search icon
என் மலர்tooltip icon

    நீங்கள் தேடியது "புதிய கட்டுப்பாடுகள்"

    • வகுப்பறையில் செல்போன்கள் எரிச்சலூட்டுவதாக ஆசிரியர்கள் தெரிவித்தனர்
    • நல்ல கல்வியை குழந்தைகள் பெற நாம் சூழலை உருவாக்க வேண்டும் என்றார் சுனக்

    இங்கிலாந்து பள்ளிகளில் மாணவர்களும், மாணவிகளும் மொபைல் போன்களை உபயோகிக்க புதிய கட்டுப்பாடுகளை அந்நாட்டு அரசு கொண்டு வந்துள்ளது.

    இது குறித்து இங்கிலாந்து பிரதமர் ரிஷி சுனக் கருத்து தெரிவித்தார்.

    அதில் அவர் கூறியதாவது:

    முக்கியமான உரையாடலின் போது மொபைல் போன் தொடர்ந்து ஒலிப்பது எரிச்சலூட்டுகிறது.

    பல பள்ளிகளில் மொபைல் போன் தடை செய்யப்பட்டுள்ளது. தடை செய்யாமல் உள்ள பள்ளிகளுக்கு உதவ நமது கல்வி துறை புதிய விதிமுறைகளை வகுத்துள்ளது.

    பல ஆசிரியர்கள், தங்களால் வகுப்புகளில் கவனம் செலுத்த முடிவதில்லை என புகார் அளித்தனர்.

    மொபைல் போன்கள் வகுப்புகளில் கவனச்சிதறலை தூண்டுகிறது. எங்கெல்லாம் வகுப்புகளில் மொபைல் போன் தடை செய்யப்பட்டுள்ளதோ அங்கு மாணவர்களுக்கு கற்றலுக்கான சூழ்நிலை நன்றாக உள்ளது.

    எனவே புதிய விதிமுறைகள் உருவாக்கப்பட்டுள்ளது. குழந்தைகள் அவர்களுக்கு உரிமையுள்ள கல்வியை பெற அனைத்து சூழலையும் நாம் உருவாக்க வேண்டும்.

    இவ்வாறு அவர் கூறினார்.

    கற்றல் நேரம் குறைவதை தவிர்க்க, கல்வி துறை வகுத்துள்ள புதிய விதிமுறைகளில் ஒன்றாக, குழந்தைகள் பள்ளிக்கு வந்ததும் பள்ளி நிர்வாகத்திடம் ஒப்படைக்கவும், அவற்றை நிர்வாகம் பாதுகாப்பாக வைத்து குழந்தைகள் செல்லும் போது திரும்ப வழங்க ஏற்பாடுகளை செய்ய வேண்டும் என கூறப்பட்டுள்ளது. மேலும், பள்ளி முடியும் நேரம் வரை மாணவர்கள் செல்போனை பயன்படுத்துவதை தடுக்க தலைமை ஆசிரியருக்கு அதிகாரம் வழங்கி உள்ளது.

    இங்கிலாந்தில் 12 வயதை எட்டிய 97 சதவீத குழந்தைகளின் கைகளில் செல்போன் உள்ளது.

    கடந்த வருடம், ஐ.நா. சபையின் கல்வி, அறிவியல், பண்பாட்டிற்கான அமைப்பு (UNESCO) பள்ளிகளில் செல்போன்களை பயன்படுத்த அனுமதிப்பதால், குழந்தைகளின் கல்வி திறன் மற்றும் உடல்நலம் பாதிக்கப்படுவதாக அறிவித்தது குறிப்பிடத்தக்கது.

    • தேவதானப்பட்டி போலீஸ் நிலையத்தில் புதிய இன்ஸ்பெக்டராக சங்கர் பொறுப்பேற்றுக் கொண்டார்.
    • சுற்றுவட்டார கிராமங்களை சேர்ந்த ஆட்டோ ஓட்டுநர், உரிமையாளர்கள் மற்றும் நான்கு சக்கர வாகன ஓட்டுனர்களை அழைத்து ஆலோசனை நடத்தினார்.

    தேவதானப்பட்டி:

    தேவதானப்பட்டி போலீஸ் நிலையத்தில் புதிய இன்ஸ்பெக்டராக சங்கர் பொறுப்பேற்றுக் கொண்டார்.

    இதனையடுத்து தேவதானப்பட்டி மற்றும் சுற்றுவட்டார கிராமங்களை சேர்ந்த ஆட்டோ ஓட்டுநர், உரிமையாளர்கள் மற்றும் நான்கு சக்கர வாகன ஓட்டுனர்களை அழைத்து ஆலோசனை நடத்தினார்.

