மொபைல்ஸ்

சாம்சங் நிறுவனம் சர்வதேச சந்தையில் தனது கேலக்ஸி எஸ்22 சீரிஸ் ஃபிளாக்ஷிப் ஸ்மார்ட்போன் மாடல்களை பிப்ரவரி 9 ஆம் தேதி நடைபெற இருக்கும் கேலக்ஸி அன்பேக்டு நிகழ்வில் அறிமுகம் செய்ய இருக்கிறது. இதுபற்றிய தகவல்கள் சமீபத்தில் வெளியான நிலையில், புது ஸ்மார்ட்போன்களின் விலை விவரங்கள் இணையத்தில் லீக் ஆகி உள்ளது.

அதன்படி கேலக்ஸி எஸ்22 மாடலின் விலை 849 யூரோக்கள், இந்திய மதிப்பில் ரூ. 71,801 துவங்குகிறது. கேலக்ஸி எஸ்22 பிளஸ் விலை 1049 யூரோக்கள் இந்திய மதிப்பில் ரூ. 88,716 என்றும் கேலக்ஸி எஸ்22 அல்ட்ரா விலை 1249 யூரோக்கள் இந்திய மதிப்பில் ரூ. 1,05,630 என துவங்கும் என தகவல் வெளியாகி உள்ளது. 

தேர்வு செய்யப்பட்ட சந்தைகளில் சாம்சங் தனது கேலக்ஸி எஸ்22  சீரிஸ் மாடல்களில் சிலவற்றை 16 ஜி.பி. ரேம், 512 ஜி.பி. மெமரியுடன் அறிமுகம் செய்யலாம் என கூறப்படுகிறது. இதேபோன்று 16 ஜி.பி. ரேம், 1 டி.பி. மெமரி ஆப்ஷனும் சில சந்தைகளில் அறிமுகம் செய்யப்படலாம் என தகவல் வெளியாகி உள்ளது. 

2022 கேலக்ஸி அன்பேக்டு நிகழ்வு பிப்ரவரி 9 ஆம் தேதி நடைபெறுகிறது. இந்திய நேரப்படி இந்த நிகழ்வு சரியாக இரவு 8.30 மணிக்கு துவங்குகிறது. முந்தைய ஆண்டுகளை போன்றே இம்முறையும் கேலக்ஸி அன்பேக்டு நிகழ்வு வலைதளங்களில் நேரலை செய்யப்படுகிறது. 

ஸ்மார்ட்போன்  சந்தையில் அதிகம் எதிர்பார்க்கப்படும் நிலையில், கேலக்ஸி எஸ்22 சீரிஸ் அம்சங்கள், விலை மற்றும் இதர தகவல்கள் இன்னும் சில வாரங்களில் அதிகாரப்பூர்வமாக தெரியவரும். இதே நிகழ்வில் சாம்சங் தனது கேலக்ஸி டேப் எஸ்8 சீரிஸ் மாடல்களையும் அறிமுகம் செய்யலாம் என கூறப்படுகிறது.

சாம்சங் நிறுவனம் கேலக்ஸி எஸ்22 சீரிஸ் ஸ்மார்ட்போன்களுக்கான முன்பதிவை துவங்கிவிட்டது. இன்னும் இந்த ஸ்மார்ட்போன் அறிமுகம் செய்யப்படாத நிலையில், முதற்கட்டமாக முன்பதிவுகள் மட்டும் துவங்கி இருக்கிறது. 

கேலக்ஸி எஸ்22, கேலக்ஸி எஸ்22 பிளஸ் மற்றும் கேலக்ஸி எஸ்22 அல்ட்ரா ஸ்மார்ட்போன் மாடல்களை சாம்சங், விரைவில் நடைபெற இருக்கும் கேலக்ஸி அன்பேக்டு நிகழ்வில் அறிமுகம் செய்ய இருக்கிறது. இந்த நிலையில், அமெரிக்காவில் கேலக்ஸி ஃபிளாக்‌ஷிப் ஸ்மார்ட்போன் மாடல்கள் மட்டுமின்றி கேலக்ஸி டேப் எஸ்8 மாடல்களின் முன்பதிவை சாம்சங் துவங்கி இருக்கிறது.

