நீங்கள் தேடியது "பியாஜியோ"

இத்தாலியை சேர்ந்த ஸ்கூட்டர் உற்பத்தியாளர் பியாஜியோ-வின் வெஸ்பா ஸ்கூட்டர் அதிக பிரபலமான மாடல் ஆகும். பியாஜியோ நிறுவனத்தின் பியாஜியோ 1 பிளஸ் எலெக்ட்ரிக் ஸ்கூட்டர் இந்திய சந்தையில் அறிமுகம் செய்யப்பட்டது. இது பயனர்கள் அன்றாட பயன்பாடுக்கு, சுற்றுச்சூழலுக்கு உகந்த ஆப்ஷனாக அமைகிறது.

பியாஜியோ 1 பிளஸ் எலெக்ட்ரிக் ஸ்கூட்டர் கடந்த ஆண்டு நவம்பர் மாதம் இத்தாலியின் மிலனில் நடைபெற்ற 2022 EICMA நிகழ்வில் பியாஜியோ 1 மாடலுடன் காட்சிக்கு வைக்கப்பட்டது. பியாஜியோ 1 பிளஸ் மாடலில் கழற்றக்கூடிய 2.3 கிலோவாட்ஹவர் லித்தியம் அயன் பேட்டரி பேக் உள்ளது. இது நீண்ட கால பயன்பாட்டிற்கு ஏற்றதாகும்.

பியாஜியோ 1 பிளஸ் எலெக்ட்ரிக் ஸ்கூட்டர் முழு சார்ஜ் செய்தால் 100 கிலோமீட்டர்கள் வரை செல்லும் திறன் கொண்டிருக்கிறது. இந்த ஸ்கூட்டரில் 1700 வாட் பி.எல்.டி.சி. எலெக்ட்ரிக் மோட்டார் வழங்கப்பட்டு இருக்கிறது.

இந்த ஸ்கூட்டர் நார்மல் மற்றும் பாஸ்ட் சார்ஜிங் ஆப்ஷன்களை கொண்டிருக்கிறது. இத்துடன் ரிமோட் அக்சஸ், எல்இடி லைட்கள், ஸ்டார்ட் பட்டன், டிஜிட்டல் ஸ்பீடோமீட்டர், டிஜிட்டல் ஒடோமீட்டர், யுஎஸ்பி போர்ட் பல்வேறு ரைடிங் மோட்கள் உள்ளன.

இந்திய சந்தையில் புதிய பியாஜியோ 1 பிளஸ் எலெக்ட்ரிக் ஸ்கூட்டர் விலை ரூ. 1.5 லட்சம் என்று நிர்ணயம் செய்யப்பட்டு உள்ளது. இந்த எலெக்ட்ரிக் ஸ்கூட்டரை வாங்குவோருக்கு எளிய மாத தவணை முறை வசதியும் வழங்கப்படுகிறது.

பியாஜியோ நிறுவனத்தின் புதிய வெஸ்பா டூயல் இந்திய சந்தையில் அறிமுகம் செய்யப்பட்டு இருக்கிறது. புதிய வெஸ்பா டூயல் மாடலின் விலை ரூ. 1 லட்சத்து 32 ஆயிரம் என்று துவங்குகிறது. புதிய டூயல் வேரியண்ட் 125சிசி மற்றும் 150சிசி என்று இருவித என்ஜின் ஆப்ஷன்களில் கிடைக்கிறது. இரு என்ஜின்களும் OBD 2 விதிகளுக்கு ஏற்ப அப்டேட் செய்யப்பட்டு உள்ளது.

இளம் வாடிக்கையாளர்களை கவரும் வகையில் அறிமுகம் செய்யப்பட்டு இருக்கும் வெஸ்பா டூயல் ஸ்கூட்டர் விசேஷமாக டூயல் டோன் லிவெரி மற்றும் அழகிய ஃபூட்போர்டு கொண்டிருக்கிறது. புதிய டூயல் டோன் நிறங்கள் வழக்கமான மோனோக்ரோம் ஸ்கூட்டர்களை விட வித்தியாசமாக காட்சியளிக்கிறது.

இதன் VXL ரேஞ்ச் வட்ட வடிவம் கொண்ட ஹெட்லைட், ரியர் வியூ மிரர்கள் வழங்கப்பட்டு உள்ளன. இதன் SXL வேரியண்ட் செவ்வக வடிவம் கொண்ட ஹெட்லைட் மற்றும் ரியர் வியூ மிரர்கள் உள்ளன. புதிய வெஸ்பா டூயல் மாடல் நாடு முழுக்க 250-க்கும் அதிக பிரத்யேக விற்பனை மையங்களில் விற்பனைக்கு வருகிறது.

விலையை பொருத்தவரை வெஸ்பா டூயல் VXL 125 மாடலின் விலை ரூ. 1 லட்சத்து 32 ஆயிரம் என்று துவங்கி டாப் எண்ட் வெஸ்பா டூயல் SXL 150 மாடல் விலை ரூ. 1 லட்சத்து 49 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.