என் மலர்

    நீங்கள் தேடியது "Aadi Festival"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பெண்கள் கோவில் வளாகத்தில் கூழ், கொழுக்கட்டை படைத்து அம்மனை வழிபட்டனர்.
    • நீண்ட வரிசையில் பெண்கள் நின்று அவ்வையார் அம்மனை தரிசனம் செய்தனர்.

    ஆடிமாதம் என்றாலே அம்மனுக்கு உகந்த மாதம். இந்த மாதத்தில் செவ்வாய்க்கிழமை மற்றும் வெள்ளிக்கிழமைகளில் பெண்கள் அம்மனை வழிபட்டால் நினைத்த காரியம் நடக்கும் என்பது ஐதீகம். எனவே ஆடி மாதத்தில் அம்மன் கோவில்களுக்கு பெண்கள் சென்று வழிபடுவார்கள்.

    இந்த ஆண்டின் ஆடி மாத கடைசி செவ்வாய்க்கிழமையான நேற்று அம்மன் கோவில்களில் பெண்கள் கூட்டம் அதிகம் இருந்தது. செண்பகராமன்புதூர் அருகே உள்ள அவ்வையார் அம்மன் கோவிலுக்கு ஏராளமான பெண்கள் வந்து கோவில் வளாகத்தில் கூழ், கொழுக்கட்டை படைத்து அம்மனை வழிபட்டனர். மதியம் சிறப்பு வழிபாடு நடைபெற்றது. நீண்ட வரிசையில் பெண்கள் நின்று அவ்வையார் அம்மனை தரிசனம் செய்தனர்.

    முப்பந்தல் (கிழக்கு) இசக்கியம்மன் கோவிலில் நேற்று ஆடிபெருங்கொடைவிழா நடைபெற்றது. இதையொட்டி காலையில் ஆரல்வாய்மொழியிலிருந்து கோவிலும் பால் குடங்களுடனும் பறக்கும் காவடியுடன் பக்தர்கள் ஊர்வலமாக வந்தனர். தொடர்ந்து அம்மனுக்கு அபிஷேகமும் அலங்கார தீபாராதனையும் அன்னதானமும் நடந்தது. மாலையில் பூ படைப்பு, ஊட்டு படைப்பு மற்றும் பூக்குழி இறங்குதலும் நடைபெற்றது. கோவில் கொடைவிழாவில் பத்தர்கள் கூட்டம் அலைமோதியது.

    முப்பந்தல் ஆலமூடு அம்மன் கோவிலிலும் அபிஷேகம் மற்றும் அலங்கார தீபாராதனையும், மதியம் அன்னதானமும் நடைபெற்றது. இதில் திரளான பக்தர்கள் கலந்துகொண்டனர். இதேபோல குமரி மாவட்டத்தில் உள்ள அனைத்து அம்மன் கோவில்களிலும் சிறப்பு வழிபாடு நடைபெற்றது. அங்கு பெண்கள் கூட்டம் அதிகமாக இருந்தது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 1000த்துக்கும் மேற்பட்ட மதுபான பாட்டில்கள் காணிக்கையாக படையலிடப்பட்டது.
    • பக்தர்கள் காணிக்கையாக வழங்கிய 75 ஆட்டுக்கிடா, 45 சேவல்கள் பலியிடப்பட்டது.

    தேனி மாவட்டம் சின்னமனூர் அருகே உள்ள குச்சனூரில் சுயம்பு சனீஸ்வர பகவான் கோவில் உள்ளது. இந்த கோவிலில் ஆண்டு தோறும் ஆடி மாத திருவிழா வெகு சிறப்பாக கொண்டாடப்படும்.

    அதன்படி இந்த ஆண்டுக்கான ஆடித்திருவிழா கடந்த மாதம் 23-ந் தேதி கொடியேற்றத்துடன் தொடங்கியது. இதனைத் தொடர்ந்து ஒவ்வொரு சனிக்கிழமைகளில் சிறப்பு பூஜை மற்றும் வழிபாடுகள் நடத்தப்பட்டன.

