என் மலர்

    நீங்கள் தேடியது "Thirukalyanam"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • வழக்கத்தைவிட ஏராளமான பக்தர்கள் திருக்கல்யாண நிகழ்ச்சியில் கலந்துகொண்டனர்.
    • 8-ந்தேதி சாமி-அம்பாள் கெந்தமாதனபர்வத மண்டகப்படிக்கு எழுந்தருளும் நிகழ்ச்சி நடக்கிறது.

    ராமேசுவரம் ராமநாதசாமி கோவிலில் இந்த ஆண்டின் ஆடி திருக்கல்யாண திருவிழா கடந்த 23-ந் தேதி கொடியேற்றத்துடன் தொடங்கி நடைபெற்று வருகிறது.

    இந்த நிலையில் ராமேசுவரம் கோவிலில் நடந்து வரும் ஆடி திருக்கல்யாண திருவிழாவின் முக்கிய நிகழ்ச்சியாக நேற்று ராமநாதசாமி-பர்வதவர்த்தினி அம்பாள் திருக்கல்யாண நிகழ்ச்சி நடைபெற்றது.

    முன்னதாக நேற்று அதிகாலை 2 மணிக்கு ராமதீர்த்தம் பகுதியில் உள்ள தபசு மண்டகபடியில் இருந்து பர்வத வர்த்தினி அம்பாள் பலவகை பூக்களால் அலங்கரிக்கப் பட்ட தங்க பல்லக்கில் எழுந்தருளி திட்டக்குடி சாலை, நடுத்தெரு, மேற்கு ரத வீதி, வடக்கு ரத வீதி, கிழக்கு ரத வீதி சாலை வழியாக கோவிலுக்கு வந்தடைந்தார்.

    தொடர்ந்து திருக்கல்யாண நிகழ்ச்சிக்காக ராமநாதசாமி- பர்வத வர்த்தினி அம்பாள் சிறப்பு அலங்காரம் செய்யப்பட்டு இரவு 7.30 மணிக்கு தெற்கு கோபுர வாசல் பகுதியில் உள்ள திருக்கல்யாண மண்டபத்தில் உள்ள மணமேடைக்கு எழுந்தருளினர்.

    தொடர்ந்து அங்கு திருக்கல்யாணத்திற்கான பூஜை நடைபெற்றது. பின்னர் 8.20 மணிக்கு ராமநாதசுவாமி, பர்வதவர்த்தினி அம்பாள் கழுத்தில் திருமாங்கல்யம் அணிவித்து திருக்கல்யாண நிகழ்ச்சி நடைபெற்றது.

    இந்த திருக்கல்யாண நிகழ்ச்சியில் ஏராளமான பக்தர்கள் கலந்து கொண்டு திருக்கல்யாணத்தை கண்டுகளித்தனர்.

    கொரோனா கட்டுப்பாடு காரணமாக கடந்த 2 ஆண்டுகளாக ஆடித்திருக்கல்யாண திருவிழாவில் கோவிலுக்குள் அனுமதிக்கப்படாத நிலையில் நேற்று நடந்த திருக்கல்யாண நிகழ்ச்சியில் பக்தர்கள் அனுமதிக்கப்பட்டனர். இதனால் வழக்கத்தைவிட ஏராளமான பக்தர்கள் திருக்கல்யாண நிகழ்ச்சியில் கலந்துகொண்டனர்.

    திருக்கல்யாண திருவிழாவின் கடைசி நாள் நிகழ்ச்சியாக வருகிற 8-ந்தேதி சாமி-அம்பாள் கெந்தமாதனபர்வத மண்டகப்படிக்கு எழுந்தருளும் நிகழ்ச்சியுடன் திருவிழா நிறைவடைகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இதில் ஆயிரக்கணக்கான பக்தர்கள் கலந்துகொண்டு சாமி தரிசனம் செய்தனர்.
    • பக்தர்கள் திருக்கல்யாணத்தையொட்டி மொய் எழுதி விருந்து சாப்பிட்டு சென்றனர்.

    திருவாடானை சினேகவல்லி சமேத ஆதிரெத்தினேசுவரர் கோவிலில் ஆடிப்பூர திருவிழாவையொட்டி சாமி-அம்பாள் திருக்கல்யாணம் நடைபெற்றது. இதனையொட்டி சாமி, அம்பாள் கோவிலில் இருந்து பரிவார தெய்வங்களுடன் நூற்றுக்கால் மண்டபத்திற்கு எழுந்தருளினர்.

    அங்கு அலங்கரிக்கப்பட்டு இருந்த மணமேடையில் சாமி, அம்பாள் பரிவார தெய்வங்களுடன் காட்சி அளித்தனர். தொடர்ந்து சினேக வல்லி அம்மனுக்கு சப்த கன்னிகா பூஜை மற்றும் ஊஞ்சல் உற்சவம் நடைபெற்றது.

