தொழில்நுட்பச் செய்திகள்

பி.எஸ்.என்.எல். நிறுவனம் ரூ. 1,498 விலையில் புதிய பிரீபெயிட் சலுகையை அறிவித்து இருக்கிறது. இதில் பயனர்களுக்கு தினமும் 2 ஜிபி டேட்டா வழங்கப்படுகிறது. அதிவேக டேட்டா தீர்ந்ததும் டேட்டா வேகம் நொடிக்கு 40 கே.பி.-யாக குறைக்கப்பட்டு விடும்.

ஆகஸ்ட் 23 ஆம் தேதி முதல் புதிய ரூ. 1,498 சலுகை நாட்டின் அனைத்து வட்டாரங்களிலும் கிடைக்கும். புதிய பிரீபெயிட் சலுகையில் தினமும் 2 ஜிபி டேட்டா வழங்கப்படுகிறது. இதுதவிர எஸ்.எம்.எஸ். மற்றும் வாய்ஸ் கால் போன்ற பலன்கள் எதுவும் இந்த சலுகையில் வழங்கப்படவில்லை. இதற்கான வேலிடிட்டி 365 நாட்கள் ஆகும்.

புதிய பி.எஸ்.என்.எல். சலுகையை ஆன்லைன் மற்றும் ஆப்லைனில் ரீசார்ஜ் செய்து கொள்ள முடியும். ஏர்டெல் நிறுவனமும் ரூ. 1,498 விலையில் பிரீபெயிட் சலுகையை வழங்கி வருகிறது. இதில் மொத்தம் 24 ஜிபி டேட்டா, வரம்பற்ற அழைப்புகள், 3600 எஸ்.எம்.எஸ். உள்ளிட்டவை 365 நாட்களுக்கு வழங்கப்படுகிறது.

விவோ நிறுவனத்தின் புதிய வை சீரிஸ் ஸ்மார்ட்போன் இந்தியாவில் அறிமுகம் செய்யப்பட்டது. புதிய விவோ வை21 மாடலில் 6.51 இன்ச் ஹெச்.டி. பிளஸ் ஹாலோ புல் வியூ டிஸ்ப்ளே, மீடியாடெக் ஹீலியோ பி35 பிராசஸர், 4 ஜிபி ரேம் வழங்கப்பட்டு உள்ளது.

இத்துடன் 13 எம்பி பிரைமரி கேமரா, 2 எம்பி மேக்ரோ டூயல் கேமரா, 8 எம்பி செல்பி கேமரா, பக்கவாட்டில் கைரேகை சென்சார் வழங்கப்பட்டு இருக்கிறது. பன்டச் ஒஎஸ் 11.1 மற்றும் ஆண்ட்ராய்டு 11 ஓ.எஸ். கொண்டிருக்கும் விவோ வை21 ஸ்மார்ட்போன் 5000 எம்.ஏ.ஹெச். பேட்டரி கொண்டிருக்கிறது.

- 6.51 இன்ச் 1600x720 பிக்சல் HD+ 20:9 LCD ஸ்கிரீன்

- ஆக்டாகோர் மீடியாடெக் ஹீலியோ பி35 பிராசஸர்

- IMG பவர்வி.ஆர். GE8320 GPU

- 4 ஜிபி ரேம்

- 64 ஜிபி / 128 ஜிபி மெமரி 

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட்

- ஆண்ட்ராய்டு 11 மற்றும் பன்டச் ஓ.எஸ். 11.1

- 13 எம்பி பிரைமரி கேமரா, எல்.இ.டி. பிளாஷ், f/2.2

- 2 எம்பி மேக்ரோ கேமரா, f/2.4

- 8 எம்பி செல்பி கேமரா, f/1.8

- பக்கவாட்டில் கைரேகை சென்சார்

- 3.5 எம்.எம். ஆடியோ ஜாக், எப்.எம். ரேடியோ

- டூயல் 4ஜி வோல்ட்இ, வைபை, ப்ளூடூத் 5

- யு.எஸ்.பி. டைப் சி 

- 5000 எம்.ஏ.ஹெச். பேட்டரி

- 18 வாட் பாஸ்ட் சார்ஜிங்

விவோ வை21 ஸ்மார்ட்போன் டைமண்ட் குளோ மற்றும் மிட்நைட் புளூ நிறங்களில் கிடைக்கிறது. இதன் 4 ஜிபி + 128 ஜிபி மாடல் விலை ரூ. 15,490 என்றும் 4 ஜிபி + 64 ஜிபி மாடல் விலை ரூ. 13,990 என்றும் நிர்ணயம் செய்யப்பட்டு உள்ளது. 

