பைக்

பஜாஜ் ஆட்டோ நிறுவனம் சமீபத்தில் புதிய பல்சர் மோட்டார்சைக்கிளை இந்திய சந்தையில் அறிமுகம் செய்தது. பல்சர் N160 என அழைக்கப்படும் புதிய மோட்டார்சைக்கிள் விலை ரூ. 1 லட்சத்து 23 ஆயிரம், எக்ஸ்-ஷோரூம் என துவங்குகிறது. தற்போது இந்த மாடல் விற்பனையகம் வரத் துவங்கி இருக்கிறது.

புதிய பஜாஜ் பல்சர் N160 மாடலில் டூயல் சேனல் ஏ.பி.எஸ். , யு.எஸ்.பி. மொபைல் சார்ஜிங் சாக்கெட், பை பன்ஷனல் எல்.இ.டி. ப்ரோஜெக்டர் ஹெட்லேம்ப், வாகன விவரங்களான கியர் பொசிஷன் இண்டிகேட்டர், தேதி உள்ளிட்டவைகளை காண்பிக்கும் எல்.சி.டி. வழங்கப்பட்டு இருக்கிறது. இத்துடன் ஃபேன்சியான ஹெட்லேம்ப் செக்‌ஷன் மற்றும் மஸ்குலர் பாடி பேனல்கள் உள்ளன.

இந்த மாடலில் 165சிசி, ஆயில் கூல்டு என்ஜின் வழங்கப்பட்டு இருக்கிறது. இந்த என்ஜின் 15.68 ஹெச்.பி. பவர், 14.65 நியூட்டன் மீட்டர் டார்க் இழுவிசையை வெளிப்படுத்துகிறது. 154 கிலோ எடை கொண்டிருக்கும் பஜாஜ் பல்சர் N160 மாடலில் 17 இன்ச் அளாய் வீல்கள், 37 மில்லிமீட்டர் டெலிஸ்கோபிக் போர்க்குகள் மற்றும் நைட்ராக்ஸ் மோனோஷாக் யூனிட் வழங்கப்பட்டு இருக்கிறது.

சிங்கில் சேனல் ஏ.பி.எஸ். கொண்ட பஜாஜ் பல்சர் N160 மாடல் புளூ, ரெட் மற்றும் கிரே என மூன்று வித நிறங்களிலும், டூயல் சேனல் ஏ.பி.எஸ். கொண்ட மாடல் பிளாக் என ஒற்றை நிறத்தில் மட்டும் கிடைக்கிறது.

இந்தியாவில் முன்னணி எலெக்ட்ரிக் இருசக்கர வாகன உற்பத்தியாளர் ஏத்தர் எனர்ஜி. இந்த நிறுவனம் விரைவில் 450X எலெக்ட்ரிக் ஸ்கூட்டரின் பேஸ்லிப்ட் மாடலை அறிமுகம் செய்யும் பணிகளில் ஈடுபட்டு வருவதாக தகவல் வெளியாகி உள்ளது. ஏத்தர் 450X மாடல் பெங்களூரை சேர்ந்த ஏத்தர் எனர்ஜி நிறுவனத்தின் பிளாக்‌ஷிப் ஸ்கூட்டர் மாடல் ஆகும்.

தற்போது ஏத்தர் நிறுவனம் தனது 450X எலெக்ட்ரிக் ஸ்கூட்டர் மாடலை ரூ. 1 லட்சத்து 38 ஆயிரம், எக்ஸ்-ஷோரூம் விலையில் விற்பனை செய்து வருகிறது. ஏத்தர் 450X மாடலில் தற்போது 2.9 கிலோவாட் ஹவர் பேட்டரி வழங்கப்பட்டு இருக்கிறது. இந்த ஸ்கூட்டர் முழு சார்ஜ் செய்தால் 116 கி.மீ. வரையிலான ரேன்ஜ் வழங்குகிறது.

இந்த நிலையில், ஏத்தர் எனர்ஜி நிறுவனம் விரைவில் அறிமுகம் செய்ய இருக்கும் ஏத்தர் 450X பேஸ்லிப்ட் மாடலில் 3.66 கிலோவாட் ஹவர் லித்தியம் அயன் பேட்டரி வழங்கப்படும் என கூறப்படுகிறது. இந்த பேட்டரி முழு சார்ஜ் செய்தால் அதிகபட்சம் 146 கி.மீ. ரேன்ஜ் வழங்கும் என எதிர்பார்க்கலாம்.

