என் மலர்
ஆட்டோமொபைல்ஸ் - Archive
ஓலா எலெக்ட்ரிக் நிறுவனத்தின் எஸ்1 ஸ்கூட்டர் விற்பனை திடீரென ஒத்திவைக்கப்பட்டது. இதன் விவரங்களை பார்ப்போம்.
ஓலா எலெக்ட்ரிக் நிறுவனம் தனது எலெக்ட்ரிக் ஸ்கூட்டரின் முதல் விற்பனையை கடைசி நேரத்தில் ஒத்திவைத்தது. அந்நிறுவனத்தின் முதல் எலெக்ட்ரிக் ஸ்கூட்டர்கள் ஆகஸ்ட் மாதம் அறிமுகம் செய்யப்பட்டு, இதுவரை முன்பதிவு நடைபெற்று வந்தது.
இதன் விற்பனை நேற்று செப்டம்பர் 8 ஆம் தேதி நடைபெற இருந்த நிலையில், அந்நிறுவன வலைதளத்தில் ஏற்பட்ட தொழில்நுட்ப கோளாறு காரணமாக விற்பனை கடைசி நேரத்தில் நிறுத்தப்பட்டது. புதிய எஸ்1 எலெக்ட்ரிக் ஸ்கூட்டருக்கான விற்பனை செப்டம்பர் 15 ஆம் தேதி துவங்குகிறது.
விற்பனை தாமதமாகி இருந்தாலும், வினியோக தேதிகளில் எந்த மாற்றமும் இருக்காது என ஓலா எலெக்ட்ரிக் நிறுவன தலைவர் மற்றும் தலைமை செயல் அதிகாரி பாவிஷ் அகர்வால் தெரிவித்தார். ஓலா நிறுவனத்தின் எலெக்ட்ரிக் ஸ்கூட்டர் மாடல்கள் விற்பனை முற்றிலும் டிஜிட்டல் முறையில் நடைபெற திட்டமிடப்பட்டு உள்ளது.
ரெனால்ட் நிறுவனம் தனது கார் மாடல்களுக்கு செப்டம்பர் மாதத்திற்கான சலுகை விவரங்களை வெளியிட்டுள்ளது.
ரெனால்ட் இந்தியா நிறுவனம் பண்டிகை காலத்தை முன்னிட்டு சிறப்பு சலுகை மற்றும் தள்ளுபடியை அறிவித்து இருக்கிறது. இவை தள்ளுபடி, எக்சேன்ஜ் போனஸ், கார்ப்பரேட் மற்றும் லாயல்டி பலன் வடிவில் வழங்கப்படுகிறது.
ரெனால்ட் க்விட் 1 லிட்டர் மாடலுக்கு ரூ. 10 ஆயிரம் தள்ளுபடி, ரூ. 20 ஆயிரம் எக்சேன்ஜ் சலுகை, 0.8 லிட்டர் மாடலுக்கு ரூ. 15 ஆயிரம் எக்சேன்ஜ் சலுகை வழங்கப்படுகிறது. ரெனால்ட் டிரைபர் 2021 முந்தைய மாடலுக்கு ரூ. 25 ஆயிரம் தள்ளுபடி, ரூ. 25 ஆயிரம் எக்சேன்ஜ் போனஸ், ரூ. 10 ஆயிரம் கார்ப்பரேட் தள்ளுபடி வழங்கப்படுகிறது.
2021 டிரைபர் மாடலுக்கு ரூ. 10 ஆயிரம் கார்ப்பரேட் சலுகை, ரூ. 25 ஆயிரம் எக்சேன்ஜ் சலுகை, ரூ. 15 ஆயிரம் தள்ளுபடி வழங்கப்படுகிறது. ரெனால்ட் கைகர் மாடலுக்கு ரூ. 95 ஆயிரம் வரையிலான சலுகைகள் வழங்கப்படுகின்றன.