ரெட்மி 10 பிரைம் ஸ்மார்ட்போன் இந்தியாவின் பி.ஐ.எஸ். வலைதளத்தில் சான்று பெற்று இருக்கிறது. அதன்படி புதிய ரெட்மி 10 பிரைம் விரைவில் அறிமுகமாகும் என கூறப்படுகிறது. முன்னதாக ரெட்மி 10 ஸ்மார்ட்போன் சர்வதேச சந்தையில் அறிமுகம் செய்யப்பட்டது. இதே ஸ்மார்ட்போன் இந்திய சந்தையில் ரெட்மி 10 பிரைம் பெயரில் அறிமுகமாகும் என கூறப்படுகிறது.

முந்தைய தகவல்களின்படி ரெட்மி 10 பிரைம் இந்திய சந்தைக்கென பிரத்யேகமாக உருவாக்கப்படும் என கூறப்பட்டது. புதிய ரெட்மி 10 பிரைம் 2106119BI எனும் மாடல் நம்பர் கொண்டிருக்கிறது. இந்த ஸ்மார்ட்போன் எம்.ஐ.யு.ஐ. 12.5 மற்றும் ப்ளூடூத் 5.2 வசதி கொண்டிருக்கும் என தெரிகிறது.

முன்னதாக இதே மாடல் நம்பர் கொண்ட ரெட்மி 10 பிரைம் ஸ்மார்ட்போன் ஐ.எம்.இ.ஐ. வலைதளத்திலும் இடம்பெற்றது. ரெட்மி 10 பிரைம் சர்வதேச சந்தையில் அறிமுகமான ரெட்மி 10 மாடலில் வழங்கப்பட்ட அம்சங்களை கொண்டிருக்கும் என கூறப்படுகிறது. ரெட்மி 10 பிரைம் இந்திய வெளியீடு குறித்து சியோமி இதுவரை எந்த தகவலையும் வெளியிடவில்லை.

ஒன்பிளஸ் நிறுவனத்தின் புதிய 9ஆர்.டி. ஸ்மார்ட்போன் விவரங்கள், இணையத்தில் வெளியானது முதல் சந்தையில் பெரும் எதிர்பார்ப்பை ஏற்படுத்தி உள்ளது. இந்த நிலையில், ஒன்பிளஸ் 9ஆர்.டி. ஸ்மார்ட்போன் விரைவில் இந்திய சந்தையில் வெளியாகும் என கூறப்படுகிறது.

புதிய ஒன்பிளஸ் ஸ்மார்ட்போன் ஏற்கனவே அறிமுகமாகி இருக்கும் ஒன்பிளஸ் 9ஆர் மாடலில் இருந்ததை விட அதிக அம்சங்களை கொண்டிருக்கும் என கூறப்படுகிறது. மேலும் இந்த ஸ்மார்ட்போன் தேர்வு செய்யப்பட்ட சில நாடுகளில் மட்டுமே விற்பனைக்கு வரும் என கூறப்படுகிறது.

ஒன்பிளஸ் 9ஆர்.டி. மட்டுமின்றி ஒன்பிளஸ் நிறுவனம் நார்டு சீரிசில் மேலும் இரண்டு புதிய ஸ்மார்ட்போன்களை அறிமுகம் செய்ய இருப்பதாக தகவல் வெளியாகி உள்ளது. இரு நார்டு ஸ்மார்ட்போன்கள் மற்றும் ஒன்பிளஸ் 9ஆர்.டி. மாடல்கள் ஒரே சமயத்தில் அறிமுகம் செய்யப்படும் என கூறப்படுகிறது.

புதிய ஒன்பிளஸ் 9ஆர்.டி. ஸ்மார்ட்போன் அக்டோபர் மாத வாக்கில் அறிமுகமாகும் என்றும் இது முந்தைய ஒன்பிளஸ் 9ஆர் போன்றே இந்தியா மற்றும் சீன சந்தைகளில் மட்டுமே விற்பனை செய்யப்படும் என்றும் கூறப்படுகிறது.

அமெரிக்காவை சேர்ந்த எலெக்ட்ரிக் வாகன உற்பத்தியாளரான டெஸ்லா சூரிய தகடு மேற்கூரை மற்றும் சூரிய தகடுகளை விற்பனை செய்து வருகிறது. தற்போது இந்த நிறுவனம் மனித உருவம் கொண்ட ரோபோட் வியாபாரத்தில் களமிறங்க இருக்கிறது.