புதிய ஏத்தர் 450X பேஸ்லிப்ட் மாடலில் ராப் மோட், ஸ்போர்ட் மோட், ரைடு மோட், ஸ்மார்ட் ஈகோ மோட் மற்றும் ஈகோ மோட் என பல்வேறு ரைடிங் மோட்கள் வழங்கப்படும் என தகவல் வெளியாகி உள்ளது. இதன் ராப் மோட் ஓலா S1 ப்ரோ மாடலுக்கு போட்டியாக அறிமுகம் செய்யப்பட உள்ளதாக கூறப்படுகிறது.

தற்போதைய ஏத்தர் 450X மாடலை 0 முதல் 80 சதவீதம் வரை சார்ஜ் செய்ய 3.35 மணி நேரங்கள் ஆகிறது. இத்துடன் டிசி பாஸ்ட் சார்ஜர் கொண்டு சார்ஜ் செய்யும் போது பத்து நிமிடங்களில் 15 கி.மீ. ரேன்ஜ் கிடைக்கிறது.

ஹீரோ மோட்டோகார்ப் நிறுவனம் இந்தியாவில் பேஷன் எக்ஸ்டெக் மோட்டார்சைக்கிள் மாடலை அறிமுகம் செய்தது. இந்த மாடலின் விலை ரூ. 75 ஆயிரத்து 590 என துவங்குகிறது. புதிய ஹீரோ பேஷன் எக்ஸ்டெக் மோட்டார்சைக்கிள் டிரம் மற்றும் டிஸ்க் என இரண்டு வேரியண்ட்களில் கிடைக்கிறது.

விலை விவரங்கள்:

ஹீரோ பேஷன் எக்ஸ்டெக் டிரம்: ரூ. 74 ஆயிரத்து 590

ஹீரோ பேஷன் எக்ஸ்டெக் டிஸ்க்: ரூ. 78 ஆயிரத்து 990

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

புதிய பேஷன் எக்ஸ்டெக் மாடலில் மேம்பட்ட அம்சங்கள் உள்ளன. அதன்படி ப்ரோஜெக்டர் எல்.இ.டி. ஹெட்லேம்ப், முழுமையான டிஜிட்டல் இன்ஸ்ட்ரூமெண்ட் கிளஸ்டர், ப்ளூடூத் கனெக்டிவிட்டி வழங்கப்பட்டு இருக்கிறது. இதன் ப்ளூடூத் மாட்யுல் எஸ்.எம்.எஸ்., கால் அலெர்ட் வசதியை வழங்குவதோடு, ரியல் டைம் மைலேஜ் இண்டிகேட்டர், லோ-பியூவல் இண்டிகேட்டர், சைடு ஸ்டாண்டு என்ஜின் கட் ஆஃப், சர்வீஸ் ரிமைண்டர் போன்ற வசதிகள் உள்ளன.

இந்த மாடலிலும் 110சிசி, சிங்கில் சிலிண்டர், பி.எஸ்.6 புகை விதிகளுக்கு பொருந்தும் என்ஜின் வழங்கப்பட்டு இருக்கிறது. இந்த என்ஜினுடன் 4 ஸ்பீடு கியர்பாக்ஸ் வழங்கப்பட்டு இருக்கிறது. இந்த என்ஜின் 9 ஹெச்.பி. பவர், 9.79 நியூட்டன் மீட்டர் டார்க் இழுவிசையை வெளிப்படுத்துகிறது.

பேஷன் மட்டுமின்றி ஹீரோ மோட்டோகார்ப் நிறுவனம் ஸ்பிலெண்டர் பிளஸ், கிளாமர் 125, பிளெஷர் பிளஸ் 110 மற்றும் டெஸ்டினி 125 போன்ற மாடல்களின் எக்ஸ்டெக் வேரியண்டை அறிமுகம் செய்து இருக்கிறது. 

ஹீரோ மோட்டோகார்ப் நிறுவனம் தனது இருசக்கர வாகனங்கள் விலையை உயர்த்துவதாக அறிவித்து இருக்கிறது. இது தவிர அப்டேட் செய்யப்பட்ட மோட்டார்சைக்கிளை அறிமுகம் செய்ய இருக்கிறது.

