என் மலர்
பைக்
ஹீரோ மோட்டோகார்ப் நிறுவனம் டெஸ்டினி 125 பிளாட்டினம் ஸ்கூட்டர் மாடலை இந்திய சந்தையில் அறிமுகம் செய்தது.
ஹீரோ மோட்டோகார்ப் நிறுவனம் டெஸ்டினி 125 பிளாட்டினம் ஸ்கூட்டர் மாடலை இந்திய சந்தையில் அறிமுகம் செய்தது. புதிய 125சிசி ஸ்கூட்டர் மாடல் விலை ரூ. 72,050 ஆகும். ஹீரோ டெஸ்டினி 125 ஸ்டான்டர்டு மாடல் விலை ரூ. 66,960 ஆகும்.
புதிய ஹீரோ டெஸ்டினி 125 பிளாட்டினம் மேட் பிளாக் நிறம் மற்றும் பிரவுன் நிற பேனல்களை கொண்டுள்ளது. இத்துடன் குரோம் ஹேன்டில்பார் முனை, குரோம் மிரர்கள், குரோம் மப்ளர் ப்ரோடக்டர், குரோம் பென்டர் ஸ்டிரைப் உள்ளிட்டவை வழங்கப்பட்டு இருக்கிறது.
மற்ற அம்சங்கள் மற்றும் மெக்கானிக்கல் உபகரணங்களில் எந்த மாற்றமும் மேற்கொள்ளப்படவில்லை. அந்த வகையில் பிளாட்டினம் எடிஷன் மாடலில் 125சிசி பிஎஸ்6 ரக பியூவல் இன்ஜெக்ட் செய்யப்பட்ட மோட்டார் மற்றும் எக்ஸ்-சென்ஸ் தொழில்நுட்பம் வழங்கப்பட்டு இருக்கிறது. இந்த என்ஜின் 9 பிஹெச்பி பவர், 10.4 என்எம் டார்க் செயல்திறன் வழங்குகிறது.
இவற்றுடன் ஐ3எஸ் (ஐடில் ஸ்டார்ட் ஸ்டாப் சிஸ்டம்) தொழில்நுட்பம் வழங்கப்பட்டு இருக்கிறது. இது ஸ்கூட்டரின் மைலேஜ் திறனை மேம்படுத்தும். இத்துடன் செமி-டிஜிட்டல் இன்ஸ்ட்ரூமென்ட் கிளஸ்டர், பக்கவாட்டில் சைடு ஸ்டான்டு மற்றும் சர்வீஸ் டியூ ரிமைன்டர் உள்ளிட்டவை வழங்கப்பட்டு இருக்கிறது.
கவாசகி நிறுவனத்தின் புதிய பிஎஸ்6 நின்ஜா 300 மோட்டார்சைக்கிளுக்கான முன்பதிவு அமேசான் தளத்தில் துவங்கி இருக்கிறது.
கவாசகி இந்தியா நிறுவனம் தனது நின்ஜா 300 பிஎஸ்6 மாடலுக்கான முன்பதிவு அமேசான் தளத்தில் நடைபெறுவதாக அறிவித்து இருக்கிறது. புதிய நின்ஜா 300 மாடலை வாங்க விரும்புவோர் அமேசான் தளத்தில் ரூ. 3 ஆயிரம் செலுத்தி முன்பதிவு செய்து கொள்ளலாம்.
இந்தியாவில் கவாசகி நின்ஜா 300 பிஎஸ்6 மாடல் விலை ரூ. 3.18 லட்சம், எக்ஸ்-ஷோரூம் ஆகும். இது பிஎஸ்4 மாடலை விட ரூ. 20 ஆயிரம் அதிகம் ஆகும். பிஎஸ்6 நின்ஜா 300 லைம் கிரீன்-கேஆர்டி கிராபிக்ஸ், கேன்டி லைம் கிரீன் மற்றும் எபோனி என மூன்று நிறங்களில் கிடைக்கிறது.