    தொடர்ந்து ஆலய குருக்கள் சவுந்தர தியாகராஜ குருக்கள், சுப்பிரமணிய சிவாச்சாரியார், சந்திரசேகர சிவாச்சாரியார், வைரவ சுப்ரமணிய ஆச்சாரியார் தலைமையில் சிவாச்சாரியார்கள் வேத மந்திரங்கள் முழங்க சிறப்பு யாக வேள்விகளை நடத்தினர்.

    தொடர்ந்து சாமி-அம்மனுக்கு காப்பு கட்டுதல், மாலை அணிவித்தல், வஸ்திரம் சாற்றுதல் நிகழ்ச்சி நடைபெற்றது. பின்னர் சாமி-அம்பாள், பெருமாளுக்கு திருமாங்கல்ய பூஜை நடைபெற்றது. தொடர்ந்து சுப்பிரமணிய சிவாச்சாரியார் சாமியின் கையில் இருந்த தாலியை எடுத்து அம்பாளுக்கு அணிவித்து திருக்கல்யாணத்தை நடத்தி வைத்தார். தொடர்ந்து விசேஷ தீபாராதனை நடைபெற்றது. இதில் ஆயிரக்கணக்கான பக்தர்கள் கலந்துகொண்டு சாமி தரிசனம் செய்தனர்.

    பின்னர் பக்தர்கள் சாமி-அம்பாள் திருக்கல்யாணத்தையொட்டி மொய் எழுதி விருந்து சாப்பிட்டு சென்றனர். நிகழ்ச்சியில் தேவஸ்தான சரக பொறுப்பாளர் பாண்டியன், தேவகோட்டை இரட்டை அரு நகரத்தார்கள் வகையறாக்கள், நாட்டார்கள் நகரத்தார்கள், பொதுமக்கள் உள்பட ஆயிரக் கணக்கானோர் பங்கேற்றனர். திருவாடானை போலீஸ் துணை சூப்பிரண்டு நிரேஷ் தலைமையில் ஏராளமான போலீசார் பாதுகாப்பு பணியில் ஈடுபட்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ராமேசுவரம் கோவிலில் ராமநாத சுவாமி-பர்வதவர்த்தினி திருக்கல்யாணம் இன்று மாலை நடக்கிறது.
    • கடந்த மாதம் 23-ந் தேதி ஆடித்திருவிழா கொடியேற்றத்துடன் தொடங்கியது.

    ராமேசுவரம்

    ராமேசுவரம் ராமநாதசுவாமி கோவில் கடந்த மாதம் 23-ந் தேதி ஆடித்திருவிழா கொடியேற்றத்துடன் தொடங்கியது.

    17 நாட்கள் நடைபெறும் இந்த திருவிழாவின் போது காலை, மாலையில் அம்பாள் சிறப்பு அலங்காரத்தில் எழுந்தருளி 4 ரத வீதிகளில் உலா வந்து பக்தர்களுக்கு அருள்பாலித்து வருகின்றனர்.

    விழாவின் 11-ம் நாள் நிகழ்ச்சியாக நேற்று மாலை மாற்றுதல் நடைபெற்றது.

    ராமதீர்த்தம் பகுதியில் அமைந்துள்ள கோவிலுக்கு சொந்தமான மண்டகப்படியில் ராமநாதசுவாமி-பர்வதவர்த்தினி அம்பாள் எழுந்தருளி மாலை மாற்றி கொண்டனர். தொடர்ந்து சிறப்பு பூஜைகள் நடந்தது.

    இதனைத்தொடர்ந்து இன்று அதிகாலை 2 மணிக்கு ராமநாதசுவாமி-பர்வதவர்த்தினி பூப்பல்லக்கில் எழுந்தருளி வீதி உலா வந்தனர். அப்போது வழிநெடுகிலும் பக்தர்கள் திரண்டு சாமி தரிசனம் செய்தனர்.

    விழாவின் சிகர நிகழ்ச்சியான திருக்கல்யாணம் இன்று (3-ந் தேதி) இரவு நடைபெறுகிறது.

    கோவில் திருக்கல்யாண மண்டபத்தில் சிறப்பு அலங்காரத்தில் எழுந்தருளி சுவாமி-அம்பாளுக்கு இரவு 7.30 மணி முதல் 8.30 மணிக்குள் திருக்கல்யாணம் நடக்கிறது. இதற்கான ஏற்பாடுகளை கோவில் நிர்வாகம் செய்து வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இன்று இரவு கோவிலில் ராமநாதசாமிக்கும் பர்வதவர்த்தினி அம்பாளுக்கும் திருக்கல்யாணம் நடக்கிறது.
    • 8-ந்தேதி சாமி-அம்பாள் கெந்தமாதனபர்வத மண்டகப்படிக்கு எழுந்தருளும் நிகழ்ச்சி நடக்கிறது.

