என் மலர்
ஆட்டோமொபைல்ஸ் - Archive
இந்திய ஆட்டோமொபைல் சந்தையில் அதிவேகமாக விற்பனையாகும் பிரீமியம் ஹேட்ச்பேக் மாடல் பற்றி தொடர்ந்து பார்ப்போம்.
மாருதி சுசுகி நிறுவனத்தின் பலேனோ பிரீமியம் ஹேட்ச்பேக் மாடல் இந்திய விற்பனையில் 9 லட்சம் யூனிட்களை கடந்துள்ளது. இந்திய சந்தையில் இந்த மாடல் 2015 ஆண்டு அறிமுகம் செய்யப்பட்டது.
மேலும் இது மாருதி சுசுகி நெக்சா எக்ஸ்பீரியன்ஸ் பிரீமியம் பிரிவில் அறிமுகம் செய்யப்பட்ட இரண்டாவது மாடல் ஆகும். இந்திய சந்தையில் 9 லட்சம் யூனிட்கள் விற்பனையை அதிவேகமாக கடந்த நான்கு சக்கர வாகனம் பலேனோ என மாருதி சுசுகி தெரிவித்து இருக்கிறது.
இந்தியாவில் அறிமுகமான ஒரே ஆண்டிற்குள் இந்த மாடல் ஒரு லட்சம் யூனிட்களை கடந்தது. பின் மற்றொரு ஆண்டிற்குள் 2 லட்சம் யூனிட்கள் விற்பனையானது. 2018 ஆண்டு பலேனோ மாடல் 5 லட்சம் யூனிட்கள் எனும் மைல்கல்லை எட்டியது. 2019 ஆண்டு இந்த எண்ணிக்கை 7 லட்சமாக உயர்ந்தது.
அந்த வகையில் தற்போது இந்திய சந்தையில் அதிவேகமாக விற்பனையாகும் பிரீமியம் ஹேட்ச்பேக் மாடலாக பலேனோ இருக்கிறது. பலேனோ ஹேட்ச்பேக் மாடல் இந்தியாவிலேயே உற்பத்தி செய்யப்பட்டு பல்வேறு நாடுகளுக்கு ஏற்றுமதி செய்யப்படுகிறது.
ஹூண்டாய் நிறுவனம் இந்திய சந்தையில் 2021 ஆரா மாடல் விலையை உயர்த்தி இருக்கிறது. இதன் விவரங்களை பார்ப்போம்.
தென் கொரியாவை சேர்ந்த ஆட்டோமொபைல் உற்பத்தியாளரான ஹூண்டாய் மோட்டார்ஸ் இந்திய சந்தையில் ஆரா சப்-காம்பேக்ட் செடான் மாடலை ரூ. 5.80 லட்சம், எக்ஸ்-ஷோரூம் விலையில் அறிமுகம் செய்தது. இந்த மாடல் கடந்த ஆண்டு ஜனவரி மாதத்தில் அறிமுகம் செய்யப்பட்டது. தற்போது இந்த மாடலின் விலையை ஹூண்டாய் உயர்த்தி இருக்கிறது.
விலை உயர்வின் படி ஹூண்டாய் ஆரா மாடல் விலை ரூ. 5.96 லட்சம் என துவங்கி டாப் எண்ட் மாடல் விலை ரூ. 9.34 லட்சம் என மாறி இருக்கிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது. விலை உயர்வுடன் 2021 ஆரா மாடலில் சில அம்சங்கள் நீக்கப்பட்டு இருக்கிறது.
2021 ஆரா மாடலில் புது ரியர் விங் ஸ்பாயிலர், எல்இடி ஸ்பாட்லைட் வழங்கப்படுகிறது. இதன் ஏஎம்டி வேரியண்ட்களில் 15 இன்ச் ஸ்டீல் ஸ்டைல் ரிம்கள் கன்மெட்டல் பினிஷூடன் வழங்கப்படுகிறது. இந்த மாடலில் ஏற்கனவே வழங்கப்பட்ட ஆம்கிஸ் ஆடியோ சிஸ்டம் நீக்கப்பட்டு இருக்கிறது. இதன் பேஸ் மாடலான இ வேரியண்டில் 13 இன்ச் ஸ்டீல் ரிம் கொண்ட ஸ்பேர் வீல் வழங்கப்படுகிறது.