புதிய மாடல் தோற்றத்தில் எந்த மாற்றமும் மேற்கொள்ளப்படவில்லை. எனினும், பிஎஸ்6 மாடலில் மேம்பட்ட கிராபிக்ஸ் வழங்கப்பட்டு இருக்கிறது. இந்த மாடலிலும் ட்வின்-பாட் ஹெட்லைட், மஸ்குலர் பியூவல் டேன்க், ஸ்ப்லிட்-ஸ்டைல் சீட், குரோம் ஹீட்ஷீல்டு உள்ளிட்டவை வழங்கப்படுகிறது.
கவாசகி நின்ஜா 300 பிஎஸ்6 ரக 296சிசி, பேரலெல் ட்வின் சிலிண்டர், லிக்விட் கூல்டு என்ஜின் வழங்கப்படுகிறது. இந்த என்ஜின் 38.8 பிஹெச்பி பவர், 26.1 என்எம் டார்க் செயல்திறன் வழங்குகிறது.
ராயல் என்பீல்டு நிறுவனம் 2021 இன்டர்செப்டார் 650 மற்றும் கான்டினென்டல் ஜிடி 650 மாடல்களை இந்திய சந்தையில் அறிமுகம் செய்தது.
ராயல் என்பீல்டு நிறுவனம் இந்தியாவில் தனது பிளாக்ஷிப் மோட்டார்சைக்கிள் மாடல்களை அப்டேட் செய்து இருக்கிறது. இன்டர்செப்டார் 650 மற்றும் கான்டினென்டல் ஜிடி 650 மோட்டார்சைக்கிள்களின் 2021 வெர்ஷனை அறிமுகம் செய்து உள்ளது.
இரு மாடல்களும் புது நிறங்களில் கிடைக்கின்றன. 2021 இன்டர்செப்டார் 650 மாடல் துவக்க விலை ரூ. 2.75 லட்சம் ஆகும். இதன் கஸ்டம் பெயின்ட் வெர்ஷன் விலை ரூ. 2.83 லட்சம் ஆகும். டாப் எண்ட் க்ரோம் பெயின்ட் வேரியண்ட் விலை ரூ. 2.97 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
2021 கான்டினென்டல் ஜிடி 650 மாடல் இரண்டு புது நிறங்களில் கிடைக்கிறது. இந்த மாடல் துவக்க விலை ரூ. 2.91 லட்சம் ஆகும். இதன் கஸ்டம் பெயின்ட் வெர்ஷன் ரூ. 2.99 லட்சம் என்றும் டாப் எண்ட் மிஸ்டர் கிளீன் நிற வேரியண்ட் விலை ரூ. 3.13 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
2021 ராயல் என்பீல்டு இன்டர்செப்டார் 650 மற்றும் கான்டினென்டல் ஜிடி 650 மாடல்களில் 649சிசி ஏர் மற்றும் ஆயில் கூல்டு, பேரலெல் ட்வின் சிலிண்டர் என்ஜின் வழங்கப்பட்டு இருக்கிறது. இது 47 பிஹெச்பி பவர், 52 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் மற்றும் ஸ்லிப்பர் கிளட்ச் அசிஸ்ட் வழங்கப்பட்டு உள்ளது.
டிரையம்ப் நிறுவனம் புதிய டிரைடென்ட் 660 மோட்டார்சைக்கிள் மாடலுக்கான டீசரை வெளியிட்டு இருக்கிறது.
டிரையம்ப் மோட்டார்சைக்கிள்ஸ் நிறுவனம் தனது என்ட்ரி லெவல் மோட்டார்சைக்கிளை விரைவில் இந்திய சந்தையில் அறிமுகம் செய்ய இருக்கிறது. டிரெடன்ட் 660 என அழைக்கப்படும் புது மாடலுக்கான டீசரை அந்நிறுவனம் தற்போது வெளியிட்டு உள்ளது.
டீசர் வீடியோவில், புது மோட்டார்சைக்கிள் வெளியீடு மிக விரைவில் நடைபெறும் என தெரிவிக்கப்பட்டு இருக்கிறது. மேலும் #GuessTheDate ஹேஷ்டேக், புது டிரைடென்ட் 660 எப்போது இந்தியா வரும் என்ற வாசகம் கொண்டுள்ளது. புதிய டிரைடென்ட் 660 மாடலுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 50 ஆயிரம் ஆகும்.
