இது புதுசு

டொயோட்டா நிறுவனம் பார்ச்சூனர் லெஜண்டர் எஸ்யுவி மாடலை இந்திய சந்தையில் அறிமுகம் செய்ய இருப்பதாக தகவல் வெளியாகி உள்ளது. புதிய பார்ச்சூனர் லெஜண்டர் ஸ்டான்டர்டு எஸ்யுவி மாடலை விட அதிக சக்திவாய்ந்ததாக இருக்கும் என கூறப்படுகிறது.

தற்போதைய தகவல்களின் படி டொயோட்டா பார்ச்சூனர் லெஜண்டர் எஸ்யுவி இந்தியாவில் 2021 ஆண்டு துவக்கத்தில் விற்பனைக்கு வரும் என தெரிகிறது. இந்த மாடல் ஸ்டான்டர்டு பார்ச்சூனர் மாடலின் பிரீமியம் வெர்ஷாக விற்பனை செய்யப்படலாம்.

பார்ச்சூனர் லெஜண்டர் எஸ்யுவி மாடலில் குறிப்பிடத்தக்க மாற்றங்கள் செய்யப்பட்டு, புது அம்சங்கள், முற்றிலும் புதிய என்ஜின் வழங்கப்படுகிறது. முன்புறம் கூர்மையான எல்இடி ஹெட்லேம்ப்கள், டூயல் ப்ரோஜெக்டர் செட்டப் மற்றும் எல்இடி டிஆர்எல்கள் வழங்கப்படுகிறது.

இத்துடன் மெல்லிய கிரில், புது முன்புற பம்ப்பர், இருபுறங்களிலும் எல்இடி பாக் லேம்ப்கள், பெரிய ஏர் இன்டேக், 20 இன்ச் அலாய் வீல்கள் வழங்கப்பட்டு இருக்கின்றன. காரின் உள்புறம் பெரிய தொடுதிரை வசதி கொண்ட இன்போடெயின்மென்ட் சிஸ்டம், ஆப்பிள் கார்பிளே மற்றும் ஆண்ட்ராய்டு ஆட்டோ மற்றும் பல்வேறு வசதிகள் வழங்கப்படுகின்றன.

புதிய பார்ச்சூனர் லெஜண்டர் மாடலில் 2.8 லிட்டர் டீசல் என்ஜின் வழங்கப்படுகிறது. இந்த என்ஜின் 204 பிஹெச்பி பவர், 500 என்எம் டார்க் செயல்திறன் வழங்குகிறது. இத்துடன் மேனுவல் கியர்பாக்ஸ், ஆப்ஷனல் ஆட்டோமேடிக் டிரான்ஸ்மிஷன் வழங்கப்படுகிறது.

ஜாகுவார் நிறுவனம் அதிக பிரபலமான இ-டைப் ஸ்போர்ட்ஸ் காரின் 60-வது ஆண்டு விழாவை முன்னிட்டு புதிய எப் டைப் மாடலின் ஸ்பெஷல் எடிஷனை அறிமுகம் செய்து இருக்கிறது. இ டைப் ஸ்போர்ட்ஸ் கார் மார்ச் 2021 மாதத்தில் 60-வது ஆண்டு விழாவை கொண்டாட இருக்கிறது.

புதிய ஸ்பெஷல் எடிஷன் மாடல் கூப் மற்றும் ரோட்ஸ்டர் ஸ்டைல்களில் கிடைக்கிறது. இந்த மாடல் உலகம் முழுக்க மொத்தத்தில் 60 யூனிட்களே விற்பனை செய்யப்பட இருக்கின்றன. இதுதவிர ஆறு 3.8 லிட்டர் இ டைப் ஜாகுவார்களின் லிமிடெட் எடிஷனை மறு சீரமைப்பு செய்யப்பட இருக்கிறது. 

ஜாகுவார் எப் டைப் ஸ்பெஷல் எடிஷன் மாடலின் வெளிப்புறம் மற்றும் உள்புறங்களில் பிரத்யேக நிறம், ஆடம்பர வசதிகள் மிக நேர்த்தியாக வடிவமைத்து வழங்கப்படுகின்றன. புதிய மாடலில் 5.0 லிட்டர் சூப்பர்சார்ஜ் செய்யப்பட்ட வி8 என்ஜின் வழங்கப்பட்டு இருக்கிறது.

