மொபைல்ஸ்

விவோ நிறுவனம் விரைவில் கிளாம்ஷெல் ரக மடிக்கக்கூடிய ஸ்மார்ட்போனினை வெளியிட இருப்பதாக தகவல் வெளியாகி உள்ளது. டிப்ஸ்டரான டிஜிட்டல் சாட் ஸ்டேஷன் விவோ நிறுவனம் விரைவில் விவோ X ஃப்ளிப் கிளாம்ஷெல் போனினை சீன சந்தையில் அறிமுகம் செய்ய இருப்பதாக தெரிவித்து இருக்கிறது. இதோடு இந்த ஸ்மார்ட்போனின் ஸ்கீமேடிக்-ஐ வெளியிட்டு இருக்கிறது. இதில் புது மடிக்கக்கூடிய ஸ்மார்ட்போன் எப்படி காட்சியளிக்கும் என்ற விவரங்கள் வெளியாகி உள்ளது.

இது மட்டுமின்றி புதிய விவோ X ஃப்ளிப் ஸ்மார்ட்போனின் படத்தையும் வெளியிட்டு இருக்கிறது. ஸ்மார்ட்போனின் ஸ்கீமேடிக் மற்றும் ரெண்டர்களில் விவோ X ஃப்ளிப் மாடலின் பின்புறம் வட்ட வடிவம் கொண்ட கேமரா மாட்யுல், மூன்று கேமரா சென்சார்கள், வலது புறத்தில் மூன்று எல்இடி ஃபிளாஷ், ZEISS லோகோ இடம்பெற்று இருக்கிறது. கேமரா மாட்யுலின் கீழ் செவ்வக வடிவம் கொண்ட கவர் டிஸ்ப்ளே, ஸ்மார்ட்போனின் மற்றொரு பாதியில் விவோ லோகோ இடம்பெற்று இருக்கிறது.

இந்த ஸ்மார்ட்போனின் வலது புறத்தில் வால்யும் ராக்கர் மற்றும் பவர் பட்டன் உள்ளது. சிப்செட் தவிர இந்த ஸ்மார்ட்போனின் மற்ற அம்சங்கள் பற்றி எந்த தகவலும் இல்லை. புதிய விவோ X ஃப்ளிப் ஸ்மார்ட்போனில் குவால்காம் ஸ்னாப்டிராகன் 8 ஜென் 1 பிராசஸர் வழங்கப்படும் என எதிர்பார்க்கலாம். வரும் நாட்களில் விவோ X ஃப்ளிப் பற்றிய கூடுதல் தகவல்கள் வெளியாகும் என தெரிகிறது. இந்த ஸ்மார்ட்போன் அடுத்த ஆண்டு துவக்கத்தில் சீன சந்தையில் அறிமுகம் செய்யப்படலாம்.

எனினும், சர்வதேச சந்தையில் இந்த ஸ்மார்ட்போன் எப்போது வெளியாகும் என்பது மர்மமாகவே உள்ளது. இது தவிர விவோ நிறுவனம் விரைவில் விவோ S16e, S16 ப்ரோ ஸ்மார்ட்போன்களை சீன சந்தையில் அறிமுகம் செய்வதற்கான பணிகளில் ஈடுபட்டு வருகிறது. இவற்றில் எக்சைனோஸ் 1080, ஸ்னாப்டிராகன் 870 மற்றும் டிமென்சிட்டி 8200 சிப்செட்கள் வழங்கப்பட உள்ளன.

Photo Courtesy: Digital Chat Station

ஸ்மார்ட்போன் பிரிவில் மிகவும் வித்தியாசமான மாடலை வாங்குவோர் எவ்வித தயக்கமும் இன்றி மடிக்கக்கூடிய ஸ்மார்ட்போன் மாடல்களை வாங்க துவங்கி விட்டனர். இந்த பிரிவில் சாம்சங் மூன்று தலைமுறை மாடல்களை அறிமுகம் செய்து, விற்பனையிலும் தொடர்ந்து முன்னணியில் உள்ளது. எனினும், மடிக்கக்கூடிய ஸ்மார்ட்போன் மாடல்களின் விலை பிரீமியம் ஃபிளாக்‌ஷிப் பிரிவில் பெரும்பாலானோர் வாங்க முடியாத வகையிலேயே நிர்ணயம் செய்யப்பட்டு வருகிறது.

இதனை கருத்தில் கொண்டு முன்னணி ஆன்லைன் விற்பனை தளங்களில் அவ்வப்போது அசத்தல் சலுகை அறிவிக்கப்பட்டு வருகிறது. அந்த வகையில் ப்ளிப்கார்ட் தளத்தில் கேலக்ஸி Z ஃப்ளிப் 3 5ஜி ஸ்மார்ட்போனிற்கு அதிரடி சலுகை அறிவிக்கப்பட்டுள்ளது. தற்போது கேலக்ஸி Z ஃப்ளிப் 3 5ஜி மாடல் ரூ. 95 ஆயிரத்து 999 விலையில் விற்பனை செய்யப்படுகிறது. எனினும், இதனை ரூ. 45 ஆயிரத்திற்கும் குறைந்த விலையில் வாங்கிட முடியும்.

