கடைசி நேரத்தில் விற்பனையை ஒத்திவைத்த ஓலா எலெக்ட்ரிக்

ஓலா எலெக்ட்ரிக் நிறுவனம் தனது எலெக்ட்ரிக் ஸ்கூட்டரின் முதல் விற்பனையை கடைசி நேரத்தில் ஒத்திவைத்தது. அந்நிறுவனத்தின் முதல் எலெக்ட்ரிக் ஸ்கூட்டர்கள் ஆகஸ்ட் மாதம் அறிமுகம் செய்யப்பட்டு, இதுவரை முன்பதிவு நடைபெற்று வந்தது. 

இதன் விற்பனை நேற்று செப்டம்பர் 8 ஆம் தேதி நடைபெற இருந்த நிலையில், அந்நிறுவன வலைதளத்தில் ஏற்பட்ட தொழில்நுட்ப கோளாறு காரணமாக விற்பனை கடைசி நேரத்தில் நிறுத்தப்பட்டது. புதிய எஸ்1 எலெக்ட்ரிக் ஸ்கூட்டருக்கான விற்பனை செப்டம்பர் 15 ஆம் தேதி துவங்குகிறது.

விற்பனை தாமதமாகி இருந்தாலும், வினியோக தேதிகளில் எந்த மாற்றமும் இருக்காது என ஓலா எலெக்ட்ரிக் நிறுவன தலைவர் மற்றும் தலைமை செயல் அதிகாரி பாவிஷ் அகர்வால் தெரிவித்தார். ஓலா நிறுவனத்தின் எலெக்ட்ரிக் ஸ்கூட்டர் மாடல்கள் விற்பனை முற்றிலும் டிஜிட்டல் முறையில் நடைபெற திட்டமிடப்பட்டு உள்ளது.