டிரைடென்ட் 660 மோட்டார்சைக்கிளில் 660 சிசி இன்-லைன் மூன்று சிலிண்டர் என்ஜின் வழங்கப்படுகிறது. இது 80 பிஹெச்பி பவர், 64 என்எம் டார்க் செயல்திறன் வழங்குகிறது. இந்த மோட்டார்சைக்கிள் ரோட் மற்றும் ரெயின் என இருவித ரைடிங் மோட்களை கொண்டுள்ளது.
இத்துடன் ஏபிஎஸ், டிராக்ஷன் கண்ட்ரோல் மற்றும் எல்இடி லைட்டிங் செய்யப்பட்டு உள்ளது. மேலும் இதில் டிஎப்டி டிஸ்ப்ளே, ஆப்ஷனல் மை டிரையம்ப் கனெக்டிவிட்டி சிஸ்டம் வழங்கப்படுகிறது.
டீடெல் நிறுவனம் இந்திய சந்தையில் புதிய மொபெட் மாடலை அறிமுகம் செய்து இருக்கிறது. இதன் விவரங்களை பார்ப்போம்.
இந்திய எலெக்ட்ரிக் வாகன உற்பத்தியாளரான டீடெல், இந்திய சந்தையில் குறைந்த வேகத்தில் செல்லும் புது ஸ்கூட்டரை அறிமுகம் செய்தது. டீடெல் ஈசி பிளஸ் என அழைக்கப்படும் புது ஸ்கூட்டர் டெலிவரி உள்ளிட்ட பணிகளை மேற்கொள்ள ஏதுவாக இருக்கும்.
புதிய ஈசி பிளஸ் ஸ்கூட்டரை டீடெல் வலைதளத்தில் முன்பதிவு செய்யலாம். முன்பதிவு கட்டணம் ரூ. 1,999 ஆகும். இந்த ஸ்கூட்டர் பற்றிய விவரங்களை ரைடு ஆசியா எக்ஸ்போ நிகழ்வில் டீடெல் வெளியிட்டது. குறைந்த வேகத்தில் செல்லும் இந்த ஸ்கூட்டரில் 20ஏஹெச் லித்தியம் அயன் பேட்டரி வழங்கப்பட்டு இருக்கிறது.
டீடெல் ஈசி பிளஸ் ஸ்கூட்டரை முழுமையாக சார்ஜ் செய்ய 4 முதல் 5 மணி நேரங்கள் ஆகும். இது ஒருமுறை சார்ஜ் செய்தால் 60 கிலோமீட்டர் வரை செல்லும் திறன் கொண்டுள்ளது. இந்த ஸ்கூட்டர் மணிக்கு அதிகபட்சம் 25 கிலோமீட்டர் வேகத்தில் செல்லும்.
குறைந்த அளவு பாடி பேனல்களை கொண்டுள்ள ஈசி பிளஸ் ஸ்கூட்டரில் ஒற்றை இருக்கை அமைப்பில் இருவர் அமரும் வகையில் உள்ளது. மேலும் இதில் வட்ட வடிவ ஹெட்லேம்ப், எல்இடி டெயில் லேம்ப் உள்ளிட்டவை வழங்கப்பட்டு இருக்கிறது.
ஹீரோ மோட்டோகார்ப் நிறுவனம் எக்ஸ்பல்ஸ் 200டி மோட்டார்சைக்கிளை புது புகை விதிகளுக்கு ஏற்ற அப்டேட்களுடன் அறிமுகம் செய்து இருக்கிறது.
ஹீரோ மோட்டோகார்ப் நிறுவனம் 2021 எக்ஸ்பல்ஸ் 200டி மோட்டார்சைக்கிளை இந்திய சந்தையில் அறிமுகம் செய்தது. புதிய பிஎஸ்6 மாடலின் விலை ரூ. 1.13 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இது பிஎஸ்4 மாடலை விட ரூ. 19 ஆயிரம் அதிகம் ஆகும்.