ப்ளிப்கார்ட் தற்போது கேலக்ஸி Z ஃப்ளிப் 3 5ஜி ஸ்மார்ட்போனிற்கு 27 சதவீதம் தள்ளுபடி வழங்குகிறது. இதன் மூலம் அதன் விலை ரூ. 69 ஆயிரத்து 999 என மாறி விடும். இதைத் தொடர்ந்து வங்கி சலுகை மற்றும் எக்சேன்ஜ் சலுகைகளை சேர்க்கும் போது கேலக்ஸி Z ஃப்ளிப் 3 5ஜி மாடலின் விலை மேலும் குறைகிறது. அதாவது பழைய ஸ்மார்ட்போன்களை எக்சேன்ஜ் செய்யும் போது ரூ. 21 ஆயிரம் வரை தள்ளுபடி பெறலாம்.

இதற்கு எக்சேன்ஜ் செய்யும் ஸ்மார்ட்போன் சீராக இயங்கும் நிலையில் இருப்பது அவசியம் ஆகும். இத்துடன் வங்கி சலுகைகளை பொருத்தவரை கோடக் வங்கி கிரெடிட் கார்டு மற்றும் மாத தவணை முறை பரிவர்த்தனைகளுக்கு 10 சதவீதம் தள்ளுபடி, அதிகபட்சம் ரூ. 750 வரை உடனடி தள்ளுபடி பெற முடியும். இத்துடன் ஐடிஎப்சி வங்கி கிரெடிட் கார்டு மற்றும் மாத தவணை முறை பரிவர்த்தனைகளுக்கு 10 சதவீதம், அதிகபட்சம் ரூ. 3 ஆயிரம் வரை தள்ளுபடி வழங்கப்படுகிறது.

அந்த வகையில், ப்ளிப்கார்ட் தள்ளுபடி, வங்கி சலுகை மற்றும் எக்சேன்ஜ் சலுகைகளை முழுமையாக பெறும் பட்சத்தில் கேலக்ஸி Z ஃப்ளிப் 3 5ஜி ஸ்மார்ட்போனினை ரூ. 45 ஆயிரம் பட்ஜெட்டில் வாங்கிட முடியும். இந்த சலுகைகள் எவ்வளவு காலம் வழங்கப்படும் என்பது பற்றி எந்த தகவலும் இல்லை. மேலும், இவை எப்போது வேண்டுமானாலும் மாற்றப்படலாம்.

ஒன்பிளஸ் நிறுவனம் உருவாக்கி வரும் புதிய ஃபிளாக்‌ஷிப் ஸ்மார்ட்போன் ஒன்பிளஸ் 11 விவரங்கள் சீனாவின் கம்பல்சரி சர்டிஃபிகேஷன் ஆஃப் சைனா (3C) வலைதளத்தில் இடம்பெற்று இருக்கிறது. இந்த வலைதளத்தில் புது ஒன்பிளஸ் ஸ்மார்ட்போன் விவரங்களும் தெரியவந்துள்ளது. மேலும் புதிய ஒன்பிளஸ் 11 ஸ்மார்ட்போன் 100 வாட் ஃபாஸ்ட் சார்ஜிங் வசதி, இதன் சார்ஜர் 5V/2A மற்றும் 5-11V/9.1A அவுட்புட் கொண்டிருப்பதாக கூறப்படுகிறது.

இதுகுறித்து தனியார் செய்தி நிறுவனம் வெளியிட்டு இருக்கும் தகவல்களில், PHB110 எனும் மாடல் நம்பர் கொண்டிருக்கும் ஸ்மார்ட்போன் ஒன்பிளஸ் 11 எனும் பெயரில் அறிமுகமாகும் என கூறப்பட்டுள்ளது. மேலும் இந்த ஃபிளாக்‌ஷிப் ஸ்மார்ட்போன் விவரங்கள் சீனாவின் 3C வலைதளத்தில் வெளியாகி உள்ளது. வலைதளத்தில் ஸ்மார்ட்போனின் சார்ஜர் VCBAJACH எனும் மாடல் நம்பர் கொண்டிருக்கிறது.

புதிய ஃபிளாக்‌ஷிப் ஸ்மார்ட்போனில் குவால்காம் சமீபத்தில் அறிமுகம் செய்த ஸ்னாப்டிராகன் 8 ஜென் 2 பிராசஸர் கொண்டிருக்கும் என ஒன்பிளஸ் நிறுவனம் ஏற்கனவே அறிவித்து விட்டது. முந்தைய தகவல்களின் படி இந்த ஸ்மார்ட்போன் கிளாசி கிரீன் மற்றும் மேட் பிளாக் என இரண்டு விதமான நிறங்களில் கிடைக்கும் என கூறப்பட்டது. இத்துடன் பன்ச் ஹோல் கட்அவுட், 2K ரெசல்யூஷன், 16 ஜிபி ரேம் வழங்கப்படுகிறது.

மற்ற அம்சங்களை பொருத்தவரை 6.7 இன்ச் QHD+ AMOLED டிஸ்ப்ளே, 8 ஜிபி ரேம், 128 ஜிபி மெமரி, 16 ஜிபி ரேம், 256 ஜிபி மெமரி, 50MP பிரைமரி கேமரா, 48MP அல்ட்ரா வைடு ஆங்கில் கேமரா, 32MP சென்சார் மற்றும் 32MP செல்ஃபி கேமரா வழங்கப்படும் என கூறப்படுகிறது.