    இதில் தேனி உள்பட பல்வேறு மாவட்டங்களைச் சேர்ந்த பக்தர்கள் பங்கேற்று சாமி தரிசனம் செய்து சென்றனர். விழாவின் முக்கிய நிகழ்ச்சியாக சனீஸ்வர பகவான் கோவிலின் உப கோவிலான சோனை முத்து கருப்பணசாமிக்கு மதுபான படையல் நடைபெற்றது.

    இதனையொட்டி சுவாமிக்கு சிறப்பு அபிஷேகம் மற்றும் ஆராதனைகள் நடந்தது. பக்தர்களால் காணிக்கையாக வழங்கப்பட்ட 1000த்துக்கும் மேற்பட்ட மதுபான பாட்டில்கள் படையலிடப்பட்டது. இதனை கோவில் பூசாரிகள் 5 பேர் கொண்ட குழுவினர் சோனை முத்து கருப்பணசாமியின் குதிரைக்கு கீழ் உள்ள சிறிய துவாரம் வழியாக மது பாட்டில்களை திறந்து ஊற்றி பூஜை செய்தனர்.

    இரவு 8 மணிக்கு தொடங்கிய பூஜை நள்ளிரவு 12 மணி வரை நீடித்தது. அதனைத் தொடர்ந்து பக்தர்கள் காணிக்கையாக வழங்கிய 75 ஆட்டுக்கிடா, 45 சேவல்கள் ஆகியவை பலியிடப்பட்டு பின்னர் அந்த இறைச்சியைக் கொண்டு அசைவ உணவு சமைக்கப்பட்டது. இந்த உணவு விடிய விடிய பக்தர்களுக்கு விருந்தாக வழங்கப்பட்டது. இதில் ஆயிரக்கணக்கான பக்தர்கள் பங்கேற்று சென்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சுமங்கலிகள் கன்னி தெய்வங்களை வழிபட்டால் மாங்கல்ய பலம் அதிகரிக்கும்.
    • கன்னிப்பெண்களுக்கு விரைவில் திருமண பாக்கியம் கைகூடும்.

    ஆடி மாத வளர்பிறைசெவ்வாய் கிழமை அல்லதுவெள்ளிக்கிழமை மாலை நேரத்தில் 6 மணிக்கு மேல் வீட்டின் தென்மேற்கு பகுதியில் குடும்பத்தில் வாழ்ந்து மறைந்த கன்னிப் பெண்களை மனதில் நினைத்து தலை வாழை இலையில் வடை, பாயாசத்துடன் உணவு, சர்க்கரை பொங்கல்,அதிரசம் அல்லது பணியாரம் போன்ற இனிப்பு பண்டங்களை தேங்காய் வெற்றிலை, பாக்கு வாழைப்பழத்துடன் படைக்க வேண்டும்.

    மேலும் இறந்த கன்னியின் வயதுக்கு ஏற்ற உடை(பாவாடை, சட்டை, தாவணி, சேலை ) மஞ்சள் கிழங்கு,கண்ணாடி, சீப்பு, வளையல், பொட்டு, வாசனையான ஜாதி மல்லி, குண்டு மல்லி மரிக்கொழுந்து படைக்க வேண்டும். தீபம் ஏற்ற வேண்டும்.

    போட்டோ வைக்க வேண்டிய அவசியம் இல்லை.சாம்பிராணி மணத்தை வீடு முழுவதும் நிரப்பி கன்னியை பூஜையில் ஆவாகனம் செய்து உங்களின் கோரிக்கைகளை கூற வேண்டும்.

    பிரார்த்தனை பலிதமாக உங்களின் ஆத்மார்த்த ஈடுபாடு மற்றும் வழிபாடு மிக முக்கியம். இதை கூட்டாக பகை மறந்து அங்காளி, பங்காளிகளுடன் இணைந்து வழிபட பலன் இரட்டிப்பாகும். பிறகு பூஜையில் படைத்தஉணவை பயபக்தியுடன் அனைவரும் உண்ண வேண்டும்.

