என் மலர்
தொழில்நுட்பச் செய்திகள்
சியோமி நிறுவனம் சமீபத்தில் அறிமுகம் செய்த ரெட்மி நோட் 10 ஸ்மார்ட்போன் அமேசான் தளத்தில் ஓபன் சேல் விற்பனைக்கு வந்தது.
சியோமி நிறுவனம் கடந்த மாதம் இந்தியாவில் அறிமுகம் செய்த ரெட்மி நோட் 10 ஸ்மார்ட்போன் ஆன்லைன் தளங்களில் பிளாஷ் விற்பனை செய்யப்பட்டு வந்தது. பிளாஷ் முறையில் விற்பனை நடைபெற்றதை தொடர்ந்து, ரெட்மி நோட் 10 ஸ்மார்ட்போனின் 6 ஜிபி + 128 ஜிபி மாடல் எப்போது வேண்டுமானாலும் வாங்கிக் கொள்ளலாம் என அறிவிக்கப்பட்டு இருக்கிறது.
புதிய ரெட்மி நோட் 10 மாடல் ஓபன் சேல் விற்பனையில் கிடைப்பதாக சியோமி தெரிவித்து இருக்கிறது. சிறப்பம்சங்களை பொருத்தவரை ஸ்மார்ட்போனில் 6.43 இன்ச் புல் ஹெச்டி பிளஸ் AMOLED ஸ்கிரீன், கார்னிங் கொரில்லா கிளாஸ் 3, 13 எம்பி செல்பி கேமரா, ஸ்னாப்டிராகன் 648 பிராசஸர் வழங்கப்பட்டு இருக்கிறது.
இத்துடன் அதிகபட்சம் 8 ஜிபி ரேம், ஆண்ட்ராய்டு 11, புகைப்படங்களை எடுக்க 48 எம்பி பிரைமரி கேமரா, 8 எம்பி அல்ட்ரா வைடு ஆங்கில் லென்ஸ், 2 எம்பி டெப்த் மற்றும் 2 எம்பி போர்டிரெயிட் கேமரா வழங்கப்படுகிறது. பக்கவாட்டில் கைரேகை சென்சார், 5000 எம்ஏஹெச் பேட்டரி, 33 வாட் பாஸ்ட் சார்ஜிங் வசதி வழங்கப்பட்டு உள்ளது.
ரெட்மி நோட் 10 ஸ்மார்ட்போனின் 4 ஜிபி + 64 ஜிபி மெமரி மாடல் விலை ரூ. 11,999 என்றும் 6 ஜிபி + 128 ஜிபி மெமரி மாடல் விலை ரூ. 13,999 என நிர்ணயம் செய்யப்பட்டு உள்ளது.
ஐகூ நிறுவனம் சீன சந்தையில் அறிமுகம் செய்த நியோ 5 ஸ்மார்ட்போனினை விரைவில் இந்தியாவில் அறிமுகம் செய்ய இருக்கிறது.
ஐகூ நியோ 5 ஸ்மார்ட்போன் விரைவில் இந்திய சந்தையில் அறிமுகம் செய்ய இருக்கிறது. இதனை உறுதிப்படுத்தும் வகையில் ஐகூ நியோ 5 பிஐஎஸ் சான்று பெற்று இருக்கிறது. இந்த ஸ்மார்ட்போன் ஐ2012 எனும் மாடல் நம்பர் கொண்டிருக்கிறது. முன்னதாக இந்த ஸ்மார்ட்போன் கூகுள் பிளே கன்சோல் வலைதளத்தில் இடம்பெற்று இருந்தது.
