சிவகங்கை

காளையார்கோவில்:

சிவகங்கை மாவட்டம் காளையார்கோவில் அருகே உள்ள பருத்தி கண்மாய் கிராமம் அன்னை தெரசாள் நகரை சேர்ந்தவர் செபஸ்தியான் (வயது 61). ஓய்வுபெற்ற சத்துணவு அமைப்பாளர். இவரது மனைவி ஜெயராணி. மகன் ஜான்பீட்டர். இவர் தனியார் வங்கி மேலாளராக உள்ளார். இவருடைய மனைவி ஜான்சி கொல்லங்குடி உயர்நிலைப்பள்ளியில் ஆசிரியையாகவும் பணிபுரிந்து வருகின்றனர்.

நேற்று காலை ஜான்பீட்டர், ஜான்சி ஆகியோர் வேலைக்குச் சென்று விட்டனர். ஜெயராணி 100 நாள் திட்ட வேலைக்கு சென்று விட்டார். இதையடுத்து செபஸ்தியான் மதியம் 12.30 மணிக்கு வீட்டை பூட்டிவிட்டு சாவியை வீட்டின் முன்பு மறைவான இடத்தில் வைத்துவிட்டு வெளியே சென்றார்.

பின்னர் மாலை 3 மணிக்கு ஜெயராணி வீட்டிற்கு வந்தபோது, வீட்டின் முன்கதவு திறந்து கிடந்தது. உள்ளே சென்று பார்த்தபோது பீரோவில் இருந்த 30 பவுன் நகைகள், ரூ.9.75 லட்சத்தை காணவில்லை. வீட்டின் முன்பகுதியில் மறைவாக வைக்கப்பட்டு இருந்த சாவியை மர்ம ஆசாமிகள் எடுத்து கதவை திறந்துள்ளனர். பின்னர் உள்ளே சென்று பீரோவை திறந்து அதில் இருந்த நகை, பணத்தை கொள்ளையடித்து சென்றுள்ளனர்.

இந்த சம்பவம் குறித்து தகவல் அறிந்ததும் சிவகங்கை மாவட்ட போலீஸ் சூப்பிரண்டு செந்தில்குமார், துணை போலீஸ் சூப்பிரண்டு பால்பாண்டி, காளையார்கோவில் இன்ஸ்பெக்டர் சரவணன் ஆகியோர் சம்பவ இடத்திற்கு விரைந்து வந்து வீட்டில் இருந்தவர்களிடம் விசாரணை நடத்தினர். மேலும் மோப்பநாய் மூலமும் சோதனை நடத்தப்பட்டது.

மேலும் இந்த சம்பவம் குறித்து காளையார்கோவில் போலீசார் வழக்கு பதிவு விசாரித்து வருகின்றனர்.

பட்டப்பகலில் வங்கி மேலாளர் வீட்டில் நடந்த இந்த துணிகர கொள்ளை அந்த பகுதியில் பரபரப்பை ஏற்படுத்தி உள்ளது.

சிவகங்கை:

தோட்டக்கலை பயிர்களின் சாகுபடி பரப்பை அதிகரித்து விவசாயிகள் வருமானத்தை பெருக்கிட ஏதுவாக பல்வேறு திட்டங்கள் தோட்டக்கலை துறையின் மூலம் செயல்படுத்தப்பட்டு வருகிறது. இதில் தரிசு நிலத்தின் தங்கம் என்றழைக்கப்படும் முந்திரி சாகுபடிக்கு தேசிய வேளாண்மை வளர்ச்சி திட்டத்தின் மூலம் எக்டேருக்கு ரூ. 12 ஆயிரம் மானியம் வழங்கப்படுகிறது. 1 எக்டேருக்கு 204 எண்கள் முந்திரி ஒட்டு கன்றுகள் மானியத்தில் வழங்கப்படுகிறது.

ஒரு விவசாயி அதிகபட்சமாக 4 எக்டேர் வரையிலும் மானியம் பெற முடியும். மேலும் பிரதம மந்திரியின் நுண்ணீர் பாசன திட்டத்தின் மூலம் சொட்டுநீர் பாசனமும் அமைத்து முந்திரி சாகுபடியை செம்மையாக செய்ய இயலும்.

வறட்சியை தாங்கி வளரக்கூடிய முந்திரி சாகுபடி செய்ய விவசாயிகள் முன் வரவேண்டும். முந்திரி மகசூல் பெற நடவு செய்த நாளிலிருந்து 3 வருடங்கள் ஆகும். இந்த 3 ஆண்டுகளில் ஊடுபயிராக காய்கறி, பயறு வகைகளை பயிரிட்டு கூடுதல் லாபம் பெற முடியும்.

இத்திட்டத்தில் பயனடைய விரும்பும் விவசாயிகள் தங்களது நிலவுடமை ஆவணங்களுடன் ஆதார்அட்டை நகல், குடும்ப அட்டை நகல் மற்றும் பாஸ்போர்ட் அளவிலான புகைப்படம் இவற்றுடன் தங்கள் பகுதியில் உள்ள வட்டார, தோட்டக்கலை உதவி இயக்கனர் அலுவலகத்தை அணுகி பயன் பெறலாம்.

இவ்வாறு அதில் கூறப்பட்டுள்ளது.

காரைக்குடி:

சிவகங்கை மாவட்டம் காரைக்குடி மீனாட்சிபுரத்தை சேர்ந்த 15 வயது சிறுமி 9-ம் வகுப்பு படித்து வருகிறார். ஆன்லைன் வகுப்பிற்காக தாயார் கடந்த சில மாதங்களுக்கு முன் செல்போன் வாங்கி கொடுத்துள்ளர்.

அப்போது சிறுமிக்கும், சென்னையை சேர்ந்த கார்த்திகேயன் (21) என்பவருக்கும் கடந்த ஒரு மாதத்திற்கு முன்பு முகநூல் மூலம் பழக்கம் ஏற்பட்டுள்ளது. கார்த்திகேயன் தற்போது, திருப்பூர் காட்டன் மில்லில் பணிபுரிந்து வருவதாக கூறப்படுகிறது.

இந்த நிலையில் கடந்த 30-ந்தேதி கடைக்கு சென்ற சிறுமியை காணவில்லை என்று அவரது தாயார் காரைக்குடி போலீஸ் நிலையத்தில் புகார் அளித்தார்.

புகாரை பெற்ற போலீசார் சிறுமியை தேடி வந்த நிலையில், அவர் திருப்பூரில் இருப்பது கண்டு பிடிக்கப்பட்டது. உடனடியாக திருப்பூர் சென்ற போலீசார் சிறுமியை மீட்டு விசாரணை நடத்தினர்.

விசாரணையில் முகநூலில் பழகி ஆசை வார்த்தை கூறி கார்த்திகேயன் தன்னை திருமணம் செய்து கொண்டதாக அந்த சிறுமி தெரிவித்தார்.

இருவரையும் காரைக்குடி அழைத்து வந்த போலீசார் கார்த்திகேயனை போக்சோ சட்டத்தின் கீழ் கைது செய்து விசாரணை நடத்தி வருகின்றனர்.

காரைக்குடி:

சிவகங்கை மாவட்டம் காரைக்குடி மீனாட்சி புரத்தை சேர்ந்த 15 வயது சிறுமி 9-ம் வகுப்பு படித்து வருகிறார். ஆன்லைன் வகுப்பிற்காக தாயார் கடந்த சில மாதங்களுக்கு முன் செல்போன் வாங்கி கொடுத்துள்ளர்.

அப்போது சிறுமிக்கும், சென்னையை சேர்ந்த கார்த்திகேயன் (21) என்பவருக்கும் கடந்த ஒரு மாதத்திற்கு முன்பு முகநூல் மூலம் பழக்கம் ஏற்பட்டுள்ளது. கார்த்திகேயன் தற்போது, திருப்பூர் காட்டன் மில்லில் பணிபுரிந்து வருவதாக கூறப்படுகிறது.

இந்த நிலையில் கடந்த 30-ந் தேதி கடைக்கு சென்ற சிறுமியை காணவில்லை என்று அவரது தாயார் காரைக்குடி போலீஸ் நிலையத்தில் புகார் அளித்தார்.

புகாரை பெற்ற போலீசார் சிறுமியை தேடி வந்த நிலையில், அவர் திருப்பூரில் இருப்பது கண்டு பிடிக்கப்பட்டது. உடனடியாக திருப்பூர் சென்ற போலீசார் சிறுமியை மீட்டு விசாரணை நடத்தினர்.

விசாரணையில் முக நூலில் பழகி ஆசை வார்த்தை கூறி கார்த்திகேயன் தன்னை திருமணம் செய்து கொண்டதாக அந்த சிறுமி தெரிவித்தார்.

இருவரையும் காரைக்குடி அழைத்து வந்த போலீசார் கார்த்திகேயனை போக்சோ சட்டத்தின் கீழ் கைது செய்து விசாரணை நடத்தி வருகின்றனர்.

திருப்பத்தூர்:

திருப்பத்தூர் அருகே ஆ.தெக்கூர் செட்டி ஊரணிக்கரையை சேர்ந்தவர் ரவி. இவரது மனைவி வெள்ளையம்மாள் (வயது 36). இவருக்கும் பக்கத்து வீட்டுக்காரருக்கும் நேற்று தகராறு நடந்ததாக கூறப்படுகிறது. இதில் மனம் உடைந்த வெள்ளையம்மாள் வயலுக்கு சென்று குளிர்பானத்தில் விஷத்தை கலந்து குடித்து தற்கொலை செய்துகொண்டார்.

இது குறித்து தகவல் அறிந்ததும் நெற்குப்பை போலீஸ் சப்-இன்ஸ்பெக்டர் அய்யனார் தலைமையிலான போலீசார் விரைந்து சென்று அவரது உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். தொடர்ந்து போலீசார் விசாரணை நடத்தி வருகின்றனர்.