தொழில்நுட்பம்

சியோமி நிறுவனம் புதிய பேட் 6 டேப்லெட் மாடலை கடந்த வாரம் இந்தியாவில் அறிமுகம் செய்தது. மிட் ரேன்ஜ் பிரிவில் இது சியோமி நிறுவனத்தின் முற்றிலும் புதிய டேப்லெட் மாடல் ஆகும். எனி்னும், இதில் ஃபிளாக்ஷிப் தர ஹார்டுவேர் அம்சங்கள் வழங்கப்பட்டு உள்ளன.

ஏற்கனவே அறிமுகம் செய்யப்பட்ட நிலையில், சியோமி நிறுவனம் புதிய பேட் 6 டேப்லெட்-ஐ வாங்குவோருக்காக புதிதாக பன்டில்ஸ் (Bundles) அறிவித்து இருக்கிறது. இதில் புதிய டேப்லெட் உடன் பயனர்களுக்கு ஸ்மார்ட் பென், கீபோர்டு மற்றும் பேக் கவர் உள்ளிட்டவை வழங்கப்படுகிறது.

சியோமி பேட் 6 பன்டில்ஸ்-இல் முதல் பன்டில் உடன் சியோமி ஸ்மார்ட் பென் (2nd Gen) மற்றும் சியோமி பேட் 6 கீபோர்டு வழங்கப்படுகிறது. இந்த கீபோர்டில் 1.3mm கீ டிராவிலில் 64 கீ உள்ளன. இவற்றை குறைந்த வெளிச்சம் உள்ள பகுதிகளிலும் எவ்வித சிரமம் இன்றி பயன்படுத்த முடியும். 6 ஜிபி ரேம் வெர்ஷனின் துவக்க விலை ரூ. 34 ஆயிரத்து 997 ஆகும். 8 ஜிபி வேரியண்ட் விலை ரூ. 36 ஆயிரத்து 997 ஆகும்.

அடுத்த பன்டிலில் ஸ்மார்ட் பென் மற்றும் சியோமி பேட் 6 பேக் கவர் வழங்கப்படுகிறது. இதன் விலை ரூ. 31 ஆயிரத்து 497 என துவங்குகிறது. இதன் டாப் என்ட் விலை ரூ. 33 ஆயிரத்து 497 என்று நிர்ணயம் செய்யப்பட்டு உள்ளது. பொழுதுபோக்கிற்காக அறிவிக்கப்பட்டு இருக்கும் மற்றொரு பன்டிலில் பேக் கவர் மட்டும் வழங்கப்படுகிறது. இதன் விலை ரூ. 25 ஆயிரத்து 498 மற்றும் ரூ. 27 ஆயிரத்து 498 ஆகும்.

சியோமி பேட் 6 மாடலில் 11 இன்ச் எல்சிடி டிஸ்ப்ளே, அதிகபட்சம் 144Hz ரிப்ரெஷ் ரேட், குவால்காம் ஸ்னாப்டிராகன் 870 பிராசஸர், LPDDR5 ரேம், UFS 3.1 மெமரி, ஆண்ட்ராய்டு 13 சார்ந்த MIUI14, 14MP பிரைமரி கேமரா, 8MP செல்ஃபி கேமரா வழங்கப்பட்டு உள்ளது.

ரியல்மி நிறுவனம் தனது ரிய்லமி 11 ப்ரோ மற்றும் ரியல்மி 11 ப்ரோ பிளஸ் ஸ்மார்ட்போன் மாடல்களை கடந்த வாரம் இந்திய சந்தையில் அறிமுகம் செய்தது. இந்த நிலையில், ரியல்மி 11 ப்ரோ பிளஸ் விற்பனை ப்ளிப்கார்ட் மற்றும் ரியல்மி வலைதளத்தில் துவங்கியது. சில நாட்களுக்கு முன் விற்பனை துவங்கிய நிலையில், ரியல்மி நிறுவனம் ரியல்மி 11 ப்ரோ பிளஸ் ஸ்மார்ட்போனிற்கு அமோக வரவேற்பு கிடைத்துள்ளதாக அறிவித்து இருக்கிறது.

விற்பனை துவங்கிய முதல் நாளில் மட்டும் சுமார் 60 ஆயிரத்திற்கும் அதிக யூனிட்கள் விற்பனையானதாக ரியல்மி நிறுவனம் தெரிவித்து இருக்கிறது. மேலும் ரூ. 25 ஆயிரத்திற்கும் அதிக விலை கொண்ட பிரிவில் அதிவேக விற்பனை இது என்றும் ரியல்மி நிறுவனம் தெரிவித்து உள்ளது.

இதுதவிர ப்ளிப்கார்ட் தளத்தில் ரூ. 20 ஆயிரம் முதல் ரூ. 30 ஆயிரம் விலை பிரிவில் முதல் நாளில் அதிக யூனிட்கள் விற்பனையை பதிவு செய்து இருப்பதாக ரியல்மி தெரிவித்துள்ளது. ரியல்மி 11 ப்ரோ பிளஸ் ஸ்மார்ட்போனின் விற்பனை தொடர்ந்து நடைபெற்று வருகிறது. இந்திய சந்தையில் ரியல்மி 11 ப்ரோ பிளஸ் மாடலின் விலை ரூ. 27 ஆயிரத்து 999 என்று துவங்குகிறது.

புதிய ரியல்மி 11 ப்ரோ பிளஸ் ஸ்மார்ட்போன் வாங்குவோருக்கு ரூ. 2 ஆயிரம் தள்ளுபடி, ரூ. 2 ஆயிரம் வரை வங்கி சலுகை, எக்சேன்ஜ் சலுகையின் கீழ் ரூ. 2 ஆயிரம் தள்ளுபடி வழங்கப்படுகிறது. ரியல்மி மற்றும் ப்ளிப்கார்ட் வலைதளங்களில் ரியல்மி 11 ப்ரோ பிளஸ் மாடலின் 8 ஜிபி ரேம், 256 ஜிபி மெமரி மாடல் வாங்கும் போது, ஆறு மாதங்களுக்கு வட்டியில்லா மாத தவணை முறை வசதி வழங்கப்படுகிறது.