ரெனால்ட் டஸ்டர் மாடலுக்கு ரூ. 30 ஆயிரம் தள்ளுபடி, ரூ. 20 ஆயிரம் எக்சேன்ஜ் போனஸ், ரூ. 30 ஆயிரம் கார்ப்பரேட் தள்ளுபடி வழங்கப்படுகிறது.
பி.எம்.டபிள்யூ. நிறுவனத்தின் ஐ விஷன் சர்குலர் கான்செப்ட் எலெக்ட்ரிக் கார் மாடல் முனிச் ஆட்டோ விழாவில் அறிமுகம் செய்யப்பட்டு இருக்கிறது.
பி.எம்.டபிள்யூ. நிறுவனம் முனிச் ஆட்டோ விழாவில் ஐ விஷன் சர்குலர் கான்செப்ட் மாடலை அறிமுகம் செய்தது. இந்த மாடல் 2040 வாக்கில் சாலைகளில் வலம்வரும் என எதிர்பார்க்கலாம். அப்போது வெளியாகும் மாடல் தற்போதைய கான்செப்ட் வடிவத்தை விட வித்தியாசமாக காட்சியளிக்கும்.
ஐ விஷன் சர்குலர் மாடல் மறுசுழற்சி செய்யப்பட்ட பொருட்களால் உருவாக்கப்படுகிறது. இந்த காரின் ஒட்டுமொத்த அளவு 4 மீட்டர்களுக்குள் இருக்கும். இந்த கார் செக்கண்டரி அலுமினியம் மற்றும் லைட் கோல்டு அனோடைஸ்டு பினிஷ் கொண்டிருக்கிறது.
கான்செப்ட் மாடலில் பி.எம்.டபிள்யூ. நிறுவனத்தின் பாரம்பரிய கிட்னி கிரில் முழுக்க முழுக்க எல்.இ.டி. விளக்குகளால் உருவாக்கப்பட்டு இருக்கிறது. இந்த காரின் விண்ட்ஷீல்டு ரூப் போன்று விரியும் தன்மை கொண்டுள்ளது.
மாருதி சுசுகி நிறுவனத்தின் கார் மாடல்கள் விலை இந்தியாவில் ரூ. 22,500 வரை உயர்த்தப்பட்டு இருக்கிறது.
இந்தியாவில் தனது கார் மாடல்கள் விலை செப்டம்பர் மாதத்தில் உயர்த்தப்போவதாக மாருதி சுசுகி நிறுவனம் கடந்த மாதமே அறிவித்தது. அந்த வரிசையில், மாருதி சுசுகி கார் மாடல்கள் விலை 1.9 சதவீதம் வரை உயர்த்தப்பட்டு இருக்கிறது.
இதன் காரணமாக கார் மாடல்கள் விலை ஆயிரம் ரூபாயில் துவங்கி, அதிகபட்சம் ரூ. 22,500 வரை உயர்த்தப்படுகிறது. ஒவ்வொரு மாடலின் விலை உயர்வு விவரம் பின்வருமாறு..,
ஆல்டோ மாடலுக்கு ரூ. 16,100
வேகன்ஆர் மாடலுக்கு ரூ. 12,500
எஸ் பிரெஸ்ஸோ மாடலுக்கு ரூ. 7,500
விட்டா பிரெஸ்ஸா மாடலுக்கு ரூ. 10 ஆயிரம்
டிசையர் மாடலுக்கு ரூ. 10 ஆயிரம்
ஸ்விப்ட் மாடலுக்கு ரூ. 13 ஆயிரம்
பலேனோ மாடலுக்கு ரூ. 15,200
இக்னிஸ் மாடலுக்கு ரூ. 14,680
சியாஸ் மற்றும் எஸ் கிராஸ் மாடல்களுக்கு ரூ. 20,500
டூர் எஸ் மாடலுக்கு ரூ. 20,300
ஈகோ மாடலுக்கு ரூ. 22,500
எர்டிகா மாடலுக்கு ரூ. 20 ஆயிரம்
எக்ஸ்.எல்.6 மாடலுக்கு ரூ. 12,311
யமஹா நிறுவனம் இந்திய சந்தையில் ரேஇசட்.ஆர். 125 எப்.ஐ. ஹைப்ரிட், ஸ்டிரீட் ரேலி 125 எப்.ஐ. ஹைப்ரிட் மாடல்களை விற்பனைக்கு கொண்டு வந்தது.
