பைக்

டுகாட்டி நிறுவனம் இந்திய சந்தையில் புதிய ஸ்கிராம்ப்ளர் அர்பன் மோட்டார்ட் மாடலை அறிமுகம் செய்வதற்கான பணிகளில் மும்முரமாக ஈடுபட்டு வருகிறது. அந்த வகையில், புதிய டுகாட்டி ஸ்கிராம்ப்ளர் அர்பன் மோட்டார்ட் மாடலுக்கான டீசர் வெளியாகியுள்ளது. புது மாடல் டுகாட்டி நிறுவனத்தின் ஐகான், ஐகான் டார்க், நைட்ஷிப்ட் மற்றும் டெசர்ட் ஸ்லெட் போன்ற மாடல்களின் வரிசையில் இணைகிறது.

புதிய ஸ்கிராம்ப்ளர் அர்பன் மோட்டார்ட் மாடலுக்கான டீசர் டுகாட்டி இந்தியா நிறுவனம் தனது அதிகாரப்பூர்வ ட்விட்டர் பக்கத்தில் வெளியிட்டு உள்ளது. டீசரின் படி மோட்டார்சைக்கிளில் ஓரமாக பொருத்தப்பட்டு இருக்கும் சிங்கில் இன்ஸ்ட்ரூமெண்ட் பாட் மற்றும் பீக் ஸ்டைல் மட்கார்டு உள்ளிட்டவைகளை கொண்டு தான் இந்த மாடல் ஸ்கிராம்ப்ளர் அர்பன் மோட்டார்ட் என்பதை உறுதிப்படுத்த முடிகிறது.

இந்திய சந்தையில் புது மாடல் விரைவில் அறிமுகம் செய்யப்பட இருக்கிறது. இந்த மாடலுக்கு சரியான வெளியீட்டு தேதி இதுவரை அறிவிக்கப்படவில்லை. டுகாட்டி ஸ்கிராம்ப்ளர் சீரிஸ் ஸ்போர்ட் ப்ரோ, டார்க் ப்ரோ மற்றும் டிரிபியுட் ப்ரோ மாடல்களில் 1100 சிசி என்ஜின் வழங்கப்பட்டு இருக்கும் நிலையில், அரன்பன் மோட்டார்ட் மாடலில் 803சிசி யூனிட் வழங்கப்படும் என தெரிகிறது.

இந்த என்ஜின் 73 ஹெச்.பி. பவர், 66.2 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் மற்றும் ஸ்லிப்பர் கிளட்ச் வழங்கப்படுகிறது. சர்வதேச சந்தையை போன்றே இந்திய சந்தையிலும் இதே யூனிட் வழங்கப்படும் என கூறப்படுகிறது.

யமஹா R15 V4 மாடலின் விலை இந்தியாவில் உயர்த்தி இருக்கிறது. முன்னதாக மே மாத வாக்கில் யமஹா R15 V4 விலை ரூ. 600 உயர்த்தப்பட்ட நிலையில், தற்போது இதன் விலை ரூ. 500 அதிகரித்து உள்ளது. யமஹா R15 V4 வொர்ல்டு GP 60-வது ஆனிவர்சரி எடிஷன் விலையில் ரூ. 900 உயர்த்தப்பட்டு இருக்கிறது.

புதிய விலை விவரங்கள்:

யமஹா R15 V4 மெட்டாலிக் ரெட் ரூ. 1 லட்சத்து 77 ஆயிரத்து 400

யமஹா R15 V4 டார்க் நைட் ரூ. 1 லட்சத்து 78 ஆயிரத்து 400

யமஹா R15 V4 ரேசிங் புளூ ரூ. 1 லட்சத்து 82 ஆயிரத்து 400

யமஹா R15 V4M மெட்டாலிக் கிரே ரூ. 1 லட்சத்து 87 ஆயிரத்து 400

யமஹா R15 V4M WGP 60-வது ஆனிவர்சரி எடிஷன் ரூ. 1 லட்சத்து 88 ஆயிரத்து 800

கடந்த இரண்டு மாதங்களில் இந்த மோட்டார்சைக்கிள் விலை ரூ. 1100 அதிகரித்து இருந்தலும், யமஹா R15 V4 மாடல் கே.டி.எம். RC200-ஐ விட குறைவாகவே நிர்ணயம் செய்யப்பட்டு உள்ளது. இந்திய சந்தையில் கே.டி.எம். RC200 மாடலின் விலை ரூ. 2 லட்சத்து 13 ஆயிரம் ஆகும். இதன் விலை கே.டி.எம். RC 125 மாடலை விடவும் குறைவாகவே நிர்ணயம் செய்யப்பட்டு உள்ளது. இந்தியாவில் கே.டி.எம். RC125 விலை ரூ. 1 லட்சத்து 86 ஆயிரம் ஆகும்.

