என் மலர்

    நீங்கள் தேடியது "nilgiri"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மதுபான உரிமஸ்தலங்களில் எந்தவித மதுபானங்களும் விற்பனை செய்யப்படாது.
    • உத்தரவை மீறி மதுபானங்கள் விற்பனை செய்தால் கடை உரிமையாளர்கள் மீது கடுமையான நடவடிக்கை எடுக்கப்படும்.

    ஊட்டி

    நீலகிரி மாவட்ட கலெக்டர் அம்ரித் வெளியிட்டுள்ள செய்தி குறிப்பில் கூறியிருப்பதாவது:-

    நீலகிரி மாவட்டத்தில், வருகிற 15-ந் தேதி சுதந்திர தினத்தன்று தமிழ்நாடு மதுபான (உரிமம் மற்றும் அனுமதி) விதிகள், 1981 மற்றும் தமிழ்நாடு மதுபான (சில்லறை விற்பனை) விதிகள் 1989 ஆகியவற்றின்படி மாவட்டத்தில் உள்ள டாஸ்மாக் மதுபான சில்லறை விற்பனை கடைகள் மற்றும் எப்.எல்2, எப்.எல்3, எப்.எல்3 ஏ மதுபான உரிமஸ்தலங்களில் எந்தவித மதுபானங்களும் விற்பனை செய்யப்படாது.

    மேலும், அன்றைய தினம் கட்டாயமாக டாஸ்மாக் மதுபான சில்லறை விற்பனை கடைகள் மற்றும் எப்.எல்2, எப்.எல்3, எப்.எல்3 ஏ மதுபான உரிமஸ்தலங்கள் அனைத்தும் மூடப்பட வேண்டும். இந்த உத்தரவை மீறி மதுபானங்கள் விற்பனை செய்தால் கடை உரிமையாளர்கள் மீது கடுமையான நடவடிக்கை எடுக்கப்படும். மதுபான சில்லறை விற்பனைக் கடைகள் ஏதும் திறந்திருப்பதாக பொது மக்களுக்கு தகவல் தெரியும்பட்சத்தில் அதுகுறித்து புகார் தெரிவிக்கலாம்.

    இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சிறுமியின் உடலில் மாற்றம் ஏற்பட்டதை தொடர்ந்து, பெற்றோர் சிறுமியிடம் விசாரித்தனர்.
    • போலீசார் போக்சோ சட்டத்தின் கீழ் வழக்குப்பதிவு செய்து ரதீசை கைது செய்தனர்.

    கூடலூர்

    பந்தலூர் பகுதியை சேர்ந்தவர் ரதீஸ் (வயது 20). இவர் 14 வயது சிறுமியை ஆசைவார்த்தை கூறி பாலியல் பலாத்காரம் செய்ததாக கூறப்படுகிறது. இதனால் சிறுமியின் உடலில் மாற்றம் ஏற்பட்டதை தொடர்ந்து, பெற்றோர் சிறுமியிடம் விசாரித்தனர். இதில் கர்ப்பமாக இருந்தது தெரியவந்தது. இதுகுறித்து தேவாலா அனைத்து மகளிர் போலீஸ் நிலையத்தில் புகார் அளிக்கப்பட்டது. இதைதொடர்ந்து சிறுமிக்கு மருத்துவ பரிசோதனை செய்த போது, 4 மாத கர்ப்பமாக இருந்தது தெரியவந்தது. இதையடுத்து போலீஸ் இன்ஸ்பெக்டர் (பொறுப்பு) சித்ரா மற்றும் போலீசார் போக்சோ சட்டத்தின் கீழ் வழக்குப்பதிவு செய்து ரதீசை கைது செய்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அம்மன் கோவில்களில் சிறப்பு வழிபாடுகள், விழாக்கள் நடைபெற்று வருகிறது.
    • பக்தர்கள் நீண்ட வரிசையில் காத்திருந்து தரிசனம் செய்தனர்.