ரியல்மி 11 ப்ரோ பிளஸ் ஸ்மார்ட்போனின் 12 ஜிபி ரேம், 256 ஜிபி மெமரி மாடல் வாங்கும் போது 12 மாதங்களுக்கு வட்டியில்லா மாத தவணை முறை வசதி வழங்கப்படுகிறது. இந்த சலுகை ப்ளிப்கார்ட் மற்றும் ரியல்மி வலைதளங்களில் வழங்கப்படுகிறது.

சற்றே குறைந்த விலையில் கிடைக்கும் ரியல்மி 11 ப்ரோ ஸ்மார்ட்போனின் விற்பனை நேற்று (ஜூன் 16) துவங்கியது. இதன் விலை ரூ. 23 ஆயிரத்து 999 என்று நிர்ணயம் செய்யப்பட்டு உள்ளது. இந்த ஸ்மார்ட்போனிற்கு வங்கி சலுகைகளின் படி ரூ. 1500 தள்ளுபடி, எக்சேன்ஜ் சலுகையில் ரூ. 1500 தள்ளுபடி, ப்ளிப்கார்ட் மற்றும் ரியல்மி வலைதளங்களில் அதிகபட்சம் ஆறு மாதங்களுக்கு வட்டியில்லா மாத தவணை முறை வசதி வழங்கப்படுகிறது.

அசுஸ் நிறுவனம் தனது கையடக்க கேமிங் சாதனத்தை இந்திய சந்தையில் அறிமுகம் செய்ய இருக்கிறது. புதிய அசுஸ் ரோக் Ally இந்திய வெளியீட்டை உணர்த்தும் டீசர் அதிகாரப்பூர்வமாக வெளியிடப்பட்டு உள்ளது. ஏற்கனவே அசுஸ் ரோக் Ally மாடல் ஜப்பான், சீனா மற்றும் இத்தாலி போன்ற நாடுகளில் விற்பனை செய்யப்பட்டு வருகிறது.

அசுஸ் ரோக் இந்தியா அதிகாரப்பூர்வ டுவிட்டர் பக்கத்தில் ரோக் Ally மாடலுக்கான டீசர் ட்விட் செய்யப்பட்டு உள்ளது. அசுஸ் நிறுவனத்தின் புதிய அறிவிப்பு இந்திய கேமர்களுக்கு மகிழ்ச்சியான செய்தியாக இருக்கும்.

தற்போது நின்டென்டோ ஸ்விட்ச் மற்றும் வால்வ் ஸ்டீம் டெக் உள்ளிட்ட சாதனங்களை இந்தியாவில் வாங்க முடியும். எனினும், இவற்றை வெளிநாடுகளில் இருந்து இறக்குமதி செய்ய வேண்டும். இவ்வாறு செய்யும் போது இவற்றின் விலை அதிகரிக்கும். மேலும் அதிகாரப்பூர்வ வாடிக்கையாளர் சேவை கிடைக்காது.

இந்தியாவில் மொபைல் கேமிங் துறை தொடர்ந்து வளர்ச்சியடைந்து வரும் நிலையில், அசுஸ் தனது ரோக் Ally மாடலை இந்தியாவுக்கு கொண்டுவர முடிவு செய்து இருக்கிறது. இந்த கன்சோல்கள் இந்தியாவில் அறிமுகம் செய்யப்படுவது சிறப்பான நகர்வாக இருக்கும் போதிலும், இவை சந்தையில் எந்த அளவுக்கு வரவேற்பை பெறும் என்பதை அவற்றின் விலை தான் முடிவு செய்யும்.

சமீபத்தில் வெளியான தகவல்களின் படி AMD ரைசன் Z1 பிராசஸர் கொண்ட ரோக் Ally மாடலின் விலை ரூ. 71 ஆயிரத்து 999 வரை நிர்ணயம் செய்யப்படும் என்றும், AMD ரைசன் Z1 எக்ஸ்டிரீம் பிராசஸர் கொண்ட வேரியண்ட் விலை ரூ. 79 ஆயிரத்து 999 வரை நிர்ணயம் செய்யப்படும் என்று கூறப்படுகிறது.

அசுஸ் ரோக் Ally அம்சங்கள்:

அசுஸ் ரோக் Ally கையடக்க கேமிங் கன்சோலில் 7 இன்ச் IPS டிஸ்ப்ளே, Full HD, 1920x1080 பிக்சல் ரெசல்யூஷன், 120Hz ரிப்ரெஷ் ரேட், 500 நிட்ஸ் பீக் பிரைட்னஸ், கார்னிங் கொரில்லா கிளாஸ் விக்டஸ் பாதுகாப்பு வழங்கப்பட்டு இருக்கிறது. இத்துடன் AMD ரேடியான் Navi3 கிராஃபிக்ஸ், 16 ஜிபி LPDDR5 ரேம், 512 ஜிபி PCIe 4.0 NVMe M.2 SSD வழங்கப்பட்டு உள்ளது.

