நீங்கள் தேடியது "tag 160511"

சென்னை:

இந்த ஆண்டு தமிழகத்தில் பாலிடெக்னிக் என்ற பலவகை தொழில்நுட்பக் கல்லூரிகளில் மாணவர்களை சேர்ப்பதற்கான அறிவிப்பை வெளியிடுகிறோம். பத்தாம் வகுப்பு தேர்வு முடிவுகள் வந்தபிறகு முதலாம் ஆண்டு பாலிடெக்னிக் கல்லூரிகளில் சேரும் மாணவர்களுக்கு தனியாகவும், பிளஸ்-1, பிளஸ்-2 படித்த மாணவர்கள் நேரடியாக 2-ம் ஆண்டு பாலிடெக்னிக் கல்வியில் சேர்வதற்கான அட்டவணை தனியாகவும் வெளியிடப்பட்டுள்ளது.

முதலாம் ஆண்டு பாலிடெக்னிக் கல்லூரி மாணவர் சேர்க்கைக்கான செய்தித்தாள் விளம்பரம் 30.6.2022 அன்று வெளியிடப்படும். முழு நேரம், பகுதிநேரம் மற்றும் சிறப்பு ஒதுக்கீட்டுக்கான ஆன்லைன் பதிவு 1.7.2022 அன்று தொடங்கி 15.7.2022 அன்று முடியும். முன்னாள் ராணுவ வீரர்கள், விளையாட்டு வீரர்களுக்கான சிறப்பு ஒதுக்கீடு கவுன்சிலிங் 22.7.2022 அன்று நடைபெறும். கல்வி நிறுவனங்களிடம் இருந்து பி-பாரம் பெறும் இறுதித் தேதி 29.7.2022 ஆகும்.

நேரடியாக பாலிடெக்னிக் 2-ம் ஆண்டு கல்வியில் சேர விரும்புவோருக்கு (ஆன்லைன்) செய்தித்தாள் விளம்பரம் 22.6.2022 அன்று வெளியிடப்படும். ஆன்லைன் பதிவு 23.6.2022 அன்று தொடங்கி 8.7.2022 அன்று முடியும்.

பொதுவாக பாலிடெக்னிக் கல்லூரிகளில் மாணவர் சேர்க்கை முன்பு குறைவாக இருந்தது. இப்போது சற்று சீர்பெற்றுள்ளது. இந்த கல்லூரிகளிலும் மாணவர் சேர்க்கையை அதிகரிக்க வேண்டும் என்பதற்காக இந்த ஆண்டு 10 புதிய பாடத்திட்டங்களை அறிமுகம் செய்யவுள்ளோம்.

எந்திரவியல் (கணினி மூலம் வடிவமைத்தல், ஆட்டோமொபைல் (சாண்ட்விச்), அலுவலக மேலாண்மை மற்றும் கணினி பயன்பாடு, இதயத்துடிப்பு பதிவு தொழில்நுட்பம், இணையவலை வடிவமைப்பு, தளவாட தொழில்நுட்பம், உயிர்மருத்துவ மின்னணுவியல், அக வனப்பியல், ஆடை வடிவமைப்பியல், வேளாண்மை பொறியியல் ஆகிய 10 புதிய பாடத்திட்டங்களை சென்னை மைய பாலிடெக்னிக் கல்லூரி, மாநில வணிகவியல் பயிலகம், டாக்டர் தர்மாம்பாள் அரசினர் மகளிர் பாலிடெக்னிக், புத்தூர் சீனிவாசா சுப்புராயா பாலிடெக்னிக், தந்தை பெரியார் ஈ.வெ.ரா. அரசினர் பாலிடெக்னிக் மற்றும் கோவை, மதுரை, நாகர்கோவில், திருச்சி, கரூர், அரியலூர், தூத்துக்குடி, ஊத்தங்கரை என மொத்தம் 13 அரசினர் பாலிடெக்னிக் கல்லூரிகளில் புதிதாக தொடங்கவிருக்கிறோம்.

இந்தப் பாடத்திட்டத்தில் 30 முதல் 60 மாணவர்கள் சேர்க்கப்படுவார்கள். மாணவர்கள் விரும்பும் வகையிலும், புதிய வேலைவாய்ப்புகளை உருவாக்கும் வகையிலும் இந்த பாடத்திட்டங்கள் அமைந்துள்ளன. இவை மற்ற பாலிடெக்னிக் கல்லூரிகளுக்கும் படிப்படியாக விரிவாக்கம் செய்யப்படும்.

