என் மலர்
ஆட்டோமொபைல்ஸ் - Archive
டாடா அல்ட்ரோஸ் எக்ஸ்டி வேரியண்ட்டில் ஆட்டோமேடிக் கிளைமேட் கண்ட்ரோல் வசதி வழங்கப்படுகிறது.
டாடா மோட்டார்ஸ் நிறுவனத்தின் அல்ட்ராஸ் மாடல் அந்நிறுவனத்தின் முதல் பிரீமியம் ஹேட்ச்பேக் மாடல் ஆகும். இந்த கார் 2020 ஜனவரி மாதத்தில் அறிமுகம் செய்யப்பட்டது.
இந்தியாவில் டாடா அல்ட்ரோஸ் மாடல் பல்வேறு வேரியண்ட்களில் விற்பனை செய்யப்பட்டு வருகிறது. அந்த வகையில் டாடா அல்ட்ராஸ் மாடலின் மிட்-ரேன்ஜ் எக்ஸ்டி வேரியண்ட்டில் புதிய அப்டேட் வழங்கப்பட்டு உள்ளது. வாடிக்கையாளர்கள் வழங்கிய கருத்துக்களின் அடிப்படையில் இந்த அப்டேட் வழங்கப்பட்டு உள்ளதாக டாடா மோட்டார்ஸ் தெரிவித்து உள்ளது.
அந்த வகையில் டாடா அல்ட்ராஸ் எக்ஸ்டி வேரியண்ட்டில் ஆட்டோமேடிக் கிளைமேட் கண்ட்ரோல் வசதி வழங்கப்படுகிறது. முன்னதாக இந்த வேரியண்ட்டில் மேனுவல் ஏசி ஆப்ஷன் மட்டுமே வழங்கப்பட்டு இருந்தது. ஆட்டோமேடிக் கிளைமேட் கண்ட்ரோல் வசதி எக்ஸ்இசட் மற்றும் எக்ஸ்இசட் ஒ வேரியண்ட்களில் மட்டும் வழங்கப்பட்டு இருந்தது.
டாடா அல்ட்ரோஸ் மாடலில் 1.2 லிட்டர் பெட்ரோல், 1.5 லிட்டர் டர்போ டீசல் என்ஜின் ஆப்ஷன்கள் வழங்கப்படுகின்றன. இவை முறையே 86 பிஹெச்பி மற்றும் 90 பிஹெச்பி பவர் வழங்குகின்றன. இவற்றுடன் 5 ஸ்பீடு மேனுவல் கியர்பாக்ஸ் வழங்கப்பட்டு உள்ளன.
இந்தியாவில் டாடா அல்ட்ரோஸ் எக்ஸ்டி வேரியண்ட் பெட்ரோல் மாடல் விலை ரூ. 6.84 லட்சம் என்றும் டீசல் மாடல் விலை ரூ. 8.44 லட்சம் என நிர்ணயம் செய்யப்பட்டுள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது.
ஸ்கோடா நிறுவனத்தின் புதிய ஆக்டேவியா மாடல் காரின் ஸ்பை படங்கள் இணையத்தில் லீக் ஆகி உள்ளன.
இந்தியாவில் ஸ்கோடா ஆக்டேவியா மாடல் 2013 ஆம் ஆண்டு முதல் விற்பனை செய்யப்பட்டு வருகிறது. இந்திய சந்தையில் கணிசமான விற்பனையை பதிவு செய்து வரும் ஆக்டேவியா பிஎஸ்6 மாடல் இன்னும் இந்திய சந்தையில் அறிமுகம் செய்யப்படாமல் இருக்கிறது.
முன்னதாக ஸ்கோடா ஆக்டேவியா மேம்பட்ட மாடல் ஜூன் மாதத்திலேயே அறிமுகம் செய்ய திட்டமிடப்பட்டு இருந்தது. எனினும், கொரோனா வைரஸ் பாதிப்பு காரணமாக இதன் வெளியீடு தாமதமாகி உள்ளது. இந்நிலையில், ஸ்கோடா ஆக்டேவியா புதிய மாடல் கார் இந்தியாவில் சோதனை செய்யப்படும் புகைப்படங்கள் இணையத்தில் லீக் ஆகி உள்ளது.
