தொழில்நுட்பச் செய்திகள்

சாம்சங் நிறுவனத்தின் கேலக்ஸி நோட் 20 பேன் எடிஷன் மாடல் விரைவில் அறிமுகம் செய்யப்பட இருக்கிறது. முன்னதாக கேலக்ஸி எஸ்20 எப்இ மாடலை வழக்கமான எஸ் சீரிசை விட குறைந்த விலையில் சாம்சங் அறிமுகம் செய்தது. 

புதிய பேன் எடிஷன் மூலம் சாம்சங் ஒன்பிளஸ் 8டி மற்றும் சியோமி எம்ஐ 10டி ப்ரோ போன்ற மாடல்களை எதிர்கொள்ள சாம்சங் நிறுவனம் திட்டமிட்டு இருக்கிறது. இந்நிலையில், புதிய நோட் 20 எப்இ மாடல் விவரங்கள் சாம்சங் பிரேசல் வலைதளத்தில் லீக் ஆகி இருக்கிறது.

சாம்சங் கேலக்ஸி நோட் 20 பேன் எடிஷன் மாடல் அந்நிறுவனத்தின் பிரேசில் நாட்டு வலைதளத்தில் பட்டியலிடப்பட்டு பின் உடனடியாக நீக்கப்பட்டு விட்டது. புதிய கேலக்ஸி நோட் 20 எப்இ மாடல் வெளியீடு பற்றி சாம்சங் சார்பில் இதுவரை எந்த தகவலும் வழங்கப்படவில்லை.

சிறப்பம்சங்களை பொருத்தவரை புதிய நோட் 20 பேன் எடிஷனில் ஸ்னாப்டிராகன் 865 பிராசஸர், எஸ் பென், பிளாஸ்டிக் பேனல், சற்றே பெரிய பேட்டரி, பாஸ்ட் சார்ஜிங் உள்ளிட்டவை வழங்கப்படலாம் என தெரிகிறது. கேமரா அம்சங்களில் கேலக்ஸி எஸ்20 எப்இ மாடலில் உள்ளதை போன்றே வழங்கப்படலாம்.

சியோமி நிறுவனம் புதிய எம்ஐ நோட்புக் 14 இ லெர்னிங் எடிஷனை இந்திய சந்தையில் அறிமுகம் செய்தது. இதில் 14 இன்ச் புல் ஹெச்டி டிஸ்ப்ளே, 10th Gen இன்டெல் கோர் ஐ3 பிராசஸர், அதிகபட்சம் 8 ஜிபி ரேம் மற்றும் 256 ஜிபி எஸ்எஸ்டி வழங்கப்பட்டு இருக்கிறது.

இந்த நோட்புக் மெட்டல் சேசிஸ் மெல்லிய யுனிபாடி கொண்டிருக்கிறது. இதில் பிரிண்ட் செய்யப்பட்ட கீ டெக்ஸ்ட் மற்றும் சிசர்-ஸ்விட்ச் கீபோர்டு வழங்கப்பட்டு இருக்கிறது. எனினும், இதில் பிரத்யேக நம்பர் பேட் வழங்கப்படவில்லை.

சியோமி எம்ஐ நோட்புக் 14 இ லெர்னிங் எடிஷன் சிறப்பம்சங்கள்

- 14 இன்ச் 1920x1080 பிக்சல் டிஸ்ப்ளே

- 2.1 ஜிகாஹெர்ட்ஸ் இன்டெல் கோர் ஐ3-10110யு பிராசஸர்

- இன்டெல் UHD கிராபிக்ஸ் 620

- 8ஜிபி DDR4 2666MHz ரேம்

- 256ஜிபி SATA எஸ்எஸ்டி

- விண்டோஸ் 10 ஹோம் எடிஷன்

- இன் பில்ட் ஹெச்டி வெப்கேமரா

- வைபை, ப்ளூடூத் 5

- 2 x யுஎஸ்பி 3.1, 1 x யுஎஸ்பி 2.0, 1 x ஹெச்டிஎம்ஐ 1.4b

- 3.5எம்எம் ஹெட்போன் / மைக்ரோபோன் ஜாக் 

- 46 வாட் பேட்டரி

- பாஸ்ட் சார்ஜிங்

- 65 வாட் அடாப்டர்

எம்ஐ நோட்புக் 14 இ லெர்னிங் எடிஷன் ரூ. 34,999 விலையில் கிடைக்கிறது. இதன் விற்பனை அமேசான் மற்றும் எம்ஐ வலைதளங்களில் நடைபெறுகிறது.

