தொழில்நுட்பம்

யுபிஐ பணப்பரிவர்த்தனைகளின் நேரத்தை குறைக்க, தேசிய பணப்பரிவர்த்தனை கழகம் இன்று முதல் புதிய வழிகாட்டுதல்களை அமல்படுத்தியுள்ளது. அதன்படி, முக்கிய UPI API-களுக்கான பதிலளிக்கும் நேரம் (response time) குறைக்கப்பட்டுள்ளது.

Failed Transaction சமயங்களில் பணம் Deduct ஆகிவிட்டதா என்பதை தெரிந்துகொள்ளும் நேரமும், Transaction Reversal நேரமும் 30 நொடிகளில் இருந்து 10 நொடிகளாக குறைக்கப்பட்டுள்ளது.

யுபிஐ ஐடியை சரிபார்க்க விரும்பினால் அதற்கான ரெஸ்பான்ஸ் நேரமும் 15 நொடிகளில் இருந்து 10 நொடிகளாக குறைக்கப்பட்டுள்ளது.

இந்த மாற்றங்கள் பணப்பரிவர்த்தனைகளை விரைவாகவும், பயனர் அனுபவத்தை மேம்படுத்தவும் வடிவமைக்கப்பட்டுள்ளன.

வங்கிகள் மற்றும் பணப்பரிவர்த்தனை சேவை வழங்குநர்கள் (PSPs) இந்த புதிய நேர வரம்புகளுக்கு ஏற்ப தங்கள் அமைப்புகளை மேம்படுத்த வேண்டும். இதனால், பணப்பரிவர்த்தனைகள் தோல்வியடையும் அல்லது தாமதமாவதற்கான வாய்ப்புகள் குறையும், மேலும் பயனர்கள் விரைவாக பணம் செலுத்துவது அல்லது பெறுவது உறுதி செய்யப்படும்.

இந்த மாற்றங்கள் PhonePe, Google Pay, Paytm போன்ற UPI பயன்பாடுகளைப் பயன்படுத்தும் பயனர்களுக்கு பயனுள்ளதாக இருக்கும்.

இந்த மாற்றங்கள் தொழில்நுட்ப சிக்கல்களை (Technical Decline) அதிகரிக்காமல் இருக்க NPCI வங்கிகளுக்கு அறிவுறுத்தியுள்ளது குறிப்பிடத்தக்கது.

கூகுள் நிறுவனம் ஒவ்வொரு ஆண்டும் ஆகஸ்ட் மாத வாக்கில் புதிய பிக்சல் ஸ்மார்ட்போன்களை அறிமுகம் செய்வதை வாடிக்கையாக கொண்டுள்ளது. அந்த வகையில், இந்த ஆண்டும் வருகிற ஆகஸ்ட் மாதத்தில் நடைபெறும் மேட் பை கூகுள் நிகழ்வில் கூகுள் பிக்சல் 10 சீரிசை கூகுள் நிறுவனம் வெளியிட வாய்ப்புள்ளது.

இந்த ஆண்டு, கூகுள் நிறுவனம் பிக்சல் 10 ப்ரோ, பிக்சல் 10 ப்ரோ XL மற்றும் பிக்சல் 10 ப்ரோ ஃபோல்டு ஆகியவற்றை வழக்கமான பிக்சல் 10 மாடலுடன் சேர்த்து அறிவிக்கும் என்று கூறப்படுகிறது. கூகுள் நிறுவனம் இதுகுறித்து இதுவரை அதிகாரப்பூர்வ தகவல் வெளியாகவில்லை.

எனினும், வரவிருக்கும் பிக்சல் 10 ஸ்மார்ட்போன்கள் மேம்பட்ட ஒலிபெருக்கி செயல்திறனை வழங்கும் என்று தகவல் வெளியாகி உள்ளது. வரவிருக்கும் சீரிஸ் புதிய டென்சார் ஜி5 சிப்செட்டில் இயங்கும் என்று தெரிகிறது. பிக்சல் 10 சீரிஸ் மாடல்கள் மேம்படுத்தப்பட்ட ஸ்பீக்கர்களுடன் வரும் என்று ஆண்ட்ராய்டு ஹெட்லைன்ஸ் தெரிவித்துள்ளது.

புதிய சீரிஸ் "ஒரு பிக்சலில் இதுவரை இல்லாத சிறந்த ஆடியோ தரத்தைக் கொண்டுள்ளது" என்று கூறப்படுகிறது. பிக்சல் போன்களில் எப்போதும் நல்ல ஸ்பீக்கர்கள் உள்ளன, ஆனால் சிறந்தவை அல்ல.

இருப்பினும், பல ஸ்மார்ட்போன் தயாரிப்பாளர்கள் அதிலிருந்து விலகிச் செல்வதால், புதிய பிக்சல் 10 போன்களில் கூகுள் டால்பி அட்மோஸ் ஆதரவைச் சேர்க்கவில்லை என்று கூறப்படுகிறது. தற்போது, கேலக்ஸி எஸ்25 சீரிஸ் டால்பி அட்மோஸ் வழங்கும் சில போன்களில் ஒன்றாகும்.

