என் மலர்
தொழில்நுட்பச் செய்திகள்
இந்தியாவில் கொரோனா தொற்றை எதிர்கொள்வதற்கான தடுப்பூசி திட்டம் விரிவான முறையில் செயல்படுத்தப்பட்டு வருகிறது.
இந்தியாவில் மூன்றாம் கட்ட தடுப்பூசி திட்டம் செயல்படுத்தப்பட்டு இருக்கிறது. அதன்படி 18 வயதுடையோரும் தடுப்பூசி செலுத்திக்கொள்ள முடியும். தடுப்பூசி செலுத்திக் கொள்ள பொதுமக்கள் CoWIN தளத்தில் முன்பதிவு செய்வது கட்டாயமாக்கப்பட்டு இருக்கிறது.
இந்த தளத்தில் பயனர் அருகாமையில் உள்ள தடுப்பூசி மையங்கள் பற்றிய விவரம் வழங்கப்படுகிறது. எனினும், வாட்ஸ்அப் செயலியில் இயங்கும் மத்திய அரசின் MyGov Corona Helpdesk சாட்பாட் பொது மக்களுக்கு, அவர்களின் அருகாமையில் செயல்படும் தடுப்பூசி மையம் பற்றிய விவரங்களை வழங்குகிறது.
இந்த சாட்பாட் சேவையானது கொரோனா தொற்று குறித்து பரவும் போலி தகவல்களை குறைக்கும் நோக்கில் கடந்த ஆண்டு அறிமுகம் செய்யப்பட்டது. அறிமுகமான பத்தே நாட்களில் இந்த சேவையை சுமார் 1.7 கோடி பேர் பயன்படுத்த துவங்கினர். இந்த சேவையில் தடுப்பூசி மையம் பற்றிய தகவல்கள் வழங்கப்படுவதை மத்திய அரசு ட்விட்டர் மூலம் தெரிவித்தது.
விவோ நிறுவனம் சத்தமின்றி உருவாக்கி வரும் புது ஸ்மார்ட்போன் விவரங்கள் இணையத்தில் வெளியாகி இருக்கின்றன.
விவோ x60t ப்ரோ ஸ்மார்ட்போன் விரைவில் அறிமுகம் செய்யப்பட இருப்பதாக தகவல் வெளியாகி உள்ளது. இந்த ஸ்மார்ட்போன் விவரங்கள் 3சி சான்றளிக்கும் வலைதளத்தில் வெளியாகி இருக்கிறது. விவோ x60, x60 ப்ரோ மற்றும் x60 ப்ரோ பிளஸ் மாடல்களுடன் புது விவோ ஸ்மார்ட்போன் இணைந்துள்ளது.
புதிய விவோ x60 ஸ்மார்ட்போன் V2120A எனும் மாடல் நம்பர் கொண்டிருக்கிறது. இந்த ஸ்மார்ட்போன் 5ஜி கனெக்டிவிட்டி, 33 வாட் பாஸ்ட் சார்ஜிங் போன்ற அம்சங்களை கொண்டிருக்கும் என தெரியவந்துள்ளது. இதில் வழங்கப்பட இருக்கும் பிராசஸர் பற்றி இதுவரை எந்த தகவலும் இல்லை.
மற்ற அம்சங்களை பொருத்தவரை விவோ x60t மாடலில் 6.59 இன்ச் FHD+AMOLED டிஸ்ப்ளே, பன்ச் ஹோல் கேமரா, மீடியாடெக் டிமென்சிட்டி 1100 5ஜி பிராசஸர், டூயல் சிம் ஸ்லாட், 8 ஜிபி ரேம், 128 ஜிபி மெமரி, ஆண்ட்ராய்டு 11 சார்ந்த ஒரிஜின் ஒஎஸ் 1.0 வழங்கப்படும் என தெரிகிறது.
புகைப்படங்களை எடுக்க 48 எம்பி பிரைமரி கேமரா, 13 எம்பி வைடு ஆங்கில் லென்ஸ், 13 எம்பி போர்டிரெயிட் லென்ஸ், 32 எம்பி செல்பி கேமரா வழங்கப்படுகிறது. 4300 எம்ஏஹெச் பேட்டரி, 33 வாட் பாஸ்ட் சார்ஜிங், இன் டிஸ்ப்ளே கைரேகை சென்சார், வைபை 6, ப்ளூடூத் 5.2 போன்ற அம்சங்கள் வழங்கப்படலாம்.