    ராமேசுவரம் ராமநாதசாமி கோவிலில் இந்த ஆண்டின் ஆடி திருக்கல்யாண திருவிழா கடந்த மாதம் 23-ந் தேதி கொடி யேற்றத்துடன் தொடங்கி நடைபெற்று வருகிறது. திருவிழாவில் ஒவ்வொரு நாளும் பர்வதவர்த்தினி அம்பாள் பல்வேறு வாகனங்களில் எழுந்தருளி வீதி உலா நிகழ்ச்சி நடைபெற்றது.

    இந்த நிலையில் ராமேசுவரம் கோவிலில் ஆடித் திருக் கல்யாண திருவிழாவில் 11-வது நாளான நேற்று காலை கோவிலில் இருந்து அம்பாள் வெள்ளி கமல வாகனத்தில் ராமதீர்த்தம் பகுதியில் உள்ள தபசு மண்டகப்படிக்கு எழுந்தருளினார்.

    தொடர்ந்து பகல் 12 மணிக்கு மேல் சாமி தங்க ரிஷப வாகனத்தில் தபசு மண்டகப்படிக்கு எழுந்தருளினார். பின்னர் பகல் 2 மணியில் இருந்து 3 மணிக்குள் சாமி-அம்பாள் மாலை மாற்றுதல் நிகழ்ச்சி நடைபெற்றது. அப்போது சாமி- அம்பாளுக்கு அணிவிக்கப்பட்டு இருந்த மாலை மூன்று முறை மாற்றி அணிவித்து மாலை மாற்றுதல் நடைபெற்றது. பின்னர் தபசு மண்டகப்படியில் சாமி-அம்பாளுக்கு சிறப்பு மகா தீப ஆராதனை பூஜை நடைபெற்றது. சாமி-அம்பாள் மாலை மாற்றுதல் நிகழ்ச்சி மற்றும் பூஜைகளை காண ராமேசுவரம் நகரின் பல பகுதியில் இருந்து ஏராளமான பக்தர்கள் ராம தீர்த்த பகுதியில் குவிந்து இருந்தனர்.

    மாலை மாற்றுதல் நிகழ்ச்சி முடிந்த பின்னர் சாமி-அம்பாள் மீண்டும் கோவிலுக்கு சென்றடைந்தனர்.இரவு 7 மணிக்கு அனுமார் சன்னதியில் சாமி அம்பாள் நிச்சயதார்த்த நிகழ்ச்சி நடைபெற்றது. இரவு 9 மணிக்கு அம்பாள் தங்க பல்லக்கில் தபசு மண்டகப்படிக்கு எழுந்தருளும் நிகழ்ச்சி நடைபெற்றது.

    திருவிழாவில் முக்கிய நிகழ்ச்சியாக இன்று (புதன் கிழமை) இரவு கோவிலில் ராமநாதசாமிக்கும் பர்வதவர்த்தினி அம்பாளுக்கும் திருக்கல்யாண நிகழ்ச்சி நடைபெறுகிறது. திருவிழாவின் கடைசி நாள் நிகழ்ச்சியாக வருகிற 8-ந் தேதி சாமி-அம்பாள் கெந்தமாதனபர்வத மண்டகப்படிக்கு எழுந்தருளும் நிகழ்ச்சியோடு திருவிழா நிறைவடைகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • விருத்தாசலத்தில் உள்ளது விருத்தகிரீஸ்வரர் கோவில்.
    • சாமிக்கு மகா தீபாராதனை நடைபெற்று, சாமிவீதிஉலா நடைபெற்றது.

    விருத்தாசலத்தில் பிரசித்தி பெற்ற பாலாம்பிகை, விருத்தாம்பிகை உடனுறை விருத்தகிரீஸ்வரர் கோவில் அமைந்துள்ளது. இந்த கோவிலில் விருத்தாம்பிகை அம்மனுக்கு தனி சன்னதி அமைந்துள்ளது.

    இங்கு ஆடிப்பூர விழா வெகுவிமரிசையாக நடைபெறும். அதன்படி இந்த ஆண்டுக்கான விழா கடந்த 23-ந்தேதி கொடியேற்றத்துடன் தொடங்கியது. தொடர்ந்து தினசரி, அம்மனுக்கு சிறப்பு பூஜைகள் நடைபெற்று, சாமி வீதி உலா நடந்தது. நேற்று முன்தினம் தேரோட்டம் நடைபெற்றது.