சியோமி நிறுவனம் இந்திய சந்தையில் ஒரு கோடி எம்ஐ பவர் பேங்க் மாடல்களை விற்பனை செய்து இருப்பதாக அறிவித்து இருக்கிறது. ஒரு கோடி யூனிட்களும் மேக் இன் இந்தியா திட்டத்தின் கீழ் இந்தியாவிலேயே உற்பத்தி செய்யப்பட்டவை என சியோமி அறிவித்து உள்ளது.

சீன நிறுவனமான சியோமி 2017 ஆம் ஆண்டு முதல் இந்தியாவில் பவர் பேங்க் மாடல்களை உற்பத்தி செய்து வருகிறது. இந்திய விற்பனை துவங்கிய மூன்று ஆண்டுகளில் ஒரு கோடி யூனிட்களை விற்பனை செய்ததாக அறிவித்து இருக்கிறது. 

முன்னதாக காம்பேக்ட் பவர் பேங்க் மாடலின் இந்திய வெளியீட்டை சியோமி அறிவித்த நிலையில், தற்சமயம் புதிய மைல்கல் பற்றிய அறிவிப்பு வெளியாகி உள்ளது. ஒரு கோடி எம்ஐ பவர்பேங்க் விற்பனை விவரங்களை சியோமி தனது அதிகாரப்பூர்வ ட்விட்டர் கணக்கில் தெரிவித்து இருக்கிறது.

 

இந்தியாவில் சியோமி நிறுவனம் ஐந்து பவர் பேங்க் மாடல்களை விற்பனை செய்து வருகிறது. இதில் எம்ஐ பவர்பேங்க் 3ஐ 20,000 எம்ஏஹெச், எம்ஐ பவர்பேங்க் 3ஐ 10,000 எம்ஏஹெச், எம்ஐ வயர்லெஸ் பவர்பேங்க் 10,000 எம்ஏஹெச், ரெட்மி பவர் பேங்க் 20,000 எம்ஏஹெச் மற்றும் ரெட்மி பவர் பேங்க் 10,000 எம்ஏஹெச் உள்ளிட்டவை அடங்கும்.

சாம்சங் நிறுவனம் டபிள்யூ21 5ஜி ஸ்மார்ட்போனினை சீன சந்தையில் அறிமுகம் செய்துள்ளது. இதன் சிறப்பம்சங்கள் பெரும்பாலும் கேலக்ஸி இசட் போல்டு 5ஜி மாடலில் உள்ளதை போன்றே வழங்கப்பட்டு இருக்கிறது.

அதன்படி புதிய டபிள்யூ21 5ஜி மாடலில் 7.6 இன்ச் QXGA+ இன்பினிட்டி ஒ டைனமிக் AMOLED ஸ்கிரீன், சாம்சங் மிக மெல்லிய கிளாஸ் மற்றும் 6.2 இன்ச் ஹெச்டி பிளஸ் சூப்பர் AMOLED இன்பினிட்டி பிளெக்ஸ் டிஸ்ப்ளே வழங்கப்பட்டு இருக்கிறது. இதனுடன் டூயல் நானோ சிம் வசதி, புதிய க்ளிட்டர் கோல்டு நிறம் வழங்கப்பட்டு இருக்கிறது. 

சாம்சங் கேலக்ஸி டபிள்யூ21 5ஜி சிறப்பம்சங்கள்

- 7.3 இன்ச் 2208x1768 பிக்சல் QXGA+ 22.5:18 இன்பினிட்டி ஒ டைனமிக் AMOLED மெயின் டிஸ்ப்ளே 

- 6.23 இன்ச் 2260x816 பிக்சல் 25:9 ஹெச்டி+ சூப்பர் AMOLED இன்பினிட்டி ப்ளெக்ஸ் கவர் டிஸ்ப்ளே

- ஆக்டா-கோர் குவால்காம் ஸ்னாப்டிராகன் 865 பிளஸ் பிராசஸர்

- அட்ரினோ 650 GPU

- 12 ஜிபி LPDDR5 ரேம்

- 512 ஜிபி (UFS 3.1)  மெமரி

- ஆண்ட்ராய்டு 10 மற்றும் ஒன் யுஐ 2.5

- டூயல் சிம் 

- 12 எம்பி பிரைமரி கேமரா, எல்இடி பிளாஷ், f/1.8, PDAF, OIS

- 12 எம்பி டெலிபோட்டோ லென்ஸ், f/2.4, PDAF, OIS

- 12 எம்பி 120° அல்ட்ரா வைடு கேமரா, f/2.2

- 10 எம்பி கவர் மற்றும் 10 எம்பி செல்பி கேமரா, f/2.2

- ஸ்டீரியோ ஸ்பீக்கர், டால்பி அட்மோஸ்

- பக்கவாட்டில் கைரேகை சென்சார்

- 5ஜி SA/NSA, டூயல் 4ஜி வோல்ட்இ, வைபை 802.11ax, ப்ளூடூத் 5

- யுஎஸ்பி டைப் சி

- 4500 எம்ஏஹெச் பேட்டரி

- 25 வாட் வையர்டு மற்றும் 11 வாட் வயர்லெஸ் சார்ஜிங்

சாம்சங் கேலக்ஸி டபிள்யூ21 5ஜி மாடல் விலை 3 ஆயிரம் டாலர்கள், இந்திய மதிப்பில் ரூ. 2,23,535 என நிர்ணயம் செய்யப்பட்டு உள்ளது. இதன் முன்பதிவு நவம்பர் 20 ஆம் தேதி துவங்குகிறது.

ஏர்டெல் நிறுவன வாடிக்கையாளர்களுக்கு மூன்று மாதங்களுக்கு இலவச யூடியூப் பிரீமியம் சந்தா முற்றிலும் இலவசமாக வழங்கப்படுகிறது. இந்த சலுகை தேர்வு செய்யப்பட்ட வாடிக்கையாளர்களுக்கு ஏர்டெல் தேங்ஸ் செயலி மூலம் வழங்கப்படுகிறது.

இலவச சந்தா யூடியூப் மியூசிக் பிரீமியம், யூடியூப் பிரீமியம், யூடியூப் ரெட் அல்லது கூகுள் பிளே மியூசிக் உள்ளிட்ட சேவைகளை பயன்படுத்தாத வாடிக்கையாளர்களுக்கும் வழங்கப்படுகிறது. 

தற்போது யூடியூப் பிரீமியம் சேவைக்கான மாத சந்தா கட்டணம் ரூ. 129 என நிர்ணயம் செய்யப்பட்டு இருக்கிறது. இதில் விளம்பரம் இல்லா சேவை, பேக்கிரவுண்டு பிளேபேக் மற்றும் யூடியூப் மியூசிக் சேவைக்கான சந்தா உள்ளிட்டவை அடங்கும்.

இலவச யூடியூப் பிரீமியம் சந்தா ஏர்டெல் வாடிக்கையாளர்களுக்கு ஏப்ரல் 22, 2021 வரை வழங்கப்படுகிறது. இந்த அம்சம் சில தினங்களுக்கு முன் அறிவிக்கப்பட்டு தற்சமயம் பெரும்பாலானோருக்கு வழங்கப்படுகிறது. 

ஏர்டெல் வலைதள விவரங்களின் படி இலவச சந்தா புதிய யூடியூப் பிரீமியம் வாடிக்கையாளர்களுக்கு மட்டும் வழங்கப்படுகிறது. அந்த வகையில் ஏற்கனவே யூடியூப் பிரீமியம் சந்தா பயன்படுத்துவோர் இந்த பலனை பெற முடியாது. 

மேலும் இது யூடியூப் மியூசிக் பிரீமியம், யூடியூப் ரெட் மற்றும் கூகுள் பிளே மியூசிக் சந்தாதாரர்களுக்கு வழங்கப்படாது என ஏர்டெல் வலைதளத்தில் தெரிவிக்கப்பட்டு இருக்கிறது.

இன்பினிக்ஸ் நிறுவனம் இந்திய சந்தையில் புதிய ஸ்மார்ட்போனினை பட்ஜெட் பிரிவில் அறிமுகம் செய்துள்ளது. இது ஸ்மார்ட் 4 என அழைக்கப்படுகிறது. இன்பினிக்ஸ் ஸ்மார்ட் 4 மாடலில் 6.82 இன்ச் ஹெச்டி பிளஸ் டிஸ்ப்ளே, மீடியாடெக் ஹீலியோ ஏ22 பிராசஸர், 2 ஜிபி ரேம் வழங்கப்பட்டு உள்ளது.