அதன்படி டெஸ்லா பாட் பெயரில் முதல் ரோபோட்டை டெஸ்லா நிறுவனம் அறிமுகம் செய்தது. இதுபற்றிய அறிவிப்பின் போது, ரோபோட் ஆடை அணிந்த நடிகர் ஒருவர் மேடையில் தோன்றினார். டெஸ்லா பாட் இப்படித் தான் காட்சியளிக்கும் என எலான் மஸ்க் தெரிவித்தார். 

டெஸ்லா பாட் ப்ரோடோடைப் மாடல் அடுத்த ஆண்டு அறிமுகம் செய்யப்படுகிறது. டெஸ்லா பாட் 'ஆப்டிமஸ்' எனும் குறியீட்டு பெயரில் உருவாகிறது. எலெக்ட்ரிக் கார்களின் தானியங்கி அம்சத்திற்கு பயன்படுத்தும் சிப் மற்றும் சென்சார்களையே டெஸ்லா தனது ரோபோட்டிலும் பயன்படுத்துகிறது.

ஒப்போ நிறுவனத்தின் ஏ15 ஸ்மார்ட்போன் கடந்த ஆண்டு அக்டோபர் மாத வாக்கில் இந்திய சந்தையில் அறிமுகம் செய்யப்பட்டது. இதைத் தொடர்ந்து ஒப்போ ஏ15எஸ் ஸ்மார்ட்போன் டிசம்பர் மாதத்தில் அறிமுகமானது. இதனிடையே ஒப்போ ஏ15 விலை குறைக்கப்பட்டு பின், இந்த ஆண்டு ஜூலை மாதத்தில் இதன் விலை உயர்த்தப்பட்டது. 

தற்போது ஜியோவுடன் இணைந்து ஒப்போ நிறுவனம் தனது ஏ15 ஸ்மார்ட்போனின் விலையை குறைத்து இருக்கிறது. விலை குறைப்பின்படி ஒப்போ ஏ15 (3 ஜிபி+32 ஜிபி) மாடல் விலை ரூ. 999 குறைக்கப்பட்டு ரூ. 9,991 என மாறி இருக்கிறது. இத்துடன் வட்டியில்லா மாத தவணை முறை வசதி மற்றும் ரூ. 7 ஆயிரம் மதிப்புள்ள ஜியோ பலன்கள் வழங்கப்படுகிறது.

அம்சங்களை பொருத்தவரை ஒப்போ ஏ15 மாடலில் 6.52 இன்ச் HD+ LCD டிஸ்ப்ளே, மீடியாடெக் ஹீலியோ பி35 பிராஸர், 13 எம்பி பிரைமரி கேமரா, 2 எம்பி மேக்ரோ கேமரா, 2 எம்பி டெப்த் சென்சார் மற்றும் 5 எம்பி செல்பி கேமரா வழங்கப்பட்டு இருக்கிறது.

இத்துடன் கைரேகை சென்சார், டூயல் சிம் 4ஜி, டூயல் பேண்ட் வைபை, ப்ளூடூத் 5, 3.5 எம்.எம். ஆடியோ ஜாக், மைக்ரோ யு.எஸ்.பி. போர்ட் வழங்கப்பட்டு உள்ளது. இந்த ஸ்மார்ட்போன் கலர் ஓ.எஸ். 7.2 சார்ந்த ஆண்ட்ராய்டு 10 மற்றும் 4230 எம்.ஏ.ஹெச். பேட்டரி கொண்டுள்ளது.  

வாட்ஸ்அப் செயலியில் அனுப்பப்படும் குறுந்தகவல்களை தானாக அழிந்து போக செய்யும் அம்சம் கடந்த ஆண்டு நவம்பர் மாத வாக்கில் அறிமுகம் செய்யப்பட்டது. துவக்கத்தில் 7 நாட்களில் குறுந்தகவல்கள் அழிந்து போகும் வகையில் இந்த அம்சம் வழங்கப்பட்டது. 

பின் குறுந்தகவல்கள் 24 மணி நேரத்தில் அழிந்து போகும் வகையில் மாற்றப்பட்டது. அந்த வரிசையில் தற்போது குறுந்தகவல்கள் 90 நாட்கள் கழித்து அழிந்து போக செய்யும் வசதி வழங்கப்பட இருப்பதாக தகவல் வெளியாகி உள்ளது.