    படைத்த ஆடை மற்றும் மங்கலப் பொருட்களை (மூங்கில் கூடை நார்ப்பெட்டியில்) வைத்துபின்னர் வீட்டின் தென்மேற்கு பகுதியானகன்னி மூலையில் உயரமான இடத்தில் இந்த பெட்டியை வைக்க வேண்டும். முதலாண்டு வைத்து படைத்த கன்னிப் பெட்டியை மறு ஆண்டுதான் எடுக்க வேண்டும்.

    கன்னி பெட்டி உள்ள அறைக்கு செவ்வாய் மற்றும் வெள்ளிக்கிழமைகளில் சாம்பிராணி தூபம் இடலாம். மறு வருடம் கன்னி வழிபாடு செய்யும் போதுவீட்டை சுத்தம் செய்து விட்டு பெட்டியை திறக்க வேண்டும். பெட்டியை திறந்தவுடன் பூ வாசம்மணக்கும். பூ வாசம் மணந்தால் கன்னி தெய்வம் துடியாக இருப்பதாக நம்பிக்கை. அதற்குள் வைத்திருந்த துணியை குடும்பத்தில் உள்ள நிறைவேறாத பிரார்த்தனை உள்ள பெண்களுக்கு கொடுக்க வேண்டும். இதை பல குடும்பத்தினர் வீட்டு சாமி கும்பிடுதல் என்றும் கூறுவார்கள். இந்த வழிபாட்டை ஆடி மாதங்களில் கடை பிடிக்க முடியாதவர்கள் தை மாதங்களிலும் வழிபடலாம். கன்னி தெய்வத்தை வழிபட வெள்ளிக்கிழமையை விட செவ்வாய்கிழமை தான்ஏற்ற நாள்.

    சுமங்கலிகள் கன்னி தெய்வங்களை வழிபட்டால் மாங்கல்ய பலம் அதிகரிக்கும். கன்னிப்பெண்களுக்கு விரைவில் திருமண பாக்கியம் கைகூடும் செய்வினை கோளாறு நீங்கும். பேய் பிசாசு அண்டாது. நோய் நொடிகள் தீர்ந்து விடும். குழந்தைகள் நன்றாக படிப்பார்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திண்டுக்கல் அருகில் உள்ள தாடிக்கொம்பு சவுந்தரராஜபெருமாள் கோவிலில் ஒவ்வொரு ஆண்டும் ஆடி பெருந்திருவிழா வெகுசிறப்பாக கொண்டாடப்படும்.
    • ஸ்ரீதேவி, பூதேவி சமேத சவுந்தரராஜ பெருமாள் தெப்பத்தில் எழுந்தருளி பக்தர்களுக்கு அருள்பாலித்தனர்.

    தாடிக்கொம்பு:

    திண்டுக்கல் அருகில் உள்ள தாடிக்ெகாம்பு சவுந்தரராஜபெருமாள் கோவிலில் ஒவ்வொரு ஆண்டும் ஆடி பெருந்திருவிழா வெகுசிறப்பாக கொண்டாடப்படும். இவ்வாண்டுக்கான திருவிழா கடந்த 4-ந்தேதி கொடியேற்றத்துடன் தொடங்கியது. முன்னதாக இரவு 7.30 மணிக்கு மேல் அங்குரார்ப்பணம், வாஸ்துசாந்தி பூஜைகள் நடைபெற்றது.

    அதன்பிறகு காலை 7.30 மணியிலிருந்து 9 மணிக்குள் கொடியேற்றமும், சூரியபிரபை, சந்திரபிரபை வாகனங்களில் பெருமாள் எழுந்தருளி வீதிஉலா வரும் நிகழ்ச்சியும் நடைபெற்றது. அதன்பின் மாலை 6 மணிக்கு அன்னவாகனத்திலும், 6-ந்தேதி சிம்ம வாகனத்திலும், 7-ந்தேதி கருட வாகனத்திலும், 8-ந்தேதி சேஷவாகனத்திலும், 9-ந்தேதி யானை வாகனத்திலும் எழுந்தருளி வீதி உலா வந்தார்.

    10-ந்தேதி ஆடிபிரமோற்சவத்தை முன்னிட்டு சவுந்தரராஜபெருமாள், சவுந்திரவள்ளி தாயார் மற்றும் ஆண்டாளுக்கு திருக்கல்யாணம் நடைபெற்றது. அதன்பின் ஸ்ரீதேவி, பூதேவி சமேத சவுந்தரராஜபெருமாள் பக்தர்களுக்கு அருள்பாலித்தனர்.

