ஆட்டோமொபைல்ஸ் - Archive

ஹூண்டாய் மோட்டார் இந்தியா நிறுவனம் எஸ்யுவி மாடல்கள் விற்பனையில் பத்து லட்சம் யூனிட்களை கடந்துள்ளதாக அறிவித்து இருக்கிறது. இதில் இந்தியா மற்றும் வெளிநாடுகளுக்கு ஏற்றுமதி செய்யப்பட்ட யூனிட்களும் அடங்கும். 

2015 ஆம் ஆண்டு முதல் தலைமுறை கிரெட்டா மாடலை கொண்டு இந்த பயணம் துவங்கியது. இது ஹூண்டாய் எஸ்யுவி மாடல்களில் அதிக யூனிட்கள் விற்பனையாகும் மாடலாக இருக்கிறது. 

2019 ஆம் ஆண்டு வென்யூ சப்-காம்பேக்ட் எஸ்யுவி மாடலை அறிமுகம் செய்யும் போதே ஹூண்டாய் நிறுவனம் எஸ்யுவி மாடல்கள் விற்பனையில் ஐந்து லட்சம் யூனிட்களை கடந்துவிட்டது. இதே ஆண்டில் ஹூண்டாய் தனது கோனா எலெக்ட்ரிக் மாடலை அறிமுகம் செய்தது. 

தற்போது எஸ்யுவி மாடல்களில் பத்து லட்சம் யூனிட்களை கடந்து இருக்கும் நிலையில், ஹூண்டாய் வென்யூ, கிரெட்டா, டக்சன் மற்றும் கோனா எலெக்ட்ரிக் போன்ற மாடல்களை விற்பனை செய்து வருகிறது. கோனா எலெக்ட்ரிக் தவிர மற்ற அனைத்து மாடல்களும் இந்தியாவிலேயே உற்பத்தி செய்யப்படுகின்றன. கோனா எலெக்ட்ரிக் சிகேடி முறையில் இந்தியா கொண்டுவரப்படுகிறது.

டிரையம்ப் மோட்டார்சைக்கிள்ஸ் நிறுவனம் இந்தியாவில் டிரைடென்ட் 660 மோட்டார்சைக்கிளை அறிமுகம் செய்தது. இதன் விலை ரூ. 6.95 லட்சம், எக்ஸ்-ஷோரூம் ஆகும். புதிய டிரைடென்ட் 660 மாடலுக்கான முன்பதிவு ஏற்கனவே துவங்கிவிட்டது. வினியோகம் இம்மாத இறுதியில் துவங்கும் என தெரிகிறது.

டிரைடென்ட் 660 மாடலில் ப்ளூடூத் மாட்யூல் வசதியுடன் கூடிய டிஎப்டி ஸ்கிரீன் வழங்கப்படுகிறது. இது ஸ்மார்ட்போனுடன் இணைந்து கொண்டு செயல்படும். மேலும் கூடுதல் தொகைக்கு கோப்ரோ கேமரா கண்ட்ரோல் செய்வதற்கான வசதியும் இந்த மாடலுடன் வழங்கப்படுகிறது. 

புதிய டிரையம்ப் டிரைடென்ட் 660 மோட்டார்சைக்கிளில் 660 சிசி இன்-லைன் மூன்று சிலிண்டர் என்ஜின் வழங்கப்படுகிறது. இது 80 பிஹெச்பி பவர், 64 என்எம் டார்க் செயல்திறன் வழங்குகிறது. இந்த மோட்டார்சைக்கிள் ரோட் மற்றும் ரெயின் என இருவித ரைடிங் மோட்களை கொண்டுள்ளது.

இத்துடன் ஏபிஎஸ், டிராக்ஷன் கண்ட்ரோல் மற்றும் எல்இடி லைட்டிங் செய்யப்பட்டு உள்ளது. மேலும் இதில் டிஎப்டி டிஸ்ப்ளே, ஆப்ஷனல் மை டிரையம்ப் கனெக்டிவிட்டி சிஸ்டம் வழங்கப்படுகிறது.

டாடா மோட்டார்ஸ் நிறுவனம் தனது மாதாந்திர விற்பனை இதுவரை இல்லாத வகையில் 500 சதவீத வளர்ச்சியை கடந்த மாதம் பதிவு செய்தது. இந்த வளர்ச்சிக்கு டாடா நிறுவனத்தின் அனைத்து பயணிகள் கார் மாடல்களும் பங்களித்து இருக்கின்றன. இதில் டாடா நெக்சான் இவி மாடலும் ஒன்று.

தற்போது நெக்சான் இவி விற்பனையில் 4 ஆயிரம் யூனிட்களை கடந்துள்ளதாக டாடா மோட்டார்ஸ் தெரிவித்து உள்ளது. இந்திய சந்தையில் அறிமுகமான 14 மாதங்களில் இந்த இலக்கை நெக்சான் இவி எட்டியுள்ளது. புதிய மைல்கல் மட்டுமின்றி மாதாந்திர விற்பனையில் நெக்சான் இவி அதிக யூனிட்களை பதிவு செய்துள்ளது.

இந்திய எலெக்ட்ரிக் கார்கள் பிரிவில் டாடா மோட்டார்ஸ் நிறுவனம் 64 சதவீத பங்குகளை கொண்டுள்ளது. 2020 ஜனவரி மாத வாக்கில் நெக்சான் இவி இந்திய சந்தையில் அறிமுகம் செய்யப்பட்டது. குறைந்த விலை, அதிக டிரைவிங் ரேன்ஜ் போன்ற காரணங்களால் இந்த எஸ்யுவி தொடர்ந்து அதிக யூனிட்கள் விற்பனையாகி வருகிறது.

டாடா நெக்சான் இவி மாடலில் 30.2kWh லித்தியம் அயன் பேட்டரி மற்றும் எலெக்ட்ரிக் மோட்டார் வழங்கப்பட்டு உள்ளது. இது 127 பிஹெச்பி பவர், 245 என்எம் டார்க் செயல்திறன் வழங்குகிறது. இந்த கார் ஒருமுறை சார்ஜ் செய்தால் 275 கிலோமீட்டர் வரை செல்லும் திறன் கொண்டிருக்கிறது.

மஹிந்திரா நிறுவனத்தின் புதிய தலைமுறை எக்ஸ்யுவி500 நீண்ட காலமாக சோதனை செய்யப்பட்டு வருகிறது. இந்த மாடல் ஸ்பை படங்கள் மற்றும் வீடியோக்கள் பலமுறை இணையத்தில் வெளியாகி இருக்கின்றன. 

இந்த நிலையில், புதிய தலைமுறை எக்ஸ்யுவி500 மாடல் இந்த ஆண்டின் இரண்டு அல்லது மூன்றாவது காலாண்டு வாக்கில் அறிமுகம் செய்யப்படும் என மஹிந்திரா நிறுவன தலைமை செயல் அதிகாரி வீஜே நக்ரா தெரிவித்தார். 

புதிய 2021 மஹிந்திரா எக்ஸ்யுவி500 மாடலில் 2.2 லிட்டர், 4 சிலிண்டர் டர்போ-சார்ஜ் செய்யப்பட்ட டீசல் என்ஜின் வழங்கப்படும் என எதிர்பார்க்கப்படுகிறது. இந்த என்ஜின் 152 பிஹெச்பி பவர், 360 என்எம் டார்க் செயல்திறன் வழங்குகிறது. இத்துடன் 6 ஸ்பீடு அல்லது 6 ஸ்பீடு டார்க் கன்வெர்ட்டர் ஆட்டோமேடிக் யூனிட் வழங்கப்படலாம்.

மஹிந்திரா எக்ஸ்யுவி500 மாடலில் செங்குத்தான மல்டி-ஸ்லாட் கிரில், பிளஷ் பிட்டிங் டோர் ஹேண்டில்கள், எல்இடி ஹெட்லேம்ப்கள், எல் வடிவ எல்இடி டிஆர்எல்கள், புது வடிவமைப்பு கொண்ட அலாய் வீல் உள்ளிட்டவை வழங்கப்படும் என கூறப்படுகிறது.

டொயோட்டா நிறுவனம் விர்ச்சுவல் முறையில் நடைபெற்ற நிகழ்வில் புதிய GR 86 மாடலை சர்வதேச சந்தையில் அறிமுகம் செய்தது. இந்த கார் புதிய 4 சிலிண்டர், 2.4 லிட்டர் என்ஜின் பெற்று இருக்கிறது. சுபாரு உற்பத்தி செய்த என்ஜின் 235 பிஎஸ் பவர், 250 என்எம் டார்க் செயல்திறன் வழங்குகிறது. இத்துடன் 6 ஸ்பீடு மேனுவல் அல்லது ஆட்டோமேடிக் டிரான்ஸ்மிஷன் வழங்கப்படுகிறது.

புதிய டொயோட்டா GR 86 மணிக்கு 100 கிலோமீட்டர் வேகத்தை 6.3 நொடிகளில் எட்டிவிடும். புதிய GR 86 தோற்றத்தில் சுபாரு BRZ போன்றே காட்சியளிக்கிறது. இதன் வடிவமைப்பு GR சுப்ரா மாடலை தழுவியும் உருவாக்கப்பட்டு இருக்கிறது. இதன் முன்புறம் மேம்படுத்தப்பட்டு அகலமான GR-ஸ்பெக் கிரில் மற்றும் ஏர் டக்குகள் வழங்கப்பட்டு உள்ளன.

காரின் உள்புறம் கருப்பு நிறத்தால் ஆன இன்டீரியர் மற்றும் சிவப்பு நிற இன்சர்ட்கள் உள்ளன. இத்துடன் ஆல்-டிஜிட்டல் இன்ஸ்ட்ரூமென்ட் கிளஸ்டர், இன்போடெயின்மென்ட் தொடுதிரை, டூயல்-சோன் கிளைமேட் கண்ட்ரோல், ஸ்போர்ட் சீட் போன்றவை உள்ளன. 

GR சுப்ரா, GR யாரிஸ் மற்றும் GR 86 மாடல்களில் முன்புற என்ஜின் மற்றும் ரியல்-வீல் டிரைவ் உள்ளன. புதிய GR 86 ஜப்பான் நாட்டில் நவம்பர் மாத துவக்கத்திலோ டிசம்பர் மாதத்திலோ அறிமுகம் செய்யப்படும் என எதிர்பார்க்கப்படுகிறது.

நிசான் இந்தியா நிறுவனம் மார்ச் 2021 மாதத்தில் மட்டும் 4,012 வாகனங்களை விற்பனை செய்து உள்ளது. இதில் பெரும்பாலான யூனிட்கள் சமீபத்தில் அறிமுகம் செய்யப்பட்ட மேக்னைட் மாடல் ஆகும். 2020-21 நிதியாண்டில் நிசான் ஆறு சதவீத வளர்ச்சியை பதிவு செய்துள்ளது.

விற்பனைக்கு பிந்தைய சர்வீசை மேம்படுத்த நிசான் சமீபத்தில் எக்ஸ்பிரஸ் சக்வீஸ் திட்டத்தை அறிமுகம் செய்தது. இந்த திட்டத்தில் 90 நிமிடங்களில் கார் சர்வீஸ் செய்யப்பட்டு விடும். இதுதவிர நாடு முழுக்க 100-க்கும் அதிக பகுதிகளில் நிசான் சர்வீஸ் கிளினிக்-களை செயல்படுத்துகிறது.

நிசான் வாடிக்கையாளர்கள் தங்களின் வாகனத்தை சர்வீஸ்  செய்ய நிசான் சர்வீஸ் ஹப் வலைதளம் அல்லது நிசான் கனெக்ட் தளம் மூலம் முன்பதிவு செய்துகொள்ளலாம். இத்துடன் நாடு முழுக்க சுமார் 1500-க்கும் அதிக நகரங்களில் நிசான் 24 மணி நேர ரோடு-சைடு அசிஸ்டண்ஸ் வசதியை வழங்குகிறது.

ஹீரோ மற்றும் யமஹா நிறுவனங்கள் வரிசையில், ராயல் என்பீல்டு நிறுவனம் தனது கிளாசிக் 350 மோட்டார்சைக்கிள் விலையை உயர்த்தி இருக்கிறது. அதன்படி கிளாசிக் 350 விலை ரூ. 5,992 வரை உயர்த்தப்பட்டு இருக்கிறது. 

ஸ்டான்டர்டு வேரியண்ட் புதிய விலை ரூ. 1,72,466 (முன்பை விட ரூ. 5231 உயர்வு)

கிளாசிக் பிளாக் புதிய விலை ரூ. 1,80,880 (முன்பை விட ரூ. 5475 உயர்வு)

கன்மெட்டல் கிரே ஸ்போக் வீல் புதிய விலை ரூ. 1,82,825 (முன்பை விட ரூ. 5531 உயர்வு)

கன்மெட்டல் கிரே அலாய் வீல் புதிய விலை ரூ. 1,95,253 (முன்பை விட ரூ. 5893 உயர்வு)

சிக்னல்ஸ் புதிய விலை ரூ. 1,91,693 (முன்பை விட ரூ. 5791 உயர்வு)

மெட்டாலோ சில்வர், ஆரஞ்சு எம்பெர் புதிய விலை ரூ. 1,95,253 (முன்பை விட ரூ. 5893 உயர்வு)

மேட் மற்றும்  குரோம் புதிய விலை ரூ. 1,98,600 (முன்பை விட ரூ. 5992 உயர்வு)

இந்தியாவில் கிளாசிக் 350 மாடல் ராயல் என்பீல்டு நிறுவனத்தின் அதிகம் விற்பனையாகும் மாடலாக இருக்கிறது. எனினும், ராயல் என்பீல்டு இந்த மாடலை அப்டேட் செய்ய இருக்கிறது. புதிய கிளாசிக் 350 ஜெ பிளாட்பார்மில் உருவாகிறது. இதே பிளாட்பார்ம் Meteor 350 மாடலிலும் பயன்படுத்தப்பட்டு இருக்கிறது.

ஹூண்டாய் நிறுவனத்தின் தேர்வு செய்யப்பட்ட விற்பனையாளர்கள் வாடிக்கையாளர்களுக்கு அசத்தலான சலுகை வழங்கி வருகின்றனர். இவை தள்ளுபடி, எக்சேன்ஜ் போனஸ் மற்றும் கார்ப்பரேட் தள்ளுபடி வடிவில் வழங்கப்படுகின்றன.

அதன்படி ஹூண்டாய் சான்ட்ரோவின் Era தவிர மற்ற வேரியண்ட்களுக்கு சலுகை வழங்கப்படுகிறது. இதில் ரூ. 20 ஆயிரம் தள்ளுபடி, ரூ. 10 ஆயிரம் எக்சேன்ஜ் போனஸ் வழங்கப்படுகிறது. ஹூண்டாய் ஔரா டர்போ பெட்ரோல் வேரியண்ட் ரூ. 30 ஆயிரம் தள்ளுபடி, ரூ. 15 ஆயிரம் எக்சேன்ஜ் போனஸ், சிஎன்ஜி வேரியண்ட் ரூ. 10 ஆயிரம் எக்சேன்ஜ் போனஸ் உடன் வழங்கப்படுகிறது.

கிராண்ட் ஐ10 நியோஸ் மாடலின் பெட்ரோல் மற்றும் சிஎன்ஜி வேரியண்ட் ரூ. 10 ஆயிரம் தள்ளுபடி மற்றும் எக்சேன்ஜ் போனஸ் வழங்கப்படுகிறது. இதன் டர்போ வேரியண்டிற்கு ரூ. 30 ஆயிரம் தள்ளுபடி, ரூ. 10 ஆயிரம் எக்சேன்ஜ் போனஸ் வழங்கப்படுகிறது.

புதிய தலைமுறை ஐ20 iMT டர்போ பெட்ரோல் மற்றும் டீசல் மாடல்களுக்கு சலுகை வழங்கப்படுகிறது. இரு வேரியண்ட்களுக்கும் ரூ. 10 ஆயிரம் எக்சேன்ஜ் போனஸ் வழங்கப்படுகிறது. இத்துடன் ரூ. 5 ஆயிரம் கார்ப்பரேட் சலுகை வழங்கப்படுகிறது.

2021 சுசுகி ஹயபுசா மாடல் இந்திய சந்தையில் ஏப்ரல் மாதத்தில் அறிமுகமாகிறது. இதனை உறுதிப்படுத்தும் வகையில் சுசுகி மோட்டார்சைக்கிள் இந்தியா டீசர் ஒன்றை ட்விட்டர் தளத்தில் வெளியிட்டு உள்ளது. புதிய ஹயபுசா மாடலின் சரியான வெளியீட்டு தேதி இதுவரை அறிவிக்கப்படவில்லை.

சர்வதேச சந்தையில் பெரும் எதிர்பார்ப்பை ஏற்படுத்திய மாடல்களில் ஒன்றாக 2021 சுசுகி ஹயபுசா இருக்கிறது. 1999 ஆண்டு உலகின் அதிவேகமாக செல்லும் மோட்டார்சைக்கிள் என்ற பெருமையை ஹயபுசா பெற்றது. இந்த மாடல் மணிக்கு 312 கிலோமீட்டர் வேகத்தில் சீறிப்பாயும் திறன் கொண்டிருந்தது.

2008 ஆம் ஆண்டு வரை உலகின் அதிவேக மோட்டார்சைக்கிள் என்ற பெருமையை ஹயபுசா தக்கவைத்து கொண்டிருந்தது. அதிவேக மோட்டார்சைக்கிள் எனும் போது அனைவரின் மனதில் எழும் முதல் மாடலாக ஹயபுசா இருக்கிறது. தற்போது இந்த மோட்டார்சைக்கிள் புது அம்சங்களுடன் அப்டேட் செய்யப்பட்டு உள்ளது.

2021 ஹயபுசா மாடலில் கடந்த 13 ஆண்டுகளில் இல்லாத அளவு முழுமையான மாற்றம் செய்யப்பட்டு இருக்கிறது. ஸ்டைலிங்கை பொருத்தவரை 2021 ஹயபுசா மாடலில் டூ-டோன் நிறங்கள், எல்இடி ஹெட்லைட், செமி-டிஜிட்டல் இன்ஸ்ட்ரூமென்ட் கிளஸ்டர், ஸ்ப்லிட் ஸ்டைல் சேடில், ட்வின்-சைடு எக்சாஸ்ட் உள்ளது.

இந்த மாடல் யூரோ 5 புகை விதிகளுக்கு பொருந்தும் வகையிலான 1340சிசி, இன்லைன் 4 சிலிண்டர் லிக்விட் கூல்டு என்ஜின் வழங்கப்படுகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த என்ஜின் 187.7 பிஹெச்பி பவர், 150 என்எம் டார்க் செயல்திறன் வழங்குகிறது. 

இத்துடன் ரைடு-பை-வயர் எலெக்டிரானிக் திராட்டிள் சிஸ்டம், ரிவைஸ்டு இன்டேக் மற்றும் எக்சாஸ்ட் மெக்கானிசம் கொண்டுள்ளது. இந்த சூப்பர்பைக் லிட்டருக்கு 14.9 கிலோமீட்டர் வரை செல்லும் என சுசுகி தெரிவித்து இருக்கிறது.

எம்ஜி நிறுவனம் தனது எலெக்ட்ரிக் ஸ்போர்ட்ஸ் கார் மாடலான சைபர்ஸ்டெர் கான்செப்ட் படங்களை வெளியிட்டுள்ளது. இந்த எலெக்ட்ரிக் ஸ்போர்ட்ஸ் கார் இம்மாதம் நடைபெற இருக்கும் ஷாங்காய் ஆட்டோ விழாவில் அறிமுகம் செய்யப்பட இருக்கிறது. இந்த கார் நிச்சயம் உற்பத்தி செய்யப்படும். 

காரின் முன்புறம் ஏரோடைனமிக் டிசைன், பக்கவாட்டு மற்றும் டெயில் லேம்ப் உள்ளிட்டவைகளை பார்க்கும் போது இந்த மாடல் அதிவேக எலெக்ட்ரிக் ஸ்போர்ட்ஸ் கார் மாடலாக இருக்கும் என தெரிகிறது. இது சர்வதேச சந்தையில் ஸ்போர்ட்ஸ் கார் பிரியர்களை கவரும் வகையிலான தோற்றம் கொண்டுள்ளது.

இது கேமிங் காக்பிட் கொண்ட உலகின் முதல் முழுமையான சூப்பர் கார் ஆகும். எம்ஜி குளோபல் டிசைன் குழுவினர் இந்த காரை வடிவமைத்து இருக்கின்றனர். இந்த கார் ஒருமுறை சார்ஜ் செய்தால் 800 கிலோமீட்டர் வரை செல்லும் திறன் கொண்டிருக்கும். 