சர்வதேச சந்தையில் ஏற்கனவே அறிமுகம் செய்யப்பட்டு விட்ட நிலையில், இந்தியாவில் இந்த கார் சோதனை செய்யப்படுவது இதுவே முதல் முறை ஆகும். ஸ்பை படங்களின் படி புதிய ஆக்டேவியா மாடல் புதிய எல்இடி ஹெட்லைட்கள், எல்இடி டிஆர்எல்களை கொண்டிருக்கிறது.
புதிய மாடலில் மெல்லிய ஹெட்லேம்ப் யூனிட் வழங்கப்பட்டுள்ளது. இத்துடன் முந்தைய மாடலில் இருந்த இடத்திலேயே புதிய மாடலிலும் ஃபாக் லேம்ப்கள் பொருத்தப்பட்டு இருக்கின்றன. இத்துடன் எல்இடி டெயில்-லைட்கள், புதிய 17 இன்ச் ரோடேர் ஏரோ அலாய் வீல்களை கொண்டிருக்கிறது.
ஸ்கோடா ஆக்டேவியா மேம்பட்ட மாடலில் 1.5 லிட்டர் டிஎஶ்ஐ என்ஜின், 2.0 லிட்டர் டிஎஸ்ஐ டர்போ பெட்ரோல் என்ஜின் வழங்கப்படலாம் என எதிர்பார்க்கப்படுகிறது. இவை முறையே 148 பிஹெச்பி மற்றும் 188 பிஹெச்பி பவர் வெளிப்படுத்தும் திறன் கொண்டவை ஆகும்.
பிஎம்டபிள்யூ நிறுவனத்தின் புதிய எக்ஸ்7 பிளாக் ஷேடோ எடிஷன் மாடல் அறிமுகம் செய்யப்பட்டு உள்ளது.
பிஎம்டபிள்யூ நிறுவனம் புதிய எக்ஸ்7 பிளாக் ஷேடோ எடிஷன் மாடலை அறிமுகம் செய்துள்ளது. புதிய ஸ்பெஷல் எடிஷன் மாடல் ஃபுரோசன் ஆர்க்டிக் கிரே நிறம் கொண்டிருக்கிறது. இந்த மாடல் உலகம் முழுக்க 500 யூனிட்களே உற்பத்தி செய்யப்பட இருக்கின்றன.
இதே மாடல் விரைவில் இந்திய சந்தையிலும் அறிமுகம் செய்யப்படலாம் என எதிர்பார்க்கப்படுகிறது. இந்த காரின் விண்டோ சரவுண்ட், பி மற்றும் சில பில்லர்கள் மற்றும் வெளிப்புற கண்ணாடிகளில் ஹை-கிளாஸ் ஷேடோ ஃபினிஷ் செய்யப்பட்டு இருக்கிறது.
இதன் கிரில் பகுதிகள், எக்சாஸ்ட் டிப்கள் மற்றும் ரூஃப் ரெயில் ஆகிய பகுதிகளிலும் பிளாக் குரோம் ஃபினிஷ் செய்யப்பட்டு உள்ளது. இத்துடன் 22 இன்ச் எம் ஸ்பெக் வீல்கள், எம் ஸ்போக் டிசைன் மற்றும் ஜெட் பிளாக் மேட் ஃபினிஷ் செய்யப்பட்டு உள்ளது. இதேபோன்று காரின் உள்புறத்திலும் பிரத்யேக வடிவமைப்பு மாற்றங்கள் செய்யப்பட்டு உள்ளன.
புதிய பிஎம்டபிள்யூ எக்ஸ்7 டார்க் ஷேடோ எடிஷன் மாடல் அர்பன் கிரீன் மற்றும் கிரிகியோ டெலஸ்டோ மெட்டாலிக் ஃபினிஷ் ஆகிய நிறங்களிலும் கிடைக்கிறது. இந்த மாடலின் உற்பத்தி அமெரிக்காவில் ஆகஸ்ட் மாதத்தில் துவங்க இருக்கிறது. இந்த மாடலை ஃபிளாக்ஷிப் எஸ்யுவி மாடலுடன் கிடைக்கும் எந்த பவர்டிரெயினுடன் வேண்டுமானாலும் வாங்கிக் கொள்ளலாம்.
