பைக்

டிவிஎஸ் மோட்டார் நிறுவனத்தின் முற்றிலும் புதிய நியோ-ரெட்ரோ மோட்டார்சைக்கிள் மாடல் இந்திய சந்தையில் அறிமுகம் செய்யப்பட்டு இருக்கிறது. புதிய ரோனின் மாடல் இந்த பிரிவில் மிகவும் தாமதமாக எண்ட்ரி கொடுத்து இருக்கிறது. புதிய டிவிஎஸ் ரோனின் பற்றி நீங்கள் தெரிந்து கொள்ள வேண்டிய விவரங்களை தொடர்ந்து பார்ப்போம்.

என்ஜின் விவரங்கள்: புதிய ரோனின் மாடலில் உள்ள என்ஜின் குறைந்த மற்றும் மிட்-ரேன்ஜ் டார்க் வெளிப்படுத்துகிறது. இந்த ஏர் மற்றும் ஆயில் கூல்டு 225.9சிசி என்ஜின் 20 ஹெச்.பி. பவர், 19.93 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டு இருக்கிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது. இந்த மாடல் மணி்க்கு 120 கிமீ வேரத்தில் செல்லும் திறன் கொண்டுள்ளது.

சேசிஸ் மற்றும் விவரங்கள்: டிவிஎஸ் ரோனின் மாடலில் டபுள்-கிராடில் பிரேம் மற்றும் அட்ஜஸ்ட் செய்யும் வசதியில்லா 41 மில்லிமீட்டர் ஷோவா பிக் பிஸ்டன் ஃபோர்க், கியாஸ் சார்ஜ் செய்யப்பட்ட மோனோ ஷாக் யூனிட் வழங்கப்பட்டு இருக்கிறது. இந்த மாடலின் மொத்த எடை 160 கிலோ ஆகும். இதன் சிங்கில் சேனல் ஏபிஎஸ் மாடல் 159 கிலோ எடை கொண்டுள்ளது. இதில் 14 லிட்டர் பியூவல் டேன்க் உள்ளது.

இதர அம்சங்கள்: புதிய ரோனின் மாடலில் வட்ட வடிவம் கொண்ட ஹெட்லைட், டி.ஆர்.எல்., இன்ஸ்ட்ரூமெண்ட் கிளஸ்டர், டியர் டிராப் வடிவ பியூவல் டேன்க், பிளாக் நிற என்ஜின் கவுல், சிங்கில்-பீஸ் சாடில், சைடு ஸ்லங் எக்சாஸ்ட், டூயல் டோன் ஃபினிஷ் செய்யப்பட்டு உள்ளது. இத்துடன் முழு எல்இடி லைட்டிங், ப்ளூடூத் வசதி கொண்ட இன்ஸ்ட்ரூமெண்ட் கிளஸ்டர், இரு சக்கரங்களிலும் டிஸ்க் பிரேக், டூயல் சேனல் ஏ.பி.எஸ். உள்ளிட்டவை வழங்கப்பட்டு இருக்கிறது.

ஹீரோ மோட்டோகார்ப் நிறுவனத்தின் ஸ்கூட்டர் மாடல்கள் விலை உயர்த்தப்பட்டு உள்ளது. விலை உயர்வில் ஹீரோ பிளெஷர் பிளஸ், மேஸ்ட்ரோ எட்ஜ் 110, மேஸ்ட்ரோ எட்ஜ் 125, டெஸ்டினி 125 மற்றும் டெஸ்டினி 125 XTEC போன்ற மாடல்கள் பாதிக்கப்பட்டு உள்ளன. விலை உயர்வு தவிர ஸ்கூட்டர்களில் எந்த மாற்றமும் மேற்கொள்ளப்படவில்லை.