ஹீரோ மோட்டோகார்ப் நிறுவனம் தனது மோட்டார்சைக்கிள் மற்றும் ஸ்கூட்டர் மாடல்களின் விலையை உயர்த்துவதாக அறிவித்து இருக்கிறது. விலை உயர்வு ஜூலை 1 ஆம் தேதி முதல் அமலுக்கு வருகிறது. புது அறிவிப்பின் படி இருசக்கர வாகனங்கள் விலை ரூ. 3 ஆயிரம் வரை அதிகரிக்க இருக்கிறது. விலை உயர்வு ஒவ்வொரு மாடல் மற்றும் சந்தைக்கு ஏற்ப வேறுபடும்.

தொடர்ச்சியாக செலவீனங்கள் அதிகரித்து வருவது மற்றும் உதிரிபாகங்கள் விலை உயர்வு காரணமாக வாகனங்களின் விலை உயர்த்தப்படுவதாக ஹீரோ மோட்டோகார்ப் அறிவித்து இருக்கிறது. விலை உயர்வு தவிர வாகனங்களில் வேறு எந்த மாற்றமும் மேற்கொள்ளப்படவில்லை.

இந்திய இருசக்கர வாகன உற்பத்தியாளரான ஹீரோ மோட்டோகார்ப் எக்ஸ்-பல்ஸ் 200 4V மாடலை யூரோ 5 விதிகளுக்கு ஏற்ப அப்டேட் செய்ய இருக்கிறது. இந்த மாடலில் மேம்பட்ட ஹெட்லைட் டிசைன், எல்.இ.டி. டி.ஆர்.எல்.கள், ப்ரோஜெக்டர் எல்.இ.டி. ஹெட்லைட் உள்ளிட்டவை வழங்கப்பட்டு உள்ளது. இதே போன்ற அப்டேட்கள் ஹீரோ எக்ஸ் பல்ஸ் 200 4V மாடலின் இந்திய வேரியண்டிலும் வழங்கப்படும் என தெரிகிறது.

பூனேவை சேர்ந்த எலெக்ட்ரிக் வாகன உற்பத்தியாளர் ஈவ்ட்ரிக் மோட்டார்ஸ் இந்தியாவில் தனது முதல் எலெக்ட்ரிக் மோட்டார்சைக்கிளை அறிமுகம் செய்தது. ஈவ்ட்ரிக் ரைஸ் என அழைக்கப்படும் எலெக்ட்ரிக் பைக்கின் விலை ரூ. 1 லட்சத்து 60 ஆயிரம், எக்ஸ்-ஷோரூம் ஆகும்.

புதிய ஈவ்ட்ரிக் ரைஸ் எலெக்ட்ரிக் மோட்டார்சைக்கிள் மாடலுக்கான முன்பதிவு ஏற்கனவே துவங்கி விட்டது. முன்பதிவு கட்டணம் ரூ. 5 ஆயிரம் என நிர்ணயம் செய்யப்பட்டு உள்ளது. ஈவ்ட்ரிக் ரைஸ் மாடலில் 2000 வாட் BLDC மோட்டார் வழங்கப்பட்டு இருக்கிறது. இத்துடன் 70v/40ah லித்தியம் அயன் பேட்டரி வழங்கப்பட்டு உள்ளது.

ஈவ்ட்ரிக் ரைஸ் மாடல் முழு சார்ஜ் செய்தால் 110 கிலோமீட்டர் வரையிலான ரேன்ஜ் வழங்குகிறது. இந்த ஸ்கூட்டர் மணிக்கு அதிகபட்சம் 70 கிலோமீட்டர் வேகத்தில் செல்லும் திறன் கொண்டுள்ளது. இந்த எலெக்ட்ரிக் மோட்டார்சைக்கிள் ரெட் மற்றும் பிளாக் என இரண்டு விதமான நிறங்களில் கிடைக்கிறது.

டுகாட்டி நிறுவனம் இந்திய சந்தையில் புதிய ஸ்கிராம்ப்ளர் அர்பன் மோட்டார்ட் மாடலை அறிமுகம் செய்வதற்கான பணிகளில் மும்முரமாக ஈடுபட்டு வருகிறது. அந்த வகையில், புதிய டுகாட்டி ஸ்கிராம்ப்ளர் அர்பன் மோட்டார்ட் மாடலுக்கான டீசர் வெளியாகியுள்ளது. புது மாடல் டுகாட்டி நிறுவனத்தின் ஐகான், ஐகான் டார்க், நைட்ஷிப்ட் மற்றும் டெசர்ட் ஸ்லெட் போன்ற மாடல்களின் வரிசையில் இணைகிறது.

