்களை கொண்டிருக்கிறது. ஆர்-டைனமிக் HSE மாடலை தழுவி உருவாக்கப்பட்டு இருக்கும் ஸ்பெஷல் எடிஷன் மாடலில் பிரைட் அட்லஸ் டீடெயிலிங் மற்றும் டிஸ்கவரி பேட்ஜ் கொண்டிருக்கிறது. இத்துடன் ஹகுபா சில்வர் லோயர் பம்ப்பர் இன்சர்ட்கள், 20 இன்ச் சேடின் ஃபினிஷ் செய்யப்பட்ட டார்க் கிரே அலாய் வீல்கள், பிளாக் லேண்ட் ரோவர் பிரேக் கேலிப்பர்கள், ஸ்லைடிங் முன்புற சன்ரூஃப் மற்றும் பின்புறம் பானரோமிக் சன்ரூஃப் வழங்கப்பட்டு இருக்கிறது.

இந்த மாடலில் 12.3 இன்ச் அளவில் டிரைவர் டிஸ்ப்ளே, வயர்லெஸ் சார்ஜிங், போன் சிக்னல் பூஸ்டர், முன்புறம் கூலர் கம்பார்ட்மெண்ட், 4-ஜோன் கிளைமேட் கண்ட்ரோல், ஹீடெட் ஸ்டீரிங் வீல் உள்ளிட்டவை ஸ்டாண்டர்டு அம்சங்களாக வழங்கப்பட்டுள்ளன. கேபின் முழுக்க டைட்டானியம் மெஷ் ட்ரிம் டீடெயிலிங் செய்யப்பட்டு உள்ளது.

புதிய லேண்ட் ரோவர் டிஸ்கவரி மெட்ரோபொலிடன் எடிஷன் மாடலில் 3 லிட்டர் D300 இன்ஜெனியம் டீசல் என்ஜின் வழங்கப்பட்டு இருக்கிறது. இந்த என்ஜின் 296 பி.ஹெச்.பி. பவர், 650 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் P360 3 லிட்டர் இன்ஜெனியம் பெட்ரோல் என்ஜினும் வழங்கப்பட்டு இருக்கிறது. இந்த என்ஜின் 355 பி.ஹெச்.பி. பவர், 500 நியூட்டன் மீட்டர் டார்க் இழுவிசையை வெளிப்படுத்துகிறது. 

இத்துடன் மைல்டு ஹைப்ரிட் தொழில்நுட்பம், மேம்பட்ட அக்செல்லரேஷன் மற்றும் செயல்திறன் வழங்கப்பட்டு இருக்கிறது. இரு என்ஜின்களுடன் 8 ஸ்பீடு ஆட்டோமேடிக் டிரான்ஸ்மிஷன் மற்றும் ஆல்-வீல் டிரைவ் வசதி வழங்கப்பட்டு உள்ளது.