புதிய விலை விவரம்:

பிளெஷர் பிளஸ் ஷீட் மெட்டல் வீல் ரூ. 64 ஆயிரத்து 548

பிளெஷர் பிளஸ் கேஸ்ட் வீல் ரூ. 66 ஆயிரத்து 948

பிளெஷர் பிளஸ் XTEC டிரம் ரூ. 73 ஆயிரத்து 400

பிளெஷர் பிளஸ் XTEC டிரம் ஜூபிலண்ட் எல்லோ ரூ. 75 ஆயிரம்

மேஸ்ட்ரோ எட்ஜ் 110 ZX டிரம் ரூ. 66 ஆயிரத்து 820

மேஸ்ட்ரோ எட்ஜ் 110 ZX டிஸ்க் ரூ. 73 ஆயிரத்து 489

மேஸ்ட்ரோ எட்ஜ் 125 டிரம் ரூ. 76 ஆயிரத்து 878

மேஸ்ட்ரோ எட்ஜ் 125 டிஸ்க் ரூ. 81 ஆயிரத்து 328

மேஸ்ட்ரோ எட்ஜ் 125 டிஸ்க் ப்ரிஸ்மேடிக் ரூ. 81 ஆயிரத்து 748

மேஸ்ட்ரோ எட்ஜ் 125 கனெக்டெட் ரூ. 85 ஆயிரத்து 748

டெஸ்டினி 125 LX ரூ. 70 ஆயிரத்து 950

டெஸ்டினி 125 VX ரூ. 75 ஆிரத்து 250

டெஸ்டினி 125 100 மில்லியன் ரூ. 76 ஆயிரத்து 800

டெஸ்டினி 125 பிளாட்டினம் ரூ. 77 ஆயிரத்து 200

டெஸ்டினி 125 XTEC STD ரூ. 70 ஆயிரத்து 290

டெஸ்டினி 125 XTEC LX ரூ. 75 ஆயிரத்து 500

டெஸ்டினி XTEC அலாய் வீல் ரூ. 81 ஆயிரத்து 990

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

தற்போதைய சூழலில் பெரும்பாலான ஆட்டோமொபைல் நிறுவனங்களும் தங்களின் வாகன விலையை உயர்த்தும் நடவடிக்கைகளில் ஈடுபட்டு வருகின்றன. உற்பத்தி செலவீனங்கள் தொடர்ந்து அதிகரித்து வருவதையே பல நிறுவனங்களும் விலை உயர்வுக்கான காரணமாக தெரிவித்து வருகின்றன.

டிவிஎஸ் மோட்டார் கம்பெனி நிறுவனம் இந்திய சந்தையில் புதிய ரோனின் மோட்டார்சைக்கிளை அறிமுகம் செய்தது. இதன் துவக்க விலை ரூ. 1 லட்சத்து 49 ஆயிரம் ஆகும். இந்த மோட்டார்சைக்கிள் இந்தியாவில் மூன்று வேரியண்ட்களில் விற்பனை செய்யப்படுகிறது.

விலை விவரங்கள்:

டிவிஎஸ் ரோனின் சிங்கில் டோன் ரூ. 1 லட்சத்து 49 ஆயிரம்

டிவிஎஸ் ரோனின் டூயல் டோன் ரூ. 1 லட்சத்து 55 ஆயிரத்து 500

டிவிஎஸ் ரோனின் ட்ரிபில் டோன் ரூ. 1 லட்சத்து 68 ஆயிரத்து 750

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய டிவிஎஸ் மோட்டார்சைக்கிள் ஸ்கிராம்ப்ளர் ரக மாடல் ஆகும். இதில் வட்ட வடிவம் கொண்ட ஹெட்லைட், டி.ஆர்.எல்., இன்ஸ்ட்ரூமெண்ட் கிளஸ்டர், டியர் டிராப் வடிவ பியூவல் டேன்க், பிளாக் நிற என்ஜின் கவுல், சிங்கில்-பீஸ் சாடில், சைடு ஸ்லங் எக்சாஸ்ட், டூயல் டோன் ஃபினிஷ் கொண்டு இருக்கிறது.

இந்த மாடலில் முழு எல்இடி லைட்டிங், ப்ளூடூத் வசதி கொண்ட இன்ஸ்ட்ரூமெண்ட் கிளஸ்டர், அப்சைடு டவுன் முன்புற ஃபோர்க், பின்புறம் பிரீ-லோடு அட்ஜஸ்ட் செய்யக்கூடிய மோனோ ஷாக் யூனிட், இரு சக்கரங்களிலும் டிஸ்க் பிரேக், டூயல் சேனல் ஏ.பி.எஸ். உள்ளிட்டவை வழங்கப்பட்டு இருக்கிறது.