ஹூண்டாய் ஆரா மாடல் 1.2 லிட்டர் கப்பா பெட்ரோல், 1.0 லிட்டர் டர்போ பெட்ரோல் மற்றும் 1.2 லிட்டர் டீசல் என்ஜின் என மூன்றுவித ஆப்ஷன்களில் கிடைக்கிறது. இவை 83 பிஹெச்பி பவர், 113 என்எம் டார்க் செயல்திறன், 120 பிஹெச்பி பவர், 172 என்எம் டார்க் செயல்திறன் மற்றும் 75 பிஹெச்பி பவர், 190 என்எம் டார்க் செயல்திறன் வழங்குகிறது. இவற்றுடன் 5 ஸ்பீடு மேனுவல் டிரான்ஸ்மிஷன் மற்றும் ஆட்டோமேடிக் டிரான்ஸ்மிஷன் ஆப்ஷன்களும் வழங்கப்படுகிறது.
சசுகி மோட்டார்சைக்கிள் நிறுவனத்தின் 2021 ஹயபுசா மாடல் விரைவில் இந்திய சந்தையில் அறிமுகம் செய்யப்பட இருக்கின்றன.
சுசுகி மோட்டார்சைக்கிள் இந்தியா பிரைவேட் லிமிடெட் நிறுவனம் புதிய ஹயபுசா மோட்டார்சைக்கிளை தனது அதிகாரப்பூர்வ வலைதளத்தில் பதிவிட்டு இருக்கிறது. அந்த வகையில் 2021 ஹயபுசா மாடல் விரைவில் இந்திய சந்தையில் அறிமுகம் செய்யலாம் என தெரிகிறது.
ஸ்டைலிங்கை பொருத்தவரை 2021 ஹயபுசா மாடலில் டூ-டோன் நிறங்கள், எல்இடி ஹெட்லைட், செமி-டிஜிட்டல் இன்ஸ்ட்ரூமென்ட் கிளஸ்டர், ஸ்ப்லிட் ஸ்டைல் சேடில், ட்வின்-சைடு எக்சாஸ்ட் உள்ளது.
இந்த மாடல் யூரோ 5 புகை விதிகளுக்கு பொருந்தும் வகையிலான 1340சிசி, இன்லைன் 4 சிலிண்டர் லிக்விட் கூல்டு என்ஜின் வழங்கப்படுகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த என்ஜின் 187.7 பிஹெச்பி பவர், 150 என்எம் டார்க் செயல்திறன் வழங்குகிறது.
இத்துடன் ரைடு-பை-வயர் எலெக்டிரானிக் திராட்டிள் சிஸ்டம், ரிவைஸ்டு இன்டேக் மற்றும் எக்சாஸ்ட் மெக்கானிசம் கொண்டுள்ளது. இந்த சூப்பர்பைக் லிட்டருக்கு 14.9 கிலோமீட்டர் வரை செல்லும் என சுசுகி தெரிவித்து இருக்கிறது.
முந்தைய தலைமுறை ஹயபுசா மாடல் இந்திய சந்தையில் ரூ. 13.7 லட்சம் விலையில் விற்பனை செய்யப்பட்டது. எனினும், புது மாடலின் விலை ரூ. 17 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.
பிஎம்டபிள்யூ நிறுவனம் இந்திய சந்தையில் 2021 6 சீரிஸ் ஜிடி மாடலை அறிமுகம் செய்து இருக்கிறது.
பிஎம்டபிள்யூ நிறுவனம் இந்தியாவில் 2021 6 சீரிஸ் ஜிடி மாடலை அறிமுகம் செய்தது. இதன் விலை ரூ. 67.90 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய கூப் மாடல் 5 சீரிஸ் போன்ற ஸ்டைலிங் கொண்டிருக்கிறது. இந்த மாடல் மூன்று பவர்டிரெயின் ஆப்ஷன்கள், மூன்று வேரியண்ட்களில் கிடைக்கிறது.
