search icon
என் மலர்tooltip icon

    நீங்கள் தேடியது "சிட்ரோயன்"

    • வாடிக்கையாளர்களை ஏமாற்றத்தில் ஆழ்த்தி இருக்கிறது.
    • பரிசோதனையில் 34-க்கு 20.86 புள்ளிகளை பெற்றது.

    சிட்ரோயன் இந்தியா நிறுவனம் தனது eC3 எலெக்ட்ரிக் ஹேச்பேக் மாடலை பாதுகாப்பு சோதனைக்கு உட்படுத்தியது. இந்த சோதனையின் முடிவு அனைவரையும் அதிர்ச்சியில் ஆழ்த்தி உள்ளது.

    முன்புறம் ஓட்டுநர் மற்றும் பயணி இருக்கைகளில் ஏர்பேக், பெல்ட் லோடு லிமிட்டர் மற்றும் சீட் பெல்ட் ரிமைண்டர் போன்ற வசதிகளை கொண்டிருக்கும் சிட்ரோயன் eC3 குளோபல் NCAP கிராஷ் டெஸ்டில் ஓரு நட்சத்திர குறியீடையும் பெறாவில்லை. இது சிட்ரோயன் வாடிக்கையாளர்களை ஏமாற்றத்தில் ஆழ்த்தி இருக்கிறது.

     


    சிட்ரோயன் eC3 மாடல் பெரியவர்கள் பாதுகாப்புக்கான பரிசோதனையில் 34-க்கு 20.86 புள்ளிகளை பெற்றது. சிறுவர்கள் பாதுகாப்புக்கான பரிசோதனையில் 49-க்கு 10.55 புள்ளிகளையே பெற்றது. இந்த கார் அதன் ஓட்டுநர் மற்றும் அவரின் அருகாமையில் அமரும் பயணிக்கு தலை மற்றும் கழுத்து பகுதிகளில் நல்ல பாதுகாப்பை வழங்கியதாக குளோபல் NCAP தெரிவித்தது.

    எனினும், பக்காவாட்டுகளில் தலை பகுதிக்கு பாதுகாப்பு அளிப்பதை ஆப்ஷனாகவும் சிட்ரோயன் வழங்கவில்லை. காரின் ஒட்டுமொத்த உருவம் திடமாக இருந்தது என்று குளோபல் NCAP தெரிவித்துள்ளது.

    இவைதவிர சிட்ரோயன் eC3 எலெக்ட்ரிக் ஹேச்பேக் காரில் ஏ.பி.எஸ். மற்றும் இ.பி.டி. போன்ற பாதுகாப்பு அம்சங்கள், ரிவர்ஸ் பார்கிங் சென்சார்கள், ரியர் டோர் மேனுவல் சைல்டு லாக், ஹை ஸ்பீடு அலர்ட் சிஸ்டம், ஸ்பீடு சென்சிடிவ் ஆட்டோ டோர் லாக் வசதியும் வழங்கப்படுகிறது.

    • இந்த கார் இரண்டு வேரியண்ட்களில் கிடைக்கிறது.
    • 1.2 லிட்டர் டர்போ பெட்ரோல் என்ஜின் வழங்கப்படுகிறது.

    சிட்ரோயன் நிறுவனம் இந்திய சந்தையில் அதிகம் எதிர்பார்க்கப்பட்ட சிட்ரோயன் C3 ஏர்கிராஸ் ஆட்டோமேடிக் மாடலை அறிமுகம் செய்தது. புதிய சிட்ரோயன் C3 ஏர்கிராஸ் ஆட்டோமேடிக் மாடலின் விலை ரூ. 12 லட்சத்து 85 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது.

    இந்த கார் மேக்ஸ் மற்றும் பிளஸ் என இரண்டு வேரியண்ட்களில் கிடைக்கிறது. இத்துடன் 5 சீட்டர் மற்றும் 7 சீட்டர் என இருவித ஆப்ஷன்களில் கிடைக்கிறது. சிட்ரோயன் C3 ஏர்கிராஸ் மாடலில் 1.2 லிட்டர் டர்போ பெட்ரோல் என்ஜின் வழங்கப்படுகிறது.

     


    மேனுவல் ஆப்ஷனில் இந்த என்ஜின் 109 ஹெச்.பி. பவர், 190 நியூட்டன் மீட்டர் டார்க் இழுவிசையை வெளிப்படுத்துகிறது. ஆட்டோமேடிக் வேரியன்ட் 109 ஹெச்.பி. பவர், 205 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு டார்க் கன்வெர்ட்டர் வழங்கப்படுகிறது.