புதிய ஐகூ நியோ 5 ஸ்மார்ட்போன் ஐகூ 7 லெஜண்ட் மாடலுடன் அறிமுகம் செய்யப்படலாம் என கூறப்படுகிறது. மார்ச் மாத வாக்கில் சீன சந்தையில் அறிமுகம் செய்யப்பட்ட ஐகூ 5 நியோ மாடலில் பன்ச் ஹோல் டிஸ்ப்ளே, 120 ஹெர்ட்ஸ் ரிப்ரெஷ் ரேட், ஸ்னாப்டிராகன் 870 பிளஸ் பிராசஸர், 8 ஜிபி ரேம், 66 வாட் பாஸ்ட் சார்ஜிங் வசதி உள்ளது.
புகைப்படங்களை எடுக்க 48 எம்பி பிரைமரி கேமரா, OIS, LED பிளாஷ், 13 எம்பி அல்ட்ரா வைடு ஆங்கில் லென்ஸ், 2 எம்பி மேக்ரோ, 2 எம்பி மோனோ சென்சார் உள்ளது. இத்துடன் 16 எம்பி செல்பி கேமரா வழங்கப்பட்டு இருக்கிறது. இத்துடன் 4400 எம்ஏஹெச் பேட்டரி வழங்கப்படுகிறது.
நுகர்வோர் மின்சாதன பொருட்களை விற்பனை செய்யும் போர்டிரானிக்ஸ் பிராண்டு இந்திய சந்தையில் புது நெக்பேண்ட் இயர்போனை அறிமுகம் செய்தது.
போர்டிரானிக்ஸ் பிராண்டின் புதிய ஹார்மோனிக்ஸ் 230 வயர்லெஸ் ஸ்போர்ட்ஸ் நெக்பேண்ட் இயர்போன் மாடலை இந்திய சந்தையில் அறிமுகம் செய்து இருக்கிறது. இது ஆக்டிவ் சிவிசி 8.0 நாய்ஸ் ரிடக்ஷன் தொழில்நுட்பம், 7 மணி நேர பேட்டரி பேக்கப், ப்ளூடூத் 5 மற்றும் பல்வேறு அம்சங்களை கொண்டுள்ளது.
ஹார்மோனிக்ஸ் 230 வயர்லெஸ் ஹெட்செட் 10எம்எம் டிரைவர்களை கொண்டுள்ளது. இதில் உள்ள நாய்ஸ் ரிடக்ஷன் தொழில்நுட்பம் அழைப்புகளின் போது தெளிவான ஆடியோவை வழங்குகிறது. இயர்பட்களின் பின்புறம் காந்தம் உள்ளதால், அவை எளிதில் வைத்துக் கொள்ள முடியும். மேலும் சிலிகான் மூலம் உருவாக்கப்பட்டு இருப்பதால், இதன் எடை குறைவாக இருக்கிறது.
இதில் உள்ள 110 எம்ஏஹெச் பேட்டரி ஒருமுறை சார்ஜ் செய்தால் 7 மணி நேரத்திற்கு பயன்படுத்த முடியும். மேலும் இதில் பாஸ்ட் சார்ஜிங் வசதி உள்ளதால், 5 நிமிடங்கள் சார்ஜ் செய்தால் ஒரு மணி நேரத்திற்கு பயன்படுத்தும் வசதி வழங்கப்படுகிறது.
போர்டிரானிக்ஸ் ஹார்மோனிக்ஸ் 230 ப்ளூடூத் ஹெட்செட் பிளாக் மற்றும் புளூ என இரண்டு நிறங்களில் கிடைக்கிறது. இதன் விலை ரூ. 1999 ஆகும். னினும், அமேசானில் இந்த இயர்போன் ரூ. 999 விலையிலும், ப்ளிப்கார்ட் தளத்தில் ரூ. 899 விலையிலும் விற்பனை செய்யப்படுகிறது.
சாம்சங் நிறுவனம் தனது கேலக்ஸி ஏ சீரிஸ் ஸ்மார்ட்போனிற்கு சிறப்பு சலுகை மற்றும் தள்ளுபடி அறிவித்து இருக்கிறது.
சாம்சங் நிறுவனம் தனது கேலக்ஸி ஏ31 ஸ்மார்ட்போனின் விலையை குறைத்து இருக்கிறது. முன்னதாக கேலக்ஸி ஏ32 அறிமுகம் செய்யப்பட்ட நிலையில், கேலக்ஸி ஏ31 மாடல் விலை ரூ. 1000 குறைக்கப்பட்டு உள்ளது. விலை குறைப்பை தொடர்ந்து கேலக்ஸி ஏ32 ஸ்மார்ட்போனிற்கு எக்சேன்ஜ் சலுகை வழங்கப்படுகிறது.
தேர்வு செய்யப்பட்ட வங்கி கார்டு அல்லது செஸ்ட்மனி பயன்படுத்தி கேலக்ஸி ஏ32 வாங்கும் வாடிக்கையாளர்களுக்கு சிறப்பு கேஷ்பேக் ஏற்கனவே வழங்கப்பட்டு வருகிறது. கேஷ்பேக் சலுகையை தொடர்ந்து எக்சேன்ஜ் சலுகை வழங்கப்படுகிறது.
விலை குறைப்பின் படி சாம்சங் கேலக்ஸி ஏ31 மாடலின் 6 ஜிபி + 128 ஜிபி மாடல் விலை ரூ. 16,999 என மாறி இருக்கிறது. கேலக்ஸி ஏ31 புதிய விலை விரைவில் விற்பனை மையங்கள் மற்றும் சாம்சங் இந்தியா தளங்களில் விரைவில் மாற்றப்பட இருக்கிறது. இதுதவிர தனியார் நிதி நிறுவனங்களின் வட்டியில்லா மாத தவணை முறை வசதியும் வழங்கப்படுகிறது.
சாம்சங் கேலக்ஸி ஏ32 வாங்குவோரின் பழைய ஸ்மார்ட்போனிற்கு ரூ. 3 ஆயிரம் மதிப்புள்ள அப்கிரேடு வவுச்சர் வழங்கப்படுகிறது. பயனர்கள் தங்களின் பழைய ஸ்மார்ட்போனிற்கு வழங்கப்படும் தொகை பற்றிய விவரங்களை அறிந்து கொள்ள மை கேலக்ஸி செயலியில் சாம்சங் அப்கிரேடு -- செக் டிவைஸ் எக்சேன்ஜ் வேல்யூ ஆப்ஷன்களை தேர்வு செய்யலாம்.
இத்துடன் சாம்சங் கேலக்ஸி ஏ32 வாங்குவோர் தேர்வு செய்யப்பட்ட கிரெடிட் / டெபிட் கார்டுகளுக்கு ரூ. 2 ஆயிரம் கேஷ்பேக் வழங்கப்படுகிறது. செஸ்ட்மனி பயன்படுத்துவோருக்கு ரூ. 1500 கேஷ்பேக் வழங்கப்படுகிறது.
ஹெச்பி நிறுவனம் அசத்தல் அம்சங்கள் நிறைந்த புது குரோம்புக் மாடலை பட்ஜெட் விலையில் இந்திய சந்தையில் அறிமுகம் செய்தது.
ஹெச்பி நிறுவனம் இந்திய சந்தையில் புது குரோம்புக் 11ஏ மாடலை அறிமுகம் செய்தது. இதில் 11.6 இன்ச் ஹெச்டி டச் ஸ்கிரீன், மீடியாடெக் எம்டி8183 ஆக்டாகோர் பிராசஸர், 4 ஜிபி ரேம், 64 ஜிபி மெமரி, 100 ஜிபி கிளவுட் ஸ்டோரேஜ் வழங்கும் கூகுள் ஒன் சந்தா, ஒரு வருடத்திற்கு கூகுள் எக்ஸ்பர்ட்ஸ் சந்தா மற்றும் பல்வேறு பலன்கள் வழங்கப்படுகிறது.