என்ஜினீயரிங் படிப்புகளுக்கான மாணவர் சேர்க்கைக்கான நடைமுறைகள் குறித்து கல்வியாளர்களை கலந்தாலோசிக்க உள்ளோம். என்ஜினீயரிங் கல்வியில் சேர்ந்துவிட்டு, பின்னர் 'நீட்' தேர்வை எழுதி பல மாணவர்கள் மருத்துவக் கல்விக்கு சென்று விடுகின்றனர். எனவே 'நீட்' தேர்வுக்குப் பிறகு என்ஜினீயரிங் மாணவர் சேர்க்கையை நடத்துவது பற்றி இன்னும் ஒரு வாரத்தில் ஆலோசித்து முடிவு செய்யப்படும்.

என்ஜினீயரிங் சேர்க்கைக்காக விண்ணப்பிப்பது, கவுன்சிலிங் ஆகியவை ஆன்லைன் மூலம் நடத்தப்படும். அதை உறுதி செய்வதற்கான முடிவை அதற்கான குழு எடுக்கும். அதில் முன்பு நடந்ததுபோல முறைகேடு நடக்காத அளவுக்கு ஏற்பாடுகள் செய்யப்பட்டுள்ளன.

அரசுப் பள்ளிகளில் இருந்து விண்ணப்பிக்கும் வசதிகள் செய்து தரப்படும். இது தவிர விண்ணப்பிப்பதற்காக 100 இடங்களையும் ஏற்பாடு செய்து தருவோம். நேரடியாக மாணவர்களும், பெற்றோரும் வருவது அவர்களுக்கு சிரமத்தை ஏற்படுத்துகிறது. அதுபற்றி கேட்டாலும் பரிசீலிக்கலாம். ஆனால் இதுவரை வந்துள்ள கோரிக்கை ஆன்லைன் என்பதுதான்.

என்ஜினீயரிங் கல்லூரிகளில் கல்விக் கட்டணத்தை உயர்த்திக்கொள்ளலாம் என்று ஏ.ஐ.சி.டி.இ. கூறியுள்ளது. ஆனால் தமிழகத்தில் இந்த ஆண்டு பழைய கட்டணமே வசூலிக்கப்படும்.

அண்ணா பல்கலைக்கழகத்தில் பட்டமளிப்பு விழா நடத்துவதற்கான தேதியை தமிழக கவர்னர் கொடுப்பார். அதன் பிறகு ஏற்பாடுகள் செய்யப்படும். திறந்தவெளி பல்கலைக்கழக பட்டமளிப்பு விழா 30-ந் தேதி நடைபெறவுள்ளது.

இவ்வாறு அவர் கூறினார்.

சென்னை:

ஏழை மாணவர்கள் என்ஜீனியரிங் படிப்பதற்கு மத்திய அரசு குறைந்த வட்டியில் கல்விக்கடன் வழங்கும் திட்டத்தை அறிமுகப்படுத்தியது.

இத்திட்டத்தின் கீழ் வங்கிகளில் கடன் பெற்றவர்கள் படித்து ஒரு ஆண்டு வரை கடனை திருப்பி செலுத்த வேண்டியதில்லை. வட்டியை மட்டும் செலுத்தி வந்தால் போதும்.

வேலை கிடைத்ததும் தவணை முறையில் செலுத்த வேண்டும். ஆனால் ஏராளமான மாணவர்கள் படிப்பு முடிந்தும் வேலை இல்லாமல் தவிக்கிறார்கள். அவர்கள் கடனை திருப்பி செலுத்துவதில்லை.

தேசிய வங்கியான இந்தியன் வங்கியில் ஏராளமான கல்விக்கடன் வழங்கியதாக கூறப்படுகிறது. இதில் கோடிக்கணக்கில் வராக்கடனாக உள்ளது.

இதையடுத்து என்ஜினீயரிங் படிப்புக்கு கடன் வழங்குவதை நிறுத்தி வைத்துள்ளதாக வங்கி வட்டாரங்கள் தெரிவித்தன.

மருத்துவம், உயர்படிப்புகள், மேல்நாட்டு படிப்புகளுக்கு மட்டுமே கல்விக்கடன் வழங்கப்பட்டு வருகிறது.

