இது புதுசு

ஆடம்பர கார் உற்பத்தியாளரான லம்போர்கினி தனது எண்ட்ரி லெவல் உருஸ் S மாடலை விரைவில் இந்திய சந்தையில் அறிமுகம் செய்ய இருக்கிறது. புதிய எஸ்யுவி மாடல் அந்நிறுவனம் ஏற்கனவே விற்பனை செய்து வரும் உருஸ் எஸ்யுவி-க்கு மாற்றாக அறிமுகம் செய்யப்பட உள்ளது. அடுத்த மாதம் அறிமுகம் செய்யப்பட இருக்கும் நிலையில், புதிய மாடல் உருஸ் பெர்ஃபோர்மண்ட் எஸ்யுவி-யின் கீழ் நிலைநிறுத்தப்படும் என தெரிகிறது.

இந்திய சந்தையில் லம்போர்கினி நிறுவனத்தின் அதிகம் விற்பனையாகும் கார் மாடலாக லம்போர்கினி உருஸ் நீடிக்கிறது. கடந்த ஆண்டு லம்போர்கினி விற்பனை செய்த ஒட்டுமொத்த கார்களில் 50 சதவீதத்திற்கும் அதிகமாக உருஸ் எஸ்யுவி யூனிட்கள் இருந்தன. கடந்த ஆண்டு மட்டும் லம்போர்கினி நிறுவனம் 200-க்கும் அதிக உருஸ் மாடல்களை விற்பனை செய்து இருக்கிறது.

சர்வதேச சந்தையில் லம்போர்கினி உருஸ் S மாடல் கடந்த ஆண்டு செப்டம்பர் மாதம் அறிமுகம் செய்யப்பட்டது. புதிய உருஸ் S மாடல் உருஸ் பெர்ஃபார்மண்ட் எஸ்யுவி-யை தழுவி உருவாக்கப்பட்டு இருக்கிறது. இதில் ரிடிசைன் செய்யப்பட்ட முன்புறம் மற்றும் பின்புற பம்ப்பர்கள் வழங்கப்பட்டுள்ளன. இதன் பின்புறம் குவாட் எக்சாஸ்ட் அவுட்லெட்கள், வெண்டெட் பொனெட் மற்றும் கார்பன் ஃபைபர் ரூஃப் உள்ளன.

இந்த எஸ்யுவி மாடலில் டூயல் டோன் இண்டீரியர் தீம், செயற்கைக்கோள் சார்ந்த நேவிகேஷன், ஆப்பிள் கார்பிளே, ஆண்ட்ராய்டு ஆட்டோ மற்றும் டிஜிட்டல் கார் கீ உள்ளிட்டவை வழங்கப்பட்டு இருக்கிறது.

லம்போர்கினி உருஸ் S மாடலில் 4.0 லிட்டர் டுவின் டர்போசார்ஜ் செய்யப்பட்ட வி8 என்ஜின் வழங்கப்பட்டுள்ளது. இந்த எஞ்சின் 666 ஹெச்பி பவர், 850 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

மாருதி சுசுகி நிறுவனம் பிரெஸ்ஸா CNG மாடலை இந்திய சந்தையில் அறிமுகம் செய்தது. புதய மாருதி சுசுகி பிரெஸ்ஸா விலை ரூ. 9 லட்சத்து 14 ஆயிரம், எக்ஸ்-ஷோரூம் என துவங்குகிறது. முன்னதாக 2023 ஆட்டோ எக்ஸ்போ நிகழ்வில் காட்சிப்படுத்தப்பட்ட நிலையில் இந்த எஸ்யுவி மாடல் தற்போது அறிமுகம் செய்யப்பட்டு இருக்கிறது.

பிரெஸ்ஸா CNG மாடல்- LXi, VXi, ZXi மற்றும் ZXi டூயல் டோன் என நான்குவித வேரியண்ட்களில் கிடைக்கிறது. ஒட்டுமொத்த தோற்றத்தில் புதிய பிரெஸ்ஸா CNG மாடலில் எவ்வித மாற்றமும் மேற்கொள்ளப்படவில்லை. காரின் வெளிப்புறத்திலும் CNG பேட்ஜ் எதுவும் இடம்பெறவில்லை.

