கார்

பிரெஞ்சு நாட்டு கார் உற்பத்தியாளரான சிட்ரோயன் இந்திய சந்தையில் ஒருவழியாக C5 ஏர்கிராஸ் பேஸ்லிப்ட் மாடலை அறிமுகம் செய்து விட்டது. புதிய சிட்ரோயன் C5 ஏர்கிராஸ் மாடல் விலை ரூ. 36 லட்சத்து 67 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

ஏற்கனவே எதிர்பார்க்கப்பட்டதை போன்றே இந்த மாடலில் ஹைப்ரிட் பவர்டிரெயின் வழங்கப்படவில்லை. மாறாக 2.0 லிட்டர் டீசல் என்ஜின் தான் வழங்கப்பட்டு இருக்கிறது. புதிய சிட்ரோயன் C5 ஏர்கிராஸ் மாடலின் வெளிப்புறம் அதிக மாற்றங்கள் செய்யப்பட்டு தற்போது சற்று வித்தியாசமாக காட்சியளிக்கிறது.

இந்த மாடலில் ஸ்ப்லிட் ரக ஹெட்லேம்ப் மற்றும் டிஆர்எல்-களுக்கு மாற்றாக தற்போது ஒற்றை எல்இடி ஹெட்லைட், ட்வின் எல்இடி டிஆர்எல்கள் காரின் முன்புற கிரில் பகுதியில் இணையும் வகையில் டிசைன் செய்யப்பட்டு உள்ளது. இதன் பம்ப்பரில் செங்குத்தான ஏர் இண்டேக்குகள் உள்ளன.

பக்கவாட்டு பகுதியில் சிட்ரோயன் C5 ஏர்கிராஸ் பேஸ்லிப்ட் மாடல் 18 இன்ச் அலாய் வீல்கள், கிளாஸ் பிளாக் மிரர் கேப்கள், மேட் பிளாக் ரூஃப் ரெயில் உள்ளிட்டவைகளை கொண்டிருக்கிறது. இத்துடன் மேம்மபட்ட எல்இடி டெயில் லைட்கள், 3டி கிராபிக்ஸ் உள்ளிட்டவை வழங்கப்பட்டு இருக்கிறது. உள்புறம் 10 இன்ச் ஃபிரீ ஸ்டாண்டிங் இன்போடெயின்மெண்ட் யூனிட் வழங்கப்பட்டு உள்ளது.

2022 சிட்ரோயன் C5 ஏர்கிராஸ் பேஸ்லிப்ட் மாடலிலும் 2.0 லிட்டர் டர்போசார்ஜ் செய்யப்பட்ட டீசல் என்ஜின் வழங்கப்பட்டு இருக்கிறது. இந்த என்ஜின் 176.8 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு டார்க் கன்வெர்ட்டர் ஆட்டோமேடிக் கியர்பாக்ஸ் வழங்கப்பட்டு இருக்கிறது.

இந்திய சந்தையில் புதிய சிட்ரோயன் C5 ஏர்கிராஸ் மாடல் ஹூண்டாய் டக்சன், ஜீப் காம்பஸ் மற்றும் போக்ஸ்வேகன் டைகுன் போன்ற கார்களுக்கு போட்டியாக அமைகிறது.

ஜப்பான் நாட்டை சேர்ந்த ஆட்டோமொபைல் உற்பத்தியாளரான டொயோட்டா இந்திய சந்தையில் தனது புதிய அர்பன் குரூயிசர் ஹைரைடர் மாடலின் நான்கு வேரியண்ட்கள் விலையை அறிவித்து இருக்கிறது. முன்னதாக ஜூலை மாத வாக்கில் அறிமுகம் செய்யப்பட்ட நிலையில், தற்போது இந்த காரின் விலை அறிவிக்கப்பட்டு உள்ளது. இந்த எஸ்யுவி-க்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 25 ஆயிரம் ஆகும்.

இந்திய சந்தையில் புதிய டொயோட்டா அர்பன் குரூயிசர் ஹைரைடர் மாடல் E, S, G மற்றும் V என நான்கு வேரியண்ட்களில் கிடைக்கிறது. மேலும்- நியோ டிரைவ் மற்றும் செல்ஃப் சார்ஜிங் ஸ்டிராங் ஹைப்ரிட் எலெக்ட்ரிக் என இரண்டு வித பவர்டிரெயின் ஆப்ஷன்களில் கிடைக்கிறது. தற்போது டாப் எண்ட் பிரிவில் கிடைக்கும் நான்கு வேரியண்ட்களின் விலை அறிவிக்கப்பட்டு இருக்கிறது.

அதன்படி புதிய டொயோட்டா அர்பன் குரூயிசர் ஹைரைடர் மாடல் விலை ரூ. 15 லட்சத்து 11 ஆயிரம் என துவங்கி அதிகபட்சம் ரூ. 18 லட்சத்து 99 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. இந்த காரின் செல்ஃப் சார்ஜிங் ஹைப்ரிட் எலெக்ட்ரிக் வெர்ஷனில் 1.5 லிட்டர் என்ஜின் வழங்கப்பட்டு இருக்கிறது.

இத்துடன் இ டிரைவ் டிரான்ஸ்மிஷன் வழங்கப்பட்டு உள்ளது. இந்த என்ஜின் 79 ஹெச்பி பவர், 141 நியூட்டன் மீட்டர் டார்க் இழுவிசையை வெளிப்படுத்துகிறது. இதன் எலெக்ட்ரிக் மோட்டார் 79 ஹெச்பி பவர், 141 நியூட்டன் மீட்டர் டார்க் இழுவிசையை வெளிப்படுத்துகிறது. ஸ்டிராங் ஹைப்ரிட் வெர்ஷன் அதிகபட்சம் 114 ஹெச்பி பவர் வெளிப்படுத்துகிறது.

அர்பன் குரூயிசர் நியோ டிரைவ் வெர்ஷனில் 1.5 லிட்டர் K சீரிஸ் என்ஜின் வழங்கப்பட்டு உள்ளது. இந்த என்ஜினுடன் இண்டகிரேடெட் ஸ்டார்ட்டர் ஜெனரேட்டர் தொழில்நுட்பம் வழங்கப்பட்டு இருக்கிறது. இது 101 ஹெச்பி பவர், 135 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல், 6 ஸ்பீடு ஆட்டோமேடிக் டிரான்ஸ்மிஷன் ஆப்ஷன்கள் வழங்கப்படுகிறது.

ஹூண்டாய் இந்தியா நிறுவனம் தனது கிராண்ட் i10 நியோஸ், i20, வெர்னா, i20 N லைன், வென்யூ மற்றும் கிரெட்டா மாடல்களின் விலையை உயர்த்தி இருக்கிறது. அதன் படி இந்த கார்களின் புது விலை இந்த மாதமே அமலுக்கு வருகிறது. விலை உயர்வு ஒவ்வொரு மாடல் மற்றும் வேரியண்டிற்கு ஏற்ப வேறுபடும்.

பெட்ரோல் என்ஜின் கொண்ட கிராண்ட் i10 நியோஸ் மாடலின் விலை தற்போது ரூ. 6 ஆயிரம் வரை அதிகரித்து இருக்கிறது. இந்த காரின் டர்போ பெட்ரோல் வேரியண்ட்கள் நிறுத்தப்பட்டு விட்டன. ஹூண்டாய் கிராண்ட் i10 நியோஸ் மாடலின் டீசல் என்ஜின் வேரியண்ட்களின் விலை உயர்த்தப்படவில்லை. மேலும் ஹூண்டாய் ஆரா மாடல் விலையும் உயர்த்தப்படவில்லை.

மிட்-சைஸ் செடான் மாடல் வெர்னா விலை ரூ. 3 ஆயிரம் உயர்த்தப்பட்டு இருக்கிறது. இது பெட்ரோல் மற்றும் டர்போ பெட்ரோல் வேரியண்ட்களுக்கு மட்டும் பொருந்தும். டீசல் வேரியண்ட்களின் விலை ரூ. 8 ஆயிரம் உயர்த்தப்பட்டு இருக்கிறது. ஹூண்டாய் வென்யூ டீசல் மற்றும் கிரெட்டா டீசல் மாடல்களின் விலையும் உயர்த்தப்பட்டு இருக்கிறது.

வென்யூ காம்பேக்ட் எஸ்யுவி டீசல் மாடல் விலை ரூ. 5 ஆயிரம் உயர்த்தப்பட்டு இருக்கிறது. கிரெட்டா டீசல் பேஸ் வேரியண்ட் விலை ரூ. 3 ஆயிரமும், டாப் எண்ட் வேரியண்ட்களின் விலை ரூ. 6 ஆயிரம் வரை உயர்த்தப்பட்டுள்ளது. ஹூண்டாய் i20 மாடலின் விலை ரூ. 9 ஆயிரம் வரை அதிகரிக்கப்பட்டு உள்ளது.

பிஎம்டபிள்யூ நிறுவனம் அடுத்த தலைமுறை M2 மாடலை அக்டோபர் 11 ஆம் தேதி அறிமுகம் செய்ய இருக்கிறது. G87 எனும் குறியீட்டு பெயரில் உருவாக்கப்பட்டு இருக்கும் சிறய M கார் இரண்டவாது தலைமுறை மாடல் ஆகும். புதிய M2 மாடலில் S58 என்ஜின் வழங்கப்பட இருக்கிறது. இந்த என்ஜின் 450 ஹெச்பி பவர் வெளிப்படுத்தும் திறன் கொண்டுள்ளது.

இதைத் தொடர்ந்து அறிமுகமாகும் CS/CSL மற்றும் காம்படிஷன் வெர்ஷன்கள் அதிக சக்திவாய்ந்ததாக இருக்கும் என தெரிகிறது. இந்த காரில் பெரும்பாலும் ரியர் வீல் செட்டப் மற்றும் ஆட்டோமேடிக் டிரான்ஸ்மிஷன் வழங்கப்படுகிறது. இதே காரின் மேனுவல் டிரான்ஸ்மிஷன் மற்றும் எக்ஸ்-டிரைவ் AWD வெர்ஷனும் அறிமுகம் செய்யப்படலாம்.

தோற்றத்தில் புதிய M2 அதன் வழக்கமான மாடலை போன்றே காட்சியளிக்கும். 2 சீரிஸ் கூப் மாடலை தழுவி உருவாகி இருக்கும் நிலையில், பெரிய ஏர் இண்டேக், குவாட் எக்சாஸ்ட் டிப்கள் வழங்கப்படுகிறது. இத்துடன் பெரிய அலாய் வீல்கள், க்ரிப் டயர்கள், ஃபிளேர்டு வீல் ஆர்ச்கள் வழங்கப்பட இருக்கிறது. இதன் கோ-ஃபாஸ்ட் வெர்ஷனில் லிப் ஸ்பாயிலர் வழங்கப்பட இருக்கிறது.

உள்புறம் ஐடிரைவ் 8 வழங்கப்படுகிறது. இது எலெக்ட்ரிக் திறன் இல்லாத கடைசி M கார் மாடல் ஆகும். புதிய தலைமுறை M2 மாடலை தழுவி பாரம்பரிய பிஎம்டபிள்யூ 3.0 CSL மாடலும் அறிமுகம் செய்யப்பட இருக்கிறது.

ஹூண்டாய் நிறுவனம் இந்திய சந்தையில் புதிய வென்யூ N லைன் மாடல் அறிமுகம் செய்யப்பட்டது. புதிய வென்யூ N லைன் மாடலின் விலை ரூ. 12 லட்சத்து 16 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. ஹூண்டாய் வென்யூ N லைன் டாப் எண்ட் மாடல் விலை ரூ. 13 லட்சத்து 15 ஆயிரம், எக்ஸ்-ஷோரூம் ஆகும்.

வென்யூ சப்-காம்பேக்ட் எஸ்யுவி-இன் ஸ்போர்ட் வேரியண்ட் ஆக புதிய N லைன் மாடல் அறிமுகமாகி இருக்கிறது. மேலும் இந்திய சந்தையில் இது ஹூண்டாய் நிறுவனத்தின் இரண்டாவது N லைன் மாடல் ஆகும். புதிய வென்யூ N லைன் மாடலின் வெளிப்புறம் டார்க் க்ரோம் கிரில், ரூப் ரெயில்கள், பம்ப்பர் பெண்டர், சைடு சில் உள்ளிட்டவைகளில் ரெட் அக்செண்ட்கள் செய்யப்பட்டு உள்ளன. இத்துடன் கிரில் மீது N லைன் சின்னம் இடம்பெற்று இருக்கிறது. 

இத்துடன் டெயில்கேட் பக்கவாட்டு பெண்டர்கள், ரூப் ஸ்பாயிலர், ட்வின் டிப் எக்சாஸ்ட் மற்றும் புதிய 16 இன்ச் டூயல் டோன் அலாய் வீல்கள் வழங்கப்பட்டுள்ளன. உள்புறம் பிளாக் நிற இண்டீரியர், ரெட் அக்செண்ட்கள், டூயல் கேமரா கொண்ட டேஷ்கேம், புளூ லின்க் கனெக்டிவிட்டி, அலெக்சா மற்றும் கூகுள் வாய்ஸ் அசிஸ்டண்ட், லெதர் இருக்கைகள் மற்றும் N லைன் பிராண்டிங் வழங்கப்பட்டு உள்ளது.

மேலும் பேடில் ஷிப்டர்கள், எட்டு அங்குல தொடுதிரை வசதி கொண்ட இன்போடெயின்மெண்ட் சிஸ்டம், ஆப்பிள் கார் பிளே மற்றும் ஆண்ட்ராய்டு ஆட்டோ, OTA அப்டேட்கள், டிஜிட்டல் இன்ஸ்ட்ரூமெண்ட் கிளஸ்டர், நான்கு டிஸ்க் பிரேக்குகள் வழங்கப்பட்டு இருக்கிறது. இந்த காரில் ரிவைஸ்டு ஸ்டீரிங் மற்றும் சஸ்பென்ஷன் செட்டப் வழங்கப்பட்டுள்ளது.

2022 ஹூண்டாய் வென்யூ N லைன் மாடலில் 1.0 லிட்டர், மூன்று சிலிண்டர்கள் கொண்ட டர்போ பெட்ரோல் என்ஜின் வழங்கப்பட்டு இருக்கிறது. இந்த என்ஜின் 118 ஹெச்பி பவர், 172 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 7 ஸ்பீடு டிசிடி யூனிட் வழங்கப்பட்டுள்ளது.

இந்திய சந்தையில் புதிய ஹூண்டாய் வென்யூ N லைன் மாடல் கியா சொனெட், டாடா நெக்சான், மாருதி சுசுகி பிரெஸ்ஸா, மஹிந்திரா XUV300 மற்றும் டொயோட்டா அர்பன் குரூயிசர் போன்ற மாடல்களுக்கு போட்டியாக அமைகிறது.

விலை விவரங்கள்:

வென்யூ N லைன் N6 DCT ரூ. 12 லட்சத்து 16 ஆயிரம்

வென்யூ N லைன் N6 DCT டூயல் டோன் ரூ. 12 லட்சத்து 31 ஆயிரம்

வென்யூ N லைன் N8 DCT ரூ. 13 லட்சத்து 15 ஆயிரம்

வென்யூ N லைன் N8 DCT டூயல் டோன் ரூ. 13 லட்சத்து 30 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ஹூண்டாய் இந்தியா நிறுவனம் ஆகஸ்ட் 2022 மாதத்தில் மட்டும் 62 ஆயிரத்து 210 யூனிட்களை விற்பனை செய்து வருகிறது. இதில் உள்நாட்டில் மட்டும் 49 ஆயிரத்து 510 யூனிட்கள் விற்பனையாகி இருக்கின்றன. வெளிநாட்டு சந்தைகளுக்கு 12 ஆயிரத்து 700 யூனிட்கள் ஏற்றுமதி செய்யப்பட்டு உள்ளன. வருடாந்திர அடிப்படையில் ஹூண்டாய் உள்நாட்டு வாகன விற்பனை 5.6 சதவீதம் அதிகரித்து இருக்கிறது.

கடந்த மாதம் ஹூண்டாய் நிறுவனம் டக்சன் பிளாக்‌ஷிப் எஸ்யுவி-இன் மேம்பட்ட மாடலை இந்திய சந்தையில் அறிமுகம் செய்து இருந்தது. இந்த கார் பெட்ரோல் மற்றும் டீசல் என இருவித என்ஜின் ஆப்ஷன்களில் கிடைக்கிறது. இரண்டு வேரியண்ட்களில் விற்பனைக்கு கிடைக்கும் ஹூண்டாய் டக்சன் விலை ரூ. 27 லட்சத்து 70 ஆயிரம், எக்ஸ்-ஷோரூம் என துவங்குகிறது.

இது தவிர ஹூண்டாய் நிறுவனம் இந்த ஆண்டில் தனது மூன்றாவது எஸ்யுவி மாடலாக வென்யூ N லைன் மாடலை அறிமுகம் செய்ய இருக்கிறது. இந்த கார் வென்யூ காம்பேக்ட் எஸ்யுவி-இன் டாப் எண்ட் வேரியண்டை தழுவி உருவாக்கப்பட்டு இருக்கிறது. இந்த மாடலில் 1.0 லிட்டர் டர்போ பெட்ரோல் என்ஜின் வழங்கப்படுகிறது. இத்துடன் DCT கியர்பாக்ஸ் வழங்கப்படுகிறது. இந்த காருக்கான முன்பதிவு ஏற்கனவே துவங்கி நடைபெற்று வருகிறது. விலை விவரங்கள் நாளை (செப்டம்பர் 6) அறிவிக்கப்பட உள்ளது.

ஜப்பான் நாட்டு கார் உற்பத்தியாளரான டொயோட்டா இந்தியாவில் டொயோட்டா இன்னோவா க்ரிஸ்டா லிமிடெட் எடிஷன் மாடலை அறிமுகம் செய்து இருக்கிறது. புதிய டொயோட்டா இன்னோவா க்ரிஸ்டா லிமிடெட் எடிஷன் மாடலில் சில புது அம்சங்கள் வழங்கப்பட்டு உள்ளது. மேலும் இந்த மாடல் 2.7 லிட்டர் பெட்ரோல் என்ஜினுடன் மட்டுமே கிடைக்கிறது.

புதிய இன்னோவா க்ரிஸ்டா லிமிடெட் எடிஷன் விலை ரூ. 17 லட்சத்து 45 ஆயிரம் என துவங்குகிறது. இதன் ஆட்டோமேடிக் வேரியண்ட் விலை ரூ. 19 லட்சத்து 02 ஆயிரம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. லிமிடெட் எடிஷன் மாடல் மிட்-ஸ்பெக் GX வேரியண்டை தழுவி உருவாக்கப்பட்டு இருக்கிறது. இந்த மாடலில் டயர் பிரெஷர் மாணிட்டரிங் சிஸ்டம், வயர்லெஸ் போன் சார்ஜர், ஹெட்ஸ்-அப் டிஸ்ப்ளே உள்ளிட்டவைகளுடன் கிடைக்கிறது.

வழக்கமாக இந்த அம்சங்களை டீலரிடம் ஃபிட் செய்தால் ரூ. 55 ஆயிரம் வரை கூடுதலாக செலவாகும். எனினும், வாடிக்கையாளர்கள் பெட்ரோல் மாடலை வாங்க தூண்டும் வகையில் இந்த லிமிடெட் எடிஷன் அறிமுகம் செய்யப்பட்டு உள்ளது. அதிக வரவேற்பு காரணமாக இன்னோவா க்ரிஸ்டா டீசல் வெர்ஷன்களின் முன்பதிவு நிறுத்தப்பட்ட நிலையில், தற்போது லிமிடெட் எடிஷன் மாடல் அறிமுகமாகி இருக்கிறது.

இன்னோவா க்ரிஸ்டா பெட்ரோல் மாடலில் 2.7 லிட்டர், 4 சிலிண்டர்கள் கொண்ட என்ஜின் வழங்கப்பட்டு இருக்கிறது. இந்த என்ஜின் 164 ஹெச்பி பவர், 245 நியூட்டன் மீட்டர் டார்க் இழுவிசையை வெளிப்படுத்துகிறது. இந்த என்ஜின் லிட்டருக்கு 10.5 கிலோமீட்டர் வரை மைலேஜ் வழங்கும் என ARAi சான்று பெற்று இருக்கிறது.

டாடா மோட்டார்ஸ் நிறுவனம் நெக்சான் EV ஜெட் எடிஷன் மாடலை இந்திய சந்தையில் அறிமுகம் செய்து இருக்கிறது. இது டாடா மோட்டார்ஸ் நிறுவனத்தின் நான்காவது ஜெட் எடிஷன் மாடல் ஆகும். புதிய நெக்சான் EV ஜெட் எடிஷன் விலை ரூ. 17 லட்சத்து 50 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய ஜெட் எடிஷன் நெக்சான் EV பிரைம் மற்றும் மேக்ஸ் என இரண்டு வேரியண்ட்களிலும் கிடைக்கிறது.

புதிய நெக்சான் EV ஜெட் எடிஷன் மாடலின் வெளிப்புறம் டூயல் டோன் ஷேட் மற்றும் புதிய இண்டீரியர் வழங்கப்பட்டு இருக்கிறது. நெக்சான் EV ஜெட் எடிஷன் டாப் எண்ட் XZ+ வேரியண்டை சார்ந்து உருவாக்கப்பட்டு இருக்கிறது. இது ஸ்டாண்டர்டு எடிஷனை விட ரூ. 20 ஆயிரம் விலை அதிகம் ஆகும். ஜெட் எடிஷன் மாடலில் ஸ்டார்லைட் எக்ஸ்டீரியர் பெயிண்ட் செய்யப்பட்டு உள்ளது. இதன் ரூஃப் காண்டிராஸ்ட் பிரீமியம் சில்வர் நிறம் கொண்டிருக்கிறது.

இத்துடன் 16 இன்ச் அலாய் வீல்கள், ORVMகள், முன்புற கிரில், விண்டோ லைன் மற்றும் ரூப் லைன் உள்ளிட்டவைகளில் கிளாஸ் பிளாக் இன்சர்ட்கள் செய்யப்பட்டு உள்ளன. இத்துடன் உள்புறம் டேஷ்போர்டு மற்றும் டோர் பேட்களில் பிரான்ஸ் நிறம் பூசப்பட்டு இருக்கிறது. லெதர் இருக்கைகளில் ஆயிஸ்டர் வைட் நிறம் பூசப்பட்டுள்ளது. இத்துடன் முன்புற இருக்கையின் ஹெட்ரெஸ்ட்களில் "#Jet" என ஸ்டிட்ச் செய்யப்பட்டு உள்ளது.

நெக்சான் EV ஜெட் எடிஷன் மெக்கானிக்கல் அம்சங்களில் எந்த மாற்றமும் மேற்கொள்ளப்படவில்லை. அந்த வகையில் நெக்சான் EV பிரைம் ஜெட் எடிஷனில் 30.2 கிலோவாட் ஹவர் பேட்டரி வழங்கப்பட்டு இருக்கிறது. இது 127 ஹெச்பி பவர், 245 நியூட்டன் மீட்டர் டார்க் இழுவிசையை வெளிப்படுத்துகிறது. நெக்சான் EV மேக்ஸ் ஜெட் எடிஷன் 40.5 கிலோவாட் ஹவர் பேட்டரி கொண்டிருக்கிறது. இது 141 ஹெச்பி பவர், 250 நியூட்டன் மீட்டர் டார்க் இழுவிசையை வெளிப்படுத்துகிறது.

விலை விவரங்கள்:

டாடா நெக்சான் EV பிரைம் XZ+ லக்ஸ் ஜெட் எடிஷன் ரூ. 17 லட்சத்து 50 ஆயிரம்

டாடா நெக்சான் EV மேக்ஸ் XZ+ லக்ஸ் ஜெட் எடிஷன் ரூ. 19 லட்சத்து 54 ஆயிரம்

டாடா நெக்சான் EV மேக்ஸ் XZ+ லக்ஸ் ஜெட் எடிஷன் (7.2 கிலோவாட் பாஸ்ட் ஏசி சார்ஜர்) ரூ. 20 லட்சத்து 05 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

எம்ஜி மோட்டார்ஸ் நிறுவனம் மேம்பட்ட எம்ஜி குளோஸ்டர் காரை இந்தியாவில் அறிமுகம் செய்து இருக்கிறது. இதன் விலை ரூ. 31 லட்சத்து 99 ஆயிரம், எக்ஸ்-ஷோரூம் என துவங்குகிறது. புதிய மாடலில் சிறிதளவு டிசைன் மற்றும் மேம்பட்ட கனெக்டட் கார் சூட் வழங்கப்பட்டு இருக்கிறது. வெளிப்புறம் புதிய 19 இன்ச் டூயல் டோன் அலாய் வீல்கள், டீப் கோல்டன் எனும் புதிய நிறத்தில் கிடைக்கிறது.

விலை விவரங்கள்:

2022 எம்ஜி குளோஸ்டர் சூப்பர் 4x2 ரூ. 31 லட்சத்து 99 ஆயிரம்

2022 எம்ஜி குளோஸ்டர் ஷார்ப் 4x2 ரூ. 36 லட்சத்து 87 ஆயிரம்

2022 எம்ஜி குளோஸ்டர் சேவி 7S 4x2 ரூ. 38 லட்சத்து 44 ஆயிரம்

2022 எம்ஜி குளோஸ்டர் சேவி 6S 4x2 ரூ. 38 லட்சத்து 44 ஆயிரம்

2022 எம்ஜி குளோஸ்டர் சேவி 7S 4x4 ரூ. 40 லட்சத்து 77 ஆயிரம்

2022 எம்ஜி குளோஸ்டர் சேவி 6S 4x4 ரூ. 40 லட்சத்து 77 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

புதிய 2022 எம்ஜி குளோஸ்டர் மாடல் அகேட் ரெட், மெட்டல் பிளாக், வார்ம் வைட் மற்றும் மெட்டல் ஆஷ் போன்ற நிறங்களில் கிடைக்கிறது. புதிய மாடலில் எல்இடி ப்ரோஜெக்டர் ஹெட்லேம்ப்கள், இண்டகிரேட் செய்யப்பட்ட எல்இடி டிஆர்எல்கள், மூன்று ஸ்லாட் கிரில், க்ரோம் சரவுண்ட், காண்டிராஸ்ட் நிற ஸ்கிட் பிளேட்கள், பாக் லைட்கள், சைடு ஸ்டெப்கள், க்ரோம் டோர் ஹேண்டில்கள், எல்இடி டெயில் லைட்கள், குவாட் டிப் எக்சாஸ்ட்கள் உள்ளன.

காரின் உள்புறம் 75-க்கும் மேற்பட்ட கனெக்டெட் கார் அம்சங்கள், மியூசிக் சிஸ்டத்திற்கு ரிமோட் கண்ட்ரோல், ஆம்பியண்ட் லைட்டிங், ஹிங்லிஷ் வாய்ஸ் கமாண்ட்கள், ஆண்ட்ராய்டு வாட்ச் செயலி வழங்கப்பட்டு இருக்கிறது. தற்போதைய குளோஸ்டர் மாடலில் உள்ள ADAS கூடுதலாக டோர் ஓபன் வார்னிங், ரியர் கிராஸ் டிராபிக் அலர்ட் மற்றும் லேன் சேன்ஜிங் அசிஸ்ட் உள்ளிட்ட அம்சங்கள் சேர்க்கப்பட்டுள்ளன.

இந்த காரின் என்ஜினில் எவ்வித மாற்றமும் மேற்கொள்ளப்படவில்லை. அந்த வகையில், இந்த மாடலில் 2.0 லிட்டர் டீசல் என்ஜின் வழங்கப்பட்டு இருக்கிறது. இந்த என்ஜின் இருவித டியூனிங்கில் கிடைக்கிறது. இத்துடன் 8 ஸ்பீடு டார்க் கன்வெர்ட்டர் AT மற்றும் ஆல் வீல் டிரைவ் வசதி வழங்கப்பட்டு உள்ளது.

எம்ஜி மோட்டார் இந்தியா லிமிடெட் நிறுவனம் மேம்பட்ட குளோஸ்டர் மாடலுக்கான டீசரை வெளியிட்டு உள்ளது. புதிய பிளாக்‌ஷிப் எஸ்யுவி மாடல் இந்திய சந்தையில் டொயோட்டா பார்ச்சூனர், இசுசு MU-X, ஸ்கோடா கோடியக் மற்றும் ஜீப் மெரிடியன் போன்ற மாடல்களுக்கு போட்டியாக அமைகிறது. இந்திய சந்தையில் 2020 அக்டோபர் மாத வாக்கில் அறிமுகமான நிலையில், லெவல் 1 ADAS வசதியுடன் அறிமுகமான முதல் எஸ்யுவி என்ற பெருமையை எம்ஜி குளோஸ்டர் பெற்று இருக்கிறது.

தற்போதைய டீசரில் மேம்பட்ட குளோஸ்டர் மாடலுக்கான விளம்பர வாக்கியங்கள் தவிர வேறு எந்த விவரமும் தெளிவாக தெரியவில்லை. மேலும் டீசருக்கான தலைப்பில் இந்த கார் 4x4 வசதி, ADAS பாதுகாப்பு கொண்டிருக்கும் என தெரிவிக்கப்பட்டு இருக்கிறது. இந்த காரில் சிறிதளவு காஸ்மெடிக் மாற்றங்கள் மட்டும் மேற்கொள்ளப்பட்டு இருக்கும் என எதிர்பார்க்கலாம். மேக்சஸ் D90 மாடலை தழுவி உருவாக்கப்பட்ட ஃபுல் சைஸ் எஸ்யுவி மாடல் ஆகும்.

புதிய குளோஸ்டர் மாடலில் லெவல் 2 ADAS (அட்வான்ஸ்டு டிரைவர் அசிஸ்டன்ஸ் சிஸ்டம்ஸ்) தொழில்நுட்பம் வழங்கப்படும் என எதிர்பார்க்கலாம். ஏற்கனவே தற்போது விற்பனை செய்யப்பட்டு வரும் ஆஸ்டர் மிட் சைஸ் எஸ்யுவி மாடலிலும் இந்த தொழில்நுட்பம் வழங்கப்பட்டு இருக்கிறது. இத்துடன் 12.2 இன்ச் தொடுதிரை வசதி கொண்ட இன்போடெயின்மெண்ட் சிஸ்டம், கனெக்டெட் தொழில்நுட்பம், ஆல் டிஜிட்டல் இன்ஸ்ட்ரூமெண்ட் கிளஸ்டர், 360 டிகிரி கேமரா, பானரோமிக் சன்ரூப், ஆறு ஏர்பேக் உள்ளிட்டவை வழங்கப்பட்டு இருக்கிறது.

இந்திய சந்தையில் தற்போதைய எம்ஜி குளோஸ்டர் மாடலின் விலை ரூ. 31 லட்சத்து 50 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடல் சூப்பர், ஸ்மார்ட், ஷார்ப் மற்றும் சேவி என நான்கு வித வேரியண்ட்களில் கிடைக்கிறது. இந்த மாடலில் 2.0 லிட்டர் டீசல் என்ஜின் வழங்கப்பட்டு இருக்கிறது. இந்த என்ஜின் இருவித டியூனிங்கில் கிடைக்கிறது. இத்துடன் 8 ஸ்பீடு டார்க் கன்வெர்ட்டர் AT மற்றும் ஆல் வீல் டிரைவ் வசதி வழங்கப்பட்டு உள்ளது.

டாடா மோட்டார்ஸ் நிறுவனம் தனது நெக்சான், ஹேரியர் மற்றும் சபாரி போன்ற எஸ்யுவி மாடல்களின் ஜெட் எடிஷனை இந்திய சந்தையில் அறிமுகம் செய்து இருக்கிறது. இந்த ஜெட் எடிஷன் தனது எஸ்யுவிக்களின் மிகவும் பிரீமியம் மாடல்களாக இருக்கும் என டாடா மோட்டார்ஸ் தெரிவித்து உள்ளது.