முன்னதாக கேலக்ஸி எஸ்21 சீரிஸ் மற்றும் கேலக்ஸி நோட் 20 சீரிஸ் மாடல்களுக்கும் வெளியீட்டிற்கு முன்பே சாம்சங் முன்பதிவுகளை துவங்கி இருந்தது. அறிமுகம் செய்யப்படவில்லை என்பதால், இந்த முன்பதிவுகளுக்கு சாம்சங் எந்த கட்டணமும் வசூலிக்கவில்லை. மேலும் முன்பதிவு செய்யும் வாடிக்கையாளர்களுக்கு 50 டாலர்கள் இந்திய மதிப்பில் ரூ. 7 ஆயிரம் மதிப்புள்ள சலுகை வழங்குவதாகவும் சாம்சங் அறிவித்து இருக்கிறது.

இதை கொண்டு பயனர்கள் சாம்சங் வலைதளத்தில் மற்ற சாதனங்களை வாங்க முடியும். இந்த ஆண்டிற்கான கேலக்ஸி அன்பேக்டு நிகழ்வுக்கான தேதி இதுவரை அறிவிக்கப்படவில்லை. எனினும், இந்த நிகழ்வு பிப்ரவரி 8 ஆம் தேதி நடைபெறும் என கூறப்படுகிறது.

அம்சங்களை பொருத்தவரை கேலக்ஸி எஸ்22 சீரிஸ் மாடல்களில் குவால்காம் ஸ்னாப்டிராகன் 8 ஜென் 1 அல்லது எக்சைனோஸ் 2200 பிராசஸர், அதிகபட்சம் 12 ஜி.பி. ரேம், 512 ஜி.பி. மெமரி வழங்கப்படும் என தெரிகிறது. 

ஒன்பிளஸ் நிறுவனம் இந்தியாவில் ஒன்பிளஸ் 9ஆர்.டி. மிட்-ரேன்ஜ் ஸ்மார்ட்போனினை அறிமுகம் செய்தது. இதில் 6.64 இன்ச் எப்.ஹெச்.டி. பிளஸ் புளூயிட் அமோலெட் டிஸ்ப்ளே, 120 ஹெர்ட்ஸ் ரிப்ரெஷ் ரேட், 16 எம்.பி. செல்பி கேமரா வழங்கப்பட்டு உள்ளது.

இத்துடன் ஆக்டா-கோர் ஸ்னாப்டிராகன் 888 பிராசஸர், அதிகபட்சம் 12 ஜி.பி. ரேம், 256 ஜி.பி. மெமரி வழங்கப்பட்டு இருக்கிறது. புகைப்படங்களை எடுக்க 50 எம்.பி. பிரைமரி கேமரா, 16 எம்.பி. அல்ட்ரா வைடு கேமரா, 2 எம்.பி. மேக்ரோ கேமரா வழங்கப்பட்டுள்ளது.

- 6.62 இன்ச் 1080x2400 பிக்சல் எப்.ஹெச்.டி. பிளஸ் புளூயிட் அமோலெட் டிஸ்ப்ளே

- கார்னிங் கொரில்லா கிளாஸ் 5

- ஆக்டா-கோர் ஸ்னாப்டிராகன் 888 பிராசஸர்

- அட்ரினோ 660 ஜி.பி.யு.