    ஊட்டி:

    ஆடி மாதம் அம்மன் கோவில்களில் சிறப்பு வழிபாடுகள், விழாக்கள் நடைபெற்று வருகிறது. நேற்று ஆடி 3-வது வெள்ளிக்கிழமை மற்றும் வரலட்சுமி விரதம் என்பதால், நீலகிரி மாவட்டத்தில் உள்ள அனைத்து அம்மன் கோவில்களிலும் சிறப்பு பூஜைகள் நடைபெற்றது.

    மசினகுடி அருகே பிரசித்தி பெற்ற பொக்காபுரம் மாரியம்மன் கோவிலில் ஆடி வெள்ளிக்கிழமையை யொட்டி அம்மனுக்கு அபிஷேக, அலங்கார சிறப்பு பூஜைகள் நடைபெற்றது. மதியம் 12 மணிக்கு உச்சிகால தீபாராதனை காண்பிக்கப்பட்டது.

    இதேபோல் கூடலூர் 2-ம் மைல், வன துர்க்கையம்மன் உள்பட அம்மன் கோவில்களில் சிறப்பு பூஜைகள் நடைபெற்றன. இதேபோல் மேல் கூடலூர் சந்தை கடை மாரியம்மன் கோவிலில் காலை 5 மணிக்கு அபிஷேக, அலங்கார சிறப்பு பூஜைகள் நடைபெற்றது. ரூபாய் நோட்டுகளால் அலங்காரம் தொடர்ந்து ரூபாய் நோட்டுகளால் அம்மனுக்கு அலங்காரம் செய்யப்பட்டது.

    தொடர்ந்து 11 மணிக்கு மகா தீபாராதனை காண்பிக்கப்பட்டது. இதில் கொட்டும் மழையை பொருட்படுத்தாமல், ஏராளமான பெண்கள் உட்பட பக்தர்கள் கலந்துகொண்டு அம்மனை தரிசித்தனர். முன்னதாக வரலட்சுமி விரதம் இருந்த பெண்கள் வளையல், மஞ்சள், குங்குமம் உள்ளிட்ட பொருட்களை அம்மனுக்கு நேர்த்திக்கடன் செலுத்தி பக்தர்களுக்கு வழங்கினர்.

    ஊட்டி மாரியம்மன் கோவிலில் ஆடி வெள்ளிக்கிழமையையொட்டி சிறப்பு பூஜை நடைபெற்றது. இதில் ஏராளமான பக்தர்கள் நீண்ட வரிசையில் காத்திருந்து தரிசனம் செய்தனர். இதேபோல் அரசு ஆஸ்பத்திரி வீதியில் உள்ள ஓம்சக்தி பத்திர காளியம்மன் கோவில், காந்தல் மூவுலக அரசியம்மன் கோவில் உள்பட பல்ேவறு அம்மன் கோவில்களில் நேற்று பூஜை நடந்தது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 60 ஆயிரம் சிறு, குறு விவசாயிகள் தேயிலை விவசாயத்தில் ஈடுபட்டு வருகின்றனர்.
    • இளம் தண்டு மற்றும் கொழுந்துகளை கொப்புள நோய் தாக்குகிறது.

    அரவேணு

    நீலகிரி மாவட்ட மக்களின் பிரதான தொழிலாக விவசாயம் உள்ளது. சுமார் 60 ஆயிரம் சிறு, குறு விவசாயிகள் தேயிலை விவசாயத்தில் ஈடுபட்டு வருகின்றனர். இந்தநிலையில் கோத்தகிரி மற்றும் அதன் சுற்றுவட்டார பகுதிகளில் தொடர் மழை பெய்து வருகிறது. அத்துடன் மேகமூட்டமான சீதோஷ்ண நிலை நிலவுவதால், தேயிலை செடிகளை கொப்புள நோய் தாக்கி வருகிறது.

    இதனால் இயல்பான வளர்ச்சி பாதிக்கப்பட்டு உள்ளது. போதிய சூரிய வெளிச்சம் இல்லாததாலும், இளம் தண்டு மற்றும் கொழுந்துகளை கொப்புள நோய் தாக்குகிறது. இதனால் 50 சதவீதம் வரை மகசூல் குறையும் அபாயம் ஏற்பட்டு உள்ளது.