1.05 கிலோ எடை கொண்டிருக்கும் புது குரோம்பு, க் 11ஏ மேட் பினிஷ் மற்றும் டெக்ஸ்ச்சர் கவர் வழங்கப்பட்டு இருக்கிறது. இதில் உள்ள பேட்டரி 16 மணி நேரத்திற்கு பேக்கப் வழங்குகிறது.
ஹெச்பி குரோம்புக் 11ஏ அம்சங்கள்
- 11.6 இன்ச் 1366x768 பிக்சல் HD LED பேக்லிட் டச் டிஸ்ப்ளே
- 2 ஜிகாஹெர்ட்ஸ் மீடியாடெக் எம்டி8183 ஆக்டாகோர் பிராசஸர்
- ARM மாலி-G72 MP3 GPU
- 4 ஜிபி DDR4 ரேம்
- 64 ஜிபி eMMC மெமரி
- புல்-சைஸ் ஆஷ் கிரே கீபோர்டு
- ஹெச்டி ட்ரூ விஷன் ஹெச்டி வெப்கேம்
- கம்பைன்டு ஹெட்போன் / மைக்ரோபோன் ஜாக்
- பில்ட்-இன் டூயல் ஸ்பீக்கர்
- வைபை 5, ப்ளூடூத் 5.0, 1 x யுஎஸ்பி 2.0 டைப் சி
- 1 x யுஎஸ்பி 2.0 டைப் ஏ, 3-இன்-1 கார்டு ரீடர் (SD, SDHC, SDXC)
- 37wh லி-அயன் பாலிமர் பேட்டரி
ஹெச்பி குரோம்புக் 11ஏ இன்டிகோ புளூ நிறத்தில் கிடைக்கிறது. இதன் விலை ரூ. 21,999 ஆகும். இது ப்ளிப்கார்ட் தளத்தில் விற்பனை செய்யப்படுகிறது.
கூகுள் தேடுப்பொறி சேவையில் அனைவருக்கும் விழிப்புணர்வு ஏற்படுத்தும் டூடுள் வெளியிடப்பட்டு இருக்கிறது.
கூகுள் நிறுவனம் இன்று வெளியிட்டு இருக்கும் டூடுள் பொது மக்களை முகக்கவசம் அணிய வலியுறுத்துகிறது. பொதுநல நோக்கில் வெளியிடப்பட்டு இருக்கும் டூடுளுடன் `முகக்கவசம் அணியுங்கள். உயிர்களை காப்பாற்றுங்கள்' என கோரும் தகவல் இடம்பெற்று இருக்கிறது.
இந்தியாவில் கொரோனாவைரஸ் பாதிப்பின் இரண்டாவது அலை மிகவும் தீவிரமாகி இருக்கிறது. நாளுக்கு நாள் கொரோனா பாதிப்பு எண்ணிக்கை தொடர்ந்து அதிகரித்து வருகிறது. இந்த நிலையில் முகக்கவசம் அணிவது மற்றும் சமூக இடைவெளியை பின்பற்றக்கோரி விழிப்புணர்வு ஏற்படுத்துவதற்கான தேவை அதிகரித்து உள்ளது.
விழிப்புணர்வை ஏற்படுத்தும் விசேஷ டூடுளில் கூகுள் எழுத்துக்கள் உருவங்களாக வடிவமைக்கப்பட்டு முகக்கவசம் அணிந்து இருப்பது போன்று உருவாக்கப்பட்டு உள்ளது. மேலும் `முகக்கவசங்கள் மிகவும் முக்கியமானவை. முகக்கவசம் அணிந்து உயிர்களை காப்பாற்றுங்கள்' எனும் வாசகம் இடம்பெற்று இருக்கிறது.
நோக்கியாவின் புதிய ப்ளூடூத் ஹெட்செட் மற்றும் வயர்லெஸ் இயர்போன் மாடல்கள் இந்திய சந்தையில் அறிமுகம் செய்யப்பட்டன.
