நீங்கள் தேடியது "lorry collapsed"

சேலம்:

சேலம் அரியானூர் பகுதியில் இருந்து துணி பண்டல் ஏற்றிய லாரி வட மாநிலத்திற்கு புறப்பட்டது. இந்த லாரி இன்று காலை 6 மணி அளவில் சேலம் பட்டர்பிளை மேம்பால பகுதியில் வந்து கொண்டிருந்தது. அப்போது திடீரென நிலை தடுமாறிய லாரி, டிரைவரின் கட்டுப்பாட்டை இழந்து தாறுமாறாக ஓடியது. பின்னர் அந்த பாலத்திலேயே லாரி கவிழ்ந்தது. அதில் இருந்த துணி பண்டல்கள் சாலையில் சிதறி கிடந்தன. லாரி கிளீனர் காயம் அடைந்து அலறினார்.

இதனை பார்த்த அந்த வழியாக சென்றவர்கள் சேலம் மாநகர போலீசாருக்கு தகவல் தெரிவித்தனர். உடனே அங்கு விரைந்து சென்ற அன்ன தானப்பட்டி போலீசார் சாலையில் சிதறி கிடந்த துணி பண்டல்களை அப்புறப் படுத்தி வாகனங்கள் செல்ல வழி ஏற்படுத்தினர். பின்னர் கிரேன் மூலம் லாரியை மீட்டனர்.

இந்த விபத்தில் லாரி கிளீனர் லேசான காயம் அடைந்தார். டிரைவர் காயமின்றி தப்பினார்.

விபத்து குறித்து அன்ன தானப்பட்டி போலீசார் விசாரணை நடத்தி வருகிறார்கள்.

பூதலூர்:

தஞ்சை மாவட்டம் திருக்காட்டுப்பள்ளி அருகே பவளமங்கலம் கிராமத்தை சேர்ந்தவர் இளங்கோவன். விவசாயி.

இந்நிலையில் இளங்கோவன் வீட்டுக்கு அவரது மாமனார் நடராஜன் (வயது 70) வந்திருந்தார். நேற்று இரவு வீட்டு முன்பு கட்டிலில் நடராஜன் தூங்கினார்.

இன்று அதிகாலை வீட்டு முன்புள்ள சாலை வழியாக ஜல்லிகற்களை ஏற்றிய ஒரு லாரி சென்றது. அப்போது திடீரென டிரைவரின் கட்டுப்பாட்டை இழந்து லாரி தாறுமாறாக ஓடி, இளங்கோவன் வீட்டு முன்பு கவிழ்ந்தது. இதில் கட்டிலில் தூங்கி கொண்டிருந்த நடராஜன் மீது ஜல்லிக்கற்கள் கொட்டியது. இதனால் அவர் சம்பவ இடத்திலேயே மூச்சுத்திணறி பரிதாபமாக இறந்தார்.

இந்த விபத்தில் லாரி டிரைவர் லேசான காயத்துடன் உயிர் தப்பினார்.

இந்த விபத்து குறித்து திருக்காட்டுப்பள்ளி போலீஸ் சப்-இன்ஸ்பெக்டர் விஜயகிருஷ்ணா வழக்குப்பதிவு செய்து விசாரணை நடத்தனார்.

ஜல்லி லாரி கவிழ்ந்து வீட்டு முன்பு படுத்து தூங்கிய முதியவர் பலியான சம்பவம் திருக்காட்டுப்பள்ளி பகுதியில் சோகத்தை ஏற்படுத்தி உள்ளது.

தண்டராம்பட்டு:

வேலூர் சாயிநாதபுரத்தை சேர்ந்தவர் புகழேந்தி மகன் தமிழேந்தி (வயது 35). லாரி டிரைவர். நேற்று மதியம் 1 மணியளவில் திருவண்ணாமலையில் இருந்து திருக்கோவிலூர் நோக்கி மினி லாரியில் சென்று கொண்டிருந்தார்.

கொளக்குடி அருகே சென்ற போது மினி லாரியின் பின்பக்க சக்கரம் வெடித்தது. இதனையடுத்து சக்கரத்தை மாற்றும் பணியில் தமிழேந்தி ஈடுபட்டார்.