    ஏற்கனவே தேயிலையின் கொள்முதல் விலை வீழ்ச்சியடைந்து உள்ள நிலையில், தேயிலை செடிகளில் கொப்புள நோய் பாதிப்பும் ஏற்படுவதால் தேயிலை விவசாயிகள் கவலை அடைந்து வருகின்றனர்.

    இதுகுறித்து தேயிலை வாரிய அதிகாரிகள் கூறியதாவது:- தேயிலை செடிகளில் கொப்புள நோயை கட்டுப்படுத்த தேயிலை தோட்டங்களில் அதிக நிழல் தரும் மரங்கள் இருக்க வேண்டும். மேலும் அதன் கிளைகளை அகற்றி, தேயிலை செடிகள் மீது சூரிய வெளிச்சம் படுமாறு செய்ய வேண்டும்.

    செடிகளில் கொப்புள நோய் பாதிப்பது தெரியவந்தால், பாதிக்கப்பட்ட இலைகள் மற்றும் கொழுந்துகளை கவாத்து மூலம் அகற்றிவிட வேண்டும். எக்ஸோ கன்சோல் 200 மில்லி லிட்டர் மற்றும் காப்பர் ஆக்ஸி குளோரைடு 210 கிராம் ஆகியவற்றின் கலவையை 7 நாட்கள் இடைவெளி விட்டு தெளிப்பான் மூலம் தேயிலை செடிகளுக்கு தெளிக்க வேண்டும்.

    இதேபோல பிராப்பிகானாசோல் 125 மில்லி லிட்டர் மற்றும் காப்பர் ஆக்ஸிகுளோரைடு 210 கிராம் கலவையை தெளிப்பதன் மூலம் இந்த நோயை கட்டுப்படுத்த முடியும். இவ்வாறு அவர்கள் கூறினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கடந்த ஒரு வார காலமாக தொடா்ந்து கனமழை பெய்து வருகிறது.
    • பல்வேறு பகுதிகளில் தாழ்வான இடங்கள் வெள்ளத்தால் சூழப்பட்டுள்ளன.

     ஊட்டி:

    நீலகிரி மாவட்டம், கூடலூா், பந்தலூா் பகுதியில் கடந்த ஒரு வார காலமாக தொடா்ந்து கனமழை பெய்து வருகிறது. வியாழக்கிழமை மதியம் தொடங்கிய மழை தொடா்ந்து வெள்ளிக்கிழமை மாலை வரை பெய்தது.

    மழையால் பல்வேறு பகுதிகளில் தாழ்வான இடங்கள் வெள்ளத்தால் சூழப்பட்டுள்ளன. பல இடங்களில் சாலையில் மரங்கள் விழுந்து போக்குவரத்து தடைபட்டது. மீட்புப் பணியில் தேசிய பேரிடா் மீட்புப் படையினா் ஈடுபட்டு வருகின்றனா். மரங்கள் சாய்ந்ததில் மின்சாரம் துண்டிக்கப்பட்டு கூடலூா் முற்றிலுமாக இருளில் மூழ்கியது.

    கூடலூரை அடுத்துள்ள மொளப்பள்ளி, இருவல் பழங்குடி கிராமங்களை வெள்ளம் சூழும் அபாயம் ஏற்பட்டதால் வருவாய்த் துறையினா் அப்பகுதியில் வசிக்கும் 20 குடும்பங்களைச் சோ்ந்த 72 பேரை தொரப்பள்ளி அரசு உண்டு உறைவிடப் பள்ளியில் தங்கவைத்துள்ளனா்.

    இந்தநிலையில், அமைச்சா் கா.ராமசந்திரன், முகாமில் தங்கவைக்கப்பட்ட பழங்குடி மக்களை சந்தித்து குறைகளைக் கேட்டறிந்து நிவாரணப் பொருள்களை வழங்கினாா். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 4-ம் மைல் பகுதியில் முக்கிய சாலை வழியாக தினமும் காட்டுயானை காலை மற்றும் இரவில் ஊருக்குள் வருகிறது.
    • யானை ஊருக்குள் தினமும் வருவதாக கூறி வனத்துறையினரிடம் வாக்குவாதத்தில் ஈடுபட்டனர்.