புதிய பிஎம்டபிள்யூ காரை ஏப்ரல் 30 ஆம் தேதிக்குள் முன்பதிவு செய்வோருக்கு ரூ. 1.50 லட்சம் வரையிலான சலுகை வழங்கப்படுகிறது. இந்த மாடலின் முன்புறம் மற்றும் பின்புற பம்ப்பர்கள் ட்வீக் செய்யப்பட்டு கம்பீர தோற்றம் பெற்று இருக்கிறது. இதில் உள்ள அடாப்டிவ் எல்இடி ஹெட்லேம்ப்கள் மெல்லியதாகவும், புதிய டூயல் எல் வடிவ டிஆர்எல்கள் வழங்கப்படுகின்றன.
புதிய 6 சீரிஸ் ஜிடி மாடலில் 2.0 லிட்டர் பெட்ரோல் என்ஜின் வழங்கப்பட்டு இருக்கிறது. இந்த என்ஜின் 255 பிஹெச்பி பவர், 400 என்எம் டார்க் செயல்திறன் வழங்குகிறது. இத்துடன் 2.0 லிட்டர் டீசல் மோட்டார் வழங்கப்படுகிறது. இது 188 பிஹெச்பி பவர், 400 என்எம் டார்க் செயல்திறன் வழங்குகிறது. மேலும் 3.0 லிட்டர் டீசல் மோட்டார் வழங்கப்படுகிறது. இது 261 பிஹெச்பி பவர், 620 என்எம் டார்க் செயல்திறன் வழங்குகிறது.
இந்த என்ஜின்களுடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது. இந்தியாவில் பிஎம்டபிள்யூ 6 சீரிஸ் ஜிடி டாப் எண்ட் மாடல் விலை ரூ. 77.90 லட்சம் ஆகும்.
பஜாஜ் ஆட்டோ நிறுவனம் இந்திய சந்தையில் தனது பல்சர் சீரிஸ் மாடல்களின் விலையை திடீரென மாற்றியமைத்து இருக்கிறது.
பஜாஜ் ஆட்டோ நிறுவனமும் தனது மோட்டார்சைக்கிள் விலையை உயர்த்துவதாக அறிவித்தது. அந்த வகையில் விலை உயர்த்துவதில் ஹோண்டா, யமஹா மற்றும் ஹீரோ நிறுவனங்களுடன் தற்போது பஜாஜ் ஆட்டோ நிறுவனமும் இணைந்துள்ளது.
விலை உயர்வின் படி பல்சர் 125 மற்றும் பல்சர் 150 மாடல்கள் ரூ. 1,747 உயர்த்தப்பட்டு இருக்கின்றன. பஜாஜ் பல்சர் மாடல்கள் புதிய விலை விவரம் கீழே காணலாம்.
பல்சர் 125 டிரம் மாடல் புது விலை ரூ. 73,363
பல்சர் 125 டிஸ்க் மாடல் புது விலை ரூ. 79,693
பல்சர் 125 ஸ்ப்லிட் சீட் டிரம் மாடல் புது விலை ரூ. 76,045
பல்சர் 125 ஸ்ப்லிட் சீட் டிஸ்க் மாடல் புது விலை ரூ. 82,989
பல்சர் 150 நியோன் மாடல் புது விலை ரூ. 95,872
பல்சர் 150 மாடல் புது விலை ரூ. 1,01,818
பல்சர் 150 ட்வின் டிஸ்க் மாடல் புது விலை ரூ. 1,04,651
பல்சர் 180 மாடல் புது விலை ரூ. 1,09,651
பல்சர் 220எப் மாடல் புது விலை ரூ. 1,28,250
பல்சர் என்எஸ்160 மாடல் புது விலை ரூ. 1,11,834
பல்சர் என்எஸ்200 மாடல் புது விலை ரூ. 1,35,226
இந்திய சந்தையில் பஜாஜ் பல்சர் சீரிசில் புதிதாக 250சிசி மாடல் அறிமுகம் செய்யப்பட இருக்கிறது. இந்த மாடல் இந்தியாவில் சோதனை செய்யப்படும் போது எடுக்கப்பட்ட புகைப்படங்கள் இணையத்தில் வெளியாகி இருந்தது.