    விழாவில் நேற்று, அதிகாலை 4.30 மணிக்கு மேல் 6 மணிக்குள் விருத்தாம்பிகை, மற்றும் பாலாம்பிகை உடனுறை விருத்தகிரீஸ்வரருக்கு ஆடிப்பூர திருக்கல்யாணம் நடைபெற்றது.

    இதற்காக பெண் வீட்டை சேர்ந்தவர்கள் என்ற முறையில் விருத்தாசலம் பொதுப்பணித்துறை சார்பில் சீர்வரிசை பொருட்களை விருத்தகிரீஸ்வரர் கோவிலுக்கு எடுத்து வரப்பட்டது. இதை மாப்பிள்ளை வீட்டை சேர்ந்தவர்கள் என்ற முறையில் வருவாய்த் துறையினர் பெற்றுக் கொண்டனர்.

    முன்னதாக விநாயகர், முருகன், விருத்தாம்பிகை, விருத்தகிரிஸ்வரர், சண்டிகேஸ்வரர் ஆகிய பஞ்சமூர்த்திகளுக்கு சிறப்பு அபிஷேக ஆராதனை நடைபெற்று, மகா தீபாராதனை நடைபெற்றது.

    பின்னர் நூற்றுகால் மண்டபத்தில் பாலாம்பிகை, விருத்தாம்பிகை உடனுறை விருத்தகிரீஸ்வரர் எழுந்தருளினர். சிவாச்சாரியார்கள் வேத மந்திரங்கள் ஓத, மேளதாளங்களுடன் பாலாம்பிகை, விருத்தாம்பிகை உடனுரை விருத்தகிரீஸ்வரருக்கு திருக்கல்யாண உற்சவம் நடைபெற்றது. பின்னர் சாமிக்கு மகா தீபாராதனை நடைபெற்று, சாமிவீதிஉலா நடைபெற்றது.

    விழாவில் விருதாச்சலம் வருவாய் துறை, பொதுப்பணித்துறை அதிகாரிகள் மற்றும் ஏராளமான பக்தர்கள் கலந்து கொண்டு சாமி தரிசனம் செய்தனர். தொடர்ந்து சாமி வீதி உலா நடைபெற்றது.

    விழாவுக்கான ஏற்பாடுகளை இந்து சமய அறநிலையத்துறை உதவி ஆணையர் சந்திரன், செயல் அலுவலர் மாலா மற்றும் விழா குழுவினர் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இன்று ஆடிப்பூரத்தையொட்டி அம்பாள் தங்கப்பல்லக்கில் எழுந்தருளும் நிகழ்ச்சி நடைபெறுகிறது.
    • 3-ந்தேதி சாமி-அம்பாள் திருக்கல்யாண நிகழ்ச்சி நடைபெறுகிறது.

    அகில இந்திய புண்ணிய தலங்களில் ஒன்றாக கருதப்படும் ராமேசுவரம் ராமநாதசாமி கோவிலில் ஆண்டுதோறும் மாசி மற்றும் ஆடி திருக்கல்யாண திருவிழா நடைபெறுவது வழக்கம். இதனிடையே இந்த ஆண்டின் ஆடி திருக்கல்யாண திருவிழா கடந்த 23-ந்தேதி கொடியேற்றத்துடன் தொடங்கி நடைபெற்று வருகிறது. திருவிழாவில் தினமும் அம்பாள் பல்வேறு வாகனங்களில் எழுந்தருளி பக்தர்களுக்கு அருள்பாலித்து வருகிறார்.

    திருவிழாவில் 9-வது நாளான நேற்று காலை அம்பாள் தேரோட்டம் நடைபெற்றது. கோவிலில் இருந்து சிறப்பு அலங்காரம் செய்யப்பட்டு பர்வதவர்த்தினி அம்பாள் கோவிலின் கிழக்கு வாசல் நிலையில் அலங்கரித்து நிறுத்தி வைக்கப்பட்டு இருந்த தேரில் எழுந்தருளினார்.

    தொடர்ந்து தேரின் வடத்தை கோவிலின் துணை ஆணையர் மாரியப்பன், ராமேசுவரம் நகரசபை தலைவர் நாசர்கான், உதவி கோட்ட பொறியாளர் மயில்வாகனன் உள்ளிட்டோர் தேரோட்டத்தை தொடங்கி வைத்தனர். கிழக்குவாசல் பகுதியில் இருந்து தொடங்கிய அம்பாள் தேரை பக்தர்கள் வடம்பிடித்து இழுத்து கோவிலின் நான்கு ரத வீதிகளை சுற்றிநிலைக்கு வந்தது.

