ரூ.25,000- ரூ.30,000 பட்ஜெட்டில் இன்று இந்தியாவில் அறிமுகமாகும் விவோ ஸ்மார்ட்போன்

விவோ நிறுவனம் புதிய விவோ வி23இ 5ஜி ஸ்மார்ட்போனை இன்று மதியம் அறிமுகம் செய்யவுள்ளது.

இதுகுறித்து வெளியான தகவலின்படி, இந்த போனில் 6.44-inch full-HD+ (1,080x2,400 pixels) AMOLED display தரப்பட்டிருக்கும் என எதிர்பார்க்கப்படுகிறது. மேலும் MediaTek Dimensity 810 SoC பிராசஸர், 50 மெகாபிக்ஸல், 8 மெகா பிக்ஸல், 2 மெகாபிக்ஸல்களில் வைட் ஆங்கிள், அல்ட்ரா வைட் ஆங்கிள், சூப்பர் மேக்ரோ சென்சார் கொண்ட 3 கேமராக்கள் இதில் இடம்பெற்றிருக்கும். 

44 மெகாபிக்ஸல் செல்பி கேமரா, 4,050mAh பேட்டரி 44W அதிவேக சார்ஜிங் உள்ளிட்ட வசதிகள் இதில் தரப்பட்டுள்ளதாக கூறப்படுகிறது.

8ஜிபி ரேம் மற்றும் 128 ஜிபி வேரியண்ட் வழங்கப்பட்டிருக்கும் இந்த போனின் விலை ரூ.25,000-ல் இருந்து ரூ.30,000-க்குள் இருக்கலாம் என கருதப்படுகிறது.

இந்த ஸ்மார்ட்போன் அறிமுக நிகழ்சியை இன்று மதியம் 12 மணிக்கு விவோ யூடியூப் சேனலில் காணலாம்.