புதிய அம்சம் ஏற்கனவே உள்ள 7 நாட்கள் மற்றும் 24 மணி நேரங்களுடன் சேர்க்கப்பட இருக்கிறது. வாட்ஸ்அப் ஆண்ட்ராய்டு, ஐ.ஓ.எஸ். மற்றும் வாட்ஸ்அப் வெப் பதிப்புகளுக்கான பீட்டா வெர்ஷன்களில் இந்த அம்சம் வழங்கப்பட்டு, அதன் பின் அனைவருக்குமான ஸ்டேபில் பதிப்பில் வழங்கப்படுகிறது.

சாம்சங் நிறுவனம் கேலக்ஸி எம்32 5ஜி ஸ்மார்ட்போனின் இந்திய வெளியீட்டு தேதியை அறிவித்து இருக்கிறது.  புது சாம்சங் 5ஜி ஸ்மார்ட்போன் ஆகஸ்ட் 25 ஆம் தேதி இந்தியாவில் அறிமுகமாகிறது. கேலக்ஸி எம்32 5ஜி ஸ்மார்ட்போன் மீடியாடெக் டிமென்சிட்டி 720 பிராசஸர் கொண்டிருக்கிறது. இது 13 5ஜி பேண்ட்களுக்கான வசதியை வழங்குகிறது.

இத்துடன் புகைப்படங்களை எடுக்க 48 எம்பி குவாட் கேமரா சென்சார்கள், 13 எம்பி செல்பி கேமரா வழங்கப்படுகிறது. தோற்றத்தில் இந்த ஸ்மார்ட்போன் முன்னதாக ஐரோப்பிய சந்தையில் அறிமுகம் செய்யப்பட்ட கேலக்ஸி ஏ32 5ஜி மாடல் போன்றே காட்சியளிக்கிறது.

- 6.5 இன்ச் 1600x720 பிக்சல் ஹெச்.டி.+ இன்பினிட்டி வி எல்.சி.டி. ஸ்கிரீன்

- ஆக்டாகோர் மீடியாடெக் டிமென்சிட்டி 720 பிராசஸர்

- மாலி-G57 MC3 GPU

- 4 ஜிபி ரேம், 64 ஜிபி (UFS 2.1) மெமரி

- 6 ஜிபி ரேம், 128 ஜிபி (UFS 2.1) மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 10 மற்றும் ஒன் யு.ஐ.

- டூயல் சிம் ஸ்லாட்

- 48 எம்பி பிரைமரி கேமரா, f/1.8, எல்.இ.டி. பிளாஷ் 

- 8 எம்பி அல்ட்ரா வைடு ஆங்கில் கேமரா, f/2.2

- 2 எம்பி டெப்த் சென்சார்

- 5 எம்பி மேக்ரோ சென்சார், f/2.4

- 13 எம்பி செல்பி கேமரா, f/2.2

- பக்கவாட்டில் கைரேகை சென்சார்

- 3.5 எம்.எம். ஆடியோ ஜாக், டால்பி அட்மோஸ்

- 5ஜி SA/NSA, டூயல் 4ஜி வோல்ட்இ, வைபை, ப்ளூடூத் 5.1

- யு.எஸ்.பி. டைப் சி 

- 5000 எம்.ஏ.ஹெச். பேட்டரி

- 15 வாட் பாஸ்ட் சார்ஜிங்

ஆன்கர் நிறுவனத்தின் சவுண்ட்கோர் இந்தியாவில் புதிய வயர்லெஸ் நெக்பேண்ட் இயர்போனினை அறிமுகம் செய்தது. சவுண்ட்கோர் ஆர்500 என அழைக்கப்படும் புதிய நெக்பேண்ட் இயர்போன் விலை ரூ. 1,399 ஆகும்.

குறைந்த எடை, வளையும் தன்மை, வாட்டர் ரெசிஸ்டண்ட் வசதி, சிறந்த பேஸ் அவுட்புட் போன்ற அம்சங்களை சவுண்ட்கோர் ஆர்500 கொண்டுள்ளது. இந்த நெக்பேண்ட் இயர்போன் 195 எம்.ஏ.ஹெச். பேட்டரி மூலம் சக்தியூட்டப்படுகிறது. இது முழு சார்ஜ் செய்தால் 20 மணி நேரத்திற்கு பேக்கப் வழங்குகிறது. 