    இரவு மணக்கோலத்தில் பூப்பல்லக்கில் எழுந்தருளி வீதிஉலா வரும் நிகழ்ச்சி நடைபெற்றது. இதன்பின் நேற்று முன்தினம் மாலை 4.30 மணியளவில் ஆடித்திருவிழாவின் முக்கிய நிகழ்ச்சியான தேரோட்டம் நடைபெற்றது. இதன்பின் இரவில் அவரோகணம் நிகழ்ச்சியும், நேற்று காலை தீர்த்தவாரியும் நடைபெற்றன. திருவிழாவின் நிறைவுநாள் நிகழ்ச்சியாக நேற்று இரவு தெப்ப உற்சவம் நடைபெற்றது.

    ஸ்ரீதேவி, பூதேவி சமேத சவுந்தரராஜ பெருமாள் தெப்பத்தில் எழுந்தருளி பக்தர்களுக்கு அருள்பாலித்தனர். ஏராளமான பக்தர்கள் பங்கேற்று சாமி தரிசனம் செய்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தெப்பத்தில் சவுந்தரராஜா, சவுந்தரவல்லி தாயார் மற்றும் ஆண்டாள் சமேதமாக எழுந்தருளினர்.
    • இதில் ஏராளமான பக்தர்கள் கலந்துகொண்டு சாமி தரிசனம் செய்தனர்.

    தாடிக்கொம்புவில் பிரசித்தி பெற்ற சவுந்தரராஜா பெருமாள் கோவில் உள்ளது. இந்த கோவில் ஆடிப்பெருந் திருவிழா நடந்தது. விழாவையொட்டி திருக்கல்யாணம், தேரோட்டம் ஆகிய நிகழ்ச்சிகள் வெகுவிமரிசையாக நடைபெற்றது.

    இதைத்தொடர்ந்து நேற்று மாலை ஆடித்திருவிழா தெப்ப உற்சவ நிகழ்ச்சி நடந்தது. இதில் தெப்பத்தில் சவுந்தரராஜா, சவுந்தரவல்லி தாயார் மற்றும் ஆண்டாள் சமேதமாக எழுந்தருளினர்.

    இதில் ஏராளமான பக்தர்கள் கலந்துகொண்டு சாமி தரிசனம் செய்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இன்று இரவு 18-ம்படி கருப்பசாமி சன்னதி நிலை கதவுகளுக்கு சந்தன சாத்துப்படி நடக்கிறது.
    • 14-ந்தேதி உற்சவ சாந்தியுடன் விழா நிறைவுபெறுகிறது.

    திருமாலிருஞ்சோலை, தென்திருப்பதி என்று போற்றி அழைக்கப்படும் 108 வைணவ தலங்களில் பிரசித்தி பெற்றது மதுரையை அடுத்துள்ள அழகர்கோவிலில் உள்ள கள்ளழகர் கோவிலாகும்.

    இங்கு ஆடி பெருந்திருவிழா ஒவ்வொரு வருடமும் விமரிசையாக நடக்கும். குறிப்பாக இந்த விழாவில் ஆடி தேரோட்டத்தின்போது பல்லாயிரக்கணக்கான பக்தர்கள் பங்கேற்பார்கள். ஆனால் கொரோனா பரவல் காரணமாக கடந்த 2 ஆண்டுகளாக ஆடிதிருவிழா பக்தர்களின்றி எளிமையாக நடந்தது.

    கொரோனா பரவல் குறைந்ததையடுத்து இந்த வருடம் ஆடி திருவிழா விமரிசையாக நடத்த முடிவு செய்யப்பட்டது. அதன்படி கடந்த 4-ந்தேதி ஆடி திருவிழா கொடியேற்றத்துடன் தொடங்கியது. விழா தொடங்கிய நாள் முதல் தினமும் காலை, மாலையில் சுந்தரராஜபெருமாள் ஸ்ரீதேவி, பூதேவியுடன் பல்வேறு வாகனங்களில் எழுந்தருளி பக்தர்களுக்கு அருள் பாலித்தார்.