விலையை தவிர யமஹா R15 V4 மாடலில் வேறு எந்த மாற்றமும் மேற்கொள்ளப்படவில்லை. இதன் அனைத்து வேரியண்ட்களிலும் 155சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 18.1 பி.ஹெச்.பி. பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் எல்.இ.டி. ப்ரோஜெக்டர் ஹெட்லேம்ப், டி.ஆர்.எல்.கள், எல்.சி.டி. இன்ஸ்ட்ரூமெண்ட் கிளஸ்டர், யு.எஸ்.டி. ஃபோர்க் உள்ளிட்டவை வழங்கப்படுகிறது.

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. 

யமஹா மோட்டார் இந்தியா நிறுவனம் தனது இருசக்கர வாகனங்கள் விலையை மீண்டும் உயர்த்தி இருக்கிறது. இந்த விலை உயர்வில் MT 15 V2 மாடலும் பாதிக்கப்பட்டு இருக்கிறது. ஏப்ரல் மாத வாக்கில் அறிமுகம் செய்யப்பட்ட நிலையில், யமஹா MT 15 V2 விலை தற்போது ரூ. 2 ஆயிரம் உயர்த்தப்பட்டுள்ளது.

புதிய விலை விவரங்கள்:

யமஹா MT 15 V2 மாடலின் பிளாக் நிறத்தின் விலை தற்போது ரூ. 1 லட்சத்து 61 ஆயிரத்து 900 என துவங்குகிறது. யமஹா MT 15 V2 ஐஸ் ஃபுளோ மற்றும் சியான் நிறங்களின் விலை ரூ. 1 லட்சத்து 62 ஆயிரத்து 900 என மாறி இருக்கிறது. முன்னதாக இவற்றின் விலை ரூ. 1 லட்சத்து 60 ஆயிரத்து 900 என நிர்ணயம் செய்யப்பட்டு இருந்தது.

யமஹா MT 15 V2 மாடலில் 155சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இதில் ப்ளூடூத் வசதி கொண்ட ஸ்கிரீன், எல்.இ.டி. ஹெட்லேம்ப், சிங்கில் சேனல் ஏ,பி.எஸ். போன்ற அம்சங்கள் உள்ளன. மேலும் அப்சைடு-டவுன் ஃபோர்க், அலுமினியம் ஸ்விங் ஆர்ம் வழங்கப்பட்டு உள்ளது.

அறிமுகம் செய்யப்பட்டது முதல் யமஹா MT 15 V2 மாடல் விற்பனையில் நல்ல வரவேற்பை பெற்று வருகிறது. மேலும் ஏப்ரல் மாத விற்பனையில் யமஹா MT 15 V2 மாடல் கே.டி.எம். 125 டியூக்-ஐ பின்னுக்குத் தள்ளி அசத்தியது.

ராயல் என்பீல்டு நிறுவனம் ஹண்டர் 350 மோட்டார்சைக்கிளை இந்தியாவில் அறிமுகம் செய்யும் பணிகளில் ஈடுபட்டு வருகிறது. புதிய ஹண்டர் 350 வெளியீடு ஆகஸ்ட் 4 முதல் 8 ஆம் தேதிக்குள் நடைபெறும் என தகவல் வெளியாகி உள்ளது.

புதிய ஹண்டர் 350 மாடல் ராயல் என்பீல்டு நிறுவனத்தின் குறைந்த விலை மாடலாக இருக்கும் என கூறப்படுகிறது. இந்த மாடல் விரைவில் அப்டேட் செய்யப்பட இருக்கும் புல்லட் 350 மாடலின் கீழ் நிலைநிறுத்தப்பட உள்ளது. அந்த வகையில் இதன் விலை ரூ. 1 லட்சத்து 40 ஆயிரத்தில் இருந்து நிர்ணயம் செய்யப்படு என எதிர்பார்க்கலாம்.

