என் மலர்

    நீங்கள் தேடியது "நாகர்கோவில்"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • செல்போனில் பேசிய அசாம் வாலிபரிடம் மங்களூரூ போலீசார் இன்று விசாரணை
    • கன்னியாகுமரி,சுசீந்திரம் பகுதியில் நாசவேலைக்கு திட்டமிட்டாரா?

    நாகர்கோவில்:

    கர்நாடகா மாநிலம் மங்களூரூ அருகே நாகுரி பகுதியில் கடந்த 19-ந்தேதி ஆட்டோவில் குண்டு வெடித்தது. இதில் ஆட்டோ டிரைவரும், அதில் வந்த ஒருவரும் பலத்த காயம் அடைந்தனர். அவர்கள் சிகிச்சைக்காக ஆஸ்பத்தி ரியில் அனுமதிக்கப்பட்டனர்.

    இந்த சம்பவம் தொடர்பாக மங்களூரூ போலீசார் விசாரணை நடத்திய போது, ஆட்டோ வில் வெடித்தது குக்கர் வெடிகுண்டு என தெரிய வந்தது. படுகாயத்துடன் மீட்கப்பட்டவர் தான் அதனை கொண்டு வந்தவர் என்பதும் தெரியவந்தது.

    தொடர்ந்து நடைபெற்ற விசாரணையில் அவனது பெயர் ஷாரிக் என்ற முகமது ஷாரிக் என்பதும் ஐ.எஸ்.தீவிரவாத இயக்கத்துடன் தொடர்பில் இருந்த அவன் ஏற்கனவே போலீஸ் கண்காணிப்பில் இருந்துள்ளான். ஆனால் கடந்த ஆகஸ்ட் மாதம் அவன் திடீரென மாயமாகி உள்ளான்.

    அதன்பிறகு கடந்த மாதம் கர்நாடக மாநிலம் திரும்பிய அவன், மங்களூரூ ரெயில் நிலையத்தை தகர்க்கும் முயற்சியில் இறங்கிய போது தான், எதிர்பாராதவிதமாக ஆட்டோவிலேயே குண்டு வெடித்திருப்பது போலீஸ் விசாரணையில் கண்டு பிடிக்கப்பட்டது.

    குண்டுவெடிப்பு சம்பவம் தொடர்பாக என்.ஐ.ஏ. மற்றும் உளவுத்துறை போலீசாரும் விசாரணையில் இறங்கினர். இதற்கிடையில் முகமது ஷாரிக்கின் செல்போனை மங்களூரூ போலீசார் ஆய்வு செய்தனர். அப்போது அவன் பல்வேறு மாநிலங்களில் உள்ளவர்களுடன் பேசியிருப்பது தெரியவந்தது.

    அதில் நாகர்கோவிலைச் சேர்ந்த பெண் ஒருவரது எண்ணும் இருந்தது. இதுபற்றி மங்களூரூ போலீசார், குமரி மாவட்ட போலீசாருக்கு தகவல் கொடுத்தனர். அதன்பேரில் மாவட்ட போலீஸ் சூப்பிரண்டு ஹரிகிரண் பிரசாத் ஆலோசனைப்படி போலீசார் விசாரணையில் இறங்கினர். நாகர்கோவிலைச் சேர்ந்த பெண் யார்? என்பதை கண்டு பிடித்து விசாரித்தனர்.

    அந்தப் பெண் தனக்கு ஒரு அழைப்பு வந்ததாகவும், அதில் பேசியவன் மொழி தனக்கு புரியவில்லை என்பதால், தங்களது துரித உணவகத்தில் பணிபுரிந்த அசாம் வாலிபரிடம் செல்போனை கொடுத்து பேசச் சொன்னதாகவும் கூறினார்.

    இதனைத் தொடர்ந்து நாகர்கோவில் கோட்டாரில் அறை எடுத்து தங்கி இருந்த அசாம் வாலிபரை பிடித்து போலீசார் விசாரணை நடத்தினர். அவனும், பெண் கூறிய தகவலையே தெரிவித்தான். தான் அந்த செல்போனை வாங்கி பேசியதும் இணைப்பு துண்டிக்கப்பட்டு விட்டது என்றும் கூறினான். இருப்பினும் அவனிடம் போலீசார் பல்வேறு கேள்விகளை கேட்டு விசாரணை நடத்தினர். சுமார் 30 மணி நேர விசாரணைக்குப் பிறகு போலீசார், அவரை விடுவித்தனர்.

    இதற்கிடையில் ஆகஸ்ட் மாதம் மாயமான ஷாரிக், எங்கு சென்றான் என போலீசார் தீவிர விசா ரணை நடத்தியதில், அவன் தமிழகம் வந்து கோவை, மதுரை மற்றும் நாகர்கோவிலில் அறை எடுத்து தங்கியதும் அதன் பின்னர் கேரளா சென்றிருப்பதும் தெரிய வந்தது.

