என் மலர்
பைக்
எம்வி அகுஸ்டா நிறுவனத்தின் 2021 புருடேல் 800 ஆர்ஆர் மற்றும் டிராக்ஸ்டர் ஆர்ஆர் மோட்டார்சைக்கிள்கள் அறிமுகம் செய்யப்பட்டன.
எம்வி அகுஸ்டா நிறுவனம் 2021 புருடேல் 800 ஆர்ஆர் மற்றும் டிராக்ஸ்டர் ஆர்ஆர் மோட்டார்சைக்கிள் மாடல்களை அறிமுகம் செய்தது. புதிய மேம்பட்ட மாடல்களில் எல்இடி ஹெட்லைட், புது டிஎப்டி இன்ஸ்ட்ரூமென்ட் கிளஸ்டர், மேம்பட்ட ட்ரிபில் எக்சாஸ்ட் அவுட்லெட் உள்ளிட்டவை வழங்கப்பட்டு இருக்கின்றன.
இத்துடன் டிராக்ஸ்டர் ஆர்ஆர் மாடலில் பார்-எண்ட் மிரர்கள், பாப்டு டெயில், வயர்-ஸ்போக் வீல்கள் வழங்கப்பட்டு உள்ளன. இரு மாடல்களில் உள்ள டிஎப்டி டிஸ்ப்ளே ப்ளூடூத் கனெக்டிவிட்டி கொண்டு எம்வி ரைடு செயலியுடன் இயங்குகிறது.
புருடேல் 800 ஆர்ஆர் மாடல் ஷாக் பியல் ரெட் மற்றும் அவியோ கிரே மற்றும் கார்பன் பிளாக் மெட்டாலிக் மற்றும் அவியோ கிரே மெட்டாலிக் நிறங்களில் கிடைக்கிறது. டிராக்ஸ்டர் ஆர்ஆர் மாடல் மேட் மேக்னம் அவியோ கிரே மற்றும் மேட் மெட்டாலிக் டார்க் கிரே மற்றும் மேட் மேக்னம் சில்வர் மற்றும் மேட் மெட்டாலிக் டார்க் கிரே போன்ற நிறங்களில் கிடைக்கிறது.
இரு மாடல்களிலும் 798சிசி, 3 சிலிண்டர் லிக்விட் கூல்டு என்ஜின் வழங்கப்பட்டு உள்ளது. இந்த என்ஜின் 138 பிஹெச்பி பவர், 87 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த மோட்டார்சைக்கிள்கள் மணிக்கு அதிகபட்சம் 244 கிலோமீட்டர் வேகத்தில் சீறி பாயும் திறன் கொண்டுள்ளன.
ராயல் என்பீல்டு நிறுவனத்தின் கிளாசிக் 350 மோட்டார்சைக்கிள் மாடல் விலையில் மாற்றம் செய்யப்பட்டு இருக்கிறது.
ராயல் என்பீல்டு நிறுவனம் தனது கிளாசிக் 350 சீரிஸ் மாடல்களின் விலையை உயர்த்தி இருக்கிறது. விலை உயர்வு காரணமாக இதன் துவக்க விலை ரூ. 1,61,235 இல் இருந்து ரூ. 1,67,235 என மாறி இருக்கிறது.
மாற்றப்பட்ட புதிய விலை விவரம்
கிளாசிக் 350 (ஆஷ்/செஸ்ட்ந்ட்/ரெடிட்ச் ரெட்/பியூர் பிளாக்/எம்.சில்வர்) விலை ரூ. 1,67,235
கிளாசிக் 350 பிளாக் ரூ. 1,75,405
கிளாசிக் 350 கன் கிரே ஸ்போக் வீல் ரூ. 1,77,294
கிளாசிக் 350 சிக்னல் ஏர்போன் புளூ ரூ. 1,85,902
கிளாசிக் 350 கன் கிரே அலாய் வீல் ரூ. 1,89,360
கிளாசிக் 350 ஆரஞ்சு எம்பெர்/மெட்டாலியோ சில்வர் ரூ. 1,89,360
கிளாசிக் 350 ஸ்டெல்த் பிளாக் / குரோம் பிளாக் ரூ. 1,92,608
அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. புதிய விலை உயர்வு இந்த மாதமே அமலுக்கு வருகிறது. விலை உயர்வு தவிர கிளாசிக் 350 மாடல்களில் வேறு எந்த மாற்றமும் மேற்கொள்ளப்படவில்லை.
ராயல் என்பீல்டு கிளாசிக் 350 மாடலில் 346சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 19.1 பிஹெச்பி பவர், 28 என்எம் டார்க் செயல்திறன் வழங்குகிறது.
2021 சுசுகி ஹயபுசா மோட்டார்சைக்கிள் மாடலின் இந்திய வெளியீட்டு விவரங்களை தொடர்ந்து பார்ப்போம்.
சுசுகி மோட்டார்சைக்கிள்ஸ் நிறுவனம் 2021 ஹயபுசா மாடலினை சமீபத்தில் சர்வதேச சந்தையில் அறிமுகம் செய்தது. மூன்றாம் தலைமுறை சுசுகி ஹயபுசா சூப்பர்பைக் வரும் மாதங்களில் இந்தியா உள்பட பல்வேறு சர்வதேச சந்தைகளில் விற்பனைக்கு வர இருக்கிறது.
இந்நிலையில், தற்சமயம் வெளியாகி இருக்கும் தகவல்களில் இந்திய சந்தையில் 2021 சுசுகி ஹயபுசா சூப்பர்பைக் இந்த ஆண்டின் இரண்டாவது காலாண்டு வாக்கில் அறிமுகம் செய்யப்படலாம் என கூறப்படுகிறது. இந்திய சந்தைக்கு புதிய ஹயபுசா மாடல் சிகேடி முறையில் கொண்டு வரப்பட இருப்பதாகவும் கூறப்படுகிறது.
இவ்வாறு செய்வதன் மூலம் 2021 ஹயபுசா மாடல் விலையை சந்தையில் போட்டியை உண்டாக்கும் வகையில் நிர்ணயம் செய்ய முடியும். இந்தியாவில் முந்தைய ஹயபுசா மாடல் விலை ரூ. 13.75 லட்சம் என நிர்ணயம் செய்யப்பட்டது. தற்போதைய அப்டேட் மற்றும் அம்சங்கள் அடிப்படையில் இதன் விலை ரூ. 18 லட்சம் வரை நிர்ணயம் செய்யப்படலாம் என எதிர்பார்க்கப்படுகிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
இந்தியாவில் 2021 சுசுகி ஹயபுசா மாடலுக்கான முன்பதிவு சில விற்பனையகங்களில் துவங்கிவிட்டதாகவும் கூறப்படுகிறது. எனினும், சுசுகி சார்பில் இதுவரை அதிகாரப்பூர்வ முன்பதிவு துவங்கப்படவில்லை. மேலும் இதன் வெளியீடு பற்றியும் சுசுகி சார்பில் எந்த தகவலும் வழங்கப்படவில்லை.
யமஹா நிறுவனத்தின் 2021 FZ மற்றும் FZS மோட்டார்சைக்கிள் மாடல்கள் இந்திய சந்தையில் அறிமுகம் செய்யப்பட்டன.
யமஹா மோட்டார் இந்தியா நிறுவனம் தனது 2021 FZ சீரிஸ் மாடல்கள்- FZ-Fi மற்றும் FZS-Fi மோட்டார்சைக்கிள்களை இந்திய சந்தையில் அறிமுகம் செய்தது. 2021 யமஹா FZ மற்றும் FZS மோட்டார்சைக்கிள்களில் சிறு மாற்றங்கள் மற்றும் புது அம்சங்கள் கூடுதலாக வழங்கப்பட்டு இருக்கின்றன.
இந்தியாவில் 2021 யமஹா FZ-Fi மாடல் விலை ரூ. 1.03 லட்சம் என்றும் யமஹா FZS-Fi மாடலின் விலை ரூ. 1.07 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
2021 யமஹா FZ-Fi மாடல்- ரேசிங் புளூ மற்றும் மெட்டாலிக் பிளாக் என இரண்டு புதிய நிறங்களிலும், FZS-Fi மாடல் மேட் ரெட் நிறத்தில் கிடைக்கின்றன. இவை தவிர இரு மாடல்களும் தற்சமயம் கிடைக்கும் நிறங்களிலும் வழங்கப்படுகிறது. இத்துடன் 2021 FZS-Fi மாடலில் புதிதாக 3டி சின்னம் வழங்கப்படுகிறது.
இவற்றுடன் 2021 FZS-Fi மாடலில் யமஹாவின் ப்ளூடூத் சார்ந்து இயங்கும் யமஹா மோட்டார்சைக்கிள் கனெக்ட் எக்ஸ் தொழில்நுட்பம் வழங்கப்படுகிறது. இதில் பல்வேறு ஸ்மார்ட் வசதிகளை வழங்குகிறது. இவைதவிர புதிய மாடல்களில் வேறு எந்த மாற்றமும் மேற்கொள்ளப்படவில்லை.
2021 யமஹா FZ மற்றும் FZS மாடல்களில் 149சிசி பிஎஸ்6 ரக சிங்கில் சிலிண்டர் ஏர் கூல்டு என்ஜின் வழங்கப்படுகிறது. இந்த என்ஜின் 12.4 பிஹெச்பி பவர், 13.6 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.
ஹோண்டா நிறுவனத்தின் புதிய ஹைனெஸ் சிபி350 மோட்டார்சைக்கிள் இந்திய விற்பனையில் புது மைல்கல் கடந்துள்ளது.
ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் தனது பிரீமியம் 350சிசி குரூயிசர் மாடலான ஹைனெஸ் சிபி350 விற்பனையில் 10 ஆயிரம் யூனிட்களை கடந்துள்ளதாக அறிவித்து இருக்கிறது. இந்த மைல்கல் விற்பனை துவங்கிய மூன்றே மாதங்களில் எட்டப்பட்டு இருக்கிறது.
இந்தியாவில் ஹோண்டா ஹைனெஸ் சிபி350 மாடல் வினியோகம் அக்டோபர் 21, 2020 துவங்கியது. புதிய ஹைனெஸ் சிபி350 மாடல் ஹோண்டா நிறுவனத்தின் பிங்விங் விற்பனை மையங்களில் மட்டுமே விற்பனை செய்யப்படுகிறது. ஹோண்டா தற்சமயம் 5 பிங்விங் விற்பனை மையங்களையும், 18 பிங்விங் டீலர்ஷிப்களை இந்தியா முழுக்க வைத்திருக்கிறது.
இந்திய சந்தையில் ஹைனெஸ் சிபி 350 டிஎல்எக்ஸ் மற்றும் டிஎல்எக்ஸ் ப்ரோ என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 1.85 லட்சம் மற்றும் ரூ. 1.90 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.
ஹோண்டா ஹைனெஸ் 350 மாடலில் 348.36சிசி, சிங்கிள் சிலிண்டர், ஏர் கூல்டு என்ஜின் வழங்கப்பட்டு உள்ளது. இத்துடன் 5 ஸ்பீடு கியர்பாக்ஸ் ஸ்லிப்பர் கிளட்ச் வழங்கப்பட்டு இருக்கிறது. இந்த என்ஜின் 20.5 பிஹெச்பி பவர், 30 என்எம் டார்க் செயல்திறன் வழங்குகிறது.
சுசுகி நிறுவனத்தின் லிமிடெட் எடிஷன் சூப்பர்பைக் விற்பனை துவங்கிய மூன்றே நாட்களில் விற்று தீர்ந்தது.
சுசுகி நிறுவனம் புதிய ஹயபுசா சர்வதேச வெளியீட்டு நிகழ்வின் போது லிமிடெட் எடிஷன் மாடலையும் அறிமுகம் செய்தது. இது மொத்தத்தில் பத்து யூனிட்கள் மட்டுமே உற்பத்தி செய்யப்பட்டு, விற்பனைக்கு அறிவிக்கப்பட்டன.
புதிய லிமிடெட் எடிஷன் மாடலை முன்பதிவு செய்வதற்கான காலக்கெடு மார்ச் 15 என நிர்ணயம் செய்யப்பட்டு இருந்தது. எனினும், இவை விற்பனை துவங்கிய மூன்றே நாட்களில் விற்று தீர்ந்தன. லிமிடெட் எடிஷன் மாடல் பிளாக் மற்றும் கோல்டு வேரியண்ட்டை தழுவி உருவாக்கப்பட்டு உள்ளன.
மேலும் இவற்றில் கார்பன் மிரர் கவர்கள், கார்பன் டேன்க் பேட், ரிம் ஸ்டிரைப் மற்றும் பிரத்யேக அனோடைஸ் செய்யப்பட்ட லீவர்கள் மற்றும் சீட் கவர் உள்ளிட்டவை வழங்கப்பட்டு இருக்கின்றன.
புதிய தலைமுறை ஹயபுசா மாடலில் யூரோ 5 விதிகளுக்கு பொருந்தும் 1340சிசி, இன்-லைன் 4 சிலிண்டர் லிக்விட் கூல்டு என்ஜின் மற்றும் ரைடு-பை-வயர் எலெக்டிரானிக் திராட்டிள் சிஸ்டம், ரிவைஸ்டு இன்டேக் மற்றும் எக்சாஸ்ட் அமைப்பு வழங்கப்பட்டு இருக்கிறது.
இந்த என்ஜின் 187.7 பிஹெச்பி பவர், 150 என்எம் டார்க் செயல்திறன் வழங்குகிறது. 264 கிலோ எடை கொண்டிருக்கும் புதிய சுசுகி ஹயபுசா லிட்டருக்கு 14.9 கிலோமீட்டர் வரை செல்லும் என தெரிவிக்கப்பட்டு உள்ளது.
ஜாகுவார் லேண்ட் ரோவர் நிறுவனத்தின் ரேன்ஜ் ரோவர் கார் மாடல் விற்பனையில் புது மைல்கல் கடந்துள்ளது.
ஜாகுவார் லேண்ட் ரோவர் நிறுவனம் தனது ரேன்ஜ் ரோவர் ஸ்போர்ட் மாடல் சர்வதேச விற்பனையில் பத்து லட்சம் யூனிட்களை கடந்துள்ளது. இதனை லேண்ட் ரோவர் நிறுவனம் தனது அதிகாரப்பூர்வ சமூக வலைதள அக்கவுண்ட்களில் தெரிவித்து உள்ளது.
சர்வதேச சந்தையில் ரேன்ஜ் ரோவர் ஸ்போர்ட் மாடல் 2005 ஆம் ஆண்டு அறிமுகம் செய்யப்பட்டது. 2021 ரேன்ஜ் ரோவர் ஸ்போர்ட் கடந்த ஆண்டு இறுதியில் அறிமுகம் செய்யப்பட்டது. புதிய ரேன்ஜ் ரோவர் ஸ்போர்ட் மாடல் துவக்க விலை ரூ. 89.13 லட்சம் என துவங்கி டாப் எண்ட் மாடல் விலை ரூ. 1.43 கோடி வரை நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
ரேன்ஜ் ரோவர் ஸ்போர்ட் மாடல் மொத்தம் ஏழு வேரியண்ட்களில் கிடைக்கிறது. பெயருக்கு ஏற்றார் போல் இந்த மாடலில் பெரிய ஏர் டேம், கூர்மையான எட்ஜ் மற்றும் பிளாக்டு-அவுட் அம்சங்கள் என பல்வேறு ஸ்போர்ட் ஸ்டைலிங் கொண்டிருக்கிறது.
இந்த பிரீமியம் எஸ்யுவி மாடல் 296 பிஹெச்பி பவர், 400 என்எம் டார்க் செயல்திறன் வழங்கும் 2.0 லிட்டர் 4 சிலிண்டர், டர்போசார்ஜ் செய்யப்பட்ட என்ஜின், 394 பிஹெச்பி பவர், 550 என்எம் டார்க் செயல்திறன் வழங்கும் 3.0 லிட்டர் டர்போசார்ஜ் செய்யப்பட்ட பெட்ரோல் MHEV என்ஜின் மற்றும் 296 பிஹெச்பி பவர், 650 என்எம் டார்க் செயல்திறன் வழங்கும் 3.0 லிட்டர் டர்போசார்ஜ் செய்யப்பட்ட டீசல் என்ஜின் ஆப்ஷன்களில் கிடைக்கிறது.
அனைத்து என்ஜின்களுடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது. இதுதவிர ரேன்ஜ் ரோர் ஸ்போர்ட் எஸ்விஆர் வேரியண்ட் 5.0 லிட்டர் சூப்பர்சார்ஜ் செய்யப்பட்ட பெட்ரோல் என்ஜினுடன் கிடைக்கிறது. இந்த என்ஜின் 567 பிஹெச்பி பவர், 700 என்எம் டார்க் செயல்திறன் வழங்குகிறது.
சுசுகி நிறுவனத்தின் 2021 ஹயபுசா மோட்டார்சைக்கிள் சர்வதேச சந்தையில் அறிமுகம் செய்யப்பட்டது.
சுசுகி மோட்டார்சைக்கிள்ஸ் நிறுவனம் 2021 ஹயபுசா மோட்டார்சைக்கிளை சர்வதேச சந்தையில் அறிமுகம் செய்தது. புதிய சுசுகி ஹயபுசா மாடலில் பல்வேறு மாற்றங்கள் செய்யப்பட்டு புது அம்சங்கள், உபகரணங்கள் வழங்கப்பட்டு இருக்கின்றன.
புதிய சூப்பர்பைக் எல்இடி லைட்டிங் கொண்டிருக்கிறது. இதன் இன்டிகேட்டர்கள் பொசிஷன் லேம்ப்களுடன் இணைக்கப்பட்டு உள்ளது. இதன் பேரிங் கூர்மையான காண்டொர் கொண்டிருக்கிறது. இது மோட்டார்சைக்கிளுக்கு ஸ்போர்ட் தோற்றத்தை வழங்குகிறது. இத்துடன் குரோம் பிளேட் செய்யப்பட்ட எக்சாஸ்ட் பைப்கள் வழங்கப்பட்டு உள்ளன.
2021 சுசுகி ஹயபுசா மாடலில் புதிய டிஎப்டி டிஸ்ப்ளே, இன்ஸ்ட்ரூமென்ட் கிளஸ்டர், புதிய ஸ்விட்ச் கியர் போன்ற அம்சங்களை கொண்டிருக்கிறது. இத்துடன் லான்ச் கண்ட்ரோல், குரூயிஸ் கண்ட்ரோல், கார்னெரிங் ஏபிஎஸ், ஹில்-ஹோல்டு கண்ட்ரோல், 6 ஆக்சிஸ் ஐஎம்யு, 3 லெவல் என்ஜின் பிரேக்கிங் வசதிகளை கொண்டுள்ளது.
இத்துடன் 10-லெவல் டிராக்ஷன் கண்ட்ரோல் மற்றும் ஆண்டி-வீலி கண்ட்ரோல், சுசுகி இன்டெலிஜண்ட் ரைடு சிஸ்டம் தொழில்நுட்பம் வழங்கப்பட்டு இருக்கிறது. இவற்றுடன் முந்தைய மாடல்களை போன்றே அலுமினியம் பிரேம் கொண்டிருக்கிறது.
இந்த மோட்டார்சைக்கிளில் 1340சிசி இன்-லைன், 4 சிலிண்டர் என்ஜின் வழங்கப்பட்டு உள்ளது. இந்த என்ஜின் யூரோ 5 விதிகளுக்கு பொருந்தும் வகையில் உருவாக்கப்பட்டு இருக்கிறது.
பெனலி நிறுவனத்தின் 2021 இம்பீரியல் 400 மோட்டார்சைக்கிள் இந்திய சந்தையில் அறிமுகம் செய்யப்பட்டு இருக்கிறது.
பெனலி நிறுவனம் 2021 இம்பீரியல் 400 மோட்டார்சைக்கிளை இந்திய சந்தையில் அறிமுகம் செய்தது. புதிய 2021 பெனலி இம்பீரியல் 400 விலை ரூ. 1.89 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இது கடந்த ஆண்டு அறிமுகமான இம்பீரியல் மாடலின் பிஎஸ்6 வெர்ஷன் ஆகும்.
புதிய இம்பீரியல் 400 அந்நிறுவனத்தின் இந்திய விற்பனையை ஊக்குவிக்கும் என பெனலி நிறுவனம் நம்பிக்கை தெரிவித்து உள்ளது. இதன் விலை விற்பனையை ஊக்குவிப்பதில் முக்கிய பங்காற்றும் என கூறப்படுகிறது. 2021 பெனலி இம்பீரியல் 400 மாடலுடன் இரண்டு ஆண்டுகளுக்கு வரம்பற்ற கிலோமீட்டர்களுக்கு வாரண்டி வழங்கப்படுகிறது.
இத்துடன் 24x7 Roadside Assistance வசதியும் வழங்குகிறது. புதிய மோட்டார்சைக்கிள் ரெட்ரோ-டிசைன் கொண்டுள்ளது. இதில் வட்ட வடிவ ஹெட்லேம்ப்கள், டியர்-டிராப் பியூவல் டேன்க், ஸ்போக் வீல் மற்றும் இதர அம்சங்கள் வழங்கப்படுகின்றன.
2021 பெனலி இம்பீரியல் 400 மோட்டார்சைக்கிளில் 374சிசி சிங்கில் சிலிண்டர் ஏர் கூல்டு என்ஜின் வழங்கப்படுகிறது. இந்த என்ஜின் 19 பிஹெச்பி பவர், 29 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.
டிவிஎஸ் நிறுவனத்தின் புதிய ஐ கியூப் எலெக்ட்ரிக் ஸ்கூட்டர் டெல்லியில் அறிமுகம் செய்யப்பட்டு இருக்கிறது.
டிவிஎஸ் நிறுவனத்தின் ஐ கியூப் எலெக்ட்ரிக் ஸ்கூட்டர் டெல்லியில் அறிமுகம் செய்யப்பட்டது. டெல்லியில் இதன் விலை ரூ. 1.08 லட்சம், ஆன்-ரோடு என நிர்ணயம் செய்யப்பட்டு உள்ளது. இது பெங்களூரில் நிர்ணயிக்கப்பட்ட விலையை விட ரூ. 8 ஆயிரம் குறைவு ஆகும்.
புதிய ஐ கியூப் மாடல் புல் எல்இடி லைட்டிங் மற்றும் புல் டிஜிட்டல் இன்ஸ்ட்ரூமென்ட் கிளஸ்டர், டிவிஎஸ் SmartXonnect தொழில்நுட்பம் கொண்டிருக்கிறது. இத்துடன் ஜியோ-பென்சிங், ரிமோட் பேட்டரி சார்ஜிங் இன்டிகேஷன், நேவிகேஷன் அசிஸ்ட், ஓவர்-ஸ்பீடு அலெர்ட் உள்ளிட்ட அம்சங்களை கொண்டிருக்கிறது.
ஸ்மார்ட்போனுடன் இணைத்து கொண்டால் இதன் டிஸ்ப்ளே அழைப்புகள், குறுந்தகவல் போன்ற விவரங்களை காண்பிக்கும். இத்துடன் இரவு மற்றும் பகல் நேரத்தில் டிஸ்ப்ளேவை தெளிவாக பார்க்க டே அண்ட் நைட் மோட் வழங்கப்படுகிறது. டிவிஎஸ் ஐ கியூப் மாடலில் 4.4 கிலோவாட் எலெக்ட்ரிக் மோட்டார் வழங்கப்பட்டு உள்ளது.
இந்த மோட்டார் மணிக்கு அதிகபட்சம் 78 கிலோமீட்டர் வேகத்தில் செல்லும் திறன் கொண்டுள்ளது. இத்துடன் 2.25 கிலோவாட் லித்தியம் அயன் பேட்டரி பேக் வழங்கப்பட்டு இருக்கிறது. இதில் உள்ள பேட்டரி ஒருமுறை சார்ஜ் செய்தால் 75 கிலோமீட்டர் வரை செல்லும் திறன் கொண்டுள்ளது.
ஏத்தர் எனர்ஜி நிறுவனம் ஓசூரில் கட்டமைத்து இருக்கும் புதிய ஆலையில் உற்பத்தி பணிகளை துவங்கி இருக்கிறது.
பெங்களூரை சேர்ந்த பிரீமியம் எலெக்ட்ரிக் இருசக்கர வாகன ஸ்டார்ட்-அப் நிறுவனமான ஏத்தர் எனர்ஜி ஓசூரில் கட்டமைத்த புதிய ஆலையில் உற்பத்தி பணிகளை துவங்கி இருக்கிறது. இந்த ஆலையில் 450எக்ஸ் எலெக்ட்ரிக் ஸ்கூட்டர் உற்பத்தி செய்யப்பட இருக்கிறது.
புது ஆலையில் உற்பத்தி துவங்கி இருப்பதால், ஏத்தர் எனர்ஜி இந்தியாவில் மேலும் சில பகுதிகளில் விற்பனையை அதிகப்படுத்த முடியும். தமிழக அரசுடன் புரிந்துணர்வு ஒப்பந்தம் கையெழுத்தாகி ஒரு வருடம் கழித்து ஓசூர் ஆலையில் உற்பத்தி பணிகள் துவங்கி உள்ளன.
ஓசூரில் உள்ள புதிய உற்பத்தி ஆலை 4 லட்சம் சதுர அடி பரப்பளவு நிலத்தில் அமைந்துள்ளது. புரிந்துணர்வு ஒப்பந்தம் கையெழுத்தான சமயத்தில் ஐந்து ஆண்டுகளுக்கு சுமார் 4 ஆயிரத்திற்கும் அதிக வேலைவாய்ப்புகளை இந்த ஆலை உருவாக்கும் என ஏத்தர் எனர்ஜி தெரிவித்து இருந்தது.
பெனலி நிறுவனத்தின் புதிய டிஆர்கே 502எக்ஸ் மோட்டார்சைக்கிள் இந்திய வெளியீட்டு விவரங்களை தொடர்ந்து பார்ப்போம்.
பெனலி இந்தியா தனது இரண்டாவது பிஎஸ்6 மோட்டார்சைக்கிள், டிஆர்கே 502 அட்வென்ச்சர் டூரர் மாடலை சமீபத்தில் இந்திய சந்தையில் அறிமுகம் செய்தது. இதன் வெளியீட்டை தொடர்ந்து டிஆர்கே 502எக்ஸ் பிஎஸ்6 மாடலை வெளியிட பெனலி திட்டமிட்டு உள்ளது.
டிஆர்கே 502எக்ஸ் பிஎஸ்6 மாடல் இந்தியாவில் இந்த ஆண்டின் முதல் காலாண்டில் வெளியாகும் என பெனலி இந்தியா நிர்வாக இயக்குனர் விகாஸ் ஹபாக் தனியார் நிறுவனத்திற்கு அளித்த பேட்டியில் தெரிவித்தார்.
பெனலி டிஆர்கே 502எக்ஸ் ஆப்-ரோடு சார்ந்த மாடல் ஆகும். இது ஸ்போக்டு வீல், பெரிய என்ஜின் கார்டு, ஹை-மவுண்ட் செய்யப்பட்ட எக்சாஸ்ட், பின்புறம் லக்கேஜ் ரேக், டிஆர்கே 502 மாடலை விட அதிக கிரவுண்ட் கிளியரன்ஸ் உள்ளிட்டவை கொண்டிருக்கிறது.
சஸ்பென்ஷனிற்கு 50எம்எம் யுஎஸ்டி போர்க், பின்புறம் மோனோ-ஷாக் செட்டப் வழங்கப்படுகிறது. இதே செட்டப் 502எக்ஸ் மாடலிலும் வழங்கப்படலாம் என எதிர்பார்க்கப்படுகிறது. பிரேக்கிங்கிற்கு முன்புறம் 320எம்எம் டிஸ்க், பின்புறம் 260எம்எம் டிஸ்க் ரோட்டார்கள் வழங்கப்படுகிறது.
×