சாம்சங் நிறுவனம் இந்திய சந்தையில் கேலக்ஸி எம்42 5ஜி ஸ்மார்ட்போனினை சமீபத்தில் அறிமுகம் செய்தது.
சாம்சங் நிறுவனம் சத்தமின்றி உருவாக்கி வரும் புது கேலக்ஸி எம் சீரிஸ் ஸ்மார்ட்போன் விவரங்கள் இணையத்தில் வெளியாகி உள்ளது. தற்போதைய தகவல்களின்படி இந்த மாடல் கேலக்ஸி எம்32 ஆக இருக்கும் என கூறப்படுகிறது. புது சாம்சங் ஸ்மார்ட்போன் விவரங்கள் கீக்பென்ச் தளத்தில் வெளியாகி உள்ளது.
அதன்படி புதிய சாம்சங் ஸ்மார்ட்போன் SM-M325F எனும் மாடல் நம்பர் கொண்டு உருவாகி வருகிறது. மேலும் இது ஆண்ட்ராய்டு 11 ஒஎஸ், அதிகபட்சம் 6 ஜிபி ரேம் கொண்டிருக்கிறது.
கேலக்ஸி எம்32 எதிர்பார்க்கப்படும் அம்சங்கள்
- 6.4 இன்ச் FHD+ சூப்பர் AMOLED இன்பினிட்டி யு டிஸ்ப்ளே
- கார்னிங் கொரில்லா கிளாஸ் 5
- ஆக்டாகோர் மீடியாடெக் ஹீலியோ ஜி80 பிராசஸர்
- ARM மாலி-G52 2EEMC2 GPU
- 6 ஜிபி / 8 ஜிபி LPDDR4x ரேம்
- 64 ஜிபி / 128 ஜிபி மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 11 மற்றும் ஒன் யுஐ 3.1
- ஹைப்ரிட் டூயல் சிம்
- 64 எம்பி பிரைமரி கேமரா, f/1.8, LED பிளாஷ்
- 8 எம்பி அல்ட்ரா வைடு ஆங்கில் கேமரா, f/2.2
- 5 எம்பி டெப்த் கேமரா
- 5 எம்பி மேக்ரோ சென்சார், f/2.4
- 20 எம்பி செல்பி கேமரா, f/2.2
- இன் டிஸ்ப்ளே கைரேகை சென்சார்
- 3.5 எம்எம் ஆடியோ ஜாக், டால்பி அட்மோஸ்
- டூயல் 4ஜி வோல்ட்இ, வைபை, ப்ளூடூத் 5
- யுஎஸ்பி டைப் சி
- 6000 எம்ஏஹெச் பேட்டரி
- 15 வாட் பாஸ்ட் சார்ஜிங்
பிளேஸ்டேஷன் பிளஸ் சந்தாதாரர்களுக்கு ஒவ்வொரு மாதமும் தேர்வு செய்யப்பட்ட கேம்கள் இலவசமாக வழங்கப்பட்டு வருகின்றன.
சோனி நிறுவனம் தனது பிளேஸ்டேஷன் பிளஸ் சந்தாதாரர்களுக்கு சில வீடியோ கேம்களை ஒவ்வொரு மாதமும் இலவசமாக வழங்கி வருகிறது. அந்த வகையில் மே 4 முதல் மே 31 ஆம் தேதி வரையிலான காலக்கட்டத்தில் வழங்கப்பட இருக்கும் இலவச கேம்கள் எவை என்பதை சோனி அறிவித்துள்ளது.
அந்த வகையில் Battlefield V, Stranded Deep மற்றும் Wreckfest போன்ற கேம்கள் மே மாதத்தில் இலவசமாக வழங்கப்படுகின்றன. இவற்றில் Battlefield V மற்றும் Stranded Deep ஆகிய கேம்கள் பிஎஸ்4 மற்றும் பிஎஸ்5 கேம் கன்சோல்களுக்கு வழங்கப்படுகிறது.
மற்றொரு கேமான Wreckfest பிஎஸ்5 கன்சோலுக்கு மட்டும் பிரத்யேகமாக வழங்கப்படுகிறது. சோனி நிறுவனம் பிளேஸ்டேஷன் பிளஸ் சந்தாவை மாதம் ரூ. 499, மூன்று மாதங்களுக்கு ரூ. 1,199 மற்றும் 12 மாதங்களுக்கு ரூ. 2,999 கட்டணத்தில் வழங்கி வருகிறது.
சாம்சங் நிறுவனம் தனது புது லேப்டாப் மாடலை அமெரிக்க சந்தையில் அறிமுகம் செய்து இருக்கிறது. இதன் விவரங்களை பார்ப்போம்.
சாம்சங் கேலக்ஸி புக் ப்ளெக்ஸ் 2 ஆல்பா அமெரிக்க சந்தையில் அறிமுகம் செய்யப்பட்டது. புது லேப்டாப் நேரடியாக சாம்சங் வலைதளத்தில் பட்டியலிடப்பட்டு முன்பதிவு துவங்கி இருக்கிறது.
புதிய சாம்சங் லேப்டாப் அந்நிறுவனம் கடந்த ஆண்டு அறிமுகம் செய்த கேலக்ஸி புக் ப்ளெக்ஸ் ஆல்பா மாடலின் மேம்பட்ட வெர்ஷன் ஆகும். இது 2 இன் 1 கன்வெர்டிபில் டிசைன் கொண்டிருக்கிறது. புதிய கேலக்ஸி புக் ப்ளெக்ஸ் 2 ஆல்பா மாடல் 11-ம் தலைமுறை இன்டெல் கோர் ஐ5 / கோர் ஐ7 பிராசஸர் கொண்டுள்ளது.
சாம்சங் கேலக்ஸி புக் ப்ளெக்ஸ் 2 ஆல்பா இன்டெல் கோர் ஐ5 பிராசஸர் கொண்ட மாடல் விலை 849 டாலர்கள் இந்திய மதிப்பில் ரூ. 63 ஆயிரம் என்றும் இன்டெல் கோர் ஐ7 பிராசஸர் வேரியண்ட் விலை 1049 டாலர்கள் இந்திய மதிப்பில் ரூ. 77,700 என நிர்ணயம் செய்யப்பட்டு உள்ளது. புதிய சாம்சங் லேப்டாப் பிளாக் மற்றும் சில்வர் நிற ஆப்ஷன்களில் கிடைக்கிறது.
சாம்சங் கேலக்ஸி புக் ப்ளெக்ஸ் 2 ஆல்பா 13.3 இன்ச் QLED புல் ஹெச்டி 1920x1080 பிக்சல் டச் ஸ்கிரீன் டிஸ்ப்ளே, இன்டெல் கோர் ஐ5 / கோர் ஐ7 பிராசஸர் கொண்டிருக்கிறது. இன்டெல் கோர் ஐ5 பிராசஸருடன் 8 ஜிபி ரேம், 256 ஜிபி எஸ்எஸ்டி, இன்டெல் கோர் ஐ7 பிராசஸருடன் 16 ஜிபி ரேம், 512 ஜிபி மெமரி வழங்கப்படுகிறது.
டெலிகிராம் செயலியில் அதிகம் எதிர்பார்க்கப்பட்ட க்ரூப் வீடியோ கால் அம்சம் எப்போது வழங்கப்படும் என அதன் சிஇஒ தெரிவித்து இருக்கிறார்.
2020 ஆண்டு வீடியோ கால் சேவைக்கான தேவை பலமடங்கு அதிகரித்தது. இதன் காரணமாக பல்வேறு குருந்தகவல் சேவை வழங்கும் செயலிகளில் வீடியோ கால் சேவையை அறிமுகம் செய்வதும், அவற்றை மேம்படுத்துவது உள்ளிட்ட பணிகளில் அதிக கவனம் செலுத்த துவங்கின.