    அம்சங்களை பொருத்தவரை ரிமோட் என்ஜின் ஸ்டார்ட், ரிமோட் ஏ.சி. பிரீ-கன்டிஷனிங், 10-இன்ச் டச் ஸ்கிரீன் இன்ஃபோடெயின்மென்ட் ஸ்கிரீன், வயர்லெஸ் ஆண்ட்ராய்டு ஆட்டோ, ஆப்பிள் கார் பிளே, 7 இன்ச் டி.எஃப்.டி. கிளஸ்டர், யு.எஸ்.பி. சார்ஜர், ஏ.சி. வென்ட்கள் வழங்கப்படுகின்றன.

    • டியாகோ EV மாடலுக்கு போட்டியாக அமைகிறது.
    • இரு மாடல்களிடையே போட்டி நிலவுகிறது.

    சிட்ரோயன் நிறுவனம் தனது eC3 சீரிசில் புதிதாக டாப் என்ட் மாடல் ஒன்றை அறிமுகம் செய்து இருக்கிறது. eC3 மாடல் சிட்ரோயன் நிறுவனத்தின் ஆல்-எலெக்ட்ரிக் ஹேச்பேக் ஆகும்.

    புதிய eC3 ஷைன் வேரியன்ட் விலை ரூ. 13 லட்சத்து 20 ஆயிரம் என துவங்கி ரூ. 13 லட்சத்து 50 ஆயிரம் என நிர்ணயம் செய்யப்பட்டுள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

    இந்திய சந்தையில் சிட்ரோயன் eC3 மாடல் டாடா டியாகோ EV மாடலுக்கு போட்டியாக அமைகிறது. விலை அடிப்படையில் இரு மாடல்களிடையே போட்டி நிலவுகிறது.

     


    சிட்ரோயன் eC3 ஷைன் வேரியன்டில் எலெக்ட்ரிக் அட்ஜஸ்ட் வசதி கொண்ட விங் மிரர்கள், ரியர் பார்க்கிங் கேமரா, 15 இன்ச் அளவில் டைமன்ட் கட் அலாய் வீல்கள் வழங்கப்படுகின்றன. இத்துடன் ஃபாக்ஸ் ஸ்கிட் பிலேட்கள், லெதரால் சுற்றப்பட்ட ஸ்டீரிங் வீல் வழங்கப்படுகிறது.

    இத்துடன் 10.2 இன்ச் இன்ஃபோடெயின்மென்ட் ஸ்கிரீன், வயர்லெஸ் ஆப்பிள் கார்பிளே, ஆண்ட்ராய்டு ஆட்டோ, 4 ஸ்பீக்கர் ஆடியோ சிஸ்டம், உயரத்தை அட்ஜஸ்ட் செய்யும் வசதி கொண்ட ஓட்டுனர் இருக்கை வழங்கப்பட்டு இருக்கிறது.

    • சிட்ரோயன் C3 மாடல் இருவித என்ஜின் ஆப்ஷன்களில் கிடைக்கிறது.
    • சலுகைகளின் பலன்கள் உயர்த்தப்பட்டு இருக்கிறது.

    சிட்ரோயன் நிறுவனம் இந்திய சந்தையில் தனது கார் மாடல்கள் விற்பனையை அதிகப்படுத்தும் நோக்கில், சிறப்பு சலுகைகளை அறிவித்து இருந்தது. தற்போது சலுகைகளின் பலன்களை அதிகபட்சமாக ரூ. 1.5 லட்சம் வரை உயர்த்தி இருக்கிறது.

    சிட்ரோயன் C3 மற்றும் C3 ஏர்கிராஸ் மாடல்களுக்கான சலுகைகளை ஏற்கனவே அறிவிக்கப்பட்டதை விட தற்போது ரூ. 50 ஆயிரம் உயர்த்தப்பட்டு இருக்கிறது. இத்துடன் 5 ஆண்டுகளுக்கு நீட்டிக்கப்பட்ட வாரண்டி இலவசமாக வழங்கப்படுகிறது. இந்த சலுகைகள் டிசம்பர் 31-ம் தேதி வரை வழங்கப்படும்.