நோக்கியா ப்ளூடூத் ஹெட்செட் T2000 மற்றும் ட்ரூ வயர்லெஸ் இயர்போன் ANC T3100 ப்ளிப்கார்ட் அறிமுகம் செய்து இருக்கிறது. மெல்லிய மற்றும் அசத்தலான வடிவமைப்பில் பிரீமியம் பொருட்களை வாங்க விரும்புவோருக்காக புதிய ஆடியோ சாதனங்கள் உருவாக்கப்பட்டு இருக்கின்றன.
நோக்கியா ப்ளூடூத் ஹெட்செட் T2000 குவால்காம் QCC3034 ப்ளூடூத் ஆடியோ சிப்செட் மற்றும் குவால்காம் cVc எக்கோ கேன்சலேஷன் மற்றும் நாய்ஸ் சப்ரெஷ் தொழில்நுட்பம் கொண்டுள்ளது. இவை 24-பிட் ஹெச்டி ப்ளூடூத் ஆடியோ வசதியை வழங்குகின்றன. இந்த நெக்பேண்ட் ஹெட்செட் ரேபிட் சார்ஜிங் வசதி உள்ளது. இதனால் பத்து நிமிடங்கள் சார்ஜ் செய்தால் 9 மணி நேர பிளேபேக் வழங்குகிறது.
நோக்கியா ட்ரூ வயர்லெஸ் இயர்போன் ANC T3110 ஆக்டிவ் நாய்ஸ் கேன்சலேஷன் மற்றும் IPX7 தர வாட்டர் ரெசிஸ்டண்ட் வசதி கொண்டுள்ளது. இரு ஹெட்போன்களும் ப்ளூடூத் 5.1 கனெக்டிவிட்டி கொண்டுள்ளன.
புதிய நோக்கியா ப்ளூடூத் ஹெட்செட் T2000 விலை ரூ. 1,999 என்றும் வயர்லெஸ் இயர்போன் ANC T3110 விலை ரூ. 3,999 என நிர்ணயம் செய்யப்பட்டு உள்ளது. இரு மாடல்களும் ப்ளிப்கார்ட் தளத்தில் ஏப்ரல் 9 ஆம் தேதி முதல் விற்பனை செய்யப்படுகின்றன.
ஒப்போ நிறுவனம் இந்திய சந்தையில் புதிய மிட் ரேன்ஜ் ஸ்மார்ட்போனினை அசத்தல் அம்சங்களுடன் அறிமுகம் செய்தது.
ஒப்போ நிறுவனம் இந்தியாவில் எப்19 ஸ்மார்ட்போனினை மிட் ரேன்ஜ் பிரிவில் அறிமுகம் செய்தது. புதிய ஸ்மார்ட்போனில் 6.43 இன்ச் ஹெச்டி பிளஸ் சூப்பர் AMOLED டிஸ்ப்ளே, இன் டிஸ்ப்ளே கைரேகை சென்சார், 16 எம்பி செல்பி கேமரா, ஸ்னாப்டிராகன் 662 பிராசஸர், ஆண்ட்ராய்டு 11 மற்றும் கலர்ஒஎஸ் 11.1 வழங்கப்பட்டு உள்ளது.
புகைப்படங்களை எடுக்க 48 எம்பி பிரைமரி கேமரா, 2 எம்பி டெப்த், 2 எம்பி மேக்ரோ கேமரா வழங்கப்பட்டு உள்ளது. இத்துடன் 3D வளைந்த பாடி மற்றும் 5000 எம்ஏஹெச் பேட்டரி, 33 வாட் பிளாஷ் சார்ஜ் வழங்கப்பட்டு இருக்கிறது. இது பேட்டரியை 72 நிமிடங்களில் முழுமையாக சார்ஜ் செய்து விடும்.