    இது தொடர்பாக மங்களூரூ போலீசார் மற்றும் உளவுத் துறையினர் தீவிர விசாரணையில் இறங்கினர். என்.ஐ.ஏ. அமைப்பினர் கேரளாவில் சென்று விசாரணை நடத்தினர். மங்களூரூ போலீசார் கோவை, மதுரை சென்று விசாரணை நடத்தினர். அப்போது பிரேம்ராஜ் என்ற பெயரில் விடுதியில் அறை எடுத்து ஷாரிக் தங்கியது தெரியவந்தது. அங்கு சில தகவல்களை சேகரித்த மங்களூரூ போலீசார், நேற்று குமரி மாவட்டம் வந்தனர்.

    மங்களூரூ போலீஸ் இன்ஸ்பெக்டர் நிரஞ்சன் குமார் தலைமையில் வந்த குழுவினர், மாவட்ட போலீஸ் சூப்பிரண்டு ஹரிகிரண் பிரசாத்தை சந்தித்து ஆலோசனை நடத்தினர். அப்போது தீவிரவாதி ஷாரிக், கடந்த செப்டம்பர் மாதம் 8-ந் தேதி முதல் 12-ந் தேதி வரை நாகர்கோவில் விடுதியில் தங்கி உள்ளதாக தெரிவித்தனர்.

    அதன்பிறகு மாவட்ட போலீசார் துணையுடன், மங்களூரூ போலீசார் விசாரணையில் இறங்கினர். அப்போது ரெயில் மூலம் நாகர்கோவில் வந்த ஷாரிக், அண்ணா பஸ் நிலையம் அருகே ஒரு விடுதியில் பிரேம்ராஜ் என்ற பெயரில் போலி முகவரி கொடுத்து அறை எடுத்து தங்கி இருப்பது தெரியவந்தது. அதன்பேரில் குறிப்பிட்ட விடுதிக்குச் சென்ற போலீசார், அங்கு ஆவணங்களை ஆய்வு செய்தனர்.

    ஷாரிக் விடுதியில் தங்கியிருந்த போது அவனை சந்தித்தது யார்? அவன் எப்போது வெளியில் சென்றான்? என்பது தொடர்பாக விடுதி மேலாளர் மற்றும் ஊழியர்களிடம் விசாரணை நடத்தினர். விடுதி வாடகையை பணமாக செலுத்தினானா? அல்லது அவனுக்காக யாராவது ஆன்லைன் மூலம் செலுத்தினார்களா? என பகல் 12 மணி முதல் இரவு 8 மணி வரை சுமார் 8 மணி நேரத்துக்கும் மேலாக போலீசார் விசாரணை நடத்தினர்.

    அப்போது ஷாரிக்கை விடுதிக்கு வந்து யாரும் சந்திக்கவில்லை என்பதும், ஷாரிக் 2 நாட்கள் வெளியே சென்று வந்தான் என்பதும் தெரியவந்தது. அவன் வெளியே சென்று யாரை சந்தித்தான் என போலீசார் விசாரணை நடத்திய போது பல்வேறு திடுக்கிடும் தகவல்கள் கிடைத்தன.

    அறையில் இருந்து 2 நாட்கள் வெளியே சென்ற ஷாரிக், கன்னியாகுமரி, சுசீந்திரம் ரதவீதிகளில் சுற்றித் திரிந்துள்ளான். கன்னியாகுமரிக்கு தினமும் சுற்றுலா பயணிகள் அதிக அளவில் வந்து செல்லும் நிலையில் அங்கு ஏதும் சதி செயலை அரங்கேற்ற ஷாரிக் திட்டமிட்டிருக்கலாமா? என போலீசாருக்கு சந்தேகம் ஏற்பட்டுள்ளது.

    இதனால் அந்தப் பகுதிகளில் அவன் யாரை யாவது சந்தித்திருக்க லாம் என போலீசார் கருதுகின்றனர். எனவே கன்னியாகுமரி, சுசீந்திரம் பகுதிகளில் உள்ள சி.சி.டி.வி. காமிரா பதிவுகளில் ஷாரிக் யாரை சந்தித்தான் என்பதற்கான ஆதாரங்கள் கிடைக்குமா? என்று போலீசார் விசாரணை நடத்தினர். இதேபோல் ஷாரிக், நாகர்கோவிலுக்கு ரெயிலில் வந்தபோது, அவனை யாராவது வரவேற்று அழைத்துச் சென்றார்களா? என்பது தொடர்பாக நாகர்கோவில் ரெயில் நிலையத்திலும் மங்களூரூ போலீசார் விசாரணை நடத்தினர்.

    மேலும் நாகர்கோவில் துரித உணவகத்தில் வேலை பார்த்த அசாம் வாலிபருக்கு தொடர்பு இருக்கலாமா? என போலீசாருக்கு சந்தேகம் ஏற்பட்டது. எனவே அசாம் வாலிபரை மீண்டும் விசாரணைக்கு அழைத்தனர். அவரிடம் மங்களூரூ போலீசார் இன்று மீண்டும் விசாரணை நடத்தினர்.

    தொடர்ந்து மங்களூரூ போலீசார் கேரளா சென்றனர். அங்கும் அவர்கள் ஷாரிக் தொடர்பாக விசாரணை நடத்தினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நவம்பர் 26-ந் தேதி இந்திய அரசியலமைப்பு தினமாக கொண்டாடப்பட்டு வருகிறது.
    • குமரி மாவட்ட பஞ்சாயத்து கவுன்சிலர்கள் இந்திய அரசியலமைப்பு உறுதிமொழி ஏற்றனர்.