    விழாவின் சிகர நிகழ்ச்சியான ஆடி தேரோட்டம் இன்று (வெள்ளிக்கிழமை) விமரிசையாக நடந்தது. இன்று அதிகாலை சுவாமி-அம்பாளுகளுக்கு சிறப்பு அபிஷேக அலங்காரம் நடந்தது. 4.15 மணிக்கு சுவாமி-அம்பாள் அலங்கரிக்கப்பட்ட தேரில் எழுந்தருளினர்.

    தேரோட்டத்தை முன்னிட்டு மதுரை, திண்டுக்கல் மற்றும் சுற்றுவட்டார பகுதிகளை சேர்ந்த பல்லாயிரக்கணக்கான பக்தர்கள் அழகர்கோவில் கோட்டை வாசல் பகுதியில் திரண்டனர். காலை 6.25 மணிக்கு தேரோட்டம் தொடங்கியது. கோவிந்தா கோஷம் விண்ணை பிளக்க தேர் பக்தர்கள் வெள்ளத்தில் ஆடி அசைந்து வந்தது கண்கொள்ளா காட்சியாக இருந்தது.

    2 ஆண்டுகளுக்கு பின் நடைபெறுவதால் வழக்கத்தைவிட குழந்தைகள், பெண்கள் என ஏராளமானோர் அதிக அளவில் திரண்டிருந்தனர். தேரோட்டத்தை முன்னிட்டு மதுரை மற்றும் பல்வேறு பகுதிகளில் இருந்து சிறப்பு பஸ்கள் இயக்கப்பட்டன. 500-க்கும் மேற்பட்ட போலீசார் பாதுகாப்பு பணியில் ஈடுபட்டிருந்தனர்.

    ஆடி திருவிழாவில் இன்று இரவு 18-ம்படி கருப்பசாமி சன்னதி நிலை கதவுகளுக்கு சந்தன சாத்துப்படி நடக்கிறது. நாளை (13-ந்தேதி) புஷ்ப சப்பரத்தில் சுவாமி-அம்பாள் வீதி நடைபெறும். 14-ந்தேதி உற்சவ சாந்தியுடன் விழா நிறைவுபெறுகிறது.

    விழா ஏற்பாடுகளை தக்கார் வெங்கடாசலம், துணை ஆைணயர் ராமசாமி மற்றும் ஊழியர்கள் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இன்று பெரியநாயகி அம்மனுக்கு தங்கக்கவச அலங்காரம் நடக்கிறது.
    • இரவு பெரியநாயகி அம்மன் வெள்ளிரதத்தில் எழுந்தருளி திருஉலா வரும் நிகழ்ச்சி நடக்கிறது.

    பழனி முருகன் கோவிலின் உபகோவிலான பெரியநாயகி அம்மன் கோவிலில், ஆண்டுதோறும் ஆடி லட்சார்ச்சனை விழா கொண்டாடப்படுகிறது. அதன்படி இந்த ஆண்டுக்கான விழா, கடந்த மாதம் 17-ந்தேதி தொடங்கியது.

    இதையொட்டி தினமும் அம்மனுக்கு சிறப்பு அலங்காரம், ஆடி வெள்ளிக்கிழமைகளில் முத்தங்கி, மீனாட்சி சந்தனகாப்பு, வெள்ளிக்கவச அலங்காரம் நடந்தது.

    ஆடி லட்சார்ச்சனை நிறைவு நாளையொட்டி நேற்று கோவிலில் சிறப்பு யாகம் நடைபெற்றது. முன்னதாக சன்னதி முன்பு வெள்ளிக்குடம் வைத்து, அதில் புனிதநீர் நிரப்பப்பட்டது. இதைத்தொடர்ந்து கோவில் யானை கஸ்தூரிக்கு சிறப்பு பூஜை நடந்தது.

