விருதுநகர்

விருதுநகர்:


மதுரை அரசு ஆஸ்பத்திரியில் சிகிச்சை பெற்றுவரும் 6 பேரில் மாலா, ராஜம்மாள் ஆகிய 2 பெண்கள் மிகவும் கவலைக்கிடமான நிலையில் உள்ளனர்.

இந்த நிலையில் விபத்துக்கான காரணம் என்ன என்பது குறித்து வருவாய் நிர்வாக ஆணையர் பணீந்தரரெட்டி, வெடிபொருள் கட்டுப் பாட்டுத்துறை துணை முதன்மை அதிகாரி சுந்த ரேசன் ஆகியோர் தனித்தனியாக விபத்து நடந்த பட்டாசு ஆலையை ஆய்வு செய்தனர்.

இதுதொடர்பாக அதிகாரி சுந்தரேசன் கூறுகையில், விபத்துக்குள்ளான பட்டாசு ஆலையில் 14 அறைகள் முற்றிலும் இடிந்து தரை மட்டமாகி உள்ளது. 24 அறைகள் பலத்த சேதம் அடைந்துள்ளன.

கட்டிட சிதறல்களில் ஒன்றுக்கும் மேற்பட்ட பட்டாசு நிறுவன பெயர்களுடன் லேபிள்கள் கிடந்தன. எனவே அங்கு 4 அல்லது 5 நிறுவன பெயரில் பட்டாசு ஆலை செயல்பட்டு வந்திருக்கலாம் என முதல் கட்ட ஆய்வில் தெரியவந்துள்ளது.

மேலும் அளவுக்கு அதிகமான பணியாளர்களை வேலைக்கு அமர்த்தியதும், அவசர கதியில் பட்டாசுகள் உற்பத்தி செய்யப்பட்டு இருப்பதும் தெரிய வந்துள்ளது. பட்டாசு ஆலையில் பயன்படுத்தப்படும் வேதியியல் மாதிரியை சேகரித்துள்ளோம். அதனை ஆய்வு செய்த பிறகுதான் தடை செய்யப்பட்ட வேதிபொருட்கள் பயன்படுத்தப்பட்டுள்ளதா? என தெரியவரும். தற்போது ஆலையின் உரிமம் தற்காலிகமாக ரத்து செய்யப்பட்டுள்ளது.

விபத்துக்கு விதிமீறல்கள்தான் காரணமா? என தொடர்ந்து விசாரணை நடத்தி வருகிறோம் என்றார்.

சாத்தூர்:

விருதுநகர் மாவட்டம் சாத்தூர் அருகே உள்ள அச்சங்குளம் கிராமத்தில் இயங்கி வந்த பட்டாசு ஆலையில் கடந்த 12-ம் தேதி மதியம் பயங்கர வெடிவிபத்து ஏற்பட்டது. இதில் சம்பவ இடத்திலேயே சில தொழிலாளர்கள் பலியானார்கள். படுகாயம் அடைந்தவர்கள் சிவகாசி, சாத்தூர், மதுரை அரசு மருத்துவமனைகளுக்கு அனுப்பி வைக்கப்பட்டனர்.

அங்கு சிகிச்சை பலனின்றி அடுத்தடுத்து உயிரிழப்பு ஏற்பட்டதால் பலி எண்ணிக்கை உயர்ந்தது. நேற்று முன்தினம் வரை பலியானோர் எண்ணிக்கை 19-ஆக இருந்தது.

இந்நிலையில், நேற்று சாத்தூர் அமீர்பாளையத்தை சேர்ந்த வனராஜ் (52), மதுரை அரசு மருத்துவமனையில் சிகிச்சை பலனின்றி பரிதாபமாக உயிரிழந்தார். இதனால் பலியானோர் எண்ணிக்கை 20- ஆக அதிகரித்துள்ளது. மேலும் 30-க்கும் அதிகமானோர் தொடர்ந்து சிகிச்சை பெற்று வருகிறார்கள். அவர்களில் சிலருக்கு பலத்த தீக்காயம் உள்ளதால் அவர்களது நிலைமை கவலைக்கிடமாக இருப்பதாக டாக்டர்கள் தெரிவித்தனர்.

