ரூ. 7 ஆயிரம் பட்ஜெட்டில் புது சாம்சங் ஸ்மார்ட்போன் - விரைவில் வெளியீடு!

சாம்சங் நிறுவனம் கேலக்ஸி F04 ஸ்மார்ட்போனினை விரைவில் இந்திய சந்தையில் அறிமுகம் செய்ய இருக்கிறது. 2023 ஆண்டு துவக்கத்தில் புதிய கேலக்ஸி F சீரிஸ் ஸ்மார்ட்போன் இந்தியாவில் அறிமுகமாகிறது. முஎ்னதாக இம்மாத துவக்கத்தில் கேலக்ஸி M04, கேலக்ஸி A04 மற்றும் கேலக்ஸி A04e ஸ்மார்ட்போன்களை சாம்சங் அறிமுகம் செய்து இருந்தது குறிப்பிடத்தக்கது.

புதிய சாம்சங் கேலக்ஸி F04 ஸ்மார்ட்போனில் 6.5 இன்ச் ஸ்கிரீன், டூயல் கேமரா சென்சார்கள், 4 ஜிபி ரேம், 4 ஜிபி வரை கூடுதல் விர்ச்சுவல் ரேம், ரேம் பிளஸ் அம்சம் வழங்கப்படும் என கூறப்படுகிறது. இந்த ஸ்மார்ட்போன் ஸ்டைலிஷ் டிசைன், நீண்ட நேர பேட்டரி பேக்கப் மற்றும் சக்திவாய்ந்த அம்சங்களை மிக குறைந்த விலையில் கொண்டிருக்கும் என கூறப்படுகிறது.

முந்தைய கேலக்ஸி M04 ஸ்மார்ட்போனில் 6.5 இன்ச் HD+ இன்ஃபினிட்டி வி டிஸ்ப்ளே, மீடியாடெக் ஹீலியோ P35 பிராசஸர், 4 ஜிபி ரேம், 4 ஜிபி விர்ச்சுவல் ரேம், ரேம் பிளஸ், 13MP பிரைமரி கேமரா, 2MP டெப்த் கேமரா, 5MP செல்ஃபி கேமரா, 5000 எம்ஏஹெச் பேட்டரி வழங்கப்பட்டு இருக்கிறது.

இந்திய சந்தையில் புதிய சாம்சங் கேலக்ஸி F04 ஸ்மார்ட்போனின் விலை ரூ. 8 ஆயிரத்திற்கும் குறைவாகவே நிர்ணயம் செய்யப்பட இருக்கிறது. கேலக்ஸி F சீரிசில் குறைந்த விலை ஸ்மார்ட்போனாக புதிய கேலக்ஸி F04 இருக்கும் என எதிர்பார்க்கலாம். இந்த ஸ்மார்ட்போனின் சரியான வெளியீட்டு தேதி மற்றும் இதர விவரங்கள் வரும் வாரங்களில் தெரியவரும்.