விண்டோஸ் 11 ஒஎஸ் கொண்டிருக்கும் இந்த கன்சோல் ஸ்டீம், EA ஆப்ஸ், எபிக் கேம்ஸ் மற்றும் எக்ஸ்பாக்ஸ் கேம் பாஸ் உள்ளிட்ட தளங்களின் கேம்களை சப்போர்ட் செய்கிறது. இத்துடன் எக்ஸ் பாக்ஸ் கேம் பாஸ் தளத்திற்கான மூன்று மாதங்கள் சந்தா வழங்கப்படுகிறது. இதில் உள்ள டூயல் ஸ்பீக்கர் செட்டப், அசுஸ் ஸ்மார்ட் ஆம்ப்லிஃபயர் தொழில்நுட்பம், சிறப்பான ஆடியோவுடன் கேமிங் அனுபவத்தை மேம்படுத்துகிறது.

கனெக்டிவிட்டிக்கு 3.5mm ஹெட்போன் ஜாக், யுஎஸ்பி 3.2 ஜென் 2 டைப் சி போர்ட் வழங்கப்படுகிறது. இத்துடன் ரோக் XG மொபைல் இன்டர்ஃபேஸ், UHS-II மைக்ரோ எஸ்டி கார்டு ரீடர் சப்போர்ட் வழங்கப்படுகிறது. அசுஸ் ரோக் Ally மாடலில் 40 வாட் ஹவர் பேட்டரி மற்றும் 65 வாட் சார்ஜிங் வசதி வழங்கப்பட்டு இருக்கிறது.

போட் நிறுவனம் இந்திய சந்தையில் இம்மார்டல் 150 ட்ரூ வயர்லெஸ் கேமிங் இயர்பட்ஸ் மாடலை அறிமுகம் செய்து இருக்கிறது. முன்னதாக போட் நிர்வானா 525 மாடல் அறிமுகம் செய்யப்பட்டதை தொடர்ந்து, புதிய கேமிங் இயர்பட்ஸ் வெளியாகி உள்ளது.

புதிய போட் இம்மார்டல் 150 ட்ரூ வயர்லெஸ் இயர்பட்ஸ் அதிக சவுகரியமான அனுபவத்தை வழங்குகிறது. இத்துடன் சிறப்பான நாய்ஸ் கேன்சலேஷன் வசதி உள்ளது. இந்த இயர்பட்ஸ் அழகிய சார்ஜிங் கேஸ் உடன் வருகிறது. இத்துடன் 10 மில்லிமீட்டர் டைனமிக் டிரைவர்கள் வழங்கப்பட்டு உள்ளன. இவை போட் நிறுவனத்தின் தலைசிறந்த ஆடியோ அனுபவத்தை வழங்குகிறது.

இந்த இயர்பட்களில் எல்இடி லைட்கள் வழங்கப்பட்டு உள்ளன. இவை ஒட்டுமொத்த தோற்றத்தை மேம்படுத்துகிறது. இதில் மியூசிக் கண்ட்ரோல் மற்றும் வாய்ஸ் அசிஸ்டண்ட் ஆக்டிவேட் செய்ய டச் கண்ட்ரோல் வசதி உள்ளது. இத்துடன் 40ms வரையிலான லோ லேடன்சி வசதி BEAST மோடில் வழங்கப்படுகிறது.

புதிய ப்ளூடூத் இயர்பட்ஸ் மாடலில் ப்ளூடூத் 5.3 சிப்செட் வழங்கப்பட்டு இருக்கிறது. இத்துடன் இன்ஸடன்ட் வேக் அன்ட் பேர் (IWP) அம்சம் உள்ளது. இது மிக விரைவில் ஸ்மார்ட்போன்களுடன் இணைய செய்கிறது. இத்துடன் ஃபாஸ்ட் சார்ஜிங் வசதி மூலம் பத்து நிமிடங்கள் சார்ஜ் செய்தால் 180 நிமிடங்கள் வரை பயன்படுத்த முடியும்.

போட் இம்மார்டல் 150 ட்ரூ வயர்லெஸ் இயர்பட்ஸ் அம்சங்கள்:

10mm டிரைவர்கள்

எல்இடி லைட்கள்

கேமிங் சார்ந்த டிசைன்

ப்ளூடூத் 5.3

போட் சிக்னேச்சர் சவுன்ட்

டச் கண்ட்ரோல்

குவாட் மைக் மற்றும் ENx தொழில்நுட்பம்

400 எம்ஏஹெச் பேட்டரி (கேஸ்)

40 எம்ஏஹெச் பேட்டரி (இயர்பட்ஸ்)

ஃபாஸ்ட் சார்ஜிங் வசதி

யுஎஸ்பி டைப் சி கனெக்டர்

BEAST மோட் மற்றும் 40ms வரையிலான லோ லேடன்சி

IPX4 வாட்டர் ரெசிஸ்டண்ட்

விலை மற்றும் விற்பனை விவரங்கள்:

போட் இம்மார்டல் 150 ட்ரூ வயர்லெஸ் இயர்பட்ஸ் அறிமுக சலுகையாக ரூ. 1199 விலையில் விற்பனை செய்யப்படுகிறது. இதன் விற்பனை போட் மற்றும் ப்ளிப்கார்ட் வலைதளங்களில் நடைபெறுகிறது. இத்துடன் பிளாக் சாபர் மற்றும் வைட் சாபர் நிறங்களில் கிடைக்கிறது. 

அமேசான் நிறுவனம் இந்திய சந்தையில் புதிய அமேசான் பிரைம் லைட் சந்தா முறையை அறிவித்து இருக்கிறது. இது அமேசான் பிரைம் சேவையின் குறைந்த விலை வெர்ஷன் ஆகும். முன்னதாக இந்த சந்தா முறை தேர்வு செய்யப்பட்ட பயனர்களுக்கு மட்டும் வழங்கப்பட்டு இருந்தது. இந்த நிலையில், அனைவருக்கும் வழங்கப்பட்டு உள்ளது.