பவர்டிரெயினை பொருத்தவரை பிரெஸ்ஸா CNG மாடல் 1.5 லிட்டர் K15C பெட்ரோல் என்ஜின் ஆப்ஷனில் கிடைக்கிறது. இதே என்ஜின் எர்டிகா மற்றும் XL6 மாடல்களிலும் வழங்கப்பட்டு இருக்கிறது. CNG மோடில் இந்த என்ஜின் 87 ஹெச்பி பவர், 121.5 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்படுகிறது. இந்த கார் லிட்டருக்கு 25.51 கிமீ வரையிலான மைலேஜ் வழங்குகிறது.

புதிய விலை விவரங்கள்:

மாருதி சுசுகி பிரெஸ்ஸா CNG LXi ரூ. 9 லட்சத்து 14 ஆயிரம்

மாருதி சுசுகி பிரெஸ்ஸா CNG VXi ரூ. 10 லட்சத்து 49 ஆயிரம்

மாருதி சுசுகி பிரெஸ்ஸா CNG ZXi ரூ. 11 லட்சத்து 89 ஆயிரம்

மாருதி சுசுகி பிரெஸ்ஸா CNG ZXi டூயல் டோன் ரூ. 12 லட்சத்து 05 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. 

ஃபோக்ஸ்வேகன் நிறுவனம் தனது சிறிய எலெக்ட்ரிக் கார் ID.2all மாடல் விவரங்களை வெளியிட்டு உள்ளது. தற்போது கான்செப்ட் வடிவில் இருக்கும் இந்த எலெக்ட்ரிக் கார் 2025 வாக்கில் அறிமுகம் செய்யப்படும் என ஃபோக்ஸ்வேகன் நிறுவனம் தெரிவித்து இருக்கிறது. இதன் விற்பனை 2026 ஆண்டு துவங்குகிறது.

முற்றிலும் புதிய ID.3, நீண்ட வீல்பேஸ் கொண்ட ID.Buzz மற்றும் ID.7 மாடல்கள் வரிசையில் ஃபோக்ஸ்வேகன் அறிமுகம் செய்ய இருக்கும் புதிய எலெக்ட்ரிக் கார்களில் ஒன்றாக ID.2all மாடல் இணைய இருக்கிறது. புதிய ஃபோக்ஸ்வேகன் ID.2all பேஸ் வேரியண்ட் விலை 25 ஆயிரம் யூரோக்கள், இந்திய மதிப்பில் ரூ. 22 லட்சம் வரை நிர்ணயம் செய்யப்படும் என தெரிகிறது.

தற்போது கான்செப்ட் வடிவில் அறிமுகம் செய்யப்பட்டு இருக்கும் ஃபோக்ஸ்வேகன் ID.2all, கடந்த 2021 செப்டம்பர் மாத வாக்கில் அறிமுகம் செய்யப்பட்ட ID.Life மாடலை விட வித்தியாசமாக காட்சியளிக்கிறது. இந்த மாடல் எதிர்கால டிசைன் கொண்டிருப்பதோடு, ஃபோக்ஸ்வேகன் குழுமத்தின் MEB பிளாட்ஃபார்மில் உருவாகி வருகிறது.

ஃபோக்ஸ்வேகன் ID.2all மாடலில் 222 ஹெச்பி பவர் வழங்கும் மோட்டார் கொண்டிருக்கும் என தெரிகிறது. இந்த கார் மணிக்கு 0 முதல் 100 கிலோமீட்டர் வேத்தை 7 நொடிகளுக்குள் எட்டிவிடும். இந்த எலெக்ட்ரிக் காரில் வழங்கப்பட இருக்கும் பேட்டரியை முழுமையாக சார்ஜ் செய்தால் 450 கிலோமீட்டர் வரையிலான ரேஞ்ச் கிடைக்கும் என தெரிகிறது.

இதில் வழங்கப்படும் பேட்டரி விவரங்கள் பற்றி இதுவரை எந்த தகவலும் வழங்கப்படவில்லை. எனினும், இந்த காரின் டிசி ஃபாஸ்ட் சார்ஜர் மூலம் பேட்டரியை 10 முதல் 80 வரை சார்ஜ் செய்ய 20 நிமிடங்களே போதும். இத்துடன் வீட்டிலேயே காரை சார்ஜ் செய்துகொள்ள 11 கிலோவாட் சார்ஜர் வசதியும் வழங்கப்படுகிறது.