    சிட்ரோயன் C5 ஏர்கிராஸ் மாடலுக்கு ரூ. 2 லட்சம் வரையிலான சலுகைகள் வழங்கப்படுகிறது. இந்த சலுகை நவம்பர் 30-ம் வரை வழங்கப்படுகிறது. இந்திய சந்தையில் சிட்ரோயன் C5 ஏர்கிராஸ் மாடல் ஹூண்டாய் டக்சன், ஸ்கோடா கோடியக் மற்றும் வோக்ஸ்வேகன் டிகுவான் போன்ற மாடல்களுக்கு போட்டியாக அமைகின்றன.

    சிட்ரோயன் C3 மற்றும் C3 ஏர்கிராஸ் மாடல்களுக்கு ரூ. 1.5 லட்சம் வரையிலான தள்ளுபடி வழங்கப்படுகிறது. சிட்ரோயன் C3 மாடல் 1.2 லிட்டர் பெட்ரோல் மற்றும் 1.2 லிட்டர் டர்போ பெட்ரோல் என இருவித என்ஜின் ஆப்ஷன்களில் கிடைக்கிறது. 

    • சிட்ரோயன் C5 ஏர்கிராஸ் மாடல் ஒற்றை, ஃபுல்லி லோடட் வேரியன்ட் ஆக கிடைக்கிறது.
    • சமீபத்தில் சிட்ரோயன் C3 ஏர்கிராஸ் மாடல் இந்திய சந்தையில் அறிமுகம் செய்யப்பட்டது.

    சிட்ரோயன் இந்தியா நிறுவனம் தனது பிளாக்ஷிப் கிராஸ்ஒவர், C5 ஏர்கிராஸ் மாடலுக்கு ரூ. 2 லட்சம் வரையிலான சலுகை மற்றும் தள்ளுபடி அறிவித்து இருக்கிறது. இவை ஜூலை மாதத்திற்காக அறிவிக்கப்பட்டு இருக்கிறது. இந்த பலன்கள் 2022 ஆண்டு உற்பத்தி செய்யப்பட்ட மாடல்களுக்கு பொருந்தும், இவை ஜூலை 31-ம் தேதி வரை வழங்கப்படுகிறது.

    சிட்ரோயன் C5 ஏர்கிராஸ் மாடல்- ஷைன் என்று அழைக்கப்படும் ஒற்றை, ஃபுல்லி லோடட் வேரியன்ட் ஆக கிடைக்கிறது. இந்த மாடலில் 2.0 லிட்டர், நான்கு சிலிண்டர்கள் கொண்ட டீசல் என்ஜின் வழங்கப்பட்டு இருக்கிறது. இந்த என்ஜின் 174 ஹெச்பி பவர், 400 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.

     

    இந்திய சந்தையில் சிட்ரோயன் C5 ஏர்கிராஸ் மாடல் ஜீப் காம்பஸ், ஹூண்டாய் டக்சன் மற்றும் போக்ஸ்வேகன் டிகுவான் போன்ற மாடல்களுக்கு போட்டியாக அமைகிறது. சமீபத்தில் தான் சிட்ரோயன் இந்தியா நிறுவனம் தனது C3 ஏர்கிராஸ் மாடலை இந்திய சந்தையில் அறிமுகம் செய்தது. இது இந்திய சந்தையில் அந்நிறுவனத்தின் நான்காவது கார் மாடல் ஆகும்.

    சிட்ரோயன் C3 மாடலை போன்ற ஆர்கிடெக்ச்சரில் உருவாக்கப்பட்டு இருக்கும் C3 ஏர்கிராஸ் மாடல் ஸ்டைலிங் அதன் முந்தைய மாடலை தழுவி வடிவமைக்கப்பட்டு உள்ளது. புதிய காரின் விலை விவரங்கள் இதுவரை அறிவிக்கப்படவில்லை. எனினும், இதன் விலை ரூ. 10 லட்சத்தில் துவங்கி அதிகபட்சம் ரூ. 15 லட்சம், எக்ஸ்-ஷோரூம் வரை நிர்ணயம் செய்யப்படும் என்று எதிர்பார்க்கலாம்.

    • டர்போ பெட்ரோல் ஆப்ஷனில் புதிதாக ஷைன் வேரியண்ட் அறிமுகம் செய்யப்பட்டு இருக்கிறது.
    • டர்போ வேரியண்ட் லிட்டருக்கு 19.3 கிலோமீட்டர் மைலேஜ் வழங்குகிறது.

    சிட்ரோயன் இந்தியா நிறுவனம் தனது எண்ட்ரி லெவல் ஹேச்பேக் C3 மாடலின் டர்போ வேரியண்ட்களை அறிமுகம் செய்தது. புதிய டர்போ வேரியண்ட் பிஎஸ்6 2 விதிகளுக்கு ஏற்ப அப்டேட் செய்யப்பட்டு லிட்டருக்கு 19.3 கிலோமீட்டர் வரை செல்லும் என்று ARAI சான்று பெற்றுள்ளது.