டிவிஎஸ் ரோனின் மாடலில் 225.9சிசி, சிங்கில் சிலிண்டர் ஏர்/ஆயில் கூல்டு என்ஜின் வழங்கப்பட்டு இருக்கிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 20.1 ஹெச்.பி. பவர், 19.93 நியூட்டன் மீட்டர் டார்க் இழுவிசையை வெளிப்படுத்துகிறது. இந்திய சந்தையில் டிவிஎஸ் ரோனின் மாடல் ஹோண்டா CB350 RS மாடலுக்கு போட்டியாக அமைகிறது.

டுகாட்டி நிறுவனம் சக்திவாய்ந்த ஸ்டிரீட்பைட்டர் V4 SP ஹைப்பர் நேக்கட் மோட்டார்சைக்கிளை இந்திய சந்தையில் அறிமுகம் செய்தது. புதிய டுகாட்டி ஸ்டிரீட்பைட்டர் V4 SP மாடலின் விலை ரூ. 34 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இது டுகாட்டி ஸ்டிரீட்பைட்டர் ஸ்டாண்டர்டு மற்றும் S வேரியண்ட்களை விட முறையே ரூ. 14 லட்சம் மற்றும் ரூ. 10 லட்சத்து 76 ஆயிரம் அதிகம் ஆகும்.

புதிய டுகாட்டி ஸ்டிரீட்பைட்டர் V4 SP மாடலின் மொத்த எடை 196 கிலோ ஆகும். இந்த பைக்கின் ஸ்டாப்பிங் பவர் பிரெம்போ ஸ்டைல்மா ஆர் கேலிப்பர்கள் மூலம் பெறுகிறது. இதன் சஸ்பென்ஷனுக்கு ஒலின்ஸ் NIX-30 முன்புற ஃபோர்க்குகள், TTX36 ரியர் ஷாக் அப்சார்பர் மற்றும் ஒலின்ஸ் ஸ்டீரிங் டேம்ப்பர் மற்றும் ஒலின்ஸ் ஸ்மார்ட் EC 2.0 சிஸ்டம் வழங்கப்பட்டு இருக்கிறது.

இந்த மாடலில் 1103சிசி டெஸ்மோசிடிசி ஸ்டிரேடேல் என்ஜின் வழங்கப்பட்டு இருக்கிறது. இந்த என்ஜின் 105 ஹெச்.பி. பவர், 123 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் கார்னரிங் ஏ.பி.எஸ்., டிராக்‌ஷன் கண்ட்ரோல், ஸ்லைட் கண்ட்ரோல், வீலி கண்ட்ரோல், லான்ச் கண்ட்ரோல், என்ஜின் பிரேக் கண்ட்ரோல் போன்ற அம்சங்கள் உள்ளன.

இந்திய சந்தையில் புதிய டுகாட்டி ஸ்டிரீட்பைட்டர் V4 SP மாடலுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு நாடு முழுக்க டுகாட்டி விற்பனை மையங்களில் மேற்கொள்ள முடியும். வினியோகம் விரைவில் துவங்கும் என எதிர்பார்க்கலாம்.

கீவே நிறுவனத்தின் அதிகம் எதிர்பார்க்கப்பட்டு வந்த K லைட் 250V குரூயிசர் மாடல் இந்திய விலை விவரங்கள் அறிவிக்கப்பட்டு உள்ளன. கீவே K லைட் 250V மேட் புளூ நிற வேரியண்ட் விலை ரூ. 2 லட்சத்து 89 ஆயிரம் என்றும் மேட் டார்க் கிரே மற்றும் மேட் பிளாக் நிற வேரியண்ட்களின் விலை முறையே ரூ. 2 லட்சத்து 99 ஆயிரம் மற்றும் ரூ. 3 லட்சத்து 09 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

முன்னதாக இந்த மோட்டார்சைக்கிள் மாடல் இரண்டு 300சிசி ஸ்கூட்டர்கள் கீவே - விஸ்டி 300 மற்றும் சிக்ஸ்டீஸ் 300i உடன் அறிமுகம் செய்யப்பட்டது. இரு ஸ்கூட்டர்களின் விலை முறையே ரூ. 2 லட்சத்து 99 ஆயிரம், எக்ஸ்-ஷோரூம் என நிர்ணம் செய்யப்பட்டு உள்ளது. இந்த ஸ்கூட்டர்களின் மற்ற நிற வேரியண்ட்களை தேர்வு செய்யும் போது விலை ரூ. 10 ஆயிரத்தில் இருந்து ரூ. 20 ஆயிரம் வரை அதிகரிக்கும்.