    பின்னர் அம்மனுக்கு சிறப்பு அலங்காரம், 108 கலச பூஜை, விநாயகர் பூஜை, புண்ணியாக வாஜனம், சிறப்பு யாகம் நடந்தது. இதனையடுத்து நேர்த்திக்கடனாக பக்தர்கள் வழங்கிய பட்டுப்புடவைகள், தங்கம், வெள்ளி பொருட்கள் ஆகியவற்றை யாககுண்டத்தில் போடப்பட்டு அம்மனுக்கு அர்ப்பணம் செய்யப்பட்டது.

    அதன்பிறகு சுமங்கலி பூஜை, பிரம்மச்சாரிய பூஜை, பூர்ணாகுதி நடைபெற்றது. பின்னர் பிரதான கலசம், 108 கலசங்கள் கோவில் பிரகாரம் வலம் வந்து பெரியநாயகி அம்மனுக்கு மகா அபிஷேகம் செய்யப்பட்டது. அதையடுத்து 16 வகை அபிஷேகம், சிறப்பு அலங்காரம், தீபாராதனை நடைபெற்றது. முடிவில் பெண்களுக்கு மஞ்சள், குங்குமம் ஆகியவை பிரசாதமாக வழங்கப்பட்டன.

    ஆடி கடைசி வெள்ளியான இன்று (வெள்ளிக்கிழமை) மதியம் 12 மணிக்கு பெரியநாயகி அம்மனுக்கு மகா அபிஷேகம், தங்கக்கவச அலங்காரம் ஆகியவை நடைபெறுகிறது. மேலும் இரவு 8.30 மணிக்கு பெரியநாயகி அம்மன் வெள்ளிரதத்தில் எழுந்தருளி திருஉலா வரும் நிகழ்ச்சி நடைபெறகிறது. இந்நிகழ்ச்சிக்கான ஏற்பாடுகளை கோவில் அலுவலர்கள் செய்து வருகின்றனர்.

    இதற்கிடையே வெள்ளித்தேரோட்டம் குறித்த ஆலோசனை கூட்டம் கோவில் அலுவலகத்தில் நடந்தது. இதற்கு இணை ஆணையர் நடராஜன் தலைமை தாங்கினார். ஆர்.டி.ஓ. சிவக்குமார், போலீஸ் துணை சூப்பிரண்டு சிவசக்தி, துணை ஆணையர் பிரகாஷ் ஆகியோர் முன்னிலை வகித்தனர்.

    கூட்டத்தில் பக்தர்களுக்கான அடிப்படை வசதிகள், பாதுகாப்பு ஏற்பாடுகள் குறித்து ஆலோசிக்கப்பட்டது. இந்த கூட்டத்தில் கோவில் அலுவலர்கள் கலந்துகொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நெய்விளக்கேற்றுவது மிக, மிக நல்லது.
    • நினைத்தது நடக்க வேண்டும் என்று விரும்புபவர்கள் இன்று மா விளக்கு போடுங்கள்.

    இன்று ஆடி மாதத்தின் கடைசி வெள்ளிக்கிழமையாகும். இன்று அம்பாளை ஆராதிக்க வேண்டும். காலையில் ஆலயத்துக்கு சென்று ஐந்துமுக திரி வைத்து விளக்கு ஏற்றுங்கள். நெய்விளக்கேற்றுவது மிக, மிக நல்லது. அம்மனுக்கு வேண்டிக் கொண்டவர்கள் அல்லது நினைத்தது நடக்க வேண்டும் என்று விரும்புபவர்கள் இன்று மா விளக்கு போடுங்கள்.

    அம்பாளுக்கு மிகவும் பிடித்தது செந்நிற மலர்கள்தான். எனவே சிவப்பு நிறத்தில் மலர்களை வாங்கி சாத்துங்கள். குடும்பமாக எல்லோரும் அமர்ந்து, பூஜித்து வணங்குங்கள். ஆடி மாத வெள்ளிக்கிழமைகளில் அம்மன் வழிபாடு செய்து சுமங்கலிகளுக்கு புடவை, ஜாக்கெட் முதலான மங்களப் பொருட்களும் சேர்த்துக் கொடுப்பது நல்லது.

    கணவரின் ஆயுள் பெருகும். தடைப்பட்ட மங்கள சுபகாரியங்கள் அனைத்தும் தங்கு தடை இல்லாமல் விரைவில் கை கூடி வரும். வீட்டில் வறுமை நிலை மாறி, சகல செல்வங்களும் பெருகும்.