வராக்கடனை வசூலிக்க அதற்காக அங்கீகரிக்கப்பட்ட குழுக்களுக்கு அனுமதி வழங்குவது பற்றி பரிசீலித்து வருகின்றனர். #IndianBank

தமிழ்நாட்டில் மருத்துவம், என்ஜினீயரிங் கல்லூரிகளில் பிளஸ்-2 மார்க் அடிப்படையில் மாணவர்கள் சேர்க்கை நடத்தப்பட்டு வந்தது.

இந்த நிலையில் 2016-ம் ஆண்டு மருத்துவ மாணவர் சேர்க்கை மத்திய அரசு நடத்தும் நீட் தேர்வு மார்க் அடிப்படையிலேயே இருக்க வேண்டும் என்று கூறி நீட் தேர்வை அறிமுகப்படுத்தியது.

ஆனால் நீட் தேர்வுக்கு கடும் எதிர்ப்பு தெரிவிக்கப்பட்டது. அந்த ஆண்டு மட்டும் நீட் தேர்வுக்கு தமிழகத்திற்கு விலக்கு அளிக்கப்பட்டது. ஆனால் கடந்த ஆண்டு நீட்தேர்வு கட்டாய நடைமுறைக்கு வந்தது. இந்த ஆண்டும் அதே நடைமுறையில் மாணவர் சேர்க்கை நடந்து வருகிறது.

இந்த நிலையில் என்ஜினீயரிங் கல்லூரி மாணவர் சேர்க்கையையும் அகில இந்திய நீட் தேர்வு அடிப்படையில் நடத்த அகில இந்திய தொழில்நுட்ப கல்வி கவுன்சில் திட்டமிட்டுள்ளது.

அவர் கூறும்போது, மருத்துவ கல்லூரிகளில் நடத்தப்படும் நீட் தேர்வு போலவே என்ஜினீயரிங் கல்லூரிகளுக்கும் நீட் தேர்வு நடத்த திட்டம் முன்வைக்கப்பட்டுள்ளது. எனவே 2019 கல்வியாண்டு முதல் என்ஜினீயரிங் படிப்புக்கும் நீட் தேர்வு வருவதற்கான வாய்ப்பு உள்ளது என்று கூறினார்.

தமிழ்நாட்டில் மருத்துவ கல்லூரி நீட் தேர்வையே இப்போதும் கடுமையாக எதிர்த்து கொண்டிருக்கும் நிலையில் என்ஜினீயரிங் கல்லூரிக்கும் நீட்தேர்வு வரும் என்பது அதிர்ச்சி அளிக்கிறது.

எனவே தமிழ்நாட்டில் இதற்கு கடும் எதிர்ப்பு கிளம்பும் என்று எதிர்பார்க்கப்படுகிறது. #Engineering #NEET

சென்னை:

இதுகுறித்து அண்ணா பல்கலைக்கழக என்ஜினீயரிங் மாணவர் சேர்க்கை கமிட்டி வெளியிட்டுள்ள அறிக்கையில் கூறியிருப்பதாவது:-

மாற்றுத்திறனாளி மாணவர்களுக்கு நாளை (6-ந்தேதி) கலந்தாய்வு நடத்தப்படுகிறது. தகுதியுள்ள மாணவர்கள் அன்று சென்னைக்கு வந்து கலந்தாய்வில் பங்கேற்க வேண்டும். இதற்கான தகவல் மாணவர்களுக்கு அனுப்பப்பட்டுள்ளன.

முன்னாள் ராணுவ வீரர்களின் பிள்ளைகளுக்கான ஒதுக்கிட்டு பிரிவு மாணவர்கள் 7-ந்தேதி நடக்கும் கலந்தாய்வில் பங்கேற்க வேண்டும். விளையாட்டுப் பிரிவு மாணவர்களுக்கு 8-ந்தேதி கவுன்சிலிங் நடக்கிறது. சான்றிதழ் சரிபார்ப்பில் தகுதி பெற்றவர்கள், சென்னைக்கு வந்து கலந்தாய்வில் பங்கேற்க வேண்டும்.

காலை 9.00 மணி, 10.30 மணி, நண்பகல் 12 மணி என 3 கட்டங்களாக கவுன்சிலிங் நடைபெறுகிறது. இதற்கான தகவல்கள் மாணவர்களுக்கு இ.மெயில், எஸ்.எம்.எஸ். வழியே அனுப்பப்பட்டுள்ளன.

இவ்வாறு அதில் கூறப்பட்டுள்ளது.