இந்திய சந்தையின் எஸ்யுவி பிரிவு வாகனங்கள் விற்பனையில் ஹூண்டாய் கார் முன்னணி இடம் பிடித்துள்ளது.
ஹூண்டாய் நிறுவனத்தின் 2020 கிரெட்டா மாடல் இந்திய சந்தையின் அதிகம் விற்பனையான எஸ்யுவி மாடலாக இருக்கிறது. மே மற்றும் ஜூன் மாதம் என தொடர்ச்சியாக இரு மாதங்களாக அதிகம் விற்பனையான எஸ்யுவி மாடல்களில் 2020 கிரெட்டா முதலிடத்தில் இருக்கிறது.
2021 நிதியாண்டின் முதல் காலாண்டில் மட்டும் 10419 ஹூண்டாய் கிரெட்டா யூனிட்கள் விற்பனையாகி உள்ளன. இது சந்தையில் விற்பனையான வாகனங்களில் 38 சதவீதம் ஆகும். கிரெட்டாவை தொடர்ந்து கியா செல்டோஸ் மாடல் 8725 யூனிட்கள் விற்பனையாகி இரண்டாவது அதிகம் விற்பனையான மாடலாக இருக்கிறது.
இதே நிதியாண்டில் மஹிந்திரா ஸ்கார்பியோ 12 சதவீத பங்குகளை பெற்று உள்ளது. மஹிந்திரா நிறுவனம் 3287 ஸ்கார்பியோ யூனிட்களை விற்பனை செய்து உள்ளது. இதே காலக்கட்டத்தில் எம்ஜி ஹெக்டார் 2539 யூனிட்களும், டாடா ஹேரியர் 814 யூனிட்களும் விற்பனையாகி இருக்கிறது.
கொரோனாவைரஸ் பாதிப்பு காரணமாக அனைத்து நிறுவனங்களின் வாகன விற்பனையும் பெருமளவு சரிந்துள்ளது. அந்த வகையில் இதே காலக்கட்டத்தில் கடந்த ஆண்டு விற்பனையை ஒப்பிடுவது பொருத்தமான ஒன்றாக இருக்காது. எனினும், கிரெட்டா மற்றும் கியா செல்டோஸ் இடையேயான போட்டி, விற்பனையை அதிகப்படுத்தலாம் என எதிர்பார்க்கப்படுகிறது.
ஹோண்டா நிறுவனம் இந்திய சந்தையில் இருசக்கர வாகனங்கள் விற்பனையில் புதிய மைல்கல் கடந்து உள்ளது.
ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் பிஎஸ்6 ரக இருசக்கர வாகனங்கள் விற்பனையில் 11 லட்சம் யூனிட்கள் என்ற புதிய மைல்கல்லை கடந்து உள்ளது.
ஹோண்டாவின் முதல் பிஎஸ்6 வாகனமாக ஆக்டிவா 125 எஃப்ஐ மாடல் கடந்த ஆண்டு செப்டம்பர் மாதத்தில் அறிமுகம் செய்யப்பட்டது. இதுவரை ஹோண்டா நிறுவனம் சுமார் 11 பிஎஸ்6 ரக இருசக்கர வாகனங்களை இந்தியாவில் அறிமுகம் செய்து உள்ளது.
இவற்றில் ஆக்டிவா 6ஜி, டியோ, ஆக்டிவா 125, கிரேசியா 125 என நான்கு ஸ்கூட்டர்களும் சிடி11 டிரீம், லிவோ, ஷைன், எஸ்பி 125, யுனிகான், எக்ஸ் பிளேடு மற்றும் 2020 ஆப்ரிக்கா ட்வின் அட்வென்ச்சர் ஸ்போர்ட்ஸ் என ஏழு மோட்டார்சைக்கிள் மாடல்கள் அடங்கும்.
என்ஜின்களை புதிய விதிகளுக்கு ஏற்ப அப்டேட் செய்தது மட்டுமின்றி பிஎஸ்6 மாடல்களில் ஹோண்டா பல்வேறு அதிநவீன அம்சங்களை சேர்த்து வழங்கி உள்ளது. இவற்றில் என்ஜின் ஸ்டார்ட் / ஸ்டாப் ஸ்விட்ச், சைலன்ட் ஸ்டார்ட்டர் உள்ளிட்டவை குறிப்பிடத்தக்க அம்சமாக இருக்கிறது.