பிரைம் லைட் சந்தா ஒற்றை வருடாந்திர திட்டம் கொண்டிருக்கிறது. இதன் காரணமாக பயனர்கள் 12 மாதங்களுக்கு ரூ. 999 கட்டணமாக செலுத்த வேண்டும். இந்த சலுகையில் காலாண்டு மற்றும் மாதாந்திர திட்டங்கள் வழங்கப்படவில்லை. வழக்கமான அமேசான் பிரைம் சந்தா விலை ஆண்டுக்கு ரூ. 1499 ஆகும். இதே சலுகை மாதம் ரூ. 299 விலையிலும், காலாண்டு சந்தா விலை ரூ. 599 என்றும் நிர்ணயம் செய்யப்பட்டு உள்ளது.

பலன்களை பொருத்தவரை அமேசான் பிரைம் லைட் மற்றும் அமேசான் பிரைம் திட்டங்களில் ஒட்டுமொத்தமாக ஒரே மாதிரியான பலன்களே வழங்கப்படுகின்றன. பிரைம் லட்டா சந்தாவில் பயனர்கள் ஒருநாள் அல்லது இரண்டு நாட்களில் டெலிவரி பெறும் வசதி பெற முடியும். வழக்கமான இலவச டெலிவரிக்கு எந்த விதமான குறஐந்தபட்ச தொகையும் இல்லை என அமேசான் உறுதியளித்துளளது.

வழக்கமான பிரைம் சந்தாவின் கீழ் அமேசான் மியூசிக் மற்றும் வீடியோ பார்க்கும் வசதி வழங்கப்படுகிறது. பிரைம் சந்தா வைத்திருப்போரும், இதே பலன்களை பெற முடியும். எனினும், பிரைம் லைட் பயன்படுத்துவோருக்கு வீடியோ தரம் சற்றே குறைந்திருக்கும். பயனர்கள் அதிகபட்சம் இரண்டு சாதனங்ககளில் HD தரத்தில் வீடியோக்களை பார்க்கலாம்.

பிரைம் சந்தா வைத்திருப்போர் அிகபட்சம் 4K ஸ்டிரீமிங், அதிகபட்சம் ஆறு சாதனங்களில் ஒரே சமயம் பயன்படுத்தும் வசதி வழங்கப்பட்டுள்ளது. அமேசான் பிரைம் வீடியோ விளம்பரங்களை வழங்க இருப்பதாக தெரிவித்து இருக்கிறது. எனினும், எப்படி இது அமலுக்கு கொண்டுவரப்படும் என்பது பற்றி இதுவரை எந்த தகவலும் இல்லை.

அமேசான் பிரைம் லைட் பயன்படுத்துவோருக்கு பிரைம் ரீடிங் மற்றும் அமேசான் மியூசிக் சேவைகளை பயன்படுத்தும் வசதி வழங்கப்படாது. இதில் அமேசான் பிரைம் மியூசிக் வசதி, வட்டியில்லா மாத தவணை முறை, கேமிங் மற்றும் இலவச இ-புத்தகங்களை பயன்படுத்தும் வசதியும் வழங்கப்படவில்லை.

நத்திங் நிறுவனத்தின் ஃபிளாக்ஷிப் ஸ்மார்ட்போன் மாடலாக நத்திங் போன் 2 அடுத்த மாதம் அறிமுகம் செய்யப்பட இருக்கிறது. புதிய நத்திங் போன் 2 மூலம் நத்திங் நிறுவனம் அமெரிக்க சந்தையில் களமிறங்குகிறது. நத்திங் போன் 2 சர்வதேச வெளியீட்டின் போதே இந்த மாடல் இந்திய சந்தையிலும் அறிமுகம் செய்யப்பட இருக்கிறது.

இந்திய சந்தையில் நத்திங் போன் 2 மாடல் ப்ளிப்கார்ட் வலைதளத்தில் விற்பனை செய்யப்பட இருக்கிறது. புதிய நத்திங் போன் 2 மாடலின் அம்சங்கள் பற்றி அந்நிறுவனம் சில விவரங்களை ஏற்கனவே அறிவித்து விட்டது. இந்த நிலையில், புதிய நத்திங் போன் 2 எதிர்பார்க்கப்படும் விலை மற்றும் அம்சங்கள் பற்றி தொடர்ந்து பார்ப்போம்.

எதிர்பார்க்கப்படும் விலை:

நத்திங் போன் 2 மாடல் ஒன்பிளஸ் 11R மற்றும் பிக்சல் 7a மாடல்களுக்கு போட்டியாக அமையும் வகையில் இருக்கும் என்று கூறப்படுகிறது. அதன்படி புதிய நத்திங் போன் 2 துவக்க விலை ரூ. 40 ஆயிரம் முதல் ரூ. 45 ஆயிரம் வரை நிர்ணயம் செய்யப்படலாம். கடந்த ஆண்டு மிட் ரேன்ஜ் பிரிவில் நிலை நிறுத்தப்பட்ட நத்திங் போன் 1 விலை ரூ. 32 ஆயிரத்து 999 என்று நிர்ணயம் செய்யப்பட்டு இருந்தது.

அம்சங்களை பொருத்தவரை புதிய நத்திங் போன் 2 மாடலில் குவால்காம் நிறுவனத்தின் டாப் எண்ட் ஸ்னாப்டிராகன் 8 பிளஸ் ஜென் 1 பிராசஸர், 4700 எம்ஏஹெச் பேட்டரி, ஃபாஸ்ட் சார்ஜிங் வசதி வழங்கப்படும் என்று தெரிகிறது. இத்துடன் 6.7 இன்ச் டிஸ்ப்ளே, Full HD+ ரெசல்யூஷன், OLED பேனல் வழங்கப்படும் என்று கூறப்படுகிறது.