    லலிதா சகஸ்ர நாம பாராயணம், கனகதாரா ஸ்தோத்திரம் பாராயணம் செய்யுங்கள். பால் பாயாசம், கேசரி, சர்க்கரைப் பொங்கல் என ஏதேனும் ஒன்றை நைவேத்தியம் செய்து, அக்கம் பக்கத்து குழந்தைகளுக்கு வழங்குங்கள். இன்று கடைசி வெள்ளிக்கிழமை இவற்றையெல்லாம் கடை பிடித்தால் ஆன்மிக ஞானம் அதிகரிக்கும். ஆத்மார்த்தமான திருப்தி ஏற்படும்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆடி மாத வழிபாடு அம்மனுக்கு உகந்ததாகும்.
    • இந்த வருடம் ஆடி மாதத்தில் நான்கு வெள்ளிக்கிழமை மட்டுமே வருகிறது.

    ஆடி 26 (12.8.2022)

    ஆடி மாதத்தின் நான்காம் வெள்ளிக்கிழமையானது சக்தியின் அம்சமான காமாட்சி அம்மனுக்கு உகந்தது. ஆடி மாதத்தின் நான்காம் வெள்ளிக்கிழமையில் காமாட்சி அம்மனை வணங்கினால் சுற்றியுள்ள தீய சக்தி நீங்கும். திருமணத்தடை அகலும். குழந்தை பாக்கியம் கிடைக்கும். சுக்கிரன் + ராகு-கேது சம்பந்தத்தால் உருவாகும் சுக்கிர தோஷம் அகலும். ஆண், பெண்களின் தவறான சகவாசங்கள் விலகும். பிரிந்த தம்பதிகள், விவாகரத்து பெற்றவர்கள் மீண்டும் நேர்ந்து வாழும் அரிய சந்தர்ப்பங்கள் உருவாகும்.

    பொதுவாக ஆடி மாதத்தில் ஐந்து வெள்ளிக்கிழமை வரும். இந்த வருடம் நான்கு வெள்ளிக்கிழமை மட்டுமே வருகிறது. பெண்கள் ஆடி மாதத்தின் எல்லா வெள்ளிக்கிழமையும் லலிதா சகஸ்ரநாமம், அபிராமி அந்தாதி படித்து மகாலட்சுமிக்கு விரதமிருந்து பூஜை செய்து, படையல் படைத்து, சுமங்கலி பெண்களுக்கு மஞ்சள், குங்குமம் கொடுக்க சுமங்கலி பாக்கியம் அதிகரிக்கும்.

    வெள்ளிக்கிழமை மகாலட்சுமி பூஜை, வழிபாடு செய்வதால் பொன், பொருள், செல்வம், தனம், பணம் சேர்க்கை கிடைக்கும். வயது முதிர்ந்த சுமங்கலி பெண்களுக்கு மங்கள பொருட்கள் கொடுத்து ஆசீர்வாதம் வாங்கினால் சுபகாரியம் நடக்கும்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நாளை இரவு முழுவதும் அம்மன் சர்வ அலங்காரத்துடன் சப்பரத்தில் அமர்ந்து காட்சி அளிப்பார்.
    • சனிக்கிழமை அதிகாலை 6 மணிக்குள் அம்மன் புறப்பாடாகி மீண்டும் கோவில் சென்றடைகிறார்.

    சாத்தூர் அருகே இருக்கன்குடி மாரியம்மன் கோவிலில் ஆடி மாத கடைசி வெள்ளி திருவிழா விமரிசையாக நடைபெறும். இந்த ஆண்டு்க்கான விழா கடந்த 5-ந் தேதி கொடியேற்றத்துடன் தொடங்கி நடந்து வருகிறது.

    நாளை ஆடி மாத கடைசி வெள்ளிக்கிழமை என்பதால், இதையொட்டி பாதயாத்திரையாகவும், வாகனங்களிலும் வந்து பக்தர்கள் குவிந்த வண்ணமாக உள்ளனர்.