தோற்றத்தில் புது மாடல் பார்க்க பிஎஸ்4 வெர்ஷனை போன்றே காட்சியளிக்கிறது. புதிய ஹீரோ எக்ஸ்பல்ஸ் 200டி மாடலில் 200சிசி சிங்கில் சிலிண்டர் ஆயில் கூல்டு என்ஜின் வழங்கப்பட்டு உள்ளது. இந்த என்ஜின் 18.1 பிஹெச்பி பவர், 16.15 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.
புதிய பிஎஸ்6 ஹீரோ எக்ஸ்பல்ஸ் 200டி மாடல் முந்தைய பிஎஸ்4 மாடலை விட 4 கிலோ எடை அதிகமாக இருக்கிறது. இதன் மொத்த எடை 154 கிலோ ஆகும். இந்த மாடலின் என்ஜின் பியூவல் இன்ஜெக்ஷன் தொழில்நுட்பம் கொண்டுள்ளது. இது முந்தைய மாடலை விட அதிக மைலேஜ் வழங்குகிறது. இவை தவிர புது மாடலில் வேறு எந்த மாற்றங்களும் இல்லை.
இந்த மாடலில் எல்இடி ஹெட்லேம்ப், இன்டகிரேட் செய்யப்பட்ட எல்இடி டிஆர்எல், டிஜிட்டல் எல்சிடி இன்ஸ்ட்ரூமென்ட் கிளஸ்டர், டன்-பை-டன் நேவிகேஷன் உள்ளிட்ட அம்சங்கள் வழங்கப்படுகிறது.
பெனலி நிறுவனத்தின் 2021 TRK502X மோட்டார்சைக்கிள் முந்தைய மாடலை விட குறைந்த விலையில் அறிமுகமாகி இருக்கிறது.
பெனலி நிறுவனம் 2021 TRK502X பிஎஸ்6 மோட்டார்சைக்கிள் மாடலை இந்திய சந்தையில் அறிமுகம் செய்தது. புதிய மாடல் துவக்க விலை ரூ. 5.19 லட்சம் ஆகும். இந்த மோட்டார்சைக்கிள் மெட்டாலிக் டார்க் கிரே நிறத்தில் கிடைக்கிறது. இது முந்தைய பிஎஸ்4 மாடலை விட ரூ. 31 ஆயிரம் குறைவு ஆகும்.
புதிய பெனலி TRK502X மாடல் பியூர் வைட் மற்றும் பெனலி ரெட் நிறங்களிலும் கிடைக்கிறது. இவற்றின் விலை ரூ. 5.29 லட்சம் என நிர்ணயம் செய்யப்பட்டு உள்ளது. இது அறிமுக விலை தான் என்றும், விரைவில் விலை உயர்வு அறிவிக்கப்பட இருக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
2021 பெனலி TRK502X மாடலில் 499சிசி, பேரலெல் ட்வின் என்ஜின் வழங்கப்பட்டு இருக்கிறது. இந்த என்ஜின் 46.8 பிஹெச்பி பவர், 46 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. புது மாடலில் பேக்லிட் ஸ்விட்ச்-கியர், அலுமினியம் பிரேம் நக்கிள் கார்டுகள், புது ஹேன்டில்பார் க்ரிப் உள்ளிட்டவை வழங்கப்பட்டு இருக்கிறது.
இந்த மாடல் பெரிய விண்ட்ஸ்கிரீன், முன்புறம் 320எம்எம் புளோட்டிங் டிஸ்க், 2 பிஸ்டன் கேலிப்பர், பின்புறம் 260எம்எம் 1 பிஸ்டன் கேலிப்பர் வழங்கப்பட்டு இருக்கிறது. 2021 பெனலி TRK502X மாடலுக்கான முன்பதிவு ஏற்கனவே துவங்கிவிட்டது. முன்பதிவு கட்டணம் ரூ. 10 ஆயிரம் ஆகும்.
ஒகினவா ஆட்டோடெக் நிறுவனம் இந்திய விற்பனையில் வளர்ச்சி பெற்று இருக்கிறது. இதன் விவரங்களை பார்ப்போம்.
