தொழில்நுட்பம்

பிரீமியம் ஸ்மார்ட்வாட்ச் உற்பத்தியாளரான கார்மின் இந்திய சந்தையில் புதிய இன்ஸ்டிண்ட் கிராஸ்ஒவர் சீரிஸ் ஸ்மார்ட்வாட்ச்களை அறிமுகம் செய்து இருக்கிறது. புது சீரிசில் - இன்ஸ்டிண்ட் கிராஸ்ஒவர் மற்றும் இன்ஸ்டிண்ட் கிராஸ்ஒவர் சோலார் என இரண்டு வேரியண்ட்களில் கிடைக்கிறது. இரு மாடல்களிடையே உள்ள ஒற்றை வித்தியாசம், கிராஸ்ஒவர் சோலார் மாடல் சூரிய சக்தி கொண்டு சார்ஜ் ஏற்றிக் கொள்ளும் வசதி கொண்டுள்ளது.

புதிய கார்மின் இன்ஸ்டிண்ட் கிராஸ்ஒவர் மாடலில் கார்மின் நிறுவனத்தின் அனைத்து உடல்நல அம்சங்கள், மேம்பட்ட ஸ்லீப் மாணிட்டரிங், ஸ்லீப் ஸ்கோர், ஹெல்த் மாணிட்டரிங் போன்ற அம்சங்கள் உள்ளது. இதன் சோலார் வேரியண்ட் 70 மணி நேரத்திற்கான பேட்டரி லைஃப் வழங்குகிறது.

கார்மின் இன்ஸ்டிண்ட் கிராஸ்ஒவர் சீரிஸ் அம்சங்கள்:

புது ஸ்மார்ட்வாட்ச்களில் சூப்பர்-லூமி நோவா-கோட் செய்யப்பட்ட அனலாக் மற்றும் டஃப் டிசைன் உள்ளது. இத்துடன் அதிக ரெசல்யூஷன் கொண்ட டிஜிட்டல் டிஸ்ப்ளே, 10ATM வாட்டர் ரெசிஸ்டண்ட், ஸ்கிராட்ச் ரெசிஸ்டண்ட் லென்ஸ், தெர்மல் மற்றும் ஷாக் ரெசிஸ்டண்ட், MIL-STD-810 தரம் கொண்டுள்ளது. இதன் சோலார் எடிஷன் 70 நாட்கள் பேட்டரி லைஃப் கொண்டிருக்கிறது.

கார்மின் இன்ஸ்டிண்ட் கிராஸ்ஒவர் - ஸ்மார்ட்வாட்ச் மோடில் கிட்டத்தட்ட ஒரு மாதத்தற்கு பேட்டரி லைஃப் வழங்குகிறது. ஜிபிஎஸ் மோடில் 110 மணி நேரத்திற்கும் அதிக பேட்டரி லைஃப் கொண்டுள்ளது. இத்துடன் ஸ்லீப் ஸ்கோர், மேம்பட்ட ஸ்லீப் மாணிட்டரிங், ஹெல்த் மாணிட்டரிங் போன்ற அம்சங்களை கொண்டுள்ளது.

விலை மற்றும் விற்பனை விவரங்கள்:

கார்மின் இன்ஸ்டிண்ட் கிராஸ்ஒவர் மாடல் பிளாக் நிறத்திலும், இன்ஸ்டிண்ட் கிராஸ்ஒவர் சோலார் கிராஃபைட் சோலார் கிராபைட் நிறத்திலும் கிடைக்கிறது. இவற்றின் விலை முறையே ரூ. 55 ஆயிரத்து 990 மற்றும் ரூ. 61 ஆயிரத்து 990 என்றும் நிர்ணயம் செய்யப்பட்டு உள்ளது. விற்பனை கார்மின் பிராண்ட் ஸ்டோர், ஹெலியோஸ் வாட்ச் ஸ்டோர், ஜஸ்ட் இன் டைம், ஸ்போர்ட்ஸ் ஸ்டோர், அமேசான், டாடா க்ளிக், டாடா லக்சரி, சினர்ஜைசர், ப்ளிப்கார்ட் மற்றும் நைகா வலைதளங்களில் விற்பனைக்கு கிடைக்கிறது.

டுவிட்டர் புளூ சந்தா ஒருவழியாக ஆண்ட்ராய்டு செயலியில் வழங்கப்பட்டு வருகிறது. வருடாந்திர சந்தா கட்டண முறை அறிவிக்கப்பட்டதை அடுத்து ஆண்ட்ராய்டு தளத்திற்கும் டுவிட்டர் புளூ சந்தா வழங்கப்படுகிறது. ஐஒஎஸ் போன்றே டுவிட்டர் புளூ சந்தாவுக்கான கட்டணம் மாதம் 11 டாலர்கள் என நிர்ணயம் செய்யப்பட்டு இருக்கிறது. டுவிட்டர் புளூ வெப் தளத்திற்கான கட்டணத்தை விட செயலியின் கட்டணம் அதிகம் ஆகும்.

இரு தளங்களின் விலை வேறுபாட்டிற்கான காரணம் பற்றி டுவிட்டர் சார்பில் இதுவரை எந்த தகவலும் வழங்கப்படவில்லை. எனினும், இன்-ஆப் பர்சேஸ்களுக்கான பிளே ஸ்டோர் கட்டணத்தை ஈடு செய்யும் வகையில் டுவிட்டர் புளூ கட்டணத்தில் வேறுபாடு இருக்கலாம் என கூறப்படுகிறது.