கீவே K லைட் 250V மாடலில் 249சிசி ஏர் கூல்டு V டுவின் மோட்டார் வழங்கப்பட்டு இருக்கிறது. இந்த என்ஜின் 18.7 ஹெச்.பி. பவர், 19 நியூட்டன் மீட்டர் டார்க் இழுவிசையை வெளிப்படுத்துகிறது. பிரேக்கிங்கிற்கு இருபுறங்களிலும் டிஸ்க் பிரேக் மற்றும் டூயல் சேனல் ஏ.பி.எஸ். வழங்கப்பட்டு இருக்கிறது. சஸ்பென்ஷனிற்கு யு.எஸ்.டி. முன்புற ஃபோர்க், பின்புறம் டூயல் ஷாக் அப்சார்பர்கள் உள்ளன.

சுசுகி இந்தியா நிறுவனம் 2022 ஆண்டிற்கான முதல் லிட்டர் கிளாஸ் மாடல், சுசுகி கட்டானா அறிமுகம் செய்தது. புதிய சுசுகி கட்டானா மாடலின் விலை ரூ. 13 லட்சத்து 61 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்திய சந்தையில் சுசுகி நிறுவனத்தின் ஒற்றை 1000சிசி மாடலாக இது அறிமுகம் செய்யப்பட்டு இருக்கிறது.

சுசுகி கட்டானா மாடல் ஸ்போர்டி பாடி-வொர்க் மற்றும் பிகினி ஃபேரிங் கொண்டிருக்கிறது. இந்த மாடலில் சதுரங்க வடிவம் கொண்ட எல்.இ.டி. ஹெட்லைட், எல்.இ.டி. டி.ஆர்.எல்.கள் உள்ளன. இதன் ஒட்டுமொத்த டிசைன் அதிநவீன மற்றும் ரெட்ரோ எலிமண்ட்களால் உருவாக்கப்பட்டு இருக்கிறது.

இந்த மாடலில் 999சிசி, இன்-லைன், 4 சிலிண்டர் லிக்விட் கூல்டு மோட்டார் வழங்கப்பட்டு உள்ளது. இந்த என்ஜின் 149 ஹெச்.பி. பவர், 106 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது. இது தவிர டிராக்‌ஷன் கண்ட்ரோல் சிஸ்டம், லோ ஆர்.பி.எம். அசிஸ்ட் மற்றும் ரைடு-பை-வயர் சிஸ்டம் உள்ளிட்டவை வழங்கப்பட்டு இருக்கிறது.

புதிய சுசுகி கட்டானா மாடலில் முழுமையான டிஜிட்டல் இன்ஸ்ட்ரூமெண்ட் கிளஸ்டர் வழங்கப்பட்டு உள்ளது. இதில் ஸ்பீடோமீட்டர், ஓடோமீட்டர், ட்ரிப் மீட்டர், பியூவல் லெவல் காஜ், கியர் மோட் மற்றும் என்ஜின் டெம்பரேச்சர் உள்ளிட்ட விரங்கள் இடம்பெற்று இருக்கிறது. இதன் முன்புறம் யு.எஸ்.டி. முன்புற ஃபோர்க், பின்புறம் ஷாக் அப்சார்பர் உள்ளது. இந்த மாடலில் இரட்டை முன்புற டிஸ்க், பின்புறம் ஒற்றை டிஸ்க் மற்றும் டூயல் சேனல் ஏ.பி.எஸ். உள்ளது.

இந்திய சந்தையில் புதிய சுசுகி கட்டானா மாடல் மெட்டாலிக் மேட் ஸ்டெல்லார் புளூ மற்றும் மெட்டாலிக் மிஸ்டிக் சில்வர் என இரண்டு விதமான நிறங்களில் கிடைக்கிறது. இந்த மாடலுக்கான முன்பதிவு விரைவில் துவங்க இருக்கிறது. இந்திய சந்தையில் புதிய சுசுகி கட்டானா மாடல் கவாசகி நின்ஜா 1000 SX மற்றும் பி.எம்.டபிள்யூ. S 1000 XR போன்ற மாடல்களுக்கு போட்டியாக அமைகிறது.