ரெனால்ட் நிறுவனத்தின் முற்றிலும் புதிய டஸ்டர் மாடல் ஸ்பை படங்கள் வெளியாகி உள்ளது. 2013 வாக்கில் முதல் தலைமுறை டஸ்டர் மாடல் அறிமுகம் செய்யப்பட்ட நிலையில், இந்திய சந்தையில் இதன் இரண்டாவது தலைமுறை மாடல் அறிமுகம் செய்யப்படவே இல்லை. அந்த வகையில், மூன்றாம் தலைமுறை டஸ்டர் மாடல் 2025 வாக்கில் இந்தியாவில் அறிமுகம் செய்யப்படும் என கூறப்படுகிறது.

ஸ்பை படங்களின் படி மூன்றாம் தலைமுறை டஸ்டர் மாடல் தோற்றத்தில் டேசியா பிக்ஸ்டர் கான்செப்ட் எஸ்யுவி போன்றே காட்சியளிக்கிறது. இதன் முன்புறம் தெளிவாக காட்சியளிக்காத நிலையில், இதில் மெல்லிய எல்இடி ஹெட்லைட்கள், சதுரங்க வடிவிலான ஃபிளாட் பொனெட் டிசைன் கொண்டிருக்கும் என தெரிகிறது.

பக்கவாட்டு பகுதிகளில் டஸ்டர் மாடலில் புல்-டைப் டோர் ஹேண்டில்களை கொண்டிருக்கிறது. இதன் ரியர் டோன் ஹேண்டில்கள் சி பில்லரில் இண்டகிரேட் செய்யப்பட்டு உள்ளது. மூன்றாம் தலைமுறை டஸ்டர் மாடலில் தொடர்ந்து சதுரங்க வடிவம் கொண்ட வீல் ஆர்ச்களே வழங்கப்பட்டு இருக்கின்றன.பின்புறம் பூமராங் வடிவம் கொண்ட டெயில் லேம்ப், டுவின் பாட் ஸ்பாயிலர் உள்ளது.

புதிய ரெனால்ட் டஸ்டர் மாடல் CMF-B பிளாட்ஃபார்மில் அதிகளவு உள்நாட்டிற்கு ஏற்ற மாற்றங்களுடன் உருவாக்கப்பட்டு இருக்கும் என தெரிகிறது. இந்த கார் ரெனால்ட் மற்றும் நிசான் நிறுவனங்கள் இணைந்து உருவாக்குகின்றன. இதன் ஸ்டாண்டர்டு மாடலில் ஐந்து இருக்கைகள் வழங்கப்பட உள்ளன. இதே காரின் 7 சீட்டர் வெர்ஷனும் உருவாக்கப்படுகின்றன.

Photo Courtesy: cochespias

பஜாஜ் ஆட்டோ நிறுவனம் இந்திய சந்தையில் தனது NS160 மற்றும் NS200 மாடல்களை அப்டேட் செய்து இருக்கிறது. புதிய பஜாஜ் பல்சர் NS160 மாடலின் விலை ரூ. 1 லட்சத்து 35 ஆயிரம் என்றும் NS200 மாடல் விலை ரூ. 1 லட்சத்து 47 ஆயிரம் என்றும் நிர்ணயம் செய்யப்பட்டு உள்ளது. இது இரு மாடல்களின் முந்தைய விலைகளை விட முறையே ரூ. 10 ஆயிரம், ரூ. 7 ஆயிரம் அதிகம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

2012 வாக்கில் அறிமுகம் செய்யப்பட்ட NS200 மாடல் இதுவரை சிறு அப்டேட்களையே பெற்று வந்தது. இந்த நிலையில், 2023 பஜாஜ் பல்சர் NS160 மற்றும் NS200 மாடல்கள் அதிகளவு மாற்றங்கள் மேற்கொள்ளப்பட்டு இருக்கிறது. இரு மாடல்களிலும் அப்சைடு-டவுன் ஃபோர்க்குகளையும், டூயல் சேனல் ஏபிஎஸ் ஸ்டாண்டர்டு அம்சமாக வழங்கப்பட்டு இருக்கிறது.

இரு மாற்றங்கள் தவிர இதன் மெக்கானிக்கல் அம்சங்களில் எவ்வித மாற்றமும் மேற்கொள்ளப்படவில்லை. அந்த வகையில் பல்சர் NS160 மாடலில் ஆயில் கூல்டு 160.3சிசி சிங்கில் சிலிண்டர் மோட்டார் கொண்டிருக்கிறது. இந்த என்ஜின் 17.2 ஹெச்பி பவர், 14.6 நியூட்டன் மீட்டர் டார்க் இழுவிசையை வெளிப்படுத்துகிறது.

பல்சர் NS200 மாடலில் லிக்விட் கூல்டு 199.5சிசி என்ஜின் வழங்கப்பட்டு இருக்கிறது. இந்த என்ஜின் 24.5 ஹெச்பி பவர், 18.7 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இருவித என்ஜின்கள் தவிர, இரு மாடல்களும் ஒரேமாதிரியாகவே காட்சியளிக்கிறது. NS200 மாடலில் சற்றே அகலமான டயர்கள் வழங்கப்பட்டு உள்ளன.

ஹோண்டா நிறுவனம் முற்றிலும் புதிய எலெக்ட்ரிக் ஸ்கூட்டர் மாடலை உருவாக்கி வருவது அனைவரும் அறிந்ததே. புதிய ஆக்டிவா எலெக்ட்ரிக் மாடல் அடுத்த ஆண்டு ஜனவரி மாத வாக்கில் அறிமுகம் செய்யப்படும் என ஹோண்டா நிறுவனம் உறுதிப்படுத்தி இருக்கிறது. மேலும் புதிய எலெக்ட்ரிக் ஸ்கூட்டர் மாடல் டிவிஎஸ் ஐகியூப், ஏத்தர் 450x மற்றும் ஒலா S1 போன்ற மாடல்களுக்கு போட்டியாக அமைய இருக்கிறது.

புதிய ஹோண்டா எலெக்ட்ரிக் ஸ்கூட்டர் ஆக்டிவா பெயரிலேயே விற்பனை செய்யப்படும் என தெரிகிறது. மேலும் இந்த எலெக்ட்ரிக் ஸ்கூட்டர் அடுத்த ஆண்டு ஜனவரி மாத வாக்கில் அறிமுகம் செய்யப்படும் என கூறப்படுகிறது. மற்ற எலெக்ட்ரிக் ஸ்கூட்டர்களை போன்று இல்லாமல் புதிய ஹோண்டா எலெக்ட்ரிக் ஸ்கூட்டர் மணிக்கு 50 கிலோமீட்டர் வேகத்தில் செல்லும் திறன் கொண்டிருக்கும்.

இத்துடன் புதிய ஹோண்டா ஸ்கூட்டரில் பாதுகாப்பு காரணங்களுக்காக Fixed பேட்டரி செட்டப் வழங்கப்பட இருக்கிறது. இந்த பேட்டரியை முழுமையாக சார்ஜ் செய்தால் 100 கிலோமீட்டர் வரையிலான ரேன்ஜ் வழங்கும் என தெரிகிறது. தோற்றத்தில் இந்த ஸ்கூட்டரின் ஸ்டைலிங் ஹோண்டா ஆக்டிவா போன்றே காட்சியளிக்கிறது.

ஹோண்டா எலெக்ட்ரிக் ஸ்கூட்டரை அறிமுகம் செய்த பின், ஏராளமான எலெக்ட்ரிக் ஸ்கூட்டர் மாடல்களை ஹோண்டா நிறுவனம் அறிமுகம் செய்யும் என எதிர்பார்க்கப்படுகிறது. இவை முற்றிலும் புதிய born-electric பிளாட்ஃபார்மில் உருவாக்கப்படலாம். புதிய ஸ்கூட்டர்கள் மாற்றக்கூடிய பேட்டரி செட்டப், அளவில் சிறியதாகவும் குறைந்த எடை கொண்டிருக்கும் என்றும் கூறப்படுகிறது.

மினி நிறுவனம் இரண்டாம் தலைமுறை ஆல்-எலெக்ட்ரிக் கூப்பர் EV மாடலை உருவாக்கும் பணிகளில் ஈடுபட்டு வருகிறது. புதிய மாடலில் மேம்பட்ட பவர்டிரெயின் வழங்கப்படுகிறது. இந்த தசாப்தத்தின் இறுதிக்குள் முழுமையான எலெக்ட்ரிக் வாகன உற்பத்தியாளராக மாற பிஎம்டபிள்யூ திட்டமிட்டு வரும் நிலையில், புதிய மினி கூப்பர் மாடல் புரட்சியை ஏற்படுத்த அடித்தளமாக இருக்கும் என தெரிகிறது.

அடுத்த தலைமுறை மினி கூப்பர் EV மாடல் 2024 மே மாத வாக்கில் சர்வதேச சந்தையில் அறிமுகம் செய்யப்படும் என கூறப்படுகிறது. இதைத் தொடர்ந்து ஜூலை மாத வாக்கில் இந்த காரின் பெட்ரோல் வேரியண்ட் அறிமுகம் செய்யப்பட இருக்கிறது.

"புதிய தோற்றம், பெயருடன் மீண்டும் அதன் வேர்களுக்கு எடுத்துச் செல்லும் வகையில், புதிய கார் கூப்பர் ஹேச்பேக் பெயருக்கு மாற்றாக கூப்பர் என்றே அழைக்கப்படும்" என மினி பிராண்டு தலைவர் ஸ்டெஃபைன் உஸ்ட் தெரிவித்து இருக்கிறார்.

தற்போதைய மினி ஹேச்பேக் மாடலில் இருப்பதை விட அகலமான டிராக், சிறிய முன்புற ஒவர்ஹேங், பெரிய வீல்கள் மற்றும் நீண்ட வீல்பேஸ் உள்ளிட்டவை சிறப்பானதாக இருக்கும் என தெரிகிறது. புதிய கூப்பர் மாடல் எலெக்ட்ரிக் மற்றும் பெட்ரோல் பவர்டிரெயின் ஆப்ஷன்களில் விற்பனைக்கு வர இருக்கிறது. இதன் பெட்ரோல் மாடல் ஐந்து கதவுகள் வடிவில் மட்டுமே விற்பனை செய்யப்பட உள்ளது.

புதிய மினி கூப்பர் EV மாடல் 40 கிலோவாட் ஹவர் அல்லது 54 கிலோவாட் ஹவர் என இருவித பேட்டரி ஆப்ஷன்களில் கிடைக்கும் என தெரிகிறது. இவை அதிகபட்சம் 386 கிலோமீட்டர் வரையிலான ரேன்ஜ் வழங்கும் என தெரிகிறது. இந்த கார் 2-வீல் டிரைவ் ஆப்ஷனில் மட்டுமே கிடைக்கும் என தெரிகிறது.

Source: Autocar

எம்ஜி மோட்டார் நிறுவனத்தின் கார் மாடல்கள் விற்பனை இந்தியாவில் கணிசமாக அதிகரித்து வருகிறது. மேலும் கார் மாடல்களை அதிக போட்டியானவையாக மாற்ற எம்ஜி மோட்டார் அடிக்கடி அப்டேட்களை வழங்கி வருகிறது. இந்த ஆண்டு துவக்கத்தில் எம்ஜி நிறுவனம் 2023 ஹெக்டார் மாடலை அறிமுகம் செய்தது.

புதிய 2023 எம்ஜி ஹெக்டார் ஃபேஸ்லிஃப்ட் மாடல் ஏராளமான மாற்றங்களை கொண்டிருந்தது. எனினும், இந்த காரின் அலாய் வீல் அதற்கு முந்தைய வெர்ஷனில் இருந்ததை போன்றே வழங்கப்பட்டது. ஏற்கனவே வெளியான தகவல்களின் 2023 எம்ஜி ஹெக்டார் மாடல் புதிய அலாய் வீல் டிசைன் கொண்டிருக்கும் என கூறப்பட்டது.

எனினும், இது நடக்காமலேயே இருந்தது. தற்போது வெளியாகி இருக்கும் தகவல்களில் எம்ஜி நிறுவனம் இந்த நிலையை விரைவில் மாற்ற இருப்பது உறுதியாகி இருக்கிறது. 2023 ஹெக்டார் மாடல் விற்பனையகம் ஒன்றில் நிறுத்தி வைக்கப்பட்டு இருக்கும் புகைப்படம் இணையத்தில் வெளியாகி உள்ளது. அதில், 2023 ஹெக்டார் மாடல் புதிய அலாய் வீல் டிசைன் கொண்டிருக்கிறது.

அந்த வகையில், 2023 எம்ஜி ஹெக்டார் மாடல் புதிய அலாய் வீல்களை பெற்று இருக்கிறது. இந்த மாடலில் அலாய் வீல் மட்டுமின்றி என்ஜின் ஆப்ஷன்கள் பிஎஸ்6 2 புகை விதிகளுக்கு ஏற்ப அப்டேட் செய்யப்பட்டு இருக்கிறது. முன்னதாக 2023 எம்ஜி ஹெக்டார் மாடலின் விலை ரூ. 14 லட்சத்து 73 ஆயிரம், எக்ஸ்-ஷோரூம் என துவங்கி அதிகபட்சம் ரூ. 22 லட்சத்து 43 ஆயிரம் வரை நிர்ணயம் செய்யப்பட்டு இருக்கிறது.

புதிய 2023 எம்ஜி ஹெக்டார் மாடலின் விலை இதை விட ரூ. 60 ஆயிரம் வரை அதிகமாக நிர்ணயம் செய்யப்படும் என கூறப்படுகிறது. 2019 வாக்கில் அறிமுகம் செய்யப்பட்ட எம்ஜி ஹெக்டார் 2021 ஆண்டில் ஃபேஸ்லிஃப்ட் செய்யப்பட்டது. இதில் காஸ்மெடிக் மாற்றங்கள், புதிய அம்சங்கள் வழங்கப்பட்டு இருந்தது.

Photo Courtesy: Rushlane

மஹிந்திரா நிறுவனம் இந்திய சந்தைில் தனது வாகனங்களை பிஎஸ்6 2 விதிகளுக்கு ஏற்ப அப்டேட் செய்ய துவங்கி இருக்கிறது. தற்போது பொலிரோ நியோ மாடலில் மேம்பட்ட டீசல் என்ஜின் வழங்கப்பட்டு இருக்கிறது. அப்டேட் செய்யப்பட்டதை அடுத்து புதிய பொலிரோ நியோ மாடலின் விலை உயர்த்தப்பட்டு இருக்கிறது.

பொலிரோ நியோ மாடலில் 1.5 லிட்டர் டீசல் என்ஜின் வழங்கப்பட்டு இருக்கிறது. இந்த என்ஜின் 100 ஹெச்பி பவர், 260 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. புதிய மாடலில் உள்ள என்ஜின் பிஎஸ்6 2 மற்றும் E 20 எரிபொருளுக்கு ஏற்ற வகையில் உருவாக்கப்பட்டு இருக்கிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்பட்டுள்ளது.

லிமிடெட் எடிஷன் தவிர பிஎஸ்6 2 என்ஜின் கொண்ட மற்ற வேரியண்ட்களின் விலை ரூ. 15 ஆயிரம் வரை அதிகரித்து இருக்கிறது. அதன்படி மஹிந்திரா பொலிரோ நியோ விலை தற்போது ரூ. 9 லட்சத்து 63 ஆயிரம், எக்ஸ்-ஷோரூம் என துவங்குகிறது. இந்த எஸ்யுவி மாடல் N4, N8, N10 மற்றும் N10 (O) வேரியண்ட்களில் கிடைக்கிறது.

சமீபத்தில் வெளியான தகவல்களின் படி பொலிரோ நியோ மாடலின் வேரியண்ட் விரைவில் மாற்றியமைக்கப்படும் என தெரியவந்துள்ளது. இந்த எஸ்யுவி மாடல்- N4 (O), N8 R, N10 (R) மற்றும் N10 (O) (R) போன்ற வேரியண்ட்களில் கிடைக்கும் என தெரிகிறது. எனினும், இவை எப்போது அறிமுகம் செய்யப்படும் என்பது பற்றிய தகவல்கள் மர்மமாகவே உள்ளது.

கியா நிறுவனம் முற்றிலும் புதிய எலெக்ட்ரிக் காரை அறிமுகம் செய்வதற்கான பணிகளில் ஈடுபட்டு வருகிறது. புதிய கியா எலெக்ட்ரிக் கார் இம்மாத இறுதியில் விற்பனைக்கு அறிமுகம் செய்யப்பட இருக்கிறது. கியா EV9 மாடல் பிரத்யேக எலெக்ட்ரிக் பிளாட்ஃபார்மிலேயே உருவாக்கப்படுகிறது.

தற்போது கியா வெளியிட்டு இருக்கும் டீசர்களின் படி புதிய EV9 மாடல் அளவில் பெரியதாக இருக்கும் என்றும் இது மூன்றடுக்கு இருக்கைகள் கொண்ட எலெக்ட்ரிக் எஸ்யுவி என்பதும் தெரியவந்தள்ளது. டீசரின் படி கான்செப்டில் இருப்பதை போன்று பிரத்யேக எல்இடி ஹெட்லேம்ப், மெல்லிய, செங்குத்தாக எல்இடி டெயில் லேம்ப்கள் வழங்கப்படுகிறது.

கான்செப்ட் மாடலுடன் ஒப்பிடும் போது கியா EV9 ப்ரோடக்ஷன் வெர்ஷனில் சிறிய 20 அல்லது 21 இன்ச் வீல்கள், ORVM-கள் வழங்கப்படுகின்றன. புதிய கியா EV9 அம்சங்கள் பற்றி இதுவரை எந்த தகவலும் வெளியாகவில்லை. எனினும், இதில் 250 முதல் 300 ஹெச்பி பவர் வெளிப்படுத்தும் எலெக்ட்ரிக் மோட்டார் வழங்கப்படலாம்.

இந்த எலெக்ட்ரிக் கார் முழு சார்ஜ் செய்தால் அதிகபட்சம் 450 கிலோமீட்டர்கள் வரையிலான ரேன்ஜ் வழங்கும் என கூறப்படுகிறது. இதன் ஸ்டாண்டர்டு வெர்ஷனில் ஒற்றை மோட்டார் செட்டப், GT வெர்ஷனில் டூயல் மோட்டார் AWD டிரைவ் வசதி வழங்கப்படும் என தெரிகிறது.

கியா EV9 எலெக்ட்ரிக் கார் சர்வதேச வெளியீடு இந்த மாத இறுதியில் அறிமுகம் செய்யப்படும் என்றும் விற்பனை ஆண்டு இறுதியில் துவங்கும் என்றும் கூறப்படுகிறது. மேலும் புதிய கியா EV9 மாடல் இந்திய சந்தையிலும் அறிமுகம் செய்யப்பட இருக்கிறது. 

பிஎம்டபிள்யூ இந்தியா நிறுவனம் தனது 5 சீரிஸ் மாடல்களில் முற்றிலும் புதிய வேரியண்டை அறிமுகம் செய்து இருக்கிறது. பிஎம்டபிள்யூ 520d M ஸ்போர்ட் ஆடம்பர செடான் மாடலின் புதிய வேரியண்ட் விலை ரூ. 68 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய வேரியண்ட் அறிமுகம் செய்யப்பட்டு இருப்பதோடு பிஎம்டபிள்யூ நிறுவனம் மூன்று வேரியண்ட்களின் விற்பனையை நிறுத்தி விட்டது.

இவற்றில் 50 ஜாரெ M எடிஷன், 530d M ஸ்போர்ட் மற்றும் 520d M லக்சரி லைன் போன்ற மாடல்கள் இடம்பெற்றுள்ளன. இதன் காரணமாக பிஎம்டபிள்யூ 5 சீரிஸ் மாடல் தற்போது 530i M ஸ்போர்ட் மற்றும் 520d M ஸ்போர்ட் என இரண்டு வேரியண்ட்களில் மட்டுமே கிடைக்கிறது. இவற்றில் 520d M ஸ்போர்ட் விலை 530d M ஸ்போர்ட் மாடலை விட ரூ. 5 லட்சத்து 60 ஆயிரம் குறைவு ஆகும். இதில் 2.0 லிட்டர் டீசல் என்ஜின் உள்ளது. இந்த என்ஜின் 188 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது.

முந்தைய 530i M ஸ்போர்ட் மாடலில் 2.0 லிட்டர் பெட்ரோல் என்ஜின் வழங்கப்பட்டு இருந்தது. இந்த என்ஜின் 248 ஹெச்பி பவர், 350 நியூட்டன் மீட்டர் டார்க் இழுவிசையை வெளிப்படுத்துகிறது. இந்த வேரியண்டின் விலை தற்போது மாற்றப்பட்டு, ரூ. 90 ஆயிரம் வரை உயர்த்தப்பட்டு இருக்கிறது. 2023 துவங்கியதில் இருந்து பிஎம்டபிள்யூ இந்தியா நிறுவனம் ஐந்து புதிய மாடல்களை அறிமுகம் செய்து இருக்கிறது. இவற்றில் புதிய 7 சீரிஸ், i7 EV, X7, 3 சீரிஸ் கிரான் லிமோசின் மற்றும் sX1 போன்ற மாடல்கள் அடங்கும்.

மேட்டார் நிறுவனம் இந்திய சந்தையில் தனது முதல் வாகனம்- ஏரா எலெக்ட்ரிக் மோட்டார்சைக்கிளை அறிமுகம் செய்து இருக்கிறது. புதிய மேட்டார் ஏரா மாடல் விலை ரூ. 1 லட்சத்து 43 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்திய சந்தையில் மேட்டார் ஏரா மாடல்: ஏரா 4000, ஏரா 5000, ஏரா 5000+ மற்றும் ஏரா 6000+ என நான்கு வேரியண்ட்களில் கிடைக்கிறது.

மேட்டார் EV மாடல் மொத்த டிசைன் இளைமிக்க தோற்றம் கொண்டிருக்கிறது. இதில் எல்இடி ஹெட்லைட், க்ளிப் ஆன் ஹேண்டில்பார்கள், ஸ்ப்லிட் சீட் செட்டப் உள்ளிட்டவை வழங்கப்பட்டு இருக்கிறது. இதன் ஒட்டுமொத்த தோற்றம் ICE இருசக்கர வாகனம் போன்றே காட்சியளிக்கிறது.

மேட்டார் ஏரா 5000 மாடலில் 10 கிலோவாட் மோட்டார் மற்றும் லிக்விட் கூல்டு 5 கிலோவாட் ஹவர் பேட்டரி வழங்கப்பட்டு இருக்கிறது. இந்த பைக் 125 கிலோமீட்டர் ரேன்ஜ் வழங்குகிறது. இதில் உள்ள பேட்டரியை ஐந்து மணி நேரத்தில் முழுமையாக சார்ஜ் செய்துவிட முடியும். இத்துடன் ஃபாஸ்ட் சார்ஜர் பயன்படுத்தும் போது இரண்டு மணி நேரத்தில் சார்ஜ் செய்திட முடியும். இதன் மோட்டார் செட்டப் உடன் 4-ஸ்பீடு மேனுவல் ஷிஃப்ட் லீவர் உள்ளது.

அம்சங்களை பொருத்தவரை மேட்டார் எலெக்ட்ரிக் பைக் ரேன்ஜ், ஸ்பீடு, ட்ரிப் மீட்டர், ஒடோமீட்டர், பேட்டரி லெவல், ரைடு மோட்கள், ஸ்மார்ட்போன் கனெக்டிவிட்டி விவரங்களை வழங்கும் டிஎஃப்டி ஸ்கிரீன் கொண்டிருக்கிறது. இதன் கன்சோலில் நேவிகேஷன், கால்/மெசேஜ் அலர்ட்கள், ரைடிங் விவரங்கள் உள்ளன. இத்துடன் OTA, கீலெஸ் வசதி மற்றும் சிறிய ஸ்டோரேஜ் யூனிட் வழங்கப்பட்டு இருக்கிறது.

ஹார்டுவேரை பொருத்தவரை இந்த மாடலில் டெலிஸ்கோபிக் முன்புற ஃபோர்க்குகள், டூயல் ரியர் ஷாக்குகள் வழங்கப்பட்டு உள்ளன. பிரேக்கிங் ஹார்டுவேரை பொருத்தவரை ஒற்றை டிஸ்க் பிரேக் மற்றும் ABS/CBS வசதிகை கொண்டுள்ளது. இத்துடன் 17-இன்ச் அலாய் வீல்கள் வழங்கப்பட்டுள்ளன.

மேட்டார் ஏரா 5000 மாடலின் விலை ரூ. 1 லட்சத்து 43 ஆயிரத்து 999 என்றும், ஏரா 5000+ விலை ரூ. 1 லட்சத்து 53 ஆயிரத்து 999 என்றும் நிர்ணயம் செய்யப்பட்டு உள்ளன. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. மேலும் இவை அறிமுக விலை என்பதால் விரைவில் மாற்றப்படலாம். புதிய மாடல்களுக்கு முன்பதிவு ஒரு மாதத்தில் துவங்குகிறது.