search icon
என் மலர்tooltip icon

    ஆட்டோமொபைல்

    2021 ஸ்டார் சிட்டி பிளஸ்
    X
    2021 ஸ்டார் சிட்டி பிளஸ்

    இந்திய சந்தையில் 2021 டிவிஎஸ் ஸ்டார் சிட்டி பிளஸ் அறிமுகம்

    டிவிஎஸ் மோட்டார் கம்பெனி நிறுவனம் இந்திய சந்தையில் 2021 ஸ்டார் சிட்டி பிளஸ் மோட்டார்சைக்கிளை அறிமுகம் செய்தது.


    டிவிஎஸ் மோட்டாரம் கம்பெனி 2021 ஸ்டார் சிட்டி பிளஸ் மாடலை இந்திய சந்தையில் அறிமுகம் செய்து இருக்கிறது. புதிய 2021 ஸ்டார் சிட்டி பிளஸ் மாடல் விலை ரூ. 68,645 எக்ஸ்-ஷோரூம் என நிர்ணயம் செய்யப்பட்டு உள்ளது. 2021 டிவிஎஸ் ஸ்டார் சிட்டி பிளஸ் மாடலில் ரோட்டோ பெட்டல் டிஸ்க் பிரேக்  கொண்டிருக்கிறது.

    இத்துடன் இகோ-திரஸ்ட் பியூவல் இன்ஜெக்ஷன் (ET-Fi), யுஎஸ்பி சார்ஜிங் சாக்கெட் மற்றும் எல்இடி ஹெட்லேம்ப் போன்ற அம்சங்களும் வழங்கப்பட்டு உள்ளது. 2021 டிவிஎஸ் ஸ்டார் சிட்டி பிளஸ் புதிதாக பிளாக் ரெட் நிறத்தில் கிடைக்கிறது. இதுமட்டுமின்றி பிளாக் புளூ, கிரே பிளாக், ரெட் பிளாக் மற்றும் வைட் பிளாக் நிறங்களிலும் கிடைக்கிறது.

     2021 ஸ்டார் சிட்டி பிளஸ்

    புதிய ஸ்டார் சிட்டி பிளஸ் மாடலில் 109 சிசி ஒற்றை சிலிண்டர் ஏர் கூல்டு என்ஜின் வழங்கப்பட்டு உள்ளது. இந்த என்ஜின் 8.08 பிஹெச்பி பவர், 8.7 என்எம் டார்க் செயல்திறன் வழங்குகிறது. இத்துடன் 4 ஸ்பீடு டிரான்ஸ்மிஷன் யூனிட் வழங்கப்பட்டு உள்ளது. மேலும் இதில் உள்ள ET Fi தொழில்நுட்பம் 15 சதவீதம் கூடுதல் மைலேஜ் வழங்கும். 

    மெக்கானிக்கல் அம்சங்களை பொருத்தவரை 2021 ஸ்டார் சிட்டி பிளஸ் மாடலின் முன்புறம் டெலிஸ்கோபிக் போர்க், பின்புறம் 5 வழிகளில் அட்ஜஸ்ட் செய்யக்கூடிய ஷாக் அப்சார்பர் வழங்கப்பட்டு உள்ளது. இத்துடன் இருபுறங்களிலும் டிரம் பிரேக்குகளும், டாப் எண்ட் மாடலின் முன்புறம் ரோட்டோ பெட்டல் டிஸ்க் பிரேக் வழங்கப்பட்டு உள்ளது.
    Next Story
    ×