யமஹா மோட்டார் இந்தியா நிறுவனம் பசினோ 125 Fi ஹைப்ரிட் ஸ்கூட்டரை இந்திய சந்தையில் முற்றிலும் புதிய சில்வர் நிறத்தில் அறிமுகம் செய்து இருக்கிறது. புதிய யமஹா பசினோ 125 Fi ஹைப்ரிட் மாடலின் விலை ரூ. 78 ஆயிரத்து 098, எக்ஸ்-ஷோரூம் சென்னை என நிர்ணயம் செய்யப்பட்டு உள்ளது.

தி கால் ஆப் தி புளூ திட்டத்தின் கீழ் பசினோ 125 Fi ஹைப்ரிட் மாடல் புதிய நிறத்தில் அறிமுகம் செய்யப்பட்டு இருக்கிறது. தமிழ் நாட்டு ஸ்கூட்டர் சந்தையில் யமஹா நிறுவனம் பத்து சதவீத பங்குகளை பெற்று இருக்கிறது. தற்போது முற்றிலும் புது நிறத்தில் அறிமுகம் செய்யப்பட்டு இருப்பதை தொடர்ந்து இந்த மாடலின் விற்பனை மேலும் அதிகரிக்கும் என எதிர்பார்க்கலாம்.

யமஹா பசினோ 125 Fi ஹைப்ரிட் மாடலில் ஏர் கூல்டு, பியூவல் இன்ஜெக்ட் செய்யப்பட்ட 125சிசி புளூ கோர் என்ஜின் வழங்கப்பட்டு இருக்கிறது. இந்த ஸ்கூட்டர் 8.2 பி.எஸ். பவர் மற்றும் 10.3 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் ஸ்மார்ட் மோட்டார் ஜெனரேட்டர் சிஸ்டம் வழங்கப்பட்டு இருக்கிறது.

இந்தியாவில் இதன் டிஸ்க் வேரியண்ட் மாடல் தற்போது விவிட் ரெட் ஸ்பெஷல், மேட் பிளாக் ஸ்பெஷல், கூல் புளூ மெட்டாலிக், டார்க் மேட் புளூ, சாவ் காப்பர், எல்லோ காக்டெயில், சியான் புளூ, விவிட் ரெட் மற்றும் மெட்டாலிக் பிளாக் நிறங்களில் கிடைக்கிறது. இதன் டிரம் பிரேக் வேரியண்ட் விவிட் ரெட், கூல் புளூ மெட்டாலிக், எல்லோ காக்டெயில், டார்க் மேட் புளூ, சாவ் காப்பர், சியான் புளூ மற்றும் மெட்டாலிக் பிளாக் நிறங்களில் கிடைக்கிறது.

டி.வி.எஸ். மோட்டார் கம்பெனி நிறுவனத்தின் ஐகியூப் எலெக்ட்ரிக் ஸ்கூட்டர் இந்திய சந்தையில் பிரபலமான மாடலாக விளங்குகிறது. 2022 ஜூன் மாதத்தில் மட்டும் 4 ஆயிரத்து 667 டி.வி.எஸ். ஐகியூப் யூனிட்கள் இந்தியாவில் விற்பனை செய்யப்பட்டு உள்ளன. இதுவரை ஒரே மாதத்தில் இத்தனை ஐகியூப் யூனிட்களை டி.வி.எஸ். நிறுவனம் விற்பனை செய்ததே இல்லை என்பது குறிப்பிடத்தக்கது.

சமீபத்தில் டி.வி.எஸ். நிறுவனம் தனது ஐகியூப் எலெக்ட்ரிக் ஸ்கூட்டரை அப்டேட் செய்து பல்வேறு புது அம்சங்களை வழங்கி இருந்தது. புதிய மாடல் சந்தையில் அதிக வரவேற்பை பெற்றது. மேலும் இந்த ஸ்கூட்டர் பல்வேறு வேரியண்ட்களில் கிடைக்கிறது. அம்சங்கள் மற்றும் பேட்டரி ரேன்ஜ் அடிப்படையில் இவை பிரிக்கப்பட்டு உள்ளன.