புகைப்படங்களை எடுக்க 13 எம்பி பிரைமரி கேமரா, டெப்த் சென்சார் மற்றும் 8 எம்பி செல்பி கேமரா வழங்கப்பட்டு உள்ளது. இத்துடன் ஆண்ட்ராய்டு 10 கோ எடிஷன் மற்றும் எக்ஸ்ஒஎஸ் 6.0 டால்பின் ஸ்கின் வழங்கப்பட்டு இருக்கிறது. 

இன்பினிக்ஸ் ஸ்மார்ட் 4 சிறப்பம்சங்கள்

- 6.82 இன்ச் 1640x720 பிக்சல் HD+ 20.5:9 2.5D வளைந்த கிளாஸ் டிஸ்ப்ளே

- 2 ஜிகாஹெர்ட்ஸ் குவாட்கோர் மீடியாடெக் ஹீலியோ ஏ22 பிராசஸர்

- IMG PowerVR GE-class GPU

- 2ஜிபி ரேம்

- 32ஜிபி மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 10 (கோ எடிஷன்) மற்றும் எக்ஸ்ஒஎஸ் 6.2

- டூயல் சிம் ஸ்லாட்

- 13 எம்பி பிரைமரி கேமரா, f/1.8, ட்ரிபில் எல்இடி பிளாஷ்

- டெப்த் சென்சார்

- 8 எம்பி செல்பி கேமரா, f/2.0, டூயல் எல்இடி பிளாஷ்

- கைரேகை சென்சார்

- 3.5 எம்எம் ஆடியோ ஜாக், டிடிஎஸ் ஹெச்டி சவுண்ட்

- 4ஜி வோல்ட்இ, வைபை, ப்ளூடூத் 5

- மைக்ரோ யுஎஸ்பி

- 6000 எம்ஏஹெச் பேட்டரி

- 10வாட் சார்ஜிங்

இன்பினிக்ஸ் ஸ்மார்ட் 4 மாடல் மிட்நைட் பிளாக், குயிட்சல் சியான், ஓசன் வேவ் மற்றும் வயலெட் நிறங்களில் கிடைக்கிறது. இந்தியாவில் இதன் விலை ரூ. 6999 என நிர்ணயம் செய்யப்பட்டு உள்ளது.

 

ஹூவாயின் ஹானர் பிராண்டு சர்வதேச சந்தையில் ஹானர் 10எக்ஸ் லைட் ஸ்மார்ட்போனினை அறிமுகம் செய்ய இருக்கிறது. இதற்கான அறிமுக நிகழ்வு நவம்பர் 10 ஆம் தேதி நடைபெற இருக்கிறது. முன்னதாக இதே ஸ்மார்ட்போன் சவுதி அரேபியா சந்தையில் அறிமுகம் செய்யப்பட்டது.

இந்த மாடலில் 6.67 இன்ச் FHD+ ஸ்கிரீன், கிரின் 710 பிராசஸர், 4 ஜிபி ரேம், ஆண்ட்ராய்டு 10, மேஜிக் யுஐ 3.1, 48 எம்பி பிரைமரி கேமரா, 5 எம்பி அல்ட்ரா வைடு கேமரா, 2 எம்பி மேக்ரோ கேமரா, 2 எம்பி போர்டிரெயிட் கேமரா வழங்கப்பட்டு இருக்கிறது. 

கிரேடியன்ட் பேக், பக்கவாட்டில் கைரேகை சென்சார் கொண்டிருக்கும் ஹானர் 10எக்ஸ் லைட் ஸ்மார்ட்போன் 5000 எம்ஏஹெச் பேட்டரி மூலம் சக்தியூட்டப்படுகிறது. இத்துடன் 22.5 வாட் ஹானர் சூப்பர்சார்ஜ் பாஸ்ட் சார்ஜிங் வசதி வழங்கப்பட்டு உள்ளது. 

புதிய ஹானர் ஸ்மார்ட்போன் சர்வதேச வெளியீடு அறிவிக்கப்பட்டு விட்ட நிலையில், இந்தியா உள்பட மற்ற நாடுகளில் இதன் வெளியீடு பற்றி இதுவரை எந்த தகவலும் இல்லை. 