யமஹா நிறுவனத்தின் தி கால் ஆப் தி புளூ திட்டத்தின் கீழ் ரேஇசட்.ஆர். 125 எப்.ஐ. ஹைப்ரிட், ஸ்டிரீட் ரேலி 125 எப்.ஐ. ஹைப்ரிட் ஸ்கூட்டர்களை இந்திய சந்தையில் அறிமுகம் செய்தது. யமஹா ரேலி இசட்.ஆர். 125 எப்.ஐ. ஹைப்ரிட் விலை ரூ. 76,830 எக்ஸ்-ஷோரூம் என நிர்ணயம் செய்யப்பட்டு உள்ளது.
ரேஇசட்.ஆர். 125 எப்.ஐ. ஹைப்ரிட் மற்றும் ஸ்டிரீட் ரேலி 125 எப்.ஐ. ஹைப்ரிட் மாடல்களில் ஏர்-கூல்டு, பியூவல் இன்ஜெக்ட் செய்யப்பட்ட 125சிசி புளூ கோர் என்ஜின் வழங்கப்பட்டு இருக்கிறது. இந்த என்ஜின் 8.2 பி.எஸ். திறன், 10.3 நியூட்டன் மீட்டர் டார்க் இழுவிசை வழங்குகிறது. இரு ஸ்கூட்டர்களின் மொத்த எடை 99 கிலோ ஆகும்.
இரு ஸ்கூட்டர்களிலும் ஸ்மார்ட் மோட்டார் ஜெனரேட்டர் சிஸ்டம் வழங்கப்பட்டு இருக்கிறது. இது ஸ்கூட்டரில் ஹைப்ரிட் சிஸ்டம் வசதியை வழங்குகிறது. பெட்ரோல் விலை உயர்வு காலக்கட்டத்தில் ஸ்மார்ட் ஹைப்ரிட் எரிபொருள் செலவை குறைக்கும் பணியை மேற்கொள்ளும்.
ஸ்மார்ட் மோட்டார் ஜெனரேட்டர் இரு ஸ்கூட்டர்களுக்கும் குவைட் என்ஜின் ஸ்டார்ட் சிஸ்டம், ஆட்டோமேடிக் ஸ்டார்ட் & ஸ்டாப் சிஸ்டம், சைடு ஸ்டாண்டு என்ஜின் கட் ஆஃப் ஸ்விட்ச் போன்ற வசதிகளை வழங்குகிறது. இத்துடன் மேம்பட்ட எல்.இ.டி. ஹெட்லைட், டிஜிட்டல் இன்ஸ்ட்ரூமெண்ட் கிளஸ்டர், 190 எம்.எம். முன்புற டிஸ்க், ப்ளூடூத் கனெக்டிவிட்டி போன்ற அம்சங்கள் உள்ளன.
ஆகஸ்ட் 2021 மாதத்திற்கான வாகன விற்பனை விவரங்களை மஹிந்திரா நிறுவனம் வெளியிட்டு உள்ளது.
மஹிந்திரா அண்ட் மஹிந்திரா நிறுவனம் 2021 ஆகஸ்ட் மாதத்தில் 30,585 யூனிட்களை விற்பனை செய்து இருக்கிறது. இதில் பயணிகள் வாகனங்கள், வணிக வாகனங்கள், வெளிநாடுகளுக்கு ஏற்றுமதி செய்யப்பட்ட வாகனங்கள் அடங்கும்.