ஸ்பீக்கர்களைத் தவிர, பிக்சல் 10 சீரிஸ் முழுமையாக மேம்படுத்தப்படும் என்று தகவல் வெளியாகி உள்ளது. இந்த சீரிஸ் கிம்பல்-லெவல் OIS (இமேஜ் ஸ்டெபிலைசேஷன்) மற்றும் மேக்னடிக் பவர் ப்ரொஃபைல் (MPP) தரத்துடன் கூடிய Qi 2.2 வயர்லெஸ் சார்ஜிங்கை வழங்குவதாகக் கூறப்படுகிறது. புதிய போன்களுடன் 'பிக்சல்-ஸ்னாப்' சீரிஸ் ஆக்சஸரீயும் கூகுள் கொண்டு வரும் என்று எதிர்பார்க்கப்படுகிறது.

ஆகஸ்ட் 20 ஆம் தேதி நடைபெறும் மேட் பை கூகுள் நிகழ்வில் கூகுள் பிக்சல் 10 சீரிஸ் அறிமுகம் செய்யப்படும் என்று தெரிகிறது. புதிய போன்களுக்கான முன்கூட்டிய ஆர்டர்கள் அதே நாளில் தொடங்கலாம், மேலும் அவை ஒரு வாரம் கழித்து ஆகஸ்ட் 28 ஆம் தேதி கடைகளில் விற்பனைக்கு வரும் என்று எதிர்பார்க்கப்படுகிறது.

வழக்கமான பிக்சல் 10 ஸ்மார்ட்போன் ஐரிஸ், லிமோன்செல்லோ, மிட்நைட் மற்றும் அல்ட்ரா ப்ளூ நிறங்களில் வெளியிடப்படலாம். பிக்சல் 10 ப்ரோ மற்றும் பிக்சல் 10 ப்ரோ XL மாடல்கள் லைட் போர்சிலைன், மிட்நைட், ஸ்மோக்கி கிரீன் மற்றும் ஸ்டெர்லிங் கிரே நிறங்களில் கிடைக்கும் என்று எதிர்பார்க்கப்படுகிறது.

பிக்சல் 10 ப்ரோ ஃபோல்ட் ஸ்மார்ட்போன் ஸ்மோக்கி கிரீன் மற்றும் ஸ்டெர்லிங் கிரே வண்ணங்களில் வெளியிடப்படும் என்று எதிர்பார்க்கப்படுகிறது.

உலகளவில் பிரபலமான மெட்டா நிறுவனம் பேஸ்புக், இன்ஸ்டாகிராம், வாட்ஸ் அப் உள்ளிட்ட சமூக வலைத்தளங்களை இயக்கி வருகிறது.

இந்தியாவில் மட்டும் சுமார் 35 கோடி பேர் பேஸ் புக்கையும், 50 கோடி பேர் வாட்ஸ் அப்பையும் பயன்படுத்தி வருகின்றனர்.

வாட்ஸ் அப் வந்த ஆரம்ப காலத்தைவிட தற்போது பல்வேறு அப்டேட்டுகளை மெட்டா நிறுவனம் அறிமுகப்படுத்தி வருகிறது.

இந்நிலையில், வாட்ஸ் அப்பில் வீடியோக்களை நேரடியாக அனிமேஷன் ஸ்டிக்கராக மாற்றிப் பகிரும் அப்டேட்டை மெட்டா வழங்கியுள்ளது.

மேலும், வாட்ஸ்அப் வீடியோ காலில் மேலும் 6 புதிய Effect-கள் அறிமுகம் செய்யப்பட்டுள்ள நிலையில்,

வாட்ஸ்அப் சேனலில் POLL ஆப்ஷனுக்கும் இனி புகைப்படத்தை பதிவிடும் அப்டேட்டையும் மெட்டா வழங்கியுள்ளது.

உலகின் முன்னணி சமூக வலைதள செயலிகளில் ஒன்றாக இன்ஸ்டாகிராம் விளங்குகிறது. இந்த செயலியில் இளம் தலைமுறையை சேர்ந்த ஆண்களும் பெண்களும் தங்களது புகைப்படம் மற்றும் வீடியோக்களை பகிர்ந்து லைக்குகளை குவிப்பார்கள்.

அண்மை காலங்களில் இன்ஸ்டாகிராம் பல புதிய அப்டேட்டுகளை வழங்கி இளைஞர்களை கவர்ந்து வருகிறது.

இந்நிலையில், Spotify-ல் நீங்கள் கேட்கும் பாடல்களை இன்ஸ்டாகிராம் Notes-ல் பகிரும் வகையில் புதிய அப்டேட்டை மெட்டா வெளியிட்டுள்ளது.

Spotify தளத்தில் தற்போது பலரும் பாடல்களை கேட்டு வரும் நிலையில், மெட்டாவின் இந்த புதிய அப்டேட் இன்ஸ்டாகிராம் பயனாளர்களை கவர்ந்துள்ளது. 

ஐடெல் நிறுவனம் ஜெனோ (Zeno) 5ஜி என்ற புதிய என்ட்ரி லெவல் ஸ்மார்ட்போனை அறிமுகம் செய்துள்ளது. குறைந்த விலையில் புதிய ஸ்மார்ட்போன் வாங்க நினைப்பவர்களுக்கு இந்த புதிய மாடல் ஏற்றது.

புதிய ஸ்மார்ட்போன் மீடியாடெக் டிமென்சிட்டி 6300 சிப்செட், 5,000எம்ஏஎச் பேட்டரி, 120ஹெர்ட்ஸ் டிஸ்ப்ளே மற்றும் 50MP பிரதான கேமரா போன்ற அம்சங்களை கொண்டுள்ளது. தற்போது ரூ.10,000க்குக் கீழ் கிடைத்தாலும், இந்த ஆண்டின் தொடக்கத்தில் அறிமுகப்படுத்தப்பட்ட ஜெனோ 10 ஸ்மார்ட்போனை விட இது சிறந்த அம்சங்களை கொண்டுள்ளது.