    விழாவையொட்டி நாளை, அதிகாலை 2 மணிக்கு நடை திறக்கப்பட்டு சிறப்பு அபிஷேக, அலங்கார பூஜைகள் நடைபெறும். மேலும் 6 கால பூஜைகளும் நடக்கிறது. அதாவது, காலை 7, 9, 11 மணி அளவிலும், மதியம் 1 மணி, மாலை 5 மணி, இரவு 8 மணி அளவில் ஆறுகால பூஜைகள் நடைபெறும்.

    நாளை பக்தர்களின் தரிசனத்திற்காக இரவு 11 மணி வரை நடை திறக்கப்பட்டு சிறப்பு அலங்காரத்தில் அம்மன் அருள்பாலிப்பார். நாளை காலை 9 மணிக்கு மேல் 10.30 மணிக்குள் உற்சவர் மாரியம்மன் கும்ப பூஜை, யாக பூஜை நடைபெற்று சிறப்பு அலங்காரம் மற்றும் தீபாராதனை நடைபெறும்.

    மதியம் 2 மணிக்கு மேல் 3 மணிக்குள் ரிஷப வாகனத்தில் உற்சவர மாரியம்மன் கோவிலில் இருந்து எழுந்தருளி வீதி வலம் வருகிறார். இரவு முழுவதும் அம்மன் சர்வ அலங்காரத்துடன் சப்பரத்தில் அமர்ந்து காட்சி அளிப்பார்.

    மறுநாள் (சனிக்கிழமை) அதிகாலை 6 மணிக்குள் அம்மன் புறப்பாடாகி மீண்டும் கோவில் சென்றடைகிறார்.

    விழாவிற்கான ஏற்பாடுகளை கோவில் உதவி ஆணையர் கருணாகரன் மற்றும் அறங்காவலர் குழு தலைவர் ராமமூர்த்தி தலைமையில் அறங்காவலர் குழுவினர், கோவில் நிர்வாகத்தினர் செய்துள்ளனர். மேலும் பாதுகாப்பு பணியில் ஆயிரத்துக்கும் மேற்பட்ட போலீசார் குவிக்கப்பட்டு உள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இன்று (வியாழக்கிழமை) ஆடி மாதம் பவுர்ணமி பூஜை நடக்கிறது.
    • நாளை (வெள்ளிக்கிழமை) சுவாமிக்கு சிறப்பு பூஜை, தாலாட்டு பூஜை நடைபெறுகிறது.

    கோவை-தடாகம் சாலையில் லாலி ரோடு சந்திப்பில் பழைமையான சங்கிலி கருப்பராயன் கோவில் அமைந்துள்ளது. இந்த கோவிலில் 18-ம் ஆண்டு ஆடிப்பெருவிழா கடந்த 1-ந் தேதி முகூர்த்த கால்நடப்பட்டு, சிறப்பு பூஜையுடன் தொடங்கியது. அதனைத்தொடர்ந்து சாமிக்கு சிறப்பு பூஜைகள், சிறப்பு வழிபாடுகள் உள்ளிட்ட பல்வேறு பூஜைகள் நடைபெற்றன.

    நேற்று முன்தினம் இரவு 11 மணிக்கு பக்தர்களால் நேர்த்திக்கடனாக செலுத்தப்பட்ட 108 ஆடுகள் சாமிக்கு பலியிடுதல் நிகழ்ச்சி நடைபெற்றது. நேற்று காலை 11 மணிக்கு கருப்புராயன் சிறப்பு அலங்காரம் செய்யப்பட்டு மறுபூஜை படையல் செய்து 5000 ஆயிரத்துக்கும் மேற்பட்ட பக்தர்களுக்கு அன்னதானம் வழங்கப்பட்டது. இதில் திரளான பக்தர்கள் கலந்து கொண்டனர். இன்று (வியாழக்கிழமை) ஆடி மாதம் பவுர்ணமி பூஜை நடக்கிறது. நாளை (வெள்ளிக்கிழமை) சுவாமிக்கு சிறப்பு பூஜை, தாலாட்டு பூஜை நடைபெறுகிறது. விழாவிற்கான ஏற்பாடுகளை கோவில் நிர்வாகிகள் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin