கார்

டாடா மோட்டார்ஸ் நிறுவனம் நெக்சான் EV பிரைம் மற்றும் நெக்சான் EV மேக்ஸ் மாடல்களுக்கு தள்ளுபடி அறிவித்து இருக்கிறது. நெக்சான் EV ஃபேஸ்லிஃப்ட் மாடல் சமீபத்தில் அறிமுகம் செய்யப்பட்ட நிலையில், அதற்கு முந்தைய வெர்ஷன் இன்னும் முழுமையாக விற்றுத்தீரவில்லை என்று தெரிகிறது. அந்த வகையில், இரு மாடல்களுக்கு அதிகபட்சம் ரூ. 2 லட்சத்து 60 ஆயிரம் வரையிலான பலன்கள் வழங்கப்படுகின்றன.

இவை தள்ளுபடி மற்றும் எக்சேன்ஜ் சலுகைகள் வடிவில் வழங்கப்படுகின்றன. இந்த சலுகைகள் டிசம்பர் 31-ம் தேதி அல்லது ஸ்டாக் இருக்கும் வரை வழங்கப்படுகிறது. மேலும் இந்த பலன்கள் ஒவ்வொரு விற்பனையாளரை பொருத்து வேறுபடும்.

இந்திய சந்தையில் டாடா நெக்சான் EV பிரைம் மாடலின் விலை ரூ. 14 லட்சத்து 49 ஆயிரம் என துவங்கி அதிகபட்சம் ரூ. 17.5 லட்சம் என்று நிர்ணயம் செய்யப்பட்டு இருந்தது. இந்த மாடல் ரூ. 1 லட்சத்து 40 ஆயிரம் தள்ளுபடியுடன் விற்பனை செய்யப்படும்.

இந்தியாவில் டாடா நெக்சான் EV மேக்ஸ் மாடலின் விலை ரூ. 16 லட்சத்து 49 ஆயிரம் என துவங்கி அதிகபட்சம் ரூ. 20 லட்சத்து 04 ஆயிரம் என்று நிர்ணயம் செய்யப்பட்டு இருந்தது. இந்த மாடல் தற்போது ரூ. 2 லட்சத்து 10 ஆயிரம் தள்ளுபடியுடன் விற்பனை செய்யப்படுகிறது. இரு மாடல்களுடன் அதிகபட்சம் ரூ. 50 ஆயிரம் வரையிலான எக்சேன்ஜ் பலன்கள் வழங்கப்படுகின்றன.

டாடா நெக்சான் EV மேக்ஸ் மாடலில் உள்ள எலெக்ட்ரிக் மோட்டார் 141 ஹெச்.பி. திறன் வெளிப்படுத்துகிறது. இந்த கார் மணிக்கு 100 கிலோமீட்டர் வேகத்தை 9 நொடிகளில் எட்டிவிடும். இத்துடன் 40.5 கிலோவாட் ஹவர் பேட்டரி பேக் வழங்கப்படுகிறது. இந்த கார் முழு சார்ஜ் செய்தால் 437 கிலோமீட்டர்கள் வரை செல்லும்.

நெக்சான் EV பிரைம் மாடலில் உள்ள மோட்டார் 127 ஹெச்.பி. பவர் வெளிப்படுத்துகிறது. இதில் உள்ள 30.2 கிலோவாட் ஹவர் பேட்டரியை முழுமையாக சார்ஜ் செய்தால் அதிகபட்சம் 312 கிலோமீட்டர்கள் வரை பயணிக்க முடியும்.

நிசான் இந்தியா நிறுவனம் 2025 ஆண்டு மிட்சைஸ் எஸ்.யு.வி. பிரிவில் களமிறங்க இருப்பதாக தகவல்கள் வெளியாகி உள்ளன. இதற்கு முன் நிசான் நிறுவனம் தனது மேக்னைட் மாடலை முடிந்த அளவுக்கு மேம்படுத்த இருப்பதாக கூறப்படுகிறது. இதன் மூலம் இந்தியாவில் நிசான் நிறுவனத்தின் சி செக்மண்ட் எஸ்.யு.வி. அறிமுகமாகும் வரை காம்பேக்ட் எஸ்.யு.வி. பிரிவில் கவனம் செலுத்த நிசான் முடிவு செய்துள்ளது.