நாய்ஸ் நிறுவனத்தின் புதிய ஏர் பட்ஸ் ட்ரூ வயர்லெஸ் இயர்போன் இந்திய சந்தையில் அறிமுகம் செய்யப்பட்டது. இந்த இயர்போன் தொடுதிரை வசதி கொண்டுள்ளது. இதை கொண்டு மியூசிக் கண்ட்ரோல், அழைப்புகளை ஏற்பது, நிராகரிப்பது, சிரி அல்லது கூகுள் அசிஸ்டண்ட் உள்ளிட்ட சேவைகளை இயக்க முடியும்.

இதில் உள்ள 13 எம்எம் டைனமிக் டிரைவர்கள் தெளிவான ஆடியோ அனுபவத்தை வழங்குகின்றன. இதில் ப்ளூடூத் 5, ஐபிஎக்ஸ்4 தர வாட்டர் ரெசிஸ்டண்ட் வசதி போன்றவை வழங்கப்பட்டு இருக்கின்றன. இதன் இயர்பட்ஸ் 4 மணி நேர பேட்டரி பேக்கப் வழங்குகிறது.

நாய்ஸ் ஏர் பட்ஸ் அம்சங்கள்

- ப்ளூடூத் 5

- 13 எம்எம் டைனமிக் டிரைவர்கள்

- ஸ்மார்ட் டச் கண்ட்ரோல்

- வாட்டர் ரெசிஸ்டண்ட் வசதி

- கூகுள் அசிஸ்டண்ட் மற்றும் சிரி வாய்ஸ் அசிஸ்டண்ட்

- இயர்பட்களில் 45 எம்ஏஹெச் பேட்டரி

- சார்ஜிங் கேசில் 500 எம்ஏஹெச் பேட்டரி

- யுஎஸ்பி டைப் சி சார்ஜிங் போர்ட்

நாய்ஸ் ஏர் பட்ஸ் ஐசி வைட் நிறத்தில் கிடைக்கிறது. இந்தியாவில் இதன் விலை ரூ. 1999 என நிர்ணயம் செய்யப்பட்டு உள்ளது. இது அமேசான் மற்றும் நாய்ஸ் அதிகாரப்பூர்வ வலைதளங்களில் கிடைக்கிறது.

இந்தியாவில் விவோ நிறுவனம் தனது வை91ஐ ஸ்மார்ட்போனின் விலையை குறைப்பதாக அறிவித்து இருக்கிறது. புதிய விலை அந்நிறுவன வலைதளத்தில் மாற்றப்பட்டு விட்டது.

விவோ வை91ஐ ஸ்மார்ட்போன் மார்ச் மாத வாக்கில் அறிமுகம் செய்யப்பட்டது. இந்த ஸ்மார்ட்போன் 2ஜிபி + 16 ஜிபி, 2 ஜிபி + 32 ஜிபி மற்றும் 3 ஜிபி + 32 ஜிபி போன்ற மெமரி ஆப்ஷன்களில் கிடைக்கிறது. 

விலை குறைப்பை தொடர்ந்து விவோ வை91ஐ மாடல் 3 ஜிபி + 32 ஜிபி மாடல் ரூ. 8490 விலையில் விற்பனை செய்யப்படுகிறது. புதிய விலை விவோ வலைதளம், அமேசானில் ஏற்கனவே மாற்றப்பட்டு விட்டது. 

ப்ளிப்கார்ட் தளத்தில் இந்த மாடல் ரூ. 8999 என நிர்ணயம் செய்யப்பட்டு இருக்கிறது. இதன் பேஸ் மாடல் 2 ஜிபி + 16 ஜிபி மாடல் ரூ. 7490, 2 ஜிபி + 32 ஜிபி மாடல் ரூ. 7,999 விலையில் விற்பனை செய்யப்படுகிறது. 

விவோ வை91ஐ ஸ்மார்ட்போனில் 6.2 இன்ச் ஹெச்.டி. பிளஸ் 19:9 ஹாலோ ஃபுல் வியூ டிஸ்ப்ளே, ஹீலியோ P22 ஆக்டா-கோர் 12 என்.எம். பிராசஸர், 2 ஜி.பி. ரேம், 16 ஜி.பி. / 32 ஜி.பி. மெமரி வழங்கப்பட்டுள்ளது. 