முந்தைய நத்தங் போன் 1 மாடலுடன் 33வாட் ஃபாஸ்ட் சார்ஜிங் வசதி வழங்கப்பட்டு இருந்தது. மேலும் ஸ்மார்ட்போனுடன் சார்ஜர் வழங்கப்படவில்லை. இதே போன்றே புதிய நத்தங் போன் 2 மாடலுடன் சார்ஜர் வழங்கப்படாது என்றே தெரிகிறது. புதிய ஸ்மார்ட்போனின் கேமரா சென்சார்கள் பற்றி இதுவரை எந்த தகவலும் இல்லை.

நத்திங் போன் 2 மாடலுக்கு மூன்று ஆண்டுகள் முக்கிய ஆண்ட்ராய்டு ஒஎஸ் அப்கிரேடுகள், நான்கு ஆண்டுகள் செக்யுரிட்டி பேட்ச் வழங்கப்படும் என்று நத்திங் நிறுவனம் உறுதிப்படுத்தி இருக்கிறது. மேலும் புதிய நத்திங் ஒஎஸ் பயனர்களுக்கு அதிவேக அனுபவம் மற்றும் புதிய அம்சங்களை வழங்கும் என்று தெரிவித்து இருக்கிறது.

எல்ஜி நிறுவனம் 2023 கிராம் சீரிஸ் லேப்டாப் மாடல்களை இந்திய சந்தையில் அறிமுகம் செய்து இருக்கிறது. புதிய கிராம் சீரிஸ் மாடல்கள் பிரீமியம் பிரிவில் நிலை நிறுத்தப்பட்டு உள்ளன. அதிக விலை கொண்ட புதிய எல்ஜி கிராம் சீரிஸ் லேப்டாப்கள் டாப் எண்ட் அம்சங்களை கொண்டிருக்கின்றன.

புதிய லேப்டாப்கள் எல்ஜி கிராம் 2023, கிராம் ஸ்டைல், கிராம் 2-இன்-1 மற்றும் எல்ஜி அல்ட்ரா பிசி என அழைக்கப்படுகின்றன. இவை அனைத்திலும் விண்டோஸ் 11 ஹோம் எடிஷன் ஒஎஸ், SSD ஸ்டோரேஜ், அதிகபட்சம் 17 இன்ச் ஸ்கிரீன், 80 வாட் ஹவர் பேட்டரி, 65 வாட் வரையிலான ஃபாஸ்ட் சார்ஜிங் வசதி வழங்கப்பட்டு இருக்கிறது.

எல்ஜி கிராம் 2023 சீரிஸ் அம்சங்கள்:

எல்ஜி கிராம் 2023 மாடலில் இன்டெல் EVO சான்று பெற்ற 13th Gen கோர் பிராசஸர், LPDDR5 6000 MHz ரேம், மற்றும் Gen.4 NVMe (x2) ரக ஸ்டோரேஜ் வழங்கப்பட்டு இருக்கிறது. இதன் டிஸ்ப்ளே 16:10 WQXGA IPS ஸ்கிரீன் மற்றும் வேரியபில் ரிப்ரெஷ் ரேட் கொண்டிருக்கிறது. இத்துடன் 400 நிட்ஸ் பிரைட்னஸ் உள்ளது.

எல்ஜி கிராம் ஸ்டைல் மாடல், அதன் பெயருக்கு ஏற்றார்போல் மிகவும் ஸ்டைலான லேப்டாப் ஆகும். இதில் 14 இன்ச் WQXGA+ OLED டிஸ்ப்ளே, 90Hz ரிப்ரெஷ் ரேட், இன்டெல் ஐரிஸ் Xe கிராஃபிக்ஸ் அதிகபட்சம் 16 ஜிபி LPDDR5 ரேம், 512 ஜிபி NVMe SSD ஸ்டோரேஜ் உள்ளது. இதில் டால்பி அட்மோஸ் சப்போர்ட், 72 வாட் ஹவர் பேட்டரி மற்றும் 65 வாட் ஃபாஸ்ட் சார்ஜிங் வசதி உள்ளது.

எல்ஜி கிராம் 2-இன்-1 மாடலில் 16 இன்ச் டிஸ்ப்ளே உள்ளது. இதனை லேப்டாப் மற்றும் டேப்லெட் என இருவிதங்களில் பயன்படுத்த முடியும். இதில் 13th Gen இன்டெல் கோர் பிராசஸர், இன்டெல் ஐரிஸ் Xe கிராஃபிக்ஸ், 32 ஜிபி LPDDR5 ரேம், 2 டிபி NVMe Gen4 SSD ஸ்டோரேஜ் உள்ளது. இதில் 80 வாட் ஹவர் பேட்டரி, 65 வாட் ஃபாஸ்ட் சார்ஜிங் வசதி உள்ளது.

எல்ஜி அல்ட்ரா பிசி அதிக ரெசல்யூஷன் கொண்ட WUXGA டிஸ்ப்ளே, ஆன்டி கிளேர் IPS பேனல், 300 நிட்ஸ் பிரைட்னஸ், மெல்லிய பெசல்கள் உள்ளன. இந்த லேப்டாப் AMD ரைசன் 7000 சீரிஸ் பிராஸர், AMD ரேடியான் 7 கிராஃபிக்ஸ், 16 ஜிபி DDR4 ரேம் வழங்கப்பட்டு இருக்கிறது. இத்துடன் 72 வாட் ஹவர் பேட்டரி வழங்கப்பட்டுள்ளது.