புதிய ஸ்கிராம்ப்ளர் அர்பன் மோட்டார்ட் மாடலுக்கான டீசர் டுகாட்டி இந்தியா நிறுவனம் தனது அதிகாரப்பூர்வ ட்விட்டர் பக்கத்தில் வெளியிட்டு உள்ளது. டீசரின் படி மோட்டார்சைக்கிளில் ஓரமாக பொருத்தப்பட்டு இருக்கும் சிங்கில் இன்ஸ்ட்ரூமெண்ட் பாட் மற்றும் பீக் ஸ்டைல் மட்கார்டு உள்ளிட்டவைகளை கொண்டு தான் இந்த மாடல் ஸ்கிராம்ப்ளர் அர்பன் மோட்டார்ட் என்பதை உறுதிப்படுத்த முடிகிறது.

இந்திய சந்தையில் புது மாடல் விரைவில் அறிமுகம் செய்யப்பட இருக்கிறது. இந்த மாடலுக்கு சரியான வெளியீட்டு தேதி இதுவரை அறிவிக்கப்படவில்லை. டுகாட்டி ஸ்கிராம்ப்ளர் சீரிஸ் ஸ்போர்ட் ப்ரோ, டார்க் ப்ரோ மற்றும் டிரிபியுட் ப்ரோ மாடல்களில் 1100 சிசி என்ஜின் வழங்கப்பட்டு இருக்கும் நிலையில், அரன்பன் மோட்டார்ட் மாடலில் 803சிசி யூனிட் வழங்கப்படும் என தெரிகிறது.

இந்த என்ஜின் 73 ஹெச்.பி. பவர், 66.2 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் மற்றும் ஸ்லிப்பர் கிளட்ச் வழங்கப்படுகிறது. சர்வதேச சந்தையை போன்றே இந்திய சந்தையிலும் இதே யூனிட் வழங்கப்படும் என கூறப்படுகிறது.

யமஹா R15 V4 மாடலின் விலை இந்தியாவில் உயர்த்தி இருக்கிறது. முன்னதாக மே மாத வாக்கில் யமஹா R15 V4 விலை ரூ. 600 உயர்த்தப்பட்ட நிலையில், தற்போது இதன் விலை ரூ. 500 அதிகரித்து உள்ளது. யமஹா R15 V4 வொர்ல்டு GP 60-வது ஆனிவர்சரி எடிஷன் விலையில் ரூ. 900 உயர்த்தப்பட்டு இருக்கிறது.

புதிய விலை விவரங்கள்:

யமஹா R15 V4 மெட்டாலிக் ரெட் ரூ. 1 லட்சத்து 77 ஆயிரத்து 400

யமஹா R15 V4 டார்க் நைட் ரூ. 1 லட்சத்து 78 ஆயிரத்து 400

யமஹா R15 V4 ரேசிங் புளூ ரூ. 1 லட்சத்து 82 ஆயிரத்து 400

யமஹா R15 V4M மெட்டாலிக் கிரே ரூ. 1 லட்சத்து 87 ஆயிரத்து 400

யமஹா R15 V4M WGP 60-வது ஆனிவர்சரி எடிஷன் ரூ. 1 லட்சத்து 88 ஆயிரத்து 800

கடந்த இரண்டு மாதங்களில் இந்த மோட்டார்சைக்கிள் விலை ரூ. 1100 அதிகரித்து இருந்தலும், யமஹா R15 V4 மாடல் கே.டி.எம். RC200-ஐ விட குறைவாகவே நிர்ணயம் செய்யப்பட்டு உள்ளது. இந்திய சந்தையில் கே.டி.எம். RC200 மாடலின் விலை ரூ. 2 லட்சத்து 13 ஆயிரம் ஆகும். இதன் விலை கே.டி.எம். RC 125 மாடலை விடவும் குறைவாகவே நிர்ணயம் செய்யப்பட்டு உள்ளது. இந்தியாவில் கே.டி.எம். RC125 விலை ரூ. 1 லட்சத்து 86 ஆயிரம் ஆகும்.