அந்த வகையில், நிசான் நிறுவனம் மேக்னைட் மாடலின் ஃபேஸ்லிஃப்ட் வெர்ஷனை உருவாக்கி வருவதாக தெரிகிறது. இந்த கார் அடுத்த ஆண்டு மத்தியில் அறிமுகம் செய்யப்படலாம். இந்தியாவில் இருந்து வெளிநாட்டு வியாபாரத்தை கட்டமைக்கும் நோக்கில் நிசான் நிறுவனம் மேக்னைட் மாடலை மெக்சிகோ, ஆப்பிரிக்கா, மத்திய கிழக்கு மற்றும் லத்தீன் அமெரிக்கா போன்ற நாடுகளுக்கு ஏற்றுமதி செய்ய இருக்கிறது.

தனியார் செய்தி நிறுவனத்திற்கு பேட்டியளித்த நிசான் மோட்டார் கார்ப்பரேஷன் நிறுவனத்தின் மூத்த அலுவலர் ஃபிரான்கோ பெய்லி, "மேக்னைட் எஸ்.யு.வி. மாடலுக்கு நல்ல வரவேற்பு கிடைத்துள்ளது. உலகம் முழுக்க பல்வேறு சந்தைகளில் இந்த மாடலுக்கு தட்டுப்பாடு ஏற்பட்டுள்ளது. உள்நாடு மட்டுமின்றி தென் ஆப்பிரிக்காவிலும் மேக்னைட் மாடல் அமோக வெற்றி பெற்று இருக்கிறது," என தெரிவித்தார்.

தொடர்ந்து பேசிய அவர், "இந்த மாடலுக்கு வரவேற்பு இருக்கும் வரை அதனை மேலும் பல நாடுகளுக்கு ஏற்றுமதி செய்யும் வகையில் வளர்ச்சியடைவோம். தற்போதைக்கு இந்த காரின் வலதுபுற ஸ்டீரிங் கொண்ட வெர்ஷன் மட்டுமே உள்ளது. ஆனால் இடதுகை ஸ்டீரிங் கொண்ட மாடல் ஆப்பிரிக்கா, மத்திய கிழக்கு, லத்தீன் அமெரிக்கா, மெக்சிகோ போன்ற சந்தைகளில் இந்த காரை கொண்டுசெல்ல உதவும். இந்த கார் அந்த சந்தைகளுக்கு ஏற்ற மாடலாகவும் இருக்கும்," என்று தெரிவித்து உள்ளார்.

ஜீப் இந்தியா நிறுவனம் தனது எஸ்.யு.வி. மாடல்களுக்கு சிறப்பு சலுகைகள் மற்றும் தள்ளுபடி போன்ற பலன்களை அறிவித்து இருக்கிறது. இந்திய சந்தையில் காம்பஸ், மெரிடியன், ராங்ளர் மற்றும் கிராண்ட் செரோக்கி போன்ற மாடல்களை ஜீப் இந்தியா நிறுவனம் விற்பனை செய்து வருகிறது. அந்த வகையில், காம்பஸ் மாடலுக்கு ரூ. 15 ஆயிரம் வரையிலான சிறப்பு பலன்கள் வழங்கப்படுகிறது.

மெரிடியன் ஓவர்லேண்ட் மாடலுக்கு ரூ. 30 ஆயிரம் வரையிலான பலன்கள் வழங்கப்படுகின்றன. ஜீப் காம்பஸ் 4x4 மாடலுக்கு ரூ. 1 லட்சத்து 65 ஆயிரம் வரையிலான பலன்கள் வழங்கப்படுகிறது. இதில் எக்சேன்ஜ் போனஸ், கார்ப்பரேட் தள்ளுபடி மற்றும் லாயல்டி போனஸ் உள்ளிட்டவை அடங்கும். இந்த காரை மாதம் ரூ. 19 ஆயிரத்து 999 தவணையில் வாங்கிட முடியும்.

ஜீப் மெரிடியன் ஓவர்லேண்ட் மாடலுக்கு அதிகபட்சம் ரூ. 4 லட்சம் வரையிலான பலன்கள் வழங்கப்படுகின்றன. இத்துடன் ரூ. 25 ஆயிரம் வரை எக்சேன்ஜ் போனஸ் வழங்கப்படுகிறது. இந்த மாதத்தில் ஜீப் மாடல்களை வாங்குவோருக்கு ரூ. 11 லட்சத்து 85 ஆயிரம் மதிப்புள்ள பலன்களும், ஜீப் வேவ் எக்ஸ்குலூசிவ் ஓனர்ஷிப் திட்டத்திற்கான சந்தா வழங்கப்படுகிறது.

ஜீப் காம்பஸ் மாடலுக்கு அதிகபட்சம் ரூ. 1 லட்சத்து 65 ஆயிரமும், மெரிடியன் மாடலுக்கு ரூ. 4 லட்சம் வரையிலான சலுகையும், கிராண்ட் செரோக்கி மாடலுக்கு ரூ. 11 லட்சத்து 85 ஆயிரம் வரையிலான பலன்களும் வழங்கப்படுகிறது. இந்த சலுகைகள் இந்த மாத இறுதி அல்லது ஸ்டாக் இருக்கும் வரை வழங்கப்படுகிறது. 

ரெனால்ட் இந்தியா நிறுவனம் தனது கார் மாடல்களுக்கு டிசம்பர் மாதத்திற்கான சிறப்பு சலுகை விவரங்களை அறிவித்து இருக்கிறது. இந்த அறிவிப்பின் படி ரெனால்ட் நிறுவனத்தின் க்விட், டிரைபர் மற்றும் கைகர் மாடல்களுக்கு தள்ளுபடி, எக்சேன்ஜ் போனஸ் மற்றும் லாயல்டி பலன்கள் வடிவில் ஏராளமான சலுகைகள் வழங்கப்படுகின்றன.

இந்த சலுகைகள் இம்மாத இறுதி அல்லது ஸ்டாக் இருக்கும் வரை வழங்கப்படும். ரெனால்ட் கைகர் மாடலுக்கு ரூ. 65 ஆயிரம் வரையிலான பலன்கள் வழங்கப்படுகிறது. இதில் தள்ளுபடியாக ரூ. 25 ஆயிரம், எக்சேன்ஜ் போனஸ் ரூ. 20 ஆயிரம் வரை வழங்கப்படுகிறது. இந்த சலுகைகள் கார் வேரியண்டிற்கு ஏற்ப வேறுபடும்.

2023 ரெனால்ட் கைகர் மாடலுக்கு ரூ. 12 ஆயிரம் வரை கார்ப்பரேட் தள்ளுபடி, ஊரக பகுதிகளில் உள்ள வாடிக்கையாளர்களுக்கு ரூ. 5 ஆயிரம் வரையிலான தள்ளுபடி வழங்கப்படுகிறது. பழைய வாகனங்களை ஸ்கிராப் செய்யும் வாடிக்கையாளர்களுக்கு ரூ. 10 ஆயிரம் தள்ளுபடி வழங்கப்படுகிறது.

ரெனால்ட் க்விட் மற்றும் டிரைபர் மாடல்களுக்கு ரூ. 50 ஆயிரம் வரை தள்ளுபடி வழங்கப்படுகிறது. இந்த காரின் தேர்வு செய்யப்பட்ட வேரியண்ட்களுக்கு ரூ. 20 ஆயிரம் வரை தள்ளுபடி, ரூ. 20 ஆயிரம் வரை எக்சேன்ஜ் பலன்கள் வழங்கப்படுகிறது. இத்துடன் லாயல்டி பலன்களாக இரு மாடல்களுக்கும் ரூ. 10 ஆயிரம் வரையிலான தள்ளுபடி வழங்கப்படுகிறது.

க்விட் மற்றும் டிரைபர் மாடலை வாங்கும் கார்ப்பரேட் வாடிக்கையாளர்களுக்கு ரூ. 12 ஆயிரம் வரையிலான தள்ளுபடி வழங்கப்படுகிறது. க்விட் RXE மற்றும் அர்பன் நைட் எடிஷன் வேரியண்ட்களுக்கு லாயல்டி மற்றும் எக்சேன்ஜ் போனஸ் மட்டுமே வழங்கப்படுகிறது.

மேலே குறிப்பிடப்பட்டு இருக்கும் சலுகைகள் வாடிக்கையாளர் வசிக்கும் பகுதி, கார் மாடல், வேரியண்ட், நிறம், விற்பனை மையம் மற்றும் வாகனங்கள் இருப்புக்கு ஏற்றார்போல் வேறுபடும்.

டாடா மோட்டார்ஸ் நிறுவன விற்பனையாளர்கள் கார் மாடல்களுக்கு அதிகபட்சம் ரூ. 1 லட்சத்து 50 ஆயிரம் வரையிலான பலன்களை அறிவித்துள்ளனர். இவை தள்ளுபடி, எக்சேன்ஜ் போனஸ் மற்றும் கார்ப்பரேட் தள்ளுபடி வடிவில் வழங்கப்படுகின்றன. டாடா நிறுவனத்தின் எலெக்ட்ரிக் வாகனங்கள், பன்ச் மற்றும் சமீபத்தில் அறிமுகமான ஃபேஸ்லிஃப்ட் செய்யப்பட்ட நெக்சான், ஹேரியர் மற்றும் சஃபாரி மாடல்களுக்கு மட்டும் இந்த சலுகைகள் எதுவும் பொருந்தாது.

டாடா நிறுவனத்தின் ஃபுல் சைஸ் எஸ்.யு.வி. மாடல் ஹேரியர் வாங்குவோருக்கு ரூ. 1 லட்சத்து 50 ஆயிரம் வரையிலான பலன்கள் வழங்கப்படுகின்றன. டாடா ஹேரியர் மாடல் 2.0 லிட்டர் டீசல் என்ஜின் கொண்டிருக்கிறது. இந்த என்ஜின் 170 ஹெச்.பி. பவர் வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல், 6 ஸ்பீடு ஆட்டோமேடிக் கியர்பாக்ஸ் வழங்கப்படுகிறது.

இந்திய சந்தையில் டாடா ஹேரியர் மாடல் மஹிந்திரா XUV700, எம்.ஜி. ஹெக்டார் மற்றும் ஜீப் காம்பஸ் போன்ற மாடல்களுக்கு போட்டியாக அமைகிறது. டாடா சஃபாரி மாடலுக்கும் ரூ. 1.50 லட்சம் வரையிலான சலுகை வழங்கப்படுகிறது. 5 சீட்டர் வேரியண்ட் என்பதோடு, இந்த மாடலின் திறன் மற்றும் பவர்டிரெயின் உள்ளிட்டவை ஹேரியர் மாடலில் உள்ளதை போன்றே வழங்கப்பட்டு இருக்கிறது.

டாடா டிகோர் மாடலை வாங்குவோருக்கு ரூ. 65 வரையிலான சலுகைகள் வழங்கப்படுகிறது. இதன் CNG மாடலுக்கு மட்டும் ரூ. 55 ஆயிரம் வரையிலான பலன்கள் வழங்கப்படுகிறது. இந்த கார் ஹோண்டா அமேஸ், மாருதி சுசுகி டிசையர் மற்றும் ஹூண்டாய் ஆரா போன்ற மாடல்களுக்கு போட்டியாக அமைகிறது. டாடா டியாகோ மாடலுக்கு ரூ. 60 ஆயிரம் வரையிலான சலுகைகள் வழங்கப்படுகின்றன. இந்த கார் மாருதி சுசுகி ஸ்விஃப்ட் மற்றும் ஹூண்டாய் கிராண்ட் i10 நியோஸ் மாடலுக்கு போட்டியாக அமைகிறது.

பிரீமியம் ஹேச்பேக் மாடலான டாடா அல்ட்ரோஸ் ரூ. 45 ஆயிரம் வரையிலான சலுகைகளுடன் விற்பனைக்கு கிடைக்கிறது. இந்த கார் பெட்ரோல், டீசல் மற்றும் CNG என மூன்றுவித எரிபொருள் ஆப்ஷன்களில் விற்பனை செய்யப்படுகிறது. இவை 1.2 லிட்டர் பெட்ரோல், 1.5 லிட்டர் டீசல் மற்றும் 1.2 லிட்டர் டர்போ பெட்ரோல் என்ஜின் ஆகும். இவற்றுடன் 5 ஸ்பீடு மேனுவல் டிரான்ஸ்மிஷன், 6 ஸ்பீடு டூயல் கிளட்ச் ஆட்டோமேடிக் கியர்பாக்ஸ் ஆப்ஷனாக வழங்கப்படுகிறது.

மஹிந்திரா நிறுவனம் தனது கார் மாடல்களின் விலையை உயர்த்துவதாக அறிவித்து இருக்கிறது. அதன்படி மஹிந்திரா எஸ்.யு.வி. மாடல்கள் விலை அடுத்த ஆண்டு ஜனவரி மாதம் முதல் அதிகரிக்கப்படுகிறது. எந்தெந்த மாடல்களுக்கு எவ்வளவு விலை உயர்த்தப்படும் என்ற தகவல்கள் பின்னர் அறிவிக்கப்படும்.

பணவீக்கம் காரணமாக உதிரி பாகங்கள் விலை உயர்ந்துள்ளதே விலை உயர்வுக்கு காரணம் என்று தெரிகிறது. பணவீக்க சூழலிலும் முடிந்தவரை விலையை கட்டுப்படுத்த முயற்சித்ததாகவும், வேறு வழியின்றிதான் கார்களின் விலையை உயர்த்தும் முடிவை எடுத்ததாக மஹிந்திரா நிறுவனம் தெரிவித்துள்ளது.

இந்த அறிவிப்பு மூலம் இந்தியாவில் தனது வாகனங்கள் விலையை உயர்த்தும் புதிய நிறுவனமாக மஹிந்திரா இணைந்துள்ளது. முன்னதாக மாருதி சுசுகி, ஹூண்டாய், எம்.ஜி. மோட்டார்ஸ், ஆடி மற்றும் டாடா மோட்டார்ஸ் போன்ற நிறுவனங்கள் தங்களது வாகனங்கள் விலை அடுத்த மாதத்தில் இருந்து உயர்த்தப்படும் என அறிவித்தன.

ஹூண்டாய் நிறுவனம் தனது கார் மாடல்களுக்கு அசத்தல் சலுகை மற்றும் தள்ளுபடி உள்ளிட்ட பலன்களை அறிவித்து இருக்கிறது. அந்த வகையில் ஹூண்டாய் கார் வாங்குவோருக்கு அதிகபட்சம் ரூ. 1.5 லட்சம் வரையிலான தள்ளுபடி வழங்கப்படுகிறது. இவை தள்ளுபடி, எக்சேன்ஜ் சலுகை மற்றும் கார்ப்பரேட் பலன்கள் வடிவில் வழங்கப்படுகிறது.

அதன்படி ஹூண்டாய் ஆரா மாடலுக்கு அதிகபட்சம் ரூ. 33 ஆயிரம் வரையிலான பலன்கள் வழங்கப்படுகிறது. ஆரா CNG மாடல்களுக்கு ரூ. 33 ஆயிரமும், பெட்ரோல் வேரியண்ட்களுக்கு ரூ. 23 ஆயிரம் வரையிலான பலன்களும் வழங்கப்படுகின்றன. அதன்படி இந்திய சந்தையில் இதன் விலை ரூ. 6 லட்சத்து 44 ஆயிரம் என துவங்குகிறது. இதன் டாப் எண்ட் மாடல் விலை ரூ. 9 லட்சம் என்று நிர்ணயம் செய்யப்பட்டு உள்ளது.

ஹூண்டாய் அல்கசார் மாடலுக்கு ரூ. 35 ஆயிரம் வரையிலான பலன்கள் வழங்கப்படுகின்றன. இதன் டீசல் வேரியண்ட்களுக்கு ரூ. 20 ஆயிரம் வரையிலான பலன்கள் வழங்கப்படுகின்றன. இந்த கார் 1.5 லிட்டர் டர்போ பெட்ரோல் என்ஜின் மற்றும் 1.5 லிட்டர் டீசல் என்ஜின் என இருவித ஆப்ஷன்களில் கிடைக்கிறது. இதன் விலை ரூ. 16 லட்சத்து 77 ஆயிரம் என துவங்கி அதிகபட்சம் ரூ. 21 லட்சத்து 13 ஆயிரம் என்று நிர்ணயம் செய்யப்பட்டு உள்ளது.

ஹூண்டாய் வெர்னா மாடலுக்கு ரூ. 45 ஆயிரம் வரையிலான பலன்கள் வழங்கப்படுகின்றன. கிராண்ட் i10 நியோஸ் மாடலுக்கு ரூ. 48 ஆயிரமும், ஹூண்டாய் i20 மாடலுக்கு ரூ. 20 ஆயிரம் வரையிலான பலன்கள் வழங்கப்படுகின்றன. ஹூண்டாய் டக்சன் மாடலுக்கு ரூ. 1 லட்சத்து 50 ஆயிரம் வரையிலான பலன்கள் வழங்கப்படுகின்றன. எனினும், இது டீசல் வேரியண்ட்களுக்கு மட்டுமே பொருந்தும். 

கியா இந்தியா நிறுவனம் தனது சொனெட் ஃபேஸ்லிஃப்ட் மாடலை டிசம்பர் 14-ம் தேதி சர்வதேச சந்தையில் அறிமுகம் செய்கிறது. இந்த கார் அடுத்த ஆண்டு துவக்கத்தில் இந்திய சந்தையில் விற்பனைக்கு வரும் என்று எதிர்பார்க்கலாம். முன்னதாக 2020 வாக்கில் அறிமுகம் செய்யப்பட்ட சொனெட் காம்பேக்ட் எஸ்.யு.வி. மாடல் தற்போது மூன்று ஆண்டுகளாக மிகப்பெரிய அப்கிரேடுகள் இன்றி விற்பனை செய்யப்படுகிறது.

இந்த ஃபேஸ்லிஃப்ட் மாடலின் உள்புறம் மற்றும் வெளிப்புறத்தில் குறிப்பிடத்தக்க மாற்றங்கள் மேற்கொள்ளப்பட்டு இருக்கிறது. அறிமுகமானதும் இந்த கார் சமீபத்தில் ஃபேஸ்லிஃப்ட் செய்யப்பட்ட டாடா நெக்சான், ஹூண்டாய் வென்யூ போன்ற மாடல்களுக்கு போட்டியாக அமையும். வெளிப்புறம் மற்றும் உள்புற மாற்றங்கள் தவிர 2024 கியா சொனெட் மாடலில் வேறு எந்த மாற்றமும் மேற்கொள்ளப்படாது என தெரிகிறது.

புதிய கியா சொனெட் ஃபேஸ்லிஃப்ட் மாடலின் முன்புறம் மாற்றப்பட்டு புதிய எல்.இ.டி. ஹெட்லேம்ப்கள், எல்.இ.டி. டி.ஆர்.எல்.கள் வழங்கப்படுகின்றன. இத்துடன் மேம்பட்ட பம்ப்பர் வழங்கப்படுகிறது. மேலும் புதிய டிசைன் கொண்ட அலாய் வீல்கள், ராப்-அரவுண்ட் எல்.இ.டி. டெயில் லேம்ப்கள் வழங்கப்படுகின்றன. 2024 சொனெட் மாடல் முற்றிலும் புதிய நிறங்களில் அறிமுகம் செய்யப்படும் என்று தெரிகிறது.

கியா இந்தியா நிறுவனம் தனது செல்டோஸ் காரின் தேர்வு செய்யப்பட்ட வேரியண்ட்களுக்கு விலை குறைப்பை அறிவித்து இருக்கிறது. அதன்படி செல்டோஸ் காருக்கு முதல்முறையாக விலை மாற்றம் செய்யப்படுகிறது. செல்டோஸ் மிட்-சைஸ் எஸ்.யு.வி.-யின் விலை குறைப்பு உடனடியாக அமலுக்கு வந்துள்ளது.

கியா செல்டோஸ் 1.5 பெட்ரோல் MT HTX, 1.5 டர்போ பெட்ரோல் iMT HTX+, 1.5 டர்போ பெட்ரோல் DCT GTX+ (S), 1.5 லிட்டர் டர்போ பெட்ரோல் DCT GTX+, 1.5 லிட்டர் டீசல் iMT HTX+, மற்றும் 1.5 லிட்டர் டீசல் AT GTX+ (S) போன்ற வேரியண்ட்களின் விலையில் ரூ. 2 ஆயிரம் குறைக்கப்பட்டு இருக்கிறது. மற்ற வேரியண்ட்களின் விலையில் எந்த மாற்றமும் மேற்கொள்ளப்படவில்லை.