    ஊட்டி:

    கூடலூர் அருகே கல்லிங்கரை, 4-ம் மைல் பகுதியில் முக்கிய சாலை வழியாக தினமும் காட்டுயானை காலை மற்றும் இரவில் ஊருக்குள் வருகிறது.

    நேற்று காலை 7 மணிக்கு கல்லிங்கரை-4-ம் மைல் சாலையில் காட்டு யானை வந்தது. இதனால் அப்பகுதி மக்கள் அலறியடித்து ஓடினர். தொடர்ந்து சாலையோரம் நிறுத்தி வைத்திருந்த காரை காட்டு யானை உடைத்து சேதப்படுத்தியது.

    இதை அறிந்த வனத்துறையினர் அப்பகுதிக்கு வந்தனர். அப்போது காட்டு யானை ஊருக்குள் தினமும் வருவதாக கூறி வனத்துறையினரிடம் வாக்குவாதத்தில் ஈடுபட்டனர். தொடர்ந்து காட்டு யானையை விரட்டும் பணியில் வனத்துறையினர் ஈடுபட்டனர்.

    இதனிடையே சாலை மறியல் உள்ளிட்ட தொடர் போராட்டம் நடத்தப்போவதாக கிராம மக்கள் அறிவித்தனர். பேச்சுவார்த்தை இதுகுறித்து தகவல் அறிந்த தேவர்சோலை போலீசார், கூடலூர் வனத்துறையினர் மற்றும் வருவாய்த்துறையினர் விரைந்து சென்று கிராம மக்களிடம் பேச்சுவார்த்தை நடத்தினர்.

    அப்போது காட்டுயானையை பிடிக்க நடவடிக்கை எடுக்க வேண்டும் என்று வலியுறுத்தப்பட்டது. ஆனால் அது சாத்தியம் இல்லாதது, கிராம மக்களின் கோரிக்கையின்படி காட்டுயானை ஊருக்குள் வராமல் தடுக்க நடவடிக்கை எடுக்கப்படும் என்று வனத்துறையினர் விளக்கம் அளித்தனர்.

    அதற்கு காட்டுயானை ஊருக்குள் வரும் பட்சத்தில் போராட்டம் நடத்தப்படும், மேலும் அதிகாரிகள் தரப்பில் கேட்டுக் கொண்டதால் தற்காலிகமாக போராட்டத்தை கைவிடுவதாக கிராம மக்கள் அறிவித்தனர். பின்னர் அனைவரும் கலைந்து சென்றனர். இதனிடையே காட்டுயானை வருகையை தடுக்க வனத்துறையினர் அப்பகுதியில் கண்காணிப்பு பணியை தீவிரப்படுத்தியுள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 2 ஊர்களிலும் 3 ஆயிரத்துக்கு மேற்பட்டோர் வசித்து வருகின்றனர்.
    • மாயாற்றில் வெள்ளம் பெருக்கெடுத்து ஓடுகிறது.

    அரவேணு 

    கோத்தகிரி  வட்டத்திற்கு  உட்பட்ட தெங்குமரஹடா ஊராட்சி நீலகிரி மலை அடிவாரத்தின் அமைந்துள்ளது. இதற்கு மேட்டுப்பாளையம், சத்தியமங்கலம் சாலை வழியாக சென்று மாயார் ஆற்றைக் கடந்து செல்ல வேண்டும்.

    இங்கு வாழும் மக்கள் தங்களின் அத்தியாவசிய தேவைகள் அனைத்திற்கும் கோத்தகிரி தாலுகா அலுவலகத்திற்கு தான் வர வேண்டும். கிட்டத்தட்ட தனித்தீவு பகுதியை போல் அமைந்துள்ளது இந்த கிராமம். ஊரின்‌ முழு தோற்றம் கொடநாடு காட்சி முனையில் இருந்து பார்க்கும் பொழுது மிக அருமையாகவும், அழகாகவும் தெரியும். தெங்குமரஹடா அல்லிமாயார் இவ்விரு ஊர்களிலும் 3 ஆயிரத்துக்கு மேற்பட்டோர் வசித்து வருகின்றனர். இங்கு உள்ள மக்களின் பிரதான தொழிலாக விவசாய தொழில் மேற்கொண்டு வருகின்றனர்.