பலன்களை பொருத்தவரை டுவிட்டர் புளூ பயனர்களுக்கு பல்வேறு பிரிவுகளில் முன்னுரிமை அளிக்கப்படுகிறது. இத்துடன் டுவிட்களை எடிட் செய்யும் வசதி, 60 நிமிடங்களுக்கான வீடியோ அப்லோட் ( வெப்-இல் மட்டும்) செய்யும் வசதி வழங்கப்படுகிறது. இத்துடன் கஸ்டம் ஆப் ஐகான், புக்மார்க் செய்யப்பட்ட டுவிட்களுக்கு எளிய நேவிகேஷன், செயலியில் வித்தியாசமான தீம் உள்ளிட்டவை வழங்கப்படுகிறது.

செயலியில் நேவிகேஷன் பார் கஸ்டமைஸ் செய்யும் வசதி, ரீடர் அம்சம் உள்ளிட்டவை வழங்கப்படுகிறது. இவை டுவிட்டர் ஒட்டுமொத்த அனுபவத்தை வித்தியாசமாக மாற்றுகிறது. டுவிட்டர் புளூ சந்தா தற்போது ஆஸ்திரேலியா, கனடா, ஜப்பான், நியூசிலாந்து, அமெரிக்கா மற்றும் பிரிட்டன் உள்ளிட்ட நாடுகளில் வழங்கப்பட்டு வருகிறது. 

சியோமி நிறுவனம் தனது ஃபிளாக்ஷிப் சியோமி 13 மற்றும் சியோமி 13 ப்ரோ ஸ்மார்ட்போன்களை கடந்த ஆண்டு டிசம்பர் மாதத்தில் சீன சந்தையில் அறிமுகம் செய்தது. இரு ஸ்மார்ட்போன்களும் சீனா தவிர வேறு எந்த நாட்டிலும் இதுவரை அறிமுகம் செய்யப்படவில்லை. மாறாக 2023 சர்வதேச மொபைல் காங்கிரஸ் (MWC) நிகழ்வில் கலந்து கொள்வதை மட்டும் உறுதிப்படுத்தி இருக்கிறது.

அந்த வகையில் 2023 சர்வதேச மொபைல் காங்கிரஸ் நிகழ்வில் வைத்து சியோமி தனது சியோமி 13 மற்றும் சியோமி 13 ப்ரோ ஸ்மார்ட்போன்களை சர்வதேச சந்தையில் அறிமுகம் செய்யும் என தகவல் வெளியாகி உள்ளது. இதோடு இரு ஸ்மார்ட்போன் மாடல்களும் சில மிக முக்கிய சான்றிதழ்களை பெற்று வருகின்றன. சமீபத்தில் சியோமி 13 மற்றும் சியோமி 13 ப்ரோ ஸ்மார்ட்போன்கள் முறையே 2211133G மற்றும் 2210132G மாடல் நம்பர்களுடன் NBTC தாய்லாந்து சான்று பெற்றன.

முன்னதாக சியோமி நிறுவனம் சியோமி 12 மாடலை இந்தியாவில் அறிமுகம் செய்யாமல் ப்ரோ மாடலை மட்டுமே அறிமுகம் செய்தது. அந்த வகையில், இந்த முறையும் சியோமி 13 மாடலை தவிர்த்து சியோமி 13 ப்ரோ மாடலை மட்டுமே அறிமுகம் செய்யும் என கூறப்படுகிறது. சியோமி 13 மற்றும் சியோமி 13 ப்ரோ மாடல்களின் அம்சங்கள் பற்றி இதுவரை எந்த தகவலும் வெளியாகவில்லை.

எனினும், சீன வேரியண்ட்களில் இருந்ததை போன்ற அம்சங்களே அதன் சர்வதேச வேரியண்ட்களிலும் வழங்கப்படும் என கூறப்படுகிறது. சியோமி 13 மாடலில் 6.36 இன்ச் FHD+ 120Hz AMOLED பேனல், ப்ரோ மாடலில் 6.73 இன்ச் QHD+ 120Hz AMOLED டிஸ்ப்ளே, ஸ்னாப்டிராகன் 8 ஜென் 2 பிராசஸர், LPDDR5 ரேம், FS 4.0 ஸ்டோரேஜ் வழங்கப்படுகிறது.

சியோமி 13 மாடலில் 50MP பிரைமரி கேமரா, 12MP அல்ட்ரா வைடு லென்ஸ், 10MP டெலிபோட்டோ கேமரா வழங்கப்படுகிறது. சியோமி 13 ப்ரோ மாடலில் 50MP பிரைமரி கேமரா, 50MP அல்ட்ரா வைடு லென்ஸ், 50MP டெலிபோட்டோ சென்சார் வழங்கப்படுகிறது.

ஆப்பிள் இந்தியா ஆன்லைன் ஸ்டோரில் ஏராளமான சாதனங்களுக்கு சிறப்பு சலுகைகள் அறிவிக்கப்பட்டுள்ளன. பல்வேறு பிரிவுகளில் கிடைக்கும் ஆப்பிள் சாதனங்களுக்கு அதிகபட்சம் ரூ. 10 ஆயிரம் உடனடி தள்ளுபடி, வங்கி சார்ந்த சலுகைகள் அறிவிக்கப்பட்டு இருக்கின்றன.

