பைக்

அப்ரிலியா நிறுவனம் மிடில்-வெய்ட் மோட்டார்சைக்கிள் பிரிவில் இரண்டு புதிய மாடல்களை உருவாக்கி உள்ளது. அவை அப்ரிலியா ஆர்எஸ்660 மற்றும் டியோனா 660 ஆகும். இந்த இரண்டு மாடல்களும் அவற்றின் வடிவமைப்பு மற்றும் தொழில்நுட்பம் காரணமாக சந்தையில் பெரும் எதிர்பார்ப்பை ஏற்படுத்தியுள்ளது.

மேலும் இவற்றின் கவர்ச்சிகர அம்சங்கள் பற்றிய ஆர்வத்தையும் அதிகரித்துள்ளது. அப்ரிலியா நிறுவனம் ஆர்எஸ்660 மற்றும் டியோனா 660 மோட்டார்சைக்கிள் மாடல்களை இந்திய சந்தையில் விரைவில் விற்பனைக்கு கொண்டு வரப்படும் என்று கூறியுள்ளது. 

இந்த இரண்டு மாடல்கள் வெளியிடுவதற்கு முன், தற்சமயம் இவற்றுக்கான முன்பதிவு துவங்கி உள்ளதாக தகவல் வெளியாகி உள்ளது. இரு மாடல்களும் இந்தியாவில் இரண்டாவது காலாண்டு வாக்கில் இறக்குமதி செய்யப்படுகிறது. சிபியு முறையில் கொண்டுவரப்பட இருப்பதால், இவற்றின் விலை அதிகமாகவே இருக்கும். 

அப்ரிலியா ஆர்எஸ்660 மற்றும் டியோனோ 660 ஆகிய இரு மாடல்களிலும் 660சிசி பேரலெல் ட்வின் என்ஜின் வழங்கப்பட்டு இருக்கிறது. எனினும், இரு மாடல்களும் வெவ்வேறு செயல்திறன் வழங்கும் என தெரிகிறது.

டிரையம்ப் மோட்டார்சைக்கிள் நிறுவனம் ஸ்டிரீட் ட்வின் கோல்டு லைன் மற்றும் மேம்பட்ட 2021 கிளாசிக் மாடலை அறிமுகம் செய்தது. புதிய ஸ்டிரீட் ட்வின் கோல்டு லைன் மாடல் ஸ்டான்டர்டு ஸ்டிரீட் ட்வின் வேரியண்டை தழுவி உருவாகி இருக்கிறது. 

புதிய கோல்டு லைன் மாடலின் பக்கவாட்டு மற்றும் பியூவல் டேன்க் மீது மேட் சபையர் பிளாக் பெயின்ட் மற்றும் கோல்டு ஸ்டிரைப் செய்யப்பட்டு உள்ளது. இத்துடன் கோல்டு ரிம் டேப் செய்யப்பட்டு இருக்கிறது. மேலும் இந்த மாடல் கிராபைட் பினிஷன் செய்யப்பட்டு இருக்கிறது.

ஸ்டிரீட் ட்வின் கோல்டு லைன் மொத்தத்தில் 1000 யூனிட்களே உற்பத்தி செய்யப்படும் என டிரையம்ப் அறிவித்து இருக்கிறது. இந்த மோட்டார்சைக்கிள் ஒவ்வொரு யூனிட் உடன் நம்பகத்தன்மையை உறுதிப்படுத்தும் சான்று வழங்கப்படுகிறது. இவைதவிர ஸ்டிரீட் ட்வின் கோல்டு லைன் தோற்றத்தில் ஸ்டான்டர்டு ஸ்டிரீட் ட்வின் மாடல் போன்றே காட்சியளிக்கிறது.

புதிய லிமிடெட் எடிஷன் மாடல் ஜூன் மாதம் முதல் சர்வதேச சந்தையில் கிடைக்கும். இந்தியாவிலும் ஸ்டிரீட் ட்வின் கோல்டு லைன் குறைந்த எண்ணிக்கையில் அறிமுகம் செய்யப்படலாம் என எதிர்பார்க்கப்படுகிறது.

கவாசகி நிறுவன விற்பனையாளர்கள் பிஎஸ்6 நின்ஜா 300 மாடலுக்கான முன்பதிவை துவங்கி இருக்கின்றனர். புதிய மோட்டார்சைக்கிள் இருவித நிறங்களில் கிடைக்கும் என கவாசகி தெரிவித்து உள்ளது. ஏற்கனவே அறிவிக்கப்பட்ட லைம் கிரீன் தவிர, லைம் கிரீன்/எபோனி மற்றும் பிளாக் நிறங்களில் புதிய பிஎஸ்6 நின்ஜா மாடல் கிடைக்கிறது.

புதிய மாடல் தோற்றத்தில் எந்த மாற்றமும் மேற்கொள்ளப்படவில்லை. எனினும், பிஎஸ்6 மாடலில் மேம்பட்ட கிராபிக்ஸ் வழங்கப்பட்டு இருக்கிறது. இந்த மாடலிலும் ட்வின்-பாட் ஹெட்லைட், மஸ்குலர் பியூவல் டேன்க், ஸ்ப்லிட்-ஸ்டைல் சீட், குரோம் ஹீட்ஷீல்டு உள்ளிட்டவை வழங்கப்படுகிறது.

கவாசகி நின்ஜா 300 பிஎஸ்6 மாடலின் முன்புறம் டெலிஸ்கோபிக் போர்க், பின்புறம் மோனோ-ஷாக், டிஸ்க் பிரேக், டூயல் சேனல் ஏபிஎஸ் உள்ளிட்டவை வழங்கப்படுகிறது. இதன் மெக்கானிக்கல் அம்சங்கள் பற்றி கவாசகி இதுவரை எந்த தகவலும் வழங்கவில்லை.

எனினும், புதிய மாடலில் பிஎஸ்6 ரக 296சிசி, பேரலெல் ட்வின் சிலிண்டர், லிக்விட் கூல்டு என்ஜின் வழங்கப்படும் என தெரிகிறது. இதன் செயல்திறன் முந்தைய மாடலில் இருந்ததை விட வேறுபடும் என கூறப்படுகிறது. பிஎஸ்4 மாடலில் இந்த என்ஜின் 38.4 பிஹெச்பி பவர், 27 என்எம் டார்க் செயல்திறன் வழங்குகிறது.

புதிய மாடலின் விலையும் சற்று அதிகமாக நிர்ணயம் செய்யப்படலாம். இந்திய சந்தையில் பிஎஸ்4 மாடல் விலை ரூ. 2.98 லட்சம், எக்ஸ்-ஷோரூம் என நிர்ணயிக்கப்பட்டு இருந்தது. 

பிஎம்டபிள்யூ நிறுவனம் இந்திய சந்தையில் புதிய ஆர்18 கிளாசிக் மோட்டார்சைக்கிளை இந்திய சந்தையில் அறிமுகம் செய்து இருக்கிறது. புதிய மோட்டார்சைக்கிள் விலை ரூ. 24 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இது முந்தைய ஆர்18 விலையை விட ரூ. 1.5 லட்சம் அதிகம் ஆகும்.

புதிய பிஎம்டபிள்யூ மாடலில் புல் எல்இடி ஹெட்லைட், பெரிய விண்ட்ஸ்கிரீன் வழங்கப்பட்டு இருக்கிறது. இத்துடன் பக்கவாட்டில் சேடில்பேக் வழங்கப்பட்டு உள்ளன. இந்த மாடலில் உள்ள அக்சஸரீக்கள் எளிதில் கழற்றி மாட்டிக் கொள்ளும் வகையில் வழங்கப்பட்டு இருக்கின்றன.

ஆர்18 கிளாசிக் மாடலில் 1802சிசி, பாக்சர் ட்வின், ஏர்/ஆயில் கூல்டு மோட்டார் வழங்கப்பட்டு இருக்கிறது. இந்த மோட்டார் 89.9 பிஹெச்பி பவர், 158 என்எம் டார்க் செயல்திறன் வழங்குகிறது. சஸ்பென்ஷன் மற்றும் பிரேக்கிங் ஹார்டுவேர் உள்ளிட்டவை இரு மாடல்களிலும் ஒரே மாதிரி வழங்கப்பட்டு உள்ளன.

பிஎம்டபிள்யூ ஆர்18 கிளாசிக் மாடல் எலெக்டிரானிக் குரூயிஸ் கண்ட்ரோல், மூன்று ரைடு மோட்கள், என்ஜின் டிராக் டார்க் கண்ட்ரோல், கீலெஸ் ஸ்டார்ட் மற்றும் ரிவர்ஸ் கியர் உள்ளிட்டவை வழங்கப்பட்டு இருக்கின்றன.

ராயல் என்பீல்டு நிறுவனத்தின் 2021 ஹிமாலயன் மாடல் வினியோகம் இந்தியாவில் துவங்கியது. புதிய மோட்டார்சைக்கிள் துவக்க விலை ரூ. 2,03,314 என நிர்ணயம் செய்யப்பட்டு இருக்கிறது. முந்தைய மாடல் துவக்க விலை ரூ. 1,91,401 என நிர்ணயிக்கப்பட்டு இருந்தது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

காஸ்மெடிக் அடிப்படையில் 2021 ஹிமாலயன் மாடல் பைன் கிரீன், கிரானைட் பிளாக் (டூயல் டோன் மேட் மற்றும் கிளாஸ் பிளாக்) மற்றும் மிரேஜ் சில்வர் என மூன்று நிறங்களில் கிடைக்கிறது. இத்துடன் கிராவல் கிரே, ராக் ரெட் மற்றும் லேக் புளூ நிறங்களிலும் கிடைக்கிறது.

2021 ஹிமாலயன் மாடலில் ராயல் என்பீல்டு நிறுவனத்தின் ட்ரிப்பர் நேவிகேஷன் அம்சம் கொண்டிருக்கிறது. புதிய டன்-பை-டன் நேவிகேஷன் பாட் மோட்டார்சைக்கிளின் செமி டிஜிட்டல் இன்ஸ்ட்ரூமென்ட் கிளஸ்டர் அருகில் பொருத்தப்பட்டு இருக்கிறது. 

2021 ராயல் என்பீல்டு ஹிமாலயன் மாடலில் 411சிசி சிங்கில் சிலிண்டர் SOHC ஏர்-கூல்டு என்ஜின் வழங்கப்பட்டு உள்ளது. இந்த என்ஜின் 24.3 பிஹெச்பி பவர், 32 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.

ராயல் என்பீல்டு நிறுவனம் இன்டர்செப்டார் 650 மற்றும் கான்டினென்டல் ஜிடி 650 மோட்டார்சைக்கிள் மாடல்களின் விலையை உயர்த்தி உள்ளது. அதன்படி இன்டர்செப்டார் 650 மாடல் விலை ரூ. 2,69,765 என்றும் கான்டினென்டல் ஜிடி 650 விலை ரூ. 2,85,680 என்றும் மாறி இருக்கின்றன. 

விலை தவிர இரு மாடல்களில் வேறு எந்த மாற்றமும் மேற்கொள்ளப்படவில்லை. இரு மாடல்களிலும் 648சிசி, பேரலெல் ட்வின் சிலிண்டர் என்ஜின் வழங்கப்பட்டு இருக்கிறது. இது 47 பிஹெச்பி பவர், 52 என்எம் டார்க் செயல்திறன் வழங்குகிறது.

இத்துடன் ராயல் என்பீல்டு நிறுவனம் இன்டர்செப்டார் 650 மற்றும் கான்டினென்டல் ஜிடி 650 மாடல்களை அலாய் வீல்களுடன் அறிமுகம் செய்யலாம் என எதிர்பார்க்கப்படுகிறது. எனினும், இதுபற்றி ராயல் என்பீல்டு சார்பில் இதுவரை எந்த தகவலும் வழங்கப்படவில்லை.

பஜாஜ் ஆட்டோ நிறுவனம் இந்தியாவில் பிஎஸ்6 ரக பல்சர் 180 மோட்டார்சைக்கிள் மாடலை அறிமுகம் செய்தது. புதிய மோட்டார்சைக்கிள் விலை ரூ. 1,04,768 எக்ஸ்-ஷோரூம் என நிர்ணயம் செய்யப்பட்டு உள்ளது. புதிய பிஎஸ்6 மாடல் தற்சமயம் பிளாக் ரெட் நிறத்தில் மட்டும் கிடைக்கிறது.

ஸ்டைலிங்கை பொருத்தவரை ட்வின் டிஆர்எல், டின்ட் செய்யப்பட்ட வைசர் வழங்கப்படுகிறது. காக்பிட் பகுதியில் அதிநவீன, செமி-டிஜிட்டல் இன்ஸ்ட்ரூமென்ட் கிளஸ்டர் வழங்கப்பட்டு உள்ளது. இத்துடன் என்ஜின் கவுல், ஸ்ப்லிட்-சீட், 2 பீஸ் கிராப் ரெயில் வழங்கப்பட்டு இருக்கிறது.

மெக்கானிக்கல் அம்சங்கள் மற்றும் இதர பாகங்கள் பல்சர் 180எப் மாடலில் உள்ளதை போன்றே வழங்கப்பட்டு உள்ளன. அதன்படி இந்த நேக்கட் ரோட்ஸ்டர் மாடலில் 178.6சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 16.7 பிஹெச்பி பவர், 14.52 என்எம் டார்க் செயல்திறன் மற்றும் 5 ஸ்பீடு கியர்பாக்ஸ் கொண்டுள்ளது.

சஸ்பென்ஷனிற்கு முன்புறம் டெலிஸ்கோபிக் போர்க், பின்புறம் கியாஸ் சார்ஜ் செய்யப்பட்ட ட்வின் ஸ்ப்ரிங் வழங்கப்பட்டு உள்ளது. பிரேக்கிங்கிற்கு முன்புறம் 280எம்எம் ஒற்றை டிஸ்க், பின்புறம் 230 எம்எம் சிங்கில் ரோட்டார் வழங்கப்பட்டு இருக்கிறது. இத்துடன் சிங்கில் சேனல் ஏபிஎஸ் வழங்கப்படுகிறது.

புதிய பல்சர் 180 பிஎஸ்6 மாடல் ஹோண்டா ஹார்னெட் 2.0, டிவிஎஸ் அபாச்சி ஆர்டிஆர்180 போன்ற மாடல்களுக்கு போட்டியாக அமைகிறது.

பெனலி இந்தியா நிறுவனம் 2021 லியோன்சினோ 500 மோட்டார்சைக்கிள் இந்திய சந்தையில் அறிமுகம் செய்யப்பட்டது. புதிய பெனலி லியோன்சினோ 500 மாடல் விலை ரூ. 4.60 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இது முந்தைய 2019 வெர்ஷனை விட ரூ. 20 ஆயிரம் குறைவு ஆகும்.

2021 பெனலி லியோன்சினோ 500 மாடலில் பிஎஸ்6 புகை விதிகளுக்கு பொருந்தும் என்ஜின் வழங்கப்பட்டு உள்ளது. பிஎஸ்6 புகை விதிகளுக்கு பொருந்தும் பெனலி நிறுவனத்தின் மூன்றாவது மோட்டார்சைக்கிள் மாடலாக புதிய லியோன்சினோ 500 அமைகிறது.

முன்னதாக டிஆர்கே 502 மற்றும் இம்பீரியல் 400 உள்ளிட்ட மாடல்கள் பிஎஸ்6 விதிகளுக்கு பொருந்தும் என்ஜினுடன் அறிமுகம் செய்யப்பட்டன. இவைதவிர 2021 ஆண்டில் மேலும் சில பிஎஸ்6 மாடல்களை அறிமுகம் செய்வதாக பெனலி தெரிவித்து இருக்கிறது.

புதிய பெனலி லியோன்சினோ 500 மாடலின் முன்பதிவு ஆன்லைன் மற்றும் விற்பனை மையங்களில் நடைபெற்று வருகிறது. இந்த மாடலுக்கான முன்பதிவு கட்டணம் ரூ. 10 ஆயிரம் என நிர்ணயம் செய்யப்பட்டு உள்ளது. விரைவில் இதன் வினியோகம் துவங்கும் என தெரிகிறது.

2021 பெனலி லியோன்சினோ 500 மாடலில் DOHC 500சிசி ட்வின்-சிலிண்டர் லிக்விட் கூல்டு என்ஜின் வழங்கப்படுகிறது. இந்த என்ஜின் 46 பிஹெச்பி பவர், 46 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் கொண்டிருக்கிறது.

கவாசகி நிறுவனம் W175 மோட்டார்சைக்கிளை புதிய நிறத்தில் இந்தோனேசிய சந்தையில் அறிமுகம் செய்து உள்ளது. முன்னதாக இந்த மோட்டார்சைக்கிள் எபோனி மற்றும் வைட் நிறங்களில் மட்டும் விற்பனை செய்யப்பட்டு வந்தது. தற்சமயம் இந்த மாடல் மெட்டாலிக் ஓசன் புளூ நிறத்தில் அறிமுகம் செய்யப்பட்டு உள்ளது.

இந்த மாடலின் பியூவல் டேன்க் நீல நிறத்திலும் பென்டர்களின் மேல் பின்ஸ்டிரைப், அன்டர்சீட் பேனல்களில் 175 பேட்ஜ் இடம்பெற்று இருக்கிறது. கவாசகி W175 மாடல் இந்திய சந்தையிலும் அறிமுகம் செய்யப்படலாம் என எதிர்பார்க்கப்படுகிறது. முன்னதாக இந்த மாடலின் ஸ்பை படங்கள் இணையத்தில் வெளியாகி வந்தது.

இந்திய சந்தையில் அறிமுகமாகும் பட்சத்தில் இது அந்நிறுவனத்தின் குறைந்த விலை மாடலாக அறிமுகமாகும் என தெரிகிறது. கவாசகி W175 மாடலில் வட்ட வடிவ ஹெட்லேம்ப், ஒற்றை இருக்கை அமைப்பு மற்றும் ஸ்போக் வீல்கள் வழங்கப்பட்டு இருக்கின்றன.

2021 கவாசகி W175 மாடலில் 177சிசி, சிங்கில் சிலிண்டர், ஏர் கூல்டு என்ஜின் வழங்கப்படுகிறது. இந்த என்ஜினுடன் 5 ஸ்பீடு கியர்பாக்ஸ் வழங்கப்படுகிறது. இந்த என்ஜின் 12.9 பிஹெச்பி பவர், 13.2 என்எம் டார்க் செயல்திறன் வழங்குகிறது. இதன் முன்புறம் டெலிஸ்கோபிக் போர்க், பின்புறம் டூயல் ஷாக் அப்சார்பர்கள் வழங்கப்பட்டு உள்ளன.

புதிய கவாசகி W175 மாடல் ராயல் என்பீல்டு கிளாசிக் 350, ஜாவா ஸ்டான்டர்டு மற்றும் பெனலி இம்பீரியல் 400 போன்ற மாடல்களுக்கு போட்டியாக அமைகிறது. இந்திய சந்தையில் இதன் விலை ரூ. 2 லட்சம், எக்ஸ்-ஷோரூம் வரை நிர்ணயம் செய்யப்படலாம்.

கோவாவை சேர்ந்த ஸ்டார்ட்-அப் நிறுவனம் கபிரா மொபிலிட்டி இந்திய சந்தையில் தனது முதல் எலெக்ட்ரிக் மோட்டார்சைக்கிள் மாடல்களை அறிமுகம் செய்து இருக்கிறது. இவை கேஎம் 3000 மற்றும் கேஎம் 4000 என அழைக்கப்படுகின்றன.

இதில் கவாசகி நின்ஜா 300 போன்றே காட்சியளிக்கும் கேஎம் 3000 மாடல் விலை ரூ. 1,26,990 என்றும் இசட்1000 தோற்றம் கொண்டிருக்கும் கேஎம் 4000 மாடல் விலை ரூ. 1,36,990 என நிர்ணயம் செய்யப்பட்டு உள்ளது. இரு மாடல்களிலும் முறையே 6kW மற்றும் kW மோட்டார் வழங்கப்பட்டு இருக்கின்றன.

இந்த மோட்டார்கள் 4.0 kWh மற்றும் 4.4 kWh பேட்டரிகளுடன் இணைக்கப்பட்டு உள்ளன. இந்த பேட்டரிகளை பூஸ்ட் சார்ஜ் மூலம் 0 முதல் 80 சதவீதம் வரை சார்ஜ் செய்ய 50 நிமிடங்களே ஆகும். இகோ சார்ஜ் பயன்படுத்தும் பட்சத்தில் 6 மணி 30 நிமிடங்கள் ஆகும்.

கேஎம் 3000 மாடல் மணிக்கு அதிகபட்சம் 100 கிலோமீட்டர் வேகத்தில் செல்லும் திறன் கொண்டுள்ளது. இந்த மோட்டார்சைக்கிள் ஒருமுறை சார்ஜ் செய்தால் 60 முதல் 120 கிலோமீட்டர் வரை செல்லும். கேம் 4000 மாடல் மணிக்கு 120 கிலோமீட்டர் வேகத்தில் செல்லும் திறன் கொண்டிருக்கிறது. இதனை ஒருமுறை சார்ஜ் செய்தால் 90 முதல் 150 கிலோமீட்டர் வரை பயணிக்க முடியும்.

இரு மாடல்களிலும் ப்ளூடூத் சார்ந்து இயங்கும் இன்ஸ்ட்ரூமென்ட் கிளஸ்டர் மற்றும் எல்இடி லைட்டிங் வழங்கப்பட்டு இருக்கிறது. இரு மாடல்களும் கோவா, மகாராஷ்டிரா மற்றும் குஜராத் போன்ற பகுதிகளை சேர்ந்த 27 விற்பனையாளர்கள் மூலம் விற்பனை செய்யப்படுகிறது.

ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் இந்திய சந்தையில் புத்தம் புதிய சிபி350ஆர்எஸ் மோட்டார்சைக்கிளை அறிமுகம் செய்தது. புதிய ஹோண்டா சிபி350ஆர்எஸ் மாடல் துவக்க விலை ரூ. 1,96,000 எக்ஸ்-ஷோரூம் என நிர்ணயம் செய்யப்பட்டு உள்ளது.

ஹோண்டா சிபி350ஆர்எஸ் மாடலின் பியூவல் டேன்க்கில் பிரம்மாண்ட ஹோண்டா பேட்ஜ், 7-y வடிவ அலாய் வீல்கள், அதிநவீன ரோட்ஸ்டர் தோற்றம் கொண்டிருக்கிறது. இத்துடன் வட்ட வடிவ எல்இடி ஹெட்லேம்ப், கண் வடிவி எல்இடி விண்க்கர்கள், மெல்லிய எல்இடி டெயில் லேம்ப் வழங்கப்பட்டு இருக்கிறது.

இந்த மோட்டார்சைக்கிளில் 350சிசி, ஏர்-கூல்டு 4 ஸ்டிரோக் OHC சிங்கில் சிலிண்டர் என்ஜின் வழங்கப்படுகிறது. இந்த என்ஜின் 20.7 பிஹெச்பி பவர், 30 என்எம் டார்க் செயல்திறன் வழஹ்குகிறது. இதில் உள்ள மேம்பட்ட PGM-FI சிஸ்டம் ஆன்-போர்டு சென்சார்களை கொண்டு என்ஜினுக்கு சீராக எரிபொருள் செலுத்துகிறது. 

இத்துடன் ஹோண்டா சிபி350ஆர்எஸ் மாடலில் மேம்பட்ட டிஜிட்டல் அனலாக் மீட்டர் வழங்கப்பட்டு இருக்கிறது. இது டார்க் கண்ட்ரோல், ஏபிஎஸ், சைடு-ஸ்டாண்டு இன்டிகேட்டர், கியர் பொசிஷன் இன்டிகேட்டர் மற்றும் பேட்டரி வோல்டேஜ் போன்ற விவரங்களை வழங்குகிறது.

புதிய ஹோண்டா சிபி350ஆர்எஸ் மாடல் ரியல்-டைம் மைலேஜ், அவரேஜ் மைலேஜ் மற்றும் டிஸ்டன்ஸ் டு எம்ப்டி என மூன்று மோட்களில் பியூவல் ஆற்றல் விவரங்களை காண்பிக்கிறது.

ஹீரோ மோட்டோகார்ப் நிறுவனம் சமீபத்தில் வாகன உற்பத்தியில் பத்து கோடி யூனிட்கள் எனும் மைல்கல் எட்டியது. மைல்கல் உற்பத்தியை கொண்டாடும் வகையில் ஆறு லிமிடெட் எடிஷன் மாடல்களை அறிமுகம் செய்வதாக அந்நிறுவனம் அறிவித்து இருந்தது.

அந்த வகையில் எக்ஸ்டிரீம் 160ஆர் 100 மில்லியன் லிமிடெட் எடிஷன் அறிமுகம் செய்யப்பட இருக்கிறது. இந்த மாடல் ஹீரோ மோட்டோகார்ப் நிறுவனத்தின் அதிகாரப்பூர்வ வலைதளத்தில் பதிவேற்றம் செய்யப்பட்டு உள்ளது. புதிய லிமிடெட் எடிஷன் மாடல் பிரத்யேகமாக வைட் மற்றும் ரெட் நிறங்களில் கிடைக்கிறது.

இத்துடன் `100 மில்லியன்' வாசகம் அடங்கிய கிராபிக்ஸ் இடம்பெறுகிறது. இவைதவிர புதிய லிமிடெட் எடிஷன் மாடலில் வெறு எந்த மாற்றமும் மேற்கொள்ளப்படாது என்றே தெரிகிறது. புதிய மாடலில் எல்இடி லைட்டிங், டிஜிட்டல் இன்ஸ்ட்ரூமென்ட் கிளஸ்டர் வழங்கப்படுகிறது.

ஹீரோ எக்ஸ்டிரீம் 160ஆர் மாடலில் 163சிசி, சிங்கில் சிலிண்டர் என்ஜின் வழங்கப்படுகிறது. இந்த என்ஜின் 15 பிஹெச்பி பவர், 14 என்எம் டார்க் செயல்திறன் வழங்குகிறது. இந்தியாவில் இதன் டூயல் டிஸ்க் வேரியண்ட் விலை ரூ. 1.06 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.