    இது மேற்கு தொடர்ச்சி மலையின் அடிவாரத்தில் சோலூர் மட்டம் அடிவாரத்தில் அமைந்துள்ளது, அடர்ந்த வனப் பகுதி என்பதால் மேட்டுப்பாளையம் சத்தி சாலை வழியாக மாயார் ஆற்றை கடந்து அந்த கிராமமக்கள் செல்ல வேண்டும்.

    தற்போது மேற்கு தொடர்ச்சி மலையான நீலகிரி மாவட்டத்தில் மழைப்பொழிவு அதிகமாக இருப்பதால் மாயாற்றில் வெள்ளம் பெருக்கெடுத்து ஓடுகிறது. அங்கு வாழும் மக்கள் அத்தியாவசிய பொருட்கள் வாங்குவதற்கும், வேலை மற்றும் மருத்துவம் போன்ற தேவைகளுக்கு பவானிசாகர் போன்ற கிராமங்களுக்கு செல்ல தற்போது சிரமம் ஏற்பட்டுள்ளது.

    பரிசல்களில் ஒரு சில மக்கள் இக்கரையில் இருந்து அக்கரை சென்று அத்தியாவசிய பொருட்களுக்காகவும் தங்கள் வேலைவாய்ப்புக்காகவும் செல்கின்றனர். தெங்குமரஹடா பகுதிக்கு ஒரே ஒரு பஸ் மட்டுமே செல்லும். தற்போது ஆற்றில் வெள்ளம் அதிகமாக செல்வதால் அந்த பஸ் வந்து செல்வதில் மிகவும் சிரமம் ஏற்பட்டுள்ளது.

    இப்பகுதி மக்களின் நீண்ட நாள் கோரிக்கையான தெங்குமரஹடாவில் மாயார் ஆற்றின் குறுக்கே பாலம் கட்ட வேண்டும் என்ற கோரிக்கை வெறும் கனவாக மட்டுமே சென்றுவிடுமோ என்ற கேள்வி தற்போது அப்பகுதி மக்களிடத்தில் எழுந்துள்ளது. எனவே அதிகாரிகள் விரைந்து நடவடிக்கை எடுத்து பாலம் கட்ட வேண்டும் என கோரிக்கை வைத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தற்போது வரை 834.91 மி.மீ மழை பெய்துள்ளது.
    • 2 தேசிய பேரிடா் மீட்புக் குழுவினரும், ஒரு மாநில பேரிடா் மீட்புக் குழுவினரும் வந்துள்ளனா்.

    ஊட்டி, ஆக.4-

    தென்மேற்கு பருவமழையையொட்டி முன்னெச்சரிக்கை மற்றும் பாதுகாப்பு நடவடிக்கைகள் குறித்து, அரசுத் துறை அலுவலா்களுடனான ஆய்வுக் கூட்டம் ஊட்டி அரசினா் விருந்தினா் மாளிகையில் நடைபெற்றது.

    81 சதவீதம் கூடுதல் மழை

    கூட்டத்திற்கு தமிழக மாற்றுத் திறனாளி நலத் துறை செயலரும், மாவட்ட கண்காணிப்பு அலுவலருமான ஆனந்தகுமாா், மாவட்ட ஆட்சியா் அம்ரித் ஆகியோா் முன்னிலை வகித்தனா். கூட்டத்துக்கு தலைமை தாங்கி வனத்துறை அமைச்சா் ராமச்சந்திரன் பேசியதாவது:-

    நீலகிரி மாவட்டத்தில் தென்மேற்கு பருவமழை தொடங்கிய 2022-ம் ஆண்டு ஜூன் மாதம் 1-ந் தேதி முதல் நேற்று வரை இயல்பாக 458.88 மி.மீ மழை பெய்ய வேண்டும். ஆனால், தற்போது வரை 834.91 மி.மீ மழை பெய்துள்ளது. இது இயல்பை விட 81.94 சதம் கூடுதலாகும்.