பொதுப்பிரிவு மாணவர்கள் தங்களின் விருப்ப பாடப்பிரிவு மற்றும் விருப்ப கல்லூரியை பதிவு செய்யும் நடவடிக்கைகளை https:www.tnea.ac.in மற்றும் www.annauniv.edu ஆகிய இணையதளங்களில் மட்டுமே மேற்கொள்ள வேண்டும் என மாணவர் சேர்க்கை செயலாளர் ரைமண்ட் உத்தரியராஜ் தெரிவித்துள்ளார்.

சென்னை:

என்ஜினீயரிங் கல்லூரிகளில் பி.இ., பி.டெக் படிப்புகளில் சேருவதற்கான கலந்தாய்வு இந்த ஆண்டு ஆன்லைன் மூலம் நடைபெறுகிறது.

இதற்கான விண்ணப்பங்கள் ஆன்லைன் மூலம் பெறப்பட்டுள்ளது. 1 லட்சத்து 59 ஆயிரம் மாணவ- மாணவிகள் விண்ணப்பித்துள்ளனர்.

மாணவ- மாணவிகள் ஆன்லைன் கலந்தாய்வில் பங்கேற்க அண்ணா பல்கலைக்கழகம் சார்பில் 42 உதவி மையங்கள் அமைக்கப்பட்டுள்ளன. சான்றிதழ் சரிபார்க்கும் பணி முதல் கல்லூரிகளை தேர்வு செய்வது வரை இந்த உதவி மையங்கள் மூலம் நடைபெறுகிறது.

மாணவ-மாணவிகளுக்கு உதவி செய்வதற்காக பல்கலைக்கழக ஊழியர்களும் ஈடுபடுத்தப்பட்டுள்ளனர்.

விண்ணப்பதாரர்களுக்கு எஸ்.எம்.எஸ். மூலம் தகவல் ஏற்கனவே அனுப்பப்பட்டுள்ளது. அதன்படி அந்தந்த உதவி மையங்களில் குறித்த நேரத்திற்கு சென்று சான்றிதழ்களை காண்பித்து சரிபார்த்துக் கொள்ள வேண்டும்.

சான்றிதழ் சரிபார்க்கும் பணி காலை 9 மணிக்கு தொடங்கியது. மாணவ- மாணவிகளுக்கு ஒதுக்கப்பட்ட நேரத்தில் அசல் சான்றிதழ்களை பல்கலைக் கழக அதிகாரிகள் ஆய்வு செய்தனர்.

மாணவர் சேர்க்கை செயலாளர் ரைமண்ட் உத்திரிய ராஜ் மேற்பார்வையில் இந்த பணி நடைபெற்றது.

விண்ணப்பதாரர்கள் கொண்டு வந்த சான்றிதழ்கள் சரியாக உள்ளதா? என்று ஆய்வு செய்து அதன் பின்னரே அனுப்பப்பட்டனர்.

மாணவ-மாணவிகளுடன் பெற்றோர்களும் அண்ணா பல்கலைக்கழகத்தில் குவிந்தனர். தினமும் 20 ஆயிரம் பேர் வீதம் சரிபார்ப்புக்கு அழைக்கப்பட்டுள்ளனர். #AnnaUniveristy

சென்னை:

தமிழகத்தில் உள்ள 509 பொறியியல் கல்லூரிகளில் பி.இ., பி.டெக் படிப்புகளில் சேருவதற்கு அண்ணா பல்கலைக்கழகம் ஆன்லைன் கலந்தாய்வு முறையினை இந்த ஆண்டு முதன் முதலாக செயல்படுத்துகிறது.

இணைய தளம் வழியாக ஒரு லட்சத்து 59 ஆயிரத்து 631 மாணவ-மாணவிகள் விண்ணப்பித்துள்ளனர். அவர்களுக்கு ரேண்டம் எண்களும் வழங்கப்பட்டுள்ளன.

மாணவர்கள் ஆன்லைன் மூலம் கலந்தாய்வு நடத்த 42 உதவி மையங்கள் தமிழகம் முழுவதும் அமைக்கப்பட்டுள்ள அந்தந்த மாவட்டங்களை சேர்ந்தவர்கள் அந்த மையங்களுக்கு சென்று இணைய தளம் வழியாக கல்லூரிகளை தேர்வு செய்து கொள்ள முடியும். முதல் கட்டமாக மாணவர்களின் சான்றிதழ்கள் சரிபார்க்கும் பணி நாளை (8-ந்தேதி) தொடங்கி 14-ந்தேதி வரை ஒரு வாரம் நடக்கிறது.