இந்திய சந்தையில் கியா செல்டோஸ் மாடல் 1.5 லிட்டர் NA பெட்ரோல் மோட்டார், 1.5 லிட்டர் டீசல் மற்றும் 1.5 லிட்டர் டர்போ பெட்ரோல் என மூன்றுவித என்ஜின் ஆப்ஷன்களில் கிடைக்கிறது. இத்துடன் 11 நிறங்கள் மற்றும் ஏழு வேரியண்ட்களில் கியா செல்டோஸ் மாடல் விற்பனை செய்யப்படுகிறது.

இதன் விலை ரூ. 10 லட்சத்து 90 ஆயிரம் என்று துவங்குகிறது. இதன் டாப் எண்ட் மாடலின் விலை ரூ. 20 லட்சத்து 30 ஆயிரம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

மசிராட்டி நிறுவனம் தனது கிரிகேல் எஸ்.யு.வி.-யை இந்திய சந்தையில் அறிமுகம் செய்வதை உறுதிப்படுத்தி இருக்கிறது. மேலும் மசிராட்டி கிரிகேல் எஸ்.யு.வி. மாடலுக்கான முன்பதிவு இந்த ஆண்டு இறுதியில் துவங்கும் என்று அறிவித்துள்ளது. சர்வதேச சந்தையில் கடந்த ஆண்டு மார்ச் மாத வாக்கில் அறிமுகம் செய்யப்பட்ட கிரிகேல் எஸ்.யு.வி. அடுத்த ஆண்டு இந்தியாவில் அறிமுகமாகிறது.

சர்வதேச சந்தையில் ஜி.டி., மோடெனா மற்றும் டிரோஃபியோ என மூன்று வேரியண்ட்களில் கிடைக்கும் கிரிகேல் எஸ்.யு.வி. மசிராட்டி நிறுவனத்தின் எண்ட்ரி லெவல் மாடல் ஆகும். இந்த மூன்று வேரியண்ட்களும் இந்தியாவில் விற்பனைக்கு வரும் என்று தெரிகிறது. கிரிகேல் எஸ்.யு.வி. மாடல் ஃபோல்கோர் என்ற பெயரில் எலெக்ட்ரிக் வெர்ஷனிலும் விற்பனை செய்யப்படுகிறது.

கிரிகேல் எஸ்.யு.வி. மாடலின் மோடெனா வேரியண்டில் டுவின் டர்போ சார்ஜ் செய்யப்பட்ட 2.0 லிட்டர் மைல்டு ஹைப்ரிட் பெட்ரோல் என்ஜின், ட்ரோஃபியோ வேரியண்டில் 3.0 லிட்டர் நெட்டுனோ வி6 என்ஜின், ஜி.டி. வேரியண்டில் 2.0 லிட்டர் நான்கு சிலிண்டர்கள் கொண்ட என்ஜின் வழங்கப்பட்டு இருக்கிறது. இவற்றுடன் 8 ஸ்பீடு ZF ஆட்டோமேடிக் கியர்பாக்ஸ் வழங்கப்படுகிறது.

சிட்ரோயன் நிறுவனம் இந்திய சந்தையில் தனது கார் மாடல்கள் விற்பனையை அதிகப்படுத்தும் நோக்கில், சிறப்பு சலுகைகளை அறிவித்து இருந்தது. தற்போது சலுகைகளின் பலன்களை அதிகபட்சமாக ரூ. 1.5 லட்சம் வரை உயர்த்தி இருக்கிறது.

சிட்ரோயன் C3 மற்றும் C3 ஏர்கிராஸ் மாடல்களுக்கான சலுகைகளை ஏற்கனவே அறிவிக்கப்பட்டதை விட தற்போது ரூ. 50 ஆயிரம் உயர்த்தப்பட்டு இருக்கிறது. இத்துடன் 5 ஆண்டுகளுக்கு நீட்டிக்கப்பட்ட வாரண்டி இலவசமாக வழங்கப்படுகிறது. இந்த சலுகைகள் டிசம்பர் 31-ம் தேதி வரை வழங்கப்படும்.

