விளையாட்டு

துபாய்:


இதன்படி பேட்ஸ்மேன்களின் தரவரிசையில் ஆஸ்திரேலிய முன்னாள் கேப்டன் ஸ்டீவன் சுமித் 937 புள்ளிகளுடன் முதலிடத்தில் நீடிக்கிறார். அவரைவிட 1 புள்ளி மட்டுமே பின்தங்கி இருந்த இந்திய கேப்டன் விராட் கோலிக்கு மீண்டும் முதலிடத்தை எட்டுவதற்கு வாய்ப்பு இருந்தது. ஆனால் தென்ஆப்பிரிக்காவுக்கு எதிரான கடைசி டெஸ்டில் முதல் இன்னிங்சில் மட்டுமே பேட்டிங் செய்ய வாய்ப்பு கிடைத்தது. அதிலும் அவர் 12 ரன்னில் ஏமாற்றம் அளித்தார். இதனால் 10 புள்ளிகளை இழந்துள்ள கோலி 2-வது இடத்தில் தொடருகிறார்.

இந்த டெஸ்டில் 212 ரன்கள் குவித்து அமர்க்களப்படுத்திய இந்திய வீரர் ரோகித் சர்மா கிடுகிடுவென 12 இடங்கள் எகிறி 10-வது இடத்தை பிடித்துள்ளார். தென்ஆப்பிரிக்கா டெஸ்ட் தொடருக்கு முன்பாக 44-வது இடத்தில் இருந்த ரோகித் சர்மா இந்த தொடரில் மொத்தம் 529 ரன்கள் குவித்ததன் மூலம் மிகப்பெரிய முன்னேற்றத்தை கண்டுள்ளார்.

இதன் மூலம் மூன்று வடிவிலான கிரிக்கெட் போட்டிகளிலும் டாப்-10 இடத்திற்குள் நுழைந்த 3-வது இந்தியர் என்ற சிறப்பை பெற்றார். ஏற்கனவே ஒரு நாள் போட்டியில் அதிகபட்சமாக 2-வது இடத்திலும் (2018-ம் ஆண்டு பிப்ரவரி), சர்வதேச 20 ஓவர் போட்டியில் 7-வது இடத்திலும் (2018-ம் ஆண்டு நவம்பர்) இருந்துள்ளார். விராட் கோலி மூன்று வடிவிலான போட்டிகளிலும் ‘நம்பர் ஒன்’ இடத்தை அலங்கரித்து இருக்கிறார். ஓய்வு பெற்ற முன்னாள் இந்திய வீரர் கவுதம் கம்பீர் டெஸ்ட், 20 ஓவர் போட்டியில் முதலிடத்திலும், ஒரு நாள் போட்டியில் 8-வது இடத்திலும் இருந்துள்ளார்.

ராஞ்சி டெஸ்டில் 115 ரன்கள் விளாசிய இந்திய துணை கேப்டன் அஜிங்யா ரஹானே 4 இடங்கள் உயர்ந்து 5-வது இடத்துக்கு வந்துள்ளார். புஜாரா 4-வது இடத்திலும், மயங்க் அகர்வால் 18-வது இடத்திலும் உள்ளனர்.

பந்து வீச்சாளர்களின் தரவரிசையில் ஆஸ்திரேலியாவின் பேட் கம்மின்ஸ் முதலிடத்திலும், தென்ஆப்பிரிக்காவின் காஜிசோ ரபடா 2-வது இடத்திலும் மாற்றமின்றி தொடருகிறார்கள். காயத்தால் தென்ஆப்பிரிக்க டெஸ்ட் தொடரை தவற விட்ட இந்திய வேகப்பந்து வீச்சாளர் ஜஸ்பிரித் பும்ரா 3-ல் இருந்து 4-வது இடத்துக்கு இறங்கியுள்ளார். கடைசி டெஸ்டில் ஒரு விக்கெட் மட்டுமே எடுத்த சுழற்பந்து வீச்சாளர் அஸ்வின் 3 இடங்கள் சறுக்கி 10-வது இடத்துக்கு சரிந்துள்ளார். மற்ற இந்திய பவுலர்கள் முகமது ஷமி 15-வது இடத்திலும் (ஒரு இடம் அதிகரிப்பு), உமேஷ் யாதவ் 24-வது இடத்திலும் (ஒரு இடம் உயர்வு) இருக்கிறார்கள்.

டெஸ்ட் ஆல்-ரவுண்டர்களின் தரவரிசையில் வெஸ்ட் இண்டீசின் ஜாசன் ஹோல்டர் முதலிடமும், இந்தியாவின் ரவீந்திர ஜடேஜா 2-வது இடமும் வகிக்கிறார்கள். அஸ்வின் ஒரு இடம் பின்தங்கி 6-வது இடத்துக்கு நகர்ந்துள்ளார்.

அணிகளின் தரவரிசையில் இந்தியா நம்பர் ஒன் இடத்தில் கம்பீரமாக பயணிக்கிறது. தென்ஆப்பிரிக்கா தொடரை கைப்பற்றியதன் மூலம் கூடுதலாக 5 புள்ளிகளை பெற்ற இந்தியா மொத்தம் 119 புள்ளிகளுடன் இருக்கிறது. அதே சமயம் தொடரை பறிகொடுத்ததால் 7 புள்ளிகளை இழந்துள்ள தென்ஆப்பிரிக்கா 102 புள்ளிகளுடன் 4-வது இடத்துக்கு தள்ளப்பட்டது. நியூசிலாந்து 2-வது இடத்திலும் (109 புள்ளி), இங்கிலாந்து 3-வது இடத்திலும் (104 புள்ளி), ஆஸ்திரேலியா 5-வது இடத்திலும் (99 புள்ளி) உள்ளன.

யூரோ சாம்பியன்ஸ் லீக் கால்பந்து தொடரில் நேற்று நடைபெற்ற ஆட்டம் ஒன்றில் மான்செஸ்டர் சிட்டி - அட்லாண்டா அணிகள் மோதின. இதில் மான்செஸ்டர் சிட்டி 5-1 என வெற்றி பெற்றது. ரஹீம் ஸ்டெர்லிங் மூன்று கோல்களும், செர்ஜியோ அக்யூரோ இரண்டு கோல்களும் அடித்தனர்.


டோட்டன்ஹாம் ஸ்வேஸ்டா அணியை 5-0 என தோற்கடித்தது. ஹாரி கேன் இரண்டு கோல்கள் அடித்தார்.

யுவான்டஸ் 2-1 என லோகோமோட்டிவ் மாஸ்கோ அணியை வீழ்த்தியது. பேயர்ன் முனிச், ரியல் மாட்ரிட், அட்லாண்டிகோ மாட்ரிட் அணிகளும் வெற்றி பெற்றன.

அபுதாபியில் 10 ஓவர்கள் கொண்ட கிரிக்கெட் லீக் தொடர் நடத்தப்பட்டு வருகிறது. இந்த வருடத்திற்கான லீக் வருகிற 15-ந்தேதி தொடங்குகிறது. இதில் கலந்து கொள்ள ஏராளமான பாகிஸ்தான் வீரர்களுக்கு அந்நாட்டு கிரிக்கெட் போர்டு தடையில்லா சான்றிதழ் வழங்கியிருந்தது.

தற்போது அந்த தடையில்லா சான்றிதழ் திரும்பப் பெற்றுள்ளது. இதனால் பாகிஸ்தான் வீரர்கள் டி10 லீக்கில் விளையாட முடியாத நிலை ஏற்பட்டுள்ளது.

வீரர்களின் உடற்தகுதி, வேலைப்பளு மற்றும் உள்ளூர் கிரிக்கெட் தொடர் ஆகியவற்றை கருத்தில் கொண்டு இந்த முடிவு எடுக்கப்பட்டதாக பாகிஸ்தான் கிரிக்கெட் போர்டு தெரிவித்துள்ளது.

இந்த முடிவால் குவாலண்டர்ஸ் அணி பாகிஸ்தானைச் சேர்ந்த ஷாகித் அப்ரிடி, முகமது ஹபீஸ், இமாத் வாசிம், பஹீம் அஷ்ரப், இம்ரான் நசீர் ஆகியோரை இழக்கும் நிலை ஏற்பட்டுள்ளது.

இந்திய அணியின் தலைசிறந்த விக்கெட் கீப்பர் பேட்ஸ்மேன் ஆன எம்எஸ் டோனிக்கு மாற்று வீரராக ரிஷப் பந்தை உருவாக்க இந்திய கிரிக்கெட் அணி நிர்வாகம் விரும்புகிறது.

அதிரடி ஆட்டத்தை வெளிப்படுத்தக் கூடிய திறமைப் படைத்த ரிஷப் பந்தால் தொடர்ச்சியாக சிறப்பான ஆட்டத்தை வெளிப்படுத்த முடியவில்லை. இதன் காரணமாக விக்கெட் கீப்பிங் தகுதியை வைத்து தென்ஆப்பிரிக்கா டெஸ்ட் தொடருக்கான இந்திய அணியில் சகாவிற்கு வாய்ப்பு வழங்கப்பட்டது.

இந்தியா - வங்காளதேசம் அணிகளுக்கு இடையிலான டி20 கிரிக்கெட் தொடர் வருகிற 3-ந்தேதி தொடங்குகிறது. இதற்கான வீரர்களின் தேர்வு நாளை நடக்கிறது. இதில் விராட் கோலிக்கு ஓய்வு அளிக்கப்படுவது குறித்து முடிவு எடுக்கப்படும்.

அதன்பின் ரிஷப் பந்த் நிலை குறித்து பேசப்படும். ஒருவேளை அடுத்த வருடம் நடைபெற இருக்கும் டி20 உலகக்கோப்பையை கருத்தில் கொண்டு ரிஷப் பந்துக்கு அதிக அளவில் வாய்ப்பு கொடுக்க முடிவு செய்யப்பட்டால், வங்காளதேச தொடரில் இடம்பெறுவார்.

இல்லையெனில் அவருக்கு போட்டியாக கருதப்படும் சஞ்சு சாம்சன் அணியில் இடம் பெற வாய்ப்புள்ளது. ஒருவேளை சஞ்சு சாம்சன் அணியில் சேர்க்கப்பட்டால் ரிஷப் பந்துக்கு கடும் நெருக்கடி ஏற்படும். தொடர்ந்து மூன்று வகை கிரிக்கெட்டிலும் அவரால் எளிதாக பங்கேற்க முடியுமா? என்பது சந்தேகம்தான்.


வேகப்பந்து வீச்சில் பும்ரா இல்லை. அவருக்குப் பதிலாக இசாந்த் சர்மா அல்லது நவ்தீப் சைனி சேர்க்கப்படலாம். ஏற்கனவே உமேஷ் யாதவ், முகமது ஷமி உள்ளனர்.

ஒட்டுமொத்தமாக ரிஷப் பந்த் தேர்வு குறித்துதான் அதிக அளவில் விவாதம் நடக்கும் எனத் தெரிகிறது.

பிரெஞ்ச் ஓபன் பேட்மிண்டனில் இந்தியா சார்பில் ஆண்களுக்கான ஒற்றையர் பிரிவில் கலந்து கொண்டவர்கள் தொடக்கத்திலேயே ஏமாற்றம் அளித்தனர்.


மற்றொரு ஆட்டத்தில் சமீர் வர்மா கென்ட்டா நிஷிமோட்டோவை எதிர்கொண்டார். இதில் 22-20, 18-21, 18-21 என தோல்வியடைந்தார்.

காஷ்யப் லாங் அங்குஸ்-ஐ எதிர்கொண்டார். இதில் காஷ்யப் 11-21, 9-21 என நேர்செட் கணக்கில் தோல்வியடைந்தார்.

விஜய் ஹசாரே டிராபி ஒருநாள் கிரிக்கெட் தொடரின் அரையிறுதி ஆட்டங்கள் இன்று நடைபெற்றன. பெங்களூருவில் நடைபெற்ற ஒரு ஆட்டத்தில் தமிழ்நாடு - குஜராத் அணிகள்  மோதின.

டாஸ் வென்ற தமிழ்நாடு பந்து வீச்சை தேர்வு செய்தது. அதன்படி குஜராத் அணி முதலில் பேட்டிங் செய்தது. மழைக்காரணமாக அவுட்பீல்டு ஈரப்பதமாக காணப்பட்டதால் ஆட்டம் தொடங்குவதில் தாமதம் ஏற்பட்டது.

இதனால் போட்டி 40 ஓவராக குறைக்கப்பட்டது. தமிழ்நாடு அணியின் நேர்த்தியான பந்து வீச்சால் குஜராத் பேட்ஸ்மேன்கள் ரன்கள் சேர்க்க திணறினர். இறுதியில் குஜராத் அணி 9 விக்கெட் இழப்பிற்கு 177 ரன்கள் சேர்த்தது. அதிகபட்சமாக ராவல் 40 ரன்களும், பட்டேல் 47 ரன்களும் சேர்த்தனர். தமிழ்நாடு அணி சார்பில் முகமது மூன்று விக்கெட்டுக்கள் வீழ்த்தினார்.

பின்னர் 178 ரன்கள் எடுத்தால் வெற்றி என்ற இலக்குடன் தமிழ்நாடு அணியின் அபிநவ் முகுந்த், முரளி விஜய் ஆகியோர் தொடக்க வீரர்களாக களம் இறங்கினர். முரளி விஜய் 3 ரன்கள் எடுத்த நிலையில் ஏமாற்றம் அளித்தார். அடுத்த வந்த பாபா அபரஜித் 6 ரன்னில் வெளியேறினார்.

