search icon
என் மலர்tooltip icon

    ஆட்டோமொபைல்

    பிஎம்டபிள்யூ எக்ஸ்7 பிளாக் ஷேடோ எடிஷன்
    X
    பிஎம்டபிள்யூ எக்ஸ்7 பிளாக் ஷேடோ எடிஷன்

    பிஎம்டபிள்யூ எக்ஸ்7 பிளாக் ஷேடோ எடிஷன் அறிமுகம்

    பிஎம்டபிள்யூ நிறுவனத்தின் புதிய எக்ஸ்7 பிளாக் ஷேடோ எடிஷன் மாடல் அறிமுகம் செய்யப்பட்டு உள்ளது.

    பிஎம்டபிள்யூ நிறுவனம் புதிய எக்ஸ்7 பிளாக் ஷேடோ எடிஷன் மாடலை அறிமுகம் செய்துள்ளது. புதிய ஸ்பெஷல் எடிஷன் மாடல் ஃபுரோசன் ஆர்க்டிக் கிரே நிறம் கொண்டிருக்கிறது. இந்த மாடல் உலகம் முழுக்க 500 யூனிட்களே உற்பத்தி செய்யப்பட இருக்கின்றன. 

    இதே மாடல் விரைவில் இந்திய சந்தையிலும் அறிமுகம் செய்யப்படலாம் என எதிர்பார்க்கப்படுகிறது. இந்த காரின் விண்டோ சரவுண்ட், பி மற்றும் சில பில்லர்கள் மற்றும் வெளிப்புற கண்ணாடிகளில் ஹை-கிளாஸ் ஷேடோ ஃபினிஷ் செய்யப்பட்டு இருக்கிறது. 

     பிஎம்டபிள்யூ எக்ஸ்7 பிளாக் ஷேடோ எடிஷன்

    இதன் கிரில் பகுதிகள், எக்சாஸ்ட் டிப்கள் மற்றும் ரூஃப் ரெயில் ஆகிய பகுதிகளிலும் பிளாக் குரோம் ஃபினிஷ் செய்யப்பட்டு உள்ளது. இத்துடன் 22 இன்ச் எம் ஸ்பெக் வீல்கள், எம் ஸ்போக் டிசைன் மற்றும் ஜெட் பிளாக் மேட் ஃபினிஷ் செய்யப்பட்டு உள்ளது. இதேபோன்று காரின் உள்புறத்திலும் பிரத்யேக வடிவமைப்பு மாற்றங்கள் செய்யப்பட்டு உள்ளன. 

    புதிய பிஎம்டபிள்யூ எக்ஸ்7 டார்க் ஷேடோ எடிஷன் மாடல் அர்பன் கிரீன் மற்றும் கிரிகியோ டெலஸ்டோ மெட்டாலிக் ஃபினிஷ் ஆகிய நிறங்களிலும் கிடைக்கிறது. இந்த மாடலின் உற்பத்தி அமெரிக்காவில் ஆகஸ்ட் மாதத்தில் துவங்க இருக்கிறது. இந்த மாடலை ஃபிளாக்ஷிப் எஸ்யுவி மாடலுடன் கிடைக்கும் எந்த பவர்டிரெயினுடன் வேண்டுமானாலும் வாங்கிக் கொள்ளலாம். 
    Next Story
    ×