இந்த என்ஜின் 567 பிஹெச்பி பவர், 700 என்எம் டார்க் செயல்திறன் வழங்குகிறது. இத்துடன் 8 ஸ்பீடு டார்க் கன்வெர்ட்டர் ஆட்டோமேடிக் டிரான்ஸ்மிஷன் வழங்கப்படுகிறது. இந்த கார் மணிக்கு அதிகபட்சம் 299 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு உள்ளது.

வால்வோ நிறுவனம் சமீபத்தில் மூன்றாம் தலைமுறை எஸ்60 செடான் மாடலை இந்திய சந்தையில் அறிமுகம் செய்தது. புதிய செடான் மாடல் அளவில் 4761எம்எம் நீளமாகவும், 2040எம்எம் அகலமாகவும், 1431எம்எம் உயரமாகவும் இருக்கிறது. இதன் வீல்பேஸ் 2872எம்எம் அளவில் இருக்கிறது.

இத்துடன் தார் ஹேமர் எல்இடி டேடைம் லைட்கள், சி வடிவ எல்இடி டெயில் லைட்கள் வழங்கப்பட்டுள்ளன. புதிய மாடல் 18 இன்ச் டைமண்ட் கட் அலாய் வீல்களை கொண்டிருக்கிறது. காரின் உள்புறம் தொடுதிரை வசதி கொண்ட இன்போடெயின்மென்ட் ஹெட்-யூனிட் மற்றும் ஹார்மன் கார்டன் ஆடியோ சிஸ்டம் வழங்கப்படுகிறது.

இதன் கேபின் பானரோமிக் சன்ரூப், 4 சோன் ஆட்டோமேடிக் கிளைமேட் கண்ட்ரோல் மற்றும் வயர்லெஸ் சார்ஜிங் வசதி வழங்கப்பட்டு இருக்கிறது. பாதுகாப்பிற்கு பைலட் அசிஸ்ட், அடாப்டிவ் குரூயிஸ் கண்ட்ரோல், லேண் கீப்பிங் ஏயிட், டிரைவர் அலெர்ட் கண்ட்ரோல் உள்ளிட்டவை வழங்கப்பட்டு உள்ளது.

இந்திய சந்தையில் வால்வோ எஸ்60 மாடல் 2.0 லிட்டர், 4 சிலிண்டர் பெட்ரோல் என்ஜின் கொண்டிருக்கிறது. இந்த என்ஜின் 188 பிஹெச்பி பவர், 300 என்எம் டார்க் செயல்திறன் வழங்குகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது.

நிசான் நிறுவனம் 2021 கிக்ஸ் பேஸ்லிப்ட் எஸ்யுவி மாடலை அமெரிக்க சந்தையில் அறிமுகம் செய்து இருக்கிறது. புதிய கிக்ஸ் பேஸ்லிப்ட் மாடல் வெளிப்புறம் பல்வேறு மாற்றங்கள் செய்யப்பட்டு உள்ளன. இத்துடன் மேம்பட்ட அம்சங்கள் மற்றும் தொழில்நுட்பம் வழங்கப்பட்டு இருக்கின்றன.

2021 நிசான் கிக்ஸ் எஸ்யுவி மாடலின் என்ஜின் அம்சத்திலும் மாற்றம் செய்யப்பட்டு உள்ளது. அதன்படி காரின் முன்புறம் வி-மோஷன் ஹெக்சகோனல் கிரில், குரோம் சரவுண்ட்கள் வழங்கப்பட்டு உள்ளன. இத்துடன் மெல்லிய எல்இடி ஹெட்லேம்ப்கள், எல்இடி டிஆர்எல்கள் வழங்கப்பட்டுள்ளன.

முன்புற பம்ப்பரில் கிரில் பொருத்தப்பட்டு இருக்கிறது. இதிலேயே பாக் லேம்ப்களும் செங்குத்தாக பொருத்தப்பட்டு இருக்கின்றன. பக்கவாட்டு மற்றும் பின்புறங்களில் அதிகளவு மாற்றம் செய்யப்படவில்லை. எனினும், பூட்-லிட், டெயில் லைட் கிளஸ்டர் மற்றும் பின்புற பம்ப்பரில் மாற்றம் செய்யப்பட்டு இருக்கிறது.