அபிநவ் முகுந்த் 32 ரன்கள் சேர்த்து ஆட்டமிழந்தார். தினேஷ் கார்த்திக் 47 பந்தில் 47 ரன்கள் சேர்த்து நம்பிக்கையூட்டினார். ஷாருக் கான் ஆட்டமிழக்காமல் 46 பந்தில் 56 ரன்கள் சேர்க்க தமிழ்நாடு 39 ஓவரில் 5 விக்கெட் இழப்பிற்கு 181 ரன்கள் சேர்த்து ஐந்து விக்கெட்டுக்கள் வித்தியாசத்தில் வெற்றி பெற்று இறுதிப் போட்டிக்கு முன்னேறியது.

தமிழ்நாடு, குஜராத் அணிகள் ஒரே பிரிவில் இடம் பிடித்திருந்தனர். லீக் ஆட்டத்திலும் குஜராத் அணியை தமிழ்நாடு வீழ்த்தியிருந்தது குறுப்பிடத்தக்கது.

மற்றொரு ஆட்டத்தில் சத்தீஷ்கர் - கர்நாடகா அணிகள் மோதின. டாஸ் வென்ற கர்நாடகா பந்து வீச்சை தேர்வு செய்தது. அதன்படி முதலில் களம் இறங்கிய சத்தீஷ்கர் பேட்ஸ்மேன்கள் கர்நாடகாவின் பந்து வீச்சை எதிர்கொள்ள முடியாமல் திணறினர்.

அமன்தீப் கார் 78 ரன்களும், ருய்கர் 40 ரன்களும் சேர்க்க 49.4 ஓவரில் 223 ரன்கள் சேர்த்து ஆல்அவுட் ஆனது சத்தீஷ்கர்.

பின்னர் 224 ரன்கள் அடித்தால் வெற்றி என்ற இலக்குடன் கர்நாடகா களம் இறங்கியது. தொடக்க வீரர்களான கேஎல் ராகுல், படிக்கல் ஆகியோர் சிறப்பான ஆட்டத்தை வெளிப்படுத்தினர். படிக்கல் 98 பந்தில் 92 ரன்கள் சேர்த்து ஆட்டமிழந்தார்.

அடுத்து மயங்க் அகர்வால் களம் இறங்கினார். கேஎல் ராகுல் - மயங்க் அகர்வால் ஜோடி அணியை வெற்றி நோக்கி அழைத்துச் சென்றனர். கர்காடகா 40 ஓவரில் 1 விக்கெட் இழப்பிற்கு 229 ரன்கள் அடித்து 9 விக்கெட் வித்தியாசத்தில் வெற்றி பெற்று இறுதிப் போட்டிக்கு முன்னேறியது. கேஎல் ராகுல் 88 ரன்களுடனும், மயங்க் அகர்வால் 47 ரன்களுடனும் ஆட்டமிழக்காமல் இருந்தனர்.

நாளை மறுநாள் பெங்களூருவில் நடைபெறும் இறுதிப் போட்டியில் தமிழ்நாடு - கர்நாடகா அணிகள் பலப்பரீட்சை நடத்துகின்றன.

தென்ஆப்பிரிக்கா அணியின் முன்னணி வீரர்களான டி வில்லியர்ஸ், ஹசிம் அம்லா, ஸ்டெயின் போன்ற முன்னணி வீரர்கள் ஓய்வுக்குப் பிறகு அந்த அணி தத்தளித்து வருகிறது.

இந்தியாவுக்கு எதிரான டெஸ்ட் தொடரை 0-3 என படுமோசமாக இழந்தது. இதனால் ஹசிம் அம்லா ஓய்வு முடிவை திரும்பப் பெற்று மீண்டும் சர்வதேச போட்டிக்கு திரும்புகிறார் என செய்தி உலா வந்தனர்.

ஆனால் ஹசிம் அம்லா இந்த செய்தியை முற்றிலும் மறுத்துள்ளார். இதுகுறித்து அம்லா கூறுகையில் ‘‘தென்ஆப்பிரிக்க தேசிய அணிக்கு நான் மீண்டும் திரும்பவதற்கான வழியே இல்லை. 15 வருடங்கள் அணிக்காக விளையாடிய பின்னர், சர்வதேச கிரிக்கெட்டில் இருந்து ஒய்வு முடிவை அறிவித்தேன்’’ என்றார்.

