நீங்கள் தேடியது "சந்திரபாபுநாயுடு"

புதுடெல்லி:

இந்தியாவில் பணக்கார முதல்-மந்திரிகள் பட்டியலில் ஆந்திர முதல்-மந்திரி சந்திரபாபு நாயுடு மீண்டும் முதலிடத்தை பெற்றுள்ளார். இந்த பட்டியலில் மம்தா பானர்ஜிக்கு கடைசி இடமே கிடைத்துள்ளது.

ஜனநாயக சீர்திருத்த சங்கம் (ஏ.டி.ஆர்.) ஆண்டுதோறும் பல்வேறு புள்ளிவிவரங்களை வெளியிடும். அதன்படி இந்த ஆண்டில் இந்தியாவின் பணக்கார முதல்-மந்திரிகள் பட்டியலை வெளியிட்டுள்ளது.

அந்த பட்டியலின்படி ஆந்திர முதல்-மந்திரி சந்திரபாபுநாயுடு, ரூ.931 கோடி சொத்து மதிப்புகளுடன் இந்த ஆண்டும் முதல் இடத்தை பிடித்துள்ளார்.

இதற்கு காரணம் அவர் அரசியலுக்கு வருவதற்கு 7 ஆண்டுகளுக்கு முன்பே அவர் தொடங்கிய பால் உற்பத்தி நிறுவனமாகும்.

கடந்த 1992-ம் ஆண்டு ரூ.1 கோடி அங்கீகரிக்கப்பட்ட மூலதனத்துடனும் ரூ.7 ஆயிரம் செலுத்தப்பட்ட மூலதனத்துடனும் அவர் தொடங்கிய அந்த நிறுவனம் தற்போது பல இடங்களில் கிளைகளை பரப்பி, விரிவடைந்து ரூ.931 கோடி சொத்து மதிப்பை கொண்டுள்ளது.

இந்த நிறுவனத்தில் பெரும்பாலான பங்குகள் சந்திரபாபுநாயுடுவின் குடும்பத்தினரிடம் உள்ளது. இதில் சந்திரபாபுநாயுடு பெயரில் எந்த சொத்தும் இல்லை என்றாலும் அவருடைய மனைவி புவனேஸ்வரிக்கு 24.37 சதவீத பங்குகள் உள்ளன. அந்த பங்குகள் சந்திரபாபுநாயுடுக்கு சொந்தமானதாகவே கணக்கில் எடுக்கப்பட்டுள்ளது.

அந்த நிறுவனத்தின் மொத்த பங்குகளில் நாரா (சந்திரபாபுநாயுடு குடும்ப பெயர்) குடும்பத்தினர் மொத்தம் 41.3 சதவீதத்தை வைத்துள்ளனர். இதன் மதிப்பு 1995-ம் ஆண்டு ரூ.25 கோடியாக இருந்தது. அதன் சந்தை மூலதனம் ரூ.4,381 கோடியாக உயர்ந்துள்ளது.

கடந்த 2024-ம் ஆண்டு ஜூன் மாதம், அந்த நிறுவனத்தின் சந்தை மூலதனம் ரூ.6,755 கோடியை எட்டியது. அதிகபட்சமாக 1,81,907 பங்குதாரர்களை கொண்டுள்ளது.

ஏ.டி.ஆர். வெளியிட்டுள்ள பட்டியலில் கடைசி வரிசையில் மேற்குவங்காள முதல்-மந்திரி மம்தா பானர்ஜி உள்ளார். அவர்தான் மிகவும் வசதி குறைந்தவராக உள்ளார்.

இந்த புள்ளிவிவரங்கள் அனைத்தும் தேர்தலின்போது பிரமாணப்பத்திரத்தில் தாக்கல் செய்ததின் அடிப்படையில் வெளியிடப்பட்டுள்ளது.

ஆந்திர மாநில முதலமைச்சர் சந்திரபாபு நாயுடு அவருடைய குப்பம் தொகுதியில் வசிக்கும் 250 குடும்பத்தினரை தத்தெடுத்துள்ளார்.

ஆந்திர மாநில அமைச்சர்கள் மற்றும் மக்கள் பிரதிநிதிகள் கலெக்டர்களுடன் சந்திரபாபு நாயுடு ஆலோசனை நடத்தினார்.