ஜூலை 2021 மாதத்துடன் ஒப்பிடும் போது மஹிந்திராவின் மொத்த விற்பனை 28.8 சதவீதம் சரிவடைந்து இருக்கிறது. எனினும், முந்தைய ஆண்டு ஆகஸ்ட் மாதத்துடன் ஒப்பிடும் போது வாகன விற்பனை 17 சதவீதம் அதிகரித்து இருக்கிறது.
உள்நாட்டில் மஹிந்திரா நிறுவனம் 15,786 யுடிலிட்டி வாகனங்களை விற்பனை செய்துள்ளது. கார் மற்றும் வேன்கள் பிரிவில் 187 யூனிட்கள் விற்பனை செய்யப்பட்டு உள்ளன. வெளிநாடுகளுக்கு ஏற்றுமதி செய்யப்பட்ட யூனிட்கள் மொத்த எண்ணிக்கை 3,180 ஆகும்.
மெர்சிடிஸ் பென்ஸ் நிறுவனத்தின் புதிய இ.கியூ.பி. இரண்டு வேரியண்ட்களில் அறிமுகம் செய்யப்பட்டது.
மெர்சிடிஸ் பென்ஸ் நிறுவனம் ஐ.ஏ.ஏ. ஆட்டோ விழாவில் தொடர்ந்து புதிய எலெக்ட்ரிக் வாகனங்களை அறிமுகம் செய்து வருகிறது. முன்னதாக 4 புதிய எலெக்ட்ரிக் கார்களை அறிமுகம் செய்த நிலையில், தற்போது இ.கியூ.பி. மாடலை ஐரோப்பாவில் அறிமுகம் செய்தது.
இந்த எலெக்ட்ரிக் கார் ஏப்ரல் மாதம் அறிவிக்கப்பட்ட நிலையில், அடுத்த ஆண்டு இதே மாடல் இ.கியூ.பி. 300 மற்றும் இ.கியூ.பி. 350 என இரண்டு வேரியண்ட்களில் அமெரிக்காவில் அறிமுகமாகிறது. புதிய இ.கியூ.பி. ஏழு இருக்கைகள் கொண்ட முழுமையான எலெக்ட்ரிக் வாகனம் ஆகும்.
புதிய எலெக்ட்ரிக் காரில் மெர்சிடிஸ் பென்ஸ் நிறுவனம் 66.5 கிலோவாட் ஹவர் லித்தியம் அயன் பேட்டரி வழங்கி இருக்கிறது. இது முழு சார்ஜ் செய்தால் 419 கிலோமீட்டர் வரை செல்லும் திறன் கொண்டிருக்கிறது. இதனுடன் வரும் எலெக்ட்ரிக் மோட்டார் இருவித டியூனிங்கில் கிடைக்கிறது.
மாருதி சுசுகி நிறுவனம் தனது கார் மாடல்களுக்கு அசத்தலான சலுகை மற்றும் தள்ளுபடியை அறிவித்து இருக்கிறது.
இந்தியாவின் முன்னணி வாகன உற்பத்தியாளரான மாருதி சுசுகி தனது கார் மாடல்களுக்கு சிறப்பு சலுகை மற்றும் தள்ளுபடியை அறிவித்து இருக்கிறது. இந்த சலுகைகள் அரினா மற்றும் நெக்சா விற்பனை மையங்களில் கிடைக்கும் வாகனங்களுக்கு பொருந்தும்.
மாருதி சுசுகி அரீனா விற்பனை மையங்கள் மூலம் விற்பனை செய்யப்படும் அனைத்து மாடல்களுக்கும் ரூ. 15 ஆயிரம் எக்சேன்ஜ் போனஸ், ரூ. 2 ஆயிரம் கூடுதல் தள்ளுபடி வழங்கப்படுகிறது. எர்டிகா எம்.பி.வி. மாடலுக்கு மட்டும் எந்த சலுகையும் வழங்கப்படவில்லை. இத்துடன் சி.என்.ஜி. மாடல்களுக்கும் எந்த சலுகையும் பொருந்தாது.