ஐடெல் ஜெனோ 5ஜி இந்திய விலை, விற்பனை விவரங்கள்:-

* ஐடெல் ஜெனோ (itel Zeno) 5ஜி ஸ்மார்ட்போன் அமேசான் இந்தியா வலைதளத்தில் ரூ.10,299 க்கு பட்டியலிடப்பட்டுள்ளது . ஆனால், வெளியீட்டு சலுகையின் ஒரு பகுதியாக, நீங்கள் ரூ.1000 தள்ளுபடி கூப்பனைப் பெறலாம். இது விலையை ரூ.9,299 ஆகக் குறைக்கிறது.

* 4 ஜிபி ரேம் மற்றும் 128 ஜிபி மெமரி கொண்ட ஒற்றை வேரியண்டில் ட்டுமே கிடைக்கிறது. இந்த ஸ்மார்ட்போன் கால்க்ஸ் டைட்டானியம், ஷேடோ பிளாக் மற்றும் வேவ் கிரீன் என மூன்று வண்ணங்களில் கிடைக்கிறது.

ஐடெல் ஜெனோ 5ஜி அம்சங்கள்:-

புதிய ஸ்மார்ட்போன் 120Hz ரிப்ரெஷ் ரேட் கொண்ட 6.67-இன்ச் HD+ IPS டிஸ்ப்ளே, பஞ்ச்-ஹோல் டைனமிக் பார் மற்றும் PANDA MN228 திரை பாதுகாப்பு உள்ளது. இந்த ஸ்மார்ட்போனை வாங்கிய 100 நாட்களுக்குள் டிஸ்ப்ளேவில் சேதம் ஏற்படும் பட்சத்தில், நிறுவனம் இலவசமாக திரையை மாற்றிக் கொடுப்பதாக அறிவித்துள்ளது.

புதிய ஜெனோ 5G ஸ்மார்ட்போன் MediaTek Dimensity 6300 சிப் கொண்டுள்ளது. இது 6nm முறையில் உருவாக்கப்பட்டு இருக்கிறது. இதில் 4 ஜிபி ரேம் மற்றும் 128 ஜிபி மெமரி வழங்கப்பட்டு இருக்கிறது.

புகைப்படங்களை எடுக்க இந்த ஸ்மார்ட்போன் 50MP பிரைமரி கேமரா, 8MP செல்ஃபி கேமரா உள்ளது. இந்த ஸ்மார்ட்போன் 10W சார்ஜிங் உடன் 5,000mAh பேட்டரி கொண்டிருக்கிறது.

இந்த ஸ்மார்ட்போன் ஆண்ட்ராய்டு 14 சார்ந்த ஓஎஸ், 4 ஜிபி விர்ச்சுவல் ரேம், IP54 வாட்டர் மற்றும் டஸ்ட் ரெசிஸ்டண்ட் வசதி கொண்டுள்ளது.

ஒன்பிளஸ் Nord 5 பற்றி சமீபகாலமாக பல தகவல்கள் பரவி வருகின்றன. இதனிடையே ஒன்பிளஸ் Nord 5 மற்றும் Nord CE 5 ஆகியவை அடுத்த மாதம் 8-ந்தேதி அறிமுகப்படுத்தப்படும் என்றும் கூறப்படுகிறது. ஆனால் இந்த தகவல் இதுவரை அதிகாரப்பூர்வமாக உறுதிப்படுத்தவில்லை. இருப்பினும் ஒன்பிளஸ் Nord 5-ன் முந்தைய மாடலான Nord 4 கடந்த ஆண்டு ஜூலை மாதம் அறிமுகமானதால் இதற்கு வாய்ப்பு இருப்பதாக கூறப்படுகிறது. ஒன்பிளஸ் Nord என்பது செயல்திறன் சார்ந்த போன்களை வழங்குவதற்காக அறியப்பட்ட ஒன்பிளஸ் நிறுவனத்தின் இடைப்பட்ட சீரிஸ் ஆகும்.

ஒன்பிளஸ் Nord 5 சீரிஸ் வெளியீட்டு விவரம்:

* ஒன்பிளஸ் Nord 5 மற்றும் Nord CE 5 ஜூலை 8 ஆம் தேதி அறிமுகப்படுத்தப்படும்.

* இது பெரும்பாலும் ஒன்பிளஸ் Nord 5 சீரிசுக்கான உலகளாவிய வெளியீட்டுத் தேதியாக இருக்கலாம். ஆனால் இந்தியாவில் அறிமுகமானது Nord 4-ஐ போலவே அதே நாளில் வெளியாகலாம்.

* ஒன்பிளஸ் Nord 5 சீரிஸ் குறித்து நிறுவனத்தினடமிருந்து இன்னும் அதிகாரப்பூர்வ அறிவிப்பு எதுவும் இல்லை. வரவிருக்கும் போன்கள் பற்றிய எந்த டீஸர்களும் வெளியாகவில்லை.

* ஒன்பிளஸ் Nord 5 சீரிஸ், சீனாவில் கிடைக்கும் Ace 5 சீரிசின் மறுபெயரிடப்பட்ட பதிப்புகளாக வெளியிடப்படலாம் என்று கூறப்படுகிறது.