விலை விவரங்கள்:

எல்ஜி கிராம் 14 இன்ச் மாடல் துவக்க விலை ரூ. 1 லட்சத்து 27 ஆயிரம்

எல்ஜி கிராம் 16 இன்ச் மற்றும் 17 இன்ச் மாடல் துவக்க விலை ரூ. 1 லட்சத்து 42 ஆயிரத்து 990

எல்ஜி கிராம் ஸ்டைல் துவக்க விலை ரூ. 1 லட்சத்து 42 ஆயிரத்து 990

எல்ஜி கிராம் 2-இன்-1 துவக்க விலை ரூ. 2 லட்சத்து 05 ஆயிரம்

எல்ஜி அட்ரா பிசி துவக்க விலை ரூ. 1 லட்சத்து 04 ஆயிரம் 

சாம்சங் நிறுவனத்தின் கேலக்ஸி M34 5ஜி ஸ்மார்ட்போனின் சப்போர்ட் பேஜ் அந்நிறுவன வலைதளத்தில் இடம்பெற்று இருக்கிறது. சமீபத்தில் இந்த ஸ்மார்ட்போன் விவரங்கள் பி.ஐ.எஸ். வலைதளத்தில் லீக் ஆகி இருந்த நிலையில், தற்போது இதன் வெளியீடு விரைவில் நடைபெறும் என்று தெரியவந்துள்ளது. புதிய கேலக்ஸி M34 5ஜி ஸ்மார்ட்போன் அந்நிறுவனம் கடந்த ஆண்டு அறிமுகம் செய்த கேலக்ஸி M33 5ஜி மாடலின் மேம்பட்ட வெர்ஷன் ஆகும்.

சாம்சங் இந்தியா வலைதளத்தில் இடம்பெற்று இருப்பதன் மூலம் கேலக்ஸி M34 5ஜி மாடல் உருவாகி இருப்பது உறுதியாகிவிட்டது. இவை தவிர இந்த ஸ்மார்ட்போனின் முன்பதிவு மற்றும் விற்பனை குறித்து வலைதளத்தில் இதுவரை எந்த தகவலும் வழங்கப்படவில்லை. சப்போர்ட் பேஜில் கேலக்ஸி M34 5ஜி ஸ்மார்ட்போனின் மாடல் நம்பர் மட்டும் இடம்பெற்று இருக்கிறது.

சாம்சங் கேலக்ஸி M34 5ஜி எதிர்பார்க்கப்படும் அம்சங்கள்:

சாம்சங் கேலக்ஸி M34 5ஜி ஸ்மார்ட்போனில் 6.6 இன்ச் FHD+ டிஸ்ப்ளே, 120Hz ரிப்ரெஷ் ரேட், வாட்டர் டிராப் நாட்ச், மீடியாடெக் டிமென்சிட்டி 1080 பிராசஸர், அதிகபட்சம் 8 ஜிபி ரேம், அதிகபட்சம் 256 ஜிபி மெமரி, ஆண்ட்ராய்டு 13 சார்ந்த ஒன்யுஐ 5 ஒஎஸ் வழங்கப்படும் என்று தெரிகிறது.

புகைப்படங்களை எடுக்க 48MP பிரைமரி கேமரா, OIS, 8MP அல்ட்ரா வைடு ஆங்கில் லென்ஸ், 5MP மேக்ரோ சென்சார் மற்றும் 13MP செல்ஃபி கேமரா வழங்கப்படுகிறது. இந்த ஸ்மார்ட்போன் 5000 எம்ஏஹெச் பேட்டரி மற்றும் 25 வாட் சார்ஜிங் கொண்டிருக்கும் என்று கூறப்படுகிறது.

வாட்ஸ்அப் செயலியில் வீடியோ மெசேஜ் அனுப்பும் வசதி வழங்கப்படுகிறது. மெசேஜ் டைப் செய்ய முடியாதவர்களுக்கு, ஆடியோ மெசேஜ்களை அனுப்பும் வசதி வழங்கப்பட்டு வந்தது. புதிய அப்டேட் மூலம் இனி ஆடியோ மெசேஜை கடந்து வீடியோ மெசேஜ்களையும் அனுப்ப முடியும். இந்த அம்சம் வாட்ஸ்அப் ஐஒஎஸ் மற்றும் ஆண்ட்ராய்டு பீட்டா வெர்ஷன்களில் சோதனை செய்யப்பட்டு வருகிறது.

சமீப காலங்களில் புதிய அம்சங்களை வாட்ஸ்அப் விரைந்து வெளியிட்டு வருகிறது. இந்த அம்சம் விரைவில் வாட்ஸ்அப் செயலியின் ஸ்டேபில் வெர்ஷனிலும் வழங்கப்படும் என்று தெரிகிறது. முன்னதாக எடிட் பட்டன், சாட் லாக், ப்ரோஃபைல் படத்தை சிலருக்கு மட்டும் மறைத்து வைக்கும் வசதி, மல்டி-போன் சப்போர்ட் உள்ளிட்டவை விரைந்து வெளியிடப்பட்டன.

தற்போது வாட்ஸ்அப் ஐஒஎஸ் பீட்டா 23.12.0.71 வெர்ஷன், ஆண்ட்ராய்டு பீட்டா 2.23.13.4 வெர்ஷனில் புதிய வீடியோ மெசேஜ் அம்சம் டெஸ்டிங் செய்யப்பட்டு வருகிறது. ஆடியோ மெசேஜ் போன்றே புதிய வீடியோ மெசேஜ் அம்சத்தையும் எளிதில் இயக்க முடியும். ஒவ்வொரு சாட்களிலும் மைக்ரோபோன் இடம்பெற்றுள்ள பகுதியிலேயே வீடியோ ஐகான் இடம்பெறுகிறது. இதனை க்ளிக் செய்து ஆடியோ அல்லது வீடியோ மெசேஜ் அனுப்ப முடியும்.