இந்தியாவில் டி.வி.எஸ். ஐகியூப் எலெக்ட்ரிக் ஸ்கூட்டர் - டி.வி.எஸ். ஐகியூப், ஐகியூப் எஸ் மற்றும் ஐகியூப் எஸ்.டி. என மூன்று வித வேரியண்ட்களில் கிடைக்கிறது. இதன் விலை ரூ. 1 லட்சத்து 14 ஆயிரத்து 936, ஆன் ரோடு சென்னை என நிர்ணயம் செய்யப்பட்டு உள்ளது. இதில் சார்ஜரின் விலை சேர்க்கப்படவில்லை.

2022 டி.வி.எஸ். ஐகியூப் மாடல் ஷைனிங் ரெட், டைட்டானியம் கிரே, காப்பர் பிரான்ஸ், மிண்ட் புளூ, கார்ப்பரேட் பிரான்ஸ், லுசிட் எல்லோ, ஸ்டார்லைட் புளூ, கோரல் சேண்ட், காப்பர் பிரான்ஸ் மேட் மற்றும் டைட்டானியம் கிரே மேட் போன்ற நிறங்களில் கிடைக்கிறது.

இந்தியாவில் எலெக்ட்ரிக் வாகனங்களை வாங்குவோர் எண்ணிக்கை நாளுக்கு நாள் அதிகரித்துக் கொண்டே வருகிறது. எலெக்ட்ரிக் வாகன உற்பத்தியாளர்கள் இந்திய சந்தையில் கணிசமான வளர்ச்சியை பதிவு செய்து வருவதிலேயே இதனை அறிந்து கொள்ள முடிகிறது. இவ்வாறு ஏத்தர் நிறுவனமும் இந்திய சந்தையில் வளர்ச்சியை பதிவு செய்து இருக்கிறது.

பெங்களூரை சேர்ந்த எலெக்ட்ரிக் வாகன உற்பத்தியாளரான ஏத்தர் எனர்ஜி ஜூன் 2022 மாதத்திற்கான வாகன விற்பனை விவரங்களை வெளியிட்டு இருக்கிறது. அதன்படி கடந்த மாதத்தில் ஏத்தர் எனர்ஜி நிறுவனம் 3 ஆயிரத்து 231 யூனிட்களை விற்பனை செய்து இருக்கிறது. இது கடந்த ஆண்டு ஜூன் மாத விற்பனையை விட பல மடங்கு அதிகம் ஆகும். 2021 ஜூன் மாதத்தில் ஏத்தர் நிறுவனம் சுமாராக 300 யூனிட்களையே விற்பனை செய்து இருந்தது.

இந்த நிலையில், ஏத்தர் நிறுவனம் புதிய மேம்பட்ட 450X மற்றும் 450 பிளஸ் எலெக்ட்ரிக் ஸ்கூட்டர் மாடல்களை இந்திய சந்தையில் அறிமுகம் செய்வதற்கான பணிகளில் ஈடுபட்டு வருகிறது. அதன்படி புதிய மாடலில் 3.6 கிலோவாட் ஹவர் பேட்டரி வழங்கப்படலாம். இது தற்போதைய மாடல்களில் வழங்கப்பட்டு இருக்கும் 2.6 கிலோவாட் ஹவர் பேட்டரியை விட அதிகம் ஆகும்.

தற்போது விற்பனை செய்யப்பட்டு வரும் ஏத்தர் 450X மற்றும் 450 பிளஸ் எலெக்ட்ரிக் ஸ்கூட்டர் மாடல்கள் முறையே 116 கி.மீ. மற்றும் 100 கி.மீ. வரையிலான ரேன்ஜ் வழங்குகின்றன. அந்த வகையில் புதிய மேம்பட்ட மாடல்கள் அதிக ரேன்ஜ் கொண்டிருக்கும் என நிச்சயம் எதிர்பார்க்கலாம். 