ஆப்பிள் ஸ்டோர் ஆன்லைன் சலுகைகள்:

ஹெச்டிஎப்சி வங்கி கிரெடிட் கொண்டு மேக்புக் ஏர் M2 சிப் மற்றும் மேக்புக் ப்ரோ 13 இன்ச் மாடல்களை வாங்கும் போது அதிகபட்சம் ரூ. 10 ஆயிரம் உடனடி தள்ளுபடி.

தேர்வு செய்யப்பட்ட ஐபோன் மாடல்களுக்கு அப்கிரேடு செய்யு்ம போது ரூ. 12 ஆயிரம் வரை உடனடி சேமிப்பு வழங்கப்படுகிறது. இதில் ரூ. 7 ஆயிரம் உடனடி சேமிப்பு, எக்சேன்ஜ் சலுகையாக ரூ. 5 ஆயிரம் கூடுதல் சேமிப்புகள் தேர்வு செய்யப்பட்ட ஐபோன் மாடல்களுக்கு வழங்கப்படுகிறது.

மூன்று அல்லது ஆறு மாதங்கள் வரை தேர்வு செய்யப்பட்ட சாதனங்களை வாங்கும் போகு வட்டியில்லா மாத தவணை முறை வசதி வழங்கப்படுகிறது.

ஹெச்டிஎப்சி கிரெடிட் கார்டு பயன்படுத்தும் போது கிடைக்கும் உடனடி சேமிப்புகள்

ஐபோன் 14, ஐபோன் 14 பிளஸ், ஐபோன் 14 ப்ரோ, ஐபோன் 14 மேக்ஸ் வாங்கும் போது ரூ. 7 ஆயிரம்

ஐபேட் 10th Gen ரூ. 3 ஆயிரம்

ஐபேட் ஏர் ரூ. 4 ஆயிரம்

ஐபேட் ப்ரோ 12.9 இன்ச் ரூ. 5 ஆயிரம்

மேக்புக் ஏர் M2 சிப் ரூ. 10 ஆயிரம்

மேக்புக் ப்ரோ 13 இன்ச் ரூ. 10 ஆயிரம்

ஆப்பிள் வாட்ச் அல்ட்ரா ரூ. 5 ஆயிரம்

ஆப்பிள் வாட்ச் சீரிஸ் 8 ரூ. 4 ஆயிரம்

ஏர்பாட்ஸ் ப்ரோ 2nd Gen ரூ. 2 ஆயிரம்

ஹெச்டிஎப்சி வங்கி கிரெடிட் கார்டு மற்றும் கிரெடிட் கார்டு மாத தவணைகளுக்கு கேஷ்பேக் சலுகை வழங்கப்படுகிறது. இத்துடன் மூன்று அல்லது ஆறு மாதங்களுக்கு வட்டியில்லா மாத தவணை முறை வசதி வழங்கப்படுகிறது. 

மைக்ரோசாப்ட் தலைமை செயல் அதிகாரி சத்ய நாதெல்லா 10 ஆயிரம் பேரை பணி நீக்கம் செய்வதாக அறிவித்து இருக்கிறார். பணி நீக்கத்தில் பாதிக்கப்பட்டோருக்கு இன்று முதல் நோட்டீஸ் அனுப்பப்பட்டு வருகிறது. பொருளாதார சூழல் காரணமாக கடின முடிவுகளை எடுக்கும் நிலைக்கு தள்ளப்பட்டு இருப்பதாக சத்ய நாதெல்லா குறிப்பிட்டு இருக்கிறார். தற்போது ஊழியர்களில் ஐந்து சதவீதத்திற்கும் குறைவானோர் பணி நீக்கம் செய்யப்பட்டுள்ளனர்.

கடந்த ஆண்டு ஜூன் மாதத்தில் இருந்து இதுவரை சுமார் 2 லட்சத்து 21 ஆயிரத்திற்கும் மேற்பட்டோர் பணி நீக்கம் செய்யப்பட்டுள்ளதாக தகவல் வெளியாகி உள்ளது. இவர்களில் சுமார் 99 ஆயிரம் பேர் அமெரிக்கா தவிர்த்த நாடுகளில் வசிப்போர் ஆவர். மைக்ரோசாப்ட் மட்டுமின்றி டுவிட்டர், அமேசான் மற்றும் மெட்டா போன்ற நிறுவனங்களும் பல ஆயிரம் பேரை பணிநீக்கம் செய்யும் நடவடிக்கைகளில் ஈடுபட்டு வருகின்றன.

உலகின் பெரும்பாலான நாடுகளில் பொருளாதார மந்த நிலை ஏற்பட்டு இருப்பது, நுகர்வோர் செலவு செய்வதை குறைந்து இருப்பது போன்ற காரணங்களால் பணி நீக்க நடவடிக்கை எடுக்கப்படுவதாக சத்ய நாதெல்லா நிறுவன ரீதியில் அனுப்பிய அறிக்கையில் தெரிவித்து இருக்கிறார். செலவீனங்களை மறு கட்டமைப்பு செய்து, வருவாயை முறைப்படுத்த பணி நீக்கம் அத்தியாவசியமான ஒன்று ஆகும்.