ஒகினவா ஆட்டோடெக் நிறுவனம் எலெக்ட்ரிக் இருசக்கர வாகனங்கள் விற்பனையில் 30 சதவீத வளர்ச்சியை பதிவு செய்து இருக்கிறது. விற்பனை மட்டுமின்றி நாடு முழுக்க அனைத்து விற்பனை மையங்களிலும் வாடிக்கையாளர்கள் முன்பை விட மும்மடங்கு அதிகளவில் விவரங்களை கேட்டு செல்வதாக ஒகினவா தெரிவித்து உள்ளது. இந்த வளர்ச்சிக்கு இந்தியாவில் பெட்ரோல் விலை தொடர்ந்து உயர்ந்து வருவதே காரணம் என ஒகினவா தெரிவித்தது.
முந்தைய ஆண்டுடன் ஒப்பிடும் போது ஒகினவா நிறுவனத்தின் ஒட்டுமொத்த வாகனங்கள் விற்பனை 35 முதல் 40 சதவீதம் வரை அதிகரித்து இருக்கிறது. மேலும் அதிவேக இ ஸ்கூட்டர்கள் பிரிவில் அதிக யூனிட்களை விற்பனை செய்த நிறுவனங்கள் பட்டியலில் ஒகினவா இரண்டாவது இடம் பிடித்து இருக்கிறது.
இந்தியாவில் பெட்ரோல் விலை லிட்டருக்கு ரூ. 100-ஐ நெருங்கி வரும் நிலையில், இருசக்கர வாகனம் வைத்திருப்போர் எளிய குறைந்த விலை பயண முறைகளுக்கு மாற துவங்கியுள்ளனர். எலெக்ட்ரிக் வாகனங்களின் பயன்பாடு அதிகரிக்கும் போது சுற்றுச்சூழலில் கார்பன் மாசு பெருமளவு குறையும்.
தற்போது ஒகினவா நிறுவனம் ஆறு எலெக்ட்ரிக் ஸ்கூட்டர் மாடல்களை இந்தியாவில் விற்பனை செய்து வருகிறது. இவற்றின் விலை ரூ. 50 ஆயிரத்தில் துவங்கி அதிகபட்சம் ரூ. 1.14 லட்சம் ஆகும். இவற்றில் குறைந்த வேகத்தில் செல்லும் ஸ்கூட்டர்களான ஒகினவா ஆர்30, லைட் மற்றும் டூயல் போன்ற மாடல்களும் அடங்கும்.
இதுதவிர ஒகினவா ரிட்ஜ் பிளஸ், பிரைஸ் ப்ரோ மற்றும் ஐபிரைஸ் பிளஸ் என மூன்று அதிவேக மாடல்கள் விற்பனை செய்யப்படுகின்றன. இத்துடன் வரும் மாதங்களில் குரூயிசர் மேக்சி ஸ்கூட்டர் மற்றும் ஒகி100 எலெக்ட்ரிக் மோட்டார்சைக்கிள் என இரண்டு புது மாடல்களை அறிமுகம் செய்ய ஒகினவா திட்டமிட்டு இருக்கிறது.
கவாசகி நிறுவனம் இந்திய சந்தையில் புதிய நின்ஜா ZX-10R மோட்டார்சைக்கிள் மாடலை அறிமுகம் செய்தது.
கவாசகி இந்தியா நிறுவனம் பிஎஸ்6 நின்ஜா ZX-10R மோட்டார்சைக்கிளை இந்திய சந்தையில் அறிமுகம் செய்து இருக்கிறது. புதிய மோட்டார்சைக்கிள் விலை ரூ. 14,99,000 (எக்ஸ்-ஷோரூம்) ஆகும்.
பிஎஸ்6 மாடலில் 998சிசி, லிக்விட் கூல்டு இன்-லைன், 4 சிலிண்டர் என்ஜின் வழங்கப்பட்டு இருக்கிறது. இந்த என்ஜின் 200 பிஹெச்பி பவர், 114 என்எம் டார்க் செயல்திறன் வழங்குகிறது. புதிய நின்ஜா ZX-10R லைம் கிரீன் மற்றும் பிளாட் எபோனி டைப் 2 என இரண்டு வித நிறங்களில் கிடைக்கிறது.