டூயல் சிம் ஸ்லாட் கொண்டிருக்கும் இந்த ஸ்மார்ட்போனில் புகைப்படங்களை எடுக்க 13 எம்.பி. பிரைமரி கேமரா, எல்.இ.டி. ஃபிளாஷ், f/2.2, 8 எம்.பி. செல்ஃபி கேமரா, f/1.8 வழங்கப்பட்டுள்ளது.

உலக நாடுகளை ஆட்டிப்படைத்துக் கொண்டு இருக்கும் கொரோனாவைரஸ் பாதிப்பு, சரியாகி மீண்டும் இயல்பு நிலை திரும்ப சில காலம் ஆகும் என்றே தெரிகிறது. கொரோனாவைரஸ் பாதிப்பு ஏற்படுவோர் எண்ணிக்கை தொடர்ந்து அதிகரித்து கொண்டே வருகிறது. 

மேலும் தொற்று ஏற்பட்டு இருக்கிறதா என்பதை கண்டறிவதற்கான சோதனையை செய்து கொள்வோர் எண்ணிக்கையும் அதிகரித்து கொண்டு வருகிறது. இந்நிலையில் மசாசூட்ஸ் தொழில்நுட்ப மையத்தை சேர்ந்த ஆராய்ச்சியாளர்கள் மக்கள் இருமலை ஆய்வு செய்து கொரோனா பாதிப்பு உள்ளதா என தெரிவிக்கும் செயலியை உருவாக்கி உள்ளனர்.

பல்வேறு ஆன்லைன் தகவல்களின் படி, ஆராய்ச்சியாளர்கள் மெஷின் லெர்னிங் மற்றும் செயற்கை நுண்ணறிவு தொழில்நுட்பங்களை பயன்படுத்தி கொரோனா தொற்று ஏற்பட்டு இருக்கிறதா என்பதை செயலி கண்டறிந்து தெரிவிக்கிறது. 

ஆராய்ச்சியாளர்கள் குழு கொரோனா தொற்று ஏற்பட்ட 70 ஆயிரம் பேரின் இருமல் சத்தங்களை ஆய்வு செய்தனர். பின் 2 லட்சம் இருமல் பதிவுகளை ஆய்வு செய்து 2500 பேருக்கு கொரோனா தொற்று ஏற்பட்டு இருப்பதை உறுதி செய்தது. இந்த ஆய்வில் செயலி 98.5 சதவீதம் சரியாக முடிவுகளை தெரிவித்து உள்ளது.

மைக்ரோமேக்ஸ் இன் பிராண்டு 1பி ஸ்மார்ட்போன் இந்திய சந்தையில் அறிமுகம் செய்யப்பட்டது. இந்த ஸ்மார்ட்போனில் 6.52 இன்ச் ஹெச்டி பிளஸ் மினி டிராப் எல்சிடி ஸ்கிரீன், மீடியாடெக் ஹீலியோ ஜி35 பிராசஸர், அதிகபட்சம் 4 ஜிபி ரேம் வழங்கப்பட்டு இருக்கிறது.

இத்துடன் ஆண்ட்ராய்டு 10 ஒஎஸ், 13 எம்பி பிரைமரி கேமரா, 2 எம்பி டெப்த் சென்சார், 8 எம்பி செல்பி கேமரா வழங்கப்பட்டு உள்ளது. பின்புற பேனல் மெட்டாலிக் மேட் பினிஷ் கொண்டுள்ளது. மேலும் 5000 எம்ஏஹெச் பேட்டரி, 10 வாட் சார்ஜிங் மற்றும் யுஎஸ்பி டைப் சி வழங்கப்பட்டு உள்ளது.