பணி நீக்கம் செய்யப்பட்ட போதிலும் புதிதாக ஊழியர்கள் பணியில் அமர்த்தப்படுவர் என்றும், தொடர்ந்து புது முதலீடுகள் செய்யப்படும் என்றும் மைக்ரோசாப்ட் தெரிவித்துள்ளது. பணி நீக்கம் செய்யப்படுவோருக்கு தகவல் தெரிவிக்கும் பணி துவங்கிவிட்ட போதிலும், இந்த ஆண்டின் மூன்றாவது காலாண்டில் தான் இந்த நடவடிக்கைகள் முழுமை பெறும்.

டெக்னோ ஃபேண்டம் விஷன் வி கான்செப்ட் போன் விவரங்கள் இணையத்தில் வெளியாகி உள்ளது. எனினும், இது வழக்கமான மடிக்கக்கூடிய ஸ்மார்ட்போன்களில் இருந்து வித்தியாசமானதாக இருக்கிறது. ரோலபில் ஸ்லைடிங் ஸ்கிரீன் இருப்பதே இதன் முக்கிய அம்சமாக உள்ளது. மேலும் இது கான்செப்ட் மாடல் என்பதால், எப்போது வர்த்தக ரீதியாக அறிமுகமாகும் என்பதும் கேள்விக்குறியாகவே இருக்கிறது.

புது கான்செப்ட் போன் குறித்து வெளியாகி இருக்கும் வீடியோவில் ஸ்மார்ட்போன் மடிக்கப்பட்ட நிலையில் காட்சியளிக்கிறது. மேலும் மெல்லிய பெசல்கள், வளைந்த எட்ஜ் கொண்டிருக்கிறது. இதன் பின்புறம் மூன்று கேமரா சென்சார்கள், குவாட் எல்இடி ஃபிலாஷ் உள்ளது. இதன் கேமரா செட்டப் கீழ் சிறிய டிஸ்ப்ளே உள்ளது. இது நோட்டிஃபிகேஷன், ஆல்வேஸ் ஆன் டிஸ்ப்ளே, ரிமைண்டர் உள்ளிட்டவைகளை வழங்குகிறது.

இந்த சாதனம் ஏரோஸ்பேஸ் கிரேடு டைட்டானியம் அலாய் கேசிங், டியுரபில் ஹின்ஜ் மற்றும் காப்புரிமை பெற்ற டிசைன் கொண்டுள்ளது. மடிக்கப்பட்ட நிலையில், இந்த சாதனம் சாதாரன ஸ்மார்ட்போன் போன்றே காட்சியளிக்கிறது. இதன் உள்புற டிஸ்ப்ளே 10.1 இன்ச் ஸ்கிரீன் கொண்டிருக்கிறது. புது கான்செப்ட் மாடல் பற்றி டெக்னோ சார்பில் இதுவரை எந்த தகவலும் இல்லை.

2023 சர்வதேச மொபைல் காங்கிரஸ் நிகழ்வு அடுத்த மாத இறுதியில் துவங்க இருக்கிறது. இந்த நிகழ்வில் பல்வேறு ஸ்மார்ட்போன் பிராண்டுகள் தங்களின் புது சாதனங்கள் மற்றும் தொழில்நுட்பங்களை அறிமுகம் செய்யும் என எதிர்பார்க்கலாம். எனினும், டெக்னோ தனது மடிக்கக்கூடிய ஸ்மார்ட்போனை 2023 சர்வதேச மொபைல் காங்கிரஸ் நிகழ்வில் அறிமுகம் செய்யுமா என்பது கேள்விக்குறியாகவே உள்ளது.

Photo Courtesy: GSMArena

மோட்டோரோலா நிறுவனம் மோட்டோ G53 மற்றும் G73 ஸ்மார்ட்போன்கள் மிட்-ரேன்ஜ் பிரிவில் அறிமுகமாக இருக்கின்றன. புது ஸ்மார்ட்போன்களின் அம்சங்கள் மற்றும் நிறங்கள் பற்றிய தகவல் வெளியாகி உள்ளது. இதுதவிர ஸ்மார்ட்போனின் விலை மற்றும் மோட்டோ G53 அம்சங்கள் வெளியாகி இருக்கிறது.

அதன்படி மோட்டோ G53 மாடலில் 6.53 இன்ச் IPS LCD பேல், HD+ ரெசல்யூஷன், 120Hz ரிப்ரெஷ் ரேட், ஸ்னாப்டிராகன் 480 பிளஸ் பிராசஸர், 4 ஜிபி ரேம், 128 ஜிபி மெமரி, மெமரியை கூடுதலாக நீட்டிக்கும் வசதி வழங்கப்படுகிறது. இத்துடன் ஆண்ட்ராய்டு 13 சார்ந்த MyUX ஒஎஸ் வழங்கப்படுகிறது. மோட்டோ G53 மாடலில் 8MP செல்ஃபி கேமரா, 50MP பிரைமரி கேமரா, 2MP லென்ஸ் வழங்கப்படுகிறது.

இதுதவிர 5000 எம்ஏஹெச் பேட்டரி, 18 வாட் ஃபாஸ்ட் சார்ஜிங், டால்பி அட்மோஸ், டூயல் ஸ்டீரியோ ஸ்பீக்கர்கள், இ-சிம் வசதி, என்எஃப்சி மற்றும் கனெக்டிவிட்டி அம்சங்கள் வழங்கப்படுகிறது. சர்வதேச சந்தையில் அறிமுகமாகும் மோட்டோ G53 ஸ்மார்ட்போன் ஏற்கனவே சீன சந்தையில் அறிமுகம் செய்யப்பட்ட மாடலில் உள்ளதை போன்ற அம்சங்களை கொண்டிருக்கும் என தெரிகிறது.

