என் மலர்
தொழில்நுட்பச் செய்திகள்
வோடபோன் ஐடியா நிறுவனம் ரூ. 46 விலையில் புதிய பிரீபெயிட் சலுகையை அறிவித்து இருக்கிறது.
வோடபோன் ஐடியா நிறுவனம் ரூ. 46 விலையில் புதிய சலுகையை அறிவித்து இருக்கிறது. இதில் லோக்கல் ஆன்-நெட் நைட் நிமிடங்கள் வழங்கப்படுகிறது. இதனால் பகலில் வாய்ஸ் கால், எஸ்எம்எஸ் அல்லது டேட்டா பலன்களை பயன்படுத்த தனியாக ரீசார்ஜ் செய்ய வேண்டும்.
புதிய ரூ. 46 விலை சலுகை 28 நாட்கள் வேலிடிட்டி கொண்டது. ரூ. 46 சலுகையிலும் வோடபோன் ஐடியா ஏற்கனவே வழங்கி வரும் ரூ. 24 வவுச்சரில் கிடைக்கும் பலன்களே வழங்கப்படுகிறது. எனினும், ரூ. 24 விலை சலுகை 14 நாட்கள் வேலிடிட்டி கொண்டுள்ளது.
முதற்கட்டமாக வோடபோன் ரூ. 46 விலை சலுகை கேரளா வட்டாரத்தில் அறிவிக்கப்பட்டு இருக்கிறது. புதிய சலுகையில் 100 லோக்கல் ஆன்-நெட் நைட் நிமிடங்கள் வழங்குகிறது. இத்துடன் உள்ளூர் மற்றும் தேசிய அழைப்புகள் நொடிக்கு 2.5 பைசா கட்டணம் நிர்ணயம் செய்யப்பட்டு இருக்கிறது.
நைட் காலிங் அழைப்புகள் இரவு 11 மணி முதல் காலை 6 மணி வரை வழங்கப்படுகிறது. புதிய ரூ. 46 விலை சலுகை ஐடியா வாடிக்கையாளர்களுக்கும் வழங்கப்படுகிறது.
சாம்சங் நிறுவனத்தின் கேலக்ஸி எம்51 ஸ்மார்ட்போனின் இந்திய வெளியீட்டு தேதி அறிவிக்கப்பட்டு உள்ளது.
சாம்சங் நிறுவனம் தனது புதிய மிட் ரேன்ஜ் ஸ்மார்ட்போனான கேலக்ஸி எம்51 மாடலினை இந்திய சந்தையில் செப்டம்பர் 10 ஆம் தேதி அறிமுகம் செய்ய இருப்பதாக தெரிவித்து இருக்கிறது. இந்த ஸ்மார்ட்போன் அமேசான் தளத்தில் வெளியாக இருக்கிறது.
இதன் வடிவமைப்பு மற்றும் சிறப்பம்சங்கள் கேலக்ஸி எம்31எஸ் மாடலில் உள்ளதை போன்றே வழங்கப்பட இருக்கிறது. அந்த வகையில் கேலக்ஸி எம்51 ஸ்மார்ட்போனில் 6.7 இன்ச் சூப்பர் AMOLED பிளஸ் இன்ஃபினிட்டி ஒ டிஸ்ப்ளே, ஸ்னாப்டிராகன் 730 பிராசஸர், 7000 எம்ஏஹெச் பேட்டரி மற்றும் 25 வாட் ஃபாஸ்ட் சார்ஜிங் வசதி வழங்கப்படுகிறது.