- 8 ஜி.பி. ரேம், 128 ஜி.பி. மெமரி

- 12 ஜி.பி. ரேம், 256 ஜி.பி. மெமரி

- ஆண்ட்ராய்டு 11 மற்றும் ஆக்சிஜன் ஒ.எஸ். 11

- டூயல் சிம்

- 50 எம்.பி. பிரைமரி கேமரா

- 16 எம்.பி. அல்ட்ரா வைடு கேமரா 

- 2 எம்.பி. மேக்ரோ கேமரா

- 16 எம்.பி. செல்பி கேமரா

- இன் டிஸ்ப்ளே கைரேகை சென்சார்

- யு.எஸ்.பி. டைப் சி ஆடியோ

- 5ஜி, டூயல் 4ஜி வோல்ட்இ, வைபை, ப்ளூடூத் 

- யு.எஸ்.பி. டைப் சி

- 4500 எம்.ஏ.ஹெச். பேட்டரி

- 65 வாட் வார்ப் சார்ஜ் ஃபாஸ்ட் சார்ஜிங் 

ஒன்பிளஸ் 9ஆர்.டி. ஸ்மார்ட்போன் நானோ சில்வர் மற்றும் ஹேக்கர் பிளாக் நிறங்களில் கிடைக்கிறது. இதன் 8 ஜி.பி. + 128 ஜி.பி. விலை ரூ. 42,999 என்றும் 12 ஜி.பி + 256 ஜி.பி. விலை ரூ. 46,999 என்றும் நிர்ணயம் செய்யப்பட்டு உள்ளது. இந்த ஸ்மார்ட்போனின் விற்பனை ஜனவரி 17 ஆம் தேதி துவங்குகிறது. விற்பனை அமேசான், ஒன்பிளஸ் வலைதளங்கள் மற்றும் ஆஃப்லைன் விற்பனை மையங்களில் நடைபெற இருக்கிறது.

ரெட்மி பிராண்டு தனது புதிய நோட் 11எஸ் ஸ்மார்ட்போனின் இந்திய வெளியீட்டை உறுதிப்படுத்தி இருக்கிறது. இந்த ஸ்மார்ட்போன் விரைவில் இந்தியாவில் அறிமுகம் செய்யப்பட இருப்பதை உணர்த்தும் வகையில் ரெட்மி டீசர் வெளியிட்டுள்ளது. 

டீசரின்படி புதிய ஸ்மார்ட்போன் நான்கு கேமரா சென்சார்களை கொண்டிருக்கிறது. இதில் ஒரு 108 எம்.பி. கேமராவும் இடம்பெற்று இருக்கிறது. டீசரில் புதிய ஸ்மார்ட்போன் பிளாஸ்டிக் ஃபிரேம் கொண்டிருப்பதும் தெரியவந்துள்ளது. இதில் அமோலெட் ஸ்கிரீன் வழங்கப்படுமா என்பது கேள்விக்குறியாக உள்ளது. 

முந்தைய தகவல்களின்படி இந்த ஸ்மார்ட்போனில் சாம்சங் ஹெச்.எம்.2 சென்சார், 8 எம்.பி. அல்ட்ரா வைடு கேமரா, 2 எம்.பி. ஆம்னிவிஷன் மேக்ரோ கேமரா, 90 ஹெர்ட்ஸ் ரிப்ரெஷ் ரேட் ஸ்கிரீன், மீடியாடெக் பிராசஸர் வழங்கப்படும் என கூறப்பட்டது.  

சமீபத்தில் இந்த ஸ்மார்ட்போன் விவரங்கள் எப்.சி.சி. வலைதளத்தில் லீக் ஆனது. அதில் புதிய ரெட்மி ஸ்மார்ட்போன் 6 ஜி.பி. + 64 ஜி.பி., 6 ஜி.பி. + 128 ஜி.பி. மற்றும் 8 ஜி.பி. + 128 ஜி.பி. மெமரி ஆப்ஷன்களில் கிடைக்கும் என குறிப்பிடப்பட்டு இருந்தது.

டெக்னோ நிறுவனம் இந்தியாவில் பாப் 5 எல்.டி.இ. ஸ்மார்ட்போனினை அறிமுகம் செய்தது. இதில் 6.52 இன்ச் ஹெச்.டி. பிளஸ் டாட் நாட்ச் டிஸ்ப்ளே, குவாட்கோர் மீடியாடெக் ஹீலியோ ஏ25 பிராசஸர், 2ஜி.பி. ரேம் வழங்கப்பட்டுள்ளது.

புகைப்படங்களை எடுக்க 8 எம்.பி. பிரைமரி கேமரா, ஏ.ஐ. லென்ஸ், 5 எம்.பி. செல்பி கேமரா வழங்கப்பட்டு இருக்கிறது. இந்த ஸ்மார்ட்போன் ஆண்ட்ராய்டு 11 கோ எடிஷன் மற்றும் ஹை ஓ.எஸ். 7.6 கொண்டிருக்கிறது. ஸ்பிலாஷ் ரெசிஸ்டண்ட் வசதி கொண்டிருக்கும் டெக்னோ பாப் 5 எல்.டி.இ. 5000 எம்.ஏ.ஹெச். பேட்டரி மூலம் சக்தியூட்டப்படுகிறது.