    அம்பாள் தேரின் முன்பாக சிவனடியார்கள் மேளதாள வாத்தியங்கள் வாசித்தபடியும் யானை தந்தம் மற்றும் சங்குகளை வைத்து ஊதிய படியும், நடனமாடியபடி வந்தது பக்தர்களை பரவசப்படுத்தியது. திருவிழாவின் 10-வது நாளான இன்று ஆடிப்பூரத்தையொட்டி காலை 9 மணிக்குமேல் அம்பாள் தங்கப்பல்லக்கில் எழுந்தருளும் நிகழ்ச்சி நடைபெறுகிறது. மதியம் 12.30 மணிக்கு சிவதீர்த்தத்தில் அம்பாள் மஞ்சள் நீராடல் நிகழ்ச்சியும் நடைபெறுகிறது.

    திருவிழாவில் நாளை (செவ்வாய்க்கிழமை) மதியம் 2 மணிக்கு மேல் 3 மணிக்குள் சுவாமி அம்பாள் மாலை மாற்றுதல் நிகழ்ச்சி நடைபெறுகிறது. 3-ந் தேதி இரவு 7.30 மணியில் இருந்து 8.30 மணிக்குள் திருக்கல்யாண மண்டபத்தில் சாமி-அம்பாள் திருக்கல்யாண நிகழ்ச்சி நடைபெறுகிறது. 8-ந் தேதி சாமி-அம்பாள் தங்க கேடயத்தில் பஞ்சமூர்த்திகளுடன் எழுந்தருளும் நிகழ்ச்சியோடு திருவிழா நிறைவடைகிறது.

    ராமேசுவரம் கோவிலில் நாளை ஆடிதபசு திருவிழாவை முன்னிட்டு கோவில் நடையானது அதிகாலை 2 மணிக்கு திறக்கப்பட்டு 3 மணி முதல் 3:30 மணி வரை ஸ்படிகலிங்க பூஜை நடைபெறும். தொடர்ந்து கால பூஜைகள் நடைபெற்று காலை 6 மணிக்கு மேல் பர்வதவர்த்தினி அம்பாள் வெள்ளி கமல வாகனத்தில் தபசு மண்டகப்படிக்கு எழுந்தருளும் நிகழ்ச்சி நடைபெற்ற பின்னர் கோவில் நடை 6 மணிக்கு சாத்தப்படும். தபசு மண்டகப்படிக்கு அம்பாள் எழுந்தருள்வதையொட்டி நாளை காலை 6 மணியில் இருந்து இரவு வரையிலும் கோவிலில் உள்ள தீர்த்தக் கிணறுகளில் பக்தர்கள் நீராடவும் மற்றும் சாமி தரிசனம் செய்யவும் அனுமதி கிடையாது என்று கோவில் நிர்வாகத்தால் தெரிவிக்கப்பட்டு உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சுமார் 2 மணி நேரம் திருமலையில் நடப்பது போன்று திருக்கல்யாண உற்சவம் நடக்க உள்ளது.
    • 10 ஆயிரத்துக்கும் மேற்பட்ட பக்தர்கள் வருவார்கள் என்று எதிர்பார்க்கப்படுகிறது.

    திருமலை திருப்பதி தேவஸ்தானம் சார்பில் கடந்த ஏப்ரல் 16-ந்தேதி சென்னை தீவுத்திடலில் 14 ஆண்டுகளுக்கு பிறகு சீனிவாச திருக்கல்யாணம் நடந்தது. தொடர்ந்து 2-வது முறையாக திருமலை திருப்பதி தேவஸ்தானம் மற்றும் ஆரணி ஸ்ரீவெங்கடாஜலபதி கோவில் சார்பில் அங்குள்ள ஏ.சி.எஸ். கல்வி குழும என்ஜினீயரிங் கல்லூரி வளாகத்தில் சீனிவாச பெருமாள் திருக்கல்யாண உற்சவம் நாளை (சனிக்கிழமை) மாலை 4.30 மணிக்கு நடக்கிறது.

    இதற்காக திருமலையிலிருந்து இன்று (வௌ்ளிக்கிழமை) மாலை 6 மணிக்கு திருமலை திருப்பதியில் இருந்து உற்சவர் மூர்த்தி ஆரணிக்கு எழுந்தருளல் நிகழ்ச்சி நடக்கிறது. சிறப்பான வரவேற்பு அளிக்கப்படுகிறது. தொடர்ந்து நாளை காலை 7 மணிக்கு சுப்ரபாதம், தோமாலை, அர்ச்சனை, சர்வ தரிசனமும், அன்று மாலை 4.30 மணிக்கு சீனிவாச பெருமாள் திருக்கல்யாண உற்சவம் வெகு விமரிசையாக நடக்கிறது.