டிவிஎஸ் மோட்டார் நிறுவனம் தனது ஜூப்பிட்டர் பிஎஸ்6 மாடல் விலையை இந்தியாவில் மீண்டும் மாற்றி உள்ளது.
டிவிஎஸ் மோட்டார் கம்பெனி நிறுவனம் தனது ஜூப்பிட்டர் பிஎஸ்6 ஸ்கூட்டர் விலையை ரூ. 1040 உயர்த்தி உள்ளது. இதனால் ஜூப்பிட்டர் பிஎஸ்6 ஸ்டான்டர்டு வேரியண்ட் விலை ரூ. 63,102 என மாறி இருக்கிறது.
ஜூப்பிட்டர் பிஎஸ்6 மாடலின் மிட் ரேன்ஜ் இசட் எக்ஸ் மற்றும் ஜூப்பிட்டர் கிளாசிக் வேரியண்ட்களின் விலை முறையே ரூ. 65,102 மற்றும் ரூ. 69,602 என மாறி உள்ளது.
கடந்த மாதம் டிவிஎஸ் ஜூப்பிட்டர் பிஎஸ்6 ஸ்கூட்டர் அனைத்து வேரியண்ட்களின் விலையும் ரூ. 651 வரை உயர்த்தப்பட்டது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.
டிவிஎஸ் ஜூப்பிட்டர் பிஎஸ்6 மாடலில் 110சிசி சிங்கிள் சிலிண்டர் என்ஜின் வழங்கப்பட்டுள்ளது. இந்த என்ஜின் 7.4 பிஹெச்பி பவர், 8.4 என்எம் டார்க் செயல்திறன் வழங்குகிறது. புதிய என்ஜின் முந்தைய மாடலை விட அதிக செயல்திறன், மைலேஜ் வழங்குகிறது.
புதிய ஜூப்பிட்டர் மாடலில் எல்இடி ஹெட்லேம்ப், எல்இடி டெயில் லேம்ப், அனலாக் இன்ஸ்ட்ரூமென்ட் கிளஸ்டர், குளோவ்பாக்ஸ், வெளிப்புறம் ஃபியூயல் லிட், 21 லிட்டர் அன்டர் சீட் ஸ்டோரேஜ் வழங்கப்படுகிறது. இதன் இசட்எக்ஸ் மற்றும் கிளாசிக் வேரியண்ட்களில் யுஎஸ்பி சார்ஜர் வசதியும் வழங்கப்பட்டு உள்ளது.
டொயோட்டா யாரிஸ் ஃபேஸ்லிப்ட் காரின் புதிய டீசர் வெளியிடப்பட்டு இருக்கிறது. இதன் விவரங்களை பார்ப்போம்.
டொயோட்டா நிறுவனத்தின் ஃபேஸ்லிப்ட் யாரிஸ் மாடல் விரைவில் வெளியாக இருக்கிறது. புதிய ஃபேஸ்லிப்ட் மாடல் பிலிப்பைன்சில் ஜூலை 25 ஆம் தேதி அறிமுகம் செய்யப்பட இருக்கிறது. இந்நிலையில், புதிய கார் டீசர் வெளியிடப்பட்டு உள்ளது.
டீசரின் படி ஃபேஸ்லிப்ட் யாரிஸ் காரில் மேம்பட்ட பம்ப்பர், புதிய எல்இடி ஹெட்லேம்ப்கள், மேம்பட்ட கிரில் வழங்கப்பட இருப்பது தெரியவந்துள்ளது. மேம்பட்ட முன்புற பம்ப்பரில் டிரேப்சோயிடல் சென்ட்ரல் ஏர் டேம், ஹெட்லேம்ப் பிளாக்டு-அவுட் செய்யப்பட்டு உள்ளது. இது காருக்கு லெக்சஸ் போன்ற தோற்றம் கொண்டிருக்கிறது.