புதிய மோட்டோ G53 ஸ்மார்ட்போனின் விலை 209 யூரோக்கள் இந்திய மதிப்பில் ரூ. 18 ஆயிரத்து 349 வரை நிர்ணயம் செய்யப்படும் என தகவல் வெளியாகி உள்ளது. இந்த ஸ்மார்ட்போன் புளூ, பேல் பின்க் மற்றும் ஆர்க்டிக் சில்வர் என மூன்று வித நிறங்களில் கிடைக்கிறது.

ஆப்பிள் நிறுவனம் தனது 2nd Gen ஹோம்பாட் மாடலை அறிமுகம் செய்து இருக்கிறது. இது அந்நிறுவனம் 2017 வாக்கில் அறிமுகம் செய்த ஹோம்பாட் மாடலின் மேம்பட்ட வெர்ஷன் ஆகும். 2021 வாக்கில் ஒரிஜினல் ஹோம்பாட் விற்பனை நிறுத்தப்பட்ட நிலையில், தற்போது புதிய மாடல் அறிமுகமாகி இருக்கிறது. முந்தைய மாடலை போன்ற தோற்றம் கொண்டிருக்கும் ஹோம்பாட் இருவித நிறங்களில் கிடைக்கிறது.

இதில் முற்றிலும் புதிய S7 சிப், பில்ட்-இன் டெம்பரேச்சர் மற்றும் ஹூமிடிட்டி சென்சார் உள்ளது. இந்த சென்சார் ஹோம்பாட் மினி மாடலிலும் வழங்கப்பட்டு இருக்கிறது. புது ஹோம்பாட் மாடல் 100 சதவீதம் மறுசுழற்சி செய்யப்பட்ட மெஷ் ஃபேப்ரிக் கொண்டிருக்கிறது. இத்துடன் வொவன் பவர் கேபிள், பேக்லிட் டச் சர்ஃபேஸ் உள்ளது.

ஹோம்பாட் 2nd Gen அம்சங்கள்:

4-இன்ச் கஸ்டம் என்ஜினியரிங் செய்யப்பட்ட ஹை-எக்ஸ்கர்ஷன் வூஃபர்

20mm டைஃப்ராம் பில்ட்-இன் பேஸ்-EQ மைக்

லோ-ஃபிரீக்வன்சி கலிபரேஷன் மைக்ரோபோன்

நான்கு மைக்ரோபோன் டிசைன்

மேம்பட்ட கம்ப்யுடேஷனல் ஆடியோ

ஸ்பேஷியல் ஆடியோ, டால்பி அட்மோஸ்

S7 சிப்செட்

ரூம் சென்சிங் தொழில்நுட்பம்

பிரிசைஸ் டைரக்ஷனல் கண்ட்ரோல்

அல்ட்ரா வைடு பேண்ட் தொழில்நுட்பம்

அதிகபட்சம் ஆறு குரல்களை கண்டறிந்து கொள்ளும் வசதி

பில்ட்-இன் தட்ப-வெப்ப சென்சார்

வைபை, ப்ளூடூத் 5.0, திரெட்

விலை மற்றும் விற்பனை விவரங்கள்:

ஆப்பிள் ஹோம்பாட் 2nd Gen மாடலின் விலை ரூ. 32 ஆயிரத்து 900 என நிர்ணயம் செய்யப்பட்டு உள்ளது. இதன் முன்பதிவு ஏற்கனவே துவங்கி நடைபெற்று வருகிறது. விற்பனை பிப்ரவரி 3 ஆம் தேதி துவங்குகிறது. இத்துடன் ஆப்பிள் ஹோம்பாட் மினி ரூ. 9 ஆயிரத்து 900 விலையில் விற்பனை செய்யப்பட்டு வருகிறது.

ஆப்பிள் மேக்புக் ஏர் M1 மாடல் க்ரோமா வலைதளத்தில் ரூ. 73 ஆயிரத்து 900 விலையில் கிடைக்கிறது. ஆப்பிள் அதிகாரப்பூர்வ வலைதளம், முன்னணி ஆன்லைன் விற்பனை தளங்களில் மேக்புக் ஏர் விலை தொடர்ந்து ரூ. 99 ஆயிரத்து 900 என்றே பட்டியலிடப்பட்டு இருக்கிறது. சக்திவாய்ந்த லேப்டாப் வாங்க நினைப்போரின் தேர்வாக ஆப்பிள் மேக்புக் மாடல்கள் விளங்குகின்றன.

க்ரோமா வலைதளத்தில் மேக்புக் ஏர் M1 மாடலின் விலை ரூ. 83 ஆயிரத்து 900 என பட்டியலிடப்பட்டு இருக்கிறது. எனினும், ஹெச்டிஎஃப்சி வங்கி கிரெடிட் கார்டு பயன்படுத்தும் பட்சத்தில் ரூ. 10 ஆயிரம் உடனடி தள்ளுபடி பெறலாம். இதன் மூலம் மேக்புக் ஏர் M1 2020 மாடலின் விலை ரூ. 73 ஆயிரத்து 900 என குறைந்து விடும்.