    சுமார் 2 மணி நேரம் திருமலையில் நடப்பது போன்று திருக்கல்யாண உற்சவம் நடக்க இருக்கிறது. பண்டிதர்களும் திருமலையிலிருந்து வர உள்ளனா். 10 ஆயிரத்துக்கும் மேற்பட்ட பக்தர்கள் வருவார்கள் என்று எதிர்பார்க்கப்படுகிறது. அனைத்து பக்தர்களுக்கும் இலவச லட்டு பிரசாதம், குடிநீர், பழங்கள் உள்ளிட்டவை பிரசாதமாக வழங்கப்படுகிறது. இதில் கலந்து கொள்ள திருமலை திருப்பதி தேவஸ்தான தலைவர் மற்றும் செயல்-அதிகாரி உள்ளிட்ட அனைவருக்கும் அழைப்பு விடுக்கப்பட்டு உள்ளது.

    மேற்கண்ட தகவல்களை தமிழ்நாடு, புதுச்சேரி மாநில திருமலை திருப்பதி தேவஸ்தானம் உள்ளூர் ஆலோசனைக்குழுத் தலைவர் ஏ.ஜெ.சேகர் ரெட்டி, முன்னாள் எம்.பி. ஏ.சி.சண்முகம் ஆகியோர் தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆகஸ்டு 8-ந்தேதி வரை 17 நாட்கள் இந்த திருவிழா நடைபெறுகிறது.
    • 31-ந் தேதி காலையில் அம்பாள் தேரோட்டம் நடைபெறுகிறது.
    • 3-ந்தேதி இரவில் திருக்கல்யாணம் நடைபெறுகிறது.

    ராமேசுவரம் ராமநாதசாமி கோவிலில் ஆண்டுதோறும் ஆடி திருக்கல்யாண திருவிழா மற்றும் மாசி மகா சிவராத்திரி திருவிழா விமரிசையாக நடைபெறும். அதன்படி இந்த ஆண்டின் ஆடி திருக்கல்யாண திருவிழா நேற்று கொடியேற்றத்துடன் தொடங்கியது. அடுத்த மாதம்(ஆகஸ்டு) 8-ந்தேதி வரை 17 நாட்கள் இந்த திருவிழா நடைபெறுகிறது.

    விழாவின் முதல் நாளான நேற்று பகல் 11 மணி அளவில் கோவிலின் அம்மன் சன்னதி மண்டபத்தில் உள்ள கொடிமரத்தில் கொடியேற்றப்பட்டது. தொடர்ந்து கொடிமரத்திற்கு புனித தீர்த்தத்தால் அபிஷேகம் செய்யப்பட்டது. அதன் பின்னர் கொடிமரம் மற்றும் பர்வதவர்த்தினி அம்பாளுக்கு சிறப்பு தீபாராதனை நடந்தது.

    நேற்று இரவு பர்வதவர்த்தினி அம்பாள் வெள்ளி அன்ன வாகனத்தில் பஞ்சமூர்த்திகளுடன் ரத வீதியில் எழுந்தருளி பக்தர்களுக்கு காட்சி அளித்தார்.

    திருவிழாவின் 2-ம் நாளான இன்று(ஞாயிற்றுக்கிழமை) காலை அம்பாள் தங்கப்பல்லக்கிலும், இரவு தங்க காமதேனு வாகனத்திலும் எழுந்தருளும் நிகழ்ச்சி நடைபெறுகிறது.

    9-வது நாள் நிகழ்ச்சியாக 31-ந் தேதி அன்று காலையில் அம்பாள் தேரோட்டம் நடைபெறுகிறது.

    விழாவின் 11-ம் நாளான வருகின்ற 2-ந் தேதி பகல் 2 மணியிலிருந்து 3 மணிக்குள் ராமர்தீர்த்தம் தபசு மண்டகப்படியில் சுவாமி-அம்பாள் மாலை மாற்றுதல் நிகழ்ச்சியும், மறுநாள் (3-ந் தேதி) இரவில் முக்கிய நிகழ்ச்சியாக திருக்கல்யாணமும் நடைபெறுகிறது.

    17-ம் நாள் மற்றும் கடைசி நாள் நிகழ்ச்சியாக சுவாமி-அம்பாள் கெந்தமாதன பர்வதம் மண்டகப்படிக்கு எழுந்தருளும் நிகழ்ச்சியுடன் திருவிழா நிறைவு பெறுகிறது. விழா ஏற்பாடுகளை கோவில் நிர்வாகம் செய்துவருகிறது.