டி.வி.எஸ். மோட்டார் கம்பெனி நிறுவனம் இந்தியாவில் மேம்பட்ட புதிய 2022 ரேடியான் மோட்டார்சைக்கிள் மாடலை அறிமுகம் செய்து இருக்கிறது. டி.வி.எஸ். நிறுவனத்தின் எண்ட்ரி லெவல் கம்யுட்டர் மாடலாக ரேடியான் விற்பனை செய்யப்பட்டு வருகிறது. 2022 ரேடியான் மாடல் விலை தற்போது ரூ. 59 ஆயிரத்து 925 என துவங்கி அதிகபட்சமாக டாப் எண்ட் மாடல் விலை ரூ. 71 ஆயிரத்து 966 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

புதிய டி.வி.எஸ். ரேடியான் மாடலில் மல்டி கலர் ரிவர்ஸ் எல்.சி.டி. கிளஸ்டர் வழங்கப்பட்டு இருக்கிறது. இந்த பிரிவில் இந்த அம்சம் கொண்ட முதல் மோட்டார்சைக்கிள் என்ற பெருமையை 2022 டி.வி.எஸ். ரேடியான் பெற்றுள்ளது. டி.வி.எஸ். நிறுவனத்தின் சொந்த டி.வி.எஸ். இண்டெலிகோ சிஸ்டம் புதிய ரேடியான் மாடலில் வழங்கப்பட்டு இருக்கிறது.

இது வாகனத்தின் எரிபொருள் பயன்பாட்டை பெருமளவு மிச்சப்படுத்தும். இத்துடன் 2022 டி.வி.எஸ். ரேடியான் மாடலில் யு.எஸ்.பி. சார்ஜிங் போர்ட் வசதியும் வழங்கப்பட்டுள்ளது. இதில் உள்ள எல்.சி.டி. இன்ஸ்ட்ரூமெண்ட் கிளஸ்டர் கடிகாரம், சர்வீஸ் இண்டிகேட்டர், லோ பேட்டரி இண்டிகேட்டர், டாப் ஸ்பீடு, அவரேஜ் ஸ்பீடு போன்ற விவரங்களை காண்பிக்கும்.

நீண்ட நேர ஐலிங்கின் போது இதில் வழங்கப்பட்டு இருக்கும் இண்டெலிகோ அம்சம் என்ஜினை ஸ்விட்ச் ஆப் செய்திடும். இதன் காரணமாக மோட்டார்சைக்கிளில் உள்ள எரிபொருள் சேமிக்கப்படும். என்ஜின் ஸ்விட்ச் ஆப் ஆன பின், பைக்கை லேசாக திராட்டில் செய்தால் என்ஜின் மீண்டும் ஸ்டார்ட் ஆகி விடும்.

புதிய 2022 டி.வி.எஸ். ரேடியான் மாடலிலும் 109.7சிசி சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 8 ஹெச்.பி. பவர், 8.7 நியூட்டன் மீட்டர் டார்க் இழுவிசையை வெளிப்படுத்துகிறது. டி.வி.எஸ். நிறுவனம் புதிய ரேடியான் மாடல் 15 சதவீதம் வரை சிறப்பான மைலேஜ் வழங்கும் என தெரிவித்து இருக்கிறது.

2022 டி.வி.எஸ். ரேடியான் மாடல் நான்கு வேரியண்ட்களில் கிடைக்கிறது. இது தவிர ஸ்டிரெயிட் புளூ, மெட்டல் பிளாக், ராயல் பர்பில் மற்றும் டைட்டானியம் கிரே நிறங்களிலும், ரெட் மற்றும் பிளாக் எனும் டூயல் டோன் நிறத்திலும் கிடைக்கிறது. இந்திய சந்தையில் புதிய 2022 டி.வி.எஸ். ரேடியான் மாடல் ஹீரோ பேஷன் ப்ரோ, ஹோண்டா லிவோ போன்ற மாடல்களுக்கு போட்டியாக அமைகிறது. 

எலெக்ட்ரிக் வாகனங்களுக்கான மோகம் நாளுக்கு நாள் அதிகரித்து வருகிறது. இந்த நிலையில், டி.வி.எஸ். நிறுவனம் தனது எதிர்கால எலெக்ட்ரிக் வாகன திட்டம் பற்றி அறிவித்து இருக்கிறது.

தற்போது டி.வி.எஸ். நிறுவனம் ஐகியூப் பெயரில் எலெக்ட்ரிக் ஸ்கூட்டர் மாடலை இந்தியாவில் விற்பனை செய்து வருகிறது. இந்த மாடல் மொத்தம் மூன்று வேரியண்ட்களில் கிடைக்கிறது. தற்போது பி.எம்.டபிள்யூ. நிறுவனத்துடன் இணைந்து 15 கிலோவாட் ஹவர் ரேன்ஜ் பிரிவில் புது மாடலை அறிமுகம் செய்ய இருக்கிறது. இத்துடன் 5 முதல் 25 கிலோவாட் ஹவர் ரேன்ஜில் எலெக்ட்ரிக் இரண்டு மற்றும் மூன்று சக்கர வாகனங்களை அறிமுகம் செய்யும் பணிகளில் டி.வி.எஸ். நிறுவனம் ஈடுபட்டு வருகிறது.