அப்போது வாகனத்தின் பின் பகுதியில் ஜாக்கி வைத்து வாகனத்தை மேலே தூக்கிய போது மினி லாரி தமிழேந்தி மீது சாய்ந்தது. இதில் உடல் நசுங்கிய அவர் சம்பவ இடத்திலேயே உயிரிழந்தார். தகவலறிந்த வெறையூர் போலீசார் சம்பவ இடத்திற்கு விரைந்து சென்று தமிழேந்தியின் உடலை கைப்பற்றி பிரேத பரிசோதனைக்காக திருவண்ணாமலை அரசு மருத்துவமனைக்கு அனுப்பி வைத்தனர்.

இது குறித்து அவரது மனைவி ராதா கொடுத்த புகாரின் பேரில் போலீசார் வழக்குப்பதிவு செய்து விசாரணை நடத்தி வருகின்றனர்.

சென்னிமலை:

கோவை மாவட்டம் பொள்ளாச்சியில் இருந்து குஜராத் மாநிலத்தில் உள்ள சூரத் நகருக்கு நூல் கோன்கள் ஏற்றி கொண்டு ஒரு லாரி புறப்பட்டது.

லாரியை பொள்ளாச்சியை சேர்ந்த குமார் (வயது 35) என்பவர் ஓட்டிச் சென்றார். மாற்று டிரைவர் அய்யன்துரை (37) என்பவரும் லாரியில் இருந்தார்.

இந்த லாரி சென்னிமலை அடுத்த ஈங்கூர் அருகே நள்ளிரவு நேரத்தில் வந்து கொண்டிருந்தது. அங்கு குறுகிய ரெயில்வே மேம்பாலம் இருப்பது தெரியாமல் இயக்கப்பட்டதால் மேம்பாலத்தின் பக்கவாட்டு சுவரில் லாரி மோதி கவிழ்ந்தது.

இந்த விபத்தில் லாரியை ஓட்டி வந்த டிரைவர் குமாருக்கு தலையில் பலத்த காயம் ஏற்பட்டது. பின்னர் அவர் ஈரோடு அரசு ஆஸ்பத்திரியில் சேர்க்கப்பட்டார்.

மற்றொரு டிரைவரான அய்யன்துரைக்கும் லேசான காயம் ஏற்பட்டது. மேம்பால சுவரில் மோதியதால் லாரியின் முன் சக்கரங்கள் தனியே துண்டிக்கப்பட்டன.

அதனால் வேறு லாரியில் நூல் கோன்கள் ஏற்றப்பட்டு அனுப்பி வைக்கப்பட்டன. இந்த விபத்து குறித்து சென்னிமலை போலீசார் விசாரணை நடத்தி வருகின்றனர்.

திருவையாறு:

அரியலூரில் இருந்து ஒரு லாரி சிமெண்ட் லோடு ஏற்றிக் கொண்டு தஞ்சை நோக்கி நேற்று இரவு வந்தது. அந்த லாரி நள்ளிரவு 1.30 மணி அளவில் தஞ்சை மாவட்டம் திருவையாறு அய்யனார் கோவில் பகுதியில் வந்து கொண்டு இருந்தது. அப்போது லாரி திடீரென டிரைவரின் கட்டுபாட்டை இழந்து ரோட்டோரம் புதிதாக கட்டப்பட்டு வரும் ஒரு வீட்டின் சுவரில் மோதி கவிழ்ந்தது.

இதில் சுவரில் சேதம் ஏற்பட்டது. விபத்து நடந்தபோது அங்கு தொழிலாளர்கள் யாரும் இல்லாததால் அதிர்ஷ்டவசமாக உயிர் தப்பினர். லாரி சுவரில் மோதியபோதிலும் காயமின்றி உயிர் தப்பிய டிரைவர் அங்கு லாரியை விட்டு விட்டு தலைமறைவாகி விட்டார்.

இதுபற்றிய தகவல் கிடைத்தும் திருவையாறு போலீசார் சம்பவ இடத்துக்கு சென்று லாரியை மீட்கும் பணியில் ஈடுபட்டனர். திருவையாறில் லாரி வீட்டின் மீது மோதிய சம்பவம் பரபரப்பை ஏற்படுத்தி உள்ளது.