சாம்சங் கேலக்ஸி எம்51 சிறப்பம்சங்கள்
- 6.7 இன்ச் 2400x1080 பிக்சல் FHD+ இன்ஃபினிட்டி ஒ சூப்பர் AMOLED பிளஸ் டிஸ்ப்ளே
- ஆக்டாகோர் ஸ்னாப்டிராகன் 730 பிராசஸர்
- அட்ரினோ 618 ஜிபியு
- 6 ஜிபி / 8 ஜிபி LPDDR4x ரேம்
- 128 ஜிபி (UFS 2.1) மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 10 மற்றும் ஒன் யுஐ 2.1
- டூயல் சிம் ஸ்லாட்
- 64 எம்பி பிரைமரி கேமரா, எல்இடி ஃபிளாஷ், f/1.8
- 12 எம்பி 123° அல்ட்ரா வைடு ஆங்கில் கேமரா, f/2.2
- 5 எம்பி டெப்த் சென்சார், f/2.2
- 5 எம்பி மேக்ரோ சென்சார், f/2.4
- 32 எம்பி செல்ஃபி கேமரா, f/2.2
- பக்கவாட்டில் கைரேகை சென்சார்
- 3.5 எம்எம் ஆடியோ ஜாக்
- எஃப்எம் ரேடியோ, டால்பி அட்மோஸ்
- டூயல் 4ஜி வோல்ட்இ, வைபை, ப்ளூடூத் 5
- யுஎஸ்பி டைப் சி
- 7000 எம்ஏஹெச் பேட்டரி
- 25 வாட் ஃபாஸ்ட் சார்ஜிங்
சாம்சங் கேலக்ஸி எம்51 ஸ்மார்ட்போன் பிளாக் மற்றும் வைட் நிறங்களில் கிடைக்கிறது. இதே ஸ்மார்ட்போன் ஏற்கனவே டென்மார்க்கில் கிடைக்கிறது. இதன் விலை 360 யூரோக்கள், இந்திய மதிப்பில் ரூ. 31,600 என நிர்ணயம் செய்யப்பட்டு இருக்கிறது.
சாம்சங் நிறுவனத்தின் கேலக்ஸி இசட் ஃபோல்டு 2 மடிக்கக்கூடிய ஸ்மார்ட்போன் அறிமுகம் செய்யப்பட்டது.
சாம்சங் நிறுவனம் ஏற்கனவே அறிவித்தப்படி கேலக்ஸி இசட் ஃபோல்டு 2 மடிக்கக்கூடிய ஸ்மார்ட்போனினை அன்பேக்டு ஆன்லைன் நிகழ்வில் அறிமுகம் செய்தது.
புதிய ஸ்மார்ட்போன் 7.6 இன்ச் QXGA+ இன்பினிட்டி ஒ டைனமிக் AMOLED ஸ்கிரீன் வழங்கப்பட்டு உள்ளது. இதன் வெளிப்புறம் 6.2 இன்ச் ஹெச்டி பிளஸ் சூப்பர் AMOLED இன்ஃபினிட்டி பிளெக்ஸ் டிஸ்ப்ளே வழங்கப்பட்டு இருக்கிறது.
சாம்சங் கேலக்ஸி இசட் ஃபோல்டு 2 சிறப்பம்சங்கள்
- 7.3 இன்ச் 2208x1768 பிக்சல் QXGA+ 22.5:18 இன்ஃபினிட்டி ஒ டைனமிக் AMOLED டிஸ்ப்ளே
- 6.2 இன்ச் 2260x816 பிக்சல் 25:9 ஹெச்டி+ சூப்பர் AMOLED இன்ஃபினிட்டி ஃபிளெக்ஸ் கவர் டிஸ்ப்ளே
- ஆக்டாகோர் குவால்காம் ஸ்னாப்டிராகன் 865 பிளஸ் டிஸ்ப்ளே
- அட்ரினோ 650 ஜிபியு
- 12 ஜிபி LPDDR5 ரேம்
- 256 ஜிபி / 512 ஜிபி (UFS 3.1) மெமரி
- ஆண்ட்ராய்டு 10 மற்றும் ஒன் யுஐ 2.5
- டூயல் சிம்
- 12 எம்பி பிரைமரி கேமரா, எல்இடி ஃபிளாஷ், f/1.8, PDAF, OIS
- 12 எம்பி டெலிபோட்டோ லென்ஸ், f/2.4, PDAF, OIS
- 12 எம்பி 120° அல்ட்ரா வைடு சென்சார், f/2.2
- 10 எம்பி கவர் மற்றும் 10 எம்பி செல்ஃபி கேமரா, f/2.2
- ஸ்டீரியோ ஸ்பீக்கர்கள்
- பக்கவாட்டில் கைரேகை சென்சார்
- 5ஜி SA/NSA, சப்6 / எம்எம்வேவ், டூயல் 4ஜி வோல்ட்இ, வைபை, ப்ளூடூத் 5
- யுஎஸ்பி டைப்-சி
- 4500 எம்ஏஹெச் பேட்டரி
- 25 வாட் வையர்டு மற்றும் 11 வாட் வயர்லெஸ் சார்ஜிங்
சாம்சங் கேலக்ஸி இசட் ஃபோல்டு 2 ஸ்மார்ட்போன் மிஸ்டிக் பிளாக் மற்றும் மிஸ்டிக் பிரான்ஸ் நிறங்களில் கிடைக்கிறது. இதன் விலை 1999 டாலர்கள் இந்திய மதிப்பில் ரூ. 1,45,930 முதல் துவங்குகிறது.