இத்துடன் யு.எஸ்.பி. டைப் சி பாஸ்ட் சார்ஜிங், ப்ளூடூத் 5 போன்ற கனெக்டிவிட்டி அம்சங்கள் உள்ளன. இதன் பாஸ்ட் சார்ஜிங் அம்சம் பத்து நிமிடம் சார்ஜ் செய்தால் மூன்று மணி நேரத்திற்கு பேக்கப் வழங்குகிறது. இந்த இயர்போனில் ஏ.ஐ. சார்ந்த மைக்ரோபோன்கள் வழங்கப்பட்டுள்ளன.

இவை சிறப்பான ஆடியோ அனுபவத்தை வழங்குகின்றன. சவுண்ட்கோர் ஆர்500 நெக்பேண்ட் இயர்போன் இந்தியாவில் ப்ளிப்கார்ட் தளத்தில் விற்பனை செய்யப்படுகிறது. இதன் சர்வதேச வெளியீடு மற்றும் விலை பற்றி இதுவரை எந்த அறிவிப்பும் வெளியாகவில்லை.

சியோமி நிறுவனத்தின் ரெட்மி 10 ஸ்மார்ட்போன் அறிமுகம் செய்யப்பட்டது. புதிய ரெட்மி 10 மாடலில் 6.5 இன்ச் புல் ஹெச்.டி. பிளஸ் எல்.சி.டி. ஸ்கிரீன் மற்றும் அடாப்டிவ்சின்க் 90 ஹெர்ட்ஸ் ரிப்ரெஷ் ரேட் வழங்கப்பட்டு இருக்கிறது. இத்துடன் மீடியாடெக் ஹீலியோ ஜி88 பிராசஸர், 50 எம்பி பிரைமரி கேமரா, 8 எம்பி அல்ட்ரா வைடு கேமரா, 2 எம்பி மேக்ரோ கேமரா மற்றும் 2 எம்பி டெப்த் சென்சார் வழங்கப்பட்டுள்ளது.

ஆண்ட்ராய்டு 11 மற்றும் எம்.ஐ.யு.ஐ. 12.5 ஓ.எஸ். கொண்டிருக்கும் ரெட்மி 10 மாடல் மேட் கார்பன் கிரே மற்றும் பெபிள் வைட் நிறங்களில் கிடைக்கிறது. இந்த ஸ்மார்ட்போன் 5000 எம்.ஏ.ஹெச். பேட்டரி, 18 வாட் பாஸ்ட் சார்ஜிங், 22.5 வாட் சார்ஜர் வழங்கப்படுகிறது.

- 6.5 இன்ச் 2400x1080 பிக்சல் FHD+ IPS LCD ஸ்கிரீன்

- கார்னிங் கொரில்லா கிளாஸ் 3

- ஆக்டாகோர் மீடியாடெக் ஹீலியோ ஜி88 பிராசஸர்

- ARM மாலி-G52 2EEMC2 GPU

- 4 ஜிபி LPDDR4x ரேம், 64 ஜிபி / 128 ஜிபி (eMMC 5.1) மெமரி

- 6 ஜிபி LPDDR4x ரேம், 128 ஜிபி (eMMC 5.1) மெமரி

- மெமரியை கூடுதலாக நீட்டிக்கும் வசதி 

- டூயல் சிம் ஸ்லாட் 

- ஆண்ட்ராய்டு 11 மற்றும் எம்.ஐ.யு.ஐ. 12.5

- 50 எம்பி பிரைமரி கேமரா, f/1.8, எல்.இ.டி. பிளாஷ்

- 8 எம்பி அல்ட்ரா வைடு சென்சார், f/2.2

- 2 எம்பி மேக்ரோ லென்ஸ்

- 2 எம்பி டெப்த் சென்சார், f/2.4

- 8 எம்பி செல்பி கேமரா, f/2.0 

- பக்கவாட்டில் கைரேகை சென்சார்

- 3.5 எம்.எம். ஆடியோ ஜாக், எப்.எம். ரேடியோ

- டூயல் 4ஜி வோல்ட்இ, வைபை, ப்ளூடூத் 5.1

- யு.எஸ்.பி. டைப் சி 

- 5000 எம்.ஏ.ஹெச். பேட்டரி

- 18 வாட் பாஸ்ட் சார்ஜிங், 9 வாட் ரிவர்ஸ் வயர்டு சார்ஜிங்

ரெட்மி 10 ஸ்மார்ட்போனின் 4 ஜிபி + 64 ஜிபி மாடல் விலை 179 டாலர்கள், இந்திய மதிப்பில் ரூ. 13,300 என துவங்குகிறது. இதன் 4 ஜிபி + 128 ஜிபி மாடல் விலை 199 டாலர்கள், இந்திய மதிப்பில் ரூ. 14,785 என்றும் 6 ஜிபி + 128 ஜிபி மாடல் விலை 219 டாலர்கள், இந்திய மதிப்பில் ரூ. 16,270 என்றும் நிர்ணயம் செய்யப்பட்டு உள்ளது.