ஃபாக் லேம்ப்கள் சி வடிவ ரெசஸ்களில் பொருத்தப்பட்டு உள்ளது. இத்துடன் புதிய அலாய் வீல் வடிவமைப்பு மற்றும் பின்புறம் சிறிதளவு மாற்றங்கள் செய்யப்பட்டு இருக்கிறது. காரின் உள்புறம் சிறிதளவு மாற்றங்கள் செய்யப்பட்டு உள்ளன.
புதிய மாடலில் 1.3 லிட்டர் மற்றும் 1.5 லிட்டர் பெட்ரோல் என்ஜின் ஆப்ஷன்கள் வழங்கப்படலாம் என எதிர்பார்க்கப்படுகிறது. இந்தியாவில் 2018 ஆண்டு அறிமுகமான யாரிஸ் மாடல் விற்பனையில் அதிக வரவேற்பு பெறவில்லை. அந்த வகையில், இந்த மாடல் விரைவில் இதன் வர்த்தக மாடல் அறிமுகமாக இருப்பதாக தகவல் வெளியாகி உள்ளது.
மஹிந்திரா நிறுவனத்தின் தார் மாடல் புதிய ஸ்பை படங்கள் இணையத்தில் லீக் ஆகி உள்ளது. இதன் விவரங்களை பார்ப்போம்.
மஹிந்திரா நிறுவனத்தின் புதிய தார் மாடல் வெளியீடு எதிர்பார்க்கப்பட்டதை விட தாமதமாகி வருகிறது. மஹிந்திரா தார் மாடல் சோதனைகள் தொடர்ந்து நடைபெற்று வருகிறது. இந்நிலையில், மஹிந்திரா தார் புதிய ஸ்பை படங்கள் இணையத்தில் லீக் ஆகி இருக்கின்றன.
ஏற்கனவே பலமுறை தார் மாடல் ஸ்பை படங்கள் இணையத்தில் வெளியானது. மஹிந்திரா நிறுவனத்தின் புதிய தார் மாடல் இந்த ஆண்டு இறுதியில் அறிமுகம் செய்யப்படலாம் என எதிர்பார்க்கப்படுகிறது.
புதிய ஸ்பை படங்களில் மஹிந்திரா தார் வெள்ளை நிற பெயின்ட் செய்யப்பட்டு கருப்பு நிற ஹார்டு-டாப் கொண்டிருக்கிறது. இத்துடன் விங் மிரர்களை எலெக்ட்ரிக் அட்ஜஸ்ட் செய்யும் வசதி வழங்கப்பட இருப்பதும் தெரியவந்துள்ளது. இத்துடன் புதிய தார் மாடல் பிளாக் ஃபென்டர் கிளாடிங், முன்புற பம்ப்பர் வடிவமைப்பும் புகைப்படங்களில் அம்பலமாகி இருக்கிறது.
புதிய தார் மாடலில் வட்ட வடிவ ஹெட்லேம்ப்கள், ஏழு ஸ்லாட் கிரில் உள்ளிட்டவை வழங்கப்பட்டு இருக்கிறது. இது பார்க்க ஜீப் ராங்ளர் போன்ற தோற்றத்தை வழங்குகிறது. ஹார்டு-டாப் மட்டுமின்றி புதிய தார் மாடல் சாஃப்ட்-டாப் வெர்ஷனும் ஆப்ஷனாக வழங்கப்படும் என தெரிகிறது.
மஹிந்திராவின் புதிய தார் மாடலில் 2.0 லிட்டர் டிஜிடிஐ எம்ஸ்டேலியன் பெட்ரோல் மோட்டார் வழங்கப்படுகிறது. இது 187 பிஹெச்பி பவர், 380 என்எம் டார்க் செயல்திறன் வழங்குகிறது. இதன் டீசல் வேரியண்ட்டில் 2.2 லிட்டர் எம்ஹாக் யூனிட் வழங்கப்படலாம் என தெரிகிறது. இது 140 பிஹெச்பி பவர் வழங்குகிறது. இரு என்ஜின்களுடன் 6 ஸ்பீடு மேனுவல் டிரான்ஸ்மிஷன் வழங்கப்படுகிறது.
மாருதி சுசுகி நிறுவனத்தின் புதிய எஸ் கிராஸ் கார் முன்பதிவு துவங்கப்பட்டு உள்ளது. இதன் விவரங்களை பார்ப்போம்.