ஒன்பிளஸ் Nord 5-ல் என்ன எதிர்பார்க்கலாம்?

* இந்தியாவில் ஒன்பிளஸ் Nord 5 விலை சுமார் ரூ.30,000 இருக்கும் என எதிர்பார்க்கப்படுகிறது . இது இந்தியாவில் ரூ.29,999 ஆரம்ப விலையில் அறிமுகப்படுத்தப்பட்ட Nord 4-ஐ போன்றது.

* புதிய Nord 5 ஆனது MediaTek Dimensity 9400e சிப்செட் மூலம் இயக்கப்படலாம், இது தற்போது Realme GT 7 இல் உள்ளது. இது முதன்மையான Dimensity 9400 சிப்செட்டை அடிப்படையாகக் கொண்ட ஒரு புதிய இடைப்பட்ட சிப்செட் ஆகும். ஒப்பிடுகையில், Nord 4 மாடலில் வழங்கப்பட்ட Snapdragon 7+ Gen 3 SoC உடன் அறிமுகப்படுத்தப்பட்டது.

* இந்த ஸ்மார்ட்போனின் மிகப்பெரிய மேம்படுத்தல் பேட்டரி திறனாக இருக்கும். ஏனெனில் Nord 5 ஆனது 7,000mAh பேட்டரியைக் கொண்டிருக்கும். குறிப்பாக 100W வேகமான சார்ஜிங் ஆதரவுடன் 6,650mAh பேட்டரியைக் கொண்டிருக்கும்.

* இந்த ஸ்மார்ட்போனில் OIS உடன் 50MP முதன்மை கேமரா, 8MP அல்ட்ரா-வைட் கேமரா மற்றும் 16MP செல்பி கேமராவும் இருக்கும் என்று எதிர்பார்க்கப்படுகிறது.

ஒன்பிளஸ் Nord CE 5 அம்சங்கள் குறித்து வெளியான தகவல்

* ஒன்பிளஸ் Nord CE 5 சமீபத்தில் BIS சான்றிதழில் காணப்பட்டது. இது அதன் இந்திய வருகையை உறுதிப்படுத்தியது.

* இந்த ஸ்மார்ட்போன் Nord CE 4 போன்றே 120Hz ரிப்ரெஷ் ரேட் கொண்ட 6.7-இன்ச் FHD+ OLED பிளாட் டிஸ்ப்ளேவைக் கொண்டிருக்கும் என்று எதிர்பார்க்கப்படுகிறது.

* புதிய Nord CE 4 இன் Snapdragon 7 Gen 3 சிப்செட்டுடன் ஒப்பிடும்போது ஒன்பிளஸ் Nord CE 5 ஆனது MediaTek Dimensity 8350 சிப்செட்டால் இயக்கப்படலாம்.

* இந்த ஸ்மார்ட்போனில் 50MP சோனி LYT600/IMX882 பிரதான கேமரா, 4K 30/60fps வீடியோ பதிவு மற்றும் பின்புறத்தில் 8MP சோனி IMX355 அல்ட்ரா-வைட் கேமரா; 16MP செல்ஃபி கேமரா இருக்கும் என்று கூறப்படுகிறது.

* ஒன்பிளஸ் Nord CE 5 ஆனது 80W வேகமான சார்ஜிங் ஆதரவுடன் 7,100mAh பேட்டரியைக் கொண்டிருக்கலாம். இது Nord CE 4 இன் 5,500mAh பேட்டரியை விட ஒரு பெரிய மேம்படுத்தலாக இருக்கும். ஆனால் சார்ஜிங் 100W இலிருந்து 80W ஆகக் குறையும்.

எலான் மஸ்கின் செயற்கைக்கோள் இணைய சேவை நிறுவனமான ஸ்டார்லிங்க், இந்தியாவில் அடுத்த இரண்டு மாதங்களுக்குள் தனது சேவைகளைத் தொடங்கவுள்ளது.

கடந்த வாரம் தொலைத்தொடர்புத் துறையிடம் (DoT) உரிமம் பெற்றதைத் தொடர்ந்து இந்த அறிவிப்பு வெளியாகியுள்ளது.

ஸ்டார்லிங்க் செயற்கைக்கோள் கருவி ரூ.33,000 விலையிலும், மாதாந்திர அன்லிமிடெட் டேட்டா திட்டம் ரூ.3,000 ஆகவும் இருக்கும்.

முதற்கட்டமாக ஒரு மாத இலவச சோதனைக் காலம் வழங்கப்படும். தொலைதூரப் பகுதிகளுக்கு அதிவேக இணைய இணைப்பு வழங்குவதே ஸ்டார்லிங்கின் முக்கிய நோக்கம்.

இந்த சேவை, இந்தியாவின் டிஜிட்டல் இணைப்பில் ஒரு முக்கிய படியாக இருக்கும் என எதிர்பார்க்கப்படுகிறது.

உலகின் முன்னணி சமூக வலைதள செயலிகளில் ஒன்றாக இன்ஸ்டாகிராம் விளங்குகிறது. இந்த செயலியில் இளம் தலைமுறையை சேர்ந்த ஆண்களும் பெண்களும் தங்களது புகைப்படம் மற்றும் வீடியோக்களை பகிர்ந்து லைக்குகளை குவிப்பார்கள்.