ஆப்பிள் நிறுவனம் 7.5 கோடி 5ஜி ஐபோன் யூனிட்களை உருவாக்கி வருவதாக தகவல் வெளியாகி இருக்கிறது.
ஆப்பிள் நிறுவனம் இந்த ஆண்டு விற்பனை செய்ய சுமார் 7.5 கோடி 5ஜி ஐபோன் யூனிட்களை உற்பத்தி செய்து வருவதாக தகவல் வெளியாகி உள்ளது. மேலும் இந்த எண்ணிக்கையை 8 கோடியாக அதிகரிக்கவும் ஆப்பிள் நிறுவனம் திட்டமிட்டு இருப்பதாக கூறப்படுகிறது.
5ஜி ஐபோன்கள் தவிர புதிய ஐபேட் ஏர், ஆப்பிள் வாட்ச் வெர்ஷன்களும் அறிமுகமாகும் என கூறப்படுகிறது. புதிய ஐபேட் ஏர் மாடல் ஐபேட் ப்ரோ போன்ற வடிவமைப்பில் எட்ஜ்-டு-எட்ஜ் ஸ்கிரீன் வழங்கப்படும் என கூறப்படுகிறது.
இவைதவிர ஒவர் இயர் ஹெட்போன்கள், சிறிய அளவிலான ஹோம்பாட் ஸ்பீக்கர் உள்ளிட்டவைகளையும் ஆப்பிள் நிறுவனம் உற்பத்தி செய்து வருவதாக தகவல் வெளியாகி உள்ளது. ஆப்பிள் மற்றும் அதன் உற்பத்தியாளர்கள் புது சாதனங்களின் உற்பத்தி பணிகளை வேகப்படுத்தி இருப்பதாக தெரிகிறது.
முன்னதாக வெளியான தகவல்களில் ஐபோன் 12 விலை ஐபோன் 11 போன்றே நிர்ணயம் செய்யப்படலாம் என தெரிகிறது. முன்னதாக வெளியான தகவல்களில் புதிய ஐபோன் பேக்கேஜிங் ரென்டர்களின் படி புதிய ஐபோனிற்கான லைட்னிங் கேபிள் மற்றும் மேனுவல் புக்லெட் உள்ளிட்டவை வழங்கப்படும் என கூறப்படுகிறது.
இத்துடன் சார்ஜர் மற்றும் இயர்பாட்ஸ் வைப்பதற்கான இடம் நீக்கப்பட்டுள்ளது. இதன் காரணமாகவே புதிய ஐபோன் பாக்ஸ் மெல்லியதாக இருக்கும் என கூறப்படுகிறது. ஏற்கனவே வெளியான தகவல்களின்படி புதிய ஐபோன் 5ஜி நெட்வொர்க் வசதி கொண்டிருக்கும் என கூறப்பட்டது.
போக்கோ நிறுவனத்தின் போக்கோ எக்ஸ்3 என்எஃப்சி வெளியீட்டு தேதி அதிகாரப்பூர்வமாக அறிவிக்கப்பட்டு இருக்கிறது.