இந்த மாடல் J1C1 எனும் குறியீட்டு பெயர் கொண்டிருக்கிறது. இது ஸ்போக் வீல்கள், குறைந்த அம்சங்களையே கொண்டிருக்கும் என தெரிகிறது. இதே மாடலின் டாப் எண்ட் வெர்ஷன் ஒன்று J1C2 எனும் குறியீட்டு பெயரில் உருவாகி வருவதாக கூறப்படுகிறது. இந்த மாடலில் அலாய் வீல்கள் மற்றும் சற்றே கூடுதல் அம்சங்கள் வழங்கப்படலாம்.

புதிய ராயல் என்பீல்டு ஹண்டர் மோட்டார்சைக்கிளிலும் 349சிசி என்ஜின் வழங்கப்படலாம். இந்த என்ஜின் 20.2 பி.ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்தும் என தெரிகிறது. இத்துடன் 5 ஸ்பீடு கியர்பாக்ஸ் வழங்கப்படலாம். இதே என்ஜின் தான் கிளாசிக் 350 மற்றும் மீடியோர் 350 போன்ற மாடல்களிலும் வழங்கப்பட்டு இருக்கிறது.

பஜாஜ் ஆட்டோ நிறுவனம் இந்தியாவில் புது மோட்டார்சைக்கிள் மாடலை அறிமுகம் செய்வதற்கான பணிகளில் ஈடுபட்டு வருகிறது. புதிய பிளாக் எடிஷன் மாடல் பல்சர் N250 மாடலை தழுவி உருவாக்கப்பட்டு உள்ளது. டீசர் வெளியாகி இருப்பதை அடுத்து, புதிய பல்சர் 250 பிளாக் எடிஷன் மாடல் விரைவில் அறிமுகம் செய்யப்படலாம். புது மாடல் பற்றிய விவரங்கள் வெளியாகாத நிலையில், இந்த மாடல் பல்சர் N250 பிளாக் அல்லது N250 பிளாக் எடிஷன் என்று அழைக்கப்படுமா என்பது கேள்விக்குறியாகவே உள்ளது.

டீசர் தவிர இந்த மாடல் பற்றிய விவரங்கள் எதுவும் வெளியாகவில்லை. மேலும் இந்த பைக்கின் வெளியீட்டு தேதியும் அறிவிக்கப்படவில்லை. எனினும், இதுவரை வெளியாகி இருக்கும் தகவல்களின் படி இந்த மாடல் பல்சர் N250 சீரிஸ் மாடல்களை தழுவி உருவாக்கப்பட்டு இருக்கும் என தெரிகிறது. இதன் என்ஜின் பல்சர் N250 மாடலில் உள்ளதை போன்றே வழங்கப்படலாம். மெக்கானிக்கல் மாற்றங்கள் எதுவும் இன்றி இந்த மோட்டார்சைக்கிள் வடிவமைப்பில் மாற்றங்கள் செய்யப்படும் என தெரிகிறது.

புதிய பல்சர் N250 பிளாக் மாடல் பிளாக்டு-அவுட் எலிமண்ட்களை கொண்டிருக்கும் என எதிர்பார்க்கலாம். அதன்படி பிளாக் நிற என்ஜின் கவர்கள், எக்சாஸ்ட் சிஸ்டம் மற்றும் வீல்களை கொண்டிருக்கும் என தெரிகிறது. இன்த மாடலில் 249.07சிசி என்ஜின் வழங்கப்படும் என கூறப்படுகிறது. இந்த என்ஜின் 24.5 பி.எஸ். பவர், 21.5 நியூட்டன் மீட்டர் டார்க் இழுவிசையை வெளிப்படுத்துகிறது.

டிரான்ஸ்மிஷனுக்கு 5 ஸ்பீடு கியர்பாக்ஸ் வழங்கப்படலாம். இத்துடன் அசிஸ்ட் மற்றும் ஸ்லிப்பர் கிளட்ச், கியர் இண்டிகேட்டர், யு.எஸ்.பி. மொபைல் சார்ஜிங் போர்ட் போன்ற அம்சங்கள் வழங்கப்படும் என எதிர்பார்க்கலாம்.