    புதிய சிட்ரோயன் C3 டர்போ வேரியண்ட்களின் விலை ரூ. 8 லட்சத்து 28 ஆயிரம், எக்ஸ்-ஷோரூம் என்று துவங்குகிறது. டர்போ பெட்ரோல் ஆப்ஷனில் புதிதாக ஷைன் வேரியண்ட் அறிமுகம் செய்யப்பட்டு இருக்கிறது. இதில் மேம்பட்ட பாதுகாப்பு அம்சங்களான ESP, ஹில் ஹோல்டு, என்ஜின் ஆட்டோ ஸ்டார்ட் / ஸ்டாப் மற்றும் TPMS உள்ளிட்டவை வழங்கப்பட்டு இருக்கிறது.

    இத்துடன் அட்ஜஸ்ட் செய்யக்கூடிய ORVM-கள், ரியர் பார்கிங் கேமரா, மேனுவல் டே/நைட் IRVM, மை சிட்ரோயன் கனெக்ட் ஸ்மார்ட்போன் கனெக்டிவிட்டி அம்சங்களை கொண்டுள்ளது. வெளிப்புறம் புதிய காரில் 15 இன்ச் டைமண்ட் கட் அலாய் வீல்கள், முன்புறம் ஃபாக் லேம்ப்கள், ரியர் ஸ்கிட் பிலேட்கள், ரியர் வைப்பர் மற்றும் வாஷர், ரியர் டிஃபாகர் வழங்கப்பட்டு இருக்கிறது.

    புதிய C3 மாடலில் உள்ள டர்போ பெட்ரோல் என்ஜின் 109 ஹெச்பி பவர், 190 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டுள்ளது.

    சிட்ரோயன் C3 டர்போ பிஎஸ்6 2 விலை விவரங்கள்:

    சிட்ரோயன் C3 டர்போ பிஎஸ்6 2 ஃபீல் டூயல் டோன் ரூ. 8 லட்சத்து 28 ஆயிரம்

    சிட்ரோயன் C3 டர்போ பிஎஸ்6 2 ஃபீல் டூயல் டோன் வைப் பேக் ரூ. 8 லட்சத்து 43 ஆயிரம்

    சிட்ரோயன் C3 டர்போ பிஎஸ்6 2 ஷைன் டூயல் டோன் ரூ. 8 லட்சத்து 80 ஆயிரம்

    சிட்ரோயன் C3 டர்போ பிஎஸ்6 2 ஷைன் டூயல் டோன் வைப் பேக் ரூ. 8 லட்சத்து 92 ஆயிரம்

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

    • சிட்ரோயன் C3 ஏர்கிராஸ் மாடல் ஏழு பேர் அமரக்கூடிய இருக்கை அமைப்பில் கிடைக்கிறது.
    • மூன்றாம் அடுக்கு இருக்கைகளை இடவசதி தேவைப்படும் போது கழற்றி வைத்துக் கொள்ளலாம்.

    சிட்ரோயன் நிறுவனத்தின் முற்றிலும் புதிய எஸ்யுவி C3 ஏர்கிராஸ் மாடல் இந்திய சந்தையில் அறிமுகம் செய்யப்பட்டது. புதிய கார் மூன்று அடுக்கு இருக்கைகளை கொண்டிருக்கிறது. இந்த கார் முழுக்க முழுக்க இந்தியாவிலேயே உற்பத்தி செய்யப்பட்டுள்ளது.

    C3 ஏர்கிராஸ் மாடல் C3 ஹேச்பேக் மாடலை விட நீளமாக இருக்கிறது. இந்த காரின் நீளம் 4.3 மீட்டர்கள் ஆகும். தோற்றத்தில் இந்த காரின் முகம் ஒரே மாதிரியே காட்சியளிக்கிறது. இதில் ஸ்ப்லிட் ரக ஹெட்லேம்ப்கள், கவர்ச்சிகரமான மோனோடோன் மற்றும் டூயல் டோன் நிற ஆப்ஷன்கள் வழங்கப்படுகிறது.