போக்கோ எக்ஸ்3 என்எஃப்சி செப்டம்பர் 7 ஆம் தேதி அறிமுகம் செய்யப்பட இருப்பதாக அந்நிறுவனம் தனது அதிகாரப்பூர்வ ட்விட்டர் தளத்தில் தெரிவித்து இருக்கிறது. முன்னதாக இந்த ஸ்மார்ட்போனின் கேமரா மாட்யூல் விவரங்களை போக்கோ டீசராக வெளியிட்டு இருந்தது குறிப்பிடத்தக்கது.
புதிய போக்கோ ஸ்மார்ட்போன் முந்தைய போக்கோ எக்ஸ்2 மாடலின் மேம்பட்ட வெர்ஷன் ஆகும். இந்தியாவில் போக்கோ எக்ஸ்2 ஸ்மார்ட்போன் பிப்ரவரி மாத வாக்கில் அறிமுகம் செய்யப்பட்டது. புதிய போக்கோ ஸ்மார்ட்போன் விவரங்கள் ரகசியமாக வைக்கப்பட்டுள்ளது.
எனினும், இந்த ஸ்மார்ட்போனில் குவால்காம் ஸ்னாப்டிராகன் 732ஜி பிராசஸர் வழங்கப்படும் என தெரிகிறது. புதிய போக்கோ எக்ஸ்3 என்எஃப்சி மாடல் அறிமுக நிகழ்வு அந்நிறுவனத்தின் அதிகாரப்பூர்வ யூடியூப், பேஸ்புக் மற்றும் ட்விட்டர் தளங்களில் நேரலை செய்யப்பட இருக்கிறது.
முந்தைய தகவல்களின் படி புதிய போக்கோ ஸ்மார்ட்போன் 64 எம்பி பிரைமரி கேமரா கொண்டிருக்கும் என தெரியவந்துள்ளது. மேலும் இந்த கேமரா சென்சார் பிக்சல் பின்னிங் தொழில்நுட்பத்தை பயன்படுத்தி 16 எம்பி ரெசல்யூஷனில் புகைப்படங்களை வழங்கும் என கூறப்படுகிறது.
கேமரா விவரங்களுடன், அதில் எடுக்கப்பட்ட புகைப்படங்களும் வெளியிடப்பட்டுள்ளன. அதில், போக்கோ எக்ஸ்3 ஸ்மார்ட்போனில் ப்ரோ மோட், அப்ரேச்சர், எக்ஸ்போஷர், ஐஎஸ்ஒ மற்றும் வைட் பேலன்ஸ் உள்ளிட்டவற்றை அட்ஜஸ்ட் செய்யக்கூடிய வசதி வழங்கப்படுகிறது.
டாடா ஸ்கை நிறுவனம் அதிக டேட்டா வழங்கும் புதிய பிராட்பேண்ட் சலுகையை அறிமுகம் செய்து இருக்கிறது.
டாடா ஸ்கை நிறுவனம் 500 ஜிபி டேட்டா வழங்கும் புதிய பிராட்பேண்ட் சலுகையை இந்தியாவில் அறிமுகம் செய்துள்ளது. இதற்கான மாதாந்திர கட்டணம் ரூ. 1900 என நிர்ணயம் செய்யப்பட்டு உள்ளது. இந்த சலுகையில் பயனர்கள் நொடிக்கு 300 எம்பி வேகத்தில் இணைய சேவையை பயன்படுத்த முடியும்.
நிர்ணயிக்கப்பட்ட டேட்டா வழங்கும் சலுகைகளை டாடா ஸ்கை தற்சமயம் தேர்வு செய்யப்பட்ட சில பகுதிகளில் மட்டும் வழங்கி வருகிறது. மேலும் இந்த சலுகைகளுக்கான கட்டணம் அன்லிமிட்டெட் டேட்டா சலுகை கட்டணத்தை விட குறைவாகவே நிர்ணயிக்கப்பட்டு உள்ளது.
புதிய சலுகையில் அதிக டேட்டா வழங்குவது மட்டுமின்றி இவற்றுடன் இலவச ரவுட்டர், டேட்டா ரோல் ஓவர் ஆப்ஷனும் வழங்கப்படுகிறது. இதனால் பயன்படுத்தப்படாத டேட்டா முந்தைய மாதத்தில் இருந்து அடுத்த மாதத்திற்கும் பயன்படுத்திக் கொள்ளலாம்.