ஒப்போ எப்19 அம்சங்கள்
- 6.43 இன்ச் 2400x1080 பிக்சல் FHD+ AMOLED ஸ்கிரீன்
- ஆக்டாகோர் ஸ்னாப்டிராகன் 662 பிராசஸர்
- அட்ரினோ 610 GPU
- 6 ஜிபி LPDDR4x ரேம்
- 128 ஜிபி மெமரி
- மெமரியை கூடுதலாக நீட்டிக்கும் வசதி
- டூயல் சிம் ஸ்லாட்
- ஆண்ட்ராய்டு 11 மற்றும் கலர்ஒஎஸ் 11.1
- 48 எம்பி பிரைமரி கேமரா, f/1.7, LED பிளாஷ்
- 2 எம்பி 4cm மேக்ரோ சென்சார்
- 2 எம்பி டெப்த் சென்சார், f/2.4
- 16 எம்பி செல்பி கேமரா, f/2.4
- இன்-டிஸ்ப்ளே கைரேகை சென்சார்
- 3.5 எம்எம் ஆடியோ ஜாக், எப்எம் ரேடியோ
- டூயல் 4ஜி வோல்ட்இ, வைபை, ப்ளூடூத் 5
- யுஎஸ்பி டைப் சி
- 5000 எம்ஏஹெச் பேட்டரி
- 33 வாட் பாஸ்ட் சார்ஜிங்
ஒப்போ எப்19 ஸ்மார்ட்போன் ப்ரிசம் பிளாக் மற்றும் மிட்நைட் புளூ நிறங்களில் கிடைக்கிறது. இதன் விலை ரூ. 18,990 ஆகும். இது ப்ளிப்கார்ட், அமேசான் மற்றும் இதர ஆன்லைன், ஆப்லைன் தளங்களில் ஏப்ரல் 9 முதல் விற்பனை செய்யப்படுகிறது.
இந்தியாவில் பிரீமியம் விலையில் அறிமுகம் செய்யப்பட்ட ஒன்பிளஸ் வாட்ச் ஒடிஏ அப்டேட் மூலம் ஆல்வேஸ் ஆன் டிஸ்ப்ளே வசதி பெறுகிறது.
ஒன்பிளஸ் வாட்ச் மாடலில் விரைவில் ஆல்வேஸ் ஆன் டிஸ்ப்ளே வசதி வழங்கப்படுகிறது. இந்த வசதி ஒவர் தி ஏர் அப்டேட் மூலம் வழங்கப்பட இருக்கிறது. இந்திய சந்தையில் புதிய ஒன்பிளஸ் வாட்ச் மார்ச் 23 ஆம் தேதி அறிமுகம் செய்யப்பட்டது. தற்போது இந்த வாட்ச் ரூ. 14,999 விலையில் விற்பனை செய்யப்படுகிறது.
அதிகம் விரும்பப்படும் அம்சமாக இருந்தாலும், ஆல்வேஸ் ஆன் டிஸ்ப்ளே வசதி ஸ்மார்ட்வாட்ச் சார்ஜிங் பயன்பாட்டை 50 சதவீதம் வரை எடுத்துக் கொள்ளும். ஒன்பிளஸ் அறிமுகம் செய்திருக்கும் முதல் ஸ்மார்ட்வாட்ச் என்ற வகையில் இது பல்வேறு அம்சங்களை கொண்டிருக்கிறது.
ஒன்பிளஸ் வாட்ச் மாடல் அந்நிறுவனத்தின் புதிய பிளாக்ஷிப் மாடல்களான ஒன்பிளஸ் 9 சீரிஸ் ஸ்மார்ட்போன்களுடன் அறிமுகம் செய்யப்பட்டது. பெரும்பாலான பயனர்கள் ஆல்வேஸ் ஆன் டிஸ்ப்ளே வசதியை வழங்க கோரிக்கை விடுத்துள்ளனர். விரைவில் இந்த கோரிக்கை ஒடிஏ அப்டேட் மூலம் நிறைவேற்றப்படும் என ஒன்பிளஸ் தெரிவித்து உள்ளது.