கவாசகி நிறுவனம் இந்திய சந்தையில் 2022 வெர்சிஸ் 650 மோட்டார்சைக்கிளை அறிமுகம் செய்யும் பணிகளில் தீவிரமாக ஈடுபட்டு வருகிறது. இந்த நிலையில், தற்போதைய கவாசகி வெர்சிஸ் 650 மாடலுக்கு அசத்தல் சலுகைகள் அறிவிக்கப்பட்டு உள்ளன. புதிய 2022 கவாசகி வெர்சிஸ் 650 இம்மாத இறுதியில் இந்திய சந்தையில் அறிமுகம் செய்யப்படும் என கூறப்படுகிறது. இத்துடன் வினியோகம் ஜூலை மாத வாக்கில் துவங்கும் என கூறப்படுகிறது.

2022 கவாசகி வெர்சிஸ் 650 மோட்டார்சைக்கிள் விலை, அதன் முந்தைய மாடலை விட ரூ. 40 ஆயிரத்தில் இருந்து ரூ. 50 ஆயிரம் வரை அதிகமாக நிர்ணயம் செய்யப்படலாம். அதிக விலைக்கு ஏற்றார்போல் புதிய கவாசகி வெர்சிஸ் 650 மாடலில் புதிய, கூர்மையான தோற்றம், 4 வழிகளில் அட்ஜஸ்ட் செய்யக்கூடிய விண்ட்-ஸ்கிரீன், டி.எப்.டி. டிஸ்ப்ளே, ப்ளூடூத் கனெக்டிவிட்டி, 2 லெவல் டிராக்‌ஷன் கண்ட்ரோல் சிஸ்டம் உள்ளிட்டவை வழங்கப்படலாம்.

புதிய 2022 கவாசகி வெர்சிஸ் 650 மாடலில் 649சிசி, பேரலெல் டுவின் என்ஜின் வழங்கப்படும் என தெரிகிறது. இந்த என்ஜின் 66 பி.ஹெச்.பி. பவர், 61 நியூட்டன் மீட்டர் டார்க் இழுவிசியை வெளிப்படுத்தும் திறன் கொண்டுள்ளது. இதன் சேசிஸ், சஸ்பென்ஷன் மற்றும் பிரேக்கிங் உள்ளிட்டவை முந்தைய மாடலில் இருந்ததை போன்றே வழங்கப்படலாம்.

தற்போதைய கவாசகி வெர்சிஸ் 650 மாடலின் விலை ரூ. 7 லட்சத்து 15 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. அந்த வகையில், 2022 கவாசகி வெர்சிஸ் 650 மாடலின் விலை ரூ. 7 லட்சத்து 50 ஆயிரம் அல்லது ரூ. 7 லட்சத்து 60 ஆயிரம் வரை நிர்ணயம் செய்யப்படும் என எதிர்பார்க்கலாம். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. 

ராயல் என்பீல்டு ஹண்டர் மோட்டார்சைக்கிள் ராயல் என்பீல்டு மீடியோர் 350 பிளாட்பார்மை சார்ந்து உருவாக்கப்பட்டு இருக்கிறது. இந்த மோட்டார்சைக்கிள் மாடல் இந்திய சாலைகளில் சோதனை செய்யப்படும் படங்கள் பலமுறை இணையத்தில் வெளியாகி இருக்கின்றன.

எனினும், இம்முறை வெளியாகி இருக்கும் புகைப்படங்களில் புதிய ஹண்டர் மாடல் பற்றி ஏராளமான விவரங்கள் வெளியாகி உள்ளது. அந்த வகையில் புதிய ராயல் என்பீல்டு ஹண்டர் மோட்டார்சைக்கிள் ஸ்கிராம்ப்ளர் ரக மாடல் என்றும் இதன் ஃபியூவல் டேன்க் டியர்-டிராப் வடிவம் கொண்டிருக்கிறது. இத்துடன் நீண்ட ஒற்றை இருக்கை, வட்ட வடிவ ஹெட்லேம்ப்கள், டர்ன் இண்டிகேட்டர்கள், ரியர் வியூ மிரர்கள் மற்றும் சற்றே உயர்ந்த பின்புறம் கொண்டிருக்கிறது.