மாருதி சுசுகி நிறுவனம் தனது எஸ் கிராஸ் பெட்ரோல் மாடலின் முன்பதிவுகளை துவங்கி இருக்கிறது. வாடிக்கையாளர்கள் தங்களுக்கு அருகாமையில் உள்ள நெக்சா விற்பனையகம் அல்லது நெக்சா வலைதளத்தில் ரூ. 11 ஆயிரம் செலுத்தி புதிய மாடலை முன்பதிவு செய்து கொள்ளலாம்.
மாருதி சுசுகி நிறுவனத்தின் பிஎஸ்6 அப்டேட் பெறாத மாடலாக எஸ் கிராஸ் இருக்கிறது. இதுவரை டீசல் வேரியண்ட் மட்டும் விற்பனை செய்யப்பட்டு வந்தது. இந்நிலையில், ஆகஸ்ட் 5 ஆம் தேதி இதன் பெட்ரோல் வேரியண்ட் அறிமுகம் செய்யப்பட இருக்கிறது.
முன்னதாக 2020 ஆட்டோ எக்ஸ்போ விழாவில் காட்சிக்கு வைக்கப்பட்ட எஸ் கிராஸ் பெட்ரோல் வேரியண்ட் ஏப்ரல் மாதத்தில் அறிமுகமாக இருந்தது. எனினும், கொரோனா வைரஸ் பாதிப்பு காரணமாக இதன் வெளியீடு தாமதமாகி இருக்கிறது.
விட்டாரா பிரெஸ்ஸா மாடலில் உள்ளதை போன்று எஸ் கிராஸ் மாடலிலும் சுசுகியின் கே15பி பெட்ரோல் என்ஜின் வழங்கப்படலாம் என தெரிகிறது. முதன்முதலில் இந்த என்ஜின் சியாஸ் மாடலில் வழங்கப்பட்டது. இது 105 ஹெச்பி பவர், 138 என்எம் டார்க் செயல்திறன் வழங்குகிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்படுகிறது.
மாருதி சுசுகி நிறுவனத்தின் இக்னிஸ் மாடல் புதிய அம்சத்துடன் அறிமுகம் செய்யப்பட்டு உள்ளது.
மாருதி சுசுகி நிறுவனம் தனது இக்னிஸ் ஹேட்ச்பேக் மாடல்களின் சீட்டா வேரியண்ட்டில் ஸ்மார்பிளே இன்ஃபோடெயின்மென்ட் சிஸ்டம் வழங்க துவங்கி உள்ளது. இதனால் இந்த வேரியண்ட் விலை ரூ. 8500 அதிகமாகி உள்ளது.
மாருதி இக்னிஸ் சீட்டா மாடல் எம்டி மற்றும் ஏஎம்டி என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 5.98 லட்சம் மற்றும் ரூ. 6.45 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.
முன்னதாக 7 இன்ச் ஸ்மார்ட்பிளே தொடுதிரை வசதி கொண்ட இன்ஃபோடெயின்மென்ட் சிஸ்டம் ஆல்ஃபா வேரியண்ட்களில் மட்டுமே வழங்கப்பட்டு இருந்தது.
மாருதி சுசுகி இக்னிஸ் மாடலில் 1.2 லிட்டர், 4 சிலிண்டர் விவிடி பெட்ரோல் என்ஜின் வழங்கப்படுகிறது. இது 82 பிஹெச்பி பவர், 113 என்எம் டார்க் செயல்திறன் வழங்குகிறது. இத்துடன் 5 ஸ்பீடு மேனுவல் டிரான்ஸ்மிஷன் மற்றும் ஏஎம்டி யூனிட் உள்ளிட்ட ஆப்ஷன்கள் வழங்கப்படுகிறது.
டிவிஎஸ் மோட்டார் நிறுவனத்தின் புதிய செஸ்ட் 110 பிஎஸ்6 மாடல் ஸ்கூட்டர் இந்திய சந்தையில் அறிமுகம் செய்யப்பட்டு உள்ளது.