விலையை தவிர யமஹா R15 V4 மாடலில் வேறு எந்த மாற்றமும் மேற்கொள்ளப்படவில்லை. இதன் அனைத்து வேரியண்ட்களிலும் 155சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 18.1 பி.ஹெச்.பி. பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் எல்.இ.டி. ப்ரோஜெக்டர் ஹெட்லேம்ப், டி.ஆர்.எல்.கள், எல்.சி.டி. இன்ஸ்ட்ரூமெண்ட் கிளஸ்டர், யு.எஸ்.டி. ஃபோர்க் உள்ளிட்டவை வழங்கப்படுகிறது.

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. 

யமஹா மோட்டார் இந்தியா நிறுவனம் தனது இருசக்கர வாகனங்கள் விலையை மீண்டும் உயர்த்தி இருக்கிறது. இந்த விலை உயர்வில் MT 15 V2 மாடலும் பாதிக்கப்பட்டு இருக்கிறது. ஏப்ரல் மாத வாக்கில் அறிமுகம் செய்யப்பட்ட நிலையில், யமஹா MT 15 V2 விலை தற்போது ரூ. 2 ஆயிரம் உயர்த்தப்பட்டுள்ளது.

புதிய விலை விவரங்கள்:

யமஹா MT 15 V2 மாடலின் பிளாக் நிறத்தின் விலை தற்போது ரூ. 1 லட்சத்து 61 ஆயிரத்து 900 என துவங்குகிறது. யமஹா MT 15 V2 ஐஸ் ஃபுளோ மற்றும் சியான் நிறங்களின் விலை ரூ. 1 லட்சத்து 62 ஆயிரத்து 900 என மாறி இருக்கிறது. முன்னதாக இவற்றின் விலை ரூ. 1 லட்சத்து 60 ஆயிரத்து 900 என நிர்ணயம் செய்யப்பட்டு இருந்தது.

யமஹா MT 15 V2 மாடலில் 155சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இதில் ப்ளூடூத் வசதி கொண்ட ஸ்கிரீன், எல்.இ.டி. ஹெட்லேம்ப், சிங்கில் சேனல் ஏ,பி.எஸ். போன்ற அம்சங்கள் உள்ளன. மேலும் அப்சைடு-டவுன் ஃபோர்க், அலுமினியம் ஸ்விங் ஆர்ம் வழங்கப்பட்டு உள்ளது.

அறிமுகம் செய்யப்பட்டது முதல் யமஹா MT 15 V2 மாடல் விற்பனையில் நல்ல வரவேற்பை பெற்று வருகிறது. மேலும் ஏப்ரல் மாத விற்பனையில் யமஹா MT 15 V2 மாடல் கே.டி.எம். 125 டியூக்-ஐ பின்னுக்குத் தள்ளி அசத்தியது.

ராயல் என்பீல்டு நிறுவனம் ஹண்டர் 350 மோட்டார்சைக்கிளை இந்தியாவில் அறிமுகம் செய்யும் பணிகளில் ஈடுபட்டு வருகிறது. புதிய ஹண்டர் 350 வெளியீடு ஆகஸ்ட் 4 முதல் 8 ஆம் தேதிக்குள் நடைபெறும் என தகவல் வெளியாகி உள்ளது.

புதிய ஹண்டர் 350 மாடல் ராயல் என்பீல்டு நிறுவனத்தின் குறைந்த விலை மாடலாக இருக்கும் என கூறப்படுகிறது. இந்த மாடல் விரைவில் அப்டேட் செய்யப்பட இருக்கும் புல்லட் 350 மாடலின் கீழ் நிலைநிறுத்தப்பட உள்ளது. அந்த வகையில் இதன் விலை ரூ. 1 லட்சத்து 40 ஆயிரத்தில் இருந்து நிர்ணயம் செய்யப்படு என எதிர்பார்க்கலாம்.

இந்த மாடல் J1C1 எனும் குறியீட்டு பெயர் கொண்டிருக்கிறது. இது ஸ்போக் வீல்கள், குறைந்த அம்சங்களையே கொண்டிருக்கும் என தெரிகிறது. இதே மாடலின் டாப் எண்ட் வெர்ஷன் ஒன்று J1C2 எனும் குறியீட்டு பெயரில் உருவாகி வருவதாக கூறப்படுகிறது. இந்த மாடலில் அலாய் வீல்கள் மற்றும் சற்றே கூடுதல் அம்சங்கள் வழங்கப்படலாம்.