    நாகர்கோவில்:

    ஒவ்வொரு ஆண்டும் நவம்பர் 26-ந்தேதி இந்திய அரசியலமைப்பு தினமாக கொண்டாடப்பட்டு வருகிறது. இதைத் தொடர்ந்து 26-ந் தேதி அன்று உள்ளாட்சி அலுவலகங்கள், மாவட்ட பஞ்சாயத்து, ஊராட்சி ஒன்றியங்கள் மற்றும் கிராம ஊராட்சிகளில் உறுதிமொழி எடுக்குமாறு ஊரக வளர்ச்சி மற்றும் ஊராட்சித்துறை ஆணையர் உத்தரவிட்டிருந்தார்.

    அதன்படி குமரி மாவட்ட பஞ்சாயத்து கவுன்சிலர்கள் இந்திய அரசியலமைப்பு உறுதிமொழி ஏற்பு நிகழ்ச்சி நாகர்கோவிலில் உள்ள மாவட்ட கலெக்டர் அலுவலகத்தில் இன்று நடந்தது.

    நிகழ்ச்சிக்கு மாவட்ட பஞ்சாயத்து தலைவர் மெர்லியன்ட் தாஸ் தலைமை தாங்கினார். துணை தலைவர் சிவக்குமார், செயலாளர் முருகானந்தம், கவுன்சிலர்கள் நீலபெருமாள், ஜாண்சிலின் விஜிலா, அம்பிளி, லூயிஸ், பரமேஸ்வரன், ஆகியோர் கலந்து கொண்டு உறுதிமொழி எடுத்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • போலீஸ் சூப்பிரண்டு ஹரிகிரண் பிரசாத் தொடங்கி வைத்தார்
    • ரத்ததானம் வழங்குவதால் எந்த பாதிப்பும் ஏற்படாது.

    நாகர்கோவில்:

    நாகர்கோவில், ஆயுதப்படை மைதானத்தில் போலீசாருக்கான ரத்ததான முகாம் இன்று நடந்தது. முகாமை மாவட்ட போலீஸ் சூப்பிரண்டு ஹரிகிரண் பிரசாத் தொடங்கி வைத்தார். பின்னர் அவர் ரத்ததானம் வழங்கினார்.

    இதைத்தொடர்ந்து நாகர்கோவில் டவுன் டி.எஸ்.பி. நவீன் குமார், வடசேரி இன்ஸ்பெக்டர் திருமுருகன் மற்றும் சப்- இன்ஸ்பெக்டர்கள், போலீசார், ஆயுதப்படை போலீசார் என 50-க்கும் மேற்பட்டவர்கள் ரத்ததானம் வழங்கினார்கள்.

    ஆசாரிபள்ளம் ஆஸ்பத்திரியில் இருந்து வந்த டாக்டர் குழுவினர் ரத்தான முகாமில் பங்கேற்றனர். இதுகுறித்து மாவட்ட போலீஸ் சூப்பிரண்டு ஹரிகிரண் பிரசாத் கூறுகையில், இது மிக முக்கியமான நிகழ்வாகும். ரத்ததானம் வழங்குவதால் எந்த பாதிப்பும் ஏற்படாது. போலீசார் தற்பொழுது ஆர்வமாக வந்து ரத்ததானம் வழங்கி இருப்பது மகிழ்ச்சி அளிக்கிறது, என்றார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மேயர் மகேஷ் தொடங்கி வைத்தார்
    • கலெக்டர் அலுவலக சந்திப்பு பகுதியில் ரவுண்டானா அமைக்கும் பணி இறுதி கட்டத்தை எட்டியுள்ளது.

    நாகர்கோவில்:

    நாகர்கோவில் நகரை மேம்படுத்த பல்வேறு நடவடிக்கைகள் எடுக்கப்பட்டு வருகிறது.

    நாகர்கோவிலில் போக்குவரத்து நெருக்க டியை குறைக்கும் வகையில் ரவுண்டானா அமைக்கும் பணியும் நடந்து வருகிறது.கலெக்டர் அலுவலக சந்திப்பு பகுதியில் ரவுண் டானா அமைக்கும் பணி இறுதி கட்டத்தை எட்டியுள்ளது. இதைத் தொடர்ந்து செட்டி குளம் மகளிர் கிறிஸ்தவ கல்லூரி முன்புறம் உட்பட ஒரு சில இடங்களில் ரவுண் டானா அமைக்க மாநக ராட்சி அதிகாரிகள் நடவ டிக்கை மேற்கொண்டு வரு கிறார்கள்.

    மகளிர் கிறிஸ்தவ கல்லூரி முன்புறம் ரவுண்டானா அமைக்க இடம் தேர்வு செய்யப்பட்டு அதற்கான பூர்வாங்க பணிகள் மேற் கொள்ளப்பட்டது. இந்த நிலையில் இன்று அந்த பணியை மேயர் மகேஷ் தொடங்கி வைத்தார்.