அண்மை காலங்களில் இன்ஸ்டாகிராம் பல புதிய அப்டேட்டுகளை வழங்கி இளைஞர்களை கவர்ந்து வருகிறது.

இந்நிலையில், இன்ஸ்டாகிராமில் இனி புகைப்படம், வீடியோவை 3:4 Ratio-விலும் பதிவேற்றம் செய்யும் வகையில் புதிய அப்டேட்டை மெட்டா கொண்டுவந்துள்ளது.

இதன்மூலம் இனி புகைப்படங்களை Crop செய்ய வேண்டிய அவசியம் இருக்காது. இதற்கு முன்பாக 1:1, 4:5, 16:9 வடிவங்கள் மட்டுமே இருந்தன என்பது குறிப்பிடத்தக்கது.

இன்ஃபினிக்ஸ் நிறுவனம், தனது GT சீரிசின் புதிய ஸ்மார்ட்போன் இன்ஃபினிக்ஸ் GT 20 Pro-வை, இந்தியாவில் அறிமுகப்படுத்தியது. இந்த ஸ்மார்ட்போன் 6.78-இன்ச் 1.5K 144Hz AMOLED டிஸ்ப்ளே கொண்டுள்ளது. இத்துடன் 12GB வரை ரேம் மற்றும் 12GB வரை விர்ச்சுவல் ரேம், மீடியாடெக் டிமென்சிட்டி 8350 அல்டிமேட் 5G பிராசஸர் கொண்டிருக்கிறது.

இந்த ஸ்மார்ட்போன் 6-அடுக்கு VC கூலிங் வசதியைக் கொண்டுள்ளது. இது அதன் முந்தைய மாடலை விட 13% பெரிய VC பகுதியைக் கொண்டுள்ளது. இது கிராஃப்டனால் சான்றளிக்கப்பட்ட 120FPS BGMI கேமிங் வசதி கொண்டிருக்கிறது. இது கேமிங் கண்ட்ரோல், எளிதான கேமரா செயல்பாடு மற்றும் விரைவான மீடியா பிளேபேக் வசதியை வழங்குகிறது.

புதிய இன்ஃபினிக்ஸ் ஸ்மார்ட்போன் ஆண்ட்ராய்டு 15 சார்ந்த XOS 15 ஓஎஸ் கொண்டு இயங்குகிறது. இதில் ஃப்ளோட்டிங் வின்டோ, டைனமிக் பார், கேம் மோட், கிட்ஸ் மோட், பீக் ப்ரூஃப் மற்றும் பல அம்சங்கள் உள்ளன. இதில் உள்ள ஃபோலாக்ஸ் ஸ்மார்ட் அசிஸ்டண்ட் வானிலை அப்டேட், கேமரா கண்ட்ரோல் மற்றும் சாட் வசதிகளை வழங்குகிறது.

இந்த நிறுவனம் புதிய ஸ்மார்ட்போனிற்கு 2 ஆண்டுகள் OS அப்டேட்கள் மற்றும் 3 ஆண்டுகள் செக்யூரிட்டி அப்டேட்களை வழங்குவதாக தெரிவித்துள்ளது. இந்த ஸ்மார்ட்போனில் சைபர் மெக்கா 2.0 டிசைன், பத்து விதங்களில் எல்இடி லைட்டிங் வசதி கொண்ட டார்க் ஃப்ளேர் நிற ஆப்ஷன் உள்ளது. மேலும் இந்த ஸ்மார்ட்போன் வெள்ளை எல்இடி-க்களைக் கொண்ட பிளேட் ஒயிட் நிறத்திலும் வருகிறது.

புகைப்படங்களை எடுக்க இந்த ஸ்மார்ட்போனில் 108MP பிரைமரி கேமரா, 8MP அல்ட்ரா-வைடு கேமரா, 13MP செல்ஃபி கேமரா வழங்கப்பட்டு இருக்கிறது. இந்த ஸ்மார்ட்போனில் 45W வேகமான சார்ஜிங், 30W வயர்லெஸ் சார்ஜிங் மற்றும் ரிவர்ஸ் வயர்லெஸ் சார்ஜிங் கொண்ட 5500mAh பேட்டரி உள்ளது.

இன்ஃபினிக்ஸ் GT 30 ப்ரோ ஸ்மார்ட்போனின் 8 GB + 256 GB மாடலின் விலை ரூ. 24,999 மற்றும் 12 GB + 256 GB மாடலின் விலை ரூ. 26,999 என நிர்ணயம் செய்யப்பட்டுள்ளது. இந்த ஸ்மார்ட்போன் வருகிற ஜூன் 12-ம் தேதி முதல் ப்ளிப்கார்ட் தளத்தில் விற்பனைக்கு கிடைக்கும் .

ஸ்மார்ட்போனுடன் கிட் வாங்குபவர்களுக்கு, ப்ரோ மேக்னடிக் கூலிங் ஃபேன் மற்றும் GT கேஸ் ஆகியவற்றை உள்ளடக்கிய பிரத்யேக GT கேமிங் கிட் ரூ.1,199 சலுகை விலையில் கிடைக்கும் என்று நிறுவனம் தெரிவித்துள்ளது.

இத்துடன் ஐசிஐசிஐ வங்கி கிரெடிட் மற்றும் டெபிட் கார்டு பரிவர்த்தனைகளுக்கு ரூ. 2000 தள்ளுபடி அல்லது எக்ஸ்சேஞ்சில் கூடுதலாக ரூ. 2000 தள்ளுபடி விலையில் கிடைக்கும்.

ரியல்மி GT 7 மற்றும் ரியல்மி GT 7T ஆகியவை இப்போது இந்தியாவில் விற்பனைக்கு கிடைக்கின்றன. ரியல்மி GT சீரிஸ் ஸ்மார்ட்போன்கள் கடந்த வாரம் ரியல்மி GT 7 Dream Edition உடன் அறிமுகம் செய்யப்பட்டன. இது ஜூன் மாதம் இந்தியாவில் விற்பனைக்கு வரும். ரியல்மி GT 7 மீடியாடெக் டிமென்சிட்டி 9400e சிப்செட் கொண்டிருக்கிறது. ரியல்மி GT 7T மீடியாடெக் டிமென்சிட்டி 8400-Max சிப்செட்டைக் கொண்டுள்ளது.

இவை 120W சார்ஜிங் ஆதரவுடன் 7,000mAh பேட்டரி கொண்டுள்ளன. ரியல்மி GT 7 மூன்று பின்புற கேமரா அமைப்பைக் கொண்டுள்ளது, அதே நேரத்தில் ரியல்மி GT 7T இரட்டை பின்புற கேமரா அலகு பெறுகிறது.

இந்தியாவில் ரியல்மி GT 7, ரியல்மி GT 7T விலை, விற்பனை சலுகைகள்

ரியல்மி GT 7 மற்றும் ரியல்மி GT 7T தற்போது ரியல்மி இந்தியா வலைத்தளம் மற்றும் அமேசானில் விற்பனைக்கு கிடைக்கின்றன. ரியல்மி GT 7 இன் விலை 8GB + 256GB மெமரி மாடல் ரூ. 39,999 இல் தொடங்குகிறது. இந்த ஸ்மார்ட்போனின் 12GB + 256GB மாடல் ரூ. 42,999 மற்றும் 12GB + 512GB ரூ. 46,999 ஆகும்.

இந்த ஸ்மார்ட்போன் ஐஸ்-சென்ஸ் பிளாக் மற்றும் ஐஸ்-செ்ஸ் புளூ வண்ண விருப்பங்களில் கிடைக்கிறது. வாடிக்கையாளர்கள் பழைய ஸ்மார்ட்போனினை எக்சேஞ்ச் செய்யும் போது ரூ. 3,000 மதிப்புள்ள உடனடி தள்ளுபடி, ரூ. 5,000 வரை தள்ளுபடி பெறலாம்.

மறுபுறம், ரியல்மி GT 7T ஸ்மார்ட்போன் 8GB RAM + 256GB மாடல் ரூ. 34,999 விலையில் கிடைக்கிறது. இதன் 12GB+256GB மற்றும் 12GB+512GB மாடல்கள் விலை முறையே ரூ. 37,999 மற்றும் ரூ. 41,999 ஆகும். இந்த ஸ்மார்ட்போன் ஐஸ்-சென்ஸ் பிளாக், ஐஸ்-சென்ஸ் புளூ மற்றும் ரேசிங் யெல்லோ வண்ணங்களில் கிடைக்கிறது. இந்த ஸ்மார்ட்போனை வாங்க விரும்பும் வாடிக்கையாளர்களுக்கு ரியல்மி நிறுவனம் ரூ. 3,000 வங்கி தள்ளுபடி மற்றும் ரூ. 6,000 வரை (எக்சேஞ்ச் தள்ளுபடி) வழங்குகிறது.

ரியல்மி GT 7 சீரிஸ் மாடல்களை வாங்குபவர்கள் ஒன்பது மாதங்கள் வரை வட்டியில்லா மாத தவணை முறை சலுகை பெறலாம். ரியல்மி GT 7-க்கான மாத தவண ரூ. 4,444-இல் தொடங்குகின்றன, மேலும் ரியல்மி GT 7T-க்கு ரூ. 3,889 ஆகும். அமேசான் பே ஐசிஐசிஐ கிரெடிட் கார்டு பயனர்களுக்கு ரூ. 1,199 வரை கேஷ்பேக் கிடைக்கும்.

ரியல்மி GT 7, ரியல்மி GT 7T அம்சங்கள்

ரியல்மி GT 7 மற்றும் GT 7T இரண்டும் ஆண்ட்ராய்டு 15 சார்ந்த ரியல்மி UI 6.0 உடன் வருகின்றன மற்றும் 32MP செல்ஃபி கேமரா கொண்டுள்ளன. இவை 120W சார்ஜிங் ஆதரவுடன் 7,000mAh பேட்டரியைக் கொண்டுள்ளன. அவை நான்கு வருட OS அப்டேட் ஆறு வருட செக்யூரிட்டி அப்டேட் பெறும்.

இந்த ஸ்மார்ட்போனில் 6.78-இன்ச் 1.5K (1,264×2,780 பிக்சல்) AMOLED டிஸ்ப்ளே 6,000 nits பீக் பிரைட்னஸ் மற்றும் 120Hz ரிப்ரெஷ் ரேட் உள்ளது. மறுபுறம், ரியல்மி GT 7T அதே அளவிலான பீக் பிரைட்னஸ் மற்றும் ரிப்ரெஷ் ரேட் உடன் 6.80-இன்ச் (1,280×2,800 பிக்சல்கள்) AMOLED டிஸ்ப்ளேவைக் கொண்டுள்ளது.