சியோமி நிறுவனம் ரெட்மி நோட் 12 ப்ரோ பிளஸ் ஸ்மார்ட்போன் இந்திய சந்தையில் ஜனவரி 5 ஆம் தேதி அறிமுகம் செய்யப்படும் என அதிகாரப்பூர்வமாக அறிவித்து இருக்கிறது. புது ஸ்மார்ட்போனிற்கான டீசர்கள் தொடர்ந்து வெளியிடப்பட்ட நிலையில், தற்போது இந்திய வெளியீட்டு தேதியை சியோமி அறிவித்துள்ளது. முன்னதாக சீன சந்தையில் ரெட்மி நோட் 12 ப்ரோ பிளஸ் ஸ்மார்ட்போன் அக்டோபர் மாத வாக்கில் அறிமுகம் செய்யப்பட்டது.

அம்சங்களை பொருத்தவரை ரெட்மி நோட் 12 ப்ரோ பிளஸ் ஸ்மார்ட்போனில் 6.67 இன்ச் FHD+ OLED டிஸ்ப்ளே, டால்பி விஷன், 120Hz ரிப்ரெஷ் ரேட், மீடியாடெக் டிமென்சிட்டி 1080 பிராசஸர், 200MP 1/1.4-இன்ச் சாம்சங் HMX சென்சார், 2.24μm மற்றும் 16-இன்-1 பிக்சல் பின்னிங் பிரைமரி கேமரா வழங்கப்பட்டு இருக்கிறது. இத்துடன் OIS, 7P லென்ஸ், 8MP அல்ட்ரா வைடு கேமரா, 2MP மேக்ரோ கேமரா வழங்கப்பட்டு இருக்கிறது.

5000 எம்ஏஹெச் பேட்டரி மூலம் சக்தியூட்டப்படும் ரெட்மி நோட் 12 ப்ரோ பிளஸ் ஸ்மார்ட்போன் 120 வாட் ஃபாஸ்ட் சார்ஜிங் வசதி, சர்ஜிங் P1 சிப் வழங்கப்பட்டு இருக்கிறது. இது ஸ்மார்ட்போனினை 19 நிமிடங்களில் 100 சதவீதம் வரை சார்ஜ் செய்திடும். இந்த ஸ்மார்ட்போனுடன் 120 வாட் GaN சார்ஜர் வழங்கப்பட்டுள்ளது.

புதிய ரெட்மி நோட் 12 ப்ரோ பிளஸ் ஸ்மார்ட்போனுடன் ரெட்மி நோட் 12 ப்ரோ மற்றும் ரெட்மி நோட் 12 5ஜி ஸ்மார்ட்போன்களும் அறிமுகம் செய்யப்படுமா என்பது குறித்து சியோமி சார்பில் இதுவரை எந்த தகவலும் வழங்கப்படவில்லை. வரும் வாரங்களில் இது பற்றிய தகவல்கள் வெளியாகும் என எதிர்பார்க்கலாம்.

சியோமி 13 சீரிஸ் ஸ்மார்ட்போன்கள் சீன சந்தையில் அறிமுகம் செய்யப்பட்டன. இதில் சியோமி 13 மற்றும் சியோமி 13 ப்ரோ மாடல்கள் இடம்பெற்றுள்ளன. இவை அந்நிறுவனம் கடந்த ஆண்டு அறிமுகம் செய்த சியோமி 12 மற்றும் 12 ப்ரோ ஸ்மாரட்போன்களின் மேம்பட்ட மாடல் ஆகும். சியோமி 13 சீரிஸ் ஸ்மார்ட்போன்கள் மட்டுமின்றி ரெட்மி பட்ஸ் 4, வாட்ச் S1 ப்ரோ, MIUI 14 உள்ளிட்டவைகளையும் அந்நிறுவனம் அறிவித்தது.

புதிய சியோமி 13 சீரிஸ் மாடல்களில் AMOLED டிஸ்ப்ளே, இன்-ஸ்கிரீன் கைரேகை சென்சார், மத்தியில் பன்ச் ஹோல் கட்-அவுட், 120Hz ரிப்ரெஷ் ரேட், HDR10+, டால்பி விஷன், HLG சப்போர்ட் வழங்கப்பட்டு இருக்கிறது. இதன் ரெகுலர் மாடலில் 6.36 இன்ச் ஃபிளாட் ஸ்கிரீன், FHD+ ரெசல்யூஷன், ப்ரோ மாடலில் 6.73 இன்ச் QHD+ டிஸ்ப்ளே, வளைந்த எட்ஜ்கள் வழங்கப்பட்டுள்ளன. புகைப்படங்களை எடுக்க சியோமி 13 மாடலில் லெய்கா பிராண்டு கொண்ட மூன்று கேமரா சென்சார்கள் வழங்கப்பட்டு இருக்கிறது.

இவற்றில் 50MP OIS வசதி கொண்ட சோனி IMX800 சென்சார், 12MP அல்ட்ரா வைடு கேமரா, 10MP டெலிபோட்டோ கேமரா உள்ளது. சியோமி 13 ப்ரோ மாடலில் 1-இன்ச் அளவில் சோனி IMX989 50MP பிரைமரி கேமரா, 50MP அல்ட்ரா வைடு கேமரா, 50MP டெலிபோட்டோ கேமரா வழங்கப்பட்டு இருக்கிறது. செல்ஃபி எடுக்க இரு மாடல்களிலும் 16MP கேமரா சென்சார் வழங்கப்பட்டுள்ளது.