வாட்ஸ்அப் செயலியில் பகிரப்படும் மற்ற தரவுகளை போன்றே, வீடியோ மெசேஜ்களும் முழுமையாக என்க்ரிப்ட் செய்யப்படுகின்றன. அந்த வகையில் யாரும் வீடியோ மெசேஜ்களை பார்க்க முடியாது. வீடியோ மெசேஜை மற்றவர்களுக்கு ஃபார்வேர்டு செய்யும் வசதி வழங்கப்படாது. எனினும், இதனை ஸ்கிரீன் ரெக்கார்டு செய்யப்படுவதை வாட்ஸ்அப் தடுக்காது.

Photo Courtesy: wabetainfo

ரியல்மி நிறுவனத்தின் முதல் 200MP கேமரா கொண்ட ஸ்மார்ட்போனாக ரியல்மி 11 ப்ரோ பிளஸ் 5ஜி சமீபத்தில் அறிமுகம் செய்யப்பட்டது. அந்த வகையில், இந்த ஸ்மார்ட்போனின் விற்பனை இன்று தொடங்கி நடைபெறுகிறது. ரியல்மி இந்தியா வலைதளம், ப்ளிப்கார்ட் மற்றும் ஆஃப்லைன் ஸ்டோர்களில் இந்த மாடலின் விற்பனை நடைபெற இருக்கிறது.

முன்னதாக ஜூன் 8-ம் தேதி இந்த ஸ்மார்ட்போனிற்கான முன்பதிவு துவங்கியது. ரியல்மி 11 ப்ரோ பிளஸ் 5ஜி மாடல் 8 ஜிபி ரேம், 256 ஜிபி மெமரி மற்றும் 12 ஜிபி ரேம், 256 ஜிபி மெமரி என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 27 ஆயிரத்து 999 மற்றும் ரூ. 29 ஆயிரத்து 999 என்று நிர்ணயம் செய்யப்பட்டு உள்ளது. ரியல்மி 11 ப்ரோ பிளஸ் 5ஜி மாடல் ஆஸ்ட்ரல் பிளாக், சன்ரைஸ் பெய்க் மற்றும் ஒயசிஸ் கிரீன் நிறங்களில் கிடைக்கிறது.

சலுகை விவரங்கள்:

ரியல்மி 11 ப்ரோ பிளஸ் 5ஜி ஸ்மார்ட்போனின் 8 ஜிபி ரேம், 256 ஜிபி மெமரி மாடலை வாங்குவோர் ஐசிஐசிஐ, ஹெச்டிஎப்சி மற்றும் எஸ்பிஐ வங்கி கார்டுகளை பயன்படுத்தும் போது ரூ. 2 ஆயிரம் தள்ளுபடியும், தங்களின் பழைய ஸ்மார்ட்போனகளை எக்சேன்ஜ் செய்யும் போது ரூ. 2 ஆயிரம் வரை தள்ளுபடி பெறலாம். இத்துடன் அதிகபட்சம் ஆறு மாதங்களுக்கு வட்டியில்லா மாத தவணை முறை வசதி வழங்கப்படுகிறது.

புதிய ரியல்மி 11 ப்ரோ பிளஸ் 5ஜி ஸ்மார்ட்போனின் 12 ஜிபி ரேம், 256 ஜிபி மெமரி மாடலை வாங்குவோருக்கு அதிகபட்சம் 12 மாதங்கள் வரை வட்டியில்லா மாத தவணை முறை வசதி வழங்கப்படுகிறது. இந்த ஸ்மார்ட்போனிற்கு வங்கி சார்ந்த சலுகைகள் வழங்கப்படவில்லை. எனினும், பழைய ஸ்மார்ட்போன்களை எக்சேன்ஜ் செய்து ரூ. 500 வரை தள்ளுபடி பெறலாம்.

ரியல்மி 11 ப்ரோ பிளஸ் 5ஜி அம்சங்கள்:

6.7 இன்ச் Full HD+ AMOLED டிஸ்ப்ளே, 120Hz ரிப்ரெஷ் ரேட்

மீடியாடெக் டிமென்சிட்டி 7050 பிராசஸர்

8 ஜிபி, 12 ஜிபி ரேம்

256 ஜிபி மெமரி

200MP பிரைமரி கேமரா

8MP அல்ட்ரா வைடு கேமரா

2MP மேக்ரோ சென்சார்

32MP செல்ஃபி கேமரா

ஆண்ட்ராய்டு 13 சார்ந்த ரியல்மி யுஐ 4.0

இன்-டிஸ்ப்ளே கைரேகை சென்சார்

5000 எம்ஏஹெச் பேட்டரி

100 வாட் ஃபாஸ்ட் சார்ஜிங்

கூகுள் நிறுவனத்தின் புதிய பிக்சல் வாட்ச் 2 மாடல் இரண்டு வேரியண்ட்களில் கிடைக்கும் என்று தகவல் வெளியாகி உள்ளது. புதிய பிக்சல் வாட்ச் 2 இந்த ஆண்டு அக்டோபர் மாதம் நடைபெற இருக்கும் பிக்சல் 8 சீரிஸ் வெளியீட்டு நிகழ்வில் அறிமுகம் செய்யப்படும் என்று எதிர்பார்க்கப்படுகிறது.

பிக்சல் வாட்ச் 2 மாடல் பற்றிய விவரங்கள் அவ்வப்போது இணையத்தில் வெளியாகி வருகின்றன. அதன் படி ஏற்கனவே வெளியான தகவல்களில் பிக்சல் வாட்ச் 2 மாடல் அக்டோபரில் அறிமுகம் செய்யப்படும் என்று குறிப்பிடப்பட்டு இருந்தது. இதுதவிர பிக்சல் வாட்ச் 2 மாடலின் சிறுவர் மட்டும் பயன்படுத்தும் வேரியண்ட் அறிமுகம் செய்யப்பட இருப்பதாகவும், இது ஃபிட்பிட் பிராண்டிங்கில் விற்பனை செய்யப்பட இருப்பதாக கூறப்படுகிறது.

