நீங்கள் தேடியது "சூப்பர் கார்"

பிரிட்டனை சேர்ந்த சூப்பர் கார் உற்பத்தியாளர் மெக்லாரென் இந்திய சந்தையில் தனது சக்திவாய்ந்த சூப்பர் கார் 750S மாடலை அறிமுகம் செய்தது. இதன் விலை ரூ. 5 கோடியே 91 லட்சம், எக்ஸ் ஷோரூம் என நிர்ணயம் செய்யப்பட்டு உள்ளது. கடந்த ஆண்டு ஏப்ரல் மாதம் சர்வதேச சந்தையில் அறிமுகம் செய்யப்பட்ட நிலையில், மெக்லாரென் 750S தற்போது இந்தியா வந்துள்ளது.

புதிய மெக்லாரென் 750S அந்நிறுவனத்தின் 720S மாடலின் மேம்பட்ட வெர்ஷன் ஆகும். புதிய மெக்லாரென் 750S மாடல் கூப் மற்றும் ஹார்டு-டாப் கன்வெர்டிபில் என இருவித பாடி ஸ்டைல்களில் கிடைக்கிறது. தோற்றத்தில் இந்த கார் 720S போன்றே காட்சியளிக்கிறது. புதிய 750S மாடலில் ரி-டிசைன் செய்யப்பட்ட முன்புற பம்ப்பர், மெல்லிய எல்.இ.டி. ஹெட்லேம்ப் மற்றும் டி.ஆர்.எல்.கள் வழங்கப்பட்டுள்ளன.

இத்துடன் அளவில் பெரிய ஸ்ப்லிட்டர் கொண்ட ஏர் டேம்கள், புதிய வீல் ஆர்ச் வென்ட்கள், நீட்டிக்கப்பட்ட ரியர் டெக், அகலமான ஆக்டிவ் விங் வழங்கப்பட்டு இருக்கிறது. காரின் உள்புறம் ஃபுல் லப்பா லெதர், டிஜிட்டல் இன்ஸ்ட்ரூமென்ட் கிளஸ்டர், செங்குத்தாக பொருத்தப்பட்ட இன்ஃபோடெயின்மென்ட் ஸ்கிரீன், வயர்லெஸ் சார்ஜர், 360 டிகிரி கேமரா, வயர்லெஸ் ஆப்பிள் கார் பிளே, ஆன்ட்ராய்டு ஆட்டோ, போயர்ஸ் மற்றும் வில்கின்ஸ் ஆடியோ சிஸ்டம் வழங்கப்பட்டு இருக்கிறது.

புதிய மெக்லாரென் 750S மாடலில் 4.0 லிட்டர், டுவின் டர்போ, வி8 என்ஜின் வழங்கப்பட்டு இருக்கிறது. இந்த என்ஜின் 740 ஹெச்.பி. பவர், 800 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 7 ஸ்பீடு ஆட்டோமேடிக் கியர்பாக்ஸ் வழங்கப்படுகிறது. இந்த கார் மணிக்கு 100 கிலோமீட்டர் வேகத்தை 2.8 நொடிகளில் எட்டிவிடும் திறன் கொண்டிருக்கிறது.

மேலும் இந்த கார் மணிக்கு அதிகபட்சம் 331 கிலோமீட்டர் வேகத்தில் செல்லும் திறன் கொண்டுள்ளது. மெக்லாரென் இதுவரை உற்பத்தி செய்ததிலேயே இது மிகவும் சக்திவாய்ந்த மாடல் ஆகும். புதிய 750S மாடல் முந்தைய 720S காரை விட 30 கிலோ குறைவாக இருக்கும் படி உருவாக்கப்பட்டு இருக்கிறது. 

லம்போர்கினி நிறுவனத்தின் முற்றிலும் புதிய சூப்பர் கார் ரிவால்டோ இந்திய சந்தையில் அடுத்த மாதம் 6-ம் தேதி அறிமுகம் செய்யப்பட இருக்கிறது. இது அந்நிறுவனத்தின் மிகவும் பிரபலமான அவென்டடார் மாடலின் மேம்பட்ட வெர்ஷன் ஆகும். ஹைப்ரிட் சூப்பர்கார் என்ற முறையில், இந்த காரில் வி12 ரக என்ஜின் மற்றும் எலெக்ட்ரிக் மோட்டார்கள் வழங்கப்பட்டு உள்ளன.

லம்போர்கினி ரிவால்டோ மாடலில் 6.5 லிட்டர் வி12 என்ஜின் வழங்கப்பட்டு இருக்கிறது. இந்த என்ஜின் 825 ஹெச்.பி. பவர், 725 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த என்ஜினுடன் மூன்று எலெக்ட்ரிக் மோட்டார்கள் மற்றும் 3.8 கிலோவாட் ஹவர் லித்தியம் அயன் பேட்டரி வழங்கப்பட்டு இருக்கிறது.

இந்த சூப்பர்காரில் உள்ள என்ஜின் மற்றும் எலெக்ட்ரிக் மோட்டார்கள் ஒருங்கிணைந்து 1015 ஹெச்.பி. பவர் வெளிப்படுத்தும் திறன் கொண்டிருக்கிறது. இத்துடன் 8 ஸ்பீடு டூயல் கிளட்ச் ஆட்டோமேடிக் கியர்பாக்ஸ் வழங்கப்படுகிறது. இத்துடன் ஆல் வீல் டிரைவ் செட்டப் வழங்கப்படுகிறது. இந்த கார் மணிக்கு 100 கிலோமீட்டர் வேகத்தை 2.5 நொடிகளில் எட்டிவிடும். மேலும் மணிக்கு அதிகபட்சம் 350 கிலோமீட்டர் வேகத்தில் செல்லும் திறன் கொண்டிருக்கிறது.

இந்திய சந்தையில் இறக்குமதி செய்யப்படும் என்பதால், புதிய லம்போர்கினி ரிவால்டோ விலை ரூ. 8 கோடியில் இருந்து துவங்கும் என்று தெரிகிறது. இதன் ஆன் ரோடு விலை கிட்டத்தட்ட ரூ. 10 கோடி வரை நிர்ணயம் செய்யப்படலாம். இந்த மாடலுக்கான முன்பதிவு தற்போதைக்கு துவங்காது என்றே தெரிகிறது. முன்னதாக இந்த ஆண்டுக்கான யூனிட்கள் அனைத்தும் விற்றுத் தீர்ந்ததாக லம்போர்கினி அறிவித்தது.

புதிய லம்போர்கினி ரெவல்டோ மாடல் 2026 வரை அனைத்து யூனிட்களும் விற்று தீர்ந்தது. லம்போர்கினி ஸ்டீபன் வின்கில்மேன் இந்த தகவலை உறுதிப்படுத்தி இருக்கிறார். லம்போர்கினி நிறுவனத்தின் முதல் ஹைப்ரிட் சூப்பர்கார் மாடல் இது ஆகும். லம்போர்கினி ரெவல்டோ மாடலில் புதிய ஹைப்ரிட் V12 என்ஜின் வழங்கப்பட்டு இருக்கிறது.

இந்த என்ஜின் முந்தைய வெர்ஷனை விட 17 கிலோ வரை எடை குறைவு ஆகும். என்ஜின் மட்டுமே 825 ஹெச்பி பவர் வெளிப்படுத்தும் திறன் கொண்டிருக்கிறது. எலெக்ட்ரிக் மோட்டாருடன் இணையும் போது செயல்திறன் 1015 ஹெச்பி ஆக அதிகரிக்கிறது. இந்த சூப்பர்காரில் 3.8 கிலோவாட் ஹவர் பேட்டரி உள்ளது. இதை கொண்டு காரை எலெக்ட்ரிக் மோடில் 9.5 கிலோமீட்டர்கள் வரை ஓட்ட முடியும்.

புதிய ரெவல்டோ மாடல் இந்தியாவிலும் வினியோகம் செய்யப்பட இருக்கிறது. இந்தியாவில் இந்த மாடல் நவம்பர் மாத வாக்கில் வினியோகம் செய்யப்டும் என்று எதிர்பார்க்கப்படுகிறது. புதிய லம்போர்கினி ரெவல்டோ விலை பற்றி இதுவரை எந்த தகவலும் இல்லை. எனினும், உள்ளூர் வரிகள் சேர்க்கும் போது சற்று அதிக விலை கொண்டிருக்கும் என்று எதிர்பார்க்கலாம்.

இதுவரை வெளியாகி இருக்கும் தகவல்களின் படி லம்போர்கின் ரெவல்டோ மாடலின் விலை இந்திய சந்தையில் ரூ. 10 கோடி வரை நிர்ணயம் செய்யப்படலாம். அந்த வகையில், இது லம்போர்கினியின் விலை உயர்ந்த சூப்பர் கார் என்ற பெருமையை பெறும் என்று தெரிகிறது. 

பிஎம்பிள்யூ நிறுவனம் இந்திய சந்தையில் தனது புதிய X5 பேஸ்லிப்ட் மாடலை அறிமுகம் செய்தது. புதிய பிஎம்பிள்யூ X5 பேஸ்லிப்ட் மாடலின் விலை ரூ. 93 லட்சத்து 90 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய மேம்பட்ட எஸ்யுவி மாடல் நான்கு வேரியன்ட் மற்றும் ஏராளமான நிறங்களில் கிடைக்கிறது.

புதிய பிஎம்பிள்யூ X5 பேஸ்லிப்ட் மாடலில் காஸ்மடிக் மாற்றங்கள் மேற்கொள்ளப்பட்டு இருக்கிறது. இதன் பெட்ரோல் ரேன்ஜ் 40i எக்ஸ் லைன் மற்றும் 40i M ஸ்போர்ட்ஸ் வேரியன்ட்களிலும், டீசல் ரேன்ஜ் 30d எக்ஸ் லைன் மற்றும் 30d M ஸ்போர்ட் போன்ற வேரியன்ட்களில் கிடைக்கிறது. இந்த கார் ப்ரூக்லின் கிரே, கார்பன் பிளாக், மினரல் வைட், ஸ்கை-ஸ்கிரேப்பர் கிரே, டான்சனைட் புளூ மற்றும் பிளாக் சஃபையர் போன்ற நிறங்களில் கிடைக்கிறது.

X5 பேஸ்லிப்ட் மாடலின் வெளிப்புற ஹெட்லேம்ப்களில் ஏரோ வடிவம் கொண்ட எல்இடி டிஆர்எல்கள், மல்டி-ஸ்போக் அலாய் வீல்கள், ரிவைஸ்டு எல்இடி டெயில் லைட்கள், X வடிவம் கொண்ட பேட்டன்கள், டுவீக் செய்யப்பட்ட முன்புறம் மற்றும் பின்புற பம்ப்பர்கள் வழங்கப்பட்டு உள்ளன.

அம்சங்களை பொருத்தவரை 14.9 இன்ச் டச் ஸ்கிரீன் இன்ஃபோடெயின்மென்ட் ஸ்கிரீன், 12.3 இன்ச் ஆல்-டிஜிட்டல் இன்ஸ்ட்ரூமென்ட் கிளஸ்டர் வழங்கப்படுகிறது. இத்துடன் ஆட்டோமேடிக் கிளைமேட் கண்ட்ரோல், மல்டி-கலர் ஆம்பியன்ட் லைட்டிங், குரூயிஸ் கன்ட்ரோல், வயர்லெஸ் சார்ஜர், பானரோமிக் சன்ரூஃப், ஆப்ஷனல் ஸ்போர்ட்ஸ் சீட் பேக்கேஜ் வழங்கப்படுகிறது.

பிஎம்பிள்யூ X5 பேஸ்லிப்ட் மாடலில் 3.0 லிட்டர் பெட்ரோல் மற்றும் டீசல் என்ஜின் ஆப்ஷன்கள் வழங்கப்படுகிறது. இதில் உள்ள 6 டர்போசார்ஜ் செய்யப்பட்ட பெட்ரோல் என்ஜின் 335 ஹெச்பி பவர், 650 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இதன் டீசல் என்ஜின் 262 ஹெச்பி பவர், 620 நியூட்டன் மீட்டர் டார்க் இழுவிசையை வெளிப்படுத்துகிறது.

இரண்டு என்ஜின்களுடன் எலெக்ட்ரிக் மோட்டார் பொருத்தப்பட்டு இருக்கிறது. இந்த எலெக்ட்ரிக் மோட்டார் கூடுதலாக 12ஹெச்பி மற்றும் 200 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கின்றன. இவற்றுடன் 8 ஸ்பீடு ஆட்டோமேடிக் டிரான்ஸ்மிஷன், எக்ஸ்டிரைவ் AWD ஸ்டான்டர்டு ஆப்ஷனாக வழங்கப்படுகிறது. 

பிஎம்டபிள்யூ இந்தியா நிறுவனம் தனது பிளாக்ஷிப் எலெக்ட்ரிக் செடான் i7 மாடலின் M வெர்ஷனை இந்திய சந்தையில் அறிமுகம் செய்ய இருக்கிறது. ஆகஸ்ட் மாத வாக்கில் இந்த காரின் வெளியீடு நடைபெற இருக்கிறது. பிஎம்டபிள்யூ i7 M70 எக்ஸ்டிரைவ் என்று அழைக்கப்படும் புதிய கார், ஜெர்மன் கார் உற்பத்தியாளரின் முதல் எலெக்ட்ரிக் செடான் மாடல் ஆகும்.

வழக்கமான பிஎம்டபிள்யூ i7 மாடலுடன் ஒப்பிடும் போது, இந்த காரில் ஏராளமான அம்சங்கள் வித்தியாசமாக வழங்கப்படுகிறது. இதில் முன்புறம் மற்றும் பின்புறம் M பம்ப்பர் பாடி கிட், கிளாசி பிளாக் கிட்னி கிரில், M பேட்ஜ் வழங்கப்படுகிறது. M டிசைன் மிரர்கள், சைடு ஸ்கர்ட்கள், இலுமினேட் செய்யப்பட்ட டோர் சில்கள், கிளாஸ் பிளாக் வின்டோ லைன் உள்ளிட்டவை வழங்கப்படுகிறது.

இத்துடன் பக்கவாட்டு ஃபென்டரில் M பேட்ஜ், 21 இன்ச் அளவில் புதிய அலாய் வீல்கள், புளூ நிற பிரேக் கேலிப்பர்கள் வழங்கப்படுகின்றன. மேலும் பிளாக்டு அவுட் ரியர் ஸ்பாயிலர், டூ டோன் பெயின்ட் ஆப்ஷன்கள் ஸ்டான்டர்டு அம்சமாக வழங்கப்படுகிறது. இத்துடன் லிக்விட் காப்பர் நிற வேரியண்ட் வழங்கப்படுகிறது. இதன் விலை ரூ. 13 லட்சம் வரை அதிகம் ஆகும்.

இந்த மாடலிலும் 101.7 கிலோவாட் ஹவர் பேட்டரி பேக் வழங்கப்படுகிறது. இதனுடன் வழங்கப்படும் எலெக்ட்ரிக் மோட்டார் 650 ஹெச்பி பவர், 1015 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இந்த கார் மணிக்கு 100 கிலோமீட்டர்கள் வேகத்தை 3.7 நொடிகளில் எட்டிவிடும். மணிக்கு அதிபட்சம் 250 கிலோமீட்டர் வேகத்தில் செல்லும். இந்த கார் முழு சார்ஜ் செய்தால் 560 கிலோமீட்டர்கள் வரையிலான ரேன்ஜ் வழங்குகிறது.

ஃபெராரி நிறுவனம் SF90 ஹைப்ரிட், SF90 XX ஸ்டிராடேல் மற்றும் ஸ்பைடர் மாடல்களின் ப்ரோடக்ஷன் மாடலை அறிமுகம் செய்தது. இந்த கார்கள் முறையே 799 மற்றும் 599 யூனிட்கள் தான் உற்பத்தி செய்யப்பட உள்ளன. 2005-ம் ஆண்டு அறிமுகம் செய்ப்பட்ட XX மாடல்களில் புதிய வேரியண்ட் இது ஆகும்.

முந்தைய மாடல்களை போன்று இல்லாமல், புதிய மாடல்கள் சாலையில் பயன்படுத்துவதற்கான உரிமம் பெற்று இருக்கின்றன. இதுதவிர முற்றிலும் புதிய XX சீரிஸ் மாடல்களில் ஏரோடைனமிக் அப்கிரேடுகள் செய்யப்பட்டுள்ளன. மேலும் இவற்றின் திறன் அதிகப்படுத்தப்பட்டு இருக்கிறது.

இந்த காரின் பின்புறம் மெல்லிய லைட்பார், பம்ப்பரில் டிஃப்யுசர் மற்றும் பல்வேறு வென்ட்கள் வழங்கப்படுகிறது. இவை கார் என்ஜினில் ஏற்படும் வெப்பத்தை குறைக்கும். ஸ்பைடர் மாடலில் ஹார்டு டாப் வழங்கப்பட்டு இருக்கிறது. இதனை கார் 45 கிலோமீட்டர் வேகத்தில் செல்லும் போது 14 நொடிகளில் திறந்து, மூட முடியும்.

இதன் ஹைப்ரிட் என்ஜின் 1016 ஹெச்பி பவர் வெளிப்படுத்துகிறது. வி8 என்ஜின் 786 ஹெச்பி பவர் வெளிப்படுத்துகிறது. இத்துடன் மூன்று எலெக்ட்ரிக் மோட்டார்கள் இணைந்து 233 ஹெச்பி பவர் வெளிப்படுத்துகின்றன. இந்த யூனிட் உடன் 8 ஸ்பீடு டூயல் கிளட்ச் ஆட்டோமேடிக் கியர்பாக்ஸ் வழங்கப்படுகிறது. 

டொயோட்டா நிறுவனம் பல்வேறு விலை பிரிவுகளில், ஏராளமான மாடல்களை விற்பனை செய்து முன்னணி நிறுவனமாக விளங்கி வருகிறது. அந்த வகையில் வழக்கமான டொயோட்டா பிரான்டு, லெக்சஸ் பிரீமியம் பிரான்டு, சீன மற்றும் வட அமெரிக்க சந்தைக்கென முற்றிலும் புதிய கிரவுன் பிரான்டு என டொயோட்டா நிறுவனம் உலகம் முழுக்க பல்வேறு பிரான்டிங்கில் பலதரப்பட்ட வாகனங்களை விற்பனை செய்து வருகிறது.

எனினும், அல்ட்ரா டாப் என்ட் வாகனங்கள் பிரிவில் டொயோட்டா நிறுவனம் செஞ்சுரி பிரான்டு லிமோசின்களை மட்டுமே விற்பனை செய்து வருகிறது. தற்போது வரை செஞ்சுரி பிரான்டு ஜப்பானின் உள்நாட்டு சந்தையில் மட்டுமே விற்பனை செய்யப்பட்டு வருகிறது.

மேலும் இந்த பிரான்டில் ஒரே மாடல் மட்டுமே உள்ளது. தற்போது ஆட்டோமொபைல் சந்தையில் எஸ்யுவி மாடல்கள் முன்னணியில் இருப்பதை தொடர்ந்து, டொயோட்டா நிறுவனம் செஞ்சுரி பிரான்டிங்கில் எஸ்யுவி மாடலை உருவாக்கி வருவதாக தகவல் வெளியாகி உள்ளது. புதிய டொயோட்டா செஞ்சுரி எஸ்யுவி மாடல் ரோல்ஸ் ராய்ஸ் கலினன் மற்றும் பென்ட்லி பென்ட்யகா மாடல்களுக்கு போட்டியாக அமையும்.

செஞ்சுரி மாடலின் இன்டீரியர்கள் மிகவும் விசேஷமாக உருவாக்கப்பட்டு வருகின்றன. இவை ரோல்ஸ் ராய்ஸ் மற்றும் பென்ட்லி வாகனங்களுக்கு சற்றும் குறைவில்லாத ஆடம்பர சவுகரிய அனுபவத்தை வழங்கி வருகின்றன. இதன் காரணமாகவே டொயோட்டா செஞ்சுரி மாடல் ஜப்பான் மன்னர், அரச குடும்பத்தை சார்ந்தவர்கள், வியாபாரிகள் உள்ளிட்டோரை வாடிக்கையாளர்களாக கொண்டிருக்கிறது.

முதல் முறையாக டொயோட்டா நிறுவனம் செஞ்சுரி பிரான்டு எஸ்யுவி மாடலை உருவாக்குகிறது. மேலும் முதல் முறையாக செஞ்சுரி மாடல் ஜப்பான் மட்டுமின்றி, பல்வேறு உலக நாடுகளிலும் விற்பனைக்கு வர இருக்கிறது. டொயோட்டா செஞ்சுரி மாடல் வட அமெரிக்க ஹைலேன்டர் மோனோக் எஸ்யுவி வடிவில் உருவாக்கப்படுகிறது.

அதன்படி இந்த எஸ்யுவி எப்படி காட்சியளிக்கும் என்பதை விளக்கும் ரென்டர்கள் இணையத்தில் வெளியாகி இருக்கிறது. இந்த கார் தோற்றத்தில் 3-பாக்ஸ் டிசைன் கொண்டிருக்கிறது. புதிய செஞ்சுரி எஸ்யுவி மாடல் ரோல்ஸ் ராய்ஸ் கலினனை விட சிறப்பான ஆடம்பர எஸ்யுவி-ஆக இருக்கும் வகையில் உருவாக்கப்பட்டு இருக்கும் என்று தெரிகிறது.

புதிய டொயோட்டா செஞ்சுரி எஸ்யுவி மாடலில் 5.0 லிட்டர் ஹைப்ரிட் வி8 என்ஜின் வழங்கப்படும் என்று கூறப்படுகிறது. இது அதிகபட்சமாக 425 ஹெச்பி பவர் வெளிப்படுத்தும் திறன் கொண்டிருக்கும் என்று எதிர்பார்க்கலாம். 3-rd Gen டொயோட்டா செஞ்சுரி செடான் மாடலிலும் இதே என்ஜின் வழங்கப்பட்டு இருப்பது குறிப்பிடத்தக்கது. 

Photo Courtesy: CarScoops 

பிஎம்டபிள்யூ நிறுவனம் இந்திய சந்தையில் தனது புதிய M2 மாடலை அறிமுகம் செய்தது. புதிய பிஎம்டபிள்யூ M2 மாடலின் விலை ரூ. 98 லட்சம், எக்ஸ்-ஷோரூம் என்று துவங்குகிறது. முதல் தலைமுறை 2 சீரிஸ் மாடல் அறிமுகமாகி நீண்ட காலம் ஆகிவிட்டது. உலகம் முழுக்க இந்த கார் 60 ஆயிரம் யூனிட்கள் விற்பனை செய்யப்பட்டு உள்ளன.

முற்றிலும் புதிய M2 மாடல் அதீத செயல்திறனை வழங்கும் வகையில் உருவாக்கப்பட்டு இருக்கிறது. இத்துடன் சக்திவாந்த M பிராண்டிங் செய்யப்பட்டு இருக்கிறது. இந்த காரின் மிகமுக்கிய விஷயம், இந்திய சந்தையில் மேனுவல் ஆப்ஷன் கொண்ட முதல் பிஎம்டபிள்யூ மாடல் இது ஆகும். இந்த காரில் ஃபிரேம்லெஸ் கிட்னி கிரில், கிடைமட்டமாக பார்கள் பொருத்தப்பட்டு உள்ளன. இவை காருக்கு அதிரடி தோற்றத்தை வழங்குகிறது.

புதிய பிஎம்டபிள்யூ M2 மாடலில் ஃபிளார்டு ஸ்கர்ட்கள், வீல் ஆர்ச்கள் வழங்கப்பட்டுள்ளன. இவை காருக்கு ஸ்போர்ட் தோற்றத்தை வழங்குகின்றன. இந்த காரில் சக்திவாய்ந்த M டுவின்பவர் டர்போ 6 சிலிண்டர்கள் கொண்ட இன்லைன் பெட்ரோல் என்ஜின் வழங்கப்பட்டு இருக்கிறது. இந்த என்ஜின் 446 ஹெச்பி பவர், 550 நியூட்டன் மீட்டர் டார்க் இழுவிசையை வெளிப்படுத்துகிறது.

இந்த கார் மணிக்கு 100 கிலோமீட்டர்கள் வேகத்தை 4.1 நொடிகளில் எட்டிவிடும். மேனுவல் டிரான்ஸ்மிஷனில் இந்த கார் 4.3 நொடிகளில் 100 கிலோமீட்டர்கள் வேகத்தை எட்டிவிடும். இதன் மேனுவல் வேரியண்ட் விலை ரூ. 1 லட்சம் வரை அதிகமாக நிர்ணயம் செய்யப்பட்டு உள்ளது. 

பிரிட்டன் நாட்டு கார் உற்பத்தியாளரான ஆஸ்டன் மார்டின் தனது அடுத்த ஃபிளாக்ஷிப் கிராண்ட் டூரர் மாடலின் டீசரை வெளியிட்டு உள்ளது. இதில் மூன்று புகைப்படங்கள் இடம்பெற்றுள்ளன. இந்த மாடல் DB12 எனும் பெயரில் விற்பனைக்கு வரும் என்று தெரிகிறது. ஆஸ்டன் மார்டின் DB12 மாடல் ஜேம்ஸ் பாண்ட்-இன் அடுத்த காராக இருக்கும் என்ற எதிர்பார்ப்பு எழுந்துள்ளது.

மே 24 ஆம் தேதி அறிமுகமாக இருக்கும் புதிய ஆஸ்டன் மார்டின் DB12 கிராண்ட் டூரர் மாடலின் குறிப்பிட்ட சில விவரங்களே அம்பலமாகி இருக்கிறது. முதற்கட்ட புகைப்படங்களில் காரின் லைட்கள், பொனெட் மற்றும் கிரில் மட்டும் இடம்பெற்று இருக்கின்றன. இதன் ஹெட்லைட்களில் மூன்று கிளஸ்டர் யூனிட்கள் உள்ளன. பொனெட்டில் சக்திவாய்ந்த என்ஜின் கொண்டிருப்பதை உணர்த்தும் லைன்கள் உள்ளன.