காரின் உள்புறம் புதிதாக 8 இன்ச் தொடுதிரை வசதி கொண்ட இன்போடெயின்மென்ட் சிஸ்டம், நிசான் கனெக்டெட் தொழில்நுட்பம், ஆப்பிள் கார்பிளே மற்றும் ஆண்ட்ராய்டு ஆட்டோ வசதி வழங்கப்பட்டு உள்ளது. இந்த காரில் முந்தைய வெர்ஷன் போன்றே 1.6 லிட்டர் என்ஜின் வழங்கப்பட்டு உள்ளது.

போர்டு மற்றும் மஹிந்திரா நிறுவனங்களிடையே கடந்த ஆண்டு கூட்டணி ஒப்பந்தம் கையெழுத்தானது. அதன்படி எதிர்கால போர்டு மாடல்கள் மஹிந்திரா நிறுவன கூட்டணியில் உருவாகிறது. மேலும் மஹிந்திரா நிறுவனம் உ்பத்தி பணிகளையும் மேற்கொள்ள இருக்கிறது. 

அதன்படி மஹிந்திரா பிளாட்பார்மில் உருவாகும் புது எஸ்யுவி மிட்-சைஸ் மாடல் ஆகும். இந்த மாடல் மஹிந்திராவின் புதிய எக்ஸ்யுவி500 மாடலை தழுவி உருவாகிறது. இதன் விற்பனை அடுத்த ஆண்டு மத்தியில் துவங்கும் என எதிர்பார்க்கப்படுகிறது. 

தற்சமயம் புதிய போர்டு எஸ்யுவி மாடல் ஸ்பை படங்கள் இணையத்தில் வெளியாகி உள்ளன. ஸ்பை படத்தில் உள்ள காரின் முன்புற கிரில் பகுதியில் போர்டு லோகோ இடம்பெற்று இருக்கிறது. இத்துடன் முன்புறம் ஏர்-இன்டேக் பம்ப்பரிலும், ஸ்ப்லிட் லைட்னிங் வழங்கப்பட்டு உள்ளது.

இந்த எஸ்யுவி மாடல் 2.0 லிட்டர் பெட்ரோல் மற்றும் 2.2 லிட்டர் டீசல் என்ஜின் யூனிட்களில் கிடைக்கும் என தெரிகிறது. இவை இரண்டும் 180 பிஹெச்பி பவர் வழங்குகிறது. இரு என்ஜின்களுடன் மேனுவல் மற்றும் ஆட்டோமேடிக் டிரான்ஸ்மிஷன் யூனிட்கள் வழங்கப்படுகின்றன.

ஹூண்டாய் நிறுவனம் தனது கிரெட்டா மாடலின் புது வேரியண்ட்டை உருவாக்கி வருகிறது. முன்னதாக இந்த வேரியண்ட் கொரியாவில் சோதனை செய்யப்படுவதாக பல்வேறு புகைப்படங்கள் இணையத்தில் வெளியாகி இருந்தன.

அந்த வரிசையில், தற்சமயம் கிடைத்திருக்கும் தகவல்களின் படி ஹூண்டாய் நிறுவனம் கிரெட்டா 7 பேர் பயணிக்கும் வேரியண்ட்டை இந்திய சந்தையில் அறிமுகம் செய்ய இருப்பதாக கூறப்படுகிறது. இது அடுத்த ஆண்டின் இரண்டாவது அரையாண்டு காலக்கட்டத்தில் அறிமுகமாகி, ஆண்டு இறுதியில் விற்பனைக்கு வரும் என தெரிகிறது.

இந்திய சந்தையில் புதிய ஹூண்டாய் கிரெட்டா மாடல் இரண்டாம் தலைமுறை எக்ஸ்யுவி500 மற்றும் விரைவில் அறிமுகமாக இருக்கும் டாடா கிராவிடாஸ் போன்ற மாடல்களுக்கு போட்டியாக அமையும் என தெரிகிறது. 