இத்துடன் இரு மாடல்களிலும் குவால்காம் நிறுவனத்தின் ஃபிளாக்‌ஷிப் ஸ்னாப்டிராகன் 8 ஜென் 2 பிராசஸர், அதிகபட்சம் 12 ஜிபி ரேம், 256 ஜிபி மெமரி வழங்கப்பட்டு இருக்கிறது. சியோமி 13 மற்றும் 13 ப்ரோ மாடல்களில் முறையே 4500 எம்ஏஹெச் மற்றும் 4820 எம்ஏஹெச் பேட்டரி வழங்கப்பட்டு இருக்கிறது. மேலும் 67 வாட் மற்றும் 120 வாட் ஃபாஸ்ட் சார்ஜிங் வசதி வழங்கப்பட்டுள்ளது.

புதிய சியோமி 13 சீரிஸ் மாடல்கள் ஆண்ட்ராய்டு 13 சார்ந்த MIUI 14 ஒஎஸ், 5ஜி, 4ஜி, வைபை, ப்ளூடூத், NFC, IR பிளாஸ்டர், யுஎஸ்பி டைப் சி போர்ட் கொண்டுள்ளன. இவை வைட், பிளாக், கிரீனஅ மற்றும் லைட் புளூ நிறங்களில் கிடைக்கின்றன. சியோமி 13 மாடல் ஃபிளேம் ரெட், சஃபயர் புளூ, ஹரிகேன் எல்லோ, ஜங்கில் கிரீன் மற்றும் சிமெண்ட் கிரே என ஐந்து விதமான லிமிடெட் கஸ்டம் நிறங்களிலும் கிடைக்கின்றன.

விலை மற்றும் விற்பனை விவரங்கள்:

சியோமி 13 ஸ்மார்ட்போனின் 8 ஜிபி ரேம், 128 ஜிபி மெமரி மாடல் விலை 574 டாலர்கள், இந்திய மதிப்பில் ரூ. 47 ஆயிரத்து 425 என துவங்குகிறது. சியோமி 13 ப்ரோ 8 ஜிபி ரேம், 128 ஜிபி மெமரி மாடல் விலை 718 டாலர்கள், இந்திய மதிப்பில் ரூ. 59 ஆயிரத்து 323 என துவங்குகிறது. புதிய சியோமி 13 சீரிஸ் மாடல்களின் முன்பதிவு சீனாவில் ஏற்கனவே துவங்கி நடைபெற்று வருகிறது. விற்பனை டிசம்பர் 14 ஆம் தேதி துவங்குகிறது.

சாம்சங் நிறுவனம் இந்திய சந்தையில் கேலக்ஸி M04 ஸ்மார்ட்போனினை பட்ஜெட் பிரிவில் அறிமுகம் செய்து இருக்கிறது. புதிய கேலக்ஸி M04 ஸ்மார்ட்போனில் 6.5 இன்ச் HD+ இன்ஃபினிட்டி வி டிஸ்ப்ளே, மீடியாடெக் ஹீலியோ P35 பிராசஸர், அதிகபட்சம் 4 ஜிபி ரேம், 4 ஜிபி வரை விர்ச்சுவல் ரேம் பிளஸ் அம்சங்கள் வழங்கப்பட்டு இருக்கிறது.

புகைப்படங்களை எடுக்க 13MP பிரைமரி கேமரா, 2MP டெப்த் கேமரா மற்றும் 5MP செல்ஃபி கேமரா வழங்கப்பட்டுள்ளது. ஆண்ட்ராய்டு 12 மற்றும் ஒன் யுஐ கோர் 4.1 ஒஎஸ் கொண்டிருக்கும் கேலக்ஸி M04 ஸ்மார்ட்போன் இரண்டு ஆண்டுகளுக்கு ஒஎஸ் அப்டேட் பெறும் என சாம்சங் அறிவித்துள்ளது. 5000 எம்ஏஹெச் பேட்டரி மூலம் சக்தியூட்டப்படும் கேலக்ஸி M04 ஸ்மார்ட்போன் 15 வாட் ஃபாஸ்ட் சார்ஜிங் வசதி கொண்டிருக்கிறது.

சாம்சங் கேலக்ஸி M04 அம்சங்கள்:

6.5 இன்ச் 1560x720 பிக்சல் HD+ LCD இன்ஃபினிட்டி வி டிஸ்ப்ளே

ஆக்டா கோர் மீடியாடெக் ஹீலியோ P35 பிராசஸர்

IMG பவர் விஆர் GE8320 GPU

4 ஜிபி ரேம்

64 ஜிபி, 128 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 12 மற்றும் ஒன் யுஐ கோர் 4.1

டூயல் சிம் ஸ்லாட்

13MP பிரைமரி கேமரா, எல்இடி ஃபிளாஷ்

2MP டெப்த் கேமரா

5MP செல்ஃபி கேமரா

3.5mm ஆடியோ ஜாக், எஃப்எம் ரேடியோ

டூயல் 4ஜி வோல்ட்இ, வைபை, ப்ளூடூத் 5

5000 எம்ஏஹெச் பேட்டரி

15 வாட் ஃபாஸ்ட் சார்ஜிங்

விலை மற்றும் விற்பனை விவரங்கள்:

சாம்சங் கேல்கஸி M04 ஸ்மார்ட்போன் பிளாக் மற்றும் கிரீன் நிறங்களில் கிடைக்கிறது. இதன் 4 ஜிபி ரேம், 64 ஜிபி மெமரி மாடல் விலை ரூ. 8 ஆயிரத்து 499 என நிர்ணயம் செய்யப்பட்டு உள்ளது. விற்பனை அமேசான் மற்றும் சாம்சங் இந்தியா அதிகாரப்பூர்வ வலைதளம், ஆஃப்லைன் விற்பனை மையங்களில் டிசம்பர் 16 ஆம் தேதி துவங்குகிறது.