இந்த கார் முழுமையான எலெக்ட்ரிக் திறன், 5ஜி இணைப்பு வசதி கொண்டிருக்கும் என்றும் இது மணிக்கு 100 கிலோமீட்டர் வேகத்தை 3 நொடிகளில் எட்டிவிடும் என கூறப்படுகிறது.

நிசான் நிறுவனம் தனது மேக்னைட் மாடல் உற்பத்தியில் 10 ஆயிரம் யூனிட்களை கடந்துள்ளதாக அறிவித்து இருக்கிறது. இந்திய சந்தையில் அறிமுகமான ஆறு மாதங்களில் இந்த மைல்கல் எட்டப்பட்டு இருக்கிறது.

தொடர்ச்சியான வரவேற்பு காரணமாக தமிழ் நாட்டில் செயல்பட்டு வரும் ஆலையில் உற்பத்தி எண்ணிக்கையை வெகுவாக அதிகரித்து இருக்கிறது. ஆயிரத்திற்கும் அதிக ஊழியர்கள் கொண்ட ஆலையில் உற்பத்தி பணிகளை மேற்கொள்ள நிசான் மூன்றாவது ஷிப்ட் துவங்கி உள்ளது.

இதன் மூலம் புதிய கார் வினியோகம் செய்வதற்கு ஆகும் காலக்கட்டத்தை குறைக்க நிசான் திட்டமிட்டு உள்ளது. இந்திய சந்தையில் நிசான் மேக்னைட் மாடல் கடந்த ஆண்டு டிசம்பர் 2 ஆம் தேதி அறிமுகம் செய்யப்பட்டது. இதன் துவக்க விலை ரூ. 4.99 லட்சம் என நிர்ணயிக்கப்பட்டது. எனினும், தற்போது இதன் விலை அதிகரிக்கப்பட்டு விட்டது.

இந்திய சந்தையில் பல்வேறு இருசக்கர வாகன உற்பத்தியாளர்கள் தங்களின் வாகன விலையை உயர்த்தி வருகின்றன. அந்த வரிசையில், தற்போது ஹோண்டா மோட்டார்சைக்கிள் மற்றும் ஸ்கூட்டர் இந்தியாவும் இணைந்துள்ளது. விலை உயர்வின் படி ஹோண்டா ஆக்டிவா 6ஜி எஸ்டிடி மாடல் ரூ. 67,843 என துவங்கி  டாப் எண்ட் மாடல் விலை ரூ. 71,089 என மாறி இருக்கிறது.

ஹோண்டா ஆக்டிவா 125 டிரம் பிரேக் மாடல் விலை ரூ. 71,674 என துவங்கி டாப் எண்ட் மாடல் விலை ரூ. 78,797 என மாறி இருக்கிறது. ஹோண்டா டியோ எஸ்டிடி மாடல் துவக்க விலை ரூ. 63,273 என துவங்கி டாப் எண்ட் மாடல் விலை ரூ. 69,171 என மாறி இருக்கிறது. கிரேசியா மாடல் துவக்க விலை ரூ. 75,859 என்றும் டாப் எண்ட் மாடல் விலை ரூ. 84,185 ஆகும்.

ஹோண்டா சிடி டிரீம் 110 மாடல் ரூ. 64,421 என துவங்கி டாப் எண்ட் மாடல் விலை ரூ. 65,421 என்றும் லிவோ மாடல் ரூ. 69,971, லிவோ டிஸ்க் மாடல் ரூ. 74,171 என மாறி இருக்கிறது. ஹோண்டா சிபி ஷைன் விலை ரூ. 71,550 என்றும் டிஸ்க் மாடல் விலை ரூ. 76,346 என மாறி இருக்கிறது. ஹோண்டா எஸ்பி 125 டிரம் மாடல் ரூ. 77,145 என்றும் எஸ்பி 125 டிஸ்க் மாடல் ரூ. 81,441 என மாறி இருக்கிறது.

ஹோண்டா யூனிகான் மாடல் ரூ. 97,356, எக்ஸ் பிளேடு எஸ்டிடி ரூ. 1,09,264 என்றும் எக்ஸ் பிளேடு டிஎல்எக்ஸ் ரூ. 1,13,654 என்றும் ஹார்னெட் 2.0 மாடல் ரூ. 1,29,608 என்றும் ஹார்னெட் 2.0 ரெப்சால் எடிஷன் ரூ. 1,31,608 என மாறி இருக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.