ஹீலியோ G85 பிராசஸர் கொண்ட ரெட்மி 12C அறிமுகம் - விலை எவ்வளவு தெரியுமா?

சியோமி நிறுவனத்தின் புது ஸ்மார்ட்போன் ரெட்மி பிராண்டிங்கில் அறிமுகம் செய்யப்பட்டு இருக்கிறது. சமீபத்தில் தான் ரெட்மி பிராண்டின் ரெட்மி நோட் 12 ப்ரோ ஸ்பீடு எடிஷன் மற்றும் அக்ஸரீக்கள் அறிமுகம் செய்யப்பட்டன. தற்போது அறிமுகமாகி இருக்கும் ஸ்மார்ட்போன் ரெட்மி 12C என அழைக்கப்படுகிறது. இதில் 6.71 இன்ச் HD+ ஸ்கிரீன் கொண்ட டிஸ்ப்ளே, மீடியாடெக் ஹீலியோ G85 பிராசஸர், LPDDR4X ரேம், eMMC 5.1 ஃபிளாஷ் மெமரி, 5000 எம்ஏஹெச் பேட்டரி கொண்டிருக்கிறது.

புகைப்படங்களை எடுக்க 50MP பிரைமரி கேமரா, டெப்த் கேமரா, 5MP செல்ஃபி கேமரா வழங்கப்படுகிறது. இந்த ஸ்மார்ட்போனின் பேக் பேனல்- கைகளில் இருந்து நழுவாத வகையில் டெக்ஸ்ச்சர் ஃபினிஷ் மற்றும் ஸ்டிரைப்கள் உள்ளது. இத்துடன் கைரேகை சென்சார் உள்ளது.

ரெட்மி 12C அம்சங்கள்:

6.71 இன்ச் HD+ ஸ்கிரீன் கொண்ட டிஸ்ப்ளே

மீடியாடெக் ஹீலியோ G85 பிராசஸர்

4 ஜிபி ரேம், 64 ஜிபி மெமரி

4 ஜிபி ரேம், 128 ஜிபி மெமரி

6 ஜிபி ரேம், 128 ஜிபி மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 12 சார்ந்த MIUI 13

கைரேகை சென்சார்

மைக்ரோ யுஎஸ்பி போர்ட்

3.5mm ஹெட்போன் ஜாக்

4ஜி, மைக்ரோ எஸ்டி ஸ்லாட்

5000 எம்ஏஹெச் பேட்டரி

விலை மற்றும் விற்பனை விவரங்கள்:

ரெட்மி 12C ஸ்மார்ட்போனின் விலை 699 யுவான், இந்திய மதிப்பில் ரூ. 8 ஆயிரத்து 385 என துவங்குகிறது. இதன் டாப் எண்ட் மாடல் விலை 899 யுவான், இந்திய மதிப்பில் ரூ. 10 ஆயிரத்து 784 என நிர்ணயம் செய்யப்பட்டு உள்ளது. இந்த ஸ்மார்ட்போனினை விற்பனை தற்போது மெயின்லேண்ட் சீனாவில் மட்டுமே நடைபெற்று வருகிறது.