மேலும் இந்த மாடலில் அகலமான ஹேண்டில் பார்கள், மிட்-செட் ஃபூட் பெக், மற்ற ராயல் என்பீல்டு மோட்டார்சைக்கிள் மாடல்களை விட ஸ்போர்ட் தர அம்சங்களை கொண்டிருக்கும் என தெரியவந்துள்ளது. ஜெ பிளாட்பார்மில் உருவாகி இருப்பது, ஸ்கிராம்ப்ளர் போன்ற ஸ்டைலிங் உள்ளிட்ட அம்சங்களை வைத்து பார்க்கும் போது இது மற்ற ராயல் என்பீல்டு மோட்டார்சைக்கிள் மாடல்களை விட குறைந்த எடையில் உருவாகி இருக்கும் என தெரிகிறது.

புதிய ராயல் என்பீல்டு ஹண்டர் மோட்டார்சைக்கிளிலும் 349சிசி என்ஜின் வழங்கப்படலாம். இந்த என்ஜின் 20.2 பி.ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்தும் என தெரிகிறது. இத்துடன் 5 ஸ்பீடு கியர்பாக்ஸ் வழங்கப்படலாம்.

Photo Courtesy: Bikewale

யமஹா நிறுவனம் எலெக்ட்ரிக் ஸ்கூட்டர் மாடல்களை லீசுக்கு விடும் புது வியாபாரத்தை இந்தியாவில் துவங்கி உள்ளது. யமஹா நிறுவனத்தின் துணை பிராண்டு மோட்டோ பிஸ்னஸ் சர்வீஸ் இந்தியா மூலம் புதிய லீசிங் வியாபாரத்தை நடத்த யமஹா முடிவு செய்துள்ளது.

இந்த வியாபாரத்திற்காக யமஹா நிறுவனம் சிப் எலெக்ட்ரிக் எனும் டெலிவரி சர்வீஸ் நிறுவனத்தில் முதலீடு செய்கிறது. லீசிங் வியாபாரத்தில் மோட்டோ பிஸ்னஸ் சர்வீஸ் இந்தியா நிறுவனம் முதற்கட்டமாக 250 ஹீரோ எலெக்ட்ரிக் ஸ்கூட்டர்களை சிப் நிறுவனத்திற்கு வழங்கும். சிப் நிறுவனம் இந்த எலெக்ட்ரிக் ஸ்கூட்டர்களை தனது வியாபாரத்தில் பயன்படுத்த இருக்கிறது.

தற்போது நாடு முழுக்க சுமார் 5 ஆயிரம் எலெக்ட்ரிக் ஸ்கூட்டர் மாடல்களை சிப் வைத்து இருக்கிறது. இந்திய சந்தையில் தனது வியாபாரத்தை நீட்டிக்க சிப் நிறுவனம் முடிவு செய்துள்ளது. இதற்காக 2024 வாக்கில் 1.5 லட்சம் எலெக்ட்ரிக் வாகனங்களை வைத்திருக்க சிப் நிறுவனம் இலக்கு நிர்ணயம் செய்து இருக்கிறது.

டி.வி.எஸ். மோட்டார் கம்பெனி நிறுவனம் தனது இருசக்கர வாகனங்கள் விலையை இந்தியாவில் உயர்த்தி வருகிறது. இந்த முறை 125சிசி பிரீமியம் மோட்டார்சைக்கிள் மாடலான ரைடர் விலையை டி.வி.எஸ். நிறுவனம் உயர்த்தி இருக்கிறது. விலை உயர்வு டிஸ்க் பிரேக் கொண்ட மாடலுக்கு மட்டும் அறிவிக்கப்பட்டு உள்ளது. இதன் டிரம் பிரேக் மாடலின் விலையில் எந்த மாற்றமும் மேற்கொள்ளப்படவில்லை.

புதிய விலை விவரங்கள்:

டி.வி.எஸ். ரைடர் டிரம் பிரேக் மாடல் ரூ. 84 ஆயிரத்து 573 (எந்த மாற்றமும் இல்லை)

டி.வி.எஸ். ரைடர் டிஸ்க் பிரேக் மாடல் ரூ. 90 ஆயிரத்து 989 (முந்தைய விலை ரூ. 89 ஆயிரத்து 089)

டி.வி.எஸ். ரைடர் மோட்டார்சைக்கிள் அந்நிறுவனத்தின் மற்ற மாடல்களை விட முற்றிலும் வித்தியாசமாக காட்சியளிக்கிறது. இதன் முன்புறம் எல்.இ.டி. ஹெட்லேம்ப், வித்தியாச தோற்றம் கொண்ட எல்.இ.டி. டி.ஆர்.எல்., இண்டிகேட்டர்களுக்கு ஹாலோஜன் யூனிட்கள் வழங்கப்பட்டு உள்ளன.