டொயோட்டா நிறுவனம் இந்திய சந்தையில் இரு கார் மாடல்களின் விலையை திடீரென உயர்த்தி இருக்கிறது.
டொயோட்டா நிறுவனம் இன்னோ க்ரிஸ்டா மற்றும் பார்ச்சூனர் மாடல்களின் விலையை இந்தியாவில் உயர்த்தி இருக்கிறது. வேரியண்டிற்கு ஏற்ப இரு மாடல்களின் விலை ரூ. 27 ஆயிரத்தில் துவங்கி அதிகபட்சம் ரூ. 72 ஆயிரம் வரை உயர்த்தப்பட்டு இருககிறது. கிளான்சா, யாரிஸ், அர்பன் குரூயிசர் போன்ற டொயோட்டா மாடல்களின் விலை தற்போது உயர்த்தப்படவில்லை.
இன்னோவா க்ரிஸ்டாவின் அனைத்து வேரியண்ட்களும் விலை உயர்வில் பாதிக்கப்பட்டுள்ளன. அதன்படி G+ MT 7 மற்றும் 8 சீட் வேரியண்ட் அதிகபட்சமாக ரூ. 30 ஆயிரம் உயர்த்தப்பட்டு இருக்கிறது. பார்ச்சூனர் மாடலின் விலை ரூ. 36 ஆயிரம் உயர்த்தப்பட்டு இருக்கிறது. டாப் எண்ட் மாடலான லெஜண்டர் ரூ. 72 ஆயிரம் உயர்த்தப்பட்டு இருக்கிறது.
சர்வதேச சந்தையில் டொயோட்டா நிறுவனம் முன்னணி கார் உற்பத்தியாளராக அறியப்படுகிறது. இந்தியாவில் ஏழாவது பெரும் நிறுவனமாக டொயோட்டா இருக்கிறது. வாகன விற்பனையில் டொயோட்டா சர்வதேச சந்தையில் முன்னணியில் இருக்கிறது. இந்திய சந்தையில் பல்வேறு பிரிவுகளில் டொயோட்டா பல மாடல்களை விற்பனை செய்து வருகிறது.
எனினும், டொயோட்டாவின் அதிகம் விற்பனையாகும் மாடல்கள் பிரீமியம் பிரிவை சார்ந்தவையாக இருக்கின்றன. டொயோட்டாவின் அதிகம் விற்பனையாகும் மாடலாக இன்னோவா இருக்கிறது. கடந்த மாதம் மட்டும் இன்னோவா க்ரிஸ்டா 5743 யூனிட்கள் விற்பனையானது.
ஹூண்டாய் நிறுவனத்தின் அதிகம் எதிர்பார்க்கப்பட்டு 7 சீட் எஸ்யுவி அல்காசர் மாடலில் பல்வேறு அசத்தலான அம்சங்கள் வழங்கப்படுகின்றன.
ஆட்டோமொபைல் சந்தையில் 2021 ஆண்டின் அதிகம் எதிர்பார்க்கப்படும் 7 சீட் எஸ்யுவியாக அல்காசர் இருக்கிறது. கடந்த மாதம் அல்காசர் மாடலின் வரைபடங்களை ஹூண்டாய் வெளியிட்டது. அந்த வரிசையில் தற்போது இந்த காரின் அம்சங்கள் வெளியிடப்பட்டு இருக்கிறது.
அதன்படி புதிய ஹூண்டாய் அல்காசர் மாடலின் வீல்பேஸ் 2760 எம்எம் ஆக இருக்கிறது. புதிய ஹூண்டாய் கார் 2.0 லிட்டர் பெட்ரோல், யு2 1.5 விஜிடி என்ஜின் ஆப்ஷன்களில் கிடைக்கிறது. இவை முறையே 155 பிஹெச்பி மற்றும் 112 பிஹெச்பி திறன் வழங்குகின்றன. இவற்றுடன் 6 ஸ்பீடு மேனுவல் அல்லது 6 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.
முந்தைய தலைமுறை என்ஜினை விட புதிய என்ஜின் 7 பிஹெச்பி கூடுதல் திறன் மற்றும் சிறப்பான மைலேஜ் வழங்கும் என ஹூண்டாய் தெரிவித்து உள்ளது. ஹூண்டாய் அல்காசர் மாடல் இகோ, சிட்டி மற்றும் ஸ்போர்ட் என மூன்றுவித டிரைவ் மோட்களை கொண்டிருக்கிறது.
ஸ்கோடா நிறுவனம் விரைவில் இந்திய சந்தையில் 2021 ஆக்டேவியா மாடலை அறிமுகம் செய்ய திட்டமிட்டு இருக்கிறது.
ஸ்கோடா நிறுவனம் 2021 புத்தாண்டை குஷக் மிட்-சைஸ் எஸ்யுவி மாடலை அறிமுகம் செய்து துவங்கியது. தற்போது ஸ்கோடா தனது நான்காவது தலைமுறை ஆக்டேவியா மாடலை இந்திய சந்தையில் அறிமுகம் செய்ய இருக்கிறது. இந்த மாடலின் முதல் யூனிட் ஔரங்காபாத் நகரில் உள்ள ஸ்கோடா ஆலையில் உற்பத்தி செய்யப்பட்டது.
புதிய ஆக்டேவியா மாடல் மேம்பட்ட மெல்லிய எல்இடி ஹெட்லேம்ப்கள், டூயல் எல் வடிவ டிஆர்எல்கள், முன்புற பம்ப்பரில் மெல்லிய குரோம் ஸ்ட்ரிப் போன்றவை உள்ளன. புதிய மாடல் முந்தைய வேரியண்டை விட நீளமாகவும், அகலமாகவும் காட்சியளிக்கிறது.
இதில் உள்ள புதிய ஸ்ப்லிட் ரக எல்இடி டெயில் லேம்ப்கள் காருக்கு அழகிய தோற்றத்தை வழங்குகிறது. உள்புறம் டிஜிட்டல் டிரைவர் டிஸ்ப்ளே, பெரிய மிதக்கும் வகையிலான தொடுதிரை வசதி கொண்ட இன்போடெயின்மென்ட் சிஸ்டம், கனெக்டிவிட்டி ஆப்ஷன்கள் வழங்கப்படுகிறது.
இத்துடன் 2-ஸ்போக் ஸ்டீரிங் வீல், ஸ்கிரால் பட்டன்கள், எல்இடி ஆம்பியன்ட் லைட்டிங், லெதர் இருக்கைகள், வயர்லெஸ் ஸ்மார்ட்போன் சார்ஜிங், டூயல்-சோன் கிளைமேட் கண்ட்ரோல் உள்ளிட்ட அம்சங்கள் புது மாடலில் உள்ளன. 2021 ஆக்டேவியா மாடலில் 2.0 லிட்டர் டிஎஸ்ஐ டர்போ பெட்ரோல் என்ஜின் வழங்கப்படுகிறது. இத்துடன் 7 ஸ்பீடு டிஎஸ்ஜி யூனிட் வழங்கப்படுகிறது.
இந்திய சந்தையில் அதிம் எதிர்பார்க்கப்பட்ட சிட்ரோயன் சி5 ஏர்கிராஸ் மாடல் வெளியிடப்பட்டது. இதன் விலை விவரங்களை பார்ப்போம்.
சிட்ரோயன் நிறுவனம் இந்திய சந்தையில் தனது முதல் மாடலாக சி5 ஏர்கிராஸ் மிட்-சைஸ் எஸ்யுவி-யை வெளியிட்டது. இந்தியாவில் இதன் துவக்க விலை ரூ. 29.90 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. சிட்ரோயன் சி5 ஏர்கிராஸ் மாடலுக்கான முன்பதிவு ஏற்கனவே துவங்கி நடைபெற்று வருகிறது.
சி5 ஏர்கிராஸ் மாடலில் கிராஸ்ஓவர் போன்ற ஸ்டான்ஸ், ட்வின்-ஸ்லாட் முன்புற கிரில், டூயல் பீம் எல்இடி ஹெட்லைட்கள், எல்இடி டிஆர்எல்கள், எல்இடி பாக் லேம்ப், 18 இன்ச் டூயல் டோன் அலாய் வீல், குரோம் பாக்ஸ் டூயல் எக்சாஸ்ட் பைப் மற்றும் எல்இடி டெயில் லேம்ப்கள் வழங்கப்பட்டு இருக்கிறது.
புதிய சிட்ரோயன் சி5 ஏர்கிராஸ் மாடலில் 2.0 லிட்டர் டீசல் என்ஜின் வழங்கப்படுகிறது. இந்த என்ஜின் 174 பிஹெச்பி பவர், 400 என்எம் டார்க் செயல்திறன் வழங்குகிறது. இத்துடன் 8 ஸ்பீடு டார்க் கன்வெர்டர் ஆட்டோமேடிக் டிரான்ஸ்மிஷன் வழங்கப்படுகிறது.
சிட்ரோயன் சி5 ஏர்கிராஸ் மாடல் இரண்டு வேரியண்ட் மற்றும் ஏழு வித நிறங்களில் கிடைக்கிறது. இந்த மாடல் ஜீப் காம்பஸ், ஹூண்டாய் டக்சன் மற்றும் விரைவில் அறிமுகமாக இருக்கும் போக்ஸ்வேகன் டிகுவான் போன்ற மாடல்களுக்கு போட்டியாக அமைகிறது.
கவாசகி நிறுவனம் தேர்வு செய்யப்பட்ட மாடல்களுக்கு அதிரடி சலுகை மற்றும் தள்ளுபடி வழங்குகிறது.
கவாசகி நிறுவனம் தேர்வு செய்யப்பட்ட மாடல்களுக்கு அசத்தலான தள்ளுபடி வழங்குகிறது. அதன்படி வல்கன் எஸ், வெர்சிஸ் 650, டபிள்யூ800 மற்றும் நின்ஜா 1000 எஸ்எக்ஸ் போன்ற மாடல்களுக்கு சிறப்பு தள்ளுபடி மற்றும் சலுகை வழங்கப்படுகிறது. இவை ஏப்ரல் 30 ஆம் தேதி வரை நாடு முழுக்க அனைத்து கவாசகி விற்பனையாளர்களிடமும் வழங்கப்படுகிறது.
சலுகை விவரங்கள்
இந்தியாவில் ரூ. 6.04 லட்சம் விலையில் கிடைக்கும் வல்கன் எஸ் மாடலுக்கு ரூ. 20 ஆயிரமும், ரூ. 7.08 லட்சம் விலையில் கிடைக்கும் வெர்சிஸ் 650 மாடலுக்கு ரூ. 30 ஆயிரமும், ரூ. 11.29 லட்சம் விலையில் கிடைக்கும் டபிள்யூ800 மற்றும் நின்ஜா 1000எக்எக்ஸ் மாடல்களுக்கு முறையே ரூ. 30 ஆயிரமும் தள்ளுபடி வழங்கப்படுகிறது.
இவை தவிர ஆப்-ரோடு மாடல்களான கேஎல்எக்ஸ் 110, கேஎல்எக்ஸ்140 மற்றும் கேஎக்ஸ்100 போன்ற மாடல்களுக்கு முறையே ரூ. 30 ஆயிரம், ரூ. 40 ஆயிரம் மற்றும் ரூ. 50 ஆயிரம் தள்ளுபடி வழங்கப்படுகிறது.
கியா மோட்டார்ஸ் நிறுவனம் இந்திய சந்தையில் விரைவில் புது அறிவிப்பை வெளியிட இருப்பதாக தெரிவித்து இருக்கிறது.
கியா மோட்டார்ஸ் நிறுவனம் இந்த ஆண்டு துவக்கத்தில் தனது புதிய லோகோவை சர்வதேச சந்தையில் வெளியிட்டது. தற்போது இந்த லோகோ இந்தியாவிலும் அறிமுகம் செய்யப்பட இருக்கிறது. இதனை புது டீசர் மூலம் கியா தெரிவித்து இருக்கிறது.
சர்வதேச சந்தையில் ஜனவரி 6 ஆம் தேதி புது லோகோ அறிமுகம் செய்யப்பட்ட நிலையில், இந்தியாவில் இது ஏப்ரல் 27 ஆம் தேதி அறிமுகமாகிறது. தற்போதைய லோகோவை சுற்றி சிவப்பு நிற அவுட்லைன் உள்ளது. புதிய லோகோ சில்வர் நிறம் கொண்டிருக்கிறது. புதிய கார் வெளியாகும் போது காரின் நிறத்தையே லோகோவில் பயன்படுத்த கியா முடிவு செய்துள்ளது.
இதேபோன்ற வழிமுறையை பிஎம்டபிள்யூ ஏற்கனவே பயன்படுத்தி வருகிறது. இதன் மூலம் கார்களுக்கு பிரத்யேக தோற்றத்தை வழங்க முடியும். செல்டோஸ் கிராவிட்டி எடிஷன் காஸ்மெடிக் மாற்றங்களுடன் வெளியாகும் என தெரிகிறது. இத்துடன் கியா சொனெட் மாடலும் புதிய லோகோவை கொண்டிருக்கும் என கூறப்படுகிறது.
ஜாகுவார் நிறுவனத்தின் 2021 எப் பேஸ் மாடலுக்கான இந்திய வினியோக விவரங்களை தொடர்ந்து பார்ப்போம்.
ஜாகுவார் லேண்ட் ரோவர் இந்தியா நிறுவனம் தனது எப் பேஸ் மாடலின் மிட்-லைப் பேஸ்லிப்ட் மாடலை இந்திய சந்தையில் அறிமுகம் செய்ய இருக்கிறது. தற்போது இந்த மாடலுக்கான முன்பதிவு துவங்கப்பட்டு இருக்கிறது. மேலும் இதன் வினியோகம் மே மாத வாக்கில் துவங்கும் என தெரிகிறது.
புதிய எஸ்யுவி மாடல் மேம்பட்ட ஸ்டைலிங், கனெக்டெட் தொழில்நுட்பம் மற்றும் 2.0 லிட்டர் பெட்ரோல் மற்றும் டீசல் என்ஜின் கொண்டிருக்கிறது. இரு என்ஜின்களும் ஆர்-டைனமிக் எஸ் வேரியண்டில் வழங்கப்படுகிறது. 2021 ஜாகுவார் எப் பேஸ் மாடலில் இரட்டை ஜெ வடிவ எல்இடி டிஆர்எல்களை கொண்டிருக்கிறது. முன்புற கிரில் மேம்பட்ட டிசைன் கொண்டிருக்கிறது.
முன்புறம் மற்றும் பின்புற பம்ப்பர்கள் சிறு மாற்றம் செய்யப்பட்டு, எல்இடி டெயில் லேம்ப்கள் முந்தைய மாடலில் இருந்தை விட மெல்லியதாக இருக்கின்றன. இவை அனைத்தும் காருக்கு அதிநவீன தோற்றத்தை வழங்குகின்றன. உள்புற கேபின் முழுக்க டிஜிட்டல் காக்பிட் உள்ளது. இதில் 11.4 இன்ச் வளைந்த கிளாஸ் ஹெச்டி டச்-ஸ்கிரீன் பிவி ப்ரோ இன்போடெயின்மென்ட் சிஸ்டம் உள்ளது.
புதிய எப் பேஸ் மாடல் 2.0 லிட்டர் பெட்ரோல் மற்றும் 2.0 லிட்டர் டீசல் என்ஜின் ஆப்ஷன்களில் கிடைக்கிறது. அனைத்து மாடல்களுடன் 8 ஸ்பீடு ஆட்டோமேடிக் டிரான்ஸ்மிஷன் மற்றும் AWD ஸ்டான்டர்டு அம்சமாக வழங்கப்படுகிறது.
×