     

    இந்த காரின் முன்புற கிரில் 2 ஸ்லாட் க்ரோம் ஃபினிஷ் செய்யப்பட்டுள்ளது. இதன் பம்ப்பர் பாடி நிறத்தால் ஆன பாகங்களை கொண்டிருக்கிறது. இத்துடன் பிளாக் கிலாடிங் உள்ளது. இத்துடன் வட்ட வடிவம் கொண்ட ஃபாக் லேம்ப்கள், சில்வர் ஃபாக்ஸ் பிளேட்கள் வழங்கப்படுகின்றன. பக்கவாட்டில் 17 இன்ச் டூயல் டோன் அலாய் வீல்கள், சதுரங்க வடிவம் கொண்ட டெயில் லேம்ப்கள் வழங்கப்பட்டுள்ளது.

    டெயில்கேட் பகுதியில் C3 ஏர்கிராஸ் பேட்ஜ் மற்றும் ரியர் பம்ப்பரின் கீழ்புறத்தில் சில்வர் நிற ஸ்கிட் பிளேட்கள் உள்ளன. C3 ஏர்கிராஸ் மாடலின் மிகமுக்கிய அம்சம் மூன்றாம் அடுக்கு இருக்கைகள் ஆகும். இவற்றை அதிக இடவசதி தேவைப்படும் போது கழற்றி வைத்துக் கொள்ளலாம். சிட்ரோயன் C3 ஏர்கிராஸ் மாடல் ஏழு பேர் அமரக்கூடிய இருக்கை அமைப்பில் கிடைக்கிறது.

    இத்துடன் டிஜிட்டல் இன்ஸ்ட்ரூமெண்ட் கிளஸ்டர், 10 இன்ச் டச் ஸ்கிரீன் இன்ஃபோடெயின்மெண்ட் சிஸ்டம், வயர்லெஸ் கனெக்டிவிட்டி, ஆண்ட்ராய்டு ஆட்டோ மற்றும் ஆப்பிள் கார்பிளே, உயரத்தை அட்ஜஸ்ட் செய்யக்கூடிய சீட், மேனுவல் ஏசி, ஸ்டீரிங் மவுண்ட் செய்யப்பட்ட கண்ட்ரோல்கள் வழங்கப்பட்டுள்ளன.

    புதிய சிட்ரோயன் C3 ஏர்கிராஸ் மாடலில் 1.2 லிட்டர் டர்போ பெட்ரோல் என்ஜின் வழங்கப்பட்டு இருக்கிறது. இந்த என்ஜின் 109 ஹெச்பி பவர், 190 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல் கியர்பாக்ஸ் வழங்கப்பட்டு இருக்கிது. 

    • சிட்ரோயன் நிறுவனத்தின் புதிய C3 ஷைன் வேரியண்ட் இந்த சீரிசில் டாப் எண்ட் மாடலாக உள்ளது.
    • புதிய C3 ஷைன் நான்கு வெர்ஷன்களில் விற்பனைக்கு அறிமுகம் செய்யப்பட்டு இருக்கிறது.

    சிட்ரோயன் நிறுவனம் இந்திய சந்தையில் C3 ஹேச்பேக் மாடலின் புதிய வேரியண்டை அறிமுகம் செய்து இருக்கிறது. C3 சீரிசில் டாப் எண்ட் மாடலாக அறிமுகமாகி இருக்கும் சிட்ரோயன் C3 ஷைன், ஷைன் வைப் பேக், ஷைன் டூயல் டோன் மற்றும் ஷைன் டூயல் டோன் மற்றும் வைப் பேக் என மொத்தத்தில் நான்கு வேரியண்ட்களில் கிடைக்கிறது.

    புதிய சிட்ரோயன் C3 ஷைன் விலை ரூ. 7 லட்சத்து 60 ஆயிரம், எக்ஸ்-ஷோரூம் என துவங்குகிறது. ஃபீல் வேரியண்ட் உடன் ஒப்பிடும் போது புதிய சிட்ரோயன் C3 ஷைன் எலெக்ட்ரிக் அட்ஜஸ்ட் வசதி கொண்ட ORVM-கள், ரியர் பார்கிங் கேமரா, டே/நைட் IRVM, 15 இன்ச் டைமண்ட் கட் அலாய்கள், ஃபாக் லைட்கள், ரியர் வைப்பர், வாஷர், ரியர் ஸ்கிட் பிளேட்கள், ரியர் டிஃபாகர் வழங்கப்பட்டு இருக்கிறது.