இந்தியாவில் மீடியாடெக் டிமென்சிட்டி 9400e சிப்செட், ரியல்மி GT 7 ஸ்மார்ட்போனில் அறிமுகமாகியுள்ளது, அதே நேரத்தில் ரியல்மி GT 7T, டிமென்சிட்டி 8400-மேக்ஸ் சிப்செட் கொண்டுள்ளது. இந்த ஸ்மார்ட்போன்கள் அதிகபட்சம் 12 GB ரேம் மற்றும் 512 GB வரை மெமரி வழங்கப்பட்டு இருக்கிறது.

ரியல்மி GT 7 ஸ்மார்ட்போனில் 50MP Sony IMX906 சென்சார், 50MP S5KJN5 டெலிஃபோட்டோ கேமரா மற்றும் 8MP OV08D10 அல்ட்ரா வைடு கேமரா உள்ளது. ரியல்மி GT 7T ஸ்மார்ட்போனில் 50MP Sony IMX896 சென்சார் மற்றும் 8MP OV08D10 அல்ட்ரா வைடு ஆங்கிள் கேமரா உள்ளது.

பேஸ்புக், கூகிள், ஆப்பிள், மைக்ரோசாப்ட் மற்றும் நெட்ஃபிக்ஸ் போன்ற முக்கிய தொழில்நுட்ப நிறுவனங்களின் 18.4 கோடிக்கும் அதிகமான பயனர்பெயர்கள் (Username) மற்றும் கடவுச்சொற்கள் (password) ஆன்லைனில் கசிந்துள்ளதாக சைபர் பாதுகாப்பு ஆராய்ச்சியாளர்கள் தெரிவித்துள்ளனர்.

இவற்றின் கோடிக்கணக்கான மின்னஞ்சல் முகவரிகள், கடவுச்சொற்கள் மற்றும் அங்கீகார URL களைக் கொண்ட பாதுகாப்பற்ற தளம் ஆன்லைனில் கண்டறியப்பட்டது.

இதுமட்டுமின்றி, வங்கிக் கணக்குகள், சுகாதார தளங்கள் மற்றும் அரசாங்க இணையதளங்களுக்கான Login தகவல்கள் உள்ளிட்ட முக்கியமான தரவுகளும் இந்தத் தளத்தில் இருப்பது கண்டறியப்பட்டுள்ளது.

இது சைபர் குற்றவாளிகளால் எளிதில் பயன்படுத்தக்கூடிய அபாயத்தை உருவாக்கி உள்ளது.

அபைபர் குற்றவாளிகள், வணிக ஆவணங்களைத் திருடவும், பெருநிறுவனங்களை உளவு பார்க்கவும், ரான்சம்வேர்  தாக்குதல்களைத் நடத்தவும் இவற்றைப் பயன்படுத்தலாம் என்று ஆராய்ச்சியாளர்கள் எச்சரிக்கின்றனர்.

இன்ஃபோஸ்டீலர் மால்வேர்:

இந்தத் தரவு இன்ஃபோஸ்டீலிங் மால்வேர் மூலம் திருடப்பட்டிருக்கலாம் என்று ஆராய்ச்சியாளர்கள் கூறுகின்றனர். லம்மா ஸ்டீலர் போன்ற மால்வேர்களை பயன்படுத்தி, சைபர் குற்றவாளிகள் ஹேக் செய்யப்பட்ட வலைத்தளங்கள் மற்றும் அமைப்புகளிலிருந்து பயனர்பெயர்கள், கடவுச்சொற்கள் மற்றும் கிரெடிட் கார்டு தகவல்களைத் திருடி டார்க் வெப்பில் விற்கிறார்கள்.

மேலும் இத்தகைய மால்வேர் தனிப்பட்ட சாதனங்களைப் பாதித்து, பாதுகாக்கப்பட்ட கடவுச்சொற்கள், மின்னஞ்சல்கள், குக்கீகளை திருடுகிறது

பயனர்களுக்கு எச்சரிக்கை

பேஸ்புக், கூகிள், ஆப்பிள், மைக்ரோசாப்ட், நெட்ஃபிக்ஸ், இன்ஸ்டாகிராம் மற்றும் ஸ்னாப்சாட் உள்ளிட்ட பல்வேறு சேவைகளில் ஒரே பயனர்பெயர் மற்றும் கடவுச்சொல்லைப் பயன்படுத்துபவர்கள் மிகவும் பாதிக்கப்படக்கூடியவர்கள் என்று நிபுணர்கள் சுட்டிக்காட்டியுள்ளனர்.

சைபர் குற்றவாளிகள் கணக்குகளை அணுகினால், அவர்கள் ஆன்லைன் மோசடி, அடையாள திருட்டு மற்றும் நிதி மோசடிகளுக்குப் பயன்படுத்தப்படலாம்.

எனவே தரவு மீறல்களிலிருந்து முற்றிலும் பாதுகாப்பாக இருக்க வழி இல்லை என்றாலும், வலுவான கடவுச்சொற்களைப் பயன்படுத்தவும் ஆராய்ச்சியாளர்கள் பரிந்துரைக்கின்றனர்.

இந்தத் தரவு கசிவு குறித்து விசாரணை தொடங்கப்பட்டுள்ளது. தொழில்நுட்ப நிறுவனங்களும் பாதுகாப்பு ஆராய்ச்சியாளர்களும் இந்தப் பிரச்சனையை ஆராய்ந்து வருகின்றனர். 