    இதைத்தொடர்ந்து மேயர் மகேஷ் நிருபர்களிடம் கூறியதாவது:-

    நாகர்கோவில் மாநகர பகுதியில் போக்குவரத்து நெருக்கடியை குறைக்க பல்வேறு அதிரடி நடவ டிக்கைகள் மேற்கொள் ளப்பட்டு வருகிறது. சாலை கள் அனைத்தும் இருவழிச் சாலைகளாக மாற்ற நடவ டிக்கை மேற்கொண்டு உள்ளோம். இது தொடர் பாக பட்டா நிலம் வைத்தி ருப்பவர்களிடமும் பேசி யுள்ளோம். விரைவில் அனைத்து சாலைகளும் இருவழி சாலைகளாக மாற் றப்படும். இருவழிச் சாலை களாக மாற்றப்படும் பட்சத் தில் நாகர்கோவில் நகரில் போக்குவரத்து நெருக்கடி குறையும்.

    கலெக்டர் அலுவல கத்தின் முன் பகுதியில் ரவுண்டானா பணி இறுதிக்கட்டத்தை எட்டி யுள்ளது. அந்த ரவுண்டா னாவில் நினைவு ஸ்தூபி வைப்பது குறித்து ஆலோ சனை நடத்தப்பட்டு வரு கிறது. மகளிர் கிறிஸ்தவ கல்லூரியின் முன்புறம் ரவுண்டானா அமைக்க ரூ.10 லட்சம் நிதி ஒதுக்கீடு செய்யப்பட்டுள்ளது. இந்த பணிகள் இன்று தொடங்கி இரண்டு வார காலத்திற்குள் முடிக்கப்படும்.

    ஆக்கிரமிப்புகள் பார பட்ச மின்றி அகற்ற வும் நடவடிக்கை மேற் கொண்டு வருகிறோம். அனைத்து பகுதிகளிலும் ஆக்கிரமிப்புகள் விரைவில் அகற்றப்படும்.கழிவு நீர் ஒடைகள் சீரமைக்கும் பணியும் நடந்து வருகிறது. அனைத்து வார்டுக்கு உட்பட்ட பகுதிகளிலும் கழிவு நீர் ஒடைகள் அனைத் தும் சுத்தம் செய்யப்படும்.

    இவ்வாறு அவர் கூறினார்.

    இதைத் தொடர்ந்து 23 வது வார்டுக்குட்பட்ட பகுதிகளில் நடந்து சென்றும் மோட்டார் சைக்கிளில் சென்றும் ஆய்வு மேற்கொண்டார். செல்ல கண் தெரு, கோர்ட் ரோடு, டதி பள்ளி ரோடு, பால் டேனியல் தெரு, வாட்டர் டேங்க் ரோடு, கே.பி. ரோடு, கலைமகள் தெரு, பர்வத வர்த்தினி தெரு, பெரிய நாடார் தெரு, ராமன் பிள்ளை தெரு, சகோதரர் தெரு, சாந்தான் செட்டிவிளை ரோடு உள்பட அனைத்து பகுதிகளிலும் ஆய்வு மேற்கொண்டார்.

    சில இடங்களில் பொது மக்கள் மேயர் மகேஷை சந்தித்து சாலை சீரமைக்க வேண்டும், குடிநீர் பிரச்சினையை தீர்க்க வேண்டும் என்று தெரிவித்தனர். இது தொடர் பாக உடனடி நடவடிக்கை எடுக்கப்படும் என்று அவர் உறுதி அளித்தார்.

    ஆய்வின் போது ஒரு சில இடங்களில் ஆக்கிரமிப்புகள் இருந்ததை அகற்றுவதற்கும் அதிகாரிகளுக்கு உத்தர விட்டார். மாநக ராட்சி என்ஜினீயர் பால சுப்பிர மணியன், மண்டல தலைவர் ஜவகர் மற்றும் நிர்வாகிகள் உடன் இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கழிவுநீர் ஓடைகளை உடனடியாக சுத்தம் செய்ய வேண்டும்.
    • சாலையோரம் குப்பை கள் தேங்காமல் பார்த்துக் கொள்ள வேண்டும்

    நாகர்கோவில்:

    நாகர்கோவில் 15- வது வார்டு பகுதியில் மேயர் மகேஷ் தெரு, தெருவாக நடந்து ஆய்வு மேற்கொண்டார் .

    அவர் அந்த வார்டு பகுதியில் உள்ள ஹென்றி ரோடு, புது குடியிருப்பு, தேவ சகாயம் தெரு , ரேச்சல் தெரு, காமராஜபுரம், எம்.எஸ்.ரோடு, குமரி காலனி, பரமதெரு , புதுக்குடியிருப்பு, சாஸ்தான் கோவில்தெரு, டிஸ்டிலரி ரோடு , டிஸ்டிலரி அப்ரோச் ரோடு ஆகிய பகுதியில் ஆய்வு செய்தார். 

    ஆய்வின்போது வெட்டூர்ணி மடம் கால்வா யில் உள்ள ஆக்கிரமிப்புகளை அகற்றவேண்டும்.கழிவுநீர் ஓடைகளை உடனடியாக சுத்தம் செய்ய வேண்டும். சாலையோரம் குப்பை கள் தேங்காமல் பார்த்துக் கொள்ள வேண்டும் என அதிகாரிகளுக்கு உத்தரவிட்டார் .