     

    இத்துடன் 35 கனெக்டிவிட்டி அம்சங்களை கொண்ட மை சிட்ரோயன் கனெக்ட் ஆப் வசதியும் உள்ளது. புதிய சிட்ரோயன் C3 ஹேச்பேக் மாடலில் 1.2 லிட்டர் NA பெட்ரோல் என்ஜின் வழங்கப்பட்டு இருக்கிறது. இந்த என்ஜின் 80 ஹெச்பி பவர், 115 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு மேனுவல் டிரான்ஸ்மிஷன் வழங்கப்படுகிறது.

    விலை விவரங்கள்:

    சிட்ரோயன் C3 ஷைன் ரூ. 7 லட்சத்து 60 ஆயிரம்

    சிட்ரோயன் C3 ஷைன் வைப் பேக் ரூ. 7 லட்சத்து 72 ஆயிரம்

    சிட்ரோயன் C3 ஷைன் டூயல் டோன் ரூ. 7 லட்சத்து 75 ஆயிரம்

    சிட்ரோயன் C3 ஷைன் டூயல் டோன் வைப் பேக் ரூ. 7 லட்சத்து 87 ஆயிரம்

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

    • சிட்ரோயன் நிறுவனத்தின் C3 ஹேச்பேக் மாடல் ஏற்றுமதி இந்தியாவில் இருந்து துவங்கி இருக்கிறது.
    • கடந்த ஆண்டு ஜூலை மாத வாக்கில் சிட்ரோயன் C3 ஹேச்பேக் இந்தியாவில் அறிமுகம் செய்யப்பட்டது.

    சிட்ரோயன் நிறுவனம் இந்தியாவில் உற்பத்தி செய்த C3 ஹேச்பேக் மாடலை ASEAN மற்றும் ஆப்ரிக்க நாடுகளுக்கு ஏற்றுமதி செய்ய துவங்கியது. சிட்ரோயன் C3 ஹேச்பேக் மாடல் காமராஜர் துறைமுகத்தில் இருந்து ஏற்றுமதி செய்கிறது. முதற்கட்ட யூனிட்கள் காமராஜர் துறைமுகத்தின் மூத்த அதிகாரிகள் முன்னிலையில் ஏற்றுமதி செய்யப்பட்டன.

    கடந்த ஆண்டு ஜூலை மாத வாக்கில் அறிமுகம் செய்யப்பட்ட சிட்ரோயன் C3 ஹேச்பேக் மாடல் - 1.2 லிட்டர் NA பெட்ரோல் மற்றும் 1.2 லிட்டர் டர்போ பெட்ரோல் எஞ்சின் ஆப்ஷன்களில் கிடைக்கிறது. இருவித எஞ்சின்களுடன் 6 ஸ்பீடு மேனுவல் கியர்பாக்ஸ் வழங்கப்படுகிறது. இந்தியாவில் சிட்ரோயன் முழுமையாக உற்பத்தி செய்த முதல் கார் இது ஆகும்.

     

    "2019 ஆண்டு முதல் எங்களது ஓசூர் ஆலையில் இருந்து பவர்டிரெயின்களை ஏற்றுமதி செய்ய துவங்கினோம். புதிய C3 மாடல்களை சிபியு யூனிட்களாக ஏற்றுமதி செய்ய துவங்கியதில் இருந்து இந்தியாவில் புதிதாக மிகமுக்கிய மைல்கல்லை துவங்குகிறோம்."

    "நாங்கள் உருவாக்கி இருக்கும் 360 டிகிரி அமைவு எங்களின் விற்பனையில் பிரதிபலிக்க துவங்கியுள்ளது. இதை கொண்டு எதிர்காலத்திலும் வளர்ச்சி பெறுவோம்." என்று ஸ்டெலாண்டிஸ் இந்தியா தலைமை செயல் அதிகாரி மற்றும் நிர்வாக இயக்குனர் ரோலண்ட் பௌச்சாரா தெரிவித்து இருக்கிறார்.

    • சிட்ரோயன் நிறுவனத்தின் புதிய மிட்சைஸ் எஸ்யுவி மாடல் விவரங்கள் தொடர்ந்து வெளியாகி வருகின்றன.
    • புதிய சிட்ரோயன் மிட்சைஸ் எஸ்யுவி மாடல் இருவித இருக்கை அமைப்புகளில் கிடைக்கும் என கூறப்படுகிறது.