ஆப்பிளின் ஐபோன் 17 ஏர், இந்த ஆண்டின் பிற்பகுதியில், அந்நிறுவனத்தின் மிகமெல்லிய ஸ்மார்ட்போனாக அறிமுகமாகும் என்று எதிர்பார்க்கப்படுகிறது. புதிய ஐபோனின் பேட்டரி தொழில்நுட்பம் மற்றும் எடை பற்றிய விவரங்கள் டிப்ஸ்டர் மூலம் ஆன்லைனில் வெளியாகியுள்ளன.

ஐபோன் 17 ஏர் சமீபத்தில் அறிமுகப்படுத்தப்பட்ட சாம்சங் கேலக்ஸி S25 எட்ஜ்-ஐ விட சிறிய பேட்டரியைக் கொண்டிருக்கும் என்று எதிர்பார்க்கப்படுகிறது. ஆனால் இது அதன் ஆண்ட்ராய்டு ஓஎஸ் போட்டியாளரை விட மெல்லியதாகவும் இலகுவாகவும் இருக்கும். இருப்பினும், இது ஒரு பாரம்பரிய லித்தியம்-அயன் பேட்டரியை விட அதிக ஆற்றலை வழங்கும் நவீன பேட்டரி தொழில்நுட்பத்தைப் பயன்படுத்தலாம்.

ஐபோன் 17 ஏர் விவரங்கள்

பெயர் தெரியாத டிப்ஸ்டர் (X இல் @MajinBuOfficial என்று அழைக்கப்படுகிறார்) ஒரு வலைப்பதிவில் பகிர்ந்து கொண்ட விவரங்களின்படி, ஐபோன் 17 ஏர் சிலிக்கான்-கார்பன் பேட்டரி கொண்டிருக்கும் என்று தெரிவித்துள்ளார்.

இது குறித்து ஏற்கனவே வெளியான தகவல்களில் புதிய மெலிதான ஐபோன் மாடலில் 2800mAh பேட்டரி பொருத்தப்பட்டிருக்கும் என்று கூறப்பட்டன. இது பேசிக் மாடலை விட கணிசமாக சிறியது. இருப்பினும், சிலிக்கான்-கார்பன் பேட்டரியை பயன்படுத்துவது ஐபோன் 17 ஏர் மாடலில் முன்னர் எதிர்பார்த்ததை விட சிறந்த பேட்டரி பேக்கப் வழங்கக்கூடும்.

ஐபோன் 17 ஏர் ஆப்பிள் நிறுவனத்தின் மிக மெல்லிய ஸ்மார்ட்போனாக இருக்கும் என்று எதிர்பார்க்கப்படுகிறது. மேலும் இது 2025 ஆம் ஆண்டில் அறிமுகமாகும் மிக இலகுவான மாடல்களில் ஒன்றாகவும் இருக்கலாம். வரவிருக்கும் புதிய ஐபோன் மாடல் 146 கிராம் எடையுள்ளதாக இருக்கும் என்று டிப்ஸ்டர் கூறுகிறார்.

இது சமீபத்தில் வெளியான தகவல்களுடன் ஒத்துப்போகிறது, இது ஒரு லேசான மற்றும் மெலிதான ஐபோன் மாடலின் வருகையைக் குறிக்கிறது. பயோமெட்ரிக் அங்கீகாரத்திற்கான ஃபேஸ் ஐடிக்கான ஆதரவையும் இது வழங்கும் என்று எதிர்பார்க்கப்படுகிறது.

ஐபோன் 16 ப்ரோ மற்றும் ஐபோன் 16 ப்ரோ மேக்ஸ் போன்ற டைட்டானியத்தைப் பயன்படுத்துவதற்குப் பதிலாக, ஆப்பிள் நிறுவனம் ஐபோன் 17 ஏர் மாடல் 7000 சீரிஸ் அலுமினியம் அலாய் பயன்படுத்துவதாகக் கூறப்படுகிறது. இது 30 கிராம் வரை எடையுள்ளதாக இருக்கும். டிப்ஸ்டர் வேறு சில கூறுகளின் எடையையும் வெளிப்படுத்தியுள்ளார். மேலும் அவற்றில் மிகவும் கனமானது 120Hz OLED டிஸ்ப்ளே மற்றும் பேட்டரி ஆகும். மேலும் இவை ஒவ்வொன்றும் 35 கிராம் எடையுள்ளதாக கூறப்படுகிறது.

கேமராவை பொருத்தவரை ஐபோன் 17 ஏர் ஒற்றை 48MP பிரைமரி கேமரா மற்றும் 24MP செல்ஃபி கேமராவுடன் பொருத்தப்பட்டிருக்கும். இந்த ஸ்மார்ட்போன் ஆப்பிள் நிறுவனத்தின் A19 சிப் கொண்டிருக்கும் என்று எதிர்பார்க்கப்படுகிறது. மேலும் கடந்த ஆண்டு ஐபோன் 16 பிளஸ் மாடலைப் போலவே 8 ஜிபி ரேமுடன் வரக்கூடும். புதிய ஐபோனின் பின்புற பேனல் கண்ணாடியால் ஆனது என்றும், இது வயர்லெஸ் (மேக்சேஃப்) சார்ஜிங்கை ஆதரிக்கும் என்றும் டிப்ஸ்டர் கூறியுள்ளார்.