    நேற்று நடந்த கொடியேற்ற நிகழ்ச்சியில் கோவில் துணை ஆணையர் மாரியப்பன், ராமேசுவரம் நகரசபை தலைவர் நாசர்கான், துணை தலைவர் பிச்சை தட்சிணாமூர்த்தி, அ.தி.மு.க. நகர செயலாளர் கே.கே.அர்ஜுனன், காங்கிரஸ் மாநில நிர்வாகக்குழு உறுப்பினர் பாரிராஜன், இந்து முன்னணி மாவட்ட பொதுச்செயலாளர் ராமமூர்த்தி, இந்து மக்கள் கட்சி மாவட்ட தலைவர் பிரபாகரன், இந்து தேசிய கட்சி மாவட்ட தலைவர் ஹரிசர்மா, மீனவர் சங்க தலைவர் தேவதாஸ் உள்பட பலர் கலந்துகொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 31-ந்தேதி அம்பாள் தேரோட்டம் நடைபெறுகிறது.
    • ஆகஸ்டு 3-ந்தேதி சாமி- அம்பாள் திருக்கல்யாண நிகழ்ச்சி நடக்கிறது.

    ராமேசுவரம் ராமநாதசாமி கோவிலில் ஆண்டுதோறும் ஆடி திருக்கல்யாண திருவிழா மற்றும் மாசி மகா சிவராத்திரி திருவிழா நடைபெறுவது வழக்கம். இந்த ஆண்டின் ஆடி திருக்கல்யாண திருவிழா நாளை(சனிக்கிழமை) கொடியேற்றத்துடன் தொடங்கி வருகிற ஆகஸ்டு மாதம் 8-ந் தேதி வரை நடைபெறுகிறது.

    திருவிழாவின் முதல் நாளான நாளை காலை 10.30 மணியில் இருந்து 12 மணிக்குள் கோவிலின் அம்மன் சன்னதி மண்டபத்தில் உள்ள கொடிமரத்தில் கொடியேற்றப்பட்டு திருவிழா தொடங்குகிறது. முதல் நாளான நாளை கொடியேற்றப்பட்டு இரவு அம்பாள் வெள்ளி அன்ன வாகனத்தில் எழுந்தருளும் நிகழ்ச்சி நடைபெறுகிறது.

    திருவிழாவின் 9-வது நாளான வருகிற 31-ந் தேதி அன்று காலை அம்பாள் தேரோட்டமும், 11-வது நாள் திருவிழா நிகழ்ச்சியாக வருகிற ஆகஸ்டு மாதம் 2-ந் தேதி அன்று ராமதீர்த்த தபசு மண்டகப்படியில் சுவாமி-அம்பாள் மாலை மாற்றுதல் நிகழ்ச்சியும் நடைபெறுகிறது.

    திருவிழாவின் முக்கிய நிகழ்ச்சியாக வருகிற ஆகஸ்டு மாதம் 3-ந் தேதி அன்று இரவு சாமி- அம்பாள் திருக்கல்யாண நிகழ்ச்சியும் நடைபெறுகிறது. திருவிழாவின் கடைசி மற்றும் 17-வது நாள் நிகழ்ச்சியாக வருகிற ஆகஸ்டு மாதம் 8-ந் தேதி அன்று சாமி- அம்பாள் கெந்தமாதனபர்வத ராமர் பாத மண்டகப்படிக்கு எழுந்தருளும் நிகழ்ச்சியோடு திருவிழா நிறைவடைகிறது. திருவிழா ஏற்பாடுகளை திருக்கோவில் துணை ஆணையர் தலைமையில் திருக்கோவில் பணியாளர்கள் செய்து வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 29-ந்தேதி திருப்பதியில் இருந்து உற்சவர் சாமிகள் கொண்டு வரப்படுகின்றன.
    • 30-ந்தேதி சுப்ரபாத சேவை உற்சவங்கள் காலை முதல் மாலை வரை நடைபெறுகிறது.

    ஆரணி அருகே இரும்பேடு ஊராட்சிக்கு பட்ட ஏ.சி.எஸ் நகரில் அமைந்துள்ள ஏ.சி.எஸ் கல்வி குழுமத்தில் கடந்த மாதம் 17ந் தேதி வெங்கடா ஜலபதி கோவில் புதியதாக கட்டபட்டு கும்பாபிஷேகம் நடைபெற்றது. இதனை தொடர்ந்து 48 நாட்கள் மண்டல பூஜைகள் நடைபெற்று வருகிறது. மேலும் வருகிற 29-ந் தேதி திருப்பதி திருமலை தேவஸ்தானத்தில் இருந்து உற்சவர் சாமிகள் 7ரத வாகனத்தில் கொண்டு வரப்படுகின்றன.