சென்னையில் மட்டும் 17-ந்தேதி வரை நடத்த திட்டமிடப்பட்டுள்ளது. சான்றிதழ் சரி பார்ப்பதற்கு எந்தெந்த தேதியில் எந்த நேரத்தில் வர வேண்டும் என்பது குறித்த தகவல் மாணவர்களின் செல்போனுக்கு குறுஞ்செய்தியாக அனுப்பப்படுகிறது.

தினமும் 20 ஆயிரம் மாணவர்கள் சான்றிதழ் சரிபார்ப்பில் பங்கேற்க தகவல் அனுப்பப்படுகிறது. தேதி, நேரம், டோக்கன், எண் போன்ற விவரங்கள் குறுஞ்செய்தியாக அனுப்புகின்றனர்.

20 ஆயிரம் மாணவர்கள் வீதம் தினமும் அழைக்கப்படுகிறார்கள். மாணவர்கள் எந்த தேதியில், எந்த நேரத்திற்கு உதவி மையத்திற்கு வர வேண்டும் என்ற தகவல் எஸ்.எம்.எஸ். மூலம் அனுப்பப்படுகிறது. அதில் குறிப்பிட்டுள்ள காலத்திற்கு ஒரு மணி நேரம் முன்னதாக மாணவர்கள் உதவி மையம் வந்துவிட வேண்டும்.

எஸ்.எம்.எஸ். தவிர இ.மெயில் மூலமாகவும் இந்த தகவல் அனுப்பப்பட்டுள்ளது.

சென்னையில் அண்ணா பல்லைக்கழகம், காஞ்சீபுரத்திற்கு எம்.ஐ.டி., திருவள்ளூர் மாவட்டத்திற்கு ஆவடி முருகப்பா பாலிடெக்னிக் கல்லூரி ஆகியவை உதவி மையங்களாக செயல்படுகின்றன.

இவ்வாறு அவர் கூறினார்.

விண்ணப்பதாரர்கள் வேறு ஏதாவது கல்வி நிறுவனங்களில் சேர்ந்து இருந்து ஒரிஜினல் சான்றிதழ் அங்கு இருக்கும் பட்சத்தில் அந்த நிறுவனத்தில் இருந்து கடிதம் பெற்று வர வேண்டும். மேலும் அந்த சான்றிதழ்களின் நகல்களில் நிறுவனத்தின் முத்திரையிட்டு உரிய அதிகாரி கையெழுத்து பெற வேண்டும்.

ஆனாலும் ஒரிஜினல் சான்றிதழ் சமர்ப்பிக்கப்படும் வரை ஒரிஜினல் ஒதுக்கீட்டு ஆணை தற்காலிகமாக நிறுத்தி வைக்கப்படும். அதனால் கலந்தாய்வில் ஒதுக்கீட்டு கடிதம் பெறும் வரையில் மாற்று சான்றிதழுக்கு விண்ணப்பிக்க வேண்டாம் என அறிவுறுத்தப்படுகிறது.

சான்றிதழ் சரிபார்ப்புக்கு மாணவர்கள் வர முடியாத பட்சத்தில் பெற்றோர்கள் பங்கேற்கலாம். மாணவர்கள் போட்டோவுடன் கூடிய கடிதத்தை பெற்றோர் சமர்பிக்க வேண்டும். பெற்றோர்களும் தங்களுடைய ஓட்டுனர் உரிமம், பான்கார்டு, பாஸ்போர்ட், வாக்காளர் அடையாள அட்டை, ஆதார் கார்டு ஆகியவற்றில் ஏதேனும் ஒன்றை அடையாளமாக காண்பிக்க வேண்டும்.