புதிய ராயல் என்பீல்டு ஹண்டர் மோட்டார்சைக்கிளிலும் 349சிசி என்ஜின் வழங்கப்படலாம். இந்த என்ஜின் 20.2 பி.ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்தும் என தெரிகிறது. இத்துடன் 5 ஸ்பீடு கியர்பாக்ஸ் வழங்கப்படலாம். இதே என்ஜின் தான் கிளாசிக் 350 மற்றும் மீடியோர் 350 போன்ற மாடல்களிலும் வழங்கப்பட்டு இருக்கிறது.

பஜாஜ் ஆட்டோ நிறுவனம் இந்தியாவில் புது மோட்டார்சைக்கிள் மாடலை அறிமுகம் செய்வதற்கான பணிகளில் ஈடுபட்டு வருகிறது. புதிய பிளாக் எடிஷன் மாடல் பல்சர் N250 மாடலை தழுவி உருவாக்கப்பட்டு உள்ளது. டீசர் வெளியாகி இருப்பதை அடுத்து, புதிய பல்சர் 250 பிளாக் எடிஷன் மாடல் விரைவில் அறிமுகம் செய்யப்படலாம். புது மாடல் பற்றிய விவரங்கள் வெளியாகாத நிலையில், இந்த மாடல் பல்சர் N250 பிளாக் அல்லது N250 பிளாக் எடிஷன் என்று அழைக்கப்படுமா என்பது கேள்விக்குறியாகவே உள்ளது.

டீசர் தவிர இந்த மாடல் பற்றிய விவரங்கள் எதுவும் வெளியாகவில்லை. மேலும் இந்த பைக்கின் வெளியீட்டு தேதியும் அறிவிக்கப்படவில்லை. எனினும், இதுவரை வெளியாகி இருக்கும் தகவல்களின் படி இந்த மாடல் பல்சர் N250 சீரிஸ் மாடல்களை தழுவி உருவாக்கப்பட்டு இருக்கும் என தெரிகிறது. இதன் என்ஜின் பல்சர் N250 மாடலில் உள்ளதை போன்றே வழங்கப்படலாம். மெக்கானிக்கல் மாற்றங்கள் எதுவும் இன்றி இந்த மோட்டார்சைக்கிள் வடிவமைப்பில் மாற்றங்கள் செய்யப்படும் என தெரிகிறது.

புதிய பல்சர் N250 பிளாக் மாடல் பிளாக்டு-அவுட் எலிமண்ட்களை கொண்டிருக்கும் என எதிர்பார்க்கலாம். அதன்படி பிளாக் நிற என்ஜின் கவர்கள், எக்சாஸ்ட் சிஸ்டம் மற்றும் வீல்களை கொண்டிருக்கும் என தெரிகிறது. இன்த மாடலில் 249.07சிசி என்ஜின் வழங்கப்படும் என கூறப்படுகிறது. இந்த என்ஜின் 24.5 பி.எஸ். பவர், 21.5 நியூட்டன் மீட்டர் டார்க் இழுவிசையை வெளிப்படுத்துகிறது.

டிரான்ஸ்மிஷனுக்கு 5 ஸ்பீடு கியர்பாக்ஸ் வழங்கப்படலாம். இத்துடன் அசிஸ்ட் மற்றும் ஸ்லிப்பர் கிளட்ச், கியர் இண்டிகேட்டர், யு.எஸ்.பி. மொபைல் சார்ஜிங் போர்ட் போன்ற அம்சங்கள் வழங்கப்படும் என எதிர்பார்க்கலாம்.

கவாசகி நிறுவனம் இந்திய சந்தையில் 2022 வெர்சிஸ் 650 மோட்டார்சைக்கிளை அறிமுகம் செய்யும் பணிகளில் தீவிரமாக ஈடுபட்டு வருகிறது. இந்த நிலையில், தற்போதைய கவாசகி வெர்சிஸ் 650 மாடலுக்கு அசத்தல் சலுகைகள் அறிவிக்கப்பட்டு உள்ளன. புதிய 2022 கவாசகி வெர்சிஸ் 650 இம்மாத இறுதியில் இந்திய சந்தையில் அறிமுகம் செய்யப்படும் என கூறப்படுகிறது. இத்துடன் வினியோகம் ஜூலை மாத வாக்கில் துவங்கும் என கூறப்படுகிறது.