- 6.52 இன்ச் 1600x720 பிக்சல் ஹெச்.டி. பிளஸ் 2.5டி வளைந்த கிளாஸ் டிஸ்ப்ளே

- ஆக்டாகோர் மீடியாடெக் ஹீலியோ ஏ25 பிராசஸர் 

- 2 ஜி.பி. ரேம்

- 32 ஜி.பி. மெமரி

- மெமரியை கூடுதலாக நீட்டிக்கும் வசதி 

- ஆண்ட்ராய்டு 11 கோ எடிஷன் மற்றும் ஹை ஓ.எஸ். 7.6

- 8 எம்.பி. பிரைமரி கேமரா

- ஏ.ஐ. கேமரா

- 5 எம்.பி. செல்பி கேமரா

- 3.5 எம்.எம். ஆடியோ ஜாக், எப்.எம். ரேடியோ 

- 4ஜி வோல்ட்இ, வைபை, ப்ளூடூத் 5

- 5000 எம்.ஏ.ஹெச். பேட்டரி 

டெக்னோ பாப் 5 எல்.டி.இ. ஸ்மார்ட்போன் ஐஸ் புளூ, டீப்சீ லஸ்டர் மற்றும் டர்குயிஸ் சியான் நிறங்களில் கிடைக்கிறது. இந்த ஸ்மார்ட்போன் அமேசான் தளத்தில் ஜனவரி 16 ஆம் தேதி விற்பனைக்கு வருகிறது. அறிமுக சலுகையாக இந்த ஸ்மார்ட்போனின் விலை ரூ. 6,299 என நிர்ணயம் செய்யப்பட்டு உள்ளது.

ஒன்பிளஸ் நிறுவனம் ஒன்பிளஸ் 10 ப்ரோ ஸ்மார்ட்போனினை சீன சந்தையில் அறிமுகம் செய்தது. இதில் 6.7 இன்ச் குவாட் ஹெச்.டி. பிளஸ் இ4 அமோலெட் டிஸ்ப்ளே, 32 எம்.பி. செல்பி கேமரா, ஸ்னாப்டிராகன் 8 ஜென் 1 பிராசஸர், அதிகபட்சம் 12 ஜி.பி. ரேம் வழங்கப்பட்டு இருக்கிறது.

புகைப்படங்களை எடுக்க 48 எம்.பி. பிரைமரி கேமரா, 50 எம்.பி. அல்ட்ரா வைடு ஆங்கில் கேமரா, 8 எம்.பி. டெலிபோட்டோ கேமரா வழங்கப்பட்டுள்ளது. மேலும் மூன்று கேமராக்களிலும் 10-பிட் கலர் வசதி கொண்ட முதல் ஒன்பிளஸ் ஸ்மார்ட்போன் இது ஆகும். 

- 6.7 இன்ச் 3216x1440 பிக்சல் குவாட் ஹெச்.டி. பிளஸ் அமோலெட் டிஸ்ப்ளே

- குவால்காம் ஸ்னாப்டிராகன் 8 ஜென் 1 பிராசஸர் 

- 8 ஜி.பி. ரேம், 128 ஜி.பி. / 256 ஜி.பி. மெமரி

- 12 ஜி.பி. ரேம், 256 ஜி.பி. மெமரி

- ஆண்ட்ராய்டு 12 மற்றும் கலர் ஓ.எஸ். 12

- 48 எம்.பி. பிரைமரி கேமரா

- 50 எம்.பி. அல்ட்ரா வைடு கேமரா

- 8 எம்.பி. டெலிபோட்டோ கேமரா 

- 32 எம்.பி. செல்பி கேமரா

- இன் டிஸ்ப்ளே கைரேகை சென்சார் 

- யு.எஸ்.பி. டைப் சி போர்ட் 

- 5ஜி, டூயல் 4ஜி வோல்ட்இ, வைபை, ப்ளூடூத் 6

- 5000 எம்.ஏ.ஹெச். பேட்டரி

- 80 வாட் பாஸ்ட் சார்ஜிங் 

ஒன்பிளஸ் 10 ப்ரோ ஸ்மார்ட்போன் வொல்கேனிக் பிளாக் மற்றும் எமரால்டு பாரஸ்ட் நிறங்களில் கிடைக்கிறது. இதன் விலை 4699 யுவான் இந்திய மதிப்பில் ரூ. 54,501 என துவங்கி டாப் எண்ட் மாடல் விலை 5299 யுவான் இந்திய மதிப்பில் ரூ. 61,445 என நிர்ணயம் செய்யப்பட்டுள்ளது.