விருதுநகர்:

சிவகாசி:

விருதுநகர் மாவட்டம் சாத்தூர் அருகே அச்சங்குளத்தில் நேற்று முன்தினம் நடைபெற்ற பட்டாசு ஆலை வெடி விபத்தில் 19 பேர் பலியானார்கள். பலர் படுகாயம் அடைந்தனர்.

இந்த சம்பவத்தில் நடுசூரங்குடியை சேர்ந்த பாக்கியராஜ் (வயது 48), அவரது மனைவி செல்வி (40) ஆகியோரும் உயிரிழந்தனர்.

அந்த தம்பதியினர் வெடி விபத்து நடந்த பட்டாசு ஆலையில் நீண்ட நாட்களாக பணியாற்றி வந்த நிலையில் நேற்று முன்தினம் காலை வழக்கம்போல் இருவரும் வேலைக்கு சென்றுள்ளனர். தனித்தனி அறைகளில் வேலை செய்தனர்.

முதலில் வெடி விபத்து ஏற்பட்ட அறையில்தான் செல்வி பணியாற்றியதாக கூறப்படுகிறது. இதனால் பதற்றம் அடைந்த பாக்கியராஜ், தனது மனைவியை பார்க்க அவர் பணியாற்றிய அறையை நோக்கி ஓடி வந்துள்ளார்.

அப்போது அந்த பகுதியில் இருந்த மற்றொரு பட்டாசு அறை பயங்கர சத்தத்துடன் வெடித்து சிதறியது. அதில் சிக்கிய பாக்கியராஜ் தூக்கி வீசப்பட்டு பலத்த காயம் அடைந்து உயிருக்கு போராடினார். இதற்கிடையே அவருடைய மனைவி செல்வியும் உடல் கருகி உயிருக்கு போராடினார்.

மீட்பு பணியில் ஈடுபட்டவர்கள் பாக்கியராஜை மீட்டு சாத்தூர் அரசு ஆஸ்பத்திரிக்கு சிகிச்சைக்காக அனுப்பி வைத்தனர். அங்கு அவர் பரிதாபமாக இறந்தார்.

இதே போல் செல்வி சிவகாசி அரசு அஸ்பத்திரிக்கு அனுப்பி வைக்கப்பட்டார். அங்கு அவரும் பரிதாபமாக இறந்தார்.

இதுகுறித்த தகவல்கள் அவர்களுடைய உறவினர்களுக்கு தெரிவிக்கப்பட்டது.

பாக்கியராஜ், செல்வி தம்பதிக்கு திருமணம் முடிந்து 8 ஆண்டுகள் கழித்துதான் ஒரு பெண் குழந்தை பிறந்தது. தங்கள் மகளுக்கு நந்தினி என பெயரிட்டு வளர்த்து வந்தனர். தற்போது நந்தினி புதுசூரங்குடியில் உள்ள அரசு உயர்நிலைப்பள்ளியில் 7-ம் வகுப்பு படித்து வருகிறாள்.

ஒரே நாளில் பட்டாசு ஆலை வெடிவிபத்தில் பெற்றோரை இழந்த சிறுமி நந்தினி, துக்கம் தாங்காமல் கதறினாள். நேற்று சிவகாசி அரசு ஆஸ்பத்திரிக்கு வந்த அவளிடம் உறவினர்கள் ஆறுதலாக பேசியும் அவளை தேற்ற முடியவில்லை. சிறுமியின் கதறல் ஆஸ்பத்திரியில் இருந்த அனைவரையும் கண்கலங்க செய்தது. ஆஸ்பத்திரியையே சோகமயமாக்கியது.

பிரேத பரிசோதனை முடிந்து செல்வியின் உடலை அதிகாரிகள் ஒப்படைத்தனர். பின்னர் அந்த உடல் எடுத்துச் செல்லப்பட்ட வாகனத்திலேயே சிறுமி நந்தினியும் அழைத்துச் செல்லப்பட்டாள்.