மோட்டோரோலா நிறுவனம் சீன சந்தையில் புதிய மோட்டோ X40 ஃபிளாக்‌ஷிப் ஸ்மார்ட்போனின் வெளியீட்டை உறுதிப்படுத்தி இருக்கிறது. அதன்படி டிசம்பர் 15 ஆம் தேதி மோட்டோ X40 ஸ்மார்ட்போன் சீனாவில் அறிமுகம் செய்யப்பட இருக்கிறது. இந்த ஸ்மார்ட்போனில் ஸ்னாப்டிராகன் 8 ஜென் 2 பிராசஸர் வழங்கப்படுகிறது. இந்த அறிவிப்பை தொடர்ந்து அமெரிக்காவில் புது மோட்டோ ஸ்மார்ட்போன் அறிமுகமாகி இருக்கிறது.

மோட்டோரோலா நிறுவனத்தின் 2nd Gen மோட்டோ ஜி பிளே ஸ்மார்ட்போன் அறிமுகம் செய்யப்பட்டுள்ளது. இதில் 6.5 இன்ச் IPS TFT LCD HD+ 720x1600 பிக்சல் ஸ்கிரீன், 90Hz ரிப்ரெஷ் ரேட், மீடியாடெக் ஹீலியோ G37 பிராசஸர், 3 ஜிபி ரேம், 32 ஜிபி மெமரி, மெமரியை கூடுதலாக நீட்டிக்கும் வசதி வழங்கப்பட்டு இருக்கிறது.

புகைப்படங்களை எடுக்க 16MP பிரைமரி கேமரா, 2MP மேக்ரோ கேமரா, 2MP டெப்த் கேமரா வழங்கப்பட்டு இருக்கிறது. இத்துடன் ஆண்டராய்டு 12 ஒஎஸ், 5000 எம்ஏஹெச் பேட்டரி, 10 வாட் சார்ஜிங் 3.5mm ஹெட்போன் ஜாக், பின்புறம் கைரேகை சென்சார், IP52 தர வாட்டர் ரெசிஸ்டண்ட் வசதி வழங்கப்பட்டுள்ளது.

மோட்டோ ஜி பிளே 2023 அம்சங்கள்:

6.5 இன்ச் IPS TFT LCD HD+ 720x1600 பிக்சல் ஸ்கிரீன், 90Hz ரிப்ரெஷ் ரேட்

மீடியாடெக் ஹீலியோ G37 பிராசஸர்

3 ஜிபி ரேம்

32 ஜிபி மெமரி

மெமரியை கூடுதலாக நீட்டிக்கும் வசதி

16MP பிரைமரி கேமரா

2MP மேக்ரோ கேமரா

2MP டெப்த் கேமரா

5MP செல்ஃபி கேமரா

ஆண்டராய்டு 12 ஒஎஸ்

5000 எம்ஏஹெச் பேட்டரி

10 வாட் சார்ஜிங்

3.5mm ஹெட்போன் ஜாக்

பின்புறம் கைரேகை சென்சார்

IP52 வாட்டர் ரெசிஸ்டண்ட் வசதி

விலை மற்றும் விற்பனை விவரங்கள்:

மோட்டோரோலா மோட்டோ ஜி பிளே 2023 ஸ்மார்ட்போன் டீப் இண்டிகோ எனும் ஒற்றை நிறத்தில் மட்டுமே கிடைக்கிறது. இதன் விலை 170 டாலர்கள், இந்திய மதிப்பில் ரூ. 13 ஆயிரத்து 992 என நிர்ணயம் செய்யப்பட்டு உள்ளது. விற்பனை டிசம்பர் 12 ஆம் தேதி துவங்குகிறது.

ரியல்மி நிறுவனம் ரியல்மி 10 ப்ரோ பிளஸ் ஸ்மார்ட்போனுடன் சற்றே குறைந்த விலையில் ரியல்மி 10 ப்ரோ ஸ்மார்ட்போனினை இந்திய சந்தையில் அறிமுகம் செய்து இருக்கிறது. புதிய ரியல்மி 10 ப்ரோ மாடலில் 6.7 இன்ச் FHD+ LCD ஸ்கிரீன், மிக மெல்லிய பெசல்கள், DC டிம்மிங், TUV ரெயின்லாந்து லோ புளூ லைட் சான்று பெற்று இருக்கிறது. இத்துடன் 108MP பிரைமரி கேமரா, 2MP போர்டிரெயிட் கேமரா, 16MP செல்ஃபி கேமரா வழங்கப்பட்டுள்ளது.