    சிட்ரோயன் நிறுவனத்தின் முற்றிலும் புதிய எஸ்யுவி மாடல் ஏப்ரல் 27 ஆம் தேதி இந்தியாவில் அறிமுகம் செய்யப்பட இருக்கிறது. புதிய எஸ்யுவி குறித்து சிட்ரோயன் சார்பில் இதுவரை எவ்வித தகவலும் வழங்கப்படவில்லை. எனினும், இந்த கார் டிசைன் மற்றும் பொறியியல் பணிகள் முழுக்க முழுக்க இந்தியாவில் மேற்கொள்ளப்பட்டது என சிட்ரோயன் நிறுவனம் தெரிவித்து இருக்கிறது.

    இந்திய சந்தையில் சிட்ரோயன் நிறுவனத்தின் அடுத்த மாடல் மிட்சைஸ் எஸ்யுவி-ஆக இருக்கும் என ஏற்கனவே தகவல் வெளியானது. மேலும் இந்த கார் C3 ஹேச்பேக் மாடலை தழுவி உருவாக்கப்பட்டு இருக்கும் என கூறப்படுகிறது. ப்ரோடக்ஷன் வடிவில் அறிமுகம் செய்யப்பட இருக்கும் புதிய எஸ்யுவி மாடல் C3 ஏர்கிராஸ் எனும் பெயர் கொண்டிருக்கும் என கூறப்படுகிறது.

     

    புதிய சிட்ரோயன் C3 ஏர்கிராஸ் மாடலில் 1.2 லிட்டர் டர்போ, 3 சிலிண்டர் டர்போ பெட்ரோல் யூனிட் வழங்கப்பட இருக்கிறது. இது அதிகபட்சம் 110 ஹெச்பி பவர், 190 நியூட்டன் மீட்டர் டார்க் இழுவிசையை வெளிப்படுத்தும் என தெரிகிறது. இதே எஞ்சின் தற்போது விற்பனை செய்யப்படும் C3 ஹேச்பேக் மாடலிலும் வழங்கப்பட்டு இருப்பது குறிப்பிடத்தக்கது.

    இந்த கார் இருவித இருக்கை அமைப்புகள்: ஐந்து மற்றும் ஏழு பேர் அமரக்கூடிய வகையில் கிடைக்கும். அந்த வகையில், புதிய மாடல் ஹூண்டாய் கிரெட்டா, டொயோட்டா ஹைரைடர் மற்றும் கியா செல்டோஸ் போன்ற மாடல்களுக்கு போட்டியாக அமையும். இதன் 7 சீட்டர் மாடல் கியா கரென்ஸ், மாருதி சுசுகி XL6 போன்ற மாடல்களுக்கு போட்டியாக அமையும்.

    Photo Courtesy: Rushlane

    • சிட்ரோயன் நிறுவனம் உருவாக்கி வரும் புதிய மிட்சைஸ் எஸ்யுவி இருவித இருக்கை அமைப்புகளில் கிடைக்கும் என தெரிகிறது.
    • புதிய சிட்ரோயன் 7 சீட்டர் மாடல் கியா கரென்ஸ், மாருதி XL6 கார்களுக்கு போட்டியாக அமைகிறது.

    சிட்ரோயன் நிறுவனம் முற்றிலும் புதிய மிட்சைஸ் எஸ்யுவி மாடலை உருவாக்கும் பணிகளில் ஈடுபட்டு வருவதாக தகவல் வெளியாகி உள்ளது. புதிய மிட்சைஸ் எஸ்யுவி மாடல் சிட்ரோயன் C3 ஏர்கிராஸ் எனும் பெயரில் அறிமுகம் செய்யப்படும் என்றும் இது இந்த ஆண்டு இறுதியில் விற்பனைக்கு வரும் என்றும் கூறப்படுகிறது.

    புதிய சிட்ரோயன் C3 ஏர்கிராஸ் மாடலின் டிசைன் ஃபேஸ்லிஃப்ட் செய்யப்பட்ட C5 ஏர்கிராஸ் எஸ்யுவி மற்றும் C3 ஹேச்பேக் மாடல்களை தழுவி உருவாக்கப்பட்டு இருக்கும் என தெரிகிறது. இந்த மாடல் இருவித இருக்கை அமைப்புகள்: ஐந்து மற்றும் ஏழு பேர் அமரக்கூடிய வகையில் கிடைக்கும். அந்த வகையில், புதிய மாடல் ஹூண்டாய் கிரெட்டா, டொயோட்டா ஹைரைடர் மற்றும் கியா செல்டோஸ் போன்ற மாடல்களுக்கு போட்டியாக அமையும்.