மோட்டோரோலா நிறுவனம் மோட்டோ ஜி71 5ஜி ஸ்மார்ட்போனினை மிட்-ரேன்ஜ் பிரிவில் அறிமுகம் செய்தது. இதில் 6.43 இன்ச் எப்.ஹெச்.டி. பிளஸ் அமோலெட் ஸ்கிரீன், ஸ்னாப்டிராகன் 695 பிராசஸர், 13 5ஜி பேண்ட்களுக்கான சப்போர்ட், 6 ஜி.பி. ரேம், ஆண்ட்ராய்டு 11 ஓ.எஸ். போன்ற அம்சங்கள் உள்ளது.

இதன் பின்புறம் கைரேகை சென்சார், 50 எம்.பி. பிரைமரி கேமரா, 8 எம்.பி. அல்ட்ரா வைடு லென்ஸ், 2 எம்.பி. மேக்ரோ கேமரா வழங்கப்பட்டு இருக்கிறது. இந்த ஸ்மார்ட்போன் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 33 வாட் டர்போசார்ஜிங் வசதி வழங்கப்பட்டுள்ளது.

- 6.43 இன்ச் 1080x2400 பிக்சல் புல் ஹெச்.டி. பிளஸ் அமோலெட் டிஸ்ப்ளே

- ஆக்டாகோர் ஸ்னாப்டிராகன் 695 பிராசஸர் 

- அட்ரினோ 619எல் ஜி.பி.யு.

- 6 ஜி.பி. ரேம்

- 128 ஜி.பி. மெமரி

- டூயல் சிம் ஸ்லாட் 

- ஆண்ட்ராய்டு 11

- 50 எம்.பி. பிரைமரி கேமரா

- 8 எம்.பி. அல்ட்ரா வைடு கேமரா 

- 2 எம்.பி. மேக்ரோ கேமரா

- 16 எம்.பி. செல்பி கேமரா 

- பின்புறம் கைரேகை சென்சார் 

- 3.5 எம்.எம். ஆடியோ ஜாக், டால்பி அட்மோஸ்

- வாட்டர் ரெசிஸ்டண்ட் 

- 5ஜி, டூயல் 4ஜி வோல்ட்இ, வைபை, ப்ளூடூத் 5

- யு.எஸ்.பி. டைப் சி

- 5000 எம்.ஏ.ஹெச். பேட்டரி, 33 வாட் டர்போ சார்ஜிங் 

இந்தியாவில் மோட்டோ ஜி71 5ஜி ஸ்மார்ட்போன் நெப்டியூன் கிரீன் மற்றும் ஆர்க்டிக் புளூ நிறங்களில் கிடைக்கிறது. இதன் விலை ரூ. 18,999 ஆகும். விற்பனை ப்ளிப்கார்ட் தளத்தில் ஜனவரி 19 ஆம் தேதி துவங்குகிறது.

சியோமி நிறுவனம் இந்தியாவில் சியோமி 11டி ப்ரோ ஸ்மார்ட்போன் ஜனவரி 19 ஆம் தேதி அறிமுகமாகும் என அறிவித்து இருக்கிறது. முன்னதாக இந்த ஸ்மார்ட்போனிற்கான டீசர் சியோமி 11ஐ வெளியீட்டின் நிறைவில் இடம்பெற்று இருந்தது. தற்போது இதன் வெளியீட்டு தேதி அதிகாரப்பூர்வமாக அறிவிக்கப்பட்டு இருக்கிறது.

சியோமி ஹைப்பர்போன் எனும் தலைப்பில் இந்த ஸ்மார்ட்போனிற்கான டீசர் வெளியிடப்பட்டு உள்ளது. சர்வதேச சந்தையில் சியோமி 11டி ப்ரோ மாடல் சியோமி 11டி மாடலுடன் கடந்த ஆண்டு செப்டம்பர் மாத வாக்கில் அறிமுகம் செய்யப்பட்டது. இது 120 வாட் பாஸ்ட் சார்ஜிங் வசதி கொண்டிருந்தது. தற்போது நான்கு மாத இடைவெளிக்கு பின் இந்த மாடல் இந்தியாவில் அறிமுகமாகிறது. 