    பேரிடர் மீட்பு குழுவினர்

    நீலகிரி மாவட்டத்தில் அபாயகரமான பகுதிகளிலிருந்த பொதுமக்கள் முன்னெச்சரிக்கை நடவடிக்கையாக நிவாரண முகாம்களில் தங்க வைக்கப்பட்டுள்ளனா்.

    நீலகிரி மாவட்டத்துக்கு ரெட் அலொ்ட் எச்சரிக்கை கொடுக்கப்பட்டுள்ளதால் மாவட்டத்துக்கு 2 தேசிய பேரிடா் மீட்புக் குழுவினரும், ஒரு மாநில பேரிடா் மீட்புக் குழுவினரும் வந்துள்ளனா்.

    இவா்களில் 22 நபா்கள் அடங்கிய 1 தேசிய பேரிடா் மீட்புக் குழுவினா் கூடலூா் பகுதியிலும், 22 நபா்கள் அடங்கிய மற்றொரு தேசிய பேரிடா் மீட்புக் குழுவினா் குந்தா பகுதியிலும், 33 நபா்கள் அடங்கிய மாநில பேரிடா் மீட்புக் குழுவினா் ஊட்டியிலும் முகாமிட்டுள்ளனா்.

    நிவாரண மையங்கள்

    மாவட்டத்தில் 3,329 முதல் நிலை பொறுப்பாளா்கள் கண்டறியப்பட்டு, அவா்களுக்கு தேவையான பயிற்சிகள் அளிக்கப்பட்டு தயாா் நிலையில் உள்ளனா். 456 பேரிடா் நிவாரண மையங்கள் ஏற்படுத்தப்பட்டுள்ளன.

    இவ்வாறு கூறினார்.

    கூட்டத்தில், மாவட்ட வன அலுவலா் சச்சின் போஸ்லே துக்கா ராம், மாவட்ட வருவாய் அலுவலா் கீா்த்தி பிரியதா்ஷினி, குன்னூா் உதவி ஆட்சியா் தீபனா விஸ்வேஸ்வரி, மாவட்ட ஊரக வளா்ச்சி முகமை திட்ட இயக்குநா் ஜெயராமன், வருவாய் கோட்டாட்சியா்கள் துரைசாமி, சரவணகண்ணன் உள்ளிட்டோா் பங்கேற்றனா்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சோதனை சாவடிகளிலும் போலீசார் தீவிர கண்காணிப்பில் ஈடுபட்டுள்ளனர்.
    • 3 கால் டன் பான் மசாலா, ரூ.39 லட்சம் மதிப்பிலான புகையிலை பொருட்கள் மூட்டையாக இருந்தது.

    ஊட்டி:

    நீலகிரி மாவட்டத்தில் தற்போது குட்கா மற்றும் புகையிலை தடுப்பு நடவடிக்கைகள் தீவிரப்படுத்தப்பட்டுள்ளது. மாவட்ட போலீஸ் சூப்பிரண்டு உத்தரவின் பேரில் மாவட்டத்தில் உள்ள அனைத்து கடைகளிலும் போலீசார் தீவிர சோதனையில் ஈடுபட்டு வருகின்றனர்.

    இதுதவிர வெளி மாவட்டங்கள் மற்றும் வெளிமாநிலங்களில் இருந்து நீலகிரிக்குள் குட்கா, புகையிலை கடத்தி வரப்படுகிறதா? என்பதை கண்காணிக்க மாவட்டத்தில் உள்ள அனைத்து சோதனை சாவடிகளிலும் போலீசார் தீவிர கண்காணிப்பில் ஈடுபட்டுள்ளனர்.

    இந்த நிலையில் நீலகிரிக்கு சரக்கு லாரியில் புகையிலை பொருட்கள் கடத்தி வரப்படுவதாக போலீசாருக்கு ரகசிய தகவல் கிடைத்தது. இதையடுத்து மாவட்டம் முழுவதும் உள்ள சோதனை சாவடிகளில் கண்காணிப்பு தீவிரப்படுத்தப்பட்டுள்ளது.

