இது புதுசு

மாருதி சுசுகி ஜிம்னி 5-டோர் மாடல் ஆட்டோ எக்ஸ்போ 2023 நிகழ்வின் மூலம் சர்வதேச சந்தையில் அறிமுகம் செய்யப்பட்டு இருக்கிறது. உலகளவில் ஜிமினி 5-டோர் மாடல் முதன்முதலில் இந்தியாவில் விற்பனை செய்யப்பட இருக்கிறது. இந்திய சந்தையில் புதிய மாருதி சுசுகி ஜிம்னி 5-டோர் மாடல் மே மாத வாக்கில் விற்பனைக்கு வருகிறது. இந்தியாவில் உள்ள மாருதி சுசுகி குருகிராம் ஆலையில் உற்பத்தி செய்யப்படும் ஜிம்னி 5-டோர் மாடல் வெளிநாடுகளுக்கும் ஏற்றுமதி செய்யப்படுகிறது.

இந்தியாவில் புதிய மாருதி சுசுகி ஜிம்னி 5-டோர் மாடலுக்கான முன்பதிவு துவங்கி நடைபெற்று வருகிறது. மற்ற காம்பேக்ட் எஸ்யுவி மாடல்களை போன்று இல்லாமல், இந்தியாவுக்கான ஜிம்னி 5-டோர் மாடல் பெயருக்கு ஏற்றார் போல் ரக்கட் அம்சங்கள் கொண்ட ஆஃப் ரோடர் ஆகும். ஜிம்னி 5-டோர் நீளமான எஸ்யுவி மாடலின் அம்சங்கள் அதன் 3-டோர் வெர்ஷனில் உள்ளதை போன்றே வழங்கப்பட்டு இருக்கிறது.

நீண்ட வீல்பேஸ், இரண்டு கூடுதல் கதவுகள், ரிடிசைன் செய்யப்பட்ட ரியர் குவார்ட்டர் தவிர, ஜிம்னி 5-டோர் வெர்ஷன் சர்வதேச சந்தையில் விற்பனை செய்யப்படும் ஜிம்னி 3-டோர் வெர்ஷனை போன்றே காட்சியளிக்கிறது. புது மாடலில் அப்ரைட் பில்லர்கள், வட்ட வடிவம் கொண்ட ஹெட்லேம்ப்கள், ஸ்லாட் கிரில், அகலமான டயர்கள், ஃபிலேர்டு வீல் ஆர்ச்கள் வழங்கப்பட்டு இருக்கின்றன. அளவீடுகளை பொருத்தவரை புதிய ஜிம்னி மாடல் 3985mm நீளம், 2590mm வீல்பேஸ் கொண்டிருக்கிறத. இதன் உயரம் 1720mm, அகலம் 1645mm ஆக இருக்கிறது.

இந்த காரின் உள்புறம் ஆல்-பிளாக் தீம் ரக்கட் டிசைன், ஹை-மவுண்ட் செய்யப்பட்ட 9 இன்ச் டச் ஸ்கிரீன், HVAC கண்ட்ரோல்கள், வட்ட வடிவ டயல்கள், டேஷ்போர்டில் மவுண்ட் செய்யப்பட்ட கிராப் ஹேண்டில் வழங்கப்பட்டுள்ளது. இத்துடன் மாருதி சுசுகி நிறுவனத்தின் மாருதி ஸ்மார்ட்பிளே ப்ரோ பிளஸ் இன்ஃபோடெயின்மெண்ட் சிஸ்டம், வயர்லெஸ் ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி, ஆர்கமிஸ் சவுண்ட் சிஸ்டம் வழங்கப்படுகிறது.

என்ஜினை பொருத்தவரை புதிய மாருதி சுசுகி ஜிம்னி 5-டோர் மாடலில் புதிய K15C யூனிட் வழங்கப்பட்டு இருக்கிறது. இத்துடன் 4 ஸ்பீடு டார்க் கன்வெர்ட்டர் ஆட்டோமேடிக் அல்லது 5 ஸ்பீடு மேனுவல் கியர்பாக்ஸ் வழங்கப்படுகிறது. இந்த என்ஜின் 105 ஹெச்பி பவர், 134 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. ஆஃப் ரோடர் என்பதால் இந்த காரில் 4WD சிஸ்டம் வழங்கப்பட்டு இருக்கிறது.