புதிய ஆஸ்டன் மார்டின் DB12 மாடலில் 5.2 லிட்டர் டுவின் டர்போ V12 என்ஜின் மற்றும் AMG-இன் 4.0 லிட்டர் பை டர்போ வி8 என்ஜின் வழங்கப்படும் என்று தெரிகிறது. காரின் இரண்டாவது படத்தில் பக்கவாட்டு பகுதி எப்படி இருக்கும் என்று தெரியவந்துள்ளது. இந்த மாடலில் ஃபிலஷ் டோர் ஹேண்டில்கள் உள்ளன.

மூன்றாவது புகைப்படத்தில் காரின் இண்டீரியர் எப்படி காட்சியளிக்கும் என்று தெரியவந்துள்ளது. இந்த காரின் செண்டர் கன்சோல் அப்டேட் செய்யப்பட்டு இருக்கிறது. இன்ஃபோடெயின்மெண்டிற்கு புதிய டிஸ்ப்ளே, கிளைமேட் கண்ட்ரோல் செட்டிங்ஸ் வழங்கப்படுகிறது. இத்துடன் மேலும் சில பட்டன்கள் வழங்கப்பட்டு இருக்கிறது.

லம்போர்கினி நிறுவனம் இந்திய சந்தையில் தனது உருஸ் S மாடலை அறிமுகம் செய்தது. புதிய உருஸ் S விலை ரூ. 4 கோடியே 18 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது. கடந்த ஆண்டு அக்டோபர் மாத வாக்கில் இந்த ஆடம்பர எஸ்யுவி மாடல் சர்வதேச சந்தையில் அறிமுகம் செய்யப்பட்டது குறிப்பிடத்தக்கது.

உருஸ் S பெயரில் உள்ள S என்ற வார்த்தை இந்த மாடலின் மிட்-லைஃப் அப்டேட்-ஐ குறிக்கிறது. முன்னதாக லம்போர்கினி அவெண்டடார் S மாடல் இதே போன்ற அப்டேட் செய்யப்பட்டது குறிப்பிடத்தக்கது. பெர்ஃபார்மண்ட் போன்றே உருஸ் S மாடலில் ஸ்டீல் ஸ்ப்ரிங் செட்டப் வழங்கப்பட்டு இருக்கிறது. இத்துடன் ஏர் சஸ்பென்ஷன் யூனிட் வழங்கப்பட்டுள்ளது.

புதிய லம்போர்கினி S மாடலில் ரிடிசைன் செய்யப்பட்ட முன்புறம் மற்றும் பின்புற பம்ப்பர்கள் வழங்கப்பட்டுள்ளன. இதன் பின்புறம் குவாட் எக்சாஸ்ட் அவுட்லெட்கள், வெண்டெட் பொனெட் மற்றும் கார்பன் ஃபைபர் ரூஃப் உள்ளன. மேலும் டூயல் டோன் இண்டீரியர் தீம், செயற்கைக்கோள் சார்ந்த நேவிகேஷன், ஆப்பிள் கார்பிளே, ஆண்ட்ராய்டு ஆட்டோ மற்றும் டிஜிட்டல் கார் கீ உள்ளிட்டவை வழங்கப்பட்டு இருக்கிறது.

லம்போர்கினி உருஸ் S மாடலில் 4.0 லிட்டர் டுவின் டர்போசார்ஜ் செய்யப்பட்ட வி8 என்ஜின் வழங்கப்பட்டுள்ளது. இந்த எஞ்சின் 666 ஹெச்பி பவர், 850 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

மெர்சிடிஸ் ஏஎம்ஜி AMG GT 63 S E பெர்ஃபார்மன்ஸ் இந்தியாவில் அறிமுகம் செய்யப்பட்டது. புதிய ஏஎம்ஜி கார் விலை ரூ. 3 கோடியே 30 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இது மெர்சிடிஸ் உற்பத்தி செய்ததிலேயே மிகவும் சக்திவாய்ந்த ஏஎம்ஜி மாடல் ஆகும்.

புதிய ஏஎம்ஜி AMG GT 63 S E பெர்ஃபார்மன்ஸ் மாடலில் 4.0 லிட்டர் டுவின் டர்போ வி8 என்ஜின் வழங்கப்பட்டு இருக்கிறது. இந்த என்ஜின் 640 ஹெச்பி பவர் வெளிப்படுத்துகிறது. இந்த காரின் பெயரில் உள்ள E என்ற வார்த்தை எலெக்ட்ரிக் மோட்டாரை குறிக்கிறது. அந்த வகையில், இதில் உள்ள எலெக்ட்ரிக் மோட்டார் கூடுதலாக 204 ஹெச்பி பவர் வெளிப்படுத்துகிறது.

இந்த காரில் உள்ள என்ஜின் மற்றும் எலெக்ட்ரிக் மோட்டார் இணைந்து 831 ஹெச்பி பவர், 1400 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் மணிக்கு 0 முதல் 100 கிலோமீட்டர் வேகத்தை 2.9 நொடிகளில் எட்டிவிடும். மேலும் மணிக்கு அதிகபட்சம் 316 கிலோமீட்டர் வேகத்தில் மட்டும் செல்லும் வகையில் கட்டுப்படுத்தப்பட்டு உள்ளது.

காரின் பின்புறம் மவுண்ட் செய்யப்பட்டு இருக்கும் எலெக்ட்ரிக் மோட்டாருடன் 2 ஸ்பீடு கியர்பாக்ஸ் இணைக்கப்பட்டு இருக்கிறது. இது காரின் நான்கு சக்கரங்களுக்கும் எலெக்ட்ரிக் டார்க் அனுப்பி, காரை AWD வாகனமாக மாற்றுகிறது. இந்த காரில் உள்ள பேட்டரியை கொண்டு 12 கிலோமீட்டர்கள் வரையிலான ரேன்ஜ் பெற முடியும். இந்த கார் எலெக்ட்ரிக் மோடில் அதிகபட்சம் மணிக்கு 130 கிலோமீட்டர் வேகத்தில் சீறிப்பாய்கிறது.

இந்திய சந்தையில் புதிய மெர்சிடிஸ் ஏஎம்ஜி AMG GT 63 S பெர்ஃபார்மன்ஸ் மாடல் போர்ஷே பனமெரா 4 E ஹைப்ரிட் மாடலுக்கு போட்டியாக அமைகிறது. இந்த காரின் விலையும் ரூ. 3 கோடியே 30 லட்சம் ஆகும். விரைவில் மசிராட்டி மற்றும் ஜாகுவார் பிராண்டுகள் இந்த காருக்கு போட்டியாக புதிய மாடலை அறிமுகம் செய்யும் என எதிர்பார்க்கலாம். 

லம்போர்கினி நிறுவனம் இந்திய சந்தையில் புதிய அவெண்டடார் அல்டிமே மாடலை அதிகாரப்பூர்வமாக அறிமுகம் செய்தது. இந்த மாடல் 2021 குட்வுட் பெஸ்டிவல் ஆப் ஸ்பீடு நிகழ்வில் காட்சிப்படுத்தப்பட்டது. இது அதிக சக்திவாய்ந்த வி12 என்ஜின் கொண்ட லம்போர்கினி நிறுவனத்தின் கடைசி சூப்பர் கார் மாடல் ஆகும்.

லம்போர்கினி நிறுவனம் புதிய அவென்டடார் LP780-4 அல்டிமே மாடலை கூப் மற்றும் ரோட்ஸ்டர் என இருவித ஸ்டைல்களில் உருவாக்கி இருக்கிறது. இவற்றில் கூப் மாடல் 350 யூனிட்களும் ரோட்ஸ்டர் மாடல் 250 யூனிட்களும் விற்பனைக்கு வரவுள்ளன. புதிய லம்போர்கினி அவென்டடார் அல்டிமே மாடல் அவெண்டடார் SVJ மற்றும் அவெண்டடார் S மாடல்களின் இடையே நிலை நிறுத்தப்பட்டுள்ளது.

லம்போர்கினி அவெண்டடார் அல்டிமே மாடலில் சக்திவாய்ந்த வி12 என்ஜின் வழங்கப்பட்டு இருக்கிறது. இந்த என்ஜின் 770 ஹெச்.பி. பவர் மற்றும் 720 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 7 ஸ்பீடு ஆட்டோமேடிக் டிரான்ஸ்மிஷன் வழங்கப்பட்டு உள்ளது. இந்த கார் மணிக்கு அதிகபட்சம் 355 கிலோமீட்டர் வேகத்தில் செல்லும். மேலும் மணிக்கு 100 கிலோமீட்டர் வேகத்தை 2.8 நொடிகளில் எட்டி விடும். இந்த கார் மணிக்கு அதிகபட்சம் 355 கிலோமீட்டர் வேகத்தில் செல்லும் திறன் கொண்டுள்ளது.