மாணவர்கள் தங்கள் ஒரிஜினல் சான்றிதழ்களை கொண்டு வந்து சரிபார்த்து கொள்ள வேண்டும். சான்றிதழ் சரி பார்ப்புக்கு 10-ம் வகுப்பு, 12-ம் வகுப்பு மதிப்பெண் பட்டியல், பிளஸ்-2 ஹால் டிக்கெட், மாற்று சான்றிதழ் (டி.சி.), ஜாதிச்சான்று, குடியுரிமை சான்று, வருவாய் சான்று, சிறப்பு சலுகை பெறக்கூடியவர்கள் அதற்கான சான்றிதழ்களை கொண்டு வர வேண்டும். #Engineering #AnnaUniversity

சென்னை:

தமிழ்நாடு முழுவதும் 564 என்ஜினீயரிங் கல்லூரிகள் உள்ளன. இந்த கல்லூரிகளில் பி.இ., பி.டெக். படிப்புகளில் 2 லட்சத்திற்கு மேல் இடங்கள் உள்ளன. இந்த இடங்களில் அரசு ஒதுக்கீட்டு இடங்கள் 65 சதவீதம். நிர்வாக ஒதுக்கீட்டு இடங்கள் 35 சதவீதம் ஆகும்.

அதுவே கல்லூரி சிறுபான்மையினர் கல்லூரியாக இருந்தால் அரசு ஒதுக்கீட்டு இடங்கள் 50 சதவீதம், நிர்வாக ஒதுக்கீட்டு இடங்கள் 50 சதவீதம்.

அரசு ஒதுக்கீட்டு இடங்களில் மாணவர்கள் சேர அண்ணா பல்கலைக்கழகம் கலந்தாய்வு நடத்தி வருகிறது.

இந்த வருடம் முதல் ‘ஆன்லைன்’ மூலம் விண்ணப்பிக்கலாம் என்றும், ஆன்லைன் மூலம் கலந்தாய்வு நடத்தப்படும் என்றும் அண்ணா பல்கலைக்கழகம் சார்பில் அறிவிக்கப்பட்டு உள்ளது.

ஆன்லைன் மூலம் வீடுகளில் இருந்து விண்ணப்பிக்க இயலாதவர்கள் தமிழ்நாடு முழுவதும் அண்ணா பல்கலைக்கழகம் அனைத்து மாவட்டங்களிலும் ஏற்பாடு செய்துள்ள 42 உதவி மையங்களுக்கு சென்று விண்ணப்பித்து வருகிறார்கள்.

இந்த மையங்களில் விண்ணப்பிக்கும் பணிகள் அனைத்தும் இலவசம்.

என்ஜினீயரிங் படிப்பதற்கு இதுவரை 1 லட்சத்து 40 ஆயிரம் பேர் விண்ணப்பித்து உள்ளனர். அவர்களில் 10 சதவீதம் பேர் தான் உதவி மையம் மூலம் விண்ணப்பித்து உள்ளனர்.

என்ஜினீயரிங் படிப்புக்கு விண்ணப்பிக்க நாளை கடைசிநாள் என்பது குறிப்பிடத்தகுந்தது. 

என்ஜினீயரிங் கல்லூரிகளில் சேர மாணவர்கள் ஆர்வம் காட்டவில்லை. இதனால், என்ஜினீயரிங் கவுன்சிலிங்கில் இடங்கள் முழுமையாக நிரம்பாமல் காலியாக இருந்தன. இதன் எண்ணிக்கை ஆண்டுக்கு ஆண்டு அதிகரித்தது. மேலும், பல என்ஜினீயரிங் கல்லூரிகள் மூடும் நிலைக்கு தள்ளப்பட்டன.


தமிழ்நாட்டில் இந்த ஆண்டு 139 என்ஜினீயரிங் கல்லூரிகளில் இடங்களை குறைக்க உத்தரவிட்டுள்ளது. இதன் மூலம் கடந்த ஆண்டைவிட 15 ஆயிரத்து 981 என்ஜினீயரிங் இடங்கள் இந்த ஆண்டு குறைகிறது.

தமிழ்நாட்டில் 12 என்ஜினீயரிங் கல்லூரிகளை மூட அனுமதி அளிக்கப்பட்டு இருக்கிறது. இதனால் 3252 இடங்கள் குறைகிறது. 9 என்ஜினீயரிங் கல்லூரிகளில் முதல் ஆண்டு மாணவர் சேர்க்கை அனுமதி அளிக்கப்படவில்லை. 87 என்ஜினீயரிங் கல்லூரிகள் இந்த ஆண்டு மாணவர் சேர்க்கைக்கு அனுமதி கேட்டு விண்ணப்பிக்கவில்லை.

இந்த ஆண்டு நாடு முழுவதும் 1 லட்சத்து 57 ஆயிரம் என்ஜினீயரிங் இடங்களை குறைத்து அகில இந்திய தொழில்நுட்ப கல்வி கவுன்சில் உத்தரவிட்டுள்ளது. #Engineering