இந்த மோட்டார்சைக்கிளில் 124சிசி, சிங்கில் சிலிண்டர், ஆயில் கூல்டு என்ஜின் வழங்கப்பட்டு இருக்கிறது. இது 11.32 பி.எஸ். பவர், 11.2 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு டிரான்ஸ்மிஷன் வழங்கப்பட்டு இருக்கிறது.

பி.எம்.டபிள்யூ. மோட்டராட் நிறுவனம் டி.வி.எஸ். அபாச்சா RR310 சார்ந்த பி.எம்.டபிள்யூ. G310 RR மோட்டார்சைக்கிளை இந்தியாவில் அறிமுகம் செய்ய இருக்கிறது. ஏற்கனவே இந்த மாடலின் டீசர்கள் தொடர்ச்சியாக வெளியிடப்பட்டு வருகின்றன. இந்த நிலையில், பி.எம்.டபிள்யூ. G310 RR மாடலுக்கான புக்கிங் இந்தியாவில் துவங்கி உள்ளது.

புதிய பி.எம்.டபிள்யூ. G310 RR மாடலுக்கான புக்கிங் பி.எம்.டபிள்யூ. அதிகாரப்பூர்வ விற்பனை மையங்கள் மற்றும் வலைதளத்தில் நடைபெற்று வருகிறது. இந்தியாவில் பி.எம்.டபிள்யூ. G310 RR மோட்டார்சைக்கிள் ஜூலை 15 ஆம் தேதி அறிமுகம் செய்யப்பட இருக்கிறது. இந்த மாடலுக்கான வினியோகம் முதலில் வருவோருக்கு முன்னுரிமை அன்ற அடிப்படையில் வழங்கப்பட இருக்கிறது.

விரைவில் அறிமுகம் செய்யப்பட இருக்கும் புதிய பி.எம்.டபிள்யூ. G 310 RR மாடலிலும் அபாச்சி RR 310 மாடலில் உள்ளதை போன்றே 313சிசி என்ஜின் வழங்கப்படுகிறது. இந்த என்ஜின் 34 பி.ஹெச்.பி. பவர், 27.3 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது.

இந்த மோட்டார்சைக்கிளில் ப்ளூடூத் கனெக்டிவிட்டி, ரைடு-பை-வயர் மற்றும் அர்பன், டிராக், ஸ்போர்ட் மற்றும் ரெயின் என நான்கு ரைடிங் மோட்கள் வழங்கப்படலாம். புதிய பி.எம்.டபிள்யூ. G 310 RR மாடலில் வழங்கப்பட இருக்கும் டெயில் லைட், மிரர், விண்ட் ஸ்கிரீன் போன்ற பாகங்கள் டி.வி.எஸ். அபாச்சி RR310 மாடலில் உள்ளதை போன்றே காட்சி அளிக்கிறது.

டி.வி.எஸ். நிறுவனம் ஐகியூப் எலெக்ட்ரிக் ஸ்கூட்டர்- ஸ்டாண்டர்டு, S மற்றும் ST போன்ற வேரியண்ட்களை சமீபத்தில் அறிமுகம் செய்தது. எனினும், ஸ்டாண்டர்டு மற்றும் S வேரியண்ட்களின் விலை மட்டும் அறிவிக்கப்பட்டு வினியோகம் நடைபெற்று வந்தது. இந்த நிலையில், டி.வி.எஸ். ஐகியூப் ST வேரியண்ட் முன்பதிவு தற்போது துவங்கி நடைபெற்று வருகிறது.

முன்பதிவு கட்டணம் ரூ. 999 ஆகும். அதிகாரப்பூர்வ வலைதளத்தின் படி டி.வி.எஸ். ஐகியூப் ST மாடல் ஆகஸ்ட் மாதம் முதல் வினியோகம் செய்யப்படும் என தெரிகிறது. எனினும், இந்த வேரியண்ட் விலை இதுவரை அறிவிக்கப்படவில்லை. இந்த வேரியண்ட் விலை ஆகஸ்ட் மாத துவக்கத்தில் அறிவிக்கப்படலாம்.