புதிய ஹூண்டாய் கிரெட்டா தற்போதைய மாடலை விட நீளமாகவும், நீண்ட வீல்பேஸ் கொண்டிருக்கும் என எதிர்பார்க்கப்படுகிறது. கூடுதலாக மூன்றாம் கட்ட இருக்கைகளை வழங்க வேண்டும் என்பதால் இந்த மாற்றம் நிச்சயம் மேற்கொள்ளப்படலாம்.

ஆடி நிறுவனம் 2021 ஆர்8 பேந்தர் எடிஷன் மாடலை சர்வதேச சந்தையில் அறிமுகம் செய்து இருக்கிறது. புதிய 2021 ஆடி ஆர்8 பேந்தர் எடிஷன் மாடலில் பல்வேறு அப்டேட்கள் செய்யப்பட்டு புதிய நிறத்தில் கிடைக்கிறது. ஸ்பெஷல் எடிஷன் ஆடி ஆர்8 ஸ்போர்ட்ஸ் கார் மொத்தம் 30 யூனிட்களே உற்பத்தி செய்யப்பட இருக்கின்றன.

புதிய ஆடி ஆர்8 ஸ்பெஷல் எடிஷன் பிரத்யேகமாக கருப்பு நிறத்தில் கிடைக்கிறது. இந்த நிறம் பேந்தர் பிளாக் க்ரிஸ்டல் எபெக்ட் பெயிண்ட் என அழைக்கப்படுகிறது. புதிய நிறம் தவிர பிளாக்டு அவுட் 20 இன்ச் வீல்கள், சிவப்பு நிற அக்சென்ட்களுடன் கிடைக்கிறது.

காரின் உள்புறம் க்ரிம்சன் ரெட் மற்றும் பிளாக் நிறம் கொண்டிருக்கிறது. இதன் டேஷ்போர்டு, சென்டர் கன்சோல், ஸ்டீரிங் வீல் மற்றும் பக்கவாட்டில் டோர் பேனல்கள் பிளாக் மற்றும் ரெட் நிற ஸ்டிட்ச் செய்யப்பட்டு இருக்கிறது. இருக்கைகளும் க்ரிம்சன் ரெட் நப்பா லெதர் கொண்டு உருவாக்கப்பட்டு உள்ளது.

2021 ஆடி ஆர்8 ஸ்பெஷல் எடிஷன் மாடலில் 5.2 லிட்டர் வி10 பெட்ரோல் என்ஜின் வழங்கப்பட்டு இருக்கிறது. இந்த என்ஜின் 525 பிஹெச்பி பவர், 540 என்எம் டார்க் செயல்திறன் வழங்குகிறது. இத்துடன் ஆட்டோமேடிக் டிரான்ஸ்மிஷன் வழங்கப்படுகிறது.

கேடிஎம் நிறுவனம் என்ட்ரி லெவல் டியூக் 125 மோட்டார்சைக்கிளை உருவாக்கும் பணிகளில் ஈடுபட்டு வருகிறது. புதிய கேடிஎம் டியூக் 125 மாடல் இந்த ஆண்டு இறுதிக்குள் விற்பனைக்கு வரும் என எதிர்பார்க்கப்படுகிறது.

மேலும் புதிய 2021 கேடிஎம் டியூக் 125 மாடலின் முன்பதிவுகளை ஏற்கனவே துவங்கி விட்டது. புதிய என்ட்ரி லெவல் மோட்டார்சைக்கிள் தோற்றம் டியூக் 200 மாடலை தழுவி உருவாக்கப்பட்டு இருக்கிறது. புதிய மாடலில் எல்சிடி ஸ்கிரீன், ஹெட்லைட், பியூவல் டேன்க், டேன்க் எக்ஸ்டென்ஷன் மற்றும் டெயின் பேனல்கள் வழங்கப்படுகிறது.

டியூக் 125 மாடலின் மேம்பட்ட வெர்ஷன் அதிக இளம் வாடிக்கையாளர்களை கவர்ந்து விற்பனையை அதிகப்படுத்தும் என எதிர்பார்க்கப்படுகிறது. 2021 டியூக் 125 மாடலில் டியூக் 200 மாடலில் இருந்த டிரெலிஸ் பிரேம், சஸ்பென்ஷன் செட்டப், பிரேக்கிங் உள்ளிட்டவை வழங்கப்படுகிறது.