இந்திய நிறுவனமான ஐகியர் பில்ட்-இன் சப்-வூபர் வசதி கொண்ட புது வயர்லெஸ் சவுண்ட்பார் மாடலை அறிமுகம் செய்தது.
இந்தியாவை சேர்ந்த ஸ்மார்ட்போன் அக்சஸரீ பிராண்டான ஐகியர் ரேசர்பீட் வயர்லெஸ் சவுண்ட்பார் சாதனத்தை அறிமுகம் செய்தது. இந்த சவுண்ட்பார் 10வாட் அவுட்புட் பவர், ப்ளூடூத் ஆக்ஸ் என பல்வேறு இன்புட்களை சப்போர்ட் செய்கிறது.
ஐகியர் ரேசர்பீட் தனிப்பட்ட ப்ளூடூத் ஸ்பீக்கர் சிஸ்டமாக உருவாக்கப்பட்டு இருக்கிறது. இதில் பில்ட்-இன் சப்-வூபர் மற்றும் 10 வாட் அவுட்புட் பவர் உள்ளது. மேலும், இது ப்ளூடூத் 5.0, ஆக்ஸ்-இன், யுஎஸ்பி, எப்எம் ரேடியோ மற்றும் எஸ்டி கார்டு போன்ற இன்புட் வசதிகள் உள்ளன.
ஐகியர் ரேசர்பீட் சவுண்ட்பார் 1500 எம்ஏஹெச் பேட்டரி கொண்டுள்ளது. இதனை ஒருமுறை சார்ஜ் செய்தால் தொடர்ச்சியாக 4 முதல் 5 மணி நேரங்களுக்கு பயன்படுத்த முடியும். இந்தியாவில் இதன் விலை ரூ. 2 ஆயிரம் என நிர்ணயம் செய்யப்பட்டு உள்ளது. இது ப்ளிப்கார்ட், அமேசான் தளங்களில் கிடைக்கிறது.
சாம்சங் நிறுவனத்தின் இரு கேலக்ஸி எப் சீரிஸ் ஸ்மார்ட்போன்கள் இந்திய சந்தையில் அறிமுகம் செய்யப்பட்டன.
சாம்சங் நிறுவனம் ஏற்கனவே அறிவித்தப்படி கேலக்ஸி எப்02எஸ் மற்றும் கேலக்ஸி எப்12 ஸ்மார்ட்போன்களை இந்தியாவில் அறிமுகம் செய்தது. கேலக்ஸி எப்12 மாடலில் 6.5 இன்ச் ஹெச்டி பிளஸ் இன்பினிட்டி வி டிஸ்ப்ளே, எக்சைனோஸ் 850 பிராசஸர், அதிகபட்சம் 4 ஜிபி ரேம், ஆண்ட்ராய்டு 11 மற்றும் ஒன் யுஐ 3.0 வழங்கப்பட்டு உள்ளது.
இத்துடன் 48 எம்பி பிரைமரி கேமரா, 5 எம்பி அல்ட்ரா வைடு கேமரா, 2 எம்பி டெப்த், 2 எம்பி மேக்ரோ சென்சார் மற்றும் 8 எம்பி செல்பி கேமரா வழங்கப்பட்டு இருக்கிறது. பக்கவாட்டில் கைரேகை சென்சார் கொண்டிருக்கும் கேலக்ஸி எப்12 ஸ்மார்ட்போன் 6000 எம்ஏஹெச் பேட்டரி, 15 வாட் அடாப்டிவ் பாஸ்ட் சார்ஜிங் வசதி கொண்டுள்ளது.