குவால்காம் நிறுவனத்தின் ஸ்னாப்டிராகன் 695 பிராசஸர் கொண்டிருக்கும் ரியல்மி 10 ப்ரோ ஸ்மார்ட்போன் 2D ஃபிரேம் டிசைன், ட்வின் லென்ஸ் ரிஃப்ளெக்ஸ் கேமரா, 8.1mm பாடி, 5000 எம்ஏஹெச் பேட்டரி, மற்றும் 33 வாட் ஃபாஸ்ட் சார்ஜிங் வசதி வழங்கப்பட்டு இருக்கிறது. இது ஸ்மார்ட்போனை 29 நிமிடங்களில் 50 சதவீதம் வரை சார்ஜ் செய்திடும்.

ரியல்மி 10 ப்ரோ அம்சங்கள்:

6.7 இன்ச் 2400x1080 பிக்சல் FHD+ வளைந்த LCD ஸ்கிரீன், 120Hz வேரியபில் ரிப்ரெஷ் ரேட்

குவால்காம் ஸ்னாப்டிராகன் 695 5ஜி பிராசஸர்

அட்ரினோ 619 GPU

6 ஜிபி LPDDR4X ரேம், 128 ஜிபி UFS 2.2 மெமரி

8 ஜிபி LPDDR4X ரேம், 128 ஜிபி UFS 2.2 மெமரி

மெமரியை கூடுதலாக நீட்டிக்கும் வசதி

ஹைப்ரிட் டூயல் சிம் ஸ்லாட்

ஆண்ட்ராய்டு 13 சார்ந்த ரியல்மி யுஐ 4.0

108MP பிரைமரி கேமரா, எல்இடி ஃபிளாஷ்

2MP போர்டிரெயிட் கேமரா

16MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், ஸ்டீரியோ ஸ்பீக்கர்கள், ஹை-ரெஸ் ஆடியோ

5ஜி, டூயல் 4ஜி வோல்ட்இ, வைபை 6, ப்ளூடூத் 5.2

யுஎஸ்பி டைப் சி

5000 எம்ஏஹெச் பேட்டரி

33 வாட் ஃபாஸ்ட் சார்ஜிங்

விலை மற்றும் விற்பனை விவரங்கள்:

ரியல்மி 10 ப்ரோ ஸ்மார்ட்போன் ஹைப்பர்ஸ்பேஸ் கோல்டு, டார்க் மேட்டர், நெபுலா புளூ என மூன்று விதமான நிறங்களில் கிடைக்கிறது. இதன் 6 ஜிபி ரேம், 128 ஜிபி மெமரி மாடல் விலை ரூ. 18 ஆயிரத்து 999 என்றும் 8 ஜிபி ரேம், 128 ஜிபி மெமரி மாடல் விலை ரூ. 19 ஆயிரத்து 999 என்றும் நிர்ணயம் செய்யப்பட்டு உள்ளது. இதன் விற்பனை டிசம்பர் 16 ஆம் தேதி முதல் ரியல்மி, ப்ளிப்கார்ட் வலைதளங்களிலும் ஆஃப்லைன் ஸ்டோர்களிலும் துவங்குகிறது.

ரியல்மி நிறுவனம் ஏற்கனவே அறிவித்தப்படி இந்திய சந்தையில் ரியல்மி 10 ப்ரோ பிளஸ் ஸ்மார்ட்போனினை அறிமுகம் செய்து இருக்கிறது. இந்த ஸ்மார்ட்போனில் 6.7 இன்ச் FHD+ 120Hz OLED வளைந்த ஸ்கிரீன், மிக மெல்லிய பெசல்கள் உள்ளன. இத்துடன் மீடியாடெக் டிமென்சிட்டி 1080 5ஜி பிராசஸர், அதிகபட்சம் 12 ஜிபி ரேம், 8 ஜிபி வரை விர்ச்சுவல் ரேம், X ஆக்சிஸ் லீனியர் வைப்ரேஷன் மோட்டார், 4D கேம் வைப்ரேஷன் வழங்கப்பட்டு இருக்கிறது.

புகைப்படங்களை எடுக்க 108MP பிரைமரி கேமரா, 9-இன்-1 பிக்சல் பியூஷன் தொழில்நுட்பம், ஹைப்பர்ஷாட் ஃபிளாக்‌ஷிப் இமேஜ் ஆர்கிடெக்ச்சர், 3x ஆப்டிக்கல் ஜூம், ஸ்டிரீட் ஷூட்டிங் மோட் 3.0, 8MP அல்ட்ரா வைடு ஆங்கில் கேமரா, 2MP) மேக்ரோ கேமரா, 16MP செல்ஃபி கேமரா வழங்கப்பட்டு இருக்கிறது. இத்துடனஅ அதிகபட்சம் 256 ஜிபி மெமரி, மெமரியை கூடுதலாக நீட்டிக்கும் வசதி வழங்கப்பட்டுள்ளது.

