search icon
என் மலர்tooltip icon

    ஆட்டோமொபைல்

    பிஎம்டபிள்யூ 6 சீரிஸ் ஜிடி
    X
    பிஎம்டபிள்யூ 6 சீரிஸ் ஜிடி

    ரூ. 67.90 விலையில் புது பிஎம்டபிள்யூ கார் இந்தியாவில் அறிமுகம்

    பிஎம்டபிள்யூ நிறுவனம் இந்திய சந்தையில் 2021 6 சீரிஸ் ஜிடி மாடலை அறிமுகம் செய்து இருக்கிறது.


    பிஎம்டபிள்யூ நிறுவனம் இந்தியாவில் 2021 6 சீரிஸ் ஜிடி மாடலை அறிமுகம் செய்தது. இதன் விலை ரூ. 67.90 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய கூப் மாடல் 5 சீரிஸ் போன்ற ஸ்டைலிங் கொண்டிருக்கிறது. இந்த மாடல் மூன்று பவர்டிரெயின் ஆப்ஷன்கள், மூன்று வேரியண்ட்களில் கிடைக்கிறது.

    புதிய பிஎம்டபிள்யூ காரை ஏப்ரல் 30 ஆம் தேதிக்குள் முன்பதிவு செய்வோருக்கு ரூ. 1.50 லட்சம் வரையிலான சலுகை வழங்கப்படுகிறது. இந்த மாடலின் முன்புறம் மற்றும் பின்புற பம்ப்பர்கள் ட்வீக் செய்யப்பட்டு கம்பீர தோற்றம் பெற்று இருக்கிறது. இதில் உள்ள அடாப்டிவ் எல்இடி ஹெட்லேம்ப்கள் மெல்லியதாகவும், புதிய டூயல் எல் வடிவ டிஆர்எல்கள் வழங்கப்படுகின்றன.

     பிஎம்டபிள்யூ 6 சீரிஸ் ஜிடி

    புதிய 6 சீரிஸ் ஜிடி மாடலில் 2.0 லிட்டர் பெட்ரோல் என்ஜின் வழங்கப்பட்டு இருக்கிறது. இந்த என்ஜின் 255 பிஹெச்பி பவர், 400 என்எம் டார்க் செயல்திறன் வழங்குகிறது. இத்துடன் 2.0 லிட்டர் டீசல் மோட்டார் வழங்கப்படுகிறது. இது 188 பிஹெச்பி பவர், 400 என்எம் டார்க் செயல்திறன் வழங்குகிறது. மேலும் 3.0 லிட்டர் டீசல் மோட்டார் வழங்கப்படுகிறது. இது 261 பிஹெச்பி பவர், 620 என்எம் டார்க் செயல்திறன் வழங்குகிறது.

    இந்த என்ஜின்களுடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது. இந்தியாவில் பிஎம்டபிள்யூ 6 சீரிஸ் ஜிடி டாப் எண்ட் மாடல் விலை ரூ. 77.90 லட்சம் ஆகும். 
    Next Story
    ×