சிட்ரோயன் C5 ஏர்கிராஸ் மாடலுக்கு ரூ. 2 லட்சம் வரையிலான சலுகைகள் வழங்கப்படுகிறது. இந்த சலுகை நவம்பர் 30-ம் வரை வழங்கப்படுகிறது. இந்திய சந்தையில் சிட்ரோயன் C5 ஏர்கிராஸ் மாடல் ஹூண்டாய் டக்சன், ஸ்கோடா கோடியக் மற்றும் வோக்ஸ்வேகன் டிகுவான் போன்ற மாடல்களுக்கு போட்டியாக அமைகின்றன.

சிட்ரோயன் C3 மற்றும் C3 ஏர்கிராஸ் மாடல்களுக்கு ரூ. 1.5 லட்சம் வரையிலான தள்ளுபடி வழங்கப்படுகிறது. சிட்ரோயன் C3 மாடல் 1.2 லிட்டர் பெட்ரோல் மற்றும் 1.2 லிட்டர் டர்போ பெட்ரோல் என இருவித என்ஜின் ஆப்ஷன்களில் கிடைக்கிறது. 

டொயோட்டா நிறுவனம் தனது இன்னோவா ஹைகிராஸ் மாடலின் புதிய லிமிடெட் எடிஷன் மாடலை அறிமுகம் செய்து இருக்கிறது. புதிய லிமிடெட் எடிஷன் மாடல் GX வேரியண்டை தழுவி உருவாக்கப்பட்டு இருக்கிறது. புதிய லிமிடெட் எடிஷன் மாடலின் விலை ரூ. 20 லட்சத்து 07 ஆயிரம் என துவங்குகிறது. இதன் டாப் எண்ட் மாடல் விலை ரூ. 20 லட்சத்து 22 ஆயிரம், எக்ஸ் ஷோரூம் என்று நிர்ணயம் செய்யப்பட்டு உள்ளது.

இது இன்னோவா ஹைகிராஸ் ஸ்டாண்டர்டு GX வேரியண்டை விட ரூ. 40 ஆயிரம் அதிகம் ஆகும். கூடுதல் விலை காரணமாக இந்த மாடலின் வெளிப்புறம் மற்றும் உள்புறத்தில் காஸ்மடிக் மாற்றங்கள் செய்யப்பட்டு உள்ளன. அதன்படி கிரில் பகுதியில் க்ரோம் ஃபினிஷ் செய்யப்பட்டது. இத்துடன் பிளாட்டினம் வைட் நிற ஃபினிஷ் செய்யப்பட்டது.

உள்புறம் டேஷ்போர்டில் சாஃப்ட்டச், செஸ்ட்நட் பிரவுன் ஃபினிஷ், டோர் ட்ரிம்களில் பிளாக் நிற பிளாஸ்டிக் வழங்கப்பட்டுள்ளது. இன்னோவா ஹைகிராஸ் GX லிமிடெட் எடிஷன் மாடல் 7 மற்றும் 8 பேர் அமரக்கூடிய இருக்கை அமைப்புகளில் கிடைக்கிறது. இந்த வேரியண்ட் 2.0 லிட்டர், NA பெட்ரோல் என்ஜின் ஆப்ஷனில் மட்டுமே கிடைக்கிறது. இத்துடன் CVT கியர்பாக்ஸ் வழங்கப்படுகிறது.

இதில் உள்ள என்ஜின் 172 ஹெச்.பி. பவர், 205 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. ஹைப்ரிட் வசதி இல்லாத மாடலையும் வாடிக்கையாளர்கள் வாங்க வேண்டும் என்பதற்காக டொயோட்டா புதிய லிமிடெட் எடிஷன் மாடலை அறிமுகம் செய்து இருக்கிறது. இந்த மாடல் டிசம்பர் மாத இறுதி அல்லது ஸ்டாக் இருக்கும் வரை மட்டுமே விற்பனை செய்யப்படும் என்றும் கூறப்படுகிறது.