தற்போது டெலிகிராம் நிறுவனம் தனது செயலியில் வீடியோ கால் வசதியை வழங்க இருக்கிறது. இத்துடன் ஸ்கிரீன்-ஷேரிங், என்க்ரிப்ஷன் மற்றும் பல்வேறு அம்சங்கள் வழங்கப்படுகிறது. டெலிகிராம் சிஇஒ மற்றும் நிறுவனர் பவெல் துரோவ், வாய்ஸ் சாட் அம்சத்துடன் வீடியோ கால் சேவையை மே மாத வாக்கில் வழங்க இருப்பதாக தெரிவித்து இருக்கிறார்.
மற்ற வீடியோ கால் சேவைகளை போன்றே டெலிகிராம் சேவையிலும் வீடியோ கால் அம்சம் ஸ்கிரீன் ஷேரிங், என்க்ரிப்ஷன், நாய்ஸ் கேன்சலேஷன் போன்ற வசதிகள் வழங்கப்படும் என கூறப்படுகிறது. இந்த அம்சம் டெலிகிராம் செயலி மட்டுமின்றி டெஸ்க்டாப் மற்றும் டேப்லெட் சாதனங்களிலும் வழங்கப்படுகிறது.
சியோமி நிறுவனம் ரெட்மி நோட் 10 சீரிசை ரெட்மி நோட் 10, ரெட்மி நோட் 10 ப்ரோ மற்றும் ரெட்மி நோட் 10 ப்ரோ மேக்ஸ் என மூன்று மாடல்களில் அறிமுகம் செய்தது.
சியோமி நிறுவனம் இந்தியாவில் தனது ரெட்மி நோட் 10 விலையை உயர்த்தியுள்ளது. விலை உயர்வின் படி ரெட்மி நோட் 10 ஸ்மார்ட்போனின் 4 ஜிபி + 64 ஜிபி விலை ரூ. 12,499 என்றும் 6 ஜிபி + 128 ஜிபி விலை ரூ. 14,499 என மாறி இருக்கிறது. முன்னதாக இந்த ஸ்மார்ட்போன் முறையே ரூ. 11,999 மற்றும் ரூ. 13,999 என நிர்ணயம் செய்யப்பட்டது.
ரெட்மி நோட் 10 ஸ்மார்ட்போன் அக்வா கிரீன், பிராஸ்ட் வைட் மற்றும் ஷேடோ பிளாக் நிறங்களில் கிடைக்கிறது. அமேசான் தளத்தில் இந்த மாடலை வாங்குவோருக்கு சிறப்பு எக்சேன்ஜ் சலுகை மற்றும் வட்டியில்லா மாத தவணை முறை சலுகையும் வழங்கப்படுகிறது.
சிறப்பம்சங்களை பொருத்தவரை ரெட்மி நோட் 10 ஸ்மார்ட்போன் ஆண்ட்ராய்டு 11 சார்ந்த எம்ஐயுஐ 12, 6.43 இன்ச் 1080x2400 பிக்சல் சூப்பர் AMOLED டிஸ்ப்ளே, குவால்காம் ஸ்னாப்டிராகன் 678 பிராசஸர், அதிகபட்சம் 6 ஜிபி ரேம், 128 ஜிபி மெமரி வழங்கப்படுகிறது.
புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி மேக்ரோ, 2 எம்பி டெப்த் சென்சார் மற்றும் 13 எம்பி செல்பி கேமரா வழங்கப்பட்டுள்ளது. இத்துடன் 5000 எம்ஏஹெச் பேட்டரி, 33 வாட் பாஸ்ட் சார்ஜிங் வழங்கப்படுகிறது.
ரியல்மி பிராண்டு இந்திய சந்தையில் புதிய எக்ஸ்7 மேக்ஸ் ஸ்மார்ட்போனினை அறிமுகம் செய்ய திட்டமிட்டு இருந்தது.
ரியல்மி நிறுவனம் கடந்த ஆண்டு அறிமுகம் செய்த ரியல்மி எக்ஸ்7 ப்ரோ இந்திய ஸ்மார்ட்போன் சந்தையின் ரூ. 30 ஆயிரம் பட்ஜெட்டில் கடும் போட்டியை ஏற்படுத்தி இருக்கிறது. இதன் காரணமாக சியோமி, விவோ, ஐகூ போன்ற பிராண்டுகள் இந்த பிரிவில் பல்வேறு மாடல்களை அறிமுகம் செய்து வருகின்றன.