இந்திய கிரிக்கெட் வாரியத் தலைவராக தேர்வு செய்யப்பட்ட இந்திய அணியின் முன்னாள் கேப்டன் சவுரவ் கங்குலி, இன்று அதிகாரப்பூர்வமாக தலைவர் பதவியை ஏற்றுக் கொண்டார்.

தலைவர் பதவியை ஏற்ற பிறகு அவர் பேசுகையில் ‘‘இந்திய கிரிக்கெட்டின் முக்கியமான நபர் கேப்டன் விராட் கோலி. அவருக்கு எனது முழு ஆதரவும் உண்டும். நாளை அவருடன் பேச இருக்கிறேன்’’ என்றார்.

மேலும், ‘‘நம்பகத்தன்மையில் எந்த சமரசமும் இல்லை. இந்திய அணியின் கேப்டனாக எப்படி செயல்பட்டனோ, அதேபோல் பிசிசிஐ-யை வழி நடத்துவேன். டெஸ்ட் கிரிக்கெட்டை பிரபலமாக்குவது எப்படி என்பது குறித்து ஆராய வேண்டும்.

கிரிக்கெட் போட்டியில் பல மாற்றங்களை கொண்டு வருவது சிறந்தது அல்ல. மாற்றங்களை கொண்டு வரும்போது போட்டியை புரிந்து கொள்ள கடினமாக உள்ளது. இதுவரை எம்எஸ் டோனியை நான் சந்திக்கவில்லை. சந்தித்த பின்னர்தான் அடுத்த கட்ட நடவடிக்கை எடுக்கப்படும்.

எனக்கும் கேப்டன் விராட் கோலிக்கும் இடையிலான உறவு இணக்கமானதாக இருக்கும். அவர் இந்திய அணியை வேறு லெவலுக்கு எடுத்துச் சென்றுள்ளார். முதல்தர கிரிக்கெட் மீது அதிக கவனம் செலுத்தப்படும். ரஞ்சி டிராபியை சிறந்த போட்டித் தொடராக உருவாக்குவோம். டோனி, விராட் கோலி, ரகானே, ரோகித் சர்மா போன்றோர் அங்கிருந்து வந்தவர்கள்தான்’’ என்றார்.

இந்திய அணியின் சாதனைக் கேப்டனாக திகழ்ந்தவர் எம்எஸ் டோனி. கேப்டன் பதவிகளில் இருந்து விலகிய அவர், தற்போது ஒருநாள் மற்றும் டி20 கிரிக்கெட அணியில் விக்கெட் கீப்பர் பேட்ஸ்மேனாக விளையாடி வருகிறார்.

சமீப காலமாக போட்டியை சிறப்பாக முடிப்பதில் எம்எஸ் டோனி திணறி வருகிறார். 50 ஓவர் உலகக்கோப்பை கிரிக்கெட் தொடருக்குப்பின் டோனி சர்வதேச போட்டிகளில் விளையாடாமல் இருக்கிறார்.

இளைஞர்களுக்கு வாய்ப்பு அளிக்கும் வகையில் அவர் ஒருநாள் மற்றும் டி20 கிரிக்கெட்டில் இருந்து ஓய்வு பெற வேண்டும் என்ற குரல் வலுத்து வருகிறது.

ஆனால், கிரிக்கெட் துறையைச் சேர்ந்தவர்கள் ஓய்வு என்பது எம்எஸ் டோனியுடன் முடிவு. அவர்தான் ஓய்வு குறித்து முடிவு எடுக்க வேண்டும் என்று கூறி வருகிறார்கள்.

இந்நிலையில் பிசிசிஐ தலைவராக இன்று பொறுப்பேற்ற சவுரவ் கங்குலியிடம் இதுகுறித்து கேள்வி எழுப்பப்பட்டது. அப்போது கங்குலி ‘‘சாம்பியன்கள் விரைவில் ஓய்வு பெற்று விடமாட்டார்கள். நான் அவருடன் இதுகுறித்து பேச இருக்கிறேன்’’ என்றார்.

இதனால் எம்எஸ் டோனி தற்போது ஓய்வு பெற மாட்டார் என்பது தெளிவாகியுள்ளது.

தென்ஆப்பிரிக்கா தொடருக்கு முன் 54-வது இடத்தில் இருந்தார். தற்போது 10-வது இடத்திற்கு முன்னேறியுள்ளார். ஏற்கனவே விராட் கோலி 2-வது இடத்திலும், புஜாரா 4-வது இடத்திலும், ரகானே ஐந்தாவது இடத்திலும் உள்ளனர். தற்போது ரோகித் சர்மாவும் 10-வது இடத்திற்குள் நுழைந்துள்ளார்.