நெக்சா விற்பனை மையங்களில் கிடைக்கும் கார்களுக்கு ரூ. 25 ஆயிரம் வரையிலான எக்சேன்ஜ் சலுகை, ரூ. 5 ஆயிரம் வரையிலான கூடுதல் தள்ளுபடி வழங்கப்படுகிறது.
பி.எம்.டபிள்யூ. நிறுவனத்தின் அதிகம் எதிர்பார்க்கப்படும் 2022 ஜி310 ஜி.எஸ். மாடல் விரைவில் அறிமுகமாக இருக்கிறது.
பி.எம்.டபிள்யூ. மோட்டராட் நிறுவனம் 2022 ஜி310 ஜி.எஸ். மோட்டார்சைக்கிளுக்கான முன்பதிவை துவங்கி இருக்கிறது. 2022 மாடல் ட்ரிபில் பிளாக் எனும் புதிய நிறத்தில் கிடைக்கிறது. ஏற்கனவே இந்த நிற வேரியண்ட் பல்வேறு சர்வதேச சந்தையில் விற்பனை செய்யப்பட்டு வருகிறது.
2022 பி.எம்.டபிள்யூ. ஜி310 ஜி.எஸ். மாடலில் பி.எஸ்.6 ரக 313சிசி, சிங்கில் சிலிண்டர் என்ஜின் வழங்கப்படுகிறது. இந்த என்ஜின் 33.5 பி.ஹெச்.பி. திறன், 28 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.
இந்த மாடலில் அப்சைடு-டவுன் முன்புற போர்க், பின்புறம் மோனோ ஷாக் யூனிட், இரு சக்கரங்களிலும் டிஸ்க் பிரேக், டூயல் சேனல் ஏ.பி.எஸ்., எல்.இ.டி. லைட்டிங், டிஜிட்டல் இன்ஸ்ட்ரூமென்ட் கிளஸ்டர், அட்ஜஸ்ட் செய்யக்கூடிய லீவர்கள் உள்ளன. இந்தியாவில் புதிய மாடலின் விலை ரூ. 3.10 லட்சம் வரை நிர்ணயம் செய்யப்படலாம்.
யமஹா நிறுவனத்தின் எப்.இசட். எக்ஸ் கிராஸ் ஓவர் மோட்டார்சைக்கிள் 150 சிசி பிரிவில் விற்பனை செய்யப்படுகிறது.
இந்திய சந்தையில் பெரும் எதிர்பார்ப்புக்கு மத்தியில் ஜூன் 18 ஆம் தேதி யமஹா தனது எப்.இசட். எக்ஸ் மோட்டார்சைக்கிளை அறிமுகம் செய்தது. யமஹாவின் எப்.இசட். சீரிசை தழுவி புதிய எப்.இசட். எக்ஸ் இந்திய சந்தைக்கென பிரத்யேகமாக உருவாக்கப்பட்டு இருக்கிறது.
இது யமஹா நிறுவனத்தின் ரெட்ரோ தோற்றம் கொண்ட ஸ்கிராம்ப்ளர் ரக மோட்டார்சைக்கிள் ஆகும். புதிய எப்.இசட். எக்ஸ் மாடலை சில நாட்கள் பயன்படுத்தினோம். இந்த மாடல் என்னென்ன அம்சங்களை கொண்டிருக்கிறது என விரிவாக பார்ப்போம்.
யமஹா எப்.இசட். எக்ஸ் அம்சங்கள்:
பவர் டிரெயின் - 149சிசி, சிங்கில் சிலிண்டர்
திறன் - 7250 ஆர்.பி.எம்.-இல் 12 பி.ஹெச்.பி.