2021 கேடிஎம் டியூக் 125 மாடலில் பிஎஸ்6 ரக 124சிசி சிங்கில் சிலிண்டர் லிக்விட் கூல்டு என்ஜின் வழங்கப்படலாம் என தெரிகிறது. இந்த என்ஜின் 14.5 பிஹெச்பி பவர், 12 என்எம் டார்க் செயல்திறன் மற்றும் 6 ஸ்பீடு டிரான்ஸ்மிஷன் வழங்கப்படுகிறது.

இந்திய சந்தையில் அதிகம் எதிர்பார்க்கப்பட்ட நிசான் மேக்னைட் மாடல் ஒருவழியாக வெளியிடப்பட்டது. இந்தியாவில் புதிய சப்-காம்பேக்ட் எஸ்யுவி மாடல் விலை ரூ. 4.99 லட்சம் என நிர்ணயம் செய்யப்பட்டு உள்ளது. 

புதிய நிசான் மேக்னைட் டாப் எண்ட் மாடல் விலை ரூ. 9.35 லட்சம் என நிர்ணயிக்கப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது. எனினும், இவை அறிமுக விலை தான் என்றும் டிசம்பர் 31, 2020 ஆம் தேதிக்கு பின் இந்த விலை மாற்றப்படும்.

இதன் வெளிப்புறம் எல்இடி ஹெட்லேம்ப், பாக் லைட்கள், பெரிய கிரில், குரோம் இன்சர்ட்கள், டூயல் டோன் அலாய் வீல்கள், வீல் ஆர்ச்கள், இருபுறங்களில் ஸ்கிட் பிளேட்கள், சில்வர் ரூப் ரெயில்கள் வழங்கப்படுகிறது.

நிசான் மேக்னைட் மாடலில் 1.0 லிட்டர் 3 சிலிண்டர் டர்போ பெட்ரோல் என்ஜின் வழங்கப்படுகிறது. இத்துடன் எக்ஸ்டிரானிக் சிவிடி ஆட்டோமேடிக் டிரான்ஸ்மிஷன் வழங்கப்படுகிறது. இந்த என்ஜின் செயல்திறன் விவரங்கள் இதுவரை அறிவிக்கப்படவில்லை.

இதன் உள்புறம் 8 அங்குல தொடுதிரை வசதி கொண்ட இன்போடெயின்மென்ட் ஸ்கிரீன், வயர்லெஸ் ஆப்பிள் கார்பிளே, ஆண்ட்ராய்டு ஆட்டோ, நிசான் கனெக்ட், வயர்லெஸ் சார்ஜிங், குரூயிஸ் கண்ட்ரோல், என்ஜின் ஸ்டார்ட் - ஸ்டாப் பட்டன், ஸ்டீரிங் மவுண்ட் கண்ட்ரோல் போன்ற வசதிகள் வழங்கப்படுகின்றன.

புதிய ஜீப் ஏழு பேர் பயணிக்கக்கூடிய எஸ்யுவி மாடல் பற்றிய விவரங்கள் தொடர்ந்து இணையத்தில் வெளியாகி வருகிறது. அந்த வரிசையில் தற்சமயம் வெளியாகி இருக்கும் தகவல்களில் புதிய ஜீப் மாடலில் 2.0 லிட்டர் டீசல் என்ஜின் வழங்கப்படலாம் என கூறப்படுகிறது.

இது 2.0 லிட்டர், 4 சிலிண்டர், மல்டிஜெட் டர்போ டீசல் யூனிட் ஆகும். இந்த என்ஜின் 200 பிஹெச்பி திறன் வழங்கும் வகையில் டியூன் செய்யப்பட்டு இருக்கும் என கூறப்படுகிறது. 

இதே என்ஜின் காம்பஸ் மாடலில் 173 பிஹெச்பி பவர் வழங்குகிறது. எம்ஜி ஹெக்டாரில் இதே என்ஜின் 176 பிஹெச்பி பவர் வழங்குகிறது. இந்த என்ஜினுடன் 9 ஸ்பீடு டார்க் கன்வெர்ட்டர் ஆட்டோமேடிக் கியர்பாக்ஸ் வழங்கப்படும் என தெரிகிறது.