அம்சங்களை பொருத்தவரை சியோமி 11டி ப்ரோ மாடலில் 6.6 இன்ச் எப்.ஹெச்.டி. பிளஸ் 120 ஹெர்ட்ஸ் 10-பிட் அமோலெட் டிஸ்ப்ளே, கொரில்லா கிளாஸ் விக்டஸ், டால்பி விஷன், குவால்காம் ஸ்னாப்டிராகன் 888 பிராசஸர் உள்ளிட்டவை வழங்கப்பட்டு உள்ளது.

ஆப்பிள் நிறுவனத்தின் ஐபோன் எஸ்.இ. 3 மாடல் வெளியீடு பற்றி பல்வேறு தகவல்கள் இணையத்தில் வெளியாகி வருகின்றன. அந்த வரிசையில் தற்போது வெளியாகி இருக்கும் தகவல்களில் ஆப்பிள், புதிய ஐபோன் எஸ்.இ. 3 மாடலை இந்த ஆண்டு மார்ச் அல்லது ஏப்ரல் மாத வாக்கில் அறிமுகம் செய்யலாம் என கூறப்படுகிறது. 

இத்துடன் புதிய 27 இன்ச் ஐமேக், எம்1 ப்ரோ மற்றும் எம்1 மேக்ஸ் சிப்செட்கள் கொண்ட டாப் எண்ட் மேக் மினி மாடல்களையும் ஆப்பிள் அறிமுகம் செய்யலாம் என தெரிகிறது. இதுவரை வெளியாகி இருக்கும் தகவல்களின் படி ஐபோன் எஸ்.இ. 3 மாடலில் ஏ14 அல்லது ஏ15 பயோனிக் சிப்செட் மற்றும் 5ஜி கனெக்டிவிட்டி வழங்கப்படும் என கூறப்படுகிறது.

ஒட்டுமொத்த தோற்றம் முந்தைய ஐபோன் எஸ்.இ. 2 போன்றே காட்சியளிக்கும். மேலும் டச் ஐ.டி. சென்சார் ஹோம் பட்டனுடன் பொருத்தப்பட்டு இருக்கும் என எதிர்பார்க்கப்படுகிறது. மேலும் 2022 ஐபோன் எஸ்.இ. குறைந்த விலை 5ஜி ஐபோனாக இருக்கும். இதன் விலை 399 டாலர்களில் துவங்கும் என தெரிகிறது. இதுமட்டுமின்றி ஐபோன் எஸ்.இ. பிளஸ் பெயர் கொண்ட மாடலும் இந்த ஆண்டு அறிமுகம் செய்யப்படும் என கூறப்படுகிறது. 

கடந்த வாரம் வெளியான தகவல்களில் ஐபோன் எஸ்.இ. 4 மாடல் 6 இன்ச் எல்.சி.டி. டிஸ்ப்ளே, பேஸ் ஐ.டி. வசதி, பன்ச் ஹோல் செல்பி கேமரா, 5ஜி கனெக்டிவிட்டி போன்ற அம்சங்களை கொண்டிருக்கும் என கூறப்பட்டது. மேலும் இந்த மாடல் 2024 வாக்கில் அறிமுகம் செய்யப்படும் என்றும் கூறப்பட்டது.

சாம்சங் நிறுவனம் இந்தியாவில் தனது கேலக்ஸி எஸ்21 எப்.இ. ஸ்மார்ட்போனினை ஜனவரி 10 ஆம் சேசி அறிமுகம் செய்ய இருக்கிறது. இந்தியாவில் இந்த ஸ்மார்ட்போனின் முன்பதிவு சில தினங்களுக்கு முன் துவங்கியது. ஏற்கனவே இந்த ஸ்மார்ட்போன் அமெரிக்கா, பிரிட்டன் மற்றும் ஐரோப்பிய சந்தைகளில் அறிமுகம் செய்யப்பட்டது.