மெக்கானிக்கல் மாற்றங்கள் மட்டுமின்றி புது மாடல் முந்தைய வெர்ஷனை விட கூர்மையான தோற்றம் கொண்டுள்ளது. ஸ்டைலிங்கை பொருத்தவரை ஏரோடைனமிக் அப்பர் கவுல், பின்புற டெயில் பகுதியில் புது கவுல் டிசைன், மேம்பட்ட ஹேன்டில்பார், கவாசகி ரிவர்மார்க் வழங்கப்பட்டு உள்ளது.
இத்துடன் எல்இடி லைட்டிங், ப்ளூடூத் வசதி கொண்ட இன்ஸ்ட்ரூமென்ட் கிளஸ்டர் உள்ளது. இது கவாசகி ரைடோலஜி தி ஆப் உடன் இணைந்து செயல்படுகிறது. எலெக்ட்ரிக் அம்சங்களை பொருத்தவரை எலெக்டிரானிக் குரூயிஸ் கண்ட்ரோல், டிராக்ஷன் கண்ட்ரோல் சிஸ்டம், லான்ச் கண்ரோல், கார்னெரிங் மேனேஜ்மென்ட் பன்ஷன், பவர் மோட்கள், ரைடிங் மோட்கள், என்ஜின் பிரேக் கண்ட்ரோல், ஏபிஎஸ், பை-டைரெக்ஷனல் குவிக் ஷாப்டர் உள்ளது.
ஹீரோ மோட்டோகார்ப் நிறுவனத்தின் கிளாமர் லிமிடெட் எடிஷன் மோட்டார்சைக்கிள் அறிமுகம் செய்யப்பட்டது.
ஹீரோ மோட்டோகார்ப் நிறுவனம் கிளாமர் 100 லிமிடெட் எடிஷன் மோட்டார்சைக்கிளை இந்திய சந்தையில் அறிமுகம் செய்யப்பட்டது. புதிய மாடல் விலை ரூ. 73,700 என நிர்ணயம் செய்யப்பட்டுள்ளது. முன்னதாக பல மாடல்களின் 100 மில்லியன் எடிஷன் அறிமுகம் செய்யப்பட்டது.
புதிய மில்லியன் எடிஷன் மாடல் டூயல்-டோன் பினிஷ் கொண்டுள்ளது. புதிய லிமிடெட் எடிஷன் டிரம் மற்றும் டிஸ்க் என இரண்டு வேரியண்ட்களில் கிடைக்கிறது. இதன் டிஸ்க் வேரியண்ட் விலை ரூ. 77,200 ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
டூயல்-டோன் நிறம் தவிர லிமிடெட் எடிஷனில் வேறு எந்த மாற்றங்களும் மேற்கொள்ளப்படவில்லை. இந்த மாடலில் ஹாலோஜன் ஹெட்லைட், செமி டிஜிட்டல் இன்ஸ்ட்ரூமென்ட் கிளஸ்டர், ஆட்டோ-செயில் வசதி, மஸ்குலர் பியூவல் டேன்க் மற்றும் ஸ்ப்லிட்-ஸ்டைல் அலாய் வீல்கள் உள்ளது.
மெக்கானிக்கல் அம்சங்களை பொருத்தவரை 124.7சிசி, சிங்கில் சிலிண்டர் என்ஜின் கொண்டிருக்கிறது. இந்த என்ஜின் 10.7 பிஹெச்பி பவர், 10.6 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.
ஹீரோ மோட்டோகார்ப் நிறுவனம் தனது எக்ஸ்டிரீம் 160ஆர் லிமிடெட் எடிஷன் மாடலின் விலை மற்றும் விற்பனை விவரங்களை அறிவித்து உள்ளது.