    நாடுகாணி சோதனை சாவடியில் போலீசார் வாகன சோதனையில் ஈடுபட்டனர். அப்போது அந்த வழியாக சந்தேகத்திற்கிடமாக வந்த லாரியை மறித்து சோதனை மேற்கொண்டனர்.

    அப்போது லாரியில் 3 கால் டன் பான் மசாலா, ரூ.39 லட்சம் மதிப்பிலான புகையிலை பொருட்கள் மூட்டையாக இருந்தது. இதையடுத்து போலீசார் அதனை கைப்பற்றினர்.

    தொடர்ந்து லாரியில் இருந்தவர்களிடம் விசாரணை நடத்தினர். விசாரணையில் அவர்கள் கேரள மாநிலம் மலப்புரத்தை சேர்ந்த மன்சூர் அலி(41), நசீர்(33) என்பதும் தெரியவந்தது.இதையடுத்து போலீசார் அவர்கள் 2 பேரையும் கைது செய்தனர். அவர்களிடம் புகையிலை பொருட்களை எங்கிருந்து வாங்கி வந்தனர் என்பது குறித்து விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கூடலூர் 2-ம் மைல் உள்பட பல்வேறு பகுதிகளில் உள்ள அம்மன் கோவில்களில் சிறப்பு பூஜைகள் நடைபெற்றது.
    • பொக்காபுரம் மாரியம்மன் கோவிலில் நடைபெற்ற சிறப்பு பூஜையில் திரளான பக்தர்கள் கலந்து கொண்டு சாமி தரிசனம் செய்தனர்.

    ஊட்டி:

    ஆடி மாதம் அம்மன் வழிபாட்டுக்கு உகந்ததாக கருதப்படுகிறது. இதனால் ஆடி மாதத்தில் அம்மன் கோவிலில் திருவிழாக்கள், சிறப்பு பூஜைகள் நடைபெற்று வருகிறது.

    இந்த நிலையில் இன்று 2-வது ஆடி வெள்ளிக்கிழமையையொட்டி நீலகிரி மாவட்டத்தில் உள்ள அம்மன் கோவில்களில் சிறப்பு பூஜைகள் நடைபெற்றது. கூடலூர் அருகே உள்ள பொக்காபுரம் மாரியம்மன் கோவிலில் நடைபெற்ற சிறப்பு பூஜையில் திரளான பக்தர்கள் கலந்து கொண்டு சாமி தரிசனம் செய்தனர்.

    மேல் கூடலூர் சந்தை கடை மாரியம்மன் கோவிலில் அதிகாலை 5 மணிக்கு அபிஷேக, அலங்கார சிறப்பு பூஜைகள் நடைபெற்றது. தொடர்ந்து காலை 11 மணிக்கு மகா தீபாராதனை காண்பிக்கப்பட்டது. இதில் ஏராளமான பெண்கள் உள்பட பக்தர்கள் கலந்து கொண்டனர். மங்கல பொருட்கள் முன்னதாக கூழ் ஊற்றப்பட்டது. மேலும் மஞ்சள், குங்குமம் உள்ளிட்ட மங்கல பொருட்கள் பெண்களுக்கு வழங்கப்பட்டது. இதையடுத்து இரவு 8 மணி வரை பல்வேறு சிறப்பு பூஜைகள் நடைபெற்றது.

    இது தவிர கூடலூர் 2-ம் மைல் உள்பட பல்வேறு பகுதிகளில் உள்ள அம்மன் கோவில்களில் சிறப்பு பூஜைகள் நடைபெற்றது. இதேபோன்று ஊட்டி மாரியம்மன் கோவிலில் அம்மனுக்கு சிறப்பு அலங்காரம் செய்யப்பட்டு இருந்தது. கோவிலுக்கு காலை முதல் மாலை வரை ஏராளமான பெண்கள் உள்பட பக்தர்கள் வந்து சாமி தரிசனம் செய்தனர். மேலும் கற்பூரம் ஏற்றி மனமுருக பிரார்த்தனை செய்தனர்.