இழுவிசை - 5500 ஆர்.பி.எம்-இல் 13.3 நியூட்டன் மீட்டர்
டிரான்ஸ்மிஷன் - 5 ஸ்பீடு
சேசிஸ் - டைமண்ட்
டையர்கள் முன்புறம் / பின்புறம் - 100/80 R17 / 140/60 R17
வீல்பேஸ் - 1330 மில்லிமீட்டர்
கிரவுண்ட் க்ளியரன்ஸ் - 165 மில்லிமீட்டர்
சீட் உயரம் - 810 மில்லிமீட்டர்
எடை - 139 கிலோ
பியூவல் டேன்க் கொள்ளளவு - 10 லிட்டர்
டிசைன்:
தோற்றத்தில் இந்த மோட்டார்சைக்கிள் எப்.இசட். மாடலை விட மிகவும் வித்தியாசமாக காட்சியளிக்கிறது. முன்புறம் வட்ட வடிவிலான ஹெட்லேம்ப், எல்.இ.டி. டி.ஆர்.எல்.கள். இந்த பைக்கிற்கு ரெட்ரோ தோற்றத்தை கொடுக்கிறது. இதன் பியூவல் டேன்க் பிரம்மாண்டமாக காட்சியளிக்கிறது. இதன் கீழ்புறம் காஸ்மெடிக் அழகை கூட்ட ரேடியேட்டர் ஷிரவுட்கள் வழங்கப்பட்டுள்ளன. பின்புற பூட்-பெக் சற்றே உயரமாக பொருத்தப்பட்டுள்ளது.
இதன் பின்புறம் மெல்லிய எல்.இ.டி. டெயில் லேம்ப், மிக எளிமையான கிராப் ரெயில் வழங்கப்பட்டு உள்ளது. இந்த மாடலில் ப்ளூடூத் கனெக்டிவிட்டியுடன் புதிய எல்.சி.டி. டிஸ்ப்ளே வழங்கப்பட்டு இருக்கிறது. ப்ளூடூத் மூலம் ஸ்மார்ட்போன் செயலியில் மோட்டார்சைக்கிளின் விவரங்களை அறிந்துகொள்ளலாம்.
ஸ்மார்ட்போனில் யமஹாவின் வை கனெக்ட் செயலி இன்ஸ்டால் செய்து, பார்க்கிங் லொகோட்டர், சர்வீஸ், ஆயில் மாற்றுவதற்கான நினைவூட்டிகள், என்ஜின் ஆர்.பி.எம். போன்ற விவரங்களை பார்க்கலாம். இதன் எல்.சி.டி. டிஸ்ப்ளே பகல் மற்றும் இரவு நேரங்களில் எவ்வித சிரமமும் இன்றி பைக்கின் வேகம், மற்றும் இதர விவரங்களை காண்பிக்கிறது.
இத்துடன் எப்.இசட். எக்ஸ் மாடலில் 12 வோல்ட் திறன் கொண்ட பவர் அவுட்லெட் வழங்கப்பட்டு இருக்கிறது. இதை கொண்டு பயணங்களின் போது ஸ்மார்ட்போன்களை சார்ஜ் செய்து கொள்ள முடியும். யமஹாவின் புதிய எப்.இசட். எக்ஸ் மேட் காப்பர், மெட்டாலிக் புளூ மற்றும் மேட் பிளாக் என மூன்றுவித நிறங்களில் கிடைக்கிறது.
செயல்திறன்:
யமஹா எப்.இசட். எக்ஸ் மாடலில் 149சிசி, ஏர் கூல்டு, 2 வால்வு என்ஜின் வழங்கப்பட்டு இருக்கிறது. இந்த என்ஜின் 12.4 பி.ஹெச்.பி. திறன், 13.3 நியூட்டன் மீட்டர் டார்க் இழுவிசையை வழங்குகிறது. 150சிசி என்ஜின் பிரிவில் இது குறைந்த செயல்திறன் என்ற போதும், மணிக்கு 0-60 கிலோமீட்டர் வேகத்தை எப்.இசட். எக்ஸ் 4 நொடிகளில் எட்டிவிடுகிறது.