பிஒய்டி நிறுவனம் தனது பிஒய்டி அட்டோ 3 எலெக்ட்ரிக் காரின் ஸ்பெஷல் எடிஷன் மாடலை ஆட்டோ எக்ஸ்போ 2023 நிகழ்வில் அறிமுகம் செய்தது. புதிய அட்டோ 3 ஸ்பெஷல் எடிஷன் மாடல் பிரத்யேகமாக ஃபாரஸ்ட் கிரீன் நிறத்தில் கிடைக்கிறது. பிஒய்டி அட்டோ 3 ஸ்பெஷல் எடிஷன் மாடலின் விலை ரூ. 34 லட்சத்து 49 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த கார் மொத்தத்தில் 1200 யூனிட்கள் மட்டுமே உற்பத்தி செய்யப்பட இருக்கிறது.

புதிய பிஒய்டி அட்டோ 3 மாடல் இ பிளாட்ஃபார்ம் 3.0 சார்ந்து உருவாக்கப்பட்டு இருக்கிறது. இதில் உள்ள பெர்மணன்ட் மேக்னட் சின்க்ரோனஸ் மோட்டார் 60.48 கிலோவாட் ஹவர் பிலேடு பேட்டரி கொண்டிருக்கிறது. இந்த செட்டப் 201 ஹெச்பி பவர், 310 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த கார் மணிக்கு 0 முதல் 100 கிலோமீட்டர் வேகத்தை 7.3 நொடிகளில் எட்டிவிடும்.

ARAI பரிசோதனைகளில் இந்த கார் முழு சார்ஜ் செய்தால் 521 கிலோமீட்டர் ரேன்ஜ் வழங்கும் என அறிவிக்கப்பட்டு இருக்கிறது. இதனுடன் வரும் ஃபாஸ்ட் சார்ஜிங் கொண்டு இந்த காரை 0 முதல் 80 சதவீதம் வரை சார்ஜ் செய்ய 50 நிமிடங்களே ஆகும். வழக்கமான AC சார்ஜர் பயன்படுத்தும் போது இந்த காரை சார்ஜ் செய்ய் 9.5 முதல் 10 மணி நேரம் வரை ஆகும்.

அளவீடுகளை பொருத்தவரை பிஒய்டி அட்டோ 3 மாடல் 4455mm நீளம், 1875mm அகலம், 1615mm உயரம் கொண்டுள்ளது. இதன் வீல்பேஸ் 2720mm ஆகும். இதன் கிரவுண்ட் கிளியரன்ஸ் 175mm அளவில் உள்ளது. இந்த காரின் முன்புறம் க்ரிஸ்டல் எல்இடி ஹெட்லைட்கள், ஸ்போர்ட் வீல் ஹப்கள், பின்புறம் ஒற்றை பீஸ் எல்இடி டெயில் லைட் வழங்கப்பட்டு இருக்கிறது.

பிஎம்டபிள்யூ இந்தியா நிறுவனம் 2023 3 சீரிஸ் கிரான் லிமோசின் ஃபேஸ்லிஃப்ட் மாடலை இந்திய சந்தையில் அறிமுகம் செய்தது. புதிய பிஎம்டபிள்யூ 3 சீரிஸ் கிரான் லிமோசின் ஃபேஸ்லிஃப்ட் மாடலின் விலை ரூ. 57 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. 2021 ஜனவரி வாக்கில் அறிமுகம் செய்யப்பட்ட ஆடம்பர செடான் மாடல் தற்போது முதல் முறையாக அப்டேட் செய்யப்பட்டு இருக்கிறது.

மாற்றங்களை பொருத்தவரை தோற்றத்தில் புது காரில் ரிடிசைன் செய்யப்பட்ட ஹெட்லேம்ப்கள், ட்வீக் செய்யப்பட்ட கிரில் வழங்கப்பட்டுள்ளது. பம்ப்பர்கள் மாற்றப்பட்டு, புதிய அலாய் வீல்கள், பின்புறம் டெயில் லேம்ப்கள் மாற்றப்பட்டு இருக்கிறது. உள்புறம் i4 செடான் மாடலை போன்றே காட்சியளிக்கிறது. ரிடிசைன் செய்யப்பட்ட டேஷ்போர்டு, வளைந்த டிஸ்ப்ளே, டிஜிட்டல் இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. இந்த காரின் ஏசி வெண்ட்களும் ரிடிசைன் செய்யப்பட்டுள்ளது.

உள்புறம் வளைந்த டூயல் ஸ்கிரீன் செட்டப் உள்ளது. இது 12.3 இன்ச் மற்றும் 14.9 இன்ச் ஃபிரேம்லெஸ் இன்ஃபோடெயின்மெண்ட் ஸ்கிரீன் வழங்கப்பட்டு இருக்கிறது. இதில் பிஎம்டபிள்யூ நிறுவனத்தின் அதிநவீன ஒஎஸ் 8 உள்ளது. இதன் செண்டர் கன்சோல் டிசைனில் வழக்கமான கியர் லீவருக்கு மாற்றாக கியர் ஸ்விட்ச் வழங்கப்பட்டு இருக்கிறது. இத்துடன் பவர்டு சீட்கள், பானரோமிக் சன்ரூஃப், லெதர் இருக்கை மேற்கவர்கள், ஹார்மன் கார்டன் ஸ்டீரியோ சிஸ்டம் மற்றும் பார்கிங் அசிஸ்டண்ட் உள்ளது.