    மேலும் குப்பைகளை தரம்பிரித்து தூய்மை பணியாள ரிடம் வழங்க வேண்டும் எனவும் , ஒருமுறை பயன்படுத்தப்படும் பிளாஸ்டிக் பொருட்களை பயன்படுத்த கூடாது எனவும் பொதுமக்களிடம் கூறினார். பொதுமக்கள் தங்கள் வார்டு பகுதியில் செய்ய வேண்டிய பணிகள் குறித்து பல்வேறு கோரிக்கைகள் கொடுத்த னர்.

    அதனை மேயர் மகேஷ் வாங்கிக்கொண்டு விரைவில் செய்துகொடுக்கப்படும் என உறுதி அளித்தார் . ஆய்வின்போது நிர்வாக அதிகாரி ராமமோகன், மண்டல தலைவர் ஜவகர், தி.மு.க. மாநகர செய லாளர் வக்கீல் ஆனந்த், துணை செயலாளர் வேல்முருகன்,கவுன்சிலர் லீலாபாய், பகுதி செயலாளர் ஷேக்மீரான் உள்பட பலர் உடன் சென்றனர்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காலை 10 மணி முதல் மாலை 5 மணி வரை மின் வினியோகம் தடை
    • மின்பாதையில் அவசர பராமரிப்பு பணி மேற்கொள்ளப்படுகிறது

    நாகர்கோவில்:

    நாகர்கோவில் மீனாட்சிபுரம் பிரிவிற்கு உட்பட்ட கணேசபுரம் மின்பாதையில் அவசர பராமரிப்பு பணி மேற்கொள்வதால் செட்டிகுளம் சந்திப்பு, ராஜாக்கமங்கலம் ரோடு, தட்டான்விளை, சற்குணவீதி, வெள்ளாளர் காலனி, மேலராமன்புதூர், ஐ.எஸ்.ஆர்.ஓ. காலனி, சிவன்கோவில் தெரு ஆகிய பகுதிகளில் வருகிற 25-ந் தேதி காலை 10 மணி முதல் மாலை 5 மணி வரை மின் வினியோகம் தடை செய்யப்படுகிறது.

    இதேபோல் தேரேகால்பு தூர் மின்பாதையில் பராமரிப்பு பணிக்காக மீனாட்சிபுரம் தோப்பு வணிகர் தெரு, மீனாட்சி கார்டன் ஆகிய பகுதிகளில் வருகிற 28-ந் தேதி காலை 10 மணி முதல் மாலை 5 மணி வரை மின் வினியோகம் நிறுத்தப்படுகிறது. என மீனாட்சிபுரம் மின் வினியோக உதவி செயற்பொறியாளர் தெரிவித்துள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நாகர்கோவிலில் பிடிபட்ட அஜிம் ரகுமானிடம், மாவட்ட போலீசார் தீவிர விசாரணை
    • தேசிய விசாரணை முகமை (என்.ஐ.ஏ.) மற்றும் ‘ரா’ உள்ளிட்ட உளவுத்துறையினரும் கேரளாவில் முகாமிட்டு விசாரணை

    நாகர்கோவில்:

    கோவை கார் குண்டு வெடிப்பை தொடர்ந்து, கர்நாடக மாநிலம் மங்களூரூவில் உள்ள நாகுரி பகுதியில் ஆட்டோவில் குண்டு வெடித்த சம்பவம் நாடு முழுவதும் பரபரப்பை ஏற்படுத்தி உள்ளது.

    மங்களூரூவில் ஆட்டோவில் வெடித்தது குக்கர் வெடிகுண்டு என்பது போலீஸ் விசாரணையில் தெரியவந்தது. மேலும் இந்த சம்பவம் தற்செயலாக நடந்தது இல்லை. திட்டமிட்ட நாச வேைல என்பதும் கண்டறியப்பட்டது.

    இதனைத் தொடர்ந்து தேசிய விசாரணை முகமை மற்றும் உளவுத்துறையினரும் விசாரணையில் இறங்கினர். இதில் வெடி விபத்துக்கு உள்ளான ஆட்டோவில் படுகாயத்துடன் மீட்கப்பட்டவன் ஷாரிக் என்ற முகமது ஷாரிக் (வயது 24) என்பதும், பயங்கரவாத அமைப்புகளுடன் தொடர்புயைவன் என்பதும் போலீஸ் விசாரணையில் தெரிய வந்தது.

    தொடர்ந்து ஷாரிக் பற்றி போலீசார் நடத்திய விசாரணையில் பல்வேறு தகவல்கள் கிடைத்தன. அவனது செல்போனை ஆய்வு செய்ததில், நாகர்கோ வில், கேரளா உள்ளிட்ட பல இடங்களுக்கு பேசியிருப்பது தெரிய வந்தது.

    இது தொடர்பாக விசா ரணை நடத்த மங்களூரூ போலீசார் நாகர்கோவில், கேரளா பகுதிகளுக்கு விரைந்தனர். அப்போது ஷாரிக், கேரளா செல்லும் போது நாகர்கோவில் வழியாக ரெயிலில் சென்றது தெரியவந்தது. இதனால் நாகர்கோவிலில் அவனுக்கு யாருடனாவது தொடர்பு இருக்கலாமா? என போலீ சார் விசாரணை நடத்தினர்.