தற்போது க்ரோமா தளத்தில் பட்டியலிடப்பட்டு இருக்கும் விலை ஆப்பிள் தளத்தில் இருப்பதை விட ரூ. 16 ஆயிரம் குறைவு ஆகும். அந்த வகையில், கூடுதலாக ரூ. 10 ஆயிரம் சேர்க்கும் பட்சத்தில் மேக்புக் ஏர் 2020 மாடலுக்கு ரூ. 26 ஆயிரம் வரையிலான தள்ளுபடி வழங்கப்படுகிறது.

அம்சங்கள்:

ஆப்பிள் மேக்புக் ஏர் M1 மாடலில் 13.3 இன்ச் எல்இடி பேக்லிட் IPS டிஸ்ப்ளே, 2560x1600 பிக்சல் ரெசல்யூஷன், 400 நிட்ஸ் பிரைட்னஸ், M1 சிப்செட், அதிகபட்சம் 16 ஜிபி ரேம், 2 டிபி எஸ்எஸ்டி ஸ்டோரேஜ், மேக் ஒஎஸ் வெண்டுரா, 720 பிக்சல் ஃபேஸ்டைம் ஹெச்டி கேமரா, டச் ஐடி சென்சார், 49.9 வாட் ஹவர் பேட்டரி, 30 வாட் சார்ஜிங் வழங்கப்பட்டு இருக்கிறது.

இத்துடன் வைபை, ப்ளூடூத் 5.0, 2x யுஎஸ்பி டைப் சி போர்ட்கள், ஸ்டீரியோ ஸ்பீக்கர்கள் மற்றும் 3.5mm ஹெட்போன் ஜாக் வழங்கப்பட்டு இருக்கிறது. இந்த லேப்டாப் ஸ்டீரியோ ஸ்பீக்கர்கள், டால்பி அட்மோஸ், பிளேபேக், 3-மைக் அரே, வைடு ஸ்டீரியோ சவுண்ட் கொண்டுள்ளது.

சீன ஸ்மார்ட்போன் நிறுவனமான சியோமி இந்தியா மற்றும் சர்வதேச சந்தையில் தனது புதிய 4ஜி ஸ்மார்ட்போனை அறிமுகம் செய்யும் பணிகளில் ஈடுபட்டு வருகிறது. புது ரெட்மி நோட் 12 4ஜி மாடல் விவரங்கள் IMEI டேட்டாபேஸ் தளத்தில் இடம்பெற்று இருக்கிறது. அந்த வகையில், இந்த ஸ்மார்ட்போன் விரைவில் இந்தியாவில் அறிமுகம் செய்யப்படலாம்.

4ஜி வேரியண்ட் என்பதால் இந்த ஸ்மார்ட்போனின் விலை சற்று குறைவாகவே நிர்ணயம் செய்யப்படும் என தெரிகிறது. ஏற்கனவே கடந்த மாதம் வெளியான தகவல்களில் சியோமி நிறுவனம் ரெட்மி நோட் 12 ப்ரோ 4ஜி மாடலை அறிமுகம் செய்ய இருப்பதாக குறிப்பிடப்பட்டு இருந்தது. மேலும் இந்த ஸ்மார்ட்போன் NBTC தளத்தில் இடம்பெற்று இருந்தது.

இந்திய சந்தையில் இந்த ஸ்மார்ட்போன் ரெட்மி நோட் 11 ப்ரோ 2023 பெயரில் அறிமுகம் செய்யப்படும் என கூறப்படுகிறது. சமீபத்தில் தான் சியோமி நிறுவனம் ரெட்மி நோட் 12 5ஜி சீரிஸ் மாடல்களை இந்திய சந்தையில் அறிமுகம் செய்தது. இதில் ரெட்மி நோட் 12 5ஜி, ரெட்மி நோட் 12 ப்ரோ 5ஜி மற்றும் ரெட்மி நோட் 12 ப்ரோ பிளஸ் 5ஜி உள்ளிட்ட மாடல்கள் இடம்பெற்று இருக்கிறது.

சீனா மற்றும் இந்தியாவில் ரெட்மி நோட் 12 4ஜி மாடல் குறைந்த விலை நோட் சீரிஸ் ஸ்மார்ட்போனாக அறிமுகம் செய்யப்படலாம். அம்சங்களை பொருத்தவரை இந்த மாடலில் 6.67 இன்ச் FHD+ சூப்பர் AMOLED 120Hz ரிப்ரெஷ் ரேட் டிஸ்ப்ளே, 48MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ சென்சார், 13MP செல்ஃபி கேமரா, குவால்காம் ஸ்னாப்டிராகன் 4 பிளஸ் ஜென் 1 பிராசஸர், 5000 எம்ஏஹெச் பேட்டரி வழங்கப்படும் என தெரிகிறது.

சாம்சங் நிறுவனத்தின் புதிய கேலக்ஸி S23 மற்றும் S23 பிளஸ் ஸ்மார்ட்போன்களின் முழு அம்சங்கள் வெளியாகி உள்ளது. ஜெர்மனியை சேர்ந்த வின்ஃபியுச்சர் வலைதளத்தில் புது ஸ்மார்ட்போன் அம்சங்கள் வெளியிடப்பட்டு இருக்கிறது. இது புது ஸ்மார்ட்போன் டிசைன் இடம்பெற்று இருக்கிறது.