ரியல்மி 10 ப்ரோ பிளஸ் 5ஜி அம்சங்கள்:

6.7 இன்ச் 2412x1080 பிக்சல் FHD+ வளைந்த OLED ஸ்கிரீன், 120Hz ரிப்ரெஷ் ரேட்

ஆக்டா கோர் மீடியாடெக் டிமென்சிட்டி 1080 பிராசஸர்

மாலி-G68 MC4 GPU

6 ஜிபி LPDDR4X ரேம், 128 ஜிபி UFS 2.2 மெமரி

8 ஜிபி LPDDR4X ரேம், 256 ஜிபி UFS 2.2 மெமரி

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

ஆண்ட்ராய்டு 13 சார்ந்த ரியல்மி யுஐ 4.0

108MP பிரைமரி கேமரா, எல்இடி ஃபிளாஷ்

8MP அல்ட்ரா வைடு ஆங்கில் கேமரா

2MP மேக்ரோ கேமரா

16MP செல்ஃபி கேமரா

இன் டிஸ்ப்ளே கைரேகை சென்சார்

ஸ்டீரியோ ஸ்பீக்கர்கள், ஹை-ரெஸ் ஆடியோ

5ஜி, டூயல் 4ஜி வோல்ட்இ, வைபை 6, ப்ளூடூத் 5.2

யுஎஸ்பி டைப் சி

5000 எம்ஏஹெச் பேட்டரி

67 வாட் ஃபாஸ்ட் சார்ஜிங்

விலை மற்றும் விற்பனை விவரங்கள்:

ரியல்மி 10 ப்ரோ பிளஸ் ஸ்மார்ட்போன் ஹைப்பர்ஸ்பேஸ், டார்க் மேட்டர், நெபுலா புளூ என மூன்று விதமான நிறங்களில் கிடைக்கிறது. இதன் 6 ஜிபி ரேம், 128 ஜிபி மெமரி மாடல் விலை ரூ. 24 ஆயிரத்து 999 என்றும் 8 ஜிபி ரேம், 128 ஜிபி மெமரி மாடல் விலை ரூ. 25 ஆயிரத்து 999 என்றும் 8 ஜிபி ரேம், 256 ஜிபி மெமரி மாடல் விலை ரூ. 27 ஆயிரத்து 999 என நிர்ணயம் செய்யப்பட்டு உள்ளது. விற்பனை டிசம்பர் 14 ஆம் தேதி முதல் ரியல்மி, ப்ளிப்கார்ட் வலைதளங்களிலும் ஆஃப்லைன் ஸ்டோர்களிலும் துவங்குகிறது.

ரெட்மி பிராண்டு புதிய எண்ட்ரி லெவல் ஸ்மார்ட்போனினை அறிமுகம் செய்யும் பணிகளில் ஈடுபட்டு வருவதாக தகவல் வெளியாகி உள்ளது. 2212ARNC4L எனும் மாடல் நம்பர் கொண்ட புது ரெட்மி ஸ்மார்ட்போன் விவரங்கள் IMEI டேட்டாபேஸ் தளத்தில் ரெட்மி 12C பெயரில் இடம்பெற்று இருக்கிறது. இந்த ஸ்மார்ட்போனிற்கு FCC ஏற்கனவே அனுமதி வழங்கி விட்டது. அந்த வகையில் ரெட்மி 12C மாடல் விரைவில் சர்வதேச சந்தையில் அறிமுகமாகும் என கூறப்படுகிறது.

புதிய ரெட்மி 12C மாடலில் 6.7 இன்ச் HD+ IPS LCD டிஸ்ப்ளே, 2 ஜிபி, 4 ஜிபி, 6 ஜிபி மற்றும் 8 ஜிபி ரேம், 32 ஜிபி, 64 ஜிபி, 128 ஜிபி மற்றும் 256 ஜிபி மெமரி ஆப்ஷன்களில் கிடைக்கும் என தெரிகிறது. முன்னதாக இந்த ஸ்மார்ட்போன் டிசைன் TENAA வலைதளத்தில் லீக் ஆகி இருந்தது. அதன்படி ரெட்மி 12C மாடலில் டிராப் நாட்ச் பேனல், மூன்று கேமரா சென்சார்கள், எல்இடி ஃபிளாஷ் கைரேகை சென்சார் வழங்கப்படுவது உறுதியாகி இருக்கிறது.

எண்ட்ரி லெவல் மாடல் என்பதால், ரெட்மி 12C மாடல் முதற்கட்டமாக சர்வதேச சந்தையிலும், அதன் பின் இந்தியா மற்றும் சீனா போன்ற நாடுகளிலும் அறிமுகம் செய்யப்படலாம். இந்த ஸ்மார்ட்போனில் ஆண்ட்ராய்டு 12 சார்ந்த MIUI 13 ஒஎஸ் வழங்கப்படும் என கூறப்படுகிறது.

இது மட்டுமின்றுி ரெட்மி நோட் 12 ப்ரோ 5ஜி வேரியண்ட் விவரங்களும் IMEI டேட்டாபேஸ் தளத்தில் லீக் ஆகி இருக்கிறது. அந்த வகையில், இந்த ஸ்மார்ட்போனும் விரைவில் சர்வதேச சந்தையில் அறிமுகம் செய்யப்படும் என தெரிகிறது. இது ரெட்மி நோட் 10 ப்ரோ மாடலின் ரிபிராண்டு செய்யப்பட்ட வெர்ஷனாக இருக்கும் என கூறப்படுகிறது. மேலும் ரெட்மி நோட் 12 ப்ரோ 4ஜி மாடல் sweet_k6a_global எனும் குறியீட்டு பெயர் கொண்டிருக்கிறது.

சியோமி நிறுவனம் இந்திய சந்தையில் களமிறங்கி டிசம்பர் 01 ஆம் தேதியுடன் எட்டு ஆண்டுகள் நிறைவு செய்தது. 2014 ஆண்டு வாக்கில் ரெட்மி நோட் 4ஜி ஸ்மார்ட்போன் வெளியீட்டதில் இருந்து இதுவரை 72 கோடி ரெட்மி நோட் ஸ்மார்ட்போன்களை விற்பனை செய்து இருப்பதாக சியோமி நிறுவனம் அறிவித்து இருக்கிறது.