துவக்கத்தில் வேகம் சிறப்பாக இருந்தாலும், எப்.இசட். எக்ஸ் திறன், எப்.இசட். மாடலுடன் ஒப்பிடும் போது குறைவு தான். நகர்புற பயன்பாட்டிற்கு எப்.இசட். எக்ஸ் சிறந்த அனுபவத்தை வழங்குகிறது. வேகத்தை பொறுத்தவரை மணிக்கு 85 முதல் 90 கிலோமீட்டர் வரை சீராக செல்கிறது. இந்த மாடல் திறன், பயணங்களை அனுபவிக்க செய்கிறது.
இதன் எக்சாஸ்ட் சவுண்ட் வழக்கமான எப்.இசட். மாடலில் இருப்பதைவிட வித்தியாசமாகவும், சிறப்பானதாகவும் இருக்கிறது. நெடுஞ்சாலையில் பயணிக்கும் போது, என்ஜின் இயக்கம் சமமாக இருக்கிறது. மொத்தத்தில் யமஹா எப்.இசட். எக்ஸ் நகர்ப்புறம் மற்றும் நெடுஞ்சாலையில் பயணிப்போருக்கு ஏற்றதாக இருக்கிறது.
ரைட் மற்றும் ஹேண்ட்லிங்:
யமஹா தனது எப்.இசட். எக்ஸ் மாடலில் சவுகரிய அனுபவத்தை வழங்கும் வகையில் சிறப்பாக வடிவமைத்து இருக்கிறது. எப்.இசட். எக்ஸ் மாடலில் உயரமான ஹேண்டில்பார், முன்புற பூட் பெக், அகலமான இருக்கை பயணத்தின் இனிமையை உணர செய்கிறது. இதன் சீட் உயரம் தரையில் இருந்து 810 மில்லிமீட்டர் அளவில் உள்ளது. இது எப்.இசட். மாடலை விட 4 கிலோ அதிக எடை கொண்டுள்ளது. புதிய எப்.இசட். எக்ஸ் மொத்த எடை 139 கிலோ ஆகும்.
இதில் உள்ள பியூவல் டேன்க், ரேடியேட்டர் ஷிரவுட்கள், முன்புற மட்-கார்டு, ஹெட்லேம்ப் பிராகெட், மெல்லிய பேஷ் கார்டு உள்ளிட்டவை மெட்டல் மூலம் உருவாக்கப்பட்டு இருக்கிறது. இந்த மாடலில் எம்.ஆர்.எப். டூயல்-பர்பஸ் டையர்கள் வழங்கப்பட்டுள்ளன. இவை சாலைகளில் சிறப்பாகவே செயல்படுகின்றன. எனினும், இவற்றுக்கு அதிக சிரமம் கொடுக்காமல் இருப்பது நல்லது.
யமஹா எப்.இசட். எக்ஸ் மாடலில் பிரேக்கிங் சிறப்பாகவே இருக்கிறது. பின்புறம் ஸ்டாண்டர்டு டிஸ்க், சிங்கில் சேனல் ஏ.பி.எஸ். வழங்கப்பட்டு இருக்கிறது. ஸ்கிராம்ப்ளர் போன்ற தோற்றம் கொண்டிருக்கும் எப்.இசட். எக்ஸ் ஆப்-ரோடு அனுபவம் எப்.இசட். மாடலை போன்றே இருக்கிறது.
புதிய எப்.இசட். எக்ஸ் சஸ்பென்ஷன் மற்றும் கிரவுண்ட் கிளியரன்ஸ் எப்.இசட். மாடலில் உள்ளதை போன்றே வழங்கப்பட்டுள்ளது. எனினும், கூடுதல் க்ரிப் கொண்ட டையர்கள் சகதி நிறைந்த சாலைகளில் சிறந்த கண்ட்ரோல் கொடுக்கிறது. யமஹா எப்.இசட். எக்ஸ் லிட்டருக்கு 47 முதல் 50 கிலோமீட்டர் மைலேஜ் வழங்குவது, இதனை தேர்வு செய்ய மற்றொரு முக்கிய காரணமாக உள்ளது.