அதன்படி புது ஸ்மார்ட்போன்களின் டிஸ்ப்ளே அளவுகளில் அதிக மாற்றம் இருக்காது என தெரிகிறது. எனினும், கேலக்ஸி S23 மாடலில் அதிகபட்சம் 1750 நிட்ஸ் பிரைட்னஸ் மற்றும் AMOLED இன்ஃபினிட்டி O ஃபிளாட் ஸ்கிரீன் வழங்கப்படும் என தெரிகிறது. இத்துடன் அனைத்து சந்தைகளிலும் இந்த ஸ்மார்ட்போன் ஸ்னாப்டிராகன் 8 ஜென் 2 பிராசஸர் வழங்கப்பட இருக்கிறது.

இதன் பிரைமரி கேமரா அம்சங்களில் எவ்வித மாற்றமும் இருக்காது. இதன் முன்புறம் 12MP செல்ஃபி கேமரா வழங்கப்படுகிறது. கேலக்ஸி S23 மற்றும் கேலக்ஸி S23 பிளஸ் மாடல்களில் முறையே 3900 எம்ஏஹெச் மற்றும் 4700 எம்ஏஹெச் பேட்டரிகள் வழங்கப்பட இருக்கிறது. இத்துடன் 2000 எம்ஏஹெச் பேட்டரி பூஸ்ட் வழங்கப்படுகிறது.

சார்ஜிங்கை பொருத்தவரை கேலக்ஸி S23 மாடலில் 25 வாட் சார்ஜிங், S23 பிளஸ் மாடலில் 45 வாட் ஃபாஸ்ட் சார்ஜிங், Qi வயர்லெஸ் சார்ஜிங் மற்றும் வயர்லெஸ் பவர்ஷேர் அம்சங்கள் வழங்கப்படும் என தெரிகிறது.

சாம்சங் கேலக்ஸி S23 மற்றும் S23 பிளஸ் எதிர்பார்க்கப்படும் அம்சங்கள்:

6.1 இன்ச் (S23) / 6.6 இன்ச் (S23 பிளஸ்) 2340x1080 பிக்சல் FHD+ இன்ஃபினிட்டி O டைனமிக் AMOLED 2X டிஸ்ப்ளே, 120Hz ரிப்ரெஷ் ரேட்

கொரில்லா கிளாஸ் விக்டஸ் 2 பாதுகாப்பு

ஆக்டா கோர் குவால்காம் ஸ்னாப்டிராகன் 8 ஜென் 2 பிராசஸர்

அட்ரினோ 740 GPU

8 ஜிபி LPDDR5X ரேம்

128 ஜிபி, 256 ஜிபி UFS 4.0 மெமரி

ஆண்ட்ராய்டு 13 மற்றும் ஒன் யுஐ 5.1

டூயல் சிம் ஸ்லாட்

50MP பிரைமரி கேமரா, எல்இடி ஃபிலாஷ், OIS

12MP அல்ட்ரா வைடு சென்சார்

10MP டெலிபோட்டோ லென்ஸ்

12MP செல்ஃபி கேமரா

டஸ்ட் மற்றும் வாட்டர் ரெசிஸ்டண்ட்

5ஜி, 4ஜி வோல்ட்இ, வைபை 6இ, ப்ளூடூத் 5.3

3900 எம்ஏஹெச் பேட்டரி (S23), 25 வாட் சார்ஜிங்

4700 எம்ஏஹெச் பேட்டரி (S23 பிளஸ்), 45 வாட் சார்ஜிங்

Qi வயர்லெஸ் சார்ஜிங், வயர்லெஸ் பவர்ஷேர்

Photo Courtesy: Winfuture

ஆப்பிள் நிறுவனம் தனது மேக்புக் ப்ரோ மாடல்களை புதிய M2 ப்ரோ மற்றும் M2 மேக்ஸ் சிப்செட்களை கொண்டு அப்டேட் செய்து இருக்கிறது. புதிய M2 ப்ரோ பிராசஸரில் 10- அல்லது 12 கோர் சிபியு, 200 ஜிபி யுனிஃபைடு மெமரி பேண்ட்வித், அதிகபட்சம் 19 கோர்கள் வழங்கப்பட்டுள்ளன. இந்த நியூரல் என்ஜின் 40 சதவீதம் அதிவேகமானது ஆகும்.

M2 மேக்ஸ் கொண்ட மேக்புக் ப்ரோ மாடலில் 38 கோர் ஜிபியு, 400 ஜிபி யுனிஃபைடு மெமரி பேண்ட்வித் உள்ளது. M2 மேக்ஸ் சிப்செட்டில் அடுத்த தலைமுறை 12-கோர் சிபியு, அதிகபட்சம் எட்டு அதீத செயல்திறன் கொண்ட கோர்கள் உள்ளன. இது M1 மேக்ஸ்-ஐ விட 20 சதவீதம் அதிக செயல்திறன் கொண்டிருக்கிறது.

புது சிப் வைபை 6இ, ப்ளூடூத் 5.3, மேம்பட்ட பேட்டரி லைஃப், HDMI மூலம் 8K எக்ஸ்டர்னல் டிஸ்ப்ளே சப்போர்ட், அதிகபட்சம் 96 ஜிபி யுனிஃபைடு மெமரி உள்ளது. இந்த லேப்டாப்கள் 14.2 இன்ச் மற்றும் 16.2 இன்ச் அளவுகளில் கிடைக்கின்றன. இத்துடன் லிக்விட் ரெட்டினா XDR மினி எல்இடி டிஸ்ப்ளே, ப்ரோமோஷன் தொழில்நுட்பம், அதிகபட்சம் 120 ஹெர்ட்ஸ் ரிப்ரெஷ் ரேட், அலுமினியம் பாடி, மேஜிக் கீபோர்டு வழங்கப்பட்டு இருக்கிறது.

ஆப்பிள் மேக்புக் ப்ரோ (2023) 14 இன்ச் மற்றும் 16 இன்ச் அம்சங்கள்:

14.2 இன்ச் 3024x1964 பிக்சல் / 16.2 இன்ச் 3456x2234 பிக்சல் லிக்விட் ரெட்டினா XDR டிஸ்ப்ளே

ஆப்பிள் M2 ப்ரோ சிப் - 10-கோர் சிபியு, 19- கோர் ஜிபியு

ஆப்பிள் M2 மேக்ஸ் சிப் - 12-கோர் சிபியு, 38-கோர் ஜிபியு

அதிகபட்சம் 32 ஜிபி யுனிஃபைடு மெமரி (M2 மேக்ஸ் சிப்)

96 ஜிபி (M2 மேக்ஸ் மற்றும் 38 கோர் ஜிபியு)

512 ஜிபி / 1 டிபி எஸ்எஸ்டி

மேக் ஒஎஸ் வெண்டுரா

பேக்லிட் மேஜிக் கீபோர்டு, டச் ஐடி, ஆம்பியண்ட் லைட் சென்சார்

ஃபோர்ஸ் டச் டிராக்பேட்

வைபை 6இ, ப்ளூடூத் 5.3

1080 பிக்சல் ஃபேஸ்டைம் ஹெச்டி கேமரா

ஸ்டூடியோ தரத்தில் 3-மைக்

3.5mm ஹெட்போன் ஜாக்

ஸ்பேஷியல் ஆடியோ

3x தண்டர்போல்ட் 4 யுஎஸ்பி டைப் சி

டிஸ்ப்ளே போர்ட், தண்டர்போல்ட் 4, யுஎஸ்பி 4

எஸ்டிஎக்ஸ்சி கார்டு ஸ்லாட், HDMI 2.1

மேக்சேஃப் 3 போர்ட்

14 இன்ச் - 70 வாட் லித்தியம் பாலிமர் பேட்டரி

100 வாட் லித்தியம் பாலிமர் பேட்டரி

விலை மற்றும் விற்பனை விவரங்கள்:

- மேக்புக் ப்ரோ 14 இன்ச் M2 ப்ரோ 10-கோர் சிபியு, 16-கோர் ஜிபியு, 16 ஜிபி யுனிஃபைடு மெமரி, 512 ஜிபி எஸ்எஸ்டி ரூ. 1 லட்சத்து 99 ஆயிரத்து 900

- மேக்புக் ப்ரோ 14 இன்ச் M2 ப்ரோ 12-கோர் சிபியு, 19-கோர் ஜிபியு, 16 ஜிபி யுனிஃபைடு மெமரி, 1 டிபி எஸ்எஸ்டி ரூ. 2 லட்சத்து 49 ஆயிரத்து 900

- மேக்புக் ப்ரோ 14 இன்ச் M2 மேக்ஸ் 12-கோர் சிபியு, 30-கோர் ஜிபியு, 32 ஜிபி யுனிஃபைடு மெமரி, 1 டிபி எஸ்எஸ்டி ரூ. 3 லட்சத்து 09 ஆயிரத்து 900

- மேக்புக் ப்ரோ 16 இன்ச் M2 ப்ரோ 12-கோர் சிபியு, 19-கோர் ஜிபியு, 16 ஜிபி யுனிஃபைடு மெமரி, 512 ஜிபி எஸ்எஸ்டி ரூ. 2 லட்சத்து 49 ஆயிரத்து 900

- மேக்புக் ப்ரோ 16 இன்ச் M2 ப்ரோ 12-கோர் சிபியு, 19-கோர் ஜிபியு, 16 ஜிபி யுனிஃபைடு மெமரி, 1 டிபி எஸ்எஸ்டி ரூ. 2 லட்சத்து 69 ஆயிரத்து 900

- மேக்புக் ப்ரோ 16 இன்ச் M2 மேக்ஸ் 12-கோர் சிபியு, 38-கோர் ஜிபியு, 32 ஜிபி யுனிஃபைடு மெமரி, 1 டிபி எஸ்எஸ்டி ரூ. 3 லட்சத்து 49 ஆயிரத்து 900

புதிய மேக்புக் ப்ரோ மாடல்களின் முன்பதிவு ஏற்கனவே துவங்கி விட்டது. விற்பனை ஜனவரி 24 ஆம் தேதி துவங்குகிறது. ஆப்பிள் இந்தியா அதிகாரப்பூர்வ வலைதளம், ஆப்பிள் ஸ்டோர் ஆப் உள்ளிட்டவைகளில் முன்பதிவு நடைபெற்று வருகிறது. இந்தியா உள்பட உலகம் முழுக்க 27 நாடுகளில் புது மேக் மினி மாடல்கள் முன்பதிவு செய்யப்பட்டு வருகின்றன.