டாடா ஸ்கை சலுகைகள் மாதாந்திர அடிப்படையில் மட்டுமின்றி காலாண்டு மற்றும் வருடாந்திர அடிப்படையிலும் வழங்கப்படுகிறது. மாதாந்திர சலுகையில் 500 ஜிபி டேட்டா பயன்படுத்தியதும், டேட்டா வேகம் நொடிக்கு 3 எம்பியாக குறைக்கப்படுகிறது.
சியோமி நிறுவனத்தின் முதல் ரெட்மி 5ஜி ஸ்மார்ட்போன் விரைவில் இந்திய சந்தையில் அறிமுகம் செய்யப்பட இருக்கிறது.
சியோமி நிறுவனம் ரெட்மி கே30 5ஜி ஸ்மார்ட்போனினை விரைவில் இந்திய சந்தையில் அறிமுகம் செய்ய இருப்பதாக தகவல் வெளியாகி இருக்கிறது. புதிய ரெட்மி ஸ்மார்ட்போனில் குவால்காம் நிறுவனத்தின் 5ஜி சிப்செட் வழங்கப்பட இருப்பதாக கூறப்படுகிறது.
முன்னதாக இதே ஸ்மார்ட்போன் கடந்த ஆண்டு வாக்கில் சீன சந்தையில் அறிமுகம் செய்யப்பட்டது. இதன் 4ஜி வேரியண்ட் இந்திய சந்தையில் போக்கோ எக்ஸ்2 பெயரில் இந்த ஆண்டு துவக்கத்தில் அறிமுகம் செய்யப்பட்டது.
ரெட்மி கே30 5ஜி வேரியண்ட் ரெட்மி பிராண்டிங் கொண்டு இந்திய சந்தையில் சியோமி நிறுவனத்தின் முதல் 5ஜி ஸ்மார்ட்போனாக அறிமுகம் செய்யப்படலாம் என தெரிகிறது. இந்த ஸ்மார்ட்போன் 8 ஜிபி ரேம், 128 ஜிபி மெமரி என ஒற்றை வேரியண்ட்டில் மட்டும் அறிமுகம் செய்யப்படும் என கூறப்படுகிறது.
மேலும் இந்த ரெட்மி ஸ்மார்ட்போன் ஃபிராஸ்ட் வைட் மற்றும் மிஸ்ட் பர்ப்பிள் என இரண்டு வித நிறங்களில் அறிமுகமாகும் என கூறப்படுகிறது. 5ஜி வேரியண்ட்டில் ஸ்னாப்டிராகன் 765ஜி சிப்செட், 120 ஹெர்ட்ஸ் எல்சிடி டிஸ்ப்ளே, குவாட் கேமரா, 4500 எம்ஏஹெச் பேட்டரி வழங்கப்பட இருக்கிறது.
போட் நிறுவனத்தின் துணை பிராண்டு எடிக்ட் இந்திய சந்தையில் ஆடியோ சாதனங்களை குறைந்த விலையில் அறிமுகம் செய்து இருக்கிறது.
இந்தியாவின் முன்னணி ஆடியோ நிறுவனங்களில் ஒன்றான போட் எடிக்ட் எனும் பெயரில் துணை பிராண்டை துவங்கி இருக்கிறது. புதிய எடிக்ட் பிராண்டு அமேசானுக்காக உருவாக்கப்பட்டு இருப்பதாக குறிப்பிடப்பட்டு உள்ளது.
அந்த வகையில் எடிக்ட் ஆடியோ சாதனங்கள் அமேசான் தளத்தில் மட்டும் பிரத்யேகமாக விற்பனை செய்யப்படுகிறன. புதிய எடிக்ட் பிராண்டு வயர்லெஸ் ஹெட்போன்களில் துவங்கி ஸ்பீக்கர்கள் போன்ற சாதனங்களை அறிமுகம் செய்துள்ளது. இவற்றின் விலை ரூ. 299 இல் துவங்கி அதிகபட்சம் ரூ. 1299 வரை நிர்ணயம் செய்யப்பட்டு உள்ளது.
எடிக்ட் இஇபி01 வையர்டு இயர்போன் விலை ரூ. 299 என நிர்ணயம் செய்யப்பட்டு உள்ளது. இதுமட்டுமின்றி இடபிள்யூஇ01 வயர்லெஸ் இயர்போன் ரூ. 799, இடபிள்யூஇ01 வயர்லெஸ் நெக்பேண்ட் ரூ. 999, இஎஸ்பி01 வயர்லெஸ் ஸ்பீக்கர் விலை ரூ. 1099, இடபிள்யூஹெச்01 வயர்லெஸ் ஹெட்போன் விலை ரூ. 1299 என்றும் இடிடபிள்யூஎஸ்01 ட்ரூ வயர்லெஸ் இயர்போன் ரூ. 1299 விலைகளில் கிடைக்கின்றன.
எடிக்ட் பிராண்டின் விலை உயர்ந்த இடிடபிள்யூஎஸ்01 இருக்கிறது. மேலும் இதுவே விலை குறைந்த ட்ரூ வயர்லெஸ் இயர்போன் ஆகும். ரூ. 1299 விலையில் கிடைக்கும் புதிய வயர்லெஸ் இயர்போன் 3.5 மணி நேர பேக்கப் வழங்குகிறது.
இத்துடன் 8 எம்எம் டைனமிக் டிரைவர்கள், டிஜிட்டல் டிஸ்ப்ளே பேட்டரி இன்டிகேட்டர் வழங்கப்பட்டு உள்ளது. மேலும் ப்ளூடூத் 5 கனெக்டிவிட்டி, டச் கண்ட்ரோல், வாய்ஸ் அசிஸ்டண்ட் வசதி உள்ளிட்டவை வழங்கப்பட்டு இருக்கிறது.
சியோமி நிறுவனம் 5000 எம்ஏஹெச் பேட்டரி கொண்ட ரெட்மி 9ஏ ஸ்மார்ட்போனின் இந்திய வெளியீட்டு தேதியை அறிவித்துள்ளது.
சியோமி நிறுவனத்தின் ரெட்மி 9ஏ ஸ்மார்ட்போன் நாளை (செப்டம்பர் 2) அறிமுகம் செய்யப்பட இருக்கிறது. பட்ஜெட் விலையில் அறிமுகமாக இருக்கும் ரெட்மி 9ஏ ஸ்மார்ட்போனில் 6.53 இன்ச் எல்சிடி டாட் டிராப் நாட்ச் ஸ்கிரீன், 5000 எம்ஏஹெச் பேட்டரி, ஆக்டாகோர் மீடியாடெக் ஹீலியோ ஜி25 பிராசஸர் வழங்கப்பட்டு உள்ளது.
ரெட்மி 9ஏ சிறப்பம்சங்கள்:
- 6.53 இன்ச் 1600x720 பிக்சல் ஹெச்டி பிளஸ் ஸ்கிரீன்
- 2 ஜிகாஹெர்ட்ஸ் ஆக்டாகோர் மீடியாடெக் ஹீலியோ ஜி25 பிராசஸர்
- ஐஎம்ஜி பவர்விஆர் ஜிஇ8320 ஜிபியு
- 2 ஜிபி ரேம்
- 32 ஜிபி மெமரி
- மெமரியை கூடுதலாக நீட்டிக்கும் வசதி
- டூயல் சிம்
- ஆண்ட்ராய்டு 10 மற்றும் எம்ஐயுஐ 12
- 13 எம்பி பிரைமரி கேமரா, எல்இடி ஃபிளாஷ், f/2.2
- 5 எம்பி செல்பி கேமரா, f/2.2
- 3.5 எம்எம் ஆடியோ ஜாக், எஃப்எம் ரேடியோ
- ஸ்பிலாஷ் ப்ரூஃப்
- டூயல் 4ஜி வோல்ட்இ, வைபை, ப்ளூடூத் 5
- மைக்ரோ யுஎஸ்பி
- 5000 எம்ஏஹெச் பேட்டரி
- 10 வாட் சார்ஜிங்
சியோமி நிறுவனத்தின் புதிய எம்ஐ வாட்ச் ரிவால்வ் மற்றும் எம்ஐ பேண்ட் 5 சாதனங்கள் விரைவில் அறிமுகமாக இருக்கின்றன.
சியோமியின் எம்ஐ வாட்ச் ரிவால்வ் மற்றும் எம்ஐ பேண்ட் 5 சாதனங்கள் விரைவில் இந்திய சந்தையில் அறிமுகம் செய்யப்பட இருக்கின்றன. புதிய எம்ஐ வாட்ச் ரிவால்வ் எம்ஐ வாட்ச் கலர் மாடலின் ரீபிராண்டு செய்யப்பட்ட வெர்ஷன் ஆகும். முன்னதாக இந்த வாட்ச் சீன சந்தையில் அறிமுகம் செய்யப்பட்டது.
தற்போதைய தகவல்களின் படி இந்தியா வரும் பட்சத்தில், சியோமி நிறுவனம் இந்தியா கொண்டு வரும் முதல் ஸ்மார்ட்வாட்ச் மாடலாக இருக்கும் என எதிர்பார்க்கப்படுகிறது. எம்ஐ வாட்ச் போன்றே புதிய எம்ஐ பேண்ட் 5 மாடலும் ஏற்கனவே சீன சந்தையில் அறிமுகம் செய்யப்பட்டது.
இரு அணியக்கூடிய சாதனங்களின் சரியான வெளியீட்டு தேதி இதுவரை அறிவிக்கப்படவில்லை. எம்ஐ பேண்ட் 5 ஒருமுறை சார்ஜ் செய்தால் அதிகபட்சம் 20 நாட்களுக்கு பேட்டப் வழங்கும் என்றும் இதில் 11 வெவ்வேறு ஸ்போர்ட்ஸ் மோட்கள், வாட்டர் ரெசிஸ்டண்ட் போன்ற வசதிகள் வழங்கப்படுகின்றன.
புதிய எம்ஐ பேண்ட் 5 சியோமி ஏற்கனவே அறிமுகம் செய்த எம்ஐ பேண்ட் 4 மாடலின் மேம்பட்ட வெர்ஷன் ஆகும். சீனாவில் இந்த ஃபிட்னஸ் பேண்ட் ஜூன் மாத வாக்கில் அறிமுகம் செய்யப்பட்டது.
ரியல்மி நிறுவனத்தின் புதிய ரியல்மி 7 ஸ்மார்ட்போன் வீடியோ இணையத்தில் லீக் ஆகி இருக்கிறது.
ரியல்மியின் புதிய ரியல்மி 7 ஸ்மார்ட்போன் அன்பாக்சிங் வீடியோ இணையத்தில் லீக் ஆகி இருக்கிறது. லீக் ஆன வீடியோவில் ரியல்மி 7 ஸ்மார்ட்போன் 8 ஜிபி ரேம், 128 ஜிபி மெமரி கொண்டிருந்தது. இத்துடன் ரியல்மி 7 ஸ்மார்ட்போன் விவரங்களும் தெரியவந்துள்ளது.
அந்த வகையில் புதிய ரியல்மி 7 ஸ்மார்ட்போனில் மீடியாடெக் ஹீலியோ ஜி85 சிப்செட், 90 ஹெர்ட்ஸ் ஸ்கிரீன், 5000 எம்ஏஹெச் பேட்டரி, 30 வாட் ஃபாஸ்ட் சார்ஜிங், 64 எம்பி குவாட் கேமரா சென்சார்கள் வழங்கப்படுகிறது. முந்தைய தகவல்களில் இந்த ஸ்மார்ட்போன் 6 ஜிபி ரேம், 64 ஜிபி மெமரி, 8 ஜிபி ரேம், 128 ஜிபி மெமரி கொண்டிருக்கும் என கூறப்பட்டது.
ரியல்மி 7 மாடலின் குவாட் கேமரா சென்சார்கள் செங்குத்தாக பொருத்தப்படும் என்றும் பேக் பேனலில் ரியல்மி பிராண்டிங் வழங்கப்படுகிறது. செல்ஃபி கேமராவுக்கென ஸ்கிரீனின் இடதுபுற ஓரத்தில் பன்ச் ஹோல் கட்-அவுட் வழங்கப்படுகிறது. இத்துடன் டூயல் சிம் ஸ்லாட், பிரத்யேக மைக்ரோ எஸ்டி கார்டு ஸ்லாட் வழங்கப்படுகிறது.
புதிய ரியல்மி ஸ்மார்ட்போன் ஆண்ட்ராய்டு 10 இயங்குதளம் கொண்டிருக்கும் என தெரியவந்துள்ளது. ஸ்மார்ட்போனை சுற்றி தடிமனான பெசல்கள் காணப்படுகிறது.
சாம்சங் நிறுவனத்தின் குறைந்த விலை மடிக்கக்கூடிய ஸ்மார்ட்போன் மாடலின் இந்திய வெளியீட்டு விவரங்களை தொடர்ந்து பார்ப்போம்.
சாம்சங் நிறுவனம் தனது முதல் மடிக்கக்கூடிய ஸ்மார்ட்போனாக கேலக்ஸி ஃபோல்டு மாடலை கடந்த ஆண்டு அறிமுகம் செய்தது. பின் மடிக்கக்கூடிய ஸ்மார்ட்போன்கள் எண்ணிக்கையை அதிகப்படுத்தும் பணிகளில் சாம்சங் ஈடுபட்டு வருகிறது. இதன் விளைவாக கேலக்ஸி இசட் ப்ளிப் மாடலும் வெளியிடப்பட்டது.
அந்த வரிசையில், சாம்சங் நிறுவனம் தனது கேலக்ஸி இசட் சீரிஸ் மாடலின் லைட் வெர்ஷனை இந்திய சந்தையில் அறிமுகம் செய்ய இருப்பதாக கூறப்படுகிறது. புதிய கேலக்ஸி இசட் ஃபோல்டு லைட் பெயர் இன்னும் உறுதி செய்யப்படவில்லை. எனினும், புதிய ஸ்மார்ட்போன் ஒன்று எஸ்எம்-எஃப்415எஃப் எனும் மாடல் நம்பர் கொண்டு உருவாகி வருகிறது.
பொதுவாக சாம்சங் மாடல்களில் எஃப் எனும் வார்த்தை மடிக்கக்கூடிய சாதனங்களை குறிப்பிடுகின்றன. மேலும் இதில் குறைந்த இலக்க எண் வழங்கப்பட்டு இருப்பதால் இது கேலக்ஸி ஃபோல்டு சாதனங்களின் லோயர் எண்ட் மாடலாக இருக்கும் என கூறப்படுகிறது. அந்த வகையில் இதன் விலையும் குறைவாக நிர்ணயம் செய்யப்படலாம்.
புதிய மாடல் நம்பர் கொண்ட ஸ்மார்ட்போன் சாம்சங் இந்தியா அதிகாரப்பூர்வ வலைதள பக்கங்களிலும் இடம்பெற்று இருக்கிறது. அந்த வகையில், கேலக்ஸி இசட் ஃபோல்டு லைட் இந்திய வெளியீடு கிட்டத்தட்ட உறுதியாகிவிட்டது. முன்னதாக கேலக்ஸி எஸ்10 மற்றும் நோட் 10 மாடல்களின் லைட் வெர்ஷன் இந்தியாவில் அறிமுகம் செய்யப்பட்டது.
தற்போதைய தகவல்களின் படி புதிய ஸ்மார்ட்போன் ஸ்னாப்டிராகன் 865 பிராசஸர் வழங்கப்படும் என்றும், இதில் 5ஜி, மிக மெல்லிய கிளாஸ் உள்ளிட்டவை வழங்கப்படாது என கூறப்படுகிறது. இதன் விலை சாம்சங்கின் தற்போதைய மடிக்கக்கூடிய மாடல்களை விட குறைவாக நிர்ணயம் செய்யப்படும் என எதிர்பார்க்கப்படுகிறது.
×