ரியல்மி நிறுவனம் இந்திய சந்தையில் ரியல்மி ஜிடி மற்றும் ரியல்மி ஜிடி மாஸ்டர் எடிஷன் என இரு ஸ்மார்ட்போன்களை அறிமுகம் செய்துள்ளது. ரியல்மி ஜிடி சீரிஸ் விலை ரூ. 25,999 என துவங்கி டாப் எண்ட் மாடல் விலை ரூ. 41,999 என நிர்ணயம் செய்யப்பட்டு உள்ளது.

அம்சங்களை பொருத்தவரை இரு மாடல்களிலும் 6.43 இன்ச் 2400x1080 பிக்சல் சூப்பர் AMOLED டிஸ்ப்ளே, 64 எம்பி பிரைமரி கேமரா, 8 எம்பி அல்ட்ரா வைடு லென்ஸ், 2 எம்பி மேக்ரோ லென்ஸ் வழங்கப்பட்டு உள்ளது. ரியல்மி ஜிடி மாடலில் 16 எம்பி செல்பி கேமரா, ஜிடி மாஸ்டர் எடிஷன் மாடலில் 32 எம்பி செல்பி கேமரா உள்ளது.

ரியல்மி ஜிடி மாடலில் குவால்காம் ஸ்னாப்டிராகன் 888 பிராசஸர், ஜிடி மாஸ்டர் எடிஷன் மாடலில் குவால்காம் ஸ்னாப்டிராகன் 778ஜி பிராசஸர் வழங்கப்பட்டு இருக்கிறது. இரு மாடல்களிலும் டூயல் சிம் ஸ்லாட், 5ஜி, வைபை, ப்ளூடூத் அம்சங்கள் உள்ளன. இத்துடன் இன்-டிஸ்ப்ளே கைரேகை சென்சார் வழங்கப்பட்டு இருக்கிறது.

ரியல்மி ஜிடி மாடல் 4500 எம்.ஏ.ஹெச். பேட்டரி, ஜிடி மாஸ்டர் எடிஷன் மாடல் 4300 எம்.ஏ.ஹெச். பேட்டரி கொண்டிருக்கிறது. இரு மாடல்களிலும் 65 வாட் சூப்பர்டார்ட் பாஸ்ட் சார்ஜிங் வசதி மற்றும் ரியல்மி யு.ஐ. 2.0 சார்ந்த ஆண்ட்ராய்டு 11 ஓ.எஸ். உள்ளது.

சாம்சங் நிறுவனத்தின் கேலக்ஸி ஏ03எஸ் ஸ்மார்ட்போன் இந்தியாவில் அறிமுகமானது. புது ஸ்மார்ட்போனில் 6.5 இன்ச் ஹெச்.டி. பிளஸ் இன்பினிட்டி வி டிஸ்ப்ளே, ஆக்டா-கோர் மீடியாடெக் ஹீலியோ பி35 பிராசஸர், அதிகபட்சம் 4 ஜிபி ரேம், ஆண்ட்ராய்டு 11 மற்றும் ஒன் யு.ஐ. 3.1 கோர் வழங்கப்பட்டு இருக்கிறது.

புகைப்படங்களை எடுக்க 13 எம்பி பிரைமரி கேமரா, 2 எம்பி டெப்த் லென்ஸ், 2 எம்பி மேக்ரோ கேமரா, 5 எம்பி செல்பி கேமரா வழங்கப்பட்டுள்ளது. இதன் பக்கவாட்டில் கைரேகை சென்சார், 5000 எம்.ஏ.ஹெச். பேட்டரி வழங்கப்பட்டு இருக்கிறது. 

சாம்சங் கேலக்ஸி ஏ03எஸ் ஸ்மார்ட்போன் பிளாக், புளூ மற்றும் வைட் நிறங்களில் கிடைக்கிறது. இதன் 3 ஜிபி + 32 ஜிபி மாடல் விலை ரூ. 11,499 என்றும் 4 ஜிபி + 64 ஜிபி மாடல் விலை ரூ. 12,499 என்றும் நிர்ணயம் செய்யப்பட்டு உள்ளது.