மைக்ரோமேக்ஸ் இன் 1பி சிறப்பம்சங்கள்

- 6.52 இன்ச் 1600x720 பிக்செல் ஹெச்டி பிளஸ் 20:9 மினி டிராப் டிஸ்ப்ளே

- 2.3GHz ஆக்டாகோர் மீடியாடெக் ஹீலியோ ஜி35 பிராசஸர்

- IMG PowerVR GE8320 GPU

- 2ஜிபி LPDDR4x ரேம் / 32ஜிபி (eMMC 5.1) மெமரி 

- 4ஜிபி LPDDR4x ரேம் / 64ஜிபி (eMMC 5.1) மெமரி

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட் 

- ஆண்ட்ராய்டு 10

- 13 எம்பி பிரைமரி, f/1.8, LED பிளாஷ்

- 2 எம்பி டெப்த் சென்சார்

- 8 எம்பி செல்மபி கேமரா

- பின்புறம் கைரேகை சென்சார்

- 3.5 எம்எம் ஆடியோ ஜாக்

- எப்எம் ரேடியோ

- டூயல் 4ஜி வோல்ட்இ, வைபை, ப்ளூடூத் 5

- யுஎஸ்பி டைப் சி

- 5000 எம்ஏஹெச் பேட்டரி

- 10வாட் சார்ஜிங் 

மைக்ரோமேக்ஸ் இன் 1பி ஸ்மார்ட்போன் பர்ப்பிள், புளூ மற்றும் கிரீன் நிறங்களில் கிடைக்கிறது. இதன் 2ஜிபி + 32ஜிபி மாடல் ரூ. 6,999 என்றும் 4ஜிபி + 64ஜிபி மாடல் ரூ. 7,999 என நிர்ணயம் செய்யப்பட்டு உள்ளது. இதன் விற்பனை நவம்பர் 26 ஆம் தேதி துவங்குகிறது.

மைக்ரோமேக்ஸ் நிறுவனம் தனது புதிய இன் பிராண்டில் நோட் 1 ஸ்மார்ட்போனை அறிமுகம் செய்து உள்ளது. இதில் 6.67 புல் ஹெச்டி பிளஸ் எல்சிடி ஸ்கிரீன், மீடியாடெக் ஹீலியோ ஜி85 பிராசஸர், அதிகபட்சம் 4 ஜிபி ரேம், ஆண்ட்ராய்டு 10 ஒஎஸ் வழங்கப்பட்டு இருக்கிறது.

புகைப்படங்களை எடுக்க 48 எம்பி பிரைமரி கேமரா, 5 எம்பி அல்ட்ரா வைடு கேமரா, 2 எம்பி மேக்ரோ சென்சார், 2 எம்பி டெப்த் சென்சார் மற்றும் 16 எம்பி செல்பி கேமரா வழங்கப்பட்டு உள்ளது.

பின்புறம் கிரேடியன்ட் பினிஷ், 5000 எம்ஏஹெச் பேட்டரி, 18 வாட் பாஸ்ட் சார்ஜிங், யுஎஸ்பி டைப் சி, ரிவர்ஸ் சார்ஜிங் போன்ற வசதிகள் வழங்கப்பட்டு இருக்கின்றன.

மைக்ரோமேக்ஸ் இன் நோட் 1 சிறப்பம்சங்கள்

- 6.67 இன்ச் புல் ஹெச்டி பிளஸ் டிஸ்ப்ளே

- ஆக்டாகோர் மீடியாடெக் ஹீலியோ ஜி85 பிராசஸர்

- 1000MHz ARM மாலி-G52 2EEMC2 GPU

- 4 ஜிபி LPPDDR4x ரேம்

- 64 ஜிபி / 128 ஜிபி (eMMC 5.1) மெமரி

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட்

- ஆண்ட்ராய்டு 10

- 48 எம்பி பிரைமரி கேமரா, 0.8μm பிக்சல், LED பிளாஷ்

- 5 எம்பி அல்ட்ரா வைடு ஆங்கில் லென்ஸ்

- 2 எம்பி மேக்ரோ லென்ஸ்

- 2 எம்பி டெப்த் சென்சார், f/2.4

- 16 எம்பி செல்பி கேமரா

- பின்புறம் கைரேகை சென்சார்

- கூகுள் அசிஸ்டண்ட் பட்டன்

- 3.5 எம்எம் ஆடியோ ஜாக், எப்எம் ரேடியோ

- டூயல் 4ஜி வோல்ட்இ, வைபை, ப்ளூடூத் 5

- யுஎஸ்பி டைப் சி

- 5000 எம்ஏஹெச் பேட்டரி

- 18 வாட் பாஸ்ட் சார்ஜிங் 

மைக்ரோமேக்ஸ் இன் நோட் 1 ஸ்மார்ட்போன் கிரீன் மற்றும் வைட் நிறங்களில் கிடைக்கிறது. இந்தியாவில் இதன் 4 ஜிபி + 64 ஜிபி மாடல் விலை ரூ. 10,999 என்றும் 4 ஜிபி + 128 ஜிபி மாடல் விலை ரூ. 12,999 என நிர்ணயம் செய்யப்பட்டு உள்ளது. இதன் விற்பனை நவம்பர் 24 ஆம் தேதி துவங்குகிறது.