2022 கவாசகி வெர்சிஸ் 650 மோட்டார்சைக்கிள் விலை, அதன் முந்தைய மாடலை விட ரூ. 40 ஆயிரத்தில் இருந்து ரூ. 50 ஆயிரம் வரை அதிகமாக நிர்ணயம் செய்யப்படலாம். அதிக விலைக்கு ஏற்றார்போல் புதிய கவாசகி வெர்சிஸ் 650 மாடலில் புதிய, கூர்மையான தோற்றம், 4 வழிகளில் அட்ஜஸ்ட் செய்யக்கூடிய விண்ட்-ஸ்கிரீன், டி.எப்.டி. டிஸ்ப்ளே, ப்ளூடூத் கனெக்டிவிட்டி, 2 லெவல் டிராக்‌ஷன் கண்ட்ரோல் சிஸ்டம் உள்ளிட்டவை வழங்கப்படலாம்.

புதிய 2022 கவாசகி வெர்சிஸ் 650 மாடலில் 649சிசி, பேரலெல் டுவின் என்ஜின் வழங்கப்படும் என தெரிகிறது. இந்த என்ஜின் 66 பி.ஹெச்.பி. பவர், 61 நியூட்டன் மீட்டர் டார்க் இழுவிசியை வெளிப்படுத்தும் திறன் கொண்டுள்ளது. இதன் சேசிஸ், சஸ்பென்ஷன் மற்றும் பிரேக்கிங் உள்ளிட்டவை முந்தைய மாடலில் இருந்ததை போன்றே வழங்கப்படலாம்.

தற்போதைய கவாசகி வெர்சிஸ் 650 மாடலின் விலை ரூ. 7 லட்சத்து 15 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. அந்த வகையில், 2022 கவாசகி வெர்சிஸ் 650 மாடலின் விலை ரூ. 7 லட்சத்து 50 ஆயிரம் அல்லது ரூ. 7 லட்சத்து 60 ஆயிரம் வரை நிர்ணயம் செய்யப்படும் என எதிர்பார்க்கலாம். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. 

ராயல் என்பீல்டு ஹண்டர் மோட்டார்சைக்கிள் ராயல் என்பீல்டு மீடியோர் 350 பிளாட்பார்மை சார்ந்து உருவாக்கப்பட்டு இருக்கிறது. இந்த மோட்டார்சைக்கிள் மாடல் இந்திய சாலைகளில் சோதனை செய்யப்படும் படங்கள் பலமுறை இணையத்தில் வெளியாகி இருக்கின்றன.

எனினும், இம்முறை வெளியாகி இருக்கும் புகைப்படங்களில் புதிய ஹண்டர் மாடல் பற்றி ஏராளமான விவரங்கள் வெளியாகி உள்ளது. அந்த வகையில் புதிய ராயல் என்பீல்டு ஹண்டர் மோட்டார்சைக்கிள் ஸ்கிராம்ப்ளர் ரக மாடல் என்றும் இதன் ஃபியூவல் டேன்க் டியர்-டிராப் வடிவம் கொண்டிருக்கிறது. இத்துடன் நீண்ட ஒற்றை இருக்கை, வட்ட வடிவ ஹெட்லேம்ப்கள், டர்ன் இண்டிகேட்டர்கள், ரியர் வியூ மிரர்கள் மற்றும் சற்றே உயர்ந்த பின்புறம் கொண்டிருக்கிறது.

மேலும் இந்த மாடலில் அகலமான ஹேண்டில் பார்கள், மிட்-செட் ஃபூட் பெக், மற்ற ராயல் என்பீல்டு மோட்டார்சைக்கிள் மாடல்களை விட ஸ்போர்ட் தர அம்சங்களை கொண்டிருக்கும் என தெரியவந்துள்ளது. ஜெ பிளாட்பார்மில் உருவாகி இருப்பது, ஸ்கிராம்ப்ளர் போன்ற ஸ்டைலிங் உள்ளிட்ட அம்சங்களை வைத்து பார்க்கும் போது இது மற்ற ராயல் என்பீல்டு மோட்டார்சைக்கிள் மாடல்களை விட குறைந்த எடையில் உருவாகி இருக்கும் என தெரிகிறது.

புதிய ராயல் என்பீல்டு ஹண்டர் மோட்டார்சைக்கிளிலும் 349சிசி என்ஜின் வழங்கப்படலாம். இந்த என்ஜின் 20.2 பி.ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்தும் என தெரிகிறது. இத்துடன் 5 ஸ்பீடு கியர்பாக்ஸ் வழங்கப்படலாம்.

Photo Courtesy: Bikewale