விளையாட்டு

இந்திய வீரர் விராட் கோலி இந்த டெஸ்டில் முதல் இன்னிங்சில் 23 ரன்னில் எல்.பி.டபிள்யூ. ஆனார். 2-வது இன்னிங்சிலும் விராட் கோலி (13 ரன், 16 பந்து) அதே போன்று எல்.பி.டபிள்யூ., முறையில் விக்கெட்டை தாரை வார்த்தார். அதாவது சுழற்பந்து வீச்சாளர் ஜெயவிக்ரமா வீசிய பந்து ஓரளவு எழும்பி வரும் என்று நினைத்தார். ஆனால் கால்முட்டிக்கும் கீழ் தாழ்வாக ஓடிய அந்த பந்து காலில் பட்டு எல்.பி.டபிள்யூ.க்கு வித்திட்டது.

குறைந்த ரன்னில் வீழ்ந்ததால் டெஸ்ட் கிரிக்கெட்டில் விராட் கோலியின் சராசரி 5 ஆண்டுகளுக்கு பிறகு நேற்று 50 ரன்களுக்கு கீழ் சென்றது. இதுவரை 101 டெஸ்டில் ஆடியுள்ள கோலி 27 சதம் உள்பட 8,043 ரன்கள் (சராசரி ரன் 49.95 ) எடுத்துள்ளார். ஒருவேளை இந்த இன்னிங்சில் அவர் 20 ரன்னுக்கு மேல் எடுத்திருந்தால் 50 ரன் சராசரியை தக்க வைத்திருப்பார்.

மேலும் அவர் சர்வதேச கிரிக்கெட்டில் சதம் கண்டு 28 மாதங்கள் உருண்டோடி விட்டது. இனி ஐ.பி.எல். போட்டி வரப்போவதால் அடுத்த சர்வதேச சதத்திற்கான வாய்ப்பை பெற ஜூன் மாதம் வரை காத்திருக்க வேண்டியது தான்.

ஜெர்மனி ஓபன் பேட்மிண்டன் தொடரில் நேற்று நடந்த இறுதிப் போட்டியில் இந்தியாவின் லக்சயா சென், தாய்லாந்து வீரர் விடிட்சர்னை எதிர்கொண்டார். 

இதில், லக்சயா சென் 18-21, 15-21 என்ற நேர் செட்களில் தோற்றார். இதன்மூலம் ஜெர்மன் ஓபனில் லக்சயா சென் வெள்ளிப்பதக்கம் வென்றார்.

பெங்களூரு:

இந்தியா-இலங்கை அணிகளுக்கிடையிலான 2வது டெஸ்ட் கிரிக்கெட் போட்டி பெங்களூருவில் நடைபெற்று வருகிறது.

கராச்சி:

பெங்களூரு:

இந்தியா-இலங்கை அணிகள் மோதும் இரண்டாவது மற்றும் கடைசி டெஸ்ட் போட்டி பெங்களூருவில் உள்ள சின்னசாமி மைதானத்தில் நடைபெற்று வருகிறது. முதல் இன்னிங்சில் இந்தியா 252 ரன்களில் அனைத்து விக்கெட்டுகளையும் இழந்தது. இலங்கை அணி முதல் இன்னிங்சில் 109 ரன்களில் சுருண்டது.

இதையடுத்து 143 ரன்கள் முன்னிலையுடன் இரண்டாவது இன்னிங்சை தொடங்கிய இந்திய அணி,  9 விக்கெட் இழப்பிற்கு 303 ரன்கள் குவித்த நிலையில் டிக்ளேர் செய்தது. கேப்டன் ரோகித் சர்மா 46 ரன்கள் சேர்த்தார். அதிரடியாக ஆடிய ரிஷப் பண்ட் குறைந்த பந்துகளில் அரை சதம் அடித்தார். அத்துடன் கபில் தேவின் 40 ஆண்டு கால சாதனையை முறியடித்தார். இதேபோல் நீண்ட நேரம் களத்தில் நின்ற ஸ்ரேயாஸ் அய்யர் 67 ரன்கள் குவித்தார். இலங்கை தரப்பில் பிரவீன் ஜெயவிக்ரம 4 விக்கெட்டுகளை வீழ்த்தினார். லசித் எம்புல்தெனிய 3 விக்கெட் எடுத்தார்.