தற்போது விற்பனை செய்யப்பட்டு வரும் டி.வி.எஸ். ஐகியூப் ஸ்டாண்டர்டு மற்றும் S வேரியண்ட்களின் விலை முறையே ரூ. 99 ஆயிரத்து 130 மற்றும் ரூ. 1 லட்சத்து 09 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. டி.வி.எஸ். ஐகியூப் ST வேரியண்ட் அம்சங்கள் மற்றும் பேட்டரியை பொருத்து இதன் விலை ரூ. 1 லட்சத்து 25 ஆயிரத்தில் துவங்கி அதிகபட்சம் ரூ. 1 லட்சத்து 30 ஆயிரம், எக்ஸ்-ஷோரூம் வரை நிர்ணயம் செய்யப்படும் என தெரிகிறது.

2022 டி.வி.எஸ். ஐகியூப் S மாடல் முழு சார்ஜ் செய்தால் 100 கிலோமீட்டர் வரையிலான ரேன்ஜ் வழங்குகிறது. டாப் எண்ட் ST வேரியண்ட் முழு சார்ஜ் செய்தால் 140 கிலோமீட்டர் வரையிலான ரேன்ஜ் வழங்குகிறது. மூன்று வேரியண்ட்களின் ரேன்ஜ் முந்தைய மாடல்களை விட அதிகமாகவே உள்ளது.

ஹோண்டா நிறுவனம் இரு பிரீமியம் ஸ்கூட்டர் மாடல்களை இந்தியாவில் அறிமுகம் செய்வதற்கான காப்புரிமை கோரி விண்ணப்பித்து இருந்தது. இந்த நிலையில், ஹோண்டா தனது எலெக்ட்ரிக் ஸ்கூட்டர் மாடலுக்கான காப்புரிமை கோரி விண்ணப்பித்து இருக்கிறது. புது எலெக்ட்ரிக் ஸ்கூட்டர் ஹோண்டா U Go EV என்ற பெயரில் அறிமுகம் செய்யப்பட உள்ளது.

ஹோண்டா U Go EV மாடல் ஏற்கனவே சீன சந்தையில் விற்பனை செய்யப்பட்டு வருகிறது. இதில் ஏராளமான அம்சங்கள் மற்றும் அதிக செயல்திறன் வழங்குகிறது. இந்த ஸ்கூட்டரில் BLDC மோட்டார் உள்ளது. இது 1200 வாட்ஸ் மற்றும் 800 வாட்ஸ் என இருவிதங்களில் கிடைக்கிறது. இத்துடன் கழற்றக்கூடிய வசதி கொண்ட 30Ah லித்தியம் அயன் பேட்டரி உள்ளது. இந்த ஸ்கூட்டர் முழு சார்ஜ் செய்தால் 75 கிலோமீட்டர் ரேன்ஜ் வழங்குகிறது.

இதன் டூயல் பேட்டரி பேர் மாடல் முழு சார்ஜ் செய்தால் 130 கிலோமீட்டர் ரேன்ஜ் வழங்கும். ஹோண்டா U Go EV ஸ்கூட்டர் மணிக்கு அதிகபட்சம் 53 கிலோமீட்டர் வேகத்தில் செல்லும் திறன் கொண்டு இருக்கிறது. மேலும் இந்த மாடலில் எல்.இ.டி. டி.ஆர்.எல்.கள், ஹெட்லேம்ப், எல்.சி.டி. இன்ஸ்ட்ரூமெண்ட் கிளஸ்டர், ஆண்டி தெப்ட் அலாரம், யு.எஸ்.பி. சார்ஜிங், 26 லிட்டர் அண்டர் சீட் ஸ்டோரேஜ் வழங்கப்படுகிறது.

தற்போது காப்புரிமை பெற்று இருக்கும் நிலையில் விரைவில் ஹோண்டா எலெக்ட்ரிக் ஸ்கூட்டர் அறிமுகம் செய்யப்படுமா என்பது கேள்விக்குறியாகவே உள்ளது. எனினும், இந்திய சந்தையில் தனது முதல் எலெக்ட்ரிக் ஸ்கூட்டரில் ஹோண்டா பேட்டரி மாற்றும் வசதியை வழங்கும் என எதிர்பார்க்கப்படுகிறது.