இதன் காரணமாக தான் எண்ட்ரி லெவல் மைக்ரோ எஸ்யுவி மாடலான பன்ச் ஜெட் எடிஷனில் அறிமுகம் செய்யப்படவில்லை. புதிய நெக்சான் XZ+ ஜெட் எடிஷன் விலை ரூ. 12 லட்சத்து 13 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. டாடா சபாரி XZA+ ஜெட் எடிஷன் விலை ரூ. 22 லட்சத்து 75 ஆயிரம், எக்ஸ்-ஷோரூம் என நிர்ணயம் செய்யப்பட்டு இருக்கிறது.

"இந்திய சந்தையில் முன்னணி எஸ்யுவி விற்பனையாளர் மற்றும் புதிய பிராண்டு கொள்கையின் படி சபாரி, ஹேரியர் மற்றும் நெக்சான் கார்களின் ஜெட் எடிஷனை அறிமுகம் செய்வதில் மகிழ்ச்சி அடைகிறோம். இதன் மூலம் வாடிக்கையாளர்கள் பண்டிகை காலத்தை சிறப்பாக கொண்டாட முடியும்."

"புதிய ஜெட் எடிஷன் அசத்தலான வெளிப்புறம் மற்றும் உள்புற வடிவமைப்புகள் பயனர் விரும்பும் வதையில் மிகவும் வித்தியாசமாகவும், அழகாகவும் இருக்கும்," என டாடா மோட்டார்ஸ் பயணிகள் வாகன பிரிவுக்கான விளம்பரம், விற்பனை மற்றும் வாடிக்கையாளர் சேவை பிரிவு துணை தலைவர் ராஜன் அம்பா தெரிவித்து இருக்கிறார்.

டொயோட்டா நிறுவனம் ஹைரைடர் காம்பேக்ட் எஸ்யுவி மாடல் விலையை அடுத்த வாரம் அறிவிக்க இருக்கிறது. இந்த காருக்கான முன்பதிவு ஏற்கனவே துவங்கி விட்டது. ஹைரைடர் மாடலை வாங்குவோர் பெரும்பாலும் ஸ்டிராங் ஹைப்ரிட் வெர்ஷனையே தேர்வு செய்து வருகின்றனர்.

புதிய ஹைரைடர் மாடலில் 1.5 லிட்டர் பெட்ரோல் என்ஜின் மைல்டு மற்றும் செல்ப் சார்ஜிங் ஸ்டிராங் ஹைப்ரிட் ஆப்ஷன்கள் வழங்கப்படுகிறது. மைல்டு ஹைப்ரிட் பவர்டிரெயின் மாருதி சுசுகி பிரெஸ்ஸா மாடலில் உள்ளதை போன்றே 105 பிஎஸ் பவர் வெளிப்படுத்துகிறது. ஸ்டிராங் ஹைப்ரிட் வெர்ஷன் 116 பிஎஸ் பவர் வெளிப்படுத்தும். இந்த கார் லிட்டருக்கு 27.97 கிலோமீட்டர் மைலேஜ் வழங்குகிறது.

டிரான்ஸ்மிஷனுக்கு மைல்டு ஹைப்ரிட் வெர்ஷனில் 6 ஸ்பீடு மேனுவல் மற்றும் ஆட்டோமேடிக் டிரான்ஸ்மிஷன்கள், ஸ்டிராங் ஹைப்ரிட் வெர்ஷனுக்கு e-CVT ஆப்ஷன் வழங்கப்படுகிறது. மைல்டு ஹைப்ரிட் மேனுவல் வேரியண்ட் உடன் ஆல் வீல் டிரைவ் ஆப்ஷனும் வழங்கப்படுகிறது.

இந்திய சந்தையில் புதிய ஹைரைடர் மாடலின் விலை ரூ. 9 லட்சத்து 50 ஆயிரம், எக்ஸ்-ஷோரூம் வரை துவங்கும் என எதிர்பார்க்கலாம். இதன் எண்ட்ரி லெவல் ஸ்டிராங் ஹைப்ரிட் மாடல் விலை ரூ. 20 லட்சம் வரை நிர்ணயம் செய்யப்படலாம். புதிய ஹைரைடர் மாடல் மாருதி சுசுகி கிராண்ட் விட்டாரா, ஹூண்டாய் கிரெட்டா, கியா செல்டோஸ், எம்ஜி ஆஸ்டர், ஸ்கோடா குஷக் மற்றும் போக்ஸ்வேகன் டைகுன் போன்ற மாடல்களுக்கு போட்டியாக அமைகிறது.