"ரெட்மி நோட் பயணத்தில் உடனிருக்கும் இந்தியா மற்றும் சியோமி பிரியர்கள் அனைவருக்கும் நன்றி. நீங்கள் இல்லாமல் இதை எங்களால் செய்திருக்க முடியாது," என ரெட்மி இந்தியா தனது ட்விட்டர் பக்கத்தில் தெரிவித்து இருக்கிறது.

"ஒவ்வொரு புதிய ரெட்மி நோட் சீரிஸ் அறிமுகத்தின் போதும், இந்த பிரிவில் அனைவரும் திரும்பி பார்க்கச் செய்யும் அப்கிரேடுகளை வழங்குவதில் கவனம் செலுத்தி வருகிறோம். கடந்த எட்டு ஆண்டுகளாக நோட் சீரிஸ் நாங்கள் அறிமுகம் செய்த மிகவும் தலைசிறந்த தொழில்நுட்பமாக கேமரா இருக்கிறது."

"பட்ஜெட் ஸ்மார்ட்போன் பிரிவில் 48MP சென்சாரை நாங்கள் தான் முதலில் கொண்டு வந்தோம். இதே வரிசையில் 64MP மற்றும் 108MP என மிட்-பிரீமியம் பிரிவின் கேமராக்கள் தொடர்ந்து MP கணக்கை கூட்டுவதில் நாங்கள் முன்னணியில் இருந்து வருகிறோம்," என்று சியோமி இந்தியா மூத்த விளம்பர பிரிவு அலுவலர், அனுஜ் ஷர்மா தெரிவித்து இருக்கிறார்.

சாம்சங் நிறுவனத்தின் புதிய கேலக்ஸி M04 ஸ்மார்ட்போனின் இந்திய விலை மற்றும் வெளியீட்டு விவரங்கள் இணையத்தில் லீக் ஆகி உள்ளது. இது குறித்து 91மொபைல்ஸ் வெளியிட்டு இருக்கும் தகவல்களில் சாம்சங் புது ஸ்மார்ட்போன் வெளியீட்டை விரைவில் நடத்தும் என குறிப்பிடப்பட்டு இருக்கிறது. இதோடு புது ஸ்மார்ட்போனின் விளம்பரத்திற்கு சாம்சங் பயன்படுத்த இருக்கும் விளம்பர படங்களும் இணையத்தில் வெளியாகி உள்ளது.

முன்னதாக கேலக்ஸி M04 ஸ்மார்ட்போன் ப்ளூடூத் SIG, BIS, கீக்பென்ச் என ஏராளமான சான்றிதழ்களை பெற்று இருந்தது. சமீபத்தில் இந்த ஸ்மார்ட்போன் விரங்கள் கூகுள் பிளே கன்சோல் லிஸ்டிங்கில் இடம்பெற்று இருந்தது. அந்த வகையில், புதிய கேலக்ஸி M04 மாடல் விரைவில் அறிமுகம் செய்யப்படும் என்றே தெரிகிறது. இந்த ஸ்மார்ட்போன் அந்நிறுவனம் ஏற்கனவே அறிமுகம் செய்த கேலக்ஸி 03 மாடலின் மேம்பட்ட வெர்ஷன் ஆகும்.

தற்போது சர்வதேச சந்தையில் கிடைக்கும் கேலக்ஸி A04 ஸ்மார்ட்போனின் ரி-பேட்ஜ் செய்யப்பட்ட வெர்ஷனாக இந்த மாடல் அறிமுகம் செய்யப்படும் என கூறப்பட்டது. எனினும், தற்போதைய விளம்பர படத்தின் மூலம் இது கிட்டத்தட்ட உறுதியாகி இருக்கிறது. புதிய ஸ்மார்ட்போன் வாட்டர் டிராப் ரக நாட்ச், டூயல் கேமரா சென்சார், மிண்ட் கிரீன் நிற ஆப்ஷனில் கிடைக்கும் என தெரியவந்துள்ளது.

புது ஸ்மார்ட்போனின் மற்றொரு விளம்பர படத்தில் கேலக்ஸி M04 விலை ரூ. 8 ஆயிரத்து 999-க்கும் குறைவாக நிர்ணயம் செய்யப்படும் என தெரியவந்துள்ளது. இந்த ஸ்மார்ட்போன் ரியல்மி நிறுவனத்தின் C சீரிஸ் மாடல்களுக்கு போட்டியாக அமையும் என எதிர்பார்க்கலாம்.

அம்சங்களை பொருத்தவரை கேலக்ஸி M04 மாடலில் 6.5 இன்ச் HD+ டிஸ்ப்ளே, மீடியாடெக் ஹீலியோ G35 பிராசஸர், 3 ஜிபி ரேம், ஆண்ட்ராய்டு 12 ஒஎஸ், 13MP பிரைமரி கேமரா, 2MP டெப்த் கேமரா, 5MP செல்ஃபி கேமரா, 5000 எம்ஏஹெச் பேட்டரி, 10 வாட் சார்ஜிங் வசதி வழங்கப்படும் என தெரிகிறது.

Photo Courtesy: 91Mobiles