இந்தியாவில் கொரோனாவைரஸ் பாதிப்பு அதிகரித்து வருவதை காரணம் காட்டி ரியல்மி எக்ஸ்7 மேக்ஸ் 5ஜி ஸ்மார்ட்போனின் வெளியீட்டை ஒத்திவைக்க ரியல்மி முடிவு செய்துள்ளது. இதுகுறித்த அறிவிப்பை ரியல்மி தனது சமூக வலைதள பக்கத்தில் பதிவிட்டு இருக்கிறது. இதோடு மே 4 ஆம் தேத நடைபெற இருந்த ரியல்மி ஆண்டுவிழா நிகழ்வும் ரத்து செய்யப்பட்டு இருக்கிறது.
கொரோனாவைரஸ் இரண்டாவது அலையின் தாக்கம் இந்தியாவில் கடுமையாக இருக்கிறது. இந்த சூழலில் குடும்பமாக இணைந்து மக்களுக்கு உதவ வேண்டும் என ரியல்மி தெரிவித்து உள்ளது. ரியல்மி எக்ஸ்7 மேக்ஸ் 5ஜி வெளியீடு பற்றி ரியல்மி வேறு எந்த தகவலையும் வழங்கவில்லை.
உலகளவில் கணினி மற்றும் கேமிங் கன்சோல்களில் பிரபல கேம்களில் ஒன்றாக அபெக்ஸ் லெஜண்ட்ஸ் இருக்கிறது.
உலக கேமிங் சந்தையின் பேட்டில் ராயல் கேம்கள் பிரிவில் அபெக்ஸ் லெஜண்ட்ஸ் கணினி மற்றும் கேமிங் கன்சோல்களில் மிகவும் பிரபலமான ஒன்றாக இருக்கிறது. தற்போது ரீஸ்பான் என்டர்டெயின்மென்ட் மற்றும் எலெக்டிரானிக் ஆர்ட்ஸ் நிறுவனங்கள் இணைந்து இந்த கேமினை மொபைலில் வெளியிட இருக்கின்றன.
சமீபத்தில் இந்த கேமிற்கான மொபைல் வெர்ஷன் முன்பதிவு கூகுள் பிளே ஸ்டோரில் உலகளவில் துவங்கப்பட்டது. முன்பதிவை தொடர்ந்து இந்த கேமிற்கான Early Access வழங்கப்படுகிறது. இது கேமினை ஏற்கனவே முன்பதிவு செய்தவர்களுக்கு மட்டும் வழங்கப்படுகிறது.
இந்த கேம் கடந்த வாரம் முன்பதிவு செய்த ஆண்ட்ராய்டு பயனர்களுக்கு மட்டும் வழங்கப்படுகிறது. இந்த கேம் 1.34 ஜிபி அளவு கொண்டுள்ளது. Early Access பெற்ற பயனர்கள் கேம் ஸ்கிரீன்ஷாட்களை ட்விட்டரில் பதிவிட்டு வருகின்றனர். முதற்கட்டமாக இந்த கேம் ஆண்ட்ராய்டு தளத்தில் மட்டுமே வழங்கப்படுகிறது.
விவோ வி21 5ஜி ஸ்மார்ட்போன் ப்ளிப்கார்ட், ஆப்லைன் ஸ்டோர்களில் மே 6 ஆம் தேதி விற்பனைக்கு வருகிறது.
விவோ நிறுவனம் வி21 5ஜி ஸ்மார்ட்போனினை இந்திய சந்தையில் அறிமுகம் செய்தது. இது அந்நிறுவனத்தின் புது மிட் ரேன்ஜ் 5ஜி ஸ்மார்ட்போன் ஆகும். இதில் 6.44 இன்ச் புல் ஹெச்டி பிளஸ் AMOLED ஸ்கிரீன், 90 ஹெர்ட்ஸ் ரிப்ரெஷ் ரேட் கொண்டிருக்கிறது.