கோப்புப்படம் 

புதிய பிக்சல் வாட்ச் 2 மாடலில் ஸ்னாப்டிராகன் W5 ஜென் 1 பிராசஸர் வழங்கப்படுகிறது. சமீபத்திய கூகுள் ஆப் அப்டேட் வெர்ஷன் 14.24 இரண்டு பிக்சல் வாட்ச் 2 மாடல்களுக்கான குறியீட்டு பெயர்களை கொண்டிருப்பதாக தகவல் வெளியாகி உள்ளது. இந்த குறியீட்டு பெயர்கள் அரோரா மற்றும் இயோஸ் ஆகும்.

இவை ரோமன் மற்றும் கிரேக்க பெயர்களுடன் தொடர்புடையவை ஆகும். இதில் ஒரு மாடல் எல்டிஇ மோடெம் கொண்டிருக்கும் என்றும் கூறப்படுகிறது. இரு மாடல்களிலும் 41 மில்லிமீட்டர் கேஸ் வழங்கப்படுகிறது. இவை கூகுள் வாட்ச் ஸ்டிராப்களுடன் பொருந்தும் வகையில் உருவாக்கப்பட்டு உள்ளன.

டிசைன் அடிப்படையில் பிக்சல் வாட்ச் 2 மாடல் அதன் முந்தைய வெர்ஷனை விட மேம்பட்டு இருக்கும் என்று கூறப்படுகிறது. எனினும், தற்போதைய தகவல்களை கடந்து பிக்சல் வாட்ச் 2 மாடலின் அம்சங்களில் வெளியீட்டுக்கு முன் மாற்றங்கள் செய்யப்படலாம்.

ஆப்பிள் நிறுவனம் தனது M சீரிஸ் பிராசஸர்களுடன் தொடர்ந்து அதிர்வலைகளை ஏற்படுத்தி வருகிறது. சமீபத்திய சர்வதேச டெவலப்பர்கள் மாநாட்டில் (WWDC 2023) தனது சக்திவாய்ந்த மேக் ப்ரோ மாடலை அறிமுகம் செய்தது. புதிய மேக் ப்ரோ மாடலில் M2 அல்ட்ரா சிப்செட் வழங்கப்பட்டு இருக்கிறது. M2 அல்ட்ரா பிராசஸர் கொண்ட ஆப்பிள் மேக் ப்ரோ மாடல்களின் பென்ச்மார்க் விவரங்கள் வெளியாகி உள்ளது.

அதன்படி 2023 மேக் ப்ரோ மாடல் வீடியோ எடிட், 3டி ரென்டரிங் மற்றும் அறிவியல் கணினியியல் என்று தொழில்ரீதியாக அதிக திறன் கொண்ட சாதனங்களை எதிர்பார்க்கும் பயனர்களுக்காக அறிமுகம் செய்யப்பட்டது. இந்த மாடல் M2 அல்ட்ரா பிராசஸர் கொண்டிருக்கிறது. இது ஆப்பிள் இதுவரை உருவாக்கியதிலேயே மிகவும் சக்திவாய்ந்த சிப்செட் ஆகும்.

M2 அல்ட்ரா பிராசஸரில் 24 சி.பி.யு. கோர்கள், அதிகபட்சம் 76 ஜி.பி.யு. கோர்கள் மற்றும் 32-கோர் நியூரல் என்ஜின் உள்ளது. இதன் மூலம் இந்த பிராசஸர் புதிய மேக் ப்ரோ மாடலை சந்தையில் கிடைக்கும் மிகவும் சக்திவாய்ந்த கணினியாக மாற்றியுள்ளது. இது எந்த அளவுக்கு சக்தி கொண்டிருக்கிறது என்பதை விளக்கும் வகையில் பென்ச்மார்க் டெஸ்டிங் முடிவுகள் வெளியிடப்பட்டு உள்ளன.

அதன்படி கீக்பென்ச் தளத்தில் வெளியாகி இருக்கும் தகவல்களில், M2 அல்ட்ரா சிப்செட் கொண்ட புதிய மேக் ப்ரோ மாடல் சிங்கில் கோர் டெஸ்டில் 2 ஆயிரத்து 794 புள்ளிகளையும், மல்டி கோர் டெஸ்டில் 21 ஆயிரத்து 453 புள்ளிகளையும் பெற்று அசத்தி இருக்கிறது. இது முந்தைய தலைமுறை மேக் ப்ரோ மாடலை விட அதிவேகமானது ஆகும்.

முந்தைய தலைமுறை ஆப்பிள் மேக் ப்ரோ மாடல் சிங்கில் கோர் டெஸ்டிங்கில் 1,378 புள்ளிகளையும், மல்டி கோர் டெஸ்டிங்கில் 10 ஆயிரத்து 390 புள்ளிகளையும் பெற்றது. அதன்படி புதிய 2023 மேக் ப்ரோ அதன் முந்தைய வெர்ஷனை விட சிங்கில் கோர் டெஸ்டிங்கில் 20 சதவதீம், மல்டி கோர் டெஸ்டிங்கில் 25 சதவீதம் அதிக திறன் கொண்டிருக்கிறது.

ஆப்பிள் நிறுவனத்தின் சமீபத்திய M2 அல்ட்ரா சிப்செட்டில் இரண்டு M2 மேக்ஸ் பிராசஸர்கள் ஒருங்கிணைக்கப்பட்டு உள்ளன. இதற்காக அல்ட்ரா-ஃபியுஷன் ஆர்கிடெக்ச்சர் பயன்படுத்தப்பட்டு இருக்கிறது. இந்திய சந்தையில் புதிய 2023 மேக் ப்ரோ மாடலின் விலை ரூ. 7 லட்சத்து 29 ஆயிரத்து 900 என்று துவங்குகிறது.