ஹீரோ மோட்டோகார்ப் நிறுவனம் எக்ஸ்டிரீம் 160ஆர் 100 மில்லியன் எடிஷன் மாடலை இந்திய சந்தையில் அறிமுகம் செய்தது. இதன் விலை ரூ. 1,08,750 என நிர்ணயம் செய்யப்பட்டு உள்ளது. இதன் ரியர் டிரம் பிரேக் விலை ரூ. 1,03,900 என்றும் டிஸ்க் வேரியண்ட் ரூ. 1,06,950 ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
100 மில்லியன் எடிஷனில் டூயல் டோன் பெயின்ட் செய்யப்பட்டு இருக்கிறது. டூயல் டோன் பினிஷ் ஹெட்லைட் மாஸ்க், பியூவல் டேன்க் மற்றும் பின்புற பேனல்களில் தெளிவாக காட்சியளிக்கிறது. இதன் வெளிப்புற தோற்றம் எக்ஸ்டிரீம் 160ஆர் ஸ்டான்டர்டு மாடலை போன்றே காட்சியளிக்கிறது.
புதிய மாடலிலும் 163சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 15 பிஹெச்பி பவர், 14 என்எம் டார்க் செயல்திறன் வழங்குகிறது. இத்துடன் 5 ஸ்பீடு டிரான்ஸ்மிஷன் வழங்கப்படுகிறது. எக்ஸ்டிரீம் 160ஆர் லிமிடெட் எடிஷன் டூயல் டிஸ்க் பிரேக் கொண்ட ஒற்றை வேரியண்டில் கிடைக்கிறது.
இந்திய சந்தையில் ஹீரோ எக்ஸ்டிரீம் 160ஆர் மாடல் டிவிஎஸ் அபாச்சி ஆர்டிஆர் 160 4வி மற்றும் பஜாஜ் பல்சர் என்எஸ்160 மாடல்களுக்கு போட்டியாக அமைகிறது.
டுகாட்டி நிறுவனம் ஸ்கிராம்ப்ளர் டெசர்ட் ஸ்லெட் பாஸ்ட்ஹவுஸ் லிமிடெட் எடிஷன் மாடலை அறிமுகம் செய்து இருக்கிறது.
டுகாட்டி நிறுவனம் 2021 ஸ்கிராம்ப்ளர் மாடல்களை ஜனவரி மாத வாக்கில் அறிவித்தது. தற்போது ஸ்கிராம்ப்ளர் டெசர்ட் ஸ்லெட் பாஸ்ட்ஹவுஸ் லிமிடெட் எடிஷன் மாடலை ஐரோப்பியா மற்றும் அமெரிக்க சந்தைகளில் அறிமுகம் செய்து இருக்கிறது.
புதிய லிமிடெட் எடிஷன் மாடல் ஜார்டன் கிராஹம் உருவாக்கிய மின்ட் 400 ரேஸ்பைக்கை தழுவி வடிவமைக்கப்பட்டு உள்ளது. ஸ்கிராம்ப்ளர் டெசர்ட் ஸ்லெட் பாஸ்ட்ஹவுஸ் மாடலில் மின்ட் 400 மாடலில் உள்ளதை போன்றே 860எம்எம் உயர சீட், ஆன்ட-ஸ்லிப் கவர், சிவப்பு நிறத்திலான டிரெலிஸ் பிரேம் வழங்கப்பட்டு இருக்கிறது.
டுகாட்டி ஸ்கிராம்ப்ளர் டெசர்ட் ஸ்லெட் பாஸ்ட்ஹவுஸ் மாடலில் 803சிசி, எல்-ட்வின் ஏர்-கூல்டு மோட்டார் வழங்கப்பட்டு உள்ளது. இது 74 பிஎஸ் பவர், 66.2 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ், ஸ்லிப்பர் மற்றும் அசிஸ்ட் கிளட்ச் வழங்கப்பட்டு உள்ளது.
சஸ்பென்ஷனிற்கு அட்ஜஸ்ட் செய்யக்கூடிய யுஎஸ்டி போர்க், கியாபா மோனோஷாக் வழங்கப்பட்டு இருக்கிறது. பிரேக்கிங்கை பொருத்தவரை முன்புறம் 330 எம்எம் டிஸ்க், பின்புறம் 245 எம்எம் டிஸ்க் மற்றும் போஷ் கார்னெரிங் ஏபிஎஸ் வழங்கப்படுகிறது.
×