இந்திய சந்தையில் பெரும் எதிர்பார்ப்பை ஏற்படுத்திய யமஹா எப்.இசட். எக்ஸ்- வாடிக்கையாளர்களுக்கு என்ட்ரி லெவல் ரெட்ரோ ஸ்கிராம்ப்ளர் அனுபவத்தை நிச்சயம் கொடுக்கிறது. எனினும், இந்த மாடலின் பின்புற தோற்றத்தில் கூடுதல் கவனம் செலுத்தி இருக்கலாம்.
டுகாட்டி நிறுவனம் இந்திய சந்தையில் 2021 சூப்பர்ஸ்போர்ட் 950 மோட்டார்சைக்கிளை வெளியிடும் பணிகளில் ஈடுபட்டு வருகிறது.
டுகாட்டி இந்தியா நிறுவனம் 2021 சூப்பர்ஸ்போர்ட் 950 மோட்டார்சைக்கிளை இந்திய சந்தையில் செப்டம்பர் 9 ஆம் தேதி அறிமுகம் செய்கிறது. 2021 டுகாட்டி சூப்பர்ஸ்போர்ட் 950 மாடல் கடந்த ஆண்டு சர்வதேச சந்தையில் அறிமுகம் செய்யப்பட்டது குறிப்பிடத்தக்கது.
புதிய சூப்பர்ஸ்போர்ட் மாடலில் மேம்பட்ட பேரிங், இரட்டை ஏர் டக்ட்கள், ட்வின் எல்.இ.டி. ஹெட்லைட்கள், எல்.இ.டி. டி.ஆர்.எல்.கள் உள்ளன. இதன் முன்புறம் மாற்றப்பட்டு இருப்பதால், சிறப்பான ஏரோடைனமிக் வழங்குகிறது. இந்த மாடலில் 4.3 இன்ச் புல் டி.எப்.டி. டில்ப்ளே வழங்கப்பட்டு இருக்கிறது.
2021 டுகாட்டி சூப்பர்ஸ்போர்ட் 950 மாடலில் 937சிசி, டெஸ்டாஸ்டிரெட்டா, ட்வின் சிலிண்டர் என்ஜின் வழங்கப்பட்டுள்ளது. இந்த என்ஜின் 110 பி.ஹெச்.பி. திறன், 93 நியூட்டன் மீட்டர் டார்க் இழுவிசையை வழங்குகிறது.
போர்ஸ் மோட்டார்ஸ் நிறுவனத்தின் குர்கா பி.எஸ்.6 மாடல் விரைவில் இந்திய சந்தையில் அறிமுகமாக இருக்கிறது.
போர்ஸ் மோட்டார்ஸ் நிறுவனம் 2021 குர்கா பி.எஸ்.6 ஆப் ரோடு எஸ்.யு.வி. மாடலை இந்திய சந்தையில் அறிமுகம் செய்ய இருக்கிறது. புதிய மாடலுக்கான வெளியீட்டை உணர்த்தும் டீசரை அந்நிறுவனம் சமீபத்தில் வெளியிட்டது. தற்போது குர்கா பி.எஸ்.6 புது டீசர் வெளியிடப்பட்டது.
2020 ஆட்டோ எக்ஸ்போ விழாவில் உற்பத்திக்கு முந்தைய மாடல் காட்சிப்படுத்தப்பட்ட நிலையில், வெளியீடு அடுத்த சில மாதங்களிலேயே நடைபெற திட்டமிடப்பட்டது. எனினும், கொரோனாவைரஸ் அச்சுறுத்தல் காரணமாக இதன் வெளியீடு தாமதமானது.
2021 போர்ஸ் குர்கா மாடலில் மெர்சிடிஸ் பென்ஸ் நிறுவனத்தின் 2.6 லிட்டர் டீசல் என்ஜின் வழங்கப்படுகிறது. இந்த என்ஜின் 89 பி.ஹெச்.பி. திறன், 260 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்படுகிறது.
×