    அப்போது நாகர்கோவில் கோட்டார் பகுதியில் உள்ள ஒரு செல்போனுக்கு ஷாரிக் பேசியது கண்டு பிடிக்கப்பட்டது. அதன் அடிப்படையில் அந்த செல்போன் எண் யாருடையது என்பது தொடர்பாக குமரி மாவட்ட போலீசார் துணையுடன் மங்களூரூ போலீசார் ஆய்வு செய்தனர்.

    அப்போது துரித உணவகத்தில் வேலை பார்க்கும் அசாம் மாநிலத்தைச் சேர்ந்த அஜிம் ரகுமான் (22) என்பவர் தான் அந்த செல்போன் எண் வைத்திருப்பவர் என தெரிய வந்தது. இதனைத் தொடர்ந்து நேற்று முன்தினம் இரவு போலீசார், அவரை பிடித்தனர்.தொடர்ந்து அவரை ரகசிய இடம் கொண்டு சென்று விசாரணை நடத்தினர்.

    இந்த நிலையில் நாகர்கோவிலில் பிடிபட்ட அஜிம் ரகுமானிடம், குமரி மாவட்ட போலீஸ் சூப்பிரண்டு ஹரிகிரண் பிரசாத் மேற்பார்வையில் மாவட்ட போலீசார் தீவிர விசாரணை நடத்தினர். சுமார் 30 மணி நேரம் அவரிடம் பல்வேறு கேள்விகள் கேட்கப்பட்டு விசாரணை நடத்த ப்பட்டது.

    அப்போது அஜிம் ரகு மான், தான் வேலை பார்த்த கடை முதலாளி மனைவியின் செல்போ னுக்கு ஒரு அழைப்பு வந்ததாகவும், அவருக்கு மொழி புரியாத தால், செல்போனை தன்னிடம் கொடுத்த தாகவும் கூறினார்.

    மேலும் அந்த போனை வாங்கி தான் பேசுவதற்குள் 'லைன்' துண்டிக்கப்பட்ட தால், தனது செல்போனில் இருந்து அந்த எண்ணை திரும்ப அழைத்ததாகவும் அப்போது யாரும் பேசவில்லை என்றும் போலீசாரிடம் கூறியுள்ளார். அவரது தகவலின் படி குறிப்பிட்ட கடை உரிமையாளரின் மனைவியையும் போலீசார் அழைத்து விசாரித்தனர்.

    அவரும், அஜிம் ரகுமான் கூறிய தகவலையே தெரிவித்துள்ளார். இதனைத் தொடர்ந்து 30 மணி நேரத்துக்கு பிறகு அஜிம் ரகுமானை விடுவித்த போலீசார், விசாரணைக்கு தேவைப்பட்டால் மீண்டும் அழைப்போம், வேறு எங்கும் செல்லக் கூடாது என கூறி உள்ளனர்.

    இதற்கிடையில் கேரள மாநிலம் ஆலுவா பகுதியில் உள்ள ஒரு முகவரிக்கு ஷாரிக் பெயருக்கு பார்சல் அனுப்பப்பட்டு இருந்ததாகவும் அதனை வாங்கத் தான் ஷாரிக், நாகர்கோவில் வழியாக கேரளா சென்றதாகவும் போலீசாருக்கு ரகசிய தகவல் கிடைத்தது.

    இதுகுறித்து விசாரணை நடத்துவதற்காக மங்களூரூ போலீசார் கேரளா விரைந்தனர். இதற்கிடையில் தேசிய விசாரணை முகமை (என்.ஐ.ஏ.) மற்றும் 'ரா' உள்ளிட்ட உளவுத்துறை யினரும் கேரளாவில் முகா மிட்டு விசாரணையை தொடங்கினர்.

    இதில் கேரள மாநிலத்தில் எர்ணாகுளம், ஆலுவா உள்ளிட்ட பகுதிகளுக்கு ஷாரிக் சென்றிருப்பது தெரிய வந்தது. அவன் எதற்காக கேரளா வந்தான்? யாருடன் பேசி னான்? அவனுக்கு முகவரி கொடுத்து உதவியது யார்? என்பது குறித்து தொடர்ந்து விசாரணை நடைபெற்று வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குற்றப்பத்திரிக்கை தாக்கல் செய்ய தீவிரம்
    • கவுதமை கோர்ட்டில் ஆஜர்படுத்தி ஜெயிலில் அடைத்தனர்.

    நாகர்கோவில்:

    நாகர்கோவில் கணேசபுரத்தை சேர்ந்தவர் காசி. இவர் மீது சென்னையை சேர்ந்த பெண் டாக்டர் கொடுத்த பாலியல் புகாரின் பேரில் போலீசார் வழக்குப்பதிவு செய்து விசாரணை நடத்தினர். இதைத் தொடர்ந்து காசியை போலீசார் கைது செய்தனர்.

    கைது செய்யப்பட்ட காசி மீது மேலும் பல பெண்கள் பாலியல் புகார் அளித்தனர். இது தொடர்பாகவும் போலீசார் வழக்குப்பதிவு செய்தனர். காசி மீது பாலியல் புகார் உள்பட 8 வழக்குகள் பதிவு செய்யப்பட்டு விசாரணை நடைபெற்று வந்தது.