    ஆலோசனை கூட்டத்தில் சட்ட விதிகளின்படி ஓட்டுநர் சீருடை அணிந்தும், உரிய ஓட்டுநர் உரிமம் வைத்திருக்கவும், நேம் பேஜ் சட்டையில் பொறுத்தி இருக்க வேண்டும் என்றும் தெரிவித்தார்.

    மேலும் கட்சி, மதம் சார்ந்த கொடிகளோ அடையாளமோ ஆட்டோவில் இருக்க கூடாது. பயணிகளிடம் கனிவாக நடக்க வேண்டும். சட்டம் ஒழுங்கு பாதிக்கும் பட்சத்தில் நடவடிக்கைகள் கடுமையாக இருக்கும் என்று எச்சரிக்கை விடுத்தார்.

    அதைப் போன்று ஒலிபெருக்கிகளில் கட்சி பாடல்கள் அதிக அளவில் ஒலி வைத்து ஒலிபரப்பக் கூடாது. அது போன்ற வாடகை டாக்ஸி டிரைவர்கள் ஓட்டுநர் உரிமம் கண்டிப்பாக வைத்திருக்க வேண்டும் என்று தெரிவித்தார்.

    தேவதானப்பட்டி பகுதியில் மொத்தம் 4 ஆட்டோ உரிமையாளர்களின் சங்கம் உள்ளது. அதில் ஒரு சங்கத்தினர் கலந்து கொள்ளவில்லை என்பது குறிப்பிடத்தக்கது.

    • நடப்பு ஆண்டு வரை சொத்துவரி, குடிநீர் கட்டணத்தை முறையாக செலுத்தியிருக்க வேண்டும்.
    • 100 நாள் திட்டத்தின் மூலமாக, ஆதி திராவிடர் காலனியில் உள்ள ஏழை, எளிய மக்கள் அதிகம் பயன்பெறுகின்றனர்.

    திருப்பூர்,

    வேலை உறுதி திட்டத்தில் நடப்பு ஆண்டில்,281 ரூபாய் தினக்கூலி வழங்கப்படுகிறது. 100 நாள் திட்டத்தில் இதுவரை இல்லாத அளவுக்கு புதிய கட்டுப்பாடுகள் விதிக்கப்பட்டுள்ளன. அதன்படி, வேலை உறுதி திட்ட பணியாளர்எவ்வகையிலும் வரி நிலுவை வைத்திருக்க கூடாது.

    நடப்பு ஆண்டு வரை சொத்துவரி, குடிநீர் கட்டணத்தை முறையாக செலுத்தியிருக்க வேண்டும். அதுமட்டுமல்ல சமூக பாதுகாப்பு திட்டத்தில் ஓய்வூதிய உதவி பெறுபவராகவும் இருக்க கூடாது என திடீர் கட்டுப்பாடுகள் விதிக்கப்பட்டுள்ளது.வரி நிலுவை இருக்க கூடாது என்ற விதிமுறை நியாயமானதாக இருந்தாலும், ஓய்வூதிய உதவி பெறுவோருக்கு பணி வாய்ப்பை மறுக்க கூடாதென ஏழை, எளிய மக்கள் வலியுறுத்தியுள்ளனர்.

    இதுகுறித்து திருப்பூர் மாவட்ட வேலை உறுதி திட்ட தொழிலாளர்கள் சிலர் கூறியதாவது:-

    100 நாள் திட்டத்தின் மூலமாக, ஆதி திராவிடர் காலனியில் உள்ள ஏழை, எளிய மக்கள் அதிகம் பயன்பெறுகின்றனர்.வீட்டுவரி, குடிநீர் கட்டணம் நிலுவை இருக்க கூடாது என்கின்றனர். அவர்களுக்கு வேலை வழங்கி, சம்பளத்திலேயே பிடித்தம் செய்து கட்டலாம்.மாறாக பணி வாய்ப்பை பறிக்க கூடாது. விதவைகள், மாற்றுத்திறனாளிகள் ஓய்வூதிய உதவி பெற்றாலும் 100 நாள் திட்டத்தில் உழைப்புக்கு சம்பளம் பெறும் வாய்ப்பை மறுக்க கூடாது. தேவையற்ற கட்டுப்பாடுகளை நீக்க தமிழக அரசு முன்வர வேண்டும். இவ்வாறு அவர்கள் கூறினர்.

    ×