இத்துடன் 44 எம்பி செல்பி கேமரா, OIS, ஆட்டோ போக்கஸ் வசதி மற்றும் பல்வேறு இதர அம்சங்கள் வழங்கப்பட்டுள்ளது. இந்த ஸ்மார்ட்போன் மீடியாடெக் டிமென்சிட்டி 800யு பிராசஸர், 8 ஜிபி ரேம், எக்ஸ்டென்டெட் ரேம் தொழில்நுட்பம், 64 எம்பி பிரைமரி கேமரா, 8 எம்பி வைடு ஆங்கில் லென்ஸ் மற்றும் 2 எம்பி மேக்ரோ கேமரா கொண்டிருக்கிறது.
விவோ வி21 5ஜி அம்சங்கள்
- 6.44 இன்ச் 2404×1080 பிக்சல் FHD+ AMOLED ஸ்கிரீன்
- ஆக்டாகோர் மீடியாடெக் 800யு பிராசஸர்
- 8 ஜிபி LPDDR4x ரேம்
- 128 ஜிபி / 256 ஜிபி (UFS 2.2) மெமரி
- மெமரியை கூடுதலாக நீட்டிக்கும் வசதி
- ஹைப்ரிட் டூயல் சிம்
- ஆண்ட்ராய்டு 11 மற்றும் பன்டச் ஒஎஸ் 11.1
- 64 எம்பி பிரைமரி கேமரா, f/1.79, LED பிளாஷ், OIS
- 8 எம்பி 119° அல்ட்ரா வைடு ஆங்கில் லென்ஸ், f/2.2, போர்டிரெயிட் ஆப்ஷன்
- 2 எம்பி மேக்ரோ கேமரா, f/2.4
- 44 எம்பி செல்பி கேமரா, f/2.0, OIS, டூயல் LED பிளாஷ்
- இன் டிஸ்ப்ளே கைரேகை சென்சார்
- யுஎஸ்பி டைப் சி ஆடியோ
- 5ஜி SA/ NSA, டூயல் 4ஜி வோல்ட்இ, வைபை, ப்ளூடூத் 5.1
- யுஎஸ்பி டைப் சி
- 4000 எம்ஏஹெச் பேட்டரி
- 33 வாட் பாஸ்ட் சார்ஜிங்
விவோ வி21 5ஜி ஸ்மார்ட்போன் ஆர்க்டிக் வைட், சன்செட் டேசில் மற்றும் டஸ்க் புளூ நிறங்களில் கிடைக்கிறது. இதன் 8 ஜிபி + 128 ஜிபி விலை ரூ. 29,990 என்றும் 8 ஜிபி + 256 ஜிபி விலை ரூ. 31,990 ஆகும். இதன் விற்பனை ப்ளிப்கார்ட் மற்றும் ஆப்லைன் தளங்களில் மே 6 ஆம் தேதி துவங்குகிறது.
இந்தியாவில் கொரோனாவைரஸ் தடுப்பூசி செலுத்திக் கொள்ள விரும்புவோர் ஆன்லைனில் முன்பதிவு செய்ய வேண்டியது கட்டாயமாக்கப்பட்டு இருக்கிறது.
இந்தியாவில் 18 முதல் 44 வயதுடையவர்களுக்கு கொரோனா தடுப்பூசி செலுத்திக் கொள்வதற்கான முன்பதிவு துவங்கி உள்ளது. இந்தியாவில் தடுப்பூசி முகாம் மூன்று கட்டங்களாக நடைபெறுகிறது.
தடுப்பூசி செலுத்திக் கொள்வதற்கான முன்பதிவு அவசியமான ஒன்றாகும். முன்பதிவு செய்ய அரசு அங்கீகரித்த அடையாள சான்று வைத்திருக்க வேண்டும். உலகிலேயே அதிகபட்சமாக ஒரே நாளில் அதிக கொரோனா தொற்று ஏற்பட்டவர்கள் பட்டியலில் இந்தியா உள்ளது.