    ஏழு பேர் பயணிக்கக்கூடிய மாடல் கியா கரென்ஸ் மற்றும் மாருதி சுசுகி XL6 போன்ற மாடல்களுக்கும், இதன் எம்ஜி ஹெக்டார் பிளஸ், ஹூண்டாய் அல்கசார் மற்றும் டாடா சஃபாரி மாடல்களின் பேஸ் மற்றும் மிட் வேரியண்ட்களுக்கு போட்டியாக அமையும்.

    புதிய சிட்ரோயன் C3 ஏர்கிராஸ் மாடலில் 1.2 லிட்டர் டர்போ, 3 சிலிண்டர் டர்போ பெட்ரோல் யூனிட் வழங்கப்பட இருக்கிறது. இது அதிகபட்சம் 110 ஹெச்பி பவர், 190 நியூட்டன் மீட்டர் டார்க் இழுவிசையை வெளிப்படுத்தும் என தெரிகிறது. இதே எஞ்சின் தற்போது விற்பனை செய்யப்படும் C3 ஹேச்பேக் மாடலிலும் வழங்கப்பட்டு இருப்பது குறிப்பிடத்தக்கது.

    • சிட்ரோயன் நிறுவனத்தின் புதிய C3 ஹேச்பேக் மாடல் விலை இந்தியாவில் மாற்றப்பட்டு இருக்கிறது.
    • இந்திய சந்தையில் புதிய சிட்ரோயன் C3 மாடல் இக்னிஸ் மர்றும் டாடா பன்ச் மாடல்களுக்கு போட்டியாக அமைகிறது.

    சிட்ரோயன் நிறுவனம் தனது சிட்ரோயன் C3 ஹேச்பேக் மாடல் விலையை உயர்த்துவதாக அறிவித்து இருக்கிறது. கடந்த ஆண்டு ஜூலை மாத வாக்கில் அறிமுகம் செய்யப்பட்ட சிட்ரோயன் C3 மாடலின் விலை இதுவரை மூன்று முறை உயர்த்தப்பட்டு இருக்கிறது. தற்போதைய விலை உயர்வுக்கு சிட்ரோயன் இதுவரை எந்த காரணத்தையும் தெரிவிக்கவில்லை.

    மெக்கானிக்கல் அம்சங்களை பொருத்தவரை சிட்ரோயன் C3 மாடலில் எவ்வித மாற்றமும் மேற்கொள்ளப்படவில்லை. அந்த வகையில், இந்த மாடலில் இரண்டு 1.2 லிட்டர் பெட்ரோல் என்ஜின் வழங்கப்பட்டு இருக்கிறது. இவற்றில் முதல் என்ஜின் 83 ஹெச்பி பவர், 5 ஸ்பீடு மேனுவல் டிரான்ஸ்மிஷன் வழங்கப்படுகிறது.

     

    இதன் இரண்டாவது என்ஜின் 110ஹெச்பி பவர், 6 ஸ்பீடு மேனுவல் கியர்பாக்ஸ் ஆப்ஷனில் கிடைக்கிறது. இந்த காரில் இதுவரை ஆட்டோமேடிக் டிரான்ஸ்மிஷன் வழங்கப்படவில்லை. எனினும், இந்த ஆண்டின் இரண்டாவது அரையாண்டில் 6 ஸ்பீடு டார்க் கன்வெர்டர் ஆட்டோமேடிக் டிரான்ஸ்மிஷன் வழங்கப்படுகிறது.

    புதிய விலை விவரங்கள்:

    சிட்ரோயன் C3 1.2 லிட்டர் பெட்ரோல் லைவ் ரூ. 6 லட்சத்து 16 ஆயிரம்

    சிட்ரோயன் C3 1.2 லிட்டர் பெட்ரோல் ஃபீல் ரூ. 7 லட்சத்து 08 ஆயிரம்

    சிட்ரோயன் C3 1.2 லிட்டர் டர்போ பெட்ரோல் ஃபீல் ரூ. 8 லட்சத்து 25 ஆயிரம்

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

    இந்திய சந்தையில் சிட்ரோயன் C3 மாடல் மாருதி இக்னிஸ், டாடா பன்ச், நிசான் மேக்னைட் மற்றும் ரெனால்ட் கைகர் போன்ற கார்களின் மேனுவல் வெர்ஷன்களுக்கு போட்டியாக அமைகிறது. விலையை பொருத்தவரை சிட்ரோயன் C3 பேஸ் வேரியண்ட் விலை பன்ச் மற்றும் மேக்னைட் மாடல்களை விட ரூ. 16 ஆயிரம் அதிகம் ஆகும்.

    ×