    சிறப்பு பூஜை அரசு ஆஸ்பத்திரி வீதியில் உள்ள ஓம்சக்தி பத்ர காளியம்மன் கோவில், அக்ரஹாரம் பகுதியில் உள்ள துளிர் காத்த அம்மன் கோவில், காந்தல் மூவுலகரசியம்மன் கோவில், கூடுதல் மாவட்ட கலெக்டர் அலுவலக வளாகத்தில் உள்ள பிரத்தியங்கரா தேவி கோவில் உள்பட பல்வேறு கோவில்களிலும் சிறப்பு பூஜைகள் நடந்தது. கோத்தகிரி கடைவீதியில் உள்ள பண்ணாரி மாரியம்மன் கோவிலில் அம்மனுக்கு அபிஷேக, அலங்கார பூஜைகள் மற்றும் ஊஞ்சல் வழிபாடு நடைபெற்றது

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மசினகுடி பகுதியில் கடந்த ஆண்டு 4 பேரை புலி அடித்து கொன்றது.
    • பணியில் சிறப்பாக செயல்பட்டதற்காக மத்திய அரசு விருது கிடைத்து உள்ளது.

    ஊட்டி:

    நீலகிரி மாவட்டம் கூடலூர், மசினகுடி பகுதியில் கடந்த ஆண்டு 4 பேரை புலி அடித்து கொன்றது. அந்த புலியை பிடிக்கக்கோரி பொதுமக்கள் தொடர் போராட்டங்களில் ஈடுபட்டனர். இதைத்தொடர்ந்து புலியை பிடிப்பதற்காக வனத்துறையினர் தேடுதல் வேட்டையில் ஈடுபட்டனர். சுமார் 21 நாட்கள் தேடுதல் வேட்டைக்கு பிறகு டி-23 என்று பெயரிடப்பட்ட அந்த ஆட்கொல்லி புலியை வனத்துறையினர் மயக்க ஊசி செலுத்தி பிடித்தனர்.

    அதன்பின்னரே கூடலூர், மசினகுடி பகுதி மக்கள் நிம்மதி அடைந்தனர். இந்த நிலையில் ஆட்கொல்லி புலியின் நடமாட்டம் மற்றும் அது பதுங்கி இருக்கும் இடத்தை துல்லியமாக கண்காணித்து சிறப்பாக செயல்பட்டதற்காக முதுமலை புலிகள் காப்பக வனக்காப்பாளர் மீன் காலன், வேட்டை தடுப்பு காவலர்கள் மாதன், பொம்மன் ஆகியோருக்கு விருது வழங்கப்படும் என்று மத்திய வனம் மற்றும் சுற்றுச்சூழல் அமைச்சகம் அறிவித்தது.

    அதன்படி மராட்டிய மாநிலம் சந்திராப்பூர் வன அகாடமியில் மத்திய வனம் மற்றும் சுற்றுச்சூழல் அமைச்சகம் சார்பில் நடைபெற்ற புலிகள் தின விழாவில் முதுமலை வேட்டை தடுப்பு காவலர்கள் மீன் காலன், மாதன், பொம்மன் ஆகியோருக்கு மத்திய மந்திரி பூபேந்தர் யாதவ் விருது வழங்கினார். தொடர்ந்து ரூ.1 லட்சம் வழங்கி பாராட்டினார்.விருது பெற்ற வேட்டை தடுப்பு காவலர்கள் கூறும்போது, பணியில் சிறப்பாக செயல்பட்டதற்காக மத்திய அரசு விருது கிடைத்து உள்ளது.

    இதற்கு காரணமான அதிகாரிகளுக்கு நன்றியை தெரிவித்துக்கொள்கிறோம். மேலும் இந்த விருதால் தொடர்ந்து பணியாற்றுவதற்கு ஊக்கம் ஏற்பட்டு உள்ளது என்றனர். முன்னதாக விருது பெற்ற வேட்டை தடுப்பு காவலர்களுக்கு இயக்குனர் வெங்கடேஷ் தலைமையிலான வனத்துறையினர் பாராட்டு தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print