டி.வி.எஸ். மட்டுமின்றி அதன் துணை நிறுவனமான நார்டன் மோட்டார்சைக்கிள்ஸ் நிறுவனம் எலெக்ட்ரிக் சூப்பர் பைக் ஒன்றை உருவாக்கி வருகிறது. இது பிரீமியம் எலெக்ட்ரிக் வாகன பிரிவில் அறிமுகமாகிறது. சமீபத்தில் டி.வி.எஸ். நிறுவனம் ஸ்விஸ் இ மொபிலிட்டி குழுமத்தை விலைக்கு வாங்கி இருந்தது. இதை கொண்டு எலெக்ட்ரிக் வாகன வளர்ச்சியில் டி.வி.எஸ். கவனம் செலுத்தும் என தெரிகிறது.

முன்னதாக டி.வி.எஸ். நிறுவனம் ஜியோ பி.பி. உடன் இணைந்து நாடு முழுக்க சார்ஜிங் மையங்களை கட்டமைக்கும் பணிகளில் ஈடுபட முடிவு செய்தது. இரு நிறுவனங்கள் இணைந்து வழக்கமான AC சார்ஜிங் நெட்வொர்க் மட்டுமின்றி DC பாஸ்ட் சார்ஜிங் நெட்வொர்க்-யையும் அமைக்க உள்ளன.

டுகாட்டி நிறுவனம் இந்திய சந்தையில் புதிய ஸ்கிராம்ப்ளர் அர்பன் மோட்டார்ட் மாடலை அறிமுகம் செய்தது. புதிய மோட்டார்சைக்கிள் டுகாட்டி ஸ்கிராம்ப்ளர் அர்பன் மோட்டார்ட் என அழைக்கப்படுகிறது. புது மாடல் டுகாட்டி நிறுவனத்தின் ஐகான், ஐகான் டார்க், நைட்ஷிப்ட் மற்றும் டெசர்ட் ஸ்லெட் போன்ற மாடல்களின் வரிசையில் இணைந்துள்ளது. டுகாட்டி ஸ்கிராம்ப்ளர் அர்பன் மோட்டார்ட் மாடல் விலை ரூ. 11 லட்சத்து 49 ஆயிரம் ஆகும்.

ஏற்கனவே ஸ்கிராம்ப்ளர் ஐகான், ஸ்கிராம்ப்ளர் ஐகான் டார்க், ஸ்கிராம்ப்ளர் நைட்ஷிப்ட், ஸ்கிராம்ப்ளர் டெசர்ட் ஸ்லெட் போன்ற மாடல்களை விற்பனை செய்து வரும் நிலையில், தற்போது ஸ்கிராம்ப்ளர் அர்பன் மோட்டார்ட் மாடலும் இந்த வரிசையில் இணைந்து இருக்கிறது.

டுகாட்டி நிறுவனத்தின் ஸ்கிராம்ப்ளர் சீரிஸ் எண்ட்ரி லெவல் மாடல் ஸ்கிராம்ப்ளர் ஐகான் டார்க். இந்த மாடலின் விலை ரூ. 8 லட்சத்து 38 ஆயிரம் ஆகும். ஸ்கிராம்ப்ளர் சீரிசில் விலை உயர்ந்த, டாப் எண்ட் மாடல் என்ற பெருமையை புதிய டுகாட்டி ஸ்கிராம்ப்ளர் அர்பன் மோட்டார்ட் பெற்று இருக்கிறது.

புதிய டுகாட்டி ஸ்கிராம்ப்ளர் அர்பன் மோட்டார்ட் எடை 180 கிலோ ஆகும். இதில் 803சிசி, ஏர் கூல்டு, இரு வால்வுகள் கொண்ட எல் ட்வின் என்ஜின் வழங்கப்பட்டு உள்ளது. இந்த என்ஜின் 73 ஹெச்.பி. பவர், 66.2 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.