அப்போது வறுமையை ஒழிக்கும் திட்டம் குறித்த சுவரொட்டியை வெளியிட்டார்.

அவர் கூறுகையில்:- நான் குப்பம் தொகுதியில் 250 குடும்பங்களை தத்தெடுக்கிறேன். அவர்களின் ஒட்டுமொத்த வளர்ச்சி எனது பொறுப்பு.

வறுமையை ஒழிக்கும் திட்டத்தின் ஒரு பகுதியாக நானே களம் இறங்கி இதனை நடைமுறைப்படுத்துகிறேன். சமூகத்தில் பொருளாதார இடைவெளியை குறைக்கும் நோக்கத்துடன் இந்த திட்டம் கொண்டுவரப்பட்டுள்ளது. இதைப்போல மாநிலத்தில் ஏழை குடும்பத்தினரை தத்தெடுக்க முன்வர வேண்டும்.

இவ்வாறு அவர் கூறினார்.

திருப்பதி:

திருப்பதியில் இருந்து திருமலை செல்லும்பாதையில் அலிபிரி அருகே வனவிலங்குகள் சரணாலயம் (எஸ்.வி.ஜூ பார்க்) அமைந்துள்ளது. இதன் அருகே 25 ஏக்கர் பரப்பளவில் ரூ.1000 கோடியில் வெங்கடேஸ்வரா புற்றுநோய் ஆராய்ச்சி மருத்துவமனை கட்டப்பட உள்ளது. இதற்கான அடிக்கல் நாட்டு விழா நேற்று நடந்தது.

இதில் கலந்து கொள்வதற்காக ஆந்திர முதல்-மந்திரி சந்திரபாபுநாயுடு நேற்று காலை கண்ணவரத்திலிருந்து விமானத்தில் புறப்பட்டார். அவரது விமானம் ரேணிகுண்டா விமான நிலையத்தில் 11.20-க்கு தரை இறங்கியது. விமானத்தில் இருந்து இறங்கிய முதல்-மந்திரி சந்திரபாபு நாயுடுவுக்கு கலெக்டர் பி.எஸ்.பிரதியும்ணா, டி.ஐ.ஜி. (பொறுப்பு) ஜி.சீனிவாஸ், திருமலை தேவஸ்தான இணை அதிகாரி சீனிவாசராஜூ, விமான நிலைய இயக்குனர் புல்லா நானி ஆகியோர் பூங்கொத்து கொடுத்து வரவேற்றனர்.

பின்னர் ஹெலிகாப்டர் மூலமாக முதல்-மந்திரி சந்திரபாபு நாயுடு வெங்கடேஸ்வரா புற்றுநோய் ஆராய்ச்சி மருத்துவமனை அமைய உள்ள இடத்துக்கு சென்று இறங்கினார். விழாவில் பங்கேற்பதற்காக தொழில் அதிபர் ரத்தன் டாடாவும் வந்திருந்தார்.

ஹெலிகாப்டரில் இருந்து இறங்கிய முதல்-மந்திரி சந்திரபாபு நாயுடுவுக்கு நகர்ப்புற வளர்ச்சித்துறை அமைச்சர் நாராயணா, துணை கலெக்டர் பி.எஸ்.கிரீஷா, புறநகர் மாவட்ட போலீஸ் சூப்பிரண்டு அபிஷேக் மஹந்தி, சுகுணம்மா எம்.எல்.ஏ., ரஷ் மருத்துவமனை இயக்குனர் சிப்பாயி சுப்பிரமணியம் ஆகியோர் வரவேற்றனர்.

பின்னர் நடந்த விழாவில் புற்றுநோய் ஆராய்ச்சி மருத்துவமனைக்கு பூமி பூஜை நடந்தது. இதில் முதல்-மந்திரி சந்திரபாபு நாயுடு, ரத்தன் டாடா ஆகியோர் கலந்து கொண்டனர். தொடர்ந்து அடிக்கல் நாட்டப்பட்டது. முன்னதாக திருப்பதி ஏழுமலையான் கோவிலில் ரத்தன்டாடா சாமி தரிசனம் செய்தார். அவருக்கு கோவிலில் சிறப்பு மரியாதை வழங்கப்பட்டு லட்டு மற்றும் தீர்த்த பிரசாதத்துடன் வெங்கடாசலபதி படமும் வழங்கப்பட்டது. #ChandrababuNaidu