டிவிஎஸ் மோட்டார் கம்பெனி நிறுவனம் இந்தியாவில் புதிய செஸ்ட் 110 பிஎஸ்6 மாடல் ஸ்கூட்டரை அறிமுகம் செய்து உள்ளது. புதிய ஸ்கூட்டர் துவக்க விலை ரூ. 58460 என நிர்ணயம் செய்யப்பட்டு உள்ளது. இது முந்தைய பிஎஸ்4 மாடலை விட ரூ. 7 ஆயிரம் விலை அதிகம் ஆகும். அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.
புதிய பிஎஸ்6 ஸ்கூட்டர் ஹிமாலயன் ஹை சீரிஸ் மற்றும் மேட் சீரிஸ் என இருவித நிறங்களில் கிடைக்கிறது. இவை ரெட், புளூ, பர்ப்பிள், பிளாக், எல்லோ மற்றும் டர்குயிஸ் புளூ நிறங்களில் கிடைக்கிறது.
டிவிஎஸ் செஸ்ட் 110 பிஎஸ்6 மாடல் தோற்றத்தில் மாற்றங்கள் எதுவும் செய்யப்படவில்லை. இதில் கன்வென்ஷனல் ஹெட்லேம்ப் மற்றும் எல்இடி டிஆர்எல் கொண்டிருக்கிறது. இதில் 19 லிட்டர் அன்டர் சீட் ப்ரோவிஷன் மற்றும் முன்புறம் சிறிய கம்பார்ட்மென்ட் வழங்கப்படுகிறது.
புதிய டிவிஎஸ் செஸ்ட் மாடலில் 110 சிசி, ஏர் கூல்டு என்ஜின் வழங்கப்பட்டுள்ளது. இது 7.6 பிஹெச்பி பவர், 8.8 என்எம் டார்க் செயல்திறன் வழங்குகிறது. இருபுறங்களிலும் 10 இன்ச் வீல்கள் வழங்கப்பட்டு உள்ளன. இத்துடன் டெலிஸ்கோபிக் ஃபோர்க் மற்றும் மோனோஷாக் சஸ்பென்ஷன் வழங்கப்படுகிறது.
இந்திய ஆட்டோமொபைல் சந்தையில் களமிறங்கிய ஐந்து ஆண்டுகளில் 11 லட்சம் வாடிக்கையாளர்களை நெக்சா பிராண்டு பெற்று இருக்கிறது.
மாருதி சுசுகி நிறுவனத்தின் பிரீமியம் பிராண்டான நெக்சா இந்திய சந்தையில் ஐந்து ஆண்டுகளை நிறைவு செய்து உள்ளது. இந்த காலக்கட்டத்தில் இந்தியாவில் சுமார் 11 லட்சத்திற்கும் அதிக வாகனங்களை நெக்சா பிராண்டு விற்பனை செய்து இருக்கிறது.
இந்திய சந்தையில் 2015 ஆம் ஆண்டு அறிமுகமான நெக்சா பிராண்டு மாருதி சுசுகி நிறுவனத்தின் பிரீமியம் மாடல்களை விற்பனை செய்து வருகிறது. தற்சமயம் நெக்சா பிராண்டிங்கில் இக்னிஸ், பலேனோ, சியாஸ் மற்றும் எக்ஸ்எல்6 போன்ற மாடல்கள் விற்பனை செய்யப்பட்டு வருகின்றன.
நெக்சா விற்பனையகங்களை நவீனப்படுத்தவும், விற்பனை முறையில் புதிய தொழில்நுட்பங்களை அறிமுகம் செய்யவும் நெக்சா பிராண்டு திட்டமிட்டு இருக்கிறது. தற்சமயம் நாடு முழுக்க 200 நகரங்களில் சுமார் 350 விற்பனை மையங்களை நெக்சா கொண்டிருக்கிறது.
விரைவில் நெக்சா பிராண்டு எஸ் கிராஸ் பெட்ரோல் மாடலை இந்திய சந்தையில் அறிமுகம் செய்ய இருக்கிறது. இதில் பிஎஸ்6 ரக 1.5 லிட்டர் என்ஜின் வழங்கப்படுகிறது. இந்த என்ஜின் ஆட்டோமேடிக் மற்றும் மேனுவல் கியர்பாக்ஸ் ஆப்ஷன் கொண்டிருக்கும் என தெரிகிறது.
×