    30-ந் தேதி காலையில் வெங்கடஜலபதி பெருமாள் கோவிலில் சுப்ரபாத சேவை தோமாலை உற்சவம் உள்ளிட்ட உற்சவங்கள் காலை முதல் மாலை வரை நடைபெறுகிறது. அதனை தொடர்ந்து பாலாஜி சொக்கலிங்கம் பொறியியல் கல்லூரி விளையாட்டு அரங்கில்70 சிவாச்சாரியர்களை கொண்டு திருப்பதி திருமலை சீனிவாச பெருமாள் திருக்கல்யாண உற்சவம் நடைபெறவுள்ளன.

    அடுத்த மாதம் ஆகஸ்ட்-4ந் தேதி வரையில் நடைபெறுகின்றன. இதற்கான ஏற்பாடுகளை ஏ.சி.எஸ் கல்வி குழும தலைவர் ஏ.சி.சண்முகம் லலிதா லட்சுமி சண்முகம் ஏ.சி.எஸ். அருண்குமார் ஆகியோர் செய்திருந்தனர். விழாவில் திருப்பதி திருமலை தேவஸ்தான அறங்காவலர் குழு தலைவர் சுப்பாரெட்டி நிர்வாக அலுவலர் தர்மாரெட்டி தமிழ்நாடு புதுச்சேரி கோவில் கமிட்டி தலைவர் ஏ.ஜி.சேகரரெட்டி தமிழகத்தை சேர்ந்த கோவில் கமிட்டி உறுப்பினர்கள் எம்.எல்.ஏ நந்தகுமார் சீனிவாசன் கிருஷ்ணமூர்த்தி உள்ளிட்ட நிர்வாகிகள் பங்கேற்க உள்ளதாக ஏ.சி.எஸ். கல்வி குழும தலைவர் ஏ.சி.சண்முகம் தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பக்தர்கள் சீர்வரிசை, பட்டுப்புடவை என 21 தட்டுகளுடன் ஊர்வலமாக வந்தனர்.
    • அனைவருக்கும் திருமண விருந்து வழங்கப்பட்டது.

    சேத்துப்பட்டு தர்மராஜா கோவில் தெருவில் உள்ள மஞ்சியம்மன் கோவிலில் ஆடி மாத திருக்கல்யாண விழா நடந்தது. இதனையொட்டி மஞ்சியம்மன், மஞ்சுநாதர் மற்றும் வள்ளி தெய்வானை சமேத சிவசுப்பிரமணியர், விநாயகருக்கு சிறப்பு அபிஷேகம் நடத்தி அலங்காரம் செய்யப்பட்டது. விரதம் இருந்த பெண்கள் 108 பால் குடங்களுடன் ஊர்வலமாக வந்து மஞ்சியம்மனுக்கும், வள்ளி தெய்வானை சிவசுப்பிரமணியருக்கும் அபிஷேகம் செய்தனர்.

    பின்னர் அருள்வாக்கு கேட்டனர். இதைத் தொடர்ந்து எல்லையம்மனுக்கு ஆடு வெட்டி பொங்கல் வைத்து கும்ப படையல் போட்டனர். மாலை 4 மணியில் இருந்து 6 மணி வரையிலும் துர்க்கை அம்மனுக்கு ராகு கால பூஜை செய்யப்பட்டது. இதில் குழந்தை வரம் வேண்டியும், திருமண தடைநீங்கவும் குடும்பத்தில் சுப நிகழ்ச்சிகள் நடக்க வேண்டியும் வழிபாடு செய்தனர்.

    இரவு 7 மணி அளவில் கோவில் அருகே வள்ளி தெய்வானை சிவசுப்பிரமணியரை புஷ்பப் பல்லக்கில் எழுந்தருள செய்து மஞ்சுநாதர்-மஞ்சி அம்மனுக்கு திருக்கல்யாணம் நடந்தது. இதனையொட்டி பக்தர்கள் சீர்வரிசை, பட்டுப்புடவை, பட்டு வேட்டி, தங்கத் தாலி, தேங்காய், பூ மாலை, குங்குமம், மஞ்சள், தாலி சரடு இனிப்பு வகைகள் என 21 தட்டுகளுடன் ஊர்வலமாக வந்தனர்.

    பின்னர் அர்ச்சகர்கள் யாகம் வளர்த்து திருக்கல்யாணம் நடந்தது. அதன்பின் அனைவருக்கும் திருமண விருந்து வழங்கப்பட்டது. திருக்கல்யாணம் முடிந்தவுடன் வள்ளி, தெய்வானை, சிவசுப்பிரமணியர், மஞ்சியம்மன், மஞ்சுநாதரை புஷ்ப பல்லக்கில் எழுந்தருள செய்து வீதி உலா நடத்தினர்.அப்போது தேங்காய் உடைத்து கற்பூரம் ஏற்றி பக்தர்கள் வழிபட்டனர். ஏற்பாடுகளை அறங்காவலர் குழுவினருடன் இணைந்து விழா குழுவினர்கள் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo