பைக்

டிவிஎஸ் மோட்டார் கம்பெனி நிறுவனம் 2021 அபாச்சி ஆர்டிஆர் 160 4வி மாடலை இந்திய சந்தையில் அறிமுகம் செய்தது. புதிய மாடல் முந்தைய வேரியண்டை விட அதிக திறன் கொண்டுள்ளது. இதில் உள்ள என்ஜின் 17.4 பிஹெச்பி பவர் வழங்குகிறது. முந்தைய மாடல் 15.6 பிஹெச்பி பவர் கொண்டிருக்கிறது.

டார்க் இழுவிசையை பொருத்தவரை புது மாடல் 14.73 என்எம் டார்க் வழங்குகிறது. இந்த 159.77 சிசி, சிங்கில் சிலிண்டர், ஆயில் கூல்டு என்ஜினுடன் 5-ஸ்பீடு கியர்பாக்ஸ் வழங்கப்படுகிறது. ஸ்டைலிங்கை பொருத்தவரை 2021 அபாச்சி ஆர்டிஆர் 160 4வி மாடலில் எல்இடி ஹெட்லைட், எல்இடி டிஆர்எல், எல்இடி டெயில் லைட், மஸ்குலர் பியூவல் டேன்க் வழங்கப்படுகிறது.

தோற்றத்தில் புது மாடலில் எந்த மாற்றமும் செய்யப்படவில்லை. 2021 அபாச்சி ஆர்டிஆர் 160 4வி மாடலின் முன்புறம் டெலிஸ்கோபிக் போர்க், பின்புறம் மோனோ ஷாக் அப்சார்பர் வழங்கப்பட்டு இருக்கிறது. இத்துடன் இரு சக்கரங்களிலும் பெட்டல் டிஸ்க் மற்றும் பாதுகாப்பிற்கு சிங்கில் சேனல் ஏபிஎஸ் வழங்கப்படுகிறது.

புதிய மாடல் ரேசிங் ரெட், நைட் பிளாக் மற்றும் மெட்டாலிக் புளூ நிறங்களில் கிடைக்கிறது. இதன் பேஸ் மாடலின் பின்புறம் சக்கரத்தில் டிரம் பிரேக் வழங்கப்படுகிறது. இதன் விலை ரூ. 1.07 லட்சம் என்றும் இருபுற டிஸ்க் பிரேக் மாடல் விலை ரூ. 1.10 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

ஹோண்டா நிறுவனம் தனது புதிய சிபி350ஆர்எஸ் மாடலின் வினியோகத்தை துவங்கி உள்ளது. புதிய மோட்டார்சைக்கிள் பிப்ரவரி 16 ஆம் தேதி இந்திய சந்தையில் அறிமுகம் செய்யப்பட்டது. இந்தியாவில் இதன் விலை ரூ. 1.96 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

ஹோண்டா சிபி350ஆர்எஸ் மாடலின் பியூவல் டேன்க்கில் பிரம்மாண்ட ஹோண்டா பேட்ஜ், 7-y வடிவ அலாய் வீல்கள், அதிநவீன ரோட்ஸ்டர் தோற்றம் கொண்டிருக்கிறது. இத்துடன் வட்ட வடிவ எல்இடி ஹெட்லேம்ப், கண் வடிவி எல்இடி விண்க்கர்கள், மெல்லிய எல்இடி டெயில் லேம்ப் வழங்கப்பட்டு இருக்கிறது.

இந்த மோட்டார்சைக்கிளில் 350சிசி, ஏர்-கூல்டு 4 ஸ்டிரோக் OHC சிங்கில் சிலிண்டர் என்ஜின் வழங்கப்படுகிறது. இந்த என்ஜின் 20.7 பிஹெச்பி பவர், 30 என்எம் டார்க் செயல்திறன் வழஹ்குகிறது. இதில் உள்ள மேம்பட்ட PGM-FI சிஸ்டம் ஆன்-போர்டு சென்சார்களை கொண்டு என்ஜினுக்கு சீராக எரிபொருள் செலுத்துகிறது. 

இத்துடன் ஹோண்டா சிபி350ஆர்எஸ் மாடலில் மேம்பட்ட டிஜிட்டல் அனலாக் மீட்டர் வழங்கப்பட்டு இருக்கிறது. இது டார்க் கண்ட்ரோல், ஏபிஎஸ், சைடு-ஸ்டாண்டு இன்டிகேட்டர், கியர் பொசிஷன் இன்டிகேட்டர் மற்றும் பேட்டரி வோல்டேஜ் போன்ற விவரங்களை வழங்குகிறது.

புதிய ஹோண்டா சிபி350ஆர்எஸ் மாடல் ரியல்-டைம் மைலேஜ், அவரேஜ் மைலேஜ் மற்றும் டிஸ்டன்ஸ் டு எம்ப்டி என மூன்று மோட்களில் பியூவல் ஆற்றல் விவரங்களை காண்பிக்கிறது.

கோவாவை சேர்ந்த ஸ்டார்ட்-அப் நிறுவனமான கபிரா மொபிலிட்டி இந்திய சந்தையில் கேஎம்3000 மற்றும் கேஎம்4000 என இரண்டு எலெக்ட்ரிக் மோட்டார்சைக்கிள் மாடல்களை அறிமுகம் செய்தது. மேலும் இரு மாடல்களுக்கான முன்பதிவும் அதே தினத்தில் துவங்கியது.

கோவா, கர்நாடகா, மகாராஷ்டிரா மற்றும் தமிழ் நாடு மாநிலங்களை சேர்த்து இரு மாடல்களை வாங்க இதுவரை சுமார் 6 ஆயிரத்திற்கும் அதிகமானோர் முன்பதிவு செய்து இருப்பதாக கபிரா மொபிலிட்டி தெரிவித்து இருக்கிறது. மேலும் இரு மாடல்களின் வினியோகம் மே 1, 2021 அன்று துவங்கும் என தெரிவித்து இருக்கிறது.

கவாசகி நின்ஜா 300 தோற்றம் கொண்டுள்ள கேஎம்3000 விலை ரூ. 1,26,990 என்றும் கேஎம்4000 விலை ரூ. 1,36,990 என்றும் நிர்ணயம் செய்யப்பட்டு உள்ளது. இதில் கவாசகி கேஎம்4000 தோற்றத்தில் கவாசகி இசட்1000 போன்று காட்சியளிக்கிறது. 

இரு மாடல்களிலும் முறையே 6 கிலோவாட் மற்றும் 8 கிலோவாட் மோட்டார் வழங்கப்பட்டு உள்ளது. இத்துடன் 4.0 kWh மற்றும் 4.4 kWh பேட்டரிகள் வழங்கப்பட்டு உள்ளன. இவை ஒருமுறை சார்ஜ் செய்தால் அதிகபட்சம் 150 கிலோமீட்டர் வரை செல்லும் திறன் கொண்டுள்ளன. 

புதிய கேஎம்3000 மாடல் மணிக்கு அதிகபட்சம் 100 கிலோமீட்டர் வேகத்திலும், கேஎம்4000 மாடல் மணிக்கு அதிகபட்சம் 120 கிலோமீட்டர் வேகத்திலும் செல்கின்றன.

ஹீரோ மோட்டோகார்ப் நிறுவனம் 21 ஜனவரி 2021 வாக்கில் வாகனங்கள் உற்பத்தியில் பத்து கோடி யூனிட்களை கடந்து அசத்தியது. இதனை கொண்டாடும் வகையில் சில மோட்டார்சைக்கிள்களின் லிமிடெட் எடிஷனை வெளியிட திட்டமிட்டு இருப்பதாக ஹீரோ நிறுவனம் ஏற்கனவே அறிவித்து இருந்தது. 

அந்த வரிசையில் ஹீரோ எக்ஸ்டிரீம் 160ஆர் மாடலும் இடம்பெற்று இருக்கிறது. தற்போது எக்டிரீம் 160ஆர் லிமிடெட் எடிஷன் ஹீரோ மோட்டோகார்ப் அதிகாரப்பூர்வ வலைதளத்தில் இடம்பெற்று இருக்கிறது. அதில் புது லிமிடெட் எடிஷன் மாடல் விரைவில் வெளியாகும் என குறிப்பிடப்பட்டு இருக்கிறது.

வெளியீட்டுக்கு முன் ஹீரோ எக்ஸ்டிரீம் 160ஆர் லிமிடெட் எடிஷன் விற்பனையகத்தில் நிறுத்தப்பட்டு இருக்கும் புகைப்படங்கள் இணையத்தில் வெளியாகி உள்ளன. அதன்படி புதிய மாடல் தோற்றத்தில் தற்போது விற்பனையாகும் ஸ்டான்டர்டு வேரியண்டை போன்றே காட்சியளிக்கிறது. புது மாடல் ரெட் மற்றும் வைட் நிறங்களில் உருவாகி இருக்கிறது.

எக்ஸ்டிரீம் 160ஆர் லிமிடெட் எடிஷனின் விலை தற்போதைய மாடலை விட அதிகமாக நிர்ணயம் செய்யப்படலாம். தற்போதைய எக்ஸ்டிரீம் 160ஆர் மாடல் முன்புற டிஸ்க் மாடல் விலை ரூ. 1.04 லட்சம் என்றும் டூயல் டிஸ்க் வேரியண்ட் விலை ரூ. 1.07 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

டிவிஎஸ் மோட்டார் கம்பெனி நிறுவனம் அபாச்சி ஆர்டிஆர் 200 4வி மாடலின் சிங்கில் சேனல் ஏபிஎஸ் வேரியண்டை அறிமுகம் செய்து இருக்கிறது. இந்தியாவில் புதிய சிங்கில் சேனல் ஏபிஎஸ் மாடல் விலை ரூ. 1.28 லட்சம் என நிர்ணயம் செய்யப்பட்டு உள்ளது. இதன் டூயல் சேனல் வேரியண்ட் விலை ரூ. 1.33 லட்சம் ஆகும்.

புதிய மாடலில் ஏபிஎஸ் நுட்பத்தில் மட்டும் மாற்றங்கள் செய்யப்பட்டு இருக்கிறது. இதுதவிர மற்ற அம்சங்கள் மற்றும் வடிவமைப்பு உள்ளிட்டவை டூயல் சேனல் ஏபிஎஸ் மாடலில் உள்ளதை போன்றே வழங்கப்பட்டு உள்ளது. சிங்கில் சேனல் ஏபிஎஸ் மாடலில் ஸ்போர்ட், அர்பன் மற்றும் ரெயின் என மூன்றுவித ரைடிங் மோட்கள் வழங்கப்பட்டு இருக்கிறது.

மெக்கானிக்கல் அம்சங்களை பொருத்தவரை 197.75சிசி, 4-ஸ்டிரோக், 4-வால்வ், ஆயில்-கூல்டு என்ஜின் மற்றும் ரேஸ் டியூன் செய்யப்பட்ட பியூவல் இன்ஜெக்ஷன் சிஸ்டம் வழங்கப்பட்டு உள்ளது. இதன் அர்பன் மற்றும் ரெயின் மோட்கள் 17.08 பிஹெச்பி பவர், 16.51 என்எம் டார்க் செயல்திறன் வழங்குகிறது. 

இதன் ஸ்போர்ட் மோட் 20.54 பிஹெச்பி பவர், 17.25 என்எம் டார்க் செயல்திறன் வழங்குகிறது. இத்துடன் 5 ஸ்பீடு டிரான்ஸ்மிஷன், ரேஸ் டியூன் செய்யப்பட்ட ஸ்லிப்ர் கிளட்ச் சிஸ்டம் வழங்கப்படுகிறது.

பஜாஜ் ஆட்டோ நிறுவனம் இந்தியாவில் புதிய பிளாட்டினா 110 ஏபிஎஸ் மாடலை அறிமுகம் செய்து இருக்கிறது. புதிய ஏபிஎஸ் வேரியண்ட் விலை ரூ. 65,926 என நிர்ணயம் செய்யப்பட்டு உள்ளது. இதன் ஸ்டான்டர்டு வேரியண்ட் விலை ரூ. 64,685 என நிர்ணயம் செய்யப்பட்டு இருக்கிறது.

இந்த பிரிவு வாகனங்களில் ஏபிஎஸ் வசதி பெறும் முதல் மாடலாக பஜாஜ் பிளாட்டினா 110 இருக்கிறது. புதிய பிளாட்டினா 110 ஏபிஎஸ் மாடலின் முன்புறம் 240 எம்எம் டிஸ்க், சிங்கில் சேனல் ஏபிஎஸ் வசதியும், பின்புறம் 110 எம்எம் டிரம் பிரேக் மற்றும் சிபிஎஸ் யூனிட் வழங்கப்பட்டு இருக்கிறது. ஏபிஎஸ் தவிர இந்த மாடலில் வேறு எந்த மாற்றமும் மேற்கொள்ளப்படவில்லை.

பிளாட்டின் 110 ஏபிஎஸ் மாடலில் 115சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு உள்ளது. இந்த என்ஜின் 8.4 பிஹெச்பி பவர், 9.81 என்எம் டார்க் செயல்திறன் வழங்குகிறது. இத்துடன் 5 ஸ்பீடு டிரான்ஸ்மிஷன் வழங்கப்படுகிறது.

மற்ற அம்சங்களை பொருத்தவரை ஹாலோஜன் ஹெட்லைட், எல்இடி டிஆர்எல், நக்கிள் கார்டு, நைட்ராக்ஸ் ஸ்ப்ரிங்-ஆன்-ஸ்ப்ரிங் ரியர் சஸ்பென்ஷன், முன்புறம் டெலிஸ்கோபிக் போர்க், அலாய் வீல் மற்றும் டியூப்லெஸ் டையர்களை கொண்டுள்ளது.

புதிய பஜாஜ் பிளாட்டினா 110 ஏபிஎஸ் மாடல் சார்கோல் பிளாக், வொல்கானிக் ரெட் மற்றும் பீச் புளூ என மூன்று நிறங்களில் கிடைக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

பஜாஜ் ஆட்டோ நிறுவனம் இந்தியாவில் பிளாட்டினா 100 எலெக்ட்ரிக் ஸ்டார்ட் வேரியண்டை அறிமுகம் செய்து இருக்கிறது. புதிய மோட்டார்சைக்கிள் விலை ரூ. 53,920 எக்ஸ்-ஷோரூம் என நிர்ணயம் செய்யப்பட்டு உள்ளது. புது மாடலில் ஸ்ப்ரிங்-இன்-ஸ்ப்ரிங் ரியர் சஸ்பென்ஷன் வழங்கப்பட்டு இருக்கிறது. 

இத்துடன் புதிய ரியர் வியூ மிரர்கள், மேம்பட்ட டிசைன் மற்றும் டியூப்லெஸ் டையர்களை கொண்டுள்ளது. சிறு மாற்றங்கள் தவிர பஜாஜ் பிளாட்டினா 100 ரக்கட் மற்றும் அன்றாட பயன்பாட்டிற்கு ஏற்ற அம்சங்களை கொண்டிருக்கிறது. புதிய பிளாட்டினா 100 எலெக்ட்ரிக் ஸ்டார்ட் அம்சம் கொண்ட விலை குறைந்த மாடல் ஆகும்.

புதிய பஜாஜ் பிளாட்டினா 100 எலெக்ட்ரிக் ஸ்டார்ட் வேரியண்ட் காக்டெயில் வைன் ரெட் மற்றும் எபோனி பிளாக் மற்றும் சில்வர் டீகல் நிறங்களில் கிடைக்கிறது. பஜாஜ் பிளாட்டினா 100 மாடலில் 102சிசி, ஏர் கூல்டு என்ஜின் வழங்கப்பட்டு இருக்கிறது. 

இந்த என்ஜின் 7.79 பிஹெச்பி பவர், 8.3 என்எம் டார்க் செயல்திறன் வழங்குகிறது. இந்த மோட்டார்சைக்கிள் 17 இன்ச் அலாய் வீல்கள், முன்புறம் டெலிஸ்கோபிக் போர்க், பின்புறம் டூயல் ஷாக் அப்சார்பர்களை கொண்டிருக்கிறது. பிரேக்கிங்கிற்கு கம்பைன்டு பிரேக்கிங் சிஸ்டம் வழங்கப்பட்டு உள்ளது.

கவாசகி நிறுவனம் இந்திய சந்தையில் 2021 நின்ஜா 300 பிஎஸ்6 மோட்டார்சைக்கிள் மாடலை அறிமுகம் செய்து உள்ளது. புதிய நின்ஜா 300 பிஎஸ்6 மாடலின் விலை ரூ. 3.18 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இது பிஎஸ்4 மாடலை விட ரூ. 20 ஆயிரம் அதிகம் ஆகும். 

இந்தியாவில் கவாசகி நின்ஜா 300 பிஎஸ்4 மாடலின் விற்பனை 2019 டிசம்பர் மாத வாக்கில் நிறுத்தப்பட்டது. புதிய 2021 மாடலில் எந்த மாற்றமும் செய்யப்படவில்லை. இதன் என்ஜின் மட்டும் பிஎஸ்6 விதிகளுக்கு ஏற்ப அப்டேட் செய்யப்பட்டு உள்ளது. 

அதன்படி 2021 நின்ஜா 300 பிஎஸ்6 மாடலில் 296சிசி, பேரலெல் ட்வின், லிக்விட் கூல்டு என்ஜின் வழங்கப்படுகிறது. இது 38.4 பிஹெச்பி பவர், 27 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வசதிகள் வழங்கப்பட்டு இருக்கிறது.

கவாசகி நின்ஜா 300 பிஎஸ்6 மாடலின் முன்புறம் டெலிஸ்கோபிக் போர்க், பின்புறம் மோனோ-ஷாக், டிஸ்க் பிரேக், டூயல் சேனல் ஏபிஎஸ் உள்ளிட்டவை வழங்கப்படுகிறது. 

டிவிஎஸ் மோட்டாரம் கம்பெனி 2021 ஸ்டார் சிட்டி பிளஸ் மாடலை இந்திய சந்தையில் அறிமுகம் செய்து இருக்கிறது. புதிய 2021 ஸ்டார் சிட்டி பிளஸ் மாடல் விலை ரூ. 68,645 எக்ஸ்-ஷோரூம் என நிர்ணயம் செய்யப்பட்டு உள்ளது. 2021 டிவிஎஸ் ஸ்டார் சிட்டி பிளஸ் மாடலில் ரோட்டோ பெட்டல் டிஸ்க் பிரேக்  கொண்டிருக்கிறது.

இத்துடன் இகோ-திரஸ்ட் பியூவல் இன்ஜெக்ஷன் (ET-Fi), யுஎஸ்பி சார்ஜிங் சாக்கெட் மற்றும் எல்இடி ஹெட்லேம்ப் போன்ற அம்சங்களும் வழங்கப்பட்டு உள்ளது. 2021 டிவிஎஸ் ஸ்டார் சிட்டி பிளஸ் புதிதாக பிளாக் ரெட் நிறத்தில் கிடைக்கிறது. இதுமட்டுமின்றி பிளாக் புளூ, கிரே பிளாக், ரெட் பிளாக் மற்றும் வைட் பிளாக் நிறங்களிலும் கிடைக்கிறது.

புதிய ஸ்டார் சிட்டி பிளஸ் மாடலில் 109 சிசி ஒற்றை சிலிண்டர் ஏர் கூல்டு என்ஜின் வழங்கப்பட்டு உள்ளது. இந்த என்ஜின் 8.08 பிஹெச்பி பவர், 8.7 என்எம் டார்க் செயல்திறன் வழங்குகிறது. இத்துடன் 4 ஸ்பீடு டிரான்ஸ்மிஷன் யூனிட் வழங்கப்பட்டு உள்ளது. மேலும் இதில் உள்ள ET Fi தொழில்நுட்பம் 15 சதவீதம் கூடுதல் மைலேஜ் வழங்கும். 

மெக்கானிக்கல் அம்சங்களை பொருத்தவரை 2021 ஸ்டார் சிட்டி பிளஸ் மாடலின் முன்புறம் டெலிஸ்கோபிக் போர்க், பின்புறம் 5 வழிகளில் அட்ஜஸ்ட் செய்யக்கூடிய ஷாக் அப்சார்பர் வழங்கப்பட்டு உள்ளது. இத்துடன் இருபுறங்களிலும் டிரம் பிரேக்குகளும், டாப் எண்ட் மாடலின் முன்புறம் ரோட்டோ பெட்டல் டிஸ்க் பிரேக் வழங்கப்பட்டு உள்ளது.

சுசுகி மோட்டார்சைக்கிள் இந்தியா நிறுவனம் 2021 ஹயபுசா மாடல் விரைவில் இந்திய சந்தையில் அறிமுகமாகும் என தெரிவித்து இருக்கிறது. இந்திய வெளியீட்டை உறுதிப்படுத்தி இருக்கும் நிலையில், இதற்கான தேதியை சுசுகி இன்னும் அறிவிக்கவில்லை.

தற்போது இந்த மாடல் ஐரோப்பிய சந்தையில் விற்பனைக்கு கிடைக்கிறது. இதன் இந்திய வெர்ஷன் சர்வதேச மாடலை போன்றே இருக்கும் என தெரிகிறது. 2021 ஹயபுசா மாடலில் கடந்த 13 ஆண்டுகளில் இல்லாத அளவு முழுமையான மாற்றம் செய்யப்பட்டு இருக்கிறது. 

ஸ்டைலிங்கை பொருத்தவரை 2021 ஹயபுசா மாடலில் டூ-டோன் நிறங்கள், எல்இடி ஹெட்லைட், செமி-டிஜிட்டல் இன்ஸ்ட்ரூமென்ட் கிளஸ்டர், ஸ்ப்லிட் ஸ்டைல் சேடில், ட்வின்-சைடு எக்சாஸ்ட் உள்ளிட்டவை வழங்கப்பட்டு உள்ளது. புது மாடலில் யூரோ 5 விதிகளுக்கு பொருந்தும் 1340சிசி, இன்லைன் 4 சிலிண்டர் லிக்விட் கூல்டு என்ஜின் வழங்கப்படுகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

இந்த என்ஜின் 187.7 பிஹெச்பி பவர், 150 என்எம் டார்க் செயல்திறன் வழங்குகிறது. இத்துடன் ரைடு-பை-வயர் எலெக்டிரானிக் திராட்டிள் சிஸ்டம், ரிவைஸ்டு இன்டேக் மற்றும் எக்சாஸ்ட் மெக்கானிசம் கொண்டுள்ளது. இந்த சூப்பர்பைக் லிட்டருக்கு 14.9 கிலோமீட்டர் வரை செல்லும் என சுசுகி தெரிவித்து இருக்கிறது.

ஒகினாவா ஆட்டோடெக் நிறுவனம் தனது முதல் எலெக்டிர்க் மோட்டார்சைக்கிள் மாடலுக்கான டீசரை வெளியிட்டு இருக்கிறது. டீசரின் படி புது மோட்டார்சைக்கிள் ஒகி100 எனும் பெயரில் அறிமுகமாகும் என தெரியவந்துள்ளது. மேலும் இது விரைவில் அறிமுகமாகிறது.

முன்னதாக இந்த நிறுவனம் தனது எலெக்ட்ரிக் மோட்டார்சைக்கிள் மாடலுக்கான ப்ரோடோடைப் வெர்ஷனை 2018 ஆட்டோ எக்ஸ்போ விழாவில் அறிமுகம் செய்தது. பின் கடந்த ஆண்டு பண்டிகை காலக்கட்டத்தில் இந்த மாடலை அறிமுகம் செய்ய ஒகினாவா திட்டமிட்டது. எனினும், இது நடைபெறவில்லை. தற்சமயம் இந்த மாடலை விரைவில் வெளியிட இருக்கிறது.

புதிய ஒகினாவா ஒகி100 எலெக்ட்ரிக் பைக் விலை ரூ. 1 லட்சம், எக்ஸ்-ஷோரூம் வரை நிர்ணயம் செய்யப்படலாம் என தெரிகிறது. இது ரெவோல்ட் ஆர்வி400 மாடலுக்கு போட்டியாக அமைகிறது. இந்த மாடல் முழுக்க இந்தியாவிலேயே உற்பத்தி செய்யப்படும் என ஒகினாவா தெரிவித்து உள்ளது. இதற்கான பாகங்கள் 100 சதவீதம் உள்நாட்டில் இருந்து பயன்படுத்தப்படுகிறது.

ஒகினாவா ஒகி100 மாடல் மணிக்கு அதிகபட்சம் 100 கிலோமீட்டர் வேகத்தில் செல்லும் திறன் கொண்டிருக்கும் என  தெரிகிறது. இந்த மாடலில் முழுக்க எல்இடி லைட்டிங் கொண்டிருக்கும். இத்துடன் டிஜிட்டல் இன்ஸ்ட்ரூமென்ட் டிஸ்ப்ளே, டெலிஸ்கோபிக் போர்க், மோனோஷாக் சஸ்பென்ஷன், இருபுறங்களிலும் டிஸ்க் பிரேக் வழங்கப்படலாம்.

பிஎம்டபிள்யூ மோட்டராட் நிறுவனம் இந்திய சந்தையில் ஆர் நைன் டி மற்றும் ஆர் நைன் டி ஸ்கிராம்ப்லர் மோட்டார்சைக்கிள் மாடல்களை அறிமுகம் செய்தது. ஆர் நைன் டி மாடல் விலை ரூ. 18,50,000 என்றும் ஆர் நைன் டி ஸ்கிராம்ப்லர் மாடல் விலை ரூ. 16,75,000 என நிர்ணயம் செய்யப்பட்டு உள்ளன.

இரு புதிய மோட்டார்சைக்கிள் மாடல்களின் முன்பதிவு ஏற்கனவே துவங்கி நடைபெற்று வருகிறது. இரு மாடல்களும் சிபியு முறையில் இந்திய சந்தைக்கு இறக்குமதி செய்யப்பட இருக்கின்றன. ஆர் நைன் டி கிளாசிக் ரோட்ஸ்டர், ஆர் நைன் டி ஸ்கிராம்ப்லர் பெயருக்கு ஏற்றார்போல் ஸ்கிராம்ப்லர் ரக மாடல் ஆகும்.

இது கிளாசிக் வடிவமைப்பு, எல்இடி ஹெட்லைட், எல்இடி டிஆர்எல் மற்றும் புதிய வட்ட வடிவ இன்ஸ்ட்ரூமென்ட் கிளஸ்டர் கொண்டுள்ளது. மெக்கானிக்கல் அம்சங்கள் இரு மாடல்களிலும் ஒரே மாதிரி வழங்கப்பட்டு இருக்கின்றன. அதன்படி 2021 பிஎம்டபிள்யூ ஆர் நைன் டி மற்றும் ஆர் நைன்டி ஸ்கிராம்ப்லர் மாடல்களில் 1170சிசி, ஏர் மற்றும் ஆயில் கூல்டு, 2 சிலிண்டர் என்ஜின் வழங்கப்பட்டு இருக்கிறது.

இந்த என்ஜின் 107.2 பிஹெச்பி பவர், 116 என்எம் டார்க் செயல்திறன் வழங்குகிறது. இந்த மோட்டார்சைக்கிள் மணிக்கு 0 முதல் 100 கிலோமீட்டர் வேகத்தை வெறும் 3.5 நொடிகளில் எட்டிவிடும். இது மணிக்கு அதிகபட்சம் 200 கிலோமீட்டர் வேகத்தில் சீறிப்பாயும் திறன் கொண்டுள்ளது.

இரு மாடல்களும் ரெயின் மற்றும் ரோட் என இருவித ரைடிங் மோட்களை கொண்டுள்ளன. பாதுகாப்பிறஅகு ஆட்டோமேடிக் ஸ்டேபிலிட்டி கண்ட்ரோல், ஏபிஎஸ் ப்ரோ, டைனமிக் பிரேக் கண்ட்ரோல், புதிய சஸ்பென்ஷன் ஸ்டிரட் மற்றும் டிராவல் டிபென்டென்ட் டேம்பிங் உள்ளிட்டவை வழங்கப்பட்டு இருக்கிறது.