புதிய ஜீப் மாடல் காம்பஸ் மோனோக் பிளாட்பார்மில் உருவாகி வருகிறது. மூன்றாம் அடுக்கு இருக்கைகளுக்கு ஏற்றவாரு புதிய கார் சற்று நீளமாக இருக்கும் என தெரிகிறது.

ஹோண்டா நிறுவனம் புதிய ரிபெல் 1100 குரூயிசர் மோட்டார்சைக்கிள் மாடலை சர்வதேச சந்தையில் அறிமுகம் செய்தது. புதிய 2021 ஹோண்டா ரிபெல் 1100 பல்வேறு புது அம்சங்கள், உபகரணங்கள் மற்றும் சத்கிவாய்ந்த என்ஜினுடன் கிடைக்கிறது.

வடிவமைப்பு ஹோண்டா ரிபெல் 300 மற்றும் 500 மாடல்களை தழுவி மேற்கொள்ளப்பட்டு இருக்கின்றன. அதன்படி புதிய மாடலில் ஸ்கல்ப்ட் செய்யப்பட்ட பியூவல் டேன்க், டிரெலிஸ் பிரேம், ஒற்றை இருக்கை மற்றும் பின்புற பென்டர் உள்ளிட்டவை வழங்கப்பட்டு உள்ளது.

இத்துடன் வட்ட வடிவ எல்இடி ஹெட்லேம்ப்கள், எல்இடி டெயில் லைட்கள், சிங்கிள் பாட் டிஜிட்டல் இன்ஸ்ட்ரூமென்ட் கிளஸ்டர் வழங்கப்பட்டு இருக்கிறது. புதிய ஹோண்டா ரிபெல் 1100 மாடலில் 1084சிசி பேரலெல் ட்வின் லிக்விட் கூல்டு என்ஜின் வழங்கப்பட்டு உள்ளது.

இந்த என்ஜின் 100 பிஹெச்பி பவர் வழங்கும் திறன் கொண்டிருக்கிறது. இத்துடன் 6 ஸ்பீடு மேனுவல் அல்லது டிசிடி ஆட்டோமேடிக் டிரான்ஸ்மிஷன் யூனிட் ஆப்ஷனாக வழங்கப்படுகிறது. 

வால்வோ கார்ஸ் நிறுவனம் மூன்றாம் தலைமுறை எஸ்60 செடான் மாடலை அறிமுகம் செய்து இருக்கிறது. புதிய வால்வோ எஸ்60 மாடல் பல்வேறு அப்டேட்களை கொண்டிருக்கிறது. இதன் வடிவமைப்பு, கூடுதல் அம்சங்கள் மற்றும் என்ஜின் உள்ளிட்டவை அப்டேட் செய்யப்பட்டு இருக்கின்றன.

புதிய வால்வோ எஸ்60 மாடல் அடுத்த ஆண்டு மார்ச் மாத வாக்கில் விற்பனைக்கு வரும் என அறிவிக்கப்பட்டு உள்ளது. இதற்கான முன்பதிவு ஜனவரி மாதத்தில் துவங்குகிறது. முன்பதிவு மறஅறும் விற்பனை தேதி சார்ந்த விவரங்கள் பின்னர் அறிவிக்கப்படும்.

2021 வால்வோ எஸ்60 மாடலில் மேம்பட்ட எல்இடி ஹெட்லேம்ப்கள், தார் ஹேமர் எல்இடி டிஆர்எல்கள், மெல்லிய முன்புற கிரில் வழங்கப்பட்டு இருக்கின்றன. இத்துடன் 19 இன்ச் அலாய்வீல்கள், சி வடிவ எல்இடி டெயில் லைட்கள், மேம்பட்ட பம்ப்பர்கள் வழங்கப்பட்டு உள்ளன.

புதிய வால்வோ எஸ்60 செடானில் 2.0 லிட்டர் யூனிட் வழங்கப்பட்டு இருக்கிறது. என்ஜின் என்ஜின் 160 பிஹெச்பி பவர், 300 என்எம் டார்க் செயல்திறன் வழங்குகிறது. இத்துடன் ஆட்டோமேடிக் டிரான்ஸ்மிஷன் வழங்கப்படுகிறது.