இதையடுத்து 447 ரன்கள் எடுத்தால் வெற்றி என்ற இலக்குடன் இலங்கை அணி களமிறங்கியது. இன்னும் 3 நாட்கள் ஆட்டம் மீதமுள்ளது. எனினும் விக்கெட்டுகளை காப்பாற்ற இலங்கை அணி கடுமையாக போராடவேண்டியிருக்கும். 

பெங்களூரு:

இந்தியா-இலங்கை அணிகளுக்கிடையிலான 2வது டெஸ்ட் கிரிக்கெட் போட்டி பெங்களூருவில் நடைபெற்று வருகிறது. முதல் இன்னிங்சில் இந்தியா 252 ரன்களும், இலங்கை 109 ரன்களும் எடுத்திருந்தன. இதையடுத்து இரண்டாவது இன்னிங்சை ஆடி வரும் இந்தியா வலுவான நிலையில் உள்ளது. 

அதிரடியாக ஆடிய விக்கெட் கீப்பர் ரிஷப் பண்ட் அதிவேகமாக அரைசதம் கடந்தார். 28 பந்துகளில் 7 பவுண்டரி, 2 சிக்சர்களுடன் அரை சதம் அடித்து சாதனை படைத்தார். இதன்மூலம் கபில் தேவின் 40 ஆண்டு கால சாதனையை முறியடித்தார். 

டெஸ்ட் போட்டிகளில் அதிவேகமாக அரை சதம் கடந்த இந்திய வீரர் என்ற பெருமையை கபில் தேவ் பெற்றிருந்தார். 1982ம் ஆண்டு டிசம்பர் மாதம் கராச்சியில் பாகிஸ்தானுக்கு எதிரான டெஸ்ட் போட்டியின்போது, கபில் தேவ் 30 பந்துகளில் அரை சதம் கடந்தார். தற்போது அதைவிட குறைந்த பந்துகளில் அரை சதம் அடித்து, கபில் தேவின் சாதனையை முறியடித்துள்ளார் ரிஷப் பண்ட்.

பெங்களூரு:

இந்தியா-இலங்கை அணிகள் மோதும் 2-வது டெஸ்ட் கிரிக்கெட் போட்டி பகல்- இரவு ஆட்டமாக பெங்களூரில் நேற்று தொடங்கியது. முதலில் விளையாடிய இந்திய அணி 59.1 ஓவர்களில் 252 ரன் எடுத்து ஆல்அவுட் ஆனது. பந்துவீச்சுக்கு ஏற்ற இந்த ஆடுகளத்தில் ஸ்ரேயாஸ் அய்யர் ஒருவர் மட்டுமே தாக்குப்பிடித்து சிறப்பாக ஆடினார். அவர் 98 பந்துகளில் 92 ரன் எடுத்தார். இதில் 10 பவுண்டரியும், 4 சிக்சரும் அடங்கும். அவருக்கு அடுத்தபடியாக ரி‌ஷப்பண்ட் 39 ரன் எடுத்தார். 

இந்த நிலையில் சதம் அடிக்காதது தனக்கு ஏமாற்றத்தை அளித்ததாக ஸ்ரேயாஸ் அய்யர் தெரிவித்தார். இதுதொடர்பாக அவர் கூறியதாவது:-

இந்த ஆடுகளம் முதல் நாளிலேயே 5-வது நாளில் இருப்பது போன்று கடினமான நிலையில் இருந்தது. உள்ளூர் போட்டிகளில் இது மாதிரியான ஆடுகளத்தில் விளையாடிய அனுபவம் இருந்தது. இதனால் என்னால் திட்டமிட்டு நேர்மறையுடன் விளையாட முடிந்தது.

சதத்தை தவறவிட்டது ஏமாற்றம் அளித்தது. ஆனால் அணி போராடும் வகையில் ஸ்கோரை தொட் டுள்ளது. இதனால் வருத்தம் அடையவில்லை.

உண்மையிலேயே இந்த ஆடுகளத்தில் 50 ரன் எடுப்பது சதத்தை போன்றது. இதனால் தான் நான் அவ்வாறு எனது கொண்டாட்டத்தை வெளிப்படுத்தினேன்.

இவ்வாறு ஸ்ரேயாஸ் அய்யர் கூறினார். 

பெங்களூரு:

இந்தியா-இலங்கை அணிகள் மோதும் இரண்டாவது மற்றும் கடைசி டெஸ்ட் போட்டி பெங்களூருவில் உள்ள சின்னசாமி மைதானத்தில் நடைபெற்று வருகிறது.

டாஸ் வென்று முதலில் ஆடிய இந்திய அணி 252 ரன்களில் ஆல் அவுட்டானது. ஸ்ரேயாஸ் அய்யர் 92 ரன்கள் குவித்தார். விராட் கோலி 23 ரன்கள், ரிஷப் பண்ட் 39 ரன்கள், விஹாரி 31 ரன்கள் எடுத்தனர்.

இலங்கை அணி சார்பில் எம்புல்டெனியா, ஜெயவிக்ரமா தலா 3 விக்கெட்டும், தனஞ்செய டி சில்வா 2 விக்கெட்டும் வீழ்த்தினர்.

இதையடுத்து, இலங்கை அணி முதல் இன்னிங்சில் களமிறங்கியது. இந்திய பந்துவீச்சாளர்களின் அசத்தலான பந்து வீச்சால் இலங்கை அணி சீரான இடைவெளியில் விக்கெட்டுகளை இழந்தது. அந்த அணியில் மேத்யூஸ் ஓரளவு தாக்குப்பிடித்து 43 ரன்கள் எடுத்தார். 

 

முதல் நாள் முடிவில் இலங்கை அணி 6 விக்கெட்டுக்கு 86 ரன்கள் எடுத்திருந்தது. டிக்வெலா 13 ரன்னுடன் களத்தில் இருந்தார்.

இந்நிலையில், இரண்டாவது நாள் ஆட்டம் இன்று தொடங்கியது. மீதமுள்ள விக்கெட்களை பும்ராவும் அஸ்வினும் கைப்பற்றினர்.

இதனால் இலங்கை அணி முதல் இன்னிங்சில் 109 ரன்களுக்கு ஆல் அவுட்டானது.

இந்தியா சார்பில் பும்ரா 5 விக்கெட்டுகளையும், அஷ்வின், ஷமி ஆகியோர் தலா 2 விக்கெட்டுகளையும் கைப்பற்றினர். இந்தியாவின் முதல் இன்னிங்ஸ் ஸ்கோரைவிட, இலங்கை அணி 143 ரன்கள் பின்தங்கி உள்ளது.

வெல்லிங்டன்:

வெல்லிங்டனின் நடந்த மகளிர் உலக கோப்பையின் 11வது லீக் ஆட்டத்தில் நியூசிலாந்து, ஆஸ்திரேலியா அணிகள் மோதின. டாஸ் வென்ற நியூசிலாந்து அணி பந்து வீச்சை தேர்வு செய்தது.

அதன்படி, முதலில் களமிறங்கிய ஆஸ்திரேலிய அணி நிர்ணயிக்கப்பட்ட 50 ஓவரில் 8 விக்கெட் இழப்புக்கு 269 ரன்கள் எடுத்தது. அந்த அணியில் அதிகபட்சமாக எல்லிஸ் பெரி 68 ரன்னும், டஹிலா மெக்ராத் 57 ரன்னும், கார்ட்னர் 48 ரன்னும் எடுத்தனர்.

நியூசிலாந்து சார்பில் டஹுஹு 3 விக்கெட் வீழ்த்தினார்.  

இதையடுத்து, 270 ரன்கள் எடுத்தால் வெற்றி என்ற இலக்குடன் நியூசிலாந்து அணி களமிறங்கியது. ஆஸ்திரேலிய அணியின் பந்து வீச்சில் சிக்கி விரைவில் ஆல் அவுட்டானது.

நியூசிலாந்து 30.2 ஓவரில் 128 ரன்னுக்கு ஆல் அவுட்டானது. எமி சாட்டர்வெயிட் 44 ரன்கள் எடுத்தார். இதன்மூலம் ஆஸ்திரேலியா 141 ரன்கள் வித்தியாசத்தில் அபார வெற்றி பெற்றது.

ஆஸ்திரேலியா சார்பில் டார்சி பிரவுன் 3 விக்கெட்டும், அமெண்டா வெல்லிங்டன், ஆஷ்லெக் கார்ட்னர் தலா 2 விக்கெட்டும் வீழ்த்தினர்.

ஜெர்மனி ஓபன் பேட்மிண்டன் தொடரில் நேற்று நடந்த அரையிறுதி ஆட்டத்தில் இந்தியாவின் லக்சயா சென் உலக சாம்பியன் விக்டரை எதிர்கொண்டார். 

இதில், லக்சயா சென் 21-13, 12-21, 22-20 என்ற செட்களில் வென்றார்.

ஆன்டிகுவா:

வெஸ்ட் இண்டீஸ், இங்கிலாந்து அணிகளுக்கு இடையிலான முதல் டெஸ்ட் போட்டி ஆன்டிகுவாவில் நடைபெறுகிறது. டாஸ் வென்ற இங்கிலாந்து முதலில் பேட்டிங்கை தேர்வு செய்தது.

அதன்படி, முதலில் களமிறங்கிய இங்கிலாந்து முதல் இன்னிங்சில் 311 ரன்னுக்கு ஆல் அவுட்டானது. பேர்ஸ்டோவ் 109 ரன் எடுத்தார்.

வெஸ்ட் இண்டீசின் ஜேடன் சீல்ஸ் 4 விக்கெட் வீழ்த்தினார். ஹோல்டர், அல்ஜாரி ஜோசப், கீமர் ரோச் தலா 2 விக்கெட் வீழ்த்தினர். 

அடுத்து ஆடிய வெஸ்ட் இண்டீஸ் முதல் இன்னிங்சில் 375 ரன்னுக்கு ஆல் அவுட்டானது. பானர் 123 ரன்னும், பிராத்வெயிட் 55 ரன்னும், ஹோல்டர் 45 ரன்னும் எடுத்தனர்.

இங்கிலாந்து சார்பில் பென் ஸ்டோக்ஸ், லீச், ஓவர்டோன் ஆகியோர் தலா 2 விக்கெட் வீழ்த்தினர்.

இதையடுத்து, 64 ரன்கள் பின்தங்கிய நிலையில் இங்கிலாந்து இரண்டாவது இன்னிங்சை ஆடியது. ஆட்டத்தின் பிற்பாதியில் மழை குறுக்கிட்டதால் ஆட்டம் முன்னதாகவே நிறுத்தப்பட்டடது. 4-ம் நாள் முடிவில் இங்கிலாந்து ஒரு விக்கெட் இழப்புக்கு 217 ரன்கள் எடுத்திருந்தது. கிராலே 117 ரன்னுடனும், ஜோ ரூட் 84 ரன்னுடனும் களத்தில் இருந்தனர்.

இந்நிலையில், கடைசி நாள் ஆட்டம் நேற்று நடந்தது. சிறப்பாக ஆடிய ஜோ ரூட் சதம் விளாசினார். கிராலே 121 ரன்னிலும், ரூட் 109 ரன்னிலும் அவுட்டாகினர். மற்ற வீரர்கள் சொற்ப ரன்களில் வெளியேறினர்.

இதனால் இங்கிலந்து இரண்டாவது இன்னிங்சில் 6 விக்கெட்டுக்கு 349 ரன்கள் எடுத்திருந்த நிலையில் டிக்ளேர் செய்தது.

இதைத்தொடர்ந்து, 286 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் களமிறங்கியது. தொடக்க வீரர்களான பிராத்வெயிட் 33 ரன்னிலும், காம்பெல் 22 ரன்னிலும் அவுட் ஆகினர். அடுத்துவந்த புரூக்ஸ் 5 ரன்னில் வெளியேறினார். 

இறுதியில் 5-ம் நாள் முடிவில் வெஸ்ட் இண்டீஸ் 4 விக்கெட்டுக்கு 147 ரன்கள் மட்டுமே எடுத்தது. அந்த அணியின் பானர் 38 ரன்னிலும், ஹோல்டர் 37 ரன்னிலும் களத்தில் இருந்தனர். இதனால் முதல் டெஸ்ட் போட்டி டிராவில் முடிந்தது.

ஆட்ட நாயகன் விருது வெஸ்ட் இண்டீஸ் வீரர் பானருக்கு வழங்கப்பட்டது. இரு அணிகளும் மோதும் 2-வது டெஸ்ட் போட்டி பார்படாசில் வரும் 16-ம் தேதி தொடங்குகிறது.