கேலக்ஸி எப்02எஸ் மாடலில் 6.5 இன்ச் ஹெச்டி பிளஸ் இன்பினிட்டி வி டிஸ்ப்ளே, ஆக்டாகோர் ஸ்னாப்டிராகன் 450 பிராசஸர், அதிகபட்சம் 4 ஜிபி ரேம், ஆண்ட்ராய்டு 11 மற்றும் ஒன் யுஐ 3.0 வழங்கப்பட்டு உள்ளது.
இத்துடன் 13 எம்பி பிரைமரி கேமரா, 2 எம்பி டெப்த், 2 எம்பி மேக்ரோ சென்சார் மற்றும் 5 எம்பி செல்பி கேமரா வழங்கப்பட்டு இருக்கிறது. கேலக்ஸி எப்02எஸ் ஸ்மார்ட்போன் 5000 எம்ஏஹெச் பேட்டரி, 15 வாட் பாஸ்ட் சார்ஜிங் வசதி கொண்டுள்ளது.
ஐந்து ஆண்டுகளாக நட்டத்தில் இயங்கி வந்ததால் மொபைல் போன் வியாபாரத்தில் இருந்து வெளியேறுவதாக எல்ஜி அறிவித்து இருக்கிறது.
எல்ஜி நிறுவனம் மொபைல் போன் வியாபாரத்தில் இருந்து விடைபெறுவதாக அறிவித்தது. இந்த முடிவிற்கான அனுமதியை அதன் நிர்வாக இயக்குனர்கள் அளித்ததை தொடர்ந்து எல்ஜி இந்த அறிவிப்பை வெளியிட்டு உள்ளது.
அதிக போட்டி நிறைந்த மொபைல் போன் சந்தையில் இருந்து விலகுவதன் மூலம் எலெக்ட்ரிக் வாகன பாகங்கள், கனெக்டெட் சாதனங்கள், ஸ்மார்ட் ஹோம், ரோபோடிக்ஸ், செயற்கை நுண்ணறிவு என வளர்ச்சியை ஏற்படுத்தும் வியாபாரங்களில் அதிக கவனம் செலுத்த முடியும் என எல்ஜி தெரிவித்தது.
முந்தைய தகவல்களில் எல்ஜி தனது மொபைல் போன் வியாபார பிரிவை வியட்நாமை சேர்ந்த வின்குரூப் மற்றும் ஜெர்மனியை சேர்ந்த போக்ஸ்வேகன் ஆகிய நிறுவனங்களுக்கு விற்பனை செய்வதற்கான பேச்சுவார்த்தையில் ஈடுபட்டது. பேச்சுவார்த்தையில் சுமூக முடிவு எட்டப்படாததால், வியாபாரத்தை நிறுத்துவதாக எல்ஜி அறிவித்து இருக்கிறது.
எல்ஜி நிறுவனத்தின் மொபைல் பிரிவு கடந்த ஐந்து ஆண்டுகளாக பெரும் நட்டத்தை சந்தித்து வந்ததது. இதனால் எல்ஜி குழுமத்திற்கு 4.5 பில்லியன் டாலர்கள் அளவு இழப்பு ஏற்பட்டு இருக்கலாம் என கூறப்படுகிறது.
தற்போது எல்ஜி மொபைல் போன் பயன்படுத்துவோருக்கு தொடர்ந்து மென்பொருள் அப்டேட், சர்வீஸ் வசதி வழங்கப்படும் என தெரிவிக்கப்பட்டு இருக்கிறது. எனினும், இவை குறிப்பிட்ட காலத்திற்கு மட்டுமே வழங்கப்படும். இதுவும், ஒவ்வொரு பகுதிக்கும் ஏற்ப வேறுபடும்.
ஜூலை 31 ஆம் தேதியுடன் எல்ஜி மொபைல் போன் வியிபாரம் முழுமையக நிறுத்தப்பட்டு விடும் என எதிர்பார்க்கப்படுகிறது. அதுவரை சில எல்ஜி மாடல்கள் தொடர்ந்து விற்பனை செய்யப்படும்.
×