அம்சங்களை பொருத்தவரை புதிய கேலக்ஸி எஸ்21 எப்.இ. மாடலில் 120 ஹெர்ட்ஸ் ரிப்ரெஷ் ரேட் கொண்ட அமோலெட் டிஸ்ப்ளே, அதிகபட்சம் 256 ஜி.பி. மெமரி வழங்கப்பட்டு இருக்கிறது. புகைப்படங்களை எடுக்க 12 எம்.பி. பிரைமரி கேமரா, 12 எம்.பி. வைடு ஆங்கில் கேமரா, 8 எம்.பி. டெலிபோட்டோ லென்ஸ், 32 எம்.பி. செல்பி கேமரா வழங்கப்பட்டு இருக்கிறது.

கனெக்டிவிட்டிக்கு 5ஜி, 4ஜி, வைபை, யு.எஸ்.பி. டைப் சி போர்ட், இன்-டிஸ்ப்ளே கைரேகை சென்சார், 4500 எம்.ஏ.ஹெச். பேட்டரி, 25 வாட் வயர்டு பாஸ்ட் சார்ஜிங், 15 வாட் வயர்லெஸ் சார்ஜிங் வசதி வழங்கப்பட்டு உள்ளது.

இந்திய சந்தையில் புதிய சாம்சங் கேலக்ஸி எஸ்21 எப்.இ. மாடலின் விலை ரூ. 52 ஆயிரத்தில் துவங்கும் என எதிர்பார்க்கப்படுகிறது. பிரிட்டனில் இந்த ஸ்மார்ட்போனின் பேஸ் வேரியண்ட் விலை இந்திய மதிப்பில் ரூ. 70,400 என நிர்ணயம் செய்யப்பட்டுள்ளது.

சியோமி நிறுவனம் இந்தியாவில் சியோமி 11ஐ மற்றும் சியோமி 11ஐ ஹைப்பர்சார்ஜ் 5ஜி ஸ்மார்ட்போன் மாடல்களை அறிமுகம் செய்தது. இதில் 6.67 இன்ச் எப்.ஹெச்.டி. பிளஸ் அமோலெட் டிஸ்ப்ளே, 16 எம்.பி. செல்பி கேமரா, மீடியாடெக் டிமென்சிட்டி 920 பிராசஸர், 8 ஜி.பி. ரேம், வி.சி. லிக்விட் கூலிங் தொழில்நுட்பம் வழங்கப்பட்டு உள்ளது.

இரு மாடல்களிலும் 108 எம்.பி. பிரைமரி கேமரா, 8 எம்.பி. அல்ட்ரா வைடு கேமரா, 2 எம்.பி. மேக்ரோ கேமரா வழங்கப்பட்டு இருக்கிறது. சியோமி 11ஐ மாடலில் 5160 எம்.ஏ.ஹெச். பேட்டரி, 67 வாட் பாஸ்ட் சார்ஜிங், சியோமி 11ஐ ஹைப்பர்சார்ஜ் மாடலில் டூயல்-செல் 4500 எம்.ஏ.ஹெச். பேட்டரி, 120 வாட் பாஸ்ட் சார்ஜிங் உள்ளது. 

சியோமி 11ஐ மற்றும் சியோமி 11ஐ ஹைப்பர்சார்ஜ் மாடல்கள் பர்பில் மிஸ்ட், கேமோ கிரீன், பசிபிக் பியல் மற்றும் ஸ்டெல்த் பிளாக் நிறங்களில் கிடைக்கிறது. சியோமி 11ஐ 6 ஜி.பி.+128 ஜி.பி. விலை ரூ. 24,999 என்றும் 8 ஜி.பி. + 128 ஜி.பி. விலை ரூ. 26,999 என்றும் நிர்ணயம் செய்யப்பட்டுள்ளது. 

சியோமி 11ஐ ஹைப்பர்சார்ஜ் 6 ஜி.பி.+128 ஜி.பி. ரூ. 26,999 என்றும் 8 ஜி.பி.+128 ஜி.பி. விலை ரூ. 28,999 என்றும் நிர்ணயிக்கப்பட்டுள்ளது. இரு மாடல்களும் ப்ளிப்கார்ட், எம்.ஐ. வலைதளம் மற்றும் எம்.ஐ. ஹோம் ஸ்டோர்களில் ஜனவரி 12 ஆம் தேதி விற்பனைக்கு கிடைக்கும்.