இந்த நிலையில், 18 முதல் 44 வயதுடையவர்கள் தடுப்பூசி செலுத்தி கொள்வதற்கான முன்பதிவு துவங்கி இருக்கிறது. முன்பதிவு CoWIN, ஆரோக்கிய சேது மற்றும் UMANG செயலிகளில் நடைபெறுகிறது. முன்பதிவை அடுத்து தகுதி பெற்றவர்களுக்கு மே 1 முதல் தடுப்பூசி செலுத்தப்பட இருக்கிறது.
கொரோனா தடுப்பூசிக்கு முன்பதிவு செய்வது எப்படி?
இந்தியாவில் 18 முதல் 44 வயதுடையவர்கள் கொரோனா தடுப்பூசி செலுத்திக் கொள்ள ஆன்லைன் முன்பதிவு கட்டாயமாக்கப்பட்டுள்ளது. முன்பதிவு செய்ய மொபைல் நம்பர் அவசியம் ஆகும். மேலும் ஆதார் அட்டை, ஓட்டுனர் உரிமம், பான் கார்டு, பாஸ்போர்ட், பென்சன் பாஸ்புக், என்பிஆர் ஸ்மார்ட் கார்டு, வாக்காளர் அடையாள அட்டை போன்றவைகளில் ஏதேனும் ஒன்று வைத்திருக்க வேண்டும்.
கொரோனா தடுப்பூசிக்கு CoWIN தளத்தில் முன்பதிவு செய்வது எப்படி?
- முதலில் CoWIN வலைதளம் சென்று Register/ Sign in Yourself ஆப்ஷனை க்ளிக் செய்ய வேண்டும்
- பின் மொபைல் நம்பரை பதிவிட்டு Get OTP பட்டனை க்ளிக் செய்யவும். மொபைல் எண்ணிற்கு OTP வரும்
- மொபைலுக்கு வந்த OTP-யை பதிவிட்டு Verify ஆப்ஷனை க்ளிக் செய்யவும்
- பெயர், பாலினம், பிறந்த தேதி போன்ற விவரங்களை பதிவிட்டு Register பட்டனை க்ளிக் செய்யவும்
- அடுத்து கொரோனா தடுப்பூசிக்கு முன்பதிவு செய்பவரின் பெயருக்கு அடுத்து காணப்படும் Schedule ஆப்ஷனை க்ளிக் செய்யவும்
- இனி உங்களின் அஞ்சல் குறியீட்டை பதிவிட்டு Search ஆப்ஷனை க்ளிக் செய்யவும். அஞ்சல் குறியீட்டு பகுதியில் செயல்படும் தடுப்பூசி மையங்கள் பட்டியல் காண்பிக்கப்படும்
- ஒவ்வொருத்தரின் மாநிலம் மற்றும் மாவட்டத்திற்கு ஏற்ப தடுப்பூசி மையத்தை தேர்வு செய்து கொள்ளலாம்
- தடுப்பூசி செலுத்திக் கொள்வதற்கான மையம், தேதி, நேரம் உள்ளிட்ட விவரங்களை வழங்கி Confirm பட்டனை க்ளிக் செய்யவும்
ஒருமுறை முன்பதிவு செய்யும் போது அதிகபட்சம் நான்கு குடும்ப உறுப்பினர்களை சேர்க்க முடியும். எனினும், அனைவரின் வயதும் 18 முதல் 44 ஆக இருப்பது அவசியம் ஆகும்.
ஆரோக்கிய சேது செயலி மூலம் கொரோனா தடுப்பூசிக்கு முன்பதிவு செய்வது எப்படி?
- ஆரோக்கிய சேது செயலியை திறக்கவும்
- செயலியின் ஹோம் ஸ்கிரீனில் CoWIN டேபை க்ளிக் செய்யவும்
- அடுத்து Vaccination Registration ஆப்ஷனை க்ளிக் செய்து, மொபைல் நம்பரை பதிவிட்டு OTP பெறவும்
- இனி OTP-யை பதிவிட்டு Verify ஆப்ஷனை க்ளிக் செய்யவும்
- முந்தைய ஆப்ஷனை தொடர்ந்து முன்பதிவு செய்வதற்கான வலைப்பக்கம் திறக்கும்
- இனி CoWIN தளத்தில் முன்பதிவு செய்வதற்கான வழிமுறைகளை பின்பற்றி முன்பதிவை மேற்கொள்ளலாம்
இந்தியாவில் தற்போது இரண்டு கொரோனா வைரஸ் தடுப்பூசிகள் போடப்படுகின்றன. ஒன்று ஐதராபாத்தை சேர்ந்த பாரத் பயோடெக் உருவாக்கிய கோவாக்சின் மற்றொன்று ஆக்ஸ்போர்டு ஆஸ்ட்ராசென்கா உருவாக்கிய கோவிஷீல்டு ஆகும்.