    இதையடுத்து வழக்கானது சி.பி.சி.ஐ.டி. போலீசாருக்கு மாற்றப்பட்டது. சி.பி.சி.ஐ.டி. போலீசார் காசி மீதான வழக்குகள் தொடர்பாக விசாரணை மேற்கொண்டனர். இந்த வழக்கில் ஆதாரத்தை அழித்ததாக கூறி அவரது தந்தை தங்கபாண்டியன் கைது செய்யப்பட்டார். மேலும் அவரது நண்பர்கள் 2 பேரும் கைது செய்யப்பட்டனர்.

    அதே சமயம் அஞ்சுகிராமம் அருகே கண்ணன்குளத்தை சேர்ந்த கவுதம் என்பவர் தலைமறைவாக இருந்தார். போலீசார் அவரை தேடி வந்த நிலையில் அவர் வெளிநாட்டில் இருப்பது தெரியவந்தது. இதையடுத்து அவரை பிடிக்க விமான நிலையங்களுக்கு நோட்டீஸ் அனுப்பப்பட்டு இருந்தது. இந்த 8 வழக்குகளில் 6 வழக்குகளுக்கு சி.பி.சி.ஐ.டி. போலீசார் குற்றப்பத்திரிக்கை தாக்கல் செய்தனர். 2 வழக்குகளில் கவுதமுக்கு தொடர்பிருந்ததால் அந்த வழக்குகளில் குற்றப்பத்திரிக்கை தாக்கல் செய்வதில் தாமதம் ஏற்பட்டது.

    இந்த நிலையில் காசி மற்றும் அவரது தந்தை தங்கபாண்டியன் ஆகியோர் ஜாமீன் கேட்டு விண்ணப்பித்தனர். இதில் தங்கபாண்டியனுக்கு ஜாமீன் வழங்கப்பட்டது. காசிக்கு ஜாமீன் மறுக்கப்பட்டு வந்தது.

    இந்த நிலையில் தலைமறைவாக இருந்த கவுதம் வெளிநாட்டில் இருந்து குமரி மாவட்டத்திற்கு வந்தார். இதுதொடர்பாக திருவனந்தபுரம் விமான நிலையத்தில் இருந்து சி.பி.சி.ஐ.டி. போலீசாருக்கு தகவல் தெரிவிக்கப்பட்டது. இதையடுத்து சி.பி.சி.ஐ.டி. போலீசார் திருவனந்தபுரம் சென்று விமான நிலையத்தில் இருந்த கவுதமை கைது செய்தனர். கைது செய்யப்பட்ட அவரை கோர்ட்டில் ஆஜர்படுத்தி ஜெயிலில் அடைத்தனர்.

    இதைத்தொடர்ந்து 2 வழக்குகளிலும் குற்றப்பத்திரிகை தாக்கல் செய்ய சி.பி.சி.ஐ.டி. போலீசார் தீவிர நடவடிக்கை மேற்கொண்டனர். இதையடுத்து கவுதமை போலீஸ் காவலில் எடுத்து விசாரிக்க நாகர்கோவில் ஜூடிசியல் மாஜிஸ்திரேட்டு 1-வது கோர்ட்டில் மனுத்தாக்கல் செய்தனர்.

    இதனையடுத்து கவுதமனை ஒரு நாள் காவலில் எடுத்து விசாரிக்க கோர்ட்டு அனுமதி அளித்தது. அதன்படி போலீசார் கவுதமை ஒரு நாள் காவலில் எடுத்து விசாரித்தனர். காசிக்கும், கவுதமுக்கும் உள்ள தொடர்பு குறித்து போலீசார் விசாரணை மேற்கொண்டனர்.

    அப்போது அவர்கள் இருவரும் உறவினர்கள் என்பது தெரிய வந்தது. மேலும் காசிக்கு உதவியாக பெண்களுக்கு ஆபாச படங்களை அனுப்பியதும் தெரியவந்துள்ளது.

    இதைத் தொடர்ந்து மீண்டும் கவுதமை கோர்ட்டில் ஆஜர்படுத்தி ஜெயிலில் அடைத்தனர். இதைத் தொடர்ந்து போலீசார் மேலும் 2 வழக்குகளிலும் குற்றப்பத்திரிகை தாக்கல் செய்ய நடவடிக்கை மேற்கொண்டு வருகிறார்கள். இன்னும் ஒரு வார காலத்திற்குள் அந்த வழக்குகளிலும் குற்றப்பத்திரிகை தாக்கல் செய்யப்படும் என்று போலீஸ் தரப்பில் கூறப்படுகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அண்ணா பல்கலைக் கழக உறுப்பு கல்லூரி டீன் நாகராஜன் மாணவ-மாணவிகளுக்கு பட்டங்களை வழங்கினார்
    • விழாவிற்கான ஏற்பாடுகளை அனைத்து போராசிரியர்களும், ஊழயர்களும் இணைந்து செய்திருந்தனர்.

    நாகர்கோவில்:

    நாகர்கோவில் ஒழுகினசேரியில் அமைந்துள்ள ராஜாஸ் இன்ஸ்ட்டியூட் ஆப் டெக்னாலஜி கல்லூரியில் பட்டமளிப்பு விழா நேற்று நடந்தது. விழாவுக்கு வடக்கன்குளம் ஜாய் பல்கலைக்கழகத்தின் வேந்தரும் கல்லூரியின் தாளாளருமான எஸ்.ஏ. ஜாய் ராஜா தலைமை தாங்கினார். முதல்வர் தருண் அனைவரையும் வரவேற்றார். விழாவில் சிறப்பு விருந்தினராக நாகர்கோவில் கோணத்தில் உள்ள அண்ணா பல்கலைக் கழக உறுப்பு கல்லூரி டீன் நாகராஜன் மாணவ-மாணவிகளுக்கு பட்டங்களை வழங்கி சிறப்புரையாற்றினார். இதற்கான ஏற்பாடுகளை அனைத்து போராசிரியர்களும், ஊழயர்களும் இணைந்து செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சி.சி.டி.வி. காமிராவில் சிக்கிய கொள்ளையன் உருவம்
    • அந்த காட்சிகளை கைப்பற்றி போலீசார் விசாரணை

    நாகர்கோவில்:

    நாகர்கோவில் வட்ட கரை ஆர்.சி. சர்ச் ரோட்டில் கன்னியர்மடம் உள்ளது.இங்கு கன்னியாஸ்திரிகள் தங்கியுள்ளனர்.

    நேற்று காலை கன்னியர் மடத்திலிருந்து கன்னியாஸ்திரிகள் ஆலயத் திற்கு சென்றனர். பின்னர் கன்னியர் மடத்திற்கு வந்த போது அங்கிருந்த ரூ.45 ஆயிரம் பணம் திருடப்பட்டிருந்தது. இதை பார்த்து அதிர்ச்சி அடைந்து அவர்கள் பணத்தை தேடி பார்த்தனர். ஆனால் கிடைக்கவில்லை.இதையடுத்து ஆசாரிப்பள் ளம் போலீசில் புகார் செய்த னர்.

    போலீசார் சம்பவ இடத்திற்கு சென்று விசாரணை நடத்தினார்கள்.புகாரின் பேரில் போலீசார் வழக்கு பதிவு செய்தனர். அந்த பகுதியில் உள்ள சி.சி.டி.வி. கேமராவின் காட்சிகளை ஆய்வு செய்த னர்.

    அப்போது கொள்ளை யன் ஒருவன் கன்னியாஸ்திரிகள் வெளியே செல்வதை நோட்டமிட்டு கன்னியர் மடத்துக்குள் புகுந்து பணத்தை எடுத்துச் செல்வது போன்ற காட்சி பதிவாகியுள்ளது. அந்த காட்சிகளை கைப்பற்றி போலீசார் விசாரணை நடத்தி வருகிறார்கள்.

    கன்னியாஸ்திரிகள் வெளியே செல்வதை நோட்டமிட்டு வாலிபர் கைவரிசை காட்டியிருப்ப தால் கொள்ளையில் ஈடுபட் டது அதே பகுதியைச் சேர்ந்த வாலிபராக இருக்கலாம் என்று போலீசார் சந்தே கிக்கிறார்கள். சி.சி.டி.வி. கேமராவில் பதிவான உருவத்தின் அடிப்படையில் விசாரணை நடத்தப்பட்டு வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 21-ந்தேதி அறிமுக வகுப்பு நடக்கிறது
    • மாவட்ட கலெக்டர் அரவிந்த் தகவல்

    நாகர்கோவில்:

    தமிழ்நாடு அரசு பணி யாளர் தேர்வாணையத்தால் நடைபெற்ற குரூப்-2 மற்றும் 2ஏ முதல் நிலைத் தேர்வில் நாகர்கோவில் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் செயல்பட்டு வரும் தன்னார்வ பயிலும் வட்டத்தால் நடத்தப்படும் இலவச பயிற்சி வகுப்பில் பயின்ற 46 மாணவ-மாணவிகள் தேர்ச்சி பெற்று உள்ளனர்.

    மேலும் குரூப்-2 மற்றும் 2ஏ முதன்மை தேர்விற்கான இலவச பயிற்சி வகுப்புகளை நாகர்கோவிலில் உள்ள மாவட்ட வேலை வாய்ப்பு மற்றும் தொழில்நெறி வழிகாட்டும் மையத்தில் நடத்தத் திட்ட மிடப்பட்டு உள்ளது. இதற்கான அறிமுக வகுப்பு வருகிற 21-ந் தேதி (திங்கள்கிழமை) பகல் 11 மணிக்கு மாவட்ட வேலை வாய்ப்பு மற்றும் தொழில் நெறி வழிகாட்டும் மையத்தில் வைத்து நடை பெற உள்ளது.

    இதில் கலந்து கொள்ள விருப்பமுள்ளவர்கள் தங்களது புகைப்படம் மற்றும் ஆதார் நகல் மற்றும் தேர்வு மைய அனுமதிச் சீட்டு ஆகியவற்றுடன் நாகர்கோவில் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்திற்கு 21-ந் தேதி வருகை புரியுமாறு மாவட்ட கலெக்டர் அரவிந்த் தெரி வித்து உள்ளார்.

    • Whatsapp
    • Telegram
    • Linkedin
    • Print