என்ஜினை பொருத்தவரை புதிய பிஎம்டபிள்யூ 3 சீரிஸ் கிரான் லிமோசின் ஃபேஸ்லிஃப்ட் மாடலில் எவ்வித மாற்றமும் மேற்கொள்ளப்படவில்லை. அதன்படி புது காரில் 330i மற்றும் 320d மாடலில் உள்ளதை போன்ற 2.0 லிட்டர், நான்கு சிலிண்டர் பெட்ரோல் மற்றும் டீசல் என்ஜின் வழங்கப்பட்டு இருக்கிறது.

இதன் 330i மாடலின் 2.0 லிட்டர் பெட்ரோல் என்ஜின் 254 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. இதன் 320d டீசல் எனஜின் 187 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்பட்டு இருக்கிறது. இந்த மாடலின் விலை தற்போதைய வெர்ஷனை விட சற்று அதிகமாகவே நிர்ணயம் செய்யப்படும்.

ஹோண்டா கார்ஸ் இந்தியா லிமிடெட் நிறுவனம் தனது புது எஸ்யுவி மாடலுக்கான டீசரை வெளியிட்டு உள்ளது. புதிய ஹோண்டா எஸ்யுவி வரும் மாதங்களில் வெளியாக இருக்கிறது. விற்பனை கோடை காலத்தில் துவங்கும் என எதிர்பார்க்கலாம். இந்த எஸ்யுவி மாடல் ஹோண்டா ஆசியா பசிபிக் R&D லிமிடெட் நிறுவனத்தில் டிசைன் செய்யப்பட்டு இருக்கிறது.

இந்திய வாடிக்கையாளர்களின் மாறி வரும் வாழ்க்கை சூழல் மற்றும் எதிர்பார்ப்பு உள்ளிட்டவைகளை அறிந்து கொள்ள ஹோண்டா நிறுவனம் ஏராளமான ஆய்வுகளை நடத்தியது. இதன் தொடர்ச்சியாகவே புது எஸ்யுவி உருவாக்கப்பட்டு இருக்கிறது. டீசரின் படி புது எஸ்யுவி பிரமாண்ட தோற்றம், ஹை-ரைடிங் பொனெட், மெல்லிய எல்இடி டேடைம் ரன்னிங் லைட்களின் கீழ் மெல்லிய ஹெட்லைட்கள் இடம்பெறுகிறது.

இத்துடன் பிரமாண்ட கிரில், ஃபிலார்டு வீல் ஆர்ச்கள், பிளாஸ்டிக் கிலாடிங், ரூஃப் ரெயில்கள் உள்ளிட்டவை வழங்கப்பட்டு இருக்கிறது. இந்த எஸ்யுவி மாடல் இந்திய சந்தைக்காக விசேஷமாக டிசைன் செய்யப்பட்டு, உருவாக்கப்பட்டு இருக்கிறது. அந்த வகையில், இந்த கார் அமேஸ் மாடல் உருவாக்கப்பட்ட பிளாட்ஃபார்மிலேயே உருவாகி இருக்கும் என எதிர்பார்க்கலாம். இதோடு ஹோண்டா நிறுவனம் அமேஸ் மாடலின் டீசல் வேரியண்ட்களை சமீபத்தில் நிறுத்தியது.

பிஎம்டபிள்யூ நிறுவனம் இந்திய சந்தையில் தனது 3 சீரிஸ் கிரான் லிமோசின் ஃபேஸ்லிஃப்ட் மாடலை ஜனவரி 10 ஆம் தேதி அறிமுகம் செய்ய இருக்கிறது. புதிய காரில் மேம்பட்ட நீண்ட வீல்பேஸ், காஸ்மெடிக் மாற்றங்கள், கூடுதல் உபகரணங்கள் வழங்கப்படுகிறது. M340i ஃபேஸ்லிஃப்ட் மாடலில் உள்ளதை போன்ற அப்டேட்கள் புது காரிலும் செய்யப்பட்டு இருக்கிறது. அதன்படி புது காரில் ரிடிசைன் செய்யப்பட்ட ஹெட்லேம்ப்கள், ட்வீக் செய்யப்பட்ட கிரில் வழங்கப்பட்டுள்ளது.

பம்ப்பர்கள் மாற்றப்பட்டு, புதிய அலாய் வீல்கள், பின்புறம் டெயில் லேம்ப்கள் மாற்றப்பட்டு இருக்கிறது. உள்புறம் i4 செடான் மாடலை போன்றே காட்சியளிக்கிறது. ரிடிசைன் செய்யப்பட்ட டேஷ்போர்டு, வளைந்த டிஸ்ப்ளே, செண்ட்ரல் இன்ஃபோடெயின்மெண்ட் டச் ஸ்கிரீன், டிஜிட்டல் இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. இந்த காரின் ஏசி வெண்ட்களும் ரிடிசைன் செய்யப்பட்டுள்ளது.

புதிய பிஎம்டபிள்யூ 3 சீரிஸ் கிரான் லிமோசின் ஃபேஸ்லிஃப்ட் மாடலில் எவ்வித மாற்றமும் மேற்கொள்ளப்படவில்லை. அதன்படி புது காரில் 330i மற்றும் 320d மாடலில் உள்ளதை போன்ற 2.0 லிட்டர், நான்கு சிலிண்டர் பெட்ரோல் மற்றும் டீசல் என்ஜின் வழங்கப்பட்டு இருக்கிறது. இதன் 330i மாடலின் 2.0 லிட்டர் பெட்ரோல் என்ஜின் 254 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது.

இதன் 320d டீசல் எனஜின் 187 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்பட்டு இருக்கிறது. இந்த மாடலின் விலை தற்போதைய வெர்ஷனை விட சற்று அதிகமாகவே நிர்ணயம் செய்யப்படும்.

மெர்சிடிஸ் பென்ஸ் நிறுவனம் இந்திய சந்தையில் புதிய AMG E53 4மேடிக்+ கப்ரியோலெட் மாடலை அறிமுகம் செய்தது. புதிய மெர்சிடிஸ் AMG E53 காரின் விலை ரூ. 1 கோடியே 30 லட்சம், எக்ஸ்-ஷோரூம் என துவங்குகிறது. இரு கதவுகள் கொண்ட சாஃப்ட்-டாப் E கிலாஸ் மாடல் ஏற்கனவே விற்பனை செய்யப்படும் E53 செடான் மாடலின் பெரும்பாலான அம்சங்களை கொண்டிருக்கிறது.

அந்த வகையில் ஃபேப்ரிக் ரூஃப், பின்புற கதவுகள் நீக்கப்பட்டு, தனித்துவம் மிக்க ரியர் டிசைன் உள்ளிட்டவை புதிய AMG E53 4மேடிக்+ கப்ரியோலெட் மாடலிலும் உள்ளது. புதிய கப்ரியோலெட் விலை AMG E53 செடான் மாடலை விட ரூ. 24 லட்சம் வரை அதிகம் ஆகும். இந்தியாவில் அறிமுகமாகி இருக்கும் நான்காவது 53 பேட்ஜ் செய்யப்பட்ட மாடலாகவும், முதல் கப்ரியோலெட் மாடலாகவும் அமைந்துள்ளது.

மற்ற AMG மாடல்களை போன்றே புதிய E53 மாடலிலும் மெர்சிடிஸ் பாரம்பரியம் மிக்க பானாமெரிகானா கிரில், எல்இடி ஹெட்லேம்ப்கள், பிராமண்ட பம்ப்பர் உள்ளது. கப்ரியோலெட் மாடல் அதன் இரு கதவுகள் கொண்ட லே-அவுட் மற்றும் மடிக்கக்கூடிய சாஃப்ட்-டாப் மூலம் தனித்துவ தோற்றம் பெற்று இருக்கிறது. இதன் பின்புறம் நீண்ட டெக், மெல்லிய டெயில் லேம்ப்கள் வழங்கப்பட்டுள்ளன.

மெர்சிடிஸ் AMG E53 4மேடிக்+ கப்ரியோலெட் மாடல்- அப்சிடியன் பிளாக், ஸ்லெனைட் கிரே, டெசிக்னோ ஒபலைட் வைட் பிரைட், டிசைனோ ஸ்பெக்ட்ரல் புளூ மேக்னோ மற்றும் டிசைனோ படகோனியா ரெட் பிரைட் என ஐந்து விதமான நிறங்களில் கிடைக்கிறது. உள்புறம் ஒற்றை டிஸ்ப்ளே டிஜிட்டல் இன்ஸ்ட்ரூமெண்ட் கிளஸ்டர் மற்றும் செண்ட்ரல் டச் ஸ்கிரீன் போன்று செயல்படுகிறது.

புதிய AMG E53 காரில் 3.0 லிட்டர், டர்போசார்ஜ் செய்யப்பட்ட, இன்-லைன் 6 சிலிண்டர்கள் கொண்ட பெட்ரோல் என்ஜின், 48 வோல்ட் மைல்டு ஹைப்ரிட் சிஸ்டம் வழங்கப்பட்டு இருக்கிறது. இந்த என்ஜின் 430 ஹெச்பி பவர், 520 நியூட்டன் மீட்டர் டார்க் இழுவிசையை வெளிப்படுத்துகிறது. இதன் 48 வோல்ட் சிஸ்டம் 21 ஹெச்பி பவர், 250 நியூட்டன் மீட்டர் டார்க் பூஸ்ட் வழங்குகிறது.

இத்துடன் 9 ஸ்பீடு ஆட்டோமேடிக் கியர்பாக்ஸ் வழங்கப்பட்டு இருக்கிறது. இந்த கார் மணிக்கு 0 முதல் 100 கிலோமீட்டர் வேகத்தை 4.5 நொடிகளில் எட்டிவிடும். மேலும் மணிக்கு அதிகபட்சம் 250 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு இருக்கிறது.

இந்திய சந்தையில் சீன எலெக்ட்ரிக் வாகன உற்பத்தியாளாரான பிஒய்டி எலெக்ட்ரிக் எம்பிவி மற்றும் எலெக்ட்ரிக் எஸ்யுவி மாடல்களை விற்பனை செய்து வருகிறது. e6 எம்பிவி மற்றும் அட்டோ 3 மாடல்கள் வரிசையில் பிஒய்டி நிறுவனம் மற்றொரு எலெக்ட்ரிக் காரை அறிமுகம் செய்ய இருக்கிறது. புதிய பிஒய்டி எலெக்ட்ரிக் கார் 2023 ஆட்டோ எக்ஸ்போ நிகழ்வில் காட்சிக்கு வைக்கப்படுகிறது.

2023 ஆட்டோ எக்ஸ்போ நிகழ்வு ஜனவரி 13 ஆம் தேதி துவங்கி ஜனவரி 18 ஆம் தேதி வரை நடைபெற இருக்கிறது. இந்த நிகழ்வில் புதிய பிஒய்டி எலெக்ட்ரிக் செடான் மாடல் காட்சிப்படுத்தப்படுகிறது. ஏற்கனவே பல்வேறு சர்வதேச சந்தைகளில் பிஒய்டி சீல் மாடல் விற்பனை செய்யப்படுகிறது. இந்த கார் ஓஷன் எக்ஸ் கான்செப்ட்-ஐ தழுவி உருவாக்கப்பட்டு இருக்கிறது. இந்த எலெக்ட்ரிக் கார் ஸ்கேட்போர்டு பிளாட்ஃபார்மில் உருவாக்கப்படுகிறது.

பிஒய்டி சீல் மாடல் 4.80 மீட்டர் நீளம், 1.87 மீட்டர் அகலம், 1.46 மீட்டர் உயரம் மற்றும் 2.92 மீட்டர் வீல்பேஸ் கொண்டிருக்கிறது. இந்த எலெக்ட்ரிக் செடான் மாடல் வெளிப்புறத்தில் முன்புற டிப்பிங் பொனெட், கூர்மையான ஹெட்லேம்ப் கிளஸ்டர், கூப் போன்ற ரூஃப்லைன், பக்கவாட்டுகளில் கேரக்டர் லைன், ஸ்போர்ட் அலாய் வீல்கள், ஸ்மார்ட் டோர் ஹேண்டில்கள், ஷார்ட் ஒவர்ஹேங், பிரமாண்ட பம்ப்பர், அகலமான ஏர் இண்டேக், பூமராங் வடிவ எல்இடி டிஆர்எல்கள், ஃபுல் விட்த் எல்இடி லைட் பார் வழங்கப்படுகிறது.

புதிய பிஒய்டி சீல் மாடலில் 61.4 கிலோவாட் ஹவர் மற்றும் 82.5 கிலோவாட் ஹவர் பேட்டரி பேக்குகள் வழங்கப்படுகின்றன. இவற்றில் சிறிய பேட்டரி முழு சார்ஜ் செய்தால் 550 கிலோமீட்டர்களும், பெரிய பேட்டரி 700 கிலோமீட்டர்களும் செல்லும் திறன் கொண்டிருக்கின்றன. இவை சிங்கில் மற்றும் டூயல் மோட்டார் வடிவில் சர்வதேச சந்தையில் விற்பனை செய்யப்படுகின்றன.

எம்ஜி மோட்டார் இந்தியா நிறுவனம் தனது புது எலெக்ட்ரிக் ஹேச்பேக் காருக்கான டீசரை வெளியிட்டு உள்ளது. புதிய எம்ஜி 4 எலெக்ட்ரிக் ஹேச்பேக் மாடல் 2023 ஆட்டோ எக்ஸ்போ நிகழ்வில் அறிமுகம் செய்யப்பட இருக்கிறது. ஜனவரி 11 ஆம் தேதி ஆட்டோ எக்ஸ்போ நிகழ்வில் எம்ஜி இந்தியா ஸ்டாலில் எம்ஜி 4 கார் காட்சிக்கு வைக்கப்படுகிறது. சர்வதேச சந்தையில் இந்த மாடல் ஏற்கனவே அறிமுகம் செய்யப்பட்டு விட்டது.

புதிய எம்ஜி 4 மட்டுமின்றி எம்ஜி ஏர் சிட்டி EV மற்றும் புதிய 2023 ஹெக்டார் போன்ற கார்களையும் எம்ஜி நிறுவனம் 2023 ஆட்டோ எக்ஸ்போ நிகழ்வில் காட்சிக்கு வைக்கிறது. இந்த எலெக்ட்ரிக் கார் எம்ஜி மோட்டார்ஸ் நிறுவனத்தின் மாட்யுலர் ஸ்கேலபில் பிளாட்ஃபார்ம் பேட்டரி ஆர்கிடெக்ச்சரில் உருவாக்கப்பட்டு இருக்கிறது. இந்த புது பிளாட்ஃபார்மில் உருவாகி இருக்கும் முதல் கார் இது ஆகும்.

அளவீடுகளை பொருத்தவரை இந்த கார் 4287mm நீளம், 1836mm அகலம், 1506mm உயரம் மற்றும் 2705mm வீல்பேஸ் கொண்டிருக்கிறது. தோற்றத்தில் எம்ஜி 4 எலெக்ட்ரிக் கிராஸ் ஒவர்-எஸ்கியூ டிசைன், பிரம்மாண்ட ஸ்டைலிங், எல்இடி லைட்டிங், ஸ்போர்ட் அலாய் வீல்கள் மற்றும் கூர்மையான கேரக்டர் லைன்கள் வழங்கப்படுகிறது. எம்ஜி 4 கேபினில் ஃபுளோடிங் டிஸ்ப்ளே, 10.25 இன்ச் டச் ஸ்கிரீன் யூனிட், 7 இன்ச் டிஜிட்டல் இன்ஸ்ட்ரூமெண்ட் கிளஸ்டர் உள்ளது.

இத்துடன் சழலும் வகையிலான டயல், வயர்லெஸ் சார்ஜிங் பேட், 360 டிகிரி கேமரா, ADAS மற்றும் பல்வேறு அம்சங்கள் வழங்கப்படுகிறது. கடந்த ஆண்டு ஜூலை மாத வாக்கில் எம்ஜி 4 மாடல் சர்வதேச சந்தையில் அறிமுகம் செய்யப்பட்டது. இதில் 168 ஹெச்பி பவர் வெளிப்படுத்தும் 51 கிலோவாட் ஹவர் பேட்டரி வழங்கப்பட்டு இருக்கிறது. இத்துடன் 202 ஹெச்பி திறன் கொண்ட 64 கிலோவாட் ஹவர் பேட்டரியும் உள்ளது.

ஸ்கோடா நிருவனத்தின் ஆக்டேவியா RS மாடல் மீண்டும் இந்திய சந்தையில் அறிமுகம் செய்யப்பட இருக்கிறது. அதிக சக்திவாய்ந்த RS மாடல் முற்றுலும் புது தோற்றத்தில் அறிமுகமாகும் என தகவல் வெளியாகி உள்ளது. முன்பை போன்றே இந்த கார் முழுமையாக இறக்குமதி செய்யப்படும் என கூறப்படுகிறது. அந்த வகையில் இந்த காரின் விலை சற்று அதிகமாகவே இருக்கும்.

முன்னதாக ஆக்டேவியா RS சீரிஸ் பெட்ரோல் என்ஜினுடன் மட்டும் கிடைத்தது. தற்போது இந்தியாவில் முதல் முறையாக ஆக்டேவியா RS மாடல் பிளக்-இன் ஹைப்ரிட் பவர்டிரெயின் ஆப்ஷனில் கிடைக்கும் என தெரியவந்துள்ளது. இந்த காரிலும் 1.4 லிட்டர் TSI டர்போ பெட்ரோல் என்ஜின் மற்றும் எலெக்ட்ரிக் மோட்டார் வழங்கப்படுகிறது. இவை இணைந்து 245 பிஎஸ் பவர் வெளிப்படுத்தும் திறன் கொண்டுள்ளன.

புதிய ஆக்டேவியா பெட்ரோல் ஹைப்ரிட் கார் வடிவில் மட்டுமே விற்பனை செய்யப்பட இருக்கிறது. இந்த கார் மணிக்கு 0 முதல் 100 கிலோமீட்டர் வேகத்தை 7.3 நொடிகளில் எட்டிவிடும். இந்த காரில் 13 கிலோவாட் ஹவர் பேட்டரி பேக் வழங்கப்பட்டு இருக்கிறது. இதன் காரணமாக பிக்கப் பெருமளவு சரிவடைந்துள்ளது.

ஸ்கோடா ஆக்டேவியா RS245 மாடல் தற்போதைய மாடலை விட அதிக விலை கொண்டிருக்கும் என கூறப்படுகிறது. தற்போதைய ஆக்டேவியா மாடலின் விலை ரூ. 36 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இத்தகைய மாடல்களுக்கு போட்டியாக அமையும்.

ஆட்டோ எக்ஸ்போ 2023 நிகழ்வில் டொயோட்டா நிறுவனம் இன்னோவா ஹைகிராஸ் மற்றும் LC300 போன்ற மாடல்களை காட்சிக்கு வைக்க திட்டமிட்டுள்ளது. இரு மாடல்களும் கவனத்தை ஈர்க்கும் என்பதில் எவ்வித சந்தேகமும் இருக்க முடியாது. எனினும், இரு கார்கள் மட்டுமின்றி டொயோட்டா நிறுவனம் தனது GR மாடலை முதல் முறையாக இந்தியாவில் காட்சிக்கு வைக்க முடிவு செய்து இருப்பதாக தகவல் வெளியாகி உள்ளது.

டொயோட்டா GR கொரோலா மாடல் சர்வதேச சந்தையில் ஏற்கனவே விற்பனை செய்யப்பட்டு வரும் கொரோலா ஹேச்பேக் மாடலை தழுவி உருவாக்கப்பட்டு இருக்கிறது. இந்த காரின் பெர்ஃபார்மன்ஸ் வெர்ஷன் டொயோட்டா GR (கசூ ரேசிங்) பெர்ஃபார்மன்ஸ் பிரிவு மூலம் அதிகளவு மாற்றங்களை எதிர்கொண்டு இருக்கிறது. GR கொரோலா மாடல் டொயோட்டா நிறுவனத்தின் TNGA பிளாட்ஃபார்மில் உருவாக்கப்பட்டு இருக்கிறது.

இந்த ஹேச்பேக் மாடலில் 1.6 லிட்டர், மூன்று சிலிண்டர்கள் கொண்ட, சிங்கில் ஸ்கிரால் டர்போசார்ஜ் செய்யப்பட்ட என்ஜின் வழங்கப்பட்டு இருக்கிறது. இந்த என்ஜின் 304 ஹெச்பி பவர், 370 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இது சமீபத்தில் அறிமுகம் செய்யப்பட்ட மெர்சிடிஸ் AMG A35 மாடலுக்கு இணையான செயல்திறன் ஆகும். எனினும், மெர்சிடிஸ் மாடலில் 2.0 லிட்டர் என்ஜின் உள்ளது.

டொயோட்டா GR கொரோலா மாடலில் உள்ள என்ஜின் ட்ரிபில்-எக்சிட் எக்சாஸ்ட், மல்டி-ஆயிர் ஜெட் பிஸ்டன் கூலிங் சிஸ்டம், பெரிய எக்சாஸ்ட் வால்வுகள், பார்ட்-மெஷின்டு இண்டேக் போர்ட் வழங்கப்பட்டு இருக்கிறது. இந்த என்ஜினுடன் 6 ஸ்பீடு மேனுவல் கியர்பாக்ஸ் உள்ளது. இந்த கார் மணிக்கு 0 முதல் 100 கிலோமீட்டர் வேகத்தை ஐந்து நொடிகளுக்குள் எட்டிவிடும் திறன் கொண்டிருக்கிறது.

மஹிந்திரா நிறுவனம் சமீபத்தில் மஹிந்திரா XUV400 மாடலை இந்திய சந்தையில் அறிமுகம் செய்தது. இது சக்திவாய்ந்த எலெக்ட்ரிக் எஸ்யுவி மாடல் ஆகும். மஹிந்திராவின் புதிய XUV400 எலெக்ட்ரிக் எஸ்யுவி விலை மற்றும் வெளியீடு அடுத்த மாதம் நடைபெற இருக்கிறது. மேலும் இந்த காரின் டெஸ்ட் டிரைவ் விரைவில் துவங்க இருக்கிறது. இதைத் தொடர்ந்து வினியோகம் பிப்ரவரி மாத இறுதியிலோ அல்லது மார்ச் மாதத்திலோ துவங்கும்.

புதிய மஹிந்திரா XUV400 மாடல் பேஸ், EP மற்றும் EL என மூன்று வேரியண்ட்களில் கிடைக்கிறது. இவற்றின் விலை ரூ. 17 லட்சத்தில் துவங்கும் என கூறப்படுகிறது. இந்த கார் டாடா நெக்சான் EV மற்றும் எம்ஜி ZS EV போன்ற மாடல்களுக்கு போட்டியாக அமையும். மஹந்திரா XUV400 மாடல் மணிக்கு 100 கிலோமீட்டர் வேகத்தை 8.3 நொடிகளில் எட்டிவிடும். மேலும் இதன் அதிகபட்ச வேகம் மணிக்கு 150 கிலோமீட்டர்களாக கட்டுப்படுத்தப்பட்டு இருக்கிறது.

இந்த மாடலில் 39.5 கிலோவாட் ஹவர் பேட்டரி பேக் வழங்கப்பட்டுள்ளது. இதில் உள்ள பேட்டரி பேக் மற்றும் ஒற்றை மோட்டார் பவர்டிரெயின் 148 ஹெச்பி பவர், 310 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த கார் முழு சார்ஜ் செய்தால் 456 கிலோமீட்டர் வரை செல்லும். இதனுடன் 3.3 கிலோவாட்/16A ஹோம் சார்ஜர், 7.2 கிலோவாட்/32A ஃபாஸ்ட் சார்ஜர் மற்றும் DC ஃபாஸ்ட் சார்ஜர் வழங்கப்படுகிறது.

மஹிந்திரா XUV400 காரை DC ஃபாஸ்ட் சார்ஜர் மூலம் சார்ஜ் செய்ய 50 நிமிடங்களே ஆகும். ஹோம் சார்ஜர் கொண்டு சார்ஜ் செய்ய 13 மணி நேரங்கள் ஆகும். இந்த கார் ஃபன், ஃபாஸ்ட் மற்றும் ஃபியர்லெஸ் என மூன்று வித ரைடிங் மோட்களை கொண்டிருக்கிறது. இந்த காரில் ஏராளமான அம்சங்கள், கனெக்டெட் கார் தொழில்நுட்பம், ஆட்டோமேடிக் கிளைமேட் கண்ட்ரோல், சன்ரூஃப், புஷ் பட்டன் ஸ்டார்ட் வழங்கப்பட்டு இருக்கிறது.

மாருதி சுசுகி நிறுவனம் முற்றிலும் புதிய எஸ் பிரெஸ்ஸோ லிமிடெட் எடிஷன் மாடலை அறிமுகம் செய்து இருக்கிறது. புதிய லிமிடெட் எடிஷன் மாடல் எஸ் பிரெஸ்ஸோ Xtra என அழைக்கப்படுகிறது. புதிய எஸ் பிரெஸ்ஸோ Xtra மாடலின் விலை விவரங்கள் பின்னர் அறிவிக்கப்பட உள்ளன.

வெளிப்புறம் புதிய எஸ் பிரெஸ்ஸோ Xtra மாடலில் முன்புற ஸ்கிட் பிலேட், டோர் கிலாடிங், முன்புறம் அப்பர் கிரில், வீல் ஆர்ச் கிலாடிங் உள்ளிட்டவை வழங்கப்பட்டுள்ளன. இந்த கார் வழக்கமான எஸ் பிரெஸ்ஸோ மாடல் கிடைக்கும் அனைத்து நிறங்களிலும் கிடைக்கும் என தெரிகிறது. உள்புறம் ஆல் பிளாக் இண்டீரியர் தீம் செய்யப்பட்டு, புதிய இருக்கை கவர்கள் வழங்கப்பட்டுள்ளன.

இத்துடன் டோர் பேட், ஏசி வெண்ட், செண்டர் கன்சோல் மற்றும் புதிய கால் மிதி உள்ளிட்டவைகளில் காண்டிராஸ்ட் ரெட் நிற அக்செண்ட்கள் செய்யப்பட்டு உள்ளன. மாருதி சுசுகி எஸ் பிரெஸ்ஸோ Xtra மாடலில் 1.0 லிட்டர், மூன்று சிலிண்டர்கள் கொண்ட K10C பெட்ரோல் என்ஜின் வழங்கப்பட்டு இருக்கிறது. இந்த என்ஜின் 66 ஹெச்பி பவர், 89 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல் யூனிட் மற்றும் AMT யூனிட் வழங்கப்படுகிறது.