ரூ. 19 ஆயிரம் சிறப்பு விலையில் சாம்சங் நிறுவனத்தின் புது 5ஜி ஸ்மார்ட்போன் இந்தியாவில் அறிமுகம் செய்யப்பட்டது.
சாம்சங் ஏற்கனவே அறிவித்தப்படி இந்தியாவில் கேலக்ஸி எம்42 5ஜி ஸ்மார்ட்போனினை அறிமுகம் செய்தது. இது 6.6 இன்ச் சூப்பர் AMOLED இன்பினிட்டி யு ஹெச்டி டிஸ்ப்ளே, ஸ்னாப்டிராகன் 750ஜி பிராசஸர், அதிகபட்சம் 8 ஜிபி ரேம் கொண்டிருக்கிறது.
ஆண்ட்ராய்டு 11 சார்ந்த ஒன் யுஐ 3.1 கொண்டிருக்கும் கேலக்ஸி எம்42 5ஜி புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு ஆங்கில் கேமரா, 5 எம்பி மேக்ரோ கேமரா, 5 எம்பி டெப்த் கேமரா, 20 எம்பி செல்பி கேமரா வழங்கப்பட்டுள்ளது. இத்துடன் 5000 எம்ஏஹெச் பேட்டரி, 15 வாட் பாஸ்ட் சார்ஜிங் உள்ளது.
சாம்சங் கேலக்ஸி எம்42 5ஜி சிறப்பம்சங்கள்
- 6.6 இன்ச் ஹெச்டி+ இன்பினிட்டி யு சூப்பர் AMOLED டிஸ்ப்ளே
- ஆக்டாகோர் ஸ்னாப்டிராகன் 750ஜி பிராசஸர்
- அட்ரினோ 619 GPU
- 6 ஜிபி / 8 ஜிபி LPDDR4x ரேம்
- 128 ஜிபி (UFS 2.1) மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 11 மற்றும் ஒன்யுஐ 3.1
- டூயல் சிம்
- 48 எம்பி பிரைமரி கேமரா, f/1.8, LED பிளாஷ்
- 8 எம்பி அல்ட்ரா வைடு ஆங்கில் கேமரா, f/2.2
- 5 எம்பி டெப்த் சென்சார்
- 5 எம்பி மேக்ரோ சென்சார், f/2.4
- 20 எம்பி செல்பி கேமரா, f/2.2
- இன்-டிஸ்ப்ளே கைரேகை சென்சார்
- 3.5 எம்எம் ஆடியோ ஜாக்
- சாம்சங் பே
- 5ஜி SA/NSA, டூயல் 4ஜி வோல்ட்இ, வைபை, ப்ளூடூத் 5
- யுஎஸ்பி டைப் சி
- 5000 எம்ஏஹெச் பேட்டரி
- 15 வாட் அடாப்டிவ் பாஸ்ட் சார்ஜிங்
சாம்சங் கேலக்ஸி எம்42 5ஜி ஸ்மார்ட்போன் ப்ரிசம் டாட் பிளாக், ப்ரிசம் டாட் கிரே நிறங்களில் கிடைக்கிறது. இதன் 6 ஜிபி + 128 ஜிபி மெமரி மாடல் விலை ரூ. 21,999 என்றும் 8 ஜிபி + 128 ஜிபி மாடல் விலை ரூ. 23,999 என்றும் நிர்ணயம் செய்யப்பட்டுள்ளது. இதன் விற்பனை அமேசான் மற்றும